မုံရွာ၊ အောက်တိုဘာ ၅

စစ်ကိုင်းတိုင်းဒေသကြီး၊ ၂၀၂၄-ခုနှစ်၊ ကမ္ဘာ့ဆရာများနေ့ အထိမ်းအမှတ် အခမ်းအနားကို အောက်တိုဘာလ ၅ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်း ခန်းမတွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ တိုင်းဒေသကြီး/ခရိုင်/မြို့နယ် ပညာရေးဝန်ထမ်းများ၊ မုံရွာမြို့ပေါ်ရှိ ကျောင်းအုပ် ကြီးများ၊ ဆရာ/ဆရာမများ၊ ကျောင်းသား၊ကျောင်းသူများနှင့် ဖိတ်ကြားထားသူများ တက် ရောက်ကြသည်။

ဦးစွာ အမှတ်(၂)အခြေခံပညာအထက်တန်းကျောင်းမှ ကျောင်းသား၊ကျောင်းသူများက “ မြတ်ဆရာ ”တေးသီချင်းသီဆို၍ အခမ်းအနားအား ဖွင့်လှစ်ကြသည်။

ယင်းနောက် နိုင်ငံတော်စီမံအုပ်ချုပ်ရေးကောင်စီ ဥက္ကဌ၊ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လိူင်ထံမှ ကမ္ဘာ့ဆရာများနေ့ အထိမ်းအမှတ် အခမ်းအနားသို့ ပေးပို့ သည့်သဝဏ်လွှာအား တိုင်းဒေသကြီး ဝန်ကြီးချုပ် ဦးမြတ်ကျော်က ဖတ်ကြား သည်။

ဆက်လက်ပြီး ကုလသမဂ္ဂလက်အောက်ခံ အဖွဲ့ ၅ ဖွဲ့၏ အဖွဲ့ခေါင်းဆောင်များမှ ပေးပို့ သည့် စုပေါင်းသဝဏ်လွှာအား တိုင်းဒေသကြီးပညာရေးမှူး ဒုတိယညွှန်ကြားရေးမှူးချုပ်က ဖတ် ကြားခဲ့ပြီး နောက် တိုင်းဒေသကြီး ဝန်ကြီးချုပ်က ၂၀၂၄-ခုနှစ်၊ ကမ္ဘာ့ဆရာများနေ့ အထိမ်း အမှတ် အခြေခံပညာအထက်တန်းအဆင့် စာစီစာကုံးပြိုင်ပွဲ တိုင်းဒေသကြီးအဆင့်တွင် ပထမ၊ ဒုတိယ၊ တတိယဆုရရှိသော ကျောင်းသား၊ ကျောင်းသူများအား လည်းကောင်း၊ တိုင်းဒေသကြီး တရားသူကြီးချုပ်က အခြေခံပညာအလယ်တန်းအဆင့် စာစီစာကုံးပြိုင်ပွဲ တိုင်းဒေသကြီးအဆင့် တွင် ပထမ၊ ဒုတိယ၊ တတိယဆုရရှိသော ကျောင်းသား၊ ကျောင်းသူများအား လည်းကောင်း ငွေသားဆုနှင့်ဂုဏ်ပြုလက်မှတ်များအား ပေးအပ်ချီးမြှင့်သည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက အခြေခံပညာမူလတန်းအဆင့် စာစီစာကုံးပြိုင်ပွဲနှင့် အခြေခံပညာအထက်တန်း/အလယ်တန်းအဆင့် ကဗျာပြိင်ပွဲ တိုင်းဒေသ ကြီးအဆင့်တွင် ပထမ၊ ဒုတိယ၊ တတိယဆုရရှိသော ကျောင်းသား၊ ကျောင်းသူများအား လည်း ကောင်း ငွေသားဆုနှင့်ဂုဏ်ပြုလက်မှတ်များအား အသီးသီး ပေးအပ်ချီးမြှင့်ကြသည်။

ယင်းနောက် မုံရွာမြို့၊ အမှတ်(၃)အခြေခံပညာအထက်တန်းကျောင်းမှ ကျောင်းသား၊ ကျောင်းသူများမှ “ ပန်းကလေးများ၏ဉယျာဉ်မှူး ”တေးသီချင်းဖြင့် သီဆိုဖျော်ဖြေကြသည်။

