မုံရွာ၊ အောက်တိုဘာ ၂၂

ကျောင်းစာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် အခမ်းအနားကို အောက်တိုဘာလ ၂၁ ရက်၊ မွန်းလွဲပိုင်းတွင် စစ်ကိုင်းတိုင်းဒေသကြီး၊ ကလေးမြို့၊ သူနာပြုနှင့်သားဖွားသင်တန်းကျောင်းဝန်းအတွင်း ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ ကလေးတပ်နယ်မှ အရာရှိကြီးများ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ ကလေးမြို့ပေါ်ရှိ အခြေခံပညာကျောင်းများနှင့် ပုဂ္ဂလိကကျောင်းများမှ ကျောင်းအုပ်ကြီး များ၊ ဆရာ/ဆရာမများ၊ ကျောင်းသား/သူများနှင့် မိဘများတက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ကလေးမြို့ပေါ်ရှိ အခြေ ခံပညာကျောင်းများမှ ဘင်ခရာ/ပန်းပွားအဖွဲ့နှင့် ကဗျာလွတ်အကအဖွဲ့များ၏ တီးမှုတ်က ပြဖျော်ဖြေမှုများအား ကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်၊ တိုင်းဒေသကြီး လမ်းပန်းဆက်သွယ် ရေးဝန်ကြီး ဦးခင်မောင်အေး၊ ကလေးတပ်နယ်မှူးနှင့် ကလေးခရိုင် စီမံအုပ်ချုပ်ရေးအဖွဲ့ ဉက္ကဌတို့က ကျောင်းစာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲ တော်မုဒ်ဦး အားဖဲကြိုးဖြတ်ဖွင့်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်က ဘင်ခရာ/ပန်းပွားအဖွဲ့၊ ကဗျာလွတ် အကအဖွဲ့များနှင့် အားကစားအဖွဲ့များအား ဂုဏ်ပြုထောက်ပံ့ငွေများ ပေးအပ်ချီးမြှင့်ပြီး တာဝန်ရှိသူများနှင့်အတူ အဆိုပါမုဒ်ဦးရှေ့တွင် စုပေါင်းမှတ်တမ်း ဓါတ်ပုံရိုက်ကူးကြ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းရှိ နီလာခန်းမတွင် ကျင်းပပြုလုပ်သော ကျောင်းစာကြည့်တိုက်များ ဖွံ့ဖြိုးတိုး တက်ရေးနှင့် စာဖတ်ရှိန်မြှင့်တင်ရေးပွဲတော် ဒုတိယ ပိုင်းအခမ်းအနားသို့ တက်ရောက် ကြသည်။

