မုံရွာ၊ စက်တင်ဘာ ၉

၂၀၂၄-ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ၏ ဦးဆောင်လမ်းညွှန်မှုဖြင့် တိုင်း ဒေသကြီးအားကစားနှင့်ကာယပညာဦးစီးဌာနနှင့် တိုင်းဒေသကြီး ဘော်လီဘောဆပ် ကော်မတီတို့ ပူးပေါင်းကျင်းပသည့် “ရွှေမင်းဝံ”ဖလား အလွတ်တန်း အမျိုးသား/အမျိုး သမီး ဘော်လီဘောပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားကို ယမန်နေ့ ညနေပိုင်း တွင် စစ်ကိုင်းမြို့၊ ပိုးတန်းရပ်ကွက်ရှိ မိုးလုံလေလုံအားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အားကစား သမားများ၊ အသင်းအုပ်ချုပ်သူများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသမီး ဗိုလ်လုပွဲစဉ် အဖြစ် စစ်ကိုင်းတိုင်းလူငယ်အသင်းနှင့် ပျဉ်းမနားလူငယ် အသင်းတို့ယှဉ်ပြိုင်ကစားနေမှု များအား လည်းကောင်း၊ အမျိုးသားဗိုလ်လုပွဲစဉ်အဖြစ် ယမုံအိမ့်ရှိုင်းအသင်းနှင့် ရွှေခြင်း လုံးအသင်းတို့ ယှဉ်ပြိုင်ကစားနေမှုများအား လည်းကောင်း ကြည့်ရှုအားပေးကြသည်။

ဆက်လက်၍ ဆုချီးမြှင့်ပွဲအခမ်းအနားကို ကျင်းပရာ စစ်ကိုင်းခရိုင် စီမံအုပ်ချုပ်ရေး အဖွဲ့ ဉက္ကဌနှင့် တိုင်းဒေသကြီးအဆင့် ဌာနဆိုင်ရာများက အမျိုးသား/သမီး ပွဲစဉ်တစ် လျှောက် နေရာအလိုက်အကောင်းဆုံးဆုရရှိကြသူများအား ဂုဏ်ပြုဆုတံဆိပ်နှင့် ငွေသား ဆုများ အားပေးအပ်ချီးမြှင့်ကြသည်။

ထို့နောက် တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက အမျိုး သမီး တတိယဆုရရှိသော အားကစားနှင့်ကာယပညာသိပ္ပံ(မန္တလေး) အသင်းအား တစ်ဦး ချင်းဆုတံဆိပ်နှင့် ငွေသားဆုငွေကျပ် - ၁၀ သိန်းအား လည်းကောင်း၊ တိုင်းဒေသကြီး ပညာရေးမှူးက အမျိုးသား တတိယဆုရရှိသော လက်ပန်လှအသင်းအား တစ်ဦးချင်းဆုတံဆိပ်နှင့်ငွေသားဆုငွေကျပ်သိန်း- ၂၀ အားလည်းကောင်း၊ တိုင်းဒေသကြီး အစိုးရ အဖွဲ့အတွင်းရေးမှူးက အမျိုးသမီး ဒုတိယဆုရရှိသော ပျဉ်းမနားအသင်းအား တစ်ဦးချင်း ဆုတံဆိပ်၊ငွေသားဆုငွေကျပ်သိန်း- ၂၀ နှင့်ဆုဖလားအား လည်းကောင်း၊ တိုင်းဒေသကြီး လမ်းပန်း ဆက်သွယ်ရေးရာဝန်ကြီးက အမျိုးသား ဒုတိယဆုရရှိသော ရွှေခြင်းလုံးအသင်း အား တစ်ဦးချင်းဆုတံဆိပ်၊ငွေသားဆုငွေကျပ်သိန်း - ၃၀ နှင့် ဆုဖလားအား လည်း ကောင်း၊ တိုင်းဒေသကြီး လူမှုရေးရာဝန်ကြီးက အမျိုးသမီး ပထမဆုရရှိသော စစ်ကိုင်း လူငယ်အသင်းအား တစ်ဦးချင်းဆုတံဆိပ်၊ ငွေသားဆုငွေကျပ်သိန်း - ၃၀ နှင့် ဆုဖလား အားလည်းကောင်း အသီးသီး ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသား ပထမဆုရရှိ သော ယမုံအိမ့်ရှိုင်းအသင်းအား တစ်ဦးချင်းဆုတံဆိပ်၊ ငွေသားဆုငွေကျပ်သိန်း - ၅၀ နှင့် ဆုဖလားတို့အား အသင်းအုပ်ချုပ်သူများနှင့် တာဝန်ရှိသူများထံ ပေးအပ်ခဲ့ပြီး ဆုရရှိသူ များနှင့်အတူ စုပေါင်းမှတ်တမ်းတင်ဓါတ်ပုံရိုက်ကူးကာ ပြိုင်ပွဲဝင်အားကစားသမားများ အား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ စက်တင်ဘာ ၈

စစ်ကိုင်းတိုင်းဒေသကြီး ၂၀၂၄-ခုနှစ်၊ နိုင်ငံတကာစာတတ်မြောက်ရေးနေ့ အထိမ်းအမှတ် အခမ်းအနားကို စက်တင်ဘာလ ၈ ရက်၊ မွန်းလွဲပိုင်းတွင် စစ်ကိုင်းမြို့၊ မြို့တော်ခန်းမ၌ ကျင်းပ ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းမြို့ပေါ်ရှိ အခြေခံပညာ ကျောင်းများမှ ကျောင်းအုပ်ကြီးများနှင့် ဆရာ/ဆရာမများ၊ ဆုရကျောင်းသား/သူများနှင့် ဖိတ် ကြားထားသူများ တက်ရောက်ကြသည်။

ဦးစွာ စစ်ကိုင်းမြို့၊ အမှတ်(၁)အခြေခံပညာအထက်တန်း ကျောင်းမှ ကျောင်းသား/သူ များက “ဝထကလသ”တေးသီချင်းသီဆို၍ အခမ်းအနားအား ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စာတတ်မြောက်ရေးဆိုင်ရာ လုပ်ငန်းများသည် လူမှုအဖွဲ့အစည်း အခြေခံအခန်းကဏ္ဍမှပါဝင်သည့် မရှိမဖြစ် လူ့အခွင့်အရေး တစ်ရပ်အဖြစ် သိရှိနားလည်စေရန် အခြေခံစာတတ်မြောက်ရေးလုပ်ငန်းများအား အရှိန်အဟုန် မြှင့်တင် ဆောင်ရွက်လျက်ရှိပါကြောင်း၊ မိမိတို့တိုင်းဒေသကြီးအနေဖြင့် စာမတတ်သူများ အတွက် အခြေခံစာတတ်မြောက်ရေးလုပ်ငန်းအစီအစဉ်များအား နှစ်အလိုက်ဆောင်ရွက်လျက် ရှိရာ ကျေးလက်နေပြည်သူများအား ရက်ပေါင်း ၄၀ နာရီပေါင်း ၁၂၀ ဖြင့် လုပ်အားပေးဆရာ၊ ဆရာမ ၈၁၆ ဦးတို့မှ စာသင်ဝိုင်း ၅၃၈ ခုဖြင့် စာသင်သား ၈၃၁၁ ဦးအား စာတတ်မြောက်အောင် သင်ကြားပေးနိုင်ခဲ့ပါကြောင်း၊ အခြေခံစာတတ်မြောက်ရေးလုပ်ငန်းများအား ဝိုင်းဝန်းကူညီပေးခဲ့ ကြသည့် ဌာနအဖွဲ့အစည်းများနှင့် လူမှုရေးအသင်းအဖွဲ့များအား မိမိတို့တိုင်းဒေသကြီးအစိုးရ အဖွဲ့အနေဖြင့် ကျေးဇူးအထူးတင်ရှိပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး ပညာရေးမှူးက ကမ္ဘာ့ကုလသမဂ္ဂ၊ ယူနက်စကိုညွှန်ကြား ရေးမှူးချုပ်ရုံးမှပေးပို့သော သဝဏ်လွှာအားဖတ်ကြားပြီး မြန်မာနိုင်ငံစာတတ်မြောက်ရေး လှုပ် ရှားမှု မှတ်တမ်း Video Clip အား ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တာဝန် ရှိသူများက ၂၀၂၄-ခုနှစ်၊ နိုင်ငံတကာစာတ်မြောက်ရေးနေ့ အထိမ်းအမှတ် အထက်တန်း၊အလယ် တန်းအဆင့် စာစီစာကုံး၊ ကဗျာ၊ ဆောင်းပါး၊ ပန်းချီပြိုင်ပွဲများတွင် ပထမ၊ ဒုတိယ၊ တတိယဆု ရရှိကြသော ကျောင်းသား/သူများအား ဂုဏ်ပြုချီးမြှင့်ငွေနှင့် ဂုဏ်ပြုမှတ်တမ်းလွှာများအား အသီးသီးပေးအပ်ချီးမြှင့်ကြသည်။

ဆက်လက်ပြီး စစ်ကိုင်းမြို့၊အမှတ်(၁)အခြေခံပညာအထက်တန်းကျောင်းမှ ကျောင်း သား/သူများက “စေတနာပန်းတို့ လန်းရာမြေ”တေးသီချင်းဖြင့် သီဆိုဖျော်ဖြေကြရာ တိုင်းဒေ သကြီး လမ်းပန်း ဆက်သွယ်ရေးရာဝန်ကြီးက သီဆိုဖျော်ဖြေပေးသွားကြသော ကျောင်းသား/သူ များအား ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ကြပြီး စုပေါင်းမှတ်တမ်း ဓါတ်ပုံရိုက်ကူးကြ သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ပြီး ၂၀၂၄-ခုနှစ်၊ နိုင်ငံတကာစာတတ် မြောက်ရေးနေ့အထိမ်းအမှတ် အထက်တန်း၊ အလယ်တန်းအဆင့် ဆုရစာစီစာကုံး၊ ကဗျာ၊ ဆောင်းပါး၊ ပန်းချီများနှင့် မှတ်တမ်းဓါတ်ပုံများအား ကြည့်ရှုအားပေးခဲ့ကြောင်း သိရသည်။