ထို့နောက် တိုင်းဒေသကြီး အစိုးရအဖွဲ့ဝင်များက အခမ်းအနားသို့ တက်ရောက်လာကြ သော အသက်(၈၀)နှစ်အထက် အငြိမ်းစားဆရာကြီး/ဆရာမကြီးများအား ကန်တော့လက် ဆောင်ပစ္စည်များနှင့်ငွေများအား လက်ရောက်ပေးအပ်ခဲ့ကြပြီး အငြိမ်းစားဆရာကြီး/ဆရာမကြီး များကိုယ်စား ဆရာကြီးတစ်ဦးက ကျေးဇူးတင်စကား ပြန်လည်ပြောကြားကာ တိုင်းဒေသကြီး ဉပဒေချုပ်က သီဆိုကပြ ဖျော်ဖြေပေးခဲ့ကြသည့် ကျောင်းသား/သူများအား ဂုဏ်ပြုချီးမြှင့်ငွေများ ပေးအပ်ခဲ့ကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆုရကျောင်းသား၊ ကျောင်းသူများနှင့်အတူ စုပေါင်းမှတ်တမ်း ဓါတ်ပုံရိုက်ကူးကာ အခမ်းအနားသို့ တက်ရောက် လာသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြပြီး ခန်းမအတွင်းပြသထားသော ဆုရစာစီ စာကုံးများ၊ကဗျာများနှင့် မှတ်တမ်းဓါတ်ပုံများအား လိုက်လံကြည့်ရှုအားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အလုံရပ်ကွက် အတွင်းရှိ နေအိမ်များ၌နေထိုင်ကြသည့် ပြည်သူများအား ၂၀၂၄-ခုနှစ်၊ လူဦးရေနှင့်အိမ် အကြောင်းအရာသန်းခေါင်စာရင်း ကောက်ယူနေမှုများအား သွားရောက်ကြည့်ရှုစ်စစ်ဆေးပြီး ရပ်ကွက်နေပြည်များအား ရင်းရင်းနှီးနှီးနှုတ်ဆက်ကာ သန်းခေါင်စာရင်းကောက်ယူရေးလုပ် ငန်းများအောင်မြင်စွာကောက်ယူနိုင်ရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ အောက်တိုဘာ ၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ ဥက္ကဌများနှင့် တာဝန်ရှိသူများလိုက်ပါလျက် အောက်တိုဘာလ ၄ ရက်၊ နံနက်ပိုင်းတွင် စစ်ကိုင်းမြို့၊ စိန်ကုန်းရပ်ကွက်အတွင်းရှိ ပြည်သူများအား တစ်အိမ်တက်ဆင်း ၂၀၂၄-ခုနှစ်၊ လူဦးရေနှင့်အိမ်အကြောင်းအရာသန်းခေါင်စာရင်း ကောက်ယူနေမှုများအား သွားရောက်ကြည့်ရှုစစ်ဆေးပြီး ရပ်ကွက်နေပြည်သူများအား ရင်းရင်းနှီးနှီးနှုတ်ဆက်ကာ သန်းခေါင်းစာရင်းကောက်ယူ နေမှုလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် စစ်ကိုင်းမြို့၊ မြို့သစ်ရပ် ကွက်ရှိ ပြည်သူများအား ၂၀၂၄-ခုနှစ်၊ လူဦးရေနှင့်အိမ်အကြောင်းအရာသန်းခေါင်စာရင်း ကောက်ယူနေမှုလုပ်ငန်းများ ဆောင်ရွက်နေမှုများအားသွား ရောက်ကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပတ္တမြားရပ်ကွက်၊ ရွှေမင်းဝံလမ်း အရှည် - ၇၃၀၀ ပေ၊ အကျယ် - ၁၈ ပေအား လမ်းသားချဲ့၍ အခြေခံအလွှာပြုပြင်ခြင်းနှင့် နိုင်လွန်ကတ္တရာခင်းခြင်း လုပ်ငန်းခွင်သို့ ရောက်ရှိရာ တိုင်းဒေသ ကြီး စည်ပင်သာယာရေးအဖွဲ့ ညွှန်ကြားရေးမှူးက ရွှေမင်းဝံလမ်းနှင့် စစ်ကိုင်းမြို့အတွင်း နိုင်လွန် ကတ္တရာလမ်းများ ခင်းကျင်းနေမှုလုပ်ငန်းများ ဆောင်ရွက်နေမှုများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိုင်လွန်ကတ္တရာခင်းကျင်း နေမှု လုပ်ငန်းများဆောင်ရွက်နေမှုများအား လိုက်လံကြည့်ရှုစစ်ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းနှင့်ရွှေမင်းဝံ တောင်ရိုးဝန်းကျင်ရှိ ဘုရားစေတီပုထိုးများအား လာရောက်ဖူးမျှော်ကြမည့် ဘုရားဖူးပြည်သူများ
ညအိပ်လာရောက်လည်ပတ်ကာ ဘုရားဖူးရာတွင် စေျးနှုန်းသက်သာစွာဖြင့်တည်းခို၍ တော တောင်အလှရှုခင်းများ ကြည့်ရှုခံစားရင်းစေတီဘုရားများအား ဖူးမျှော်နိုင်ရေးအတွက် ဆွမ်းဦးပု ညရှင်စေတီတော် သာသနာ့ဗိမာန်ဒုတိဘအထပ်တွင် ဖွင့်လှစ်ထားသည့် ရွှေတောင်ရိုးမိုတယ်၌ ခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများ၊ စစ်ကိုင်းဇုန် ဟိုတယ်လုပ်ငန်းရှင်များနှင့် ဂေါပက အဖွဲ့ဝင်များနှင့်တွေ့ဆုံရာ တာဝန်ရှိသူများမှ စစ်ကိုင်းတောင်ရိုးနှင့် မင်းကွန်းတောင်ရိုးရှိ ဘုရား စေတီပုထိုးများသို့ ပြည်တွင်းပြည်ပ ဘုရားဖူးလာရောက်မှု အခြေအနေများ၊ ဘုရားစေတီပုထိုး များအား ရှေးဟောင်းလက်ရာမပျက် ထိန်းသိမ်းထားရှိမှု အခြေအနေ
များ၊ ဘုရားဖူးလာရောက် မည့်ပြည်သူများ စိတ်အေးချမ်းသာစွာ တည်းခိုနေထိုင်ရေးလုပ်ငန်းများ ဆောင်ရွက်ထားရှိမှု အခြေအနေများအား အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ရွှေတောင်ရိုးမိုတယ်နှင့် ဆွမ်းဦးပုညရှင်စေတီတော်ကြီး၌ ဘုရားဖူးပြည်သူများ စိတ်အေးချမ်းသားစွာ ဖူးမျှော်နိုင်ရေး အတွက် သန့်ရှင်းသာယာလှပရေး ဆောင်ရွက်ထားရှိမှုတို့အား လိုက်လံကြည့်ရှုစစ်ဆေးခဲ့ ကြောင်း သိရသည်။