ဦးစွာ ကလေးမြို့၊ အမှတ်(၁) အခြေခံပညာအထက်တန်း ကျောင်းမှ ကျောင်းသား/ သူများက “ပညာဘဏ်တိုက် စာကြည့်တိုက်သို့သွားကြစို့” တေးသီချင်းသီဆို၍ အခမ်း အနားအားဖွင့်လှစ်ကြ တိုင်းဒေသကြီး ဝန်ကြီးချုပ်နှင့် တာဝန်ရှိသူများက “စာပဒေသာဝေ ဆာစေမည်” Video Clip အား ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ကျောင်းစာကြည့်တိုက် များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်များအား ကျင်းပရခြင်းအနေဖြင့် ကျောင်းသားလူငယ်များ စာကြည့်တိုက်အားအသုံးပြုတတ်စေရန် စာပေဖတ်ရှုသည့် အလေ့အကျင့်ကောင်းများ ရရှိစေရန်နှင့် ဘက်စုံဖွံ့ဖြိုးပြီး ဗလငါးတန်နှင့် ပြည့်စုံသည့် လူတော်လူကောင်းများ ပေါ်ထွက်လာစေရန်ဆိုသည့် ရည်ရွယ်ချက်များဖြင့် ကျင်းပ ဆောင်ရွက်ပေးခြင်းဖြစ်ပါကြောင်း၊ တာဝန်ရှိသူများအနေဖြင့် ယနေ့လူငယ်များအပါ အဝင်ကျောင်းသား/သူများ၊ ပြည်သူများစာဖတ်ကြစေရန် စာပေဖတ်ရှုလေ့လာနိုင်သည့် ပတ်ဝန်းကျင်ကောင်းများ ဖန်တီးပေးသွားကြရန် လိုအပ်ပါကြောင်း၊ ကျောင်းသား/သူ များအနေဖြင့် စာတတ်ရုံ အတတ်ပညာပြည့်ဝရုံသာမက စဉ်းစားတွေးခေါ်ဉာဏ်ဖြင့် အသိ ပညာပြည့်ဝပြီး ဗလငါးတန်ပြည့်ဝသည့် လူငယ်များပေါ်ထွက်လာစေရန် တာဝန်ရှိသူများ နှင့်မိဘ၊ ဆရာများက ဝိုင်းဝန်းကြိုးပမ်းဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က ကလေးမြို့ အခြေခံပညာကျောင်း များရှိကျောင်းစာကြည့်တိုက် ၉ တိုက်အတွက် တစ်ကျောင်းလျှင် ငွေကျပ်- ၅ သိန်းနှုန်း ဖြင့် စုစုပေါင်းငွေကျပ် - ၄၅ သိန်းတန်ဖိုးရှိ သုတ/ရသစာအုပ်အား ကလေးမြို့ပေါ်ရှိ အခြေခံပညာကျောင်းအုပ်ကြီးများထံ ထောက်ပံ့ပေးအပ်ပြီး ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် အထိမ်းအမှတ် အထက်တန်း/ အလယ်တန်းအဆင့် ကျပန်းစကားပြောပြိုင်ပွဲနှင့် ပုံပြောပြိုင်ပွဲများတွင် ပထမဆုရရှိကြ သော ကျောင်းသား/သူများအား ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား ပေး အပ်ချီးမြှင့်သည်။

ထို့နောက် တိုင်းဒေသကြီး အစိုးရအဖွဲ့ဝင်များ၊ ကလေးတပ်နယ်မှ အရာရှိကြီးများ နှင့် တိုင်းဒေသကြီးအဆင့် ဌာနဆိုင်ရာများက ကျပန်းစကားပြောပြိုင်ပွဲ၊ စာစီစာကုံးပြိုင်ပွဲ၊ ဉာဏ်စမ်း ပဟေဠိပြိုင်ပွဲ၊ ပန်းချီပြိုင်ပွဲ၊ ဆေးရောင်ခြယ်ပြိုင်ပွဲ၊ စကားပုံဆက်ပြိုင်ပွဲ၊ ပုံပြောပြိုင်ပွဲနှင့် ကဗျာရွတ်ပြိုင်ပွဲများတွင် ပထမ၊ ဒုတိယ၊ တတိယ ဆုရရှိကြသူများအား ဂုဏ်ပြုချီး မြှင့်ငွေနှင့် ဂုဏ်ပြုမှတ်တမ်းလွှာများအား အသီးသီး ပေးအပ်ချီးမြှင့်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကလေးမြို့ပေါ်ရှိ အခြေခံပညာကျောင်းမှ ကျောင်းသား/သူများက တေးသီချင်းများဖြင့် သီဆိုကပြဖျော်ဖြေ မှုအား ကြည့်ရှုအားပေးခဲ့ကြပြီး တိုင်းဒေသကြီး လူမှုရေးရာဝန်ကြီးက သီဆိုကပြဖျော် ဖြေပေးသွားကြသော ကျောင်းသား/သူများအား ဂုဏ်ပြုချီးမြှင့်ငွေများ ပေးအပ်ချီးမြှင့် ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျောင်းသား /သူများ အသိပညာဗဟုသုတများ ရရှိစေရန်အတွက် အဆိုပါကျောင်းဝန်းအတွင်း ခင်း ကျင်းပြသထားသည့် လူမှုဝန်ဦးစီးဌာနပြခန်း၊ ပြန်ကြားရေးနှင့်ပြည်သူ့ဆက်ဆံရေးဦးစီး ဌာနပြခန်း၊ မီးသတ်ဦးစီးဌာနပြခန်း၊ ဘေးအန္တာရာယ်စီမံခန့်ခွဲမှုဦးစီးဌာနပြခန်း၊ ပတ်ဝန်း ကျင်ထိန်းသိမ်းရေးဦးစီးဌာနပြခန်း၊ ယာဉ်ထိန်းရဲတပ်ဖွဲ့ပြခန်းနှင့် မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့ပြခန်းများအား တာဝန် ရှိသူများနှင့်အတူ လိုက်လံကြည့်ရှုအားပေးခဲ့ကြောင်း သိရသည်။