စစ်ကိုင်း- စက်တင်ဘာ- ၈

စစ်ကိုင်းတိုင်းဒေသကြီး (၂၅) ကြိမ်မြောက်ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲအခမ်းအနားကို ယနေ့နံနက်ပိုင်းကစစ်ကိုင်းပညာရေးတက္ကသိုလ် ဘွဲ့နှင်းသဘင် ခန်းမ၌ကျင်းပရာ တိုင်းဒေသကြီးဝန်ကြီးချုပ်ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးနှင့်ခရိုင်အဆင့်ဌာနဆိုင်ရာများ၊ ပြိုင်ပွဲအကဲဖြတ်ပညာရှင် များ နှင့် ပြိုင်ပွဲဝင်များ တက်ရောက်ကြသည်။

ရှေးဦးစွာတိုင်းဒေသကြီးဝန်ကြီးချုပ်ဦးမြတ်ကျော်က(၂၅)ကြိမ်မြောက်ငွေရတု အထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ အဖွင့်အမှာစကားပြောကြားရာတွင် “စစ်ကိုင်းတိုင်းဒေသကြီးအနေဖြင့် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲတွင် အဆင့်မီမီ ပါဝင်ယှဉ်ပြိုင်နိုင်ရေးအတွက် တိုင်းဒေသကြီး အစိုးရအဖွဲ့ဝင်ဝန်ကြီးများအား တာဝန်ပေးကြပ်မတ်ဆောင်ရွက်ခဲ့ပါကြောင်း၊ မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ပြန်လည်ကျင်းပချိန်မှစ၍ ပြိုင်ပွဲဝင်များအနေဖြင့် ဇွဲ၊ လုံ့လ၊ ဝီရိယတို့ဖြင့် ပါဝင်ယှဉ်ပြိုင်ခဲ့ကြပါကြောင်း၊ တိုင်းဒေသကြီးအဆင့်ပြိုင်ပွဲ ပြီးစီးသွားသည့်အခါ ဗဟိုအဆင့်သို့ ဆက်လက်ယှဉ်ပြိုင်နိုင်ရေး စခန်းသွင်းလေ့ကျင့်သွားမည်ဖြစ်ပါကြောင်း၊ ယခုပြိုင် ပွဲတွင် အကဲဖြတ်ပညာရှင်ကြီးများအနေဖြင့်လည်း သမာသမတ်ရှိရှိ ရွေးချယ်ပေးကြရန် မှာကြားလို ပါကြောင်း၊ (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲကြီး၏ ချမှတ်ထားသည့် ဦးတည်ချက် (၄) ရပ် နှင့်အညီ လက်ဆင့်ကမ်းထိန်းသိမ်း ခဲ့ကြသည့် ရိုးရာယဉ်ကျေးမှုအနုပညာအမွေအနှစ်တွေကို ဖော်ထုတ်ပြသမည့် ပြိုင်ပွဲဝင်များ အားလုံးသည် မိမိတို့၏ အနုပညာအရည်အသွေးတွေကို အစွမ်းကုန်ဖော်ထုတ်ယှဉ်ပြိုင် သွားကြရန် တိုက်တွန်းလိုပါ‌ကြောင်း” ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်ဦးမြတ်ကျော်၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင်၊ စစ်ကိုင်းပညာရေးတက္ကသိုလ် ပါမောက္ခချုပ် ဒေါက်တာ မြတ်မြတ်သော်၊ အနုပညာရှင် ပန်တျာဦးမြကြည်တို့က အခမ်းအနားအား ဖဲကြိုးဖြတ်ဖွင့်လှစ်ပေးသည်။

ဆက်လက်ပြီး နိုင်ငံတော်ရွှေတံဆိပ်ဆုရှင် ဒေါ်ဧကရီဗိုလ်ဗိုလ်နှင့်အဖွဲ့က နိုင်ငံတော်ရွှေတံဆိပ်ဆုရှင် တေးရေးဝန်းသိုနိုင်လင်း ရေးစပ်သီကုံးသည့် “ ပွဲ” သီချင်းအား သီဆို ဧည့်ခံဖျော်ဖြေခဲ့သည်။