မုံရွာ၊ အောက်တိုဘာ ၃

စစ်ကိုင်းတိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ၏ လမ်းညွှန်မှု တိုင်းဒေ သကြီး ဟိုတယ်နှင့်ခရီးသွားညွှန်ကြားမှုဦးစီးဌာနရုံး၊ ကြီးကြပ်မှုဖြင့် မြန်မာနိုင်ငံဟိုတယ်ဆိုင်ရာ လုပ်ငန်းများရှင်များအသင်း စစ်ကိုင်းဇုန်မှဖွင့်လှစ်သည့် ဟိုတယ်ဆိုင်ရာဝန်ဆောင်မှုသင်တန်းများ သင်တန်း ဖွင့်ပွဲအခမ်အနားကို အောက်တိုဘာလ ၃ ရက်၊ နံနက်ပိုင်းတွင် စစ်ကိုင်းမြို့၊ မြို့ တော်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြန်မာနိုင်ငံ ဟိုတယ်ဆိုင်ရာလုပ်ငန်းများရှင်များအသင်း၊ စစ်ကိုင်းဇုန် နာယက၊ ဉက္ကဌနှင့် သင်တန်းသား/သူ များ တက်ရောက်ကြသည်။

ဦးစွာ တိုင်းဒေသကြီး ခရီးသွားလုပ်ငန်းကော်မတီ
ဉက္ကဌ၊ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး ခရီးသွားလုပ်ငန်းကော်မတီအနေဖြင့် လူစွမ်းအားအရင်းအမြစ်ဖွံ့ဖြိုးတိုး တက်ရေးအတက် ဟိုတယ်ဆိုင်ရာသင်တန်းအမျိုးအစား ၄ မျိးအား စုစုပေါင်း ၇ ကြိမ်ဖွင့်လှစ်နိုင် ခဲ့ပြီး သင်တန်းသား/သူ ၃၀၆ ဦးအား သင်တန်းဆင်းလက်မှတ် Certificate များပေးအပ်နိုင်ခဲ့ ပါကြောင်း၊ သင်တန်းသား/သူများအနေဖြင့်လည်း သင်တန်းမှပို့ချပေးမည့် ဝန်ဆောင်မှုဆိုင်ရာ ပညာရပ်များအား အပတ်တကုတ် လေ့လာဆည်းပူးသွားကြရန်နှင့် ရှိပြီးသားအရည်အသွေးများ အား ယခုသင်တန်းမှပို့ချပေးမည့် ပညာရပ်များဖြင့် ပေါင်းစပ်၍ မိမိတို့၏ အရည်အသွေးများအား မြှင့်တင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် မြန်မာနိုင်ငံဟိုတယ်ဆိုင်ရာလုပ်ငန်းများရှင်များအသင်း၊ စစ်ကိုင်းဇုန် နာယက ဦးထွန်းလင်းသောင်းက သင်တန်းဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားပြီး ဉက္ကဌ ဒေါ်သီတာကျော်က စစ်ကိုင်းမြို့၏ လိုအပ်ချက်များအား ရှင်းလင်းတင်ပြကာ ရန်ကုန်မြို့၊ MHTI သင်တန်းကျောင်းမှ နည်းပြဆရာ ဦးကိုင်ဇာက သင်တန်းဖွင့်လှစ်သင်ကြားသွားမည့် အခြေအနေများအား ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် သင်တန်းသား/သူများက စုပေါင်းမှတ်တမ်းတင်ဓါတ်ပုံရိုက်ကူးကာ အခမ်းအနားသို့ တက်ရောက် လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောက်တိုဘာလ ၂ ရက်၊ ညနေပိုင်းတွင် စစ်ကိုင်းမြို့၊ စစ်ကိုင်းပညာရေးတက္ကသိုလ်ကျောင်းဝန်းအတွင်းရှိ သက်မှတ် အဆောင်များတွင် (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီးကိုယ်စားပြု ပြိုင် ပွဲဝင်များ လေ့ကျင့်နေမှုများအား သွားရောက်ကြည့်ရှုအားပေးပြီး လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ အောက်တိုဘာ ၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် အောက်တိုဘာလ ၃ ရက်၊ နံနက်ပိုင်းတွင် စစ်ကိုင်းမြို့၊ စစ်ကိုင်းတောင်ရိုး အပြည်ပြည်ဆိုင်ရာ သီတဂူဝိပဿနာကမ္ပဌာန်းဌာနသို့ ရောက် ရှိရာ နိုင်ငံတော်သြဝါဒါစရိယ၊ အဘိဓဇ မဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက သောဠ သမရွှေကျင်သာသနာပိုင် သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာ ဘဒ္ဒန္တဉာဏိဿရ ဆရာတော်ကြီးထံ တာဝန်ရှိသူများနှင့်အတူ လှူဖွယ်ပစ္စည်းများနှင့်ဝတ္ထုငွေ များဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြသည်။