မုံရွာ၊ အောက်တိုဘာ ၂၂

စစ်ကိုင်းတိုင်းဒေသကြီး၊ ကလေးမြို့နယ်အတွင်းရှိ ဒေသခံတောင်သူများ စိုက်ပျိုး ထားသည့်သီးနှံများအား ပန်းတိုင်အထွက်နှုန်းရရှိရေးအတွက် ယူရီးယား ဓါတ်မြေသြဇာ ပေးအပ်ပွဲအခမ်းအနားကို အောက်တိုဘာလ ၂၁ ရက်၊ ညနေပိုင်းတွင် ကလေးမြို့၊ မြို့တော်ခန်းမတွင် ကျင်းပရာ အခမ်းအနးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ ကလေးတပ်နယ်မှ အရာရှိကြီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ကလေးမြို့နယ်အတွင်းရှိ ဒေသခံတောင်သူများ တက်ရာက်ကြသည်။

ဦးစွာ တိုင်းဒေသကြီး ဝန်ကြီးချုပ်က ဒေသခံတောင်သူများ စိုက်ပျိုးသည့်သီးနှံများ ပန်းတိုင်အထွက်နှုန်းထွက်ရှိခြင်းဖြင့် စိုက်ပျိုးသည့်တောင်သူများ ဝင်ငွေတိုးပွားရရှိကာ ထွက်ရှိလာသည့်သီးနှံများကို မိမိဒေသစားသုံးရန်သာမက ပိုလျှံမှုအားအခြားဒေသများ အားရောင်းချပေးနိုင်ရေးအတွက်ရည်ရွယ်ကာ ဓါတ်မြေသြဇာများနှင့် သွင်းအားစုများအား ထောက်ပံ့ပေးရခြင်းဖြစ်ကြောင်း ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကလေးမြို့နယ် အတွင်းရှိ ဒေသခံတာင်သူများ စိုက်ပျိုးထားသည့်သီးနှံများအား ပန်းတိုင်အထွက်နှုန်း ရရှိရေးအတွက် ကျေးရွာ ၅ ရွာရှိ ဒေသခံတောင်သူ ၅၀၀ ဦးအတွက် ကျေးရွာကိုယ်စား လှယ်များထံ ယူရီးယားဓါတ်မြေသြဇာများအား ထောက်ပံ့ပေးအပ်ကြသည်။

ဆက်လက်၍ ကလေးမြို့နယ် ကျေးရွာများရှိ ဒေသခံတောင်သူများ ကိုယ်စား ဒေသခံတောင်သူတစ်ဦးက ကျေးဇူးတင်စကား ပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသော ဒေသခံတောင်သူများအား ရင်းရင်းနှီးနှီးလိုက်လံနှုတ်ဆက် အားပေးစကားများ ပြောကြားခဲ့ကြောင်း သိရသည်။