စစ်ကိုင်းတိုင်းဒေသကြီးအဆင့် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာ ယဉ်ကျေးမှုအဆို၊ အက၊ အရေး၊ အတီးပြိုင်ပွဲတွင် အခြေခံပညာအဆင့်(၁၀-၁၅) (အမျိုးသား) (အမျိုးသမီး) တစ်ဦးချင်းအက၊ အခြေခံပညာအဆင့်(၁၅-၂၀) (အမျိုးသား) (အမျိုးသမီး) တစ်ဦးချင်းအက၊ အဆင့်မြင့်ပညာ (အမျိုးသား) (အမျိုးသမီး) တစ်ဦးချင်းအက၊ အဆိုပြိုင်ပွဲတွင် အခြေခံပညာ(၁၀-၁၅) (အမျိုးသား) (အမျိုးသမီး)၊ အခြေခံပညာ(၁၅-၂၀) (အမျိုးသား) (အမျိုးသမီး)၊ အဆင့်မြင့်ပညာ (အမျိုးသား) (အမျိုးသမီး)၊ ဝါသနာရှင်ပထမတန်း၊ ဒုတိယတန်း (အမျိုးသား) (အမျိုးသမီး) မဟာဂီတ၊ ခေတ်ဟောင်း/ကာလပေါ်၊ အခြေခံပညာ(၁၀-၁၅) (အမျိုးသား) (အမျိုးသမီး) ၊ အခြေခံပညာ(၁၅-၂၀) (အမျိုးသား) (အမျိုးသမီး) ၊ အဆင့်မြင့်ပညာ (အမျိုးသား) (အမျိုးသမီး)၊ ဝါသနာရှင်ပထမတန်း၊ ဒုတိယတန်း(အမျိုးသား) (အမျိုးသမီး)၊ အမျိုးဂုဏ်/ ဇာတိဂုဏ်ပြိုင်ပွဲတွင် အဆင့်မြင့် ပညာ (အမျိုးသား)(အမျိုးသမီး)၊ ဝါသနာရှင်ဒုတိယတန်း (အမျိုးသား)(အမျိုးသမီး)၊ အတီးပြိုင်ပွဲတွင် ဆိုင်းတစ်ဦးချင်း၊ စောင်း၊ ပတ္တလား၊ နှဲ၊ စန္ဒယား၊ တယော၊ ကွက်စိပ်ပြိုင်ပွဲ၊ ရုပ်သေးကြိုးဆွဲပြိုင်ပွဲ၊ ကဗျာလွတ်အက၊ ကျေးလက်ရိုးရာအကပြိင်ပွဲများနှင့် အရေးပြိုင်ပွဲများ ယှဉ်ပြိုင်ခဲ့ကြသည်။

စစ်ကိုင်းတိုင်းဒေသကြီးအဆင့် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာ ယဉ်ကျေးမှုအဆို၊ အက၊ အရေး၊ အတီးပြိုင်ပွဲကို ယခုလ (၈) ရက်နေ့မှ (၁၂) ရက်နေ့အထိ ကျင်းပသွားမည်ဖြစ်ပြီး အဆိုပြိုင်ပွဲဝင် (၄၂) ဦး၊ အကပြိုင်ပွဲဝင် (၁၈) ဦး၊ အရေးပြိုင်ပွဲဝင် (၆) ဦး၊ အတီး ပြိုင်ပွဲဝင် (၇၀) ဦး၊ကွက်စိပ်ပြိုင်ပွဲဝင်(၁)ဦး၊ကဗျာလွတ်(၃၆)ဦး၊ ကျေးလက်ရိုးရာအက(၁၈)ဦး၊ စုစုပေါင်းပြိုင်ပွဲဝင် (၁၄၁) ဦးပါဝင်ယှဉ်ပြိုင်သွားကြမည်ဖြစ်ကြောင်း သိရသည်။

မုံရွာ၊ စက်တင်ဘာ ၇

စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး ဆွမ်းဦးပုညရှင်စေတီတော် မြတ်ကြီး လုံးတော်ပြည့် ရွှေသင်္ကန်းကပ်လှူနိုင်ရေး(ပထမအကြိမ်) အလှူတော်ငွေပေးအပ်ပွဲ အခမ်းအနားကို စက်တင်ဘာလ ၇ ရက်၊ နံနက်ပိုင်းက အဆိုပါစေတီတော်ကြီးရှိ ပုညရှင်သာသ နာ့ဗိမာန်တော် ကြီးတွင်ကျင်းပရာ အခမ်းအနားသို့ နိုင်ငံတော်သြဝါဒါစရိယ၊ အဘိဓဇမဟာ ရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက သောဠသမရွှေကျင်သာသနာပိုင် သီတဂူကမ္ဘာ့ဗုဒ္ဓ တက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးနှင့် ပင့်သံ ဃာဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုး ရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ အလှူရှင်များနှင့် လူမှုရေးအသင်းအဖွဲ့များ တက်ရောက်ကြသည်။