ဆက်လက်ပြီး တိုင်းဒေသကြီးဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများ၊ တိုင်းဒေသကြီးအဆင့်ဌာနဆိုင်ရများသည် စစ်ကိုင်းပညာရေးတက္ကသိုလ်ရှိ ဘွဲ့နှင်း သဘင်ခန်းမတွင် ကျင်းပြုလုပ်သော (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ် ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်း တိုင်းဒေသကြီး ကိုယ်စားပြု ပြိုင်ပွဲဝင်အဖွဲ့အုပ်ချုပ်သူထံ အောင်နိုင်ရေးအလံ ပေးအပ်ပွဲအခမ်းအနားသို့ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြိုင်ပွဲဝင်အနုပညာရှင်များအနေ ဖြင့်မိမိတို့ပါဝင်ယှဉ်ပြိုင်ရမည့် ဘာသာရပ်အား ဆရာကြီး/ဆရာမကြီးများ သင်ကြားပြသထား သည့်အတိုင်း ကျွမ်းကျင်ပိုင်နိုင်စွာဖြင့် ယှဉ်ပြိုင်နိုင်အောင် ပြင်းပြင်းထန်ထန် လေ့ကျင့်ယှဉ်ပြိုင် သွားကြရန် လိုအပ်ပါကြောင်း၊ ပြိုင်ပွဲဝင်များအား သင်ကြားပြသပေးသည့် အနုပညာရှင်ကြီးများ၊ မိဘအုပ်ထိန်းသူများ၏ ကျန်းမာရေး၊ နေထိုင်ရေး၊ စားသောက်ရေး၊ ဝတ်စုံများ ဝတ်ဆင်ရေးက
အစလုပ်ငန်းကိစ္စအရာအားလုံးအား မိမိတို့တိုင်းဒေသကြီး အစိုးရအဖွဲ့အနေဖြင့် အလေး အနက်ထား ကြိုတင်စီမံမှုများဖြင့် ပြည့်စုံအောင် လုပ်ဆောင်ပေးလျက်ရှိပါကြောင်း၊ အုပ်ချုပ်နည်း ပြများနှင့် ပြိုင်ပွဲဝင်များအနေဖြင့် ယခုကာလရာသီဥတုသည် မိုးနှောင်းကာလဖြစ်သည့်အတွက် ရာသီဥတုကပူလွယ်၊အေးလွယ် အပြောင်းအလဲ မြန်ဆန်လွန်းခြင်းကြောင့် ဖျားနာရောဂါ၊ တုတ်ကွေးရောဂါနှင့် နှာစေးချောင်းဆိုးရောဂါများ မဖြစ်ရလေအောင် တစ်ဦးချင်း၏ ကျန်းမာရေး အား အလးထားဂရုစိုက်နေထိုင်သွားကြရန် လိုအပ်ပါကြောင်း၊ အနယ်နယ် အရပ်ရပ်မှ လာရောက်ကြပြီး တစ်နေရာထဲတွင် စုစည်းပူးပေါင်းနေထိုင် ကြကာ အတူတကွသွားရောက် ယှဉ်ပြိုင်ကြမည်ဖြစ်သည့်အတွက် တစ်လှေထဲစီးတစ်ခရီးထဲသွား မိသားစုစိတ်ဓာတ်များဖြင့် ချစ်ချစ်ခင်ခင်ရင်းရင်းနှီးနှီး နေထိုင်သွားကြရန်နှင့် အပြန်အလှန် ကူညီမှု လေးစားမှုရှိကြကာ မိမိတို့တိုင်းဒေသကြီး၏ဂုဏ်ဆောင် ရွှေတံဆိပ်ဆုရှင်များစွာဖြစ်အောင် အချိန်ရှိခိုက်တွင် သင်ယူလေ့ကျင့်ပြီး အကောင်းဆုံးဝင်ရောက်ယှဉ်ပြိုင်သွားကြရန် လိုအပ်ပါ ကြောင်း ပြောကြားသည်။

ယင်းနောက် တိုင်းဒေသကြီး ဝန်ကြီးချုပ်က (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်း တိုင်းဒေသကြီး ကိုယ်စားပြု ပြိုင်ပွဲဝင်အဖွဲ့အုပ်ချုပ်သူထံ အောင်နိုင်ရေးအလံအားပေးအပ်ပြီး ပြိုင်ပွဲဝင်အနု ပညာရှင်၊ဝါသနာရှင်များက ပြိုင်ပွဲဝင်ရန် အသင့်ပြင်ဆင်လေ့ကျင့်ထားသည့် အဆို၊ အက၊ အတီးများဖြင့် ဧည့်ခံဖျော်ဖြေမှုများအား ကြည့်ရှုအားပေးခဲ့ကြပြီး အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးခဲ့ကြသည်။

အဆိုပါ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက ၊ အရေး၊ အတီး ပြိုင်ပွဲကြီးတွင် စစ်ကိုင်းတိုင်းဒေသကြီးအနေဖြင့် ပြိုင်ပွဲဘာသာရပ်ပေါင်း ၈၉ မျိုး၌ ပြိုင်ပွဲဝင်စုစုပေါင်း ၂၅၀ ဦးဖြင့် ဝင်ရောက်ယှဉ်ပြိုင်သွားမည် ဖြစ်ကြောင်း သိရသည်။

မုံရွာ၊ အောက်တိုဘာ ၂

၂၀၂၄ခုနှစ်၊အပြည်ပြည်ဆိုင်ရာသက်ကြီးပုဂ္ဂိုလ်များနေ့ အခမ်းအနားကို ယနေ့ နံနက်ပိုင်းက စစ်ကိုင်းတိုင်းဒေသကြီးအစိုးရအဖွဲ့ရုံး၊ ချင်းတွင်းခန်းမတွင် ကျင်းပပြုလုပ်ရာ စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ် ဦးဇော်ထူး နှင့်အတူ စစ်ကိုင်းတိုင်းဒေသကြီး အစိုးရအဖွဲ့၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး ဥပဒေချုပ် ဒေါ်လှလှဝင်း၊ တိုင်းဒေသကြီး ၊ခရိုင်၊မြို့နယ်အဆင့် ဌာနဆိုင်ရာ တာဝန်ရှိသူများ၊ ဂုဏ်ပြုခံဘိုးဘွားများနှင့် လူမှုရေးအသင်းအဖွဲ့များ တက်ရောက်ခဲ့ကြသည်။