မုံရွာ၊ အောက်တိုဘာ ၂၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ ကလေးတပ်နယ်မှူး၊ တိုင်းဒေသကြီးအဆင့် ဌာနဆိုင်ရာများနှင့် ခရိုင်/မြို့နယ်စီမံ အုပ်ချုပ်ရေး အဖွဲ့ဉက္ကဋ္ဌများနှင့် တာဝန်ရှိသူများသည် အောက်တိုဘာလ ၂၁ ရက်နေ့၊ နံနက်ပိုင်းတွင် ကလေးခရိုင်၊ ကလေးမြို့၊ အမှတ်(၁၀) တပ်မတော်တန်းမြင့်လေ့ကျင့်ရေး ကျောင်းတွင် ကျင်းပပြုလုပ်သော ပြည်သူ့စစ်မှုထမ်းသင်တန်းအမှတ်စဉ်(၆/၂၀၂၄) ဖွင့်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက နိုင်ငံတော်အလံအား အလေးပြုကြပြီး အမှတ်(၁၀) တပ်မတော်တန်းမြင့်လေ့ကျင့်ရေးကျောင်း၊ ကျောင်းအုပ် ကြီး ဗိုလ်မှူးချုပ် နိုင်ဝင်းအောင်က အဖွင့်အမှာစကား ပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် အဆိုပါ ကျောင်းရှိစားရိပ်သာဆောင်တွင် သင်တန်းသားများနှင့် ရင်းရင်းနှီးနှီးတွေ့ဆုံရာ တိုင်းဒေ သကြီး ဝန်ကြီးချုပ် ဦးမြတ်ကျော်က နှုတ်ဆက်စကားပြောကြားပြီး ကျောင်းအုပ်ကြီးထံ သင်တန်းသားများအတွက် ငွေကျပ်သိန်း ၅၀ အား ထောက်ပံ့ပေးအပ်ကာ သင်တန်းသား များနှင့်အတူတကွ နံနက်စာသုံးဆောင်ခဲ့ကြပြီး တာဝန်ရှိသူများနှင့်အတူ သင်တန်းသား များအားရင်းရင်းနှီးနှီး လိုက်လံနှုတ်ဆက်စကား ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့နယ်၊ ကျီကုန်းကျေးရွာရှိ “ဘဝအလင်းတန်း” စာကြည့်တိုက်ဖွင့်ပွဲ အခမ်း အနားသို့ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာ ဝန်ကြီး ဦးညွန့်ဝင်းအောင်၊ တိုင်းဒေသကြီး လမ်းပန်းဆက်သွယ်ရေးဝန်ကြီး ဦးခင်မောင်အေးနှင့် ကလေးတပ်နယ်မှူး ဗိုလ်မှူးချုပ် အောင်နိုင်ဦးတို့က “ဘဝအလင်းတန်း” စာကြည့်တိုက်အား ဖဲကြိုးဖြတ်ဖွင့်လှစ်ပေးကြသည်။