ဦးစွာ ပင့်သံဃာဆရာတော်ကြီးများနှင့် ဧည့်ပရိသတ်များက “နမောတဿ”သုံးကြိမ် ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြပြီး နိုင်ငံတော်သြဝါဒါစရိယ၊ အဘိဓဇ မဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက သောဠသမရွှေကျင်သာသနာပိုင် သီတဂူကမ္ဘာ့ ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်၊သံဃာတော် အရှင်သူမြတ်များ ရွတ်ပွားသရဇ္ဈာယ်ချီးမြင့်တော် မူသော ပရိတ်တရားတော်များအား တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နာ ယူကြည်ညိုကြပြီး ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်း ဒေသကြီး အစိုးရအဖွဲ့ဝင်များနှင့်ဇနီးများ၊ တာဝန်ရှိသူများက လှူဖွယ်ဝတ္ထုပစ္စည်းများ ဆက် ကပ်လှူဒါန်းကြသည်။

ထို့နောက် စစ်ကိုင်းတောင်ရိုး၊ ဆွမ်းဦးပုညရှင်စေတော်မြတ်ကြီး လုံးတော်ပြည့်ရွှေ သင်္ကန်းကပ်လှူနိုင်ရေးအတွက် သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးမှ အလှူငွေကျပ် သိန်း - ၁၀၀၀ အားလည်းကောင်း၊တိုင်းဒေသကြီးအစိုးရအဖွဲ့မှ အလှူငွေကျပ် သိန်း - ၅၀၀ တို့အား စစ်ကိုင်းခရိုင်စီမံအုပ်ချုပ် ရေးအဖွဲ့ ဉက္ကဌထံ မတည်ပေးအပ်လှူဒါန်းရာ ဂုဏ်ပြုမှတ်တမ်းလွှာများ ပြန်လည်ပေးအပ် သည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် အလှူရှင်များက စစ်ကိုင်းခရိုင်စီမံအုပ် ချုပ်ရေးအဖွဲ့ ဉက္ကဌထံ စစ်ကိုင်းတောင်ရိုး၊ ဆွမ်းဦးပုညရှင်စေတော်မြတ်ကြီး လုံးတော်ပြည့် ရွှေသင်္ကန်းကပ်လှူနိုင်ရေးအတွက် အလှူငွေများ အသီးသီးဆက်ကပ်လှူဒါန်းကြရာ ဂုဏ်ပြုမှတ် တမ်းလွှာများ ပြန်လည်ပေးအပ်သည်။

ထို့နောက် နိုင်ငံတော်သြဝါဒါစရိယ၊ အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇော တိက သောဠသမရွှေကျင်သာသနာပိုင် သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နိဂုံးချုပ်သြဝါဒကထာ နာယူကြည်ညိုကြပြီး “ ဗုဒ္ဓသာသနံ စိရံ တိဋ္ဌတု” သုံးကြိမ် ရွတ်ဆိုဆုတောင်း၍ အခမ်းအနားအား ရုပ်သိမ်းခဲ့ကြသည်။

အဆိုပါ စစ်ကိုင်းတောင်ရိုး ဆွမ်းဦးပုညရှင်စေတော်မြတ်ကြီး လုံးတော်ပြည့် ရွှေသင်္ကန်း ကပ်လှူနိုင်ရေး (ပထမအကြိမ်) အလှူတော်ငွေပေးအပ်ပွဲ အခမ်းအနားတွင် ငွေကျပ် -၁၀ သိန်း နှင့်အထက် လှူဒါန်းသူ ၆၀ ဦး၊ ငွေကျပ် ၁၀ သိန်းအောက်၊ လှူဒါန်းသူ ၁၄၆ ဦး၊ ငွေကျပ် ၂၅၀၀၀၀ လှူဒါန်းသူ ၁၀၇ ဦးနှင့် ယနေ့ပထမအကြိမ် အလှူငွေပေးအပ်ပွဲတွင် အလှူရှင်စုစု ပေါင်း ၃၁၃ ဦးမှ ငွေကျပ်- ၄၇၆,၂၈၂,၇၀၀(ငွေကျပ် သိန်းပေါင်းလေးထောင့်ခုနှစ်ရာ ခြောက် ဆယ်နှစ်သိန်း ရှစ်သောင်းနှစ်ထောင် ခုနှစ်ရာတိတိ)အား ဆက်ကပ်လှူဒါန်းခဲ့ကြသည်။

ထို့နောက် သီတဂူဆရာတော်ကြီးနှင့် ပင့်သံဃာဆရာတော်ကြီး၊ တိုင်းဒေသကြီး ဝန်ကြီးချုပ်နှင့်တာဝန်ရှိသူများမှ ဆွမ်းဦးပုညရှင်စေတော်မြတ်ကြီး လုံးတော်ပြည့် ရွှေသင်္ကန်း ကပ်လှူနိုင်ရေးအတွက် စေတီတော်ကြီးပတ်လည်အား လိုက်လံကြည့်ရှုခဲ့ကြပြီး စေတီတော် ကြီးအားလာရောက်ဖူးမျှော်ကြမည့် ရပ်ဝေးရပ်နီးမှ ဘုရားဖူးပြည်သူများ စိတ်အေးချမ်းသာစွာ ဖူးမျှော်ကြည်ညိုနိုင်ရေးတို့အတွက် လိုအပ်သည်များကို ဆရာတော်ကြီးများမှ တာဝန်ရှိသူများ အား မိန့်ကြားခဲ့ကြသည်။