ဦးစွာ စစ်ကိုင်းတိုင်းဒေသကြီး အစိုးရအဖွဲ့၊ လုံခြုံရေးနှင့် နယ်စပ်ရေးရာဝန်ကြီး က ယခု ၂၀၂၄ ခုနှစ်၊ အပြည်ပြည်ဆိုင်ရာ သက်ကြီးပုဂ္ဂိုလ်များနေ့ အတွက် ကုလသမဂ္ဂက ချမှတ်ပေးထားတဲ့ ဆောင်ပုဒ်ကတော့ “သက်ကြီး ပုဂ္ဂိုလ်များ ဂုဏ်သိက္ခာရှိစွာ ရပ်တည်ရေး ကမ္ဘာအနှံ့ ဘက်စုံပြုစု စောင့် ရှောက်ပေး” ဖြစ်ပါကြောင်း။သက်ကြီးပုဂ္ဂိုလ်များ၏ အဖိုး မဖြတ်နိုင်တဲ့ အတွေ့အကြုံ၊ ဗဟုသုတများကို အခြေပြု၍ ၄င်းတို့၏ စွမ်းဆောင်ရည်များကို မြှင့်တင်ပေးပြီး လူမှုပတ်ဝန်းကျင်တွင် လိုအပ် လျက်ရှိသော ဖွံ့ဖြိုးတိုးတက်မှု လုပ်ငန်းစဉ်များတွင် ပါဝင်စေခြင်းဖြင့် သာယာ လှပ ငြိမ်းချမ်းပြည့်စုံသော အနာဂတ်အသစ်တစ်ခု ဖန်တီးပေးဖို့ ဖြစ်ပါကြောင်း။ မြန်မာတို့ရဲ့ မြတ်နိုးဖွယ်ရာ ဓလေ့ဖြစ်တဲ့ သက်ကြီးပုဂ္ဂိုလ် မိဘများအပေါ် လေးစား ချစ်ခင်မှုများနှင့်အတူ ယုယပြုစုစောင့်ရှောက်ပေးခြင်း၊ တိုင်းဒေသကြီးအတွင်း ဌာန အခြေပြု စောင့်ရှောက်နည်းဖြစ်တဲ့ ဘိုးဘွားရိပ်သာများမှ ဘိုးဘွားများ ကိုလည်း ပြုစုမှု နည်းစနစ်မှန်ကန်စွာဖြင့် ရေရှည်တည်တံ့အောင် ဆောင်ရွက်ပေးခြင်း၊ ဒါ့အပြင် ရပ်ရွာအခြေပြု စောင့်ရှောက်နည်းများ တိုးပွားများပြားလာအောင် ပူးပေါင်းဆောင်ရွက်ပေးခြင်းနှင့် အားမာန်အဖွဲ့တွေကိုလည်း ကျယ်ကျယ်ပြန့်ပြန့် ဖွဲ့စည်းပြီး လုပ်ငန်းရပ် များ သွက်လက်မြန်ဆန်လာအောင် ဆောင်ရွက်နိုင်ဖို့ ပံ့ပိုးကူညီပေးကြ ပါလို့ တိုက်တွန်း ပြောကြားခဲ့သည်။
ဆက်လက်ပြီး စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ်က စစ်ကိုင်းတိုင်းဒေသကြီးအတွင်း လူမှုဝန်ထမ်းဦးစီးဌာန၏ တည်ထောင်ခွင့်ပြုမိန့်ရ ဘိုးဘွားရိပ်သာ(၉)ခုသို့ လူမှုဝန်ထမ်းဦးစီးဌာနမှ ဆန်ဖိုးထောက်ပံ့ ငွေကျပ် ၃၃၄ သိန်း ၂ သောင်း ၃ ထောင် အား လည်းကောင်း၊ စစ်ကိုင်းတိုင်းဒေသကြီး အစိုးရအဖွဲ့ ဥပဒေချုပ် ကအသက်အကြီးဆုံး ဘိုးဘွား (၂)ဦးအား တစ်ဦးလျှင် အလှူငွေကျပ်(၃၀၀၀၀ဝိ/-)နှုန်းဖြင့် လည်းကောင်းအသီးသီးပေးအပ်ခဲ့ပြီးနောက်အခမ်းအနားသို့ တက်ရောက်လာသော တိုင်းဒေသကြီး အဆင့်တာဝန်ရှိသူများက ဘိုးဘွားများအား ဂါရဝလက်ဆောင်များ ပေးအပ်လှူဒါန်းခဲ့သည်။