ဆက်လက်ပြီး “ဘဝအလင်းတန်း” စာကြည့်တိုက်ဖွင့်ပွဲ ဒုတိယပိုင်း အခမ်းအနား ကိုကျင်းပရာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိနိုင်ငံ၏ လူဦးရေ(၇၀) ရာခိုင်နှုန်းခန့်သည် ကျေးလက်ဒေသတွင်နေထိုင်သည့်အတွက် ကျေးလက်ပြည်သူများ ၏ စီးပွားရေး၊ လူမှုရေး၊ ပညာရေး၊ ကျန်းမာရေး၊ စိုက်ပျိုးရေးများ ဖွံ့ဖြိုးတိုးတက်လာမှသာ နိုင်ငံလည်းဖွံ့ဖြိုးတိုးတက်လာမည် ဖြစ်ပါကြောင်း၊ လူမှုကွန်ရက်မီဒီယာများသည် လူငယ်လူရွယ်များဘဝ လမ်းမှားရောက်ပြီး ဘဝတစ်ခုလုံးပျက်စီးသွားအောင် ဆောင်ရွက် နိုင်သကဲ့သို့ လူငယ်လူရွယ်များအား မှန်မှန်ကန်ကန်စဉ်းစားတွေးခေါ်ပြီး မိမိတို့ဘဝ တိုးတက်မြှင့်မားအောင် စွမ်းဆောင်နိုင်သည့် အရာလည်းဖြစ်ပါကြောင်း၊ စာကြည့်တိုက် အတွက် ရန်ပုံငွေများ၊ စာအုပ်စာပေများ၊ ပရိဘောဂပစ္စည်းများ ပြည့်စုံအောင် လုပ်ဆောင် နိုင်ရန်ဒေသအာဏာပိုင်များ၊ စာကြည့်တိုက်ကော်မတီများနှင့် ကျေးရွာသူ၊ကျေးရွာသား များ၏ စည်းလုံးညီညွတ်မှု၊ စိတ်အားထက်သန်မှု၊ တက်ကြွမှုများဖြင့် စာကြည့်တိုက် ရေရှည်တည်တံ့ခိုင်မြဲအောင် ကြိုးပမ်းဆောင်ရွက်သွားကြရန် လိုအပ်ပါကြောင်း၊ မိမိတို့ တိုင်းဒေသကြီး အစိုးရအဖွဲ့အနေဖြင့် တိုင်းဒေသကြီးအတွင်းရှိပြည်သူများ ဖွံ့ဖြိုးတိုးတက် မှုအသီးအပွင့်များရရှိနိုင်ရန် လူနေမှုအဆောက်အအုံကြီးထဲတွင် ပြည်သူများ အေးချမ်း သာယာစွာ နေထိုင်နိုင်ရန်အတွက် ဆောင်ရွက်ပေးလျက်ရှိရာ ယနေ့ဖွင့်လှစ်ပေးလိုက် သည့် “ဘဝအလင်းတန်း” စာကြည့်တိုက်အား ထာဝစဉ်ရှင်သန်ဖွံ့ဖြိုး တိုးတက်အောင် တာဝန်ရှိသူအားလုံးမှ စဉ်ဆက်မပြတ် ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

အဆိုပါ “ဘဝအလင်းတန်း” စာကြည့်တိုက်သည် မြန်မာနိုင်ငံစာကြည့်များဖွံ့ဖြိုးတိုတက်ရေးပူးပေါင်းဆောင်ရွက်မှုကော်မတီ၏ ပံပိုးငွေ ကျပ်သိန်း(၁၅၀) ဖြင့်မတည်ကာ ဆောက်လုပ်ခဲ့ကြောင်းသိရှိရပြီး
တိုင်းဒေသကြီး ဝန်ကြီးချုပ်က “ဘဝအလင်းတန်း” စာကြည့်တိုက် ရေရှည်တည်တံ့ခိုင်မြဲရေး ငွေကျပ်- ၁၀ သိန်းတန်ဖိုးရှိ သုတ/ရသစာအုပ် ၄၁၄ အုပ်အား ထောက်ပံ့ပေး အပ်ကာ စာကြည့်တိုက်အတွင်း ကျောင်းသား ကျောင်းသူများ စာပေဖတ်ရှုလေ့လာနေမှုများနှင့် စာအုပ် စာစောင်များ စနစ်တကျထားရှိမှုများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကလေးမြို့နယ်၊ ကျီကုန်းကျေးရွာနှင့် အင်ဒိုင်းကြီးကျေးရွာတို့မှ ကျောင်းသူလေးများ၏ တေးသီချင်းများ ဖြင့်ကပြဖျော်ဖြေမှုအား ကြည့်ရှုအားပေးခဲ့ကြပြီး တိုင်းဒေသကြီး အစိုးရအဖွဲ့ဝင်များက ကျီကုန်းကျေးရွာနှင် အင်ဒိုင်းကြီးကျေးရွာ အခြေခံပညာကျောင်းများရှိ ကျောင်းစာကြည့် တိုက်များအတွက် ထောက်ပံ့ငွေကျပ် - ၁၀ သိန်းစီအား ကျောင်းအုပ်ကြီးများထံ ထောက် ပံ့ပေးအပ်ခဲ့ကြောင်း သိရသည်။