ယင်းနောက် ပင့်သံဃာဆရာတော်ကြီးများအား တိုင်းဒေသကြီး ဝန်ကြီးချုပ်နင့် တာဝန်ရှိ သူများက နေ့ဆွမ်းများဆက်ကပ်လှူဒါန်းခဲ့ကြပြီး အခမ်းအနားသို့ တက်ရာက်လာသူများအား နံနက်စာများ ဧည့်ခံကျွေးမွေးနေမှုများအား လိုက်လံကြည့်ရှုခဲ့ကြသည်။

စစ်ကိုင်းမြို့၊ စစ်ကိုင်းတောင်ရိုးရှိ ဆွမ်းဦးပုညရှင်စေတီတော်ကြီး လုံးတော်ပြည့်ရွှေသ င်္ကန်းတော်ကပ်လှူပူဇော်နိုင်ရန်အတွက် ငှက်ပျောဖူးတော်မှ ပထမပဥ္စယံအထိ ၉" ပတ်လည် ကြေးပြားအချပ်ရေပေါင်း ၂၂၇၀၀ ချပ်ခန့်နှင့် ၂" ပတ်လည်ရွှေဆိုင်း ၆၀၀၀ ကျော် အသုံးပြုကာ ငွေကျပ်သိန်းပေါင်း ၂၀၀၀၀ ကျော်ကုန်ကျခံကာ ဆောင်ရွက်သွားမည်ဖြစ်ရာ ရပ်နီးရပ်ဝေးမှ ကုသိုလ်ရှင်အလှူရှင်များအနေဖြင့် ရွှေသင်္ကန်းကပ်လှူပူဇော်၍ ကုသိုလ်ယူလိုသူများအတွက် ဂေါပကအဖွဲ့ထံသို့ဆက်သွယ်ကာ ရွှေစင်ရွှေဆိုင်းများ ကုသိုလ်ယူလှူဒါန်းနိုင်ကြောင်း သိရသည်။