ထို့နောက် တိုင်းဒေသကြီး တရားလွှတ်တော် တရားသူကြီးချုပ်နှင့်အဖွဲ့က အပြည်ပြည်ဆိုင်ရာသက်ကြီးပုဂ္ဂိုလ်များနေ့အခမ်းအနားအား ဂုဏ်ပြုသောအားဖြင့် သူနာပြုနှင့်သားဖွားသင်တန်းကျောင်း(မုံရွာ)မှ စကားဝါမြေ သီချင်းနှင့် ခြိမ့်ခြိမ့်သဲ သီချင်းတို့ဖြင့် တေးသရုပ်ဖော် အကအလှကပြဖျော်ဖြေမှုတို့အားလည်းကောင်း၊အပြည်ပြည်ဆိုင်ရာသက်ကြီးပုဂ္ဂိုလ်များနေ့အခမ်းအနားအတွက် လူမှုဝန်ထမ်းဦးစီးဌာန‌ မှ ပေးပို့သည့် ‌ Video Clipပြသမှုတို့အားလည်း ကောင်း ကြည့်ရှုအားပေးခဲ့သည်။

ယင်းနောက် ဘိုးဘွားများ၏ ကိုယ်စား အဘိုးတစ်ဦးက ကျေးဇူးတင်စကား ပြန်လည်ပြောကြားခဲ့ပြီးနောက် တိုင်းဒေသကြီး တရားလွှတ်တော် တရားသူကြီးချုပ်နှင့်အဖွဲ့က ဂုဏ်ပြုခံဘိုးဘွားများအား ရင်းရင်းနှီးနှီး နှုတ်ဆက်ခဲ့ကြောင်းသိရသည်။

အဆိုပါ ၂၀၂၄ခုနှစ်၊အပြည်ပြည်ဆိုင်ရာသက်ကြီးပုဂ္ဂိုလ်များနေ့အခမ်းအနားတွင် စစ်ကိုင်းတိုင်းဒေသကြီး အစိုးရအဖွဲ့ မှ မုံရွာမြို့ပေါ်ရှိ ဂုဏ်ပြုခံဘိုးဘွား ၁၇၅ ဦးအတွက် ငွေကျပ် ၈၇ သိန်း ၅ သောင်းကို ထောက်ပံ့ပေးအပ်ခဲ့ကြောင်းသိရသည်။

မုံရွာ၊ အောက်တိုဘာ ၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ဟုမ္မလင်းခရိုင်/မြို့နယ် စီမံအုပ်ချုပ် ရေးအဖွဲ့ ဉက္ကဌများနှင့် အတူ အောက်တိုဘာလ ၂ ရက်နေ့၊ နံနက်ပိုင်းတွင် စစ်ကိုင်း တိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့၊ သာသနာ့ဇောတိက မြို့မကျောင်းတိုက်သို့ ရောက်ရှိရာ ဘဒ္ဒန္တဣန္ဒဝံသ ဆရာတော်ထံ လှူဖွယ်ပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲ အမယ် ၄ မျိုးတို့အား ဆက်ကပ်လှူဒါန်းခဲ့ကြပြီး တိုင်းဒေ သကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြသည်။

ဆက်လက်၍ ဟုမ္မလင်းမြို့၊ သာသနာ့ဇောတိက မြို့မကျောင်းတိုက် ဘဒ္ဒန္တ ဣန္ဒဝံသ ဆရာတော်ဦးဆောင်မှုဖြင့် အဆိုပါကျောင်းတိုက်အနီး၌ ဟုမ္မလင်းမြို့ ကုတင် ၁၀၀ ဆံ့ ပြည်သူ့ဆေးရုံကြီးနှင့် အမှတ် ၁၉ ကုတင် ၁၀၀ ဆံ့ တပ်မတော်ဆေးရုံကြီးတို့ရှိ ဆရာဝန်များ၊ သူနာပြုများမှ ဟုမ္မလင်းမြို့နှင့်အနီးဝန်းကျင်ရှိ ဒေသခံပြည်သူများ ရက်သတ္တ တစ်ပတ်လျင် ၂ ရက်အခမဲ့ကုသိုလ်ဖြစ် ကျန်းမာရေးစောင့်ရှောက်ပေးနေမှု များကို တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သွားရောက်ကြည့်ရှုအား ပေးခဲ့ကြပြီး ဒေသခံပြည်သူများအား ရင်းရင်းနှီးနှီးနှုတ် ဆက်အားပေးကြသည်။

ထို့နောက် ဟုမ္မလင်းမြို့၊ သာသနာ့ဇောတိက မြို့မကျောင်းတိုက် ဘဒ္ဒန္တဣန္ဒဝံသ ဆရာတော်ထံ တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက ကျန်းမာရေးစောင့်ရှောက်မှုလုပ်ငန်းများ တွင်အသုံးပြုနိုင်ရန်အတွက် အလှူငွေကျပ် သိန်း ၁၀၀ အား ဆက်ကပ်လှူဒါန်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ အမှတ် ၁၉ ကုတင် ၁၀၀ ဆံ့ တပ်မတော်ဆေးရုံကြီးသို့ ရောက်ရှိရာ တာဝန်ရှိသူများနှင့် အတူ ဆေးကုသမှုခံယူနေကြသော ဒေသခံပြည်သူများအား ရင်းရင်းနှီးနှီးလိုက်လံ နှုတ် ဆက်ကာ အဟာရဖြည့်စွက်စာများ အသီးသီးပေးအပ်ခဲ့ကြပြီး ကျန်းမာရေးစောင့်ရှောက် မှုလုပ်ငန်းနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ နားနုန်းကျေးရွာရှိ တောင်သူ ဦးအောင်စိုးလွင် စိုက်ပျိုးထားသည့် ဆင်းဧကရီ ၃ မိုးစပါး စံပြကွက် ၁၅ ဧကအတွင်း မျိုးကွဲနုတ်ပယ်ခြင်းနှင့် သဘာဝမြေသြဇာကျွေးခြင်း ကွင်း သရုပ်ပြပွဲသို့ သွားရောက်၍ ဒေသခံတောင်သူများနှင့်အတူ ကြည့်ရှုအားပေးကြပြီး ဒေသ ခံတောင်သူများအား မိုးစပါးအပြီး သီးထပ်သီးနှံအဖြစ် နေကြာစိုက်ပျိုးနိုင်ရေးအတွက် တာဝန်ရှိသူများနှင့်အတူ ရေဆင်းနေကြာမျိုးစေ့များအား ဝန်ကြီးချုပ်နှင့် တိုင်းဒေသကြီး အစိုးရအဖွဲ့များနှင့်တာဝန်ရှိသူ အသီးသီးမှ ထောက်ပံ့ပေးအပ်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့် တင်ရေးရန်ပုံ‌ငွေဖြင့် စိုက်ပျိုးရေးလုပ်ငန်းများဆောင်ရွက်နေသည့် ဟုမ္မလင်းမြို့၊ ဟုမ္မလင်းရပ်ကွက်ရှိ ဦးဂျိုးဇက် စိုက်ပျိုးထားသော ဉယျာဉ်ခြံသီးနှံစိုက်ခင်း သို့ရောက်ရှိရာ ဉယျာဉ်ခြံအတွင်း အောင်မြင်ဖြစ်ထွန်းလျက်ရှိသည့် နဂါးမောက်သီးနှံများအား လိုက်လံ ကြည့်ရှုစစ်ဆေးခဲ့ကြပြီး ထွက်ရှိသည့်သီးနှံများ ဈေးကွက်အတွင်း တင်ပို့ရောင်းချနိုင်ရေး အတွက် လိုအပ်သည်မျာကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့် တင်ရေးရန်ပုံ‌ငွေဖြင့် မွေးမြူရေးလုပ်ငန်းများဆောင်ရွက်နေသည့် ဟုမ္မလင်းမြို့၊ ဟုမ္မလင်း ရပ်ကွက်ရှိ ဦးဆားနွဲ့၏ အသားတိုးကြက်မွေးမြူရေးခြံသို့ ရောက်ရှိရာ အသားတိုးကြက် များမွေးမြူထားရှိမှုအား ကြည့်ရှုစစ်ဆေးခဲ့ကြပြီး ဟုမ္မလင်းမြို့နှင့်အနီးဝန်းကျင်ရှိ ကျေး ရွာများမှ ဒေသခံပြည်သူများ အသားစားသုံးမှု ဖူလုံစေနိုင်ရန်အတွက် စနစ်တကျ ရှင်သန်ကြီးထွားအောင်မွေးမြူကာ စားသုံးသူများအား သက်သာသော ဈေးနှုန်းဖြင့် ရောင်းချနိုင် ရေးအတွက် မွေးမြူရေးဆိုင်ရာလိုအပ်သည်များကို ဖြည့်ဆည်းပေါင်းစပ် ဆောင်ရွက်ပေး ခဲ့ကြောင်း သိရသည်။