မုံရွာ၊ အောက်တိုဘာ ၁၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌနှင့် တာဝန်ရှိသူများသည် အောက်တိုဘာလ ၁၉ ရက်၊ နံနက်ပိုင်းတွင် မုံရွာမြို့၊ လယ်တီ ရပ်ကွက်ရှိ ပြည်ထောင်စု ဈေးကြီး၌ ကုန်ဈေးပွဲရုံအခန်းပေါင်း ၉၆ ခန်းပါဝင်သည့် အလျား - ၈၀ ပေ၊ အနံ - ၆၀ ပေရှိ ကုန်ဈေးပွဲရုံ ၁၂ ရုံတည်ဆောက်ရေးလုပ်ငန်းသို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက ကုန် ဈေးပွဲရုံများ တည်ဆောက်နေမှု လုပ်ငန်းများ၊ ပွဲရုံများအတွင်း ရေးစီးရေလာကောင်းမွန်စေရေးနှင့် ကွန်ကရစ်လမ်းများခင်းကျင်းနေမှု အခြေအနေများ၊ လယ်တီကန်ပတ်လည် သာယာလှပရေးလုပ်ငန်းများဆောင်ရွက်နေ မှုများနှင့် ချမ်းမြဝတီရပ်ကွက်ရှိ ပြည်သူ့ဥယျာဉ် တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများအား သတ်မှတ်ကာလတွင် စံချိန်စံညွှန်းမီအရည်အသွေးကောင်းမွန်စွာ တည်ဆောက်ပြီးစီးရေး၊ ကုန် ဈေးပွဲ ရုံပတ်ဝန်းကျင် သန့်ရှင်းသပ်ရပ်ရေးနှင့် စိမ်းလန်းစိုပြေရေးလုပ်ငန်းများ ကြိုတင်ဆောင်ရွက်သွားရေး၊ မီးဘေးအန္တရာယ်အား ကြိုတင်မျှော်တွေးကာ စီမံဆောင်ရွက်ထားရေးနှင့် ကုန်‌ေဈးပွဲရုံများ တည်ဆောက်ပြီးစီးပါက ကော်မတီများဖွဲ့စည်းကာ စနစ်တကျနေရာချထားသွားရေးတို့အား မှာကြားကာ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ကုန် ဈေးပွဲရုံများတည်ဆောက်နေမှုအား လိုက်လံကြည့်ရှု စစ်ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အရှေ့ဘက် ကန်သာယာကန်ပတ်လည် အရှည် - ၁၃၈၉၆ စတုရမ်းပေအား ၆ ပေအကျယ် လျှောက်လမ်း ချဲ့ခြင်းလုပ်ငန်းခွင်သို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက တည်ဆောက်ရေးလုပ်ငန်းများ ဆောင်ရွက်နေမှုများနှင့် ပတ်သက်၍ ရှင်းလင်းတင်ပြပြီး တိုင်း ဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အနောက်ဘက်ကန်သာယာကန်သို့ ရောက်ရှိရာ ကန်ပတ်ဝန်းကျင် သန့်ရှင်းသာယာလှပရေးနှင့် စိမ်းလန်းစိုပြေရေးလုပ်ငန်းများ ဆောင်ရွက်ထားရှိမှုများအား လိုက်လံကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အောင်ချမ်းသာရပ်ကွက်ရှိ အောင်ချမ်းသာ ဈေးသို့ ရောက်ရှိရာ မုံရွာမြို့နယ်၊ စည်ပင်သာယာရေးအဖွဲ့ အမှုဆောင်အရာရှိ ဒုတိယညွှန်ကြားရေးမှူးက အောင်ချမ်းသာ ဈေးရှိ ဈေးဆိုင်ခန်းများ ရောင်းချနေ မှုအခြေအနေများ၊ ဈေးအတွင်း ရေစီးရေလာကောင်းမွန်ရေးနှင့် ကာလကြာမြင့်ပြီဖြစ်သည့် ဈေးအဆောက်အဦများ ပြန်လည်ပြုပြင်ဆောင်ရွက်ရန်လိုအပ်မှု အခြေအနေများအား ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ပြုပြင်ရန်လိုအပ်သည့် ဈေးဆိုင်ခန်းများ အမြန်ပြုပြင်ဆောင် ရွက်ရေးနှင့် ဈေးအတွင်းသန့်ရှင်းသပ်ရပ်မှုရှိစေရေး၊ ရေစီးရေလာကောင်းမွန်စေရေးနှင့် မီးဘေးအန္တရာယ်ကြိုတင်ကာကွယ်ရေးလုပ်ငန်းများ ဆောင်ရွက်သွားရေးတို့အား မှာကြားခဲ့ သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အောင်ချမ်းသာ ဈေးအတွင်း ဈေးရောင်းချနေသူများနှင့် ဈေးဝယ်လာရောက်ကြသည့် ရပ်ကွက်နေပြည်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ အောက်တိုဘာ ၁၉