မုံရွာ၊ စက်တင်ဘာ ၅

၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက်ယှဉ်ပြိုင်နိုင်ရေးနှင့်အောင်နိုင်ရေး တတိယအကြိမ် ညှိနှိုင်းအစည်းအဝေးကို စက်တင်ဘာလ ၅ ရက်နေ့၊ မွန်းလွဲပိုင်းတွင် စစ်ကိုင်းတိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အားက စားနှင့်ကာယပညာဦးစီးဌာနမှူးများ၊ အားကစားနှင့်ကာယပညာသိပ္ပံ(မုံရွာ)မှ ကျောင်း အုပ်ကြီးနှင့်နည်းပြများ၊ အားကစားနည်းအလိုက် တာဝန်ခံများနှင့် အုပ်ချုပ်နည်းပြများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ ဒီဇင်ဘာလပထမ အပတ်နေပြည်တော်၌ ကျင်းပပြုလုပ်မည့် အမျိုးသားအားကစားပွဲတော်သို့ မိမိတို့တိုင်း ဒေသကြီးမှ အားကစားနည် ၂၁ နည်းတွင် အားကစားသမား စုစုပေါင်း ၃၇၁ ဦး ဝင် ရောက်ယှဉ်ပြိုင်မည် ဖြစ်ပါကြောင်း၊ ယခုချိန်မှစတင်ပြီး စခန်းသွင်းလေ့ကျင့်လျှက်ရှိသော အားကစားသမားများအနေဖြင့် စိတ်ဓါတ်စည်းကမ်းကောင်းမွန်ပြီး အမှန်တကယ် အရည် အချင်းရှိသူများကိုသာ စိစစ်ရွေးချယ်ထားပြီး ဖြစ်ကြောင်း၊ အမျိုးသားအားကစားပွဲတော် ကိုပဉ္စမအကြိမ် မြောက်ကျင်းပခြင်းဖြစ်ပြီး ပြည်တွင်းအားကစားပြိုင်ပွဲများအနက် အဆင့် အမြင့်ဆုံးပြိုင်ပွဲဖြစ်ပြီး ပြည်နယ်နှင့်တိုင်းဒေသကြီးအလိုက် တာဝန်ရှိသူများ အားကစား နည်းအလိုက် အုပ်ချုပ်/နည်းပြ/အားကစားသမားများ အားလုံးအတွက် ပြိုင်ဆိုင်မှုပြင်း ထန်သည့်ပြိုင်ပွဲဖြစ်သလို ပြည်နယ်နှင့်တိုင်းဒေသကြီးအားလုံးမှလည်း အနိုင်ရရှိရေး ကြို တင်ပြင်ဆင်လာကြမည်ဖြစ်သည့်အတွက် မိမိတို့တိုင်းဒေသကြီးမှ တာဝန်ရှိသူများမှ လည်းအထူးအလေးအနက်ထားပြီး စံချိန်ကောင်းများဖြင့် ဆုတံဆိပ်များရရှိကာ အောင်မြင်မှုများရရှိရေး ပေါ့ဆမှုမရှိဘဲ တာဝန်ယူမှု၊ တာဝန်ခံမှုအပြည့်ဖြင့် ကြိုးစားကြီးကြပ် တာဝန်ယူဆောင်ရွက်သွားကြရန် လိုအပ်ပါကြောင်း၊ ဖွဲ့စည်းပေးထားသည့် ကြီးကြပ်ရေး ကော်မတီဝင်များမှလည်း ကြည့်ရှုစစ်ဆေးပြီး လစဉ်စံချိန် တိုးတက်မှုရှိ/မရှိ၊ စားသောက် နေထိုင်ရေးနှင့် ကျန်းမာရေးစောင့်ရှောက်မှု လိုအပ်ချက်များအား လစဉ်ပုံမှန်အစည်း အဝေးများတွင် တင်ပြကြရန်နှင့် မိမိတို့တိုင်းဒေသကြီးအစိုးရအဖွဲ့မှ ဖြည့်ဆည်းဆောင် ရွက်ပေးသွားမည်ဖြစ်သည့် အတွက်အောင်မြင်မှုရရှိရေးကိုသာ အစွမ်းကုန် ကြိုးပမ်း ဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက မိမိတို့တာဝန်ယူဆောင် ရွက်နေသည့် အားကစားနည်းများအလိုက် စခန်းသွင်းလေ့ကျင့်နေမှု အခြေအနေများ အား ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာကြသည့် တိုင်းဒေသကြီး အားက စားနှင့်ကာယပညာဦးစီးဌာနနှင့် အားကစားနှင့်ကာယပညာသိပ္ပံ(မုံရွာ)တို့မှ အားကစား နည်းအလိုက် တာဝန်ခံများ၊ နည်းပြ/အုပ်ချုပ်သူများက မိမိတို့တာဝန်ယူဆောင်ရွက်နေ သည့် အားကစားနည်းများအလိုက် စခန်းသွင်းစုဖွဲ့လေ့ကျင့်နေမှုများနှင့် ကြိုတင်ပြင်ဆင် ဆောင်ရွက်သွားမည့် အခြေအနေများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက် ယှဉ်ပြိုင်နိုင်ရေး အောင်နိုင်ရေးလုပ်ငန်းများနှင့် ပတ်သက်၍ လိုအပ်သည်များကို အသီး သီးဆွေးနွေးတင်ပြကြ သည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူ များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ စက်တင်ဘာ ၄

စစ်ကိုင်းတိုင်းဒေသကြီး ၂၀၂၄-ခုနှစ်၊ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ (ဒုတိယအကြိမ်) လုပ်ငန်းညှိနှိုင်း အစည်းအဝေးကို စက်တင်ဘာလ ၄ ရက်၊ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင်ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေးကော်မတီ အဖွဲ့ဝင်များ၊ မုံရွာ ခရိုင် ခရိုင်စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ်ချုပ် ရေးအဖွဲ့ဥက္ကဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးသည် ရဟန်းပညာရှိ၊ လူပညာရှိ၊ စာဆိုအကျော်အမော်များ ထွက်ရှိရာဒေသဖြစ်သကဲ့သို့ ယဉ် ကျေးမှုအနှစ်သာရများထွန်းကားခဲ့ပြီး စာဆိုအနုပညာရှင်များထွက်ပေါ်ရာ ရေခံမြေခံ ကောင်းသည့် တိုင်းဒေသကြီးတစ်ခု ဖြစ်ပါကြောင်း၊ တာဝန်ရှိသူများအနေဖြင့် မီးခဲပြာဖုံး ဝါသနာရှင်များ၊ အခြေခံပညာကျောင်းများမှ ကျောင်းသား/သူများ၊ အဆင့်မြင့်ကျောင်း များ၊ ဝန်ထမ်းများနှင့် ရပ်ကွက်ကျေးရွာနေပြည်သူများအတွင်း အလားအလာရှိသည့် ရွက် ပုံးသီးအနုပညာရှင်၊ဝါသနာရှင်များအား ရွေးချယ်ယှဉ်ပြိုင်သွားကြရန် လိုအပ်ပါကြောင်း၊ အကဲဖြတ် ဒိုင်များအနေဖြင့်လည်း နိုင်ငံတော်အဆင့်ပြိုင်ပွဲကြီးတွင် အရည်အချင်းရှိသည့် ပြိုင်ပွဲဝင်များရရှိရေးအတွက် မှန်မှန်ကန်ကန်ဖြင့် ဘက်လိုက်မှုမရှိဘဲအဂတိတရားကင်း စွာဖြင့် စီစစ်ရွေးချယ်ပေးသွားကြရန် လိုအပ်ပါကြောင်း၊ ၂၀၂၄ ခုနှစ် (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို ၊ အက ၊ အရေး ၊ အတီးပြိုင်ပွဲကြီး
ဦးတည်ချက်များအား ထမြောက်အောင်မြင်အောင် တာဝန်ပေးအပ်ထားရှိသည့် ကော်မ တီဝင်များမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေး ကော်မ တီဥက္ကဌ၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်နှင့် တိုင်းဒေသကြီး သယံ ဇာတရေးရာဝန်ကြီး ဦးတင်သန်းဝင်းတို့က တိုင်းဒေသကြီးအဆင့် အဆို၊ အက၊ အရေး၊ အတီးပြိုင်ပွဲ ကျင်းပသွားမည့်လုပ်ငန်းအခြေအနေများနှင့် ကြိုတင်ပြင်ဆင်ထားရှိမှု လုပ် ငန်းအခြေအနေများအား ရှင်းလင်းပြောကြားသည်။

ဆက်လက်ပြီး တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေး အခမ်း အနားပြင်ဆင်ရေး၊ ဖိတ်ကြား/ကြိုဆို/နေရာချထားရေးနှင့် ဧည့်ခံကျွေးမွေးရေးကော်မတီ စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌမှ လည်းကောင်း၊ ပို့ဆောင်ရေးကော်မတီ တိုင်း ဒေသကြီး ပို့ဆောင်ရေးစီမံကိန်းဦးစီးဌာနမှ လည်းကောင်း၊ ပြန်ကြားရေးသတင်း ကော် မတီ တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လည်းကောင်း၊ လုံခြုံရေးကော်မတီ တိုင်းဒေသကြီးရဲတပ်ဖွဲ့မှ လည်းကောင်း၊ ကျန်းမာရေးကော်မတီ တိုင်းဒေသကြီး ပြည်သူ့ကျန်းမာရေးဦးစီးဌာနမှ လည်းကောင်း၊ ဘဏ္ဍာငွေရှာဖွေရေး ကော်မတီ တိုင်းဒေသကြီး ပြည်တွင်းအခွန်များဦးစီးဌာနမှ လည်းကောင်း၊ ဆုချီးမြှင့်ရေး ကော်မတီ တိုင်းဒေသကြီး စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌမှ လည်းကောင်း၊ အကဲဖြတ်လုပ်ငန်းကော်မတီ တိုင်းဒေသကြီး စစ်ကိုင်းခရိုင် ကျေးလက်လမ်းဦးစီးဌာနမှ လည်းကောင်း၊ ပြိုင်ပွဲဝင်စီစစ်ရေးကော်မတီ တိုင်းဒေသကြီး ပညာရေးမှူးရုံးမှ လည်း ကောင်း တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေးလုပ်ငန်းများ ကြိုတင်စီမံဆောင်ရွက်ထားရှိမှု လုပ်ငန်းအခြေအနေများအား အသီးသီးရှင်းလင်း ဆွေး နွေးတင်ပြကြသည်။

ဆက်လက်၍ တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ဥက္ကဌများမှ Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့မှ တိုင်းဒေသကြီး အဆို၊ အက၊ အရေး၊ အတီးပြိုင်ပွဲသို့ မိမိတို့ခရိုင်များအတွင်းမှ ဝင်ရောက်ယှဉ်ပြိုင်သွားမည့် လုပ်ငန်းအခြေအနေများအား ရှင်း လင်းတင်ပြကြပြီး တိုင်းဒေသကြီးအတွင်း ခရိုင်များရှိ အနုပညာရှင်ကြီးများမှ ပြိုင်ပွဲများ တွင်ဘာသာရပ်အလိုက် ဝင်ရောက်ယဉ်ပြိုင်သွားမည့် အခြေအနေများအား ရှင်းလင်းတင် ပြကြသည်။

ယင်းနောက် အစည်းအဝေးသို့တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များနှင့် တိုင်းဒေသကြီး အဆို၊ အက၊ အရေး၊ အတီးပြိုင်ပွဲ ကျင်းပရေးကော်မတီ အဖွဲ့ဝင်များက (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ တိုင်းဒေသကြီးအဆင့် ကျင်းပရေးလုပ်ငန်းများနှင့် ပတ်သက် ၍ဖြည့်စွက်ဆွေးနွေး တင်ပြကြသည်။
ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူ များ၏ အသီးသီးဖြည့်စွက်ဆွေးနွေး အကြံပြုတင်ပြချက်များအပေါ် လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ ကြောင်း သိရသည်။