မုံရွာ၊ အောက်တိုဘာ ၂၆

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ အခြေခံ ပညာကျောင်းများ သီတင်းကျွတ် ကျောင်းပိတ်ရက် ပြန်လည်ဖွင့်လှစ်သည့်အချိန်တွင် ကျောင်းသား/သူများ စိတ်အေးချမ်း သာစွာဖြင့် ပညာသင်ကြားနိုင်ရန်အတွက် အောက်တိုဘာလ ၂၆ ရက်၊ နံနက်ပိုင်းတွင် မုံရွာမြို့၊ ဆူးလေကုန်းရပ်ကွက်ရှိ အမှတ်(၃)အခြေခံပညာအထက်တန်း ကျောင်းဝန်း အတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွား နိုင်သည့် ရေနုတ်မြောင်းများရေစီးရေလာ ကောင်းမွန်စေရေးတို့အတွက် တိုင်းဒေသကြီး/ ခရိုင်/မြို့နယ် အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်မှုကြီးကြပ် ရေးအဖွဲ့ဝင်များ၊ အထေွထွေအုပ်ချုပ်ရေးဦးစီးဌာနမှဝန်ထမ်းများ၊ မြန်မာ နိုင်ငံရဲတပ်ဖွဲ့ဝင် များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများနှင့် ဆရာ/ဆရာမများ၊ ကျောင်းသား/သူများစုပေါင်း၍ သန့်ရှင်း ရေးလုပ်ငန်းများ ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်ရာသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက သွားရောက်ကြည့်ရှုအားပေးခဲ့ကြပြီး စုပေါင်းသန့်ရှင်းရေး လုပ်ငန်းများဆောင်ရွက်နေသူများ၊ ရပ်ကွက်နေပြည်သူများ၊ ဌာန ဆိုင်ရာဝန်ထမ်းများနှင့် ဆရာ/ဆရာမများအား တန်ဖိုးသင့်စားသောက်ကုန်များ၊ ဟင်းသီး ဟင်းရွက်များနှင့် စားသုံးဆီများအား စေျးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးကာ ကျောင်းသားမိဘများနှင့်ဆရာ/ဆရာမများအား ရင်းရင်းနှီးနှီးနှုတ် ဆက်ပြီး စုပေါင်းသန့်ရှင်းရေးလုပ်ငန်းများဆောင်ရွက်နေကြသူများနှင့်အတူ နံနက်စာ အားအတူတကွသုံးဆောင် ခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၈ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာ ဝန်ထမ်းများနှင့် စည်ပင်သာယာရေးအဖွဲ့များ စုစု ပေါင်းအင်အား ၁၂၀၀ ကျော်ဖြင့် အခြေခံ ပညာကျောင်းများနှင့် မြို့သန့်ရှင်းသာယာလှပ ရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