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ အခြေခံ ပညာကျောင်းများ သီတင်းကျွတ်ကျောင်း ပိတ်ရက် ပြန်လည်ဖွင့်လှစ်သည့်အချိန်တွင် ကျောင်းသား/သူများ စိတ်အေးချမ်းသာစွာဖြင့် ပညာသင်ကြားနိုင်ရန်အတွက် အောက်တိုဘာလ ၁၉ ရက်၊ နံနက်ပိုင်းတွင် မုံရွာမြို့၊ ဒေါနခြံရပ်ကွက်ရှိ အမှတ်(၂) အခြေခံပညာ အထက်တန်းကျောင်းဝန်းအတွင်း သစ်ပင်ခြုံနွယ်များ၊ ပေါင်းမြက်များ ခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ် မြောင်းများရေစီးရေလာ ကောင်းမွန် စေရေးတို့အတွက် တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့ဝင်များ၊ အထေွထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေး အသင်းအဖွဲ့ဝင်များ၊ ဌာနဆိုင်ရာဝန်ထမ်းများနှင့် ဆရာ/ဆရာမများ၊ ကျောင်းသား/သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်ရာသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက သွားရောက်ကြည့်ရှုအားပေးခဲ့ကြပြီး စုပေါင်းသန့်ရှင်းရေး လုပ်ငန်းများဆောင်ရွက်နေသူများ၊ ရပ်ကွက်နေပြည်သူများ၊ ဌာနဆိုင်ရာဝန်ထမ်းများနှင့် ဆရာ/ ဆရာမများအား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးကာ စုပေါင်းသန့်ရှင်းရေး လုပ်ငန်းများ ဆောင်ရွက်နေကြသူများနှင့်အတူ နံနက်စာအားအတူတကွ သုံးဆောင်ခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၃ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၅၀၀ ကျော်ဖြင့် အခြေခံပညာကျောင်းများနှင့် မြို့သန့်ရှင်းသာယာလှပရေး လုပ်ငန်းများအား စုပေါင်း ဆောင်ရွက်ခဲ့ကြောင်း သိရသည်။

မုံရွာ၊ အောက်တိုဘာ ၁၈

စစ်ကိုင်းတိုင်းဒေသကြီး၊ မုံရွာမြို့၊ ရွှေစည်းခုံစေတီတော်မြတ်ကြီးအား ဆီမီး ၅၀၀၀ ထွန်းညှိပူဇော်ပွဲမင်္ဂလာ အခမ်းအနားကို အောက်တိုဘာလ ၁၇ ရက်၊ ညနေပိုင်းတွင် အဆိုပါ စေတီတော်ကြီးရှိ သာသနာ့ဗိမာန်တော်တွင် ကျင်းပရာ အခမ်းအနားသို့ ပင့်သံဃာ ဆရာတော် ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့် ဇနီး၊ တိုင်းဒေသကြီး အစိုးရအဖွဲ့ဝင်များနင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ ဂေါပကအဖွဲ့ဝင်များ၊ မြို့မိမြို့ဖများနှင့် ရပ်ကွက်နေပြည်သူများ တက်ရောက်ကြ သည်။

ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အခမ်းအနားအားဖွင့်လှစ်ကြပြီး မုံရွာမြို့၊ ဘုရားကြီးရပ်ကွက်၊ သာစံကျောင်းတိုက် ပဓာနနာယက သက်တော်ရှည် ဘဒ္ဒန္တ တေဇဝန္တ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည်ပရိတ်သတ်များ ငါးပါးသီလခံယူဆောက်တည်ကြသည်။

ယင်းနောက် ဆရာတော်၊ သံဃာတော်အရှင်သူမြတ်များမှ ရွတ်ပွားသရဇ္ဈာယ်ချီးမြှင့်တော်မူသည့် ပရိတ်တရားတော်များအား တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက နာယူ ကြည်ညိုကြသည်။

ဆက်လက်၍ ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများက လှူဖွယ်ပစ္စည်းများနှင့် ဆွမ်း၊ဆွမ်းဟင်းများ ဆက်ကပ်လှူဒါန်းကြသည်။

ထို့နောက် မုံရွာမြို့၊ ရန်ကင်းကျောင်းတိုက်ကြီး၏ ဦးစီးပဓာနနာယက ဒွိပိဋကဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည်ပရိတ်သတ်များက အနုမောဒနာတရား နာယူကြည်ညိုပြီး လှူဒါန်းမှုအစုစု တို့အတွက် ရေစက်သွန်းချအမျှပေးဝေကာ “ဗုဒ္ဓသာသနံ စိရံ တိဌတု”သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနင့်ဇနီးများ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ရပ်ကွက်နေပြည်သူများက ရွှေစည်းခုံစေတီ တော်မြတ်ကြီး ရင်ပြင်တော်ပေါ်၌ ဆီမီး ၅၀၀၀ အား တစ်ပျော်တစ်ပါး ထွန်းညှိပူဇော်ကြပြီး အခမ်းအနားသို့ တက်ရောက် လာသူများအား တိုင်းဒေသကြီး အစိုးရအဖွဲ့ ဝန်ကြီးဌာနများ အလိုက် အစားသောက်များဖြင့် ဧည့်ခံကျွေးမွေးနေမှုများအား လိုက်လံကြည့်ရှု အားပေးခဲ့ကြ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အရှေ့ ဘက်ကန်သာယာကန်ရှိ ရာပြည့်ကပ်ကျော်စေတီတော်ကြီး၌ ဆီမီး ၃၀၀၀ ထွန်းညှိပူဇော်ခြင်း နှင့်မီးပုံပျံလွှတ်တင်ခြင်း အခမ်း အနားသို့ ရောက်ရှိရာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ရှမ်းရိုးရာယဉ်ကျေးမှုအကအဖွဲ့မှ ကပြနေမှုများအား ကြည့်ရှုအားပေးကြပြီး ဂုဏ်ပြု ချီးမြှင့်ငွေများ ပေးအပ်ချီးမြှင့်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့် ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ ဌာနဆိုင်ရာများနှင့် ရပ်ကွက်နေပြည်သူ များမှ စေတီတော်ကြီးရင်ပြင်ပေါ်၌ ဆီမီး ၃၀၀၀ အား ထွန်းညှိပူဇော်ကာ မီးပုံးပျံများအား တစ်ပျော်တစ်ပါး စုပေါင်းလွှတ်တင်ခဲ့ကြပြီး အခမ်းအနားသို့ တက်ရောက်လာသူများအား တိုင်းဒေသကြီးအစိုးရအဖွဲ့ ဝန်ကြီးဌာနများအလိုက် အစားသောက်များဖြင့် ဧည့်ခံကျွေးမွေးနေမှုများအား လိုက်လံကြည့်ရှု အားပေးခဲ့ကြောင်း သိရသည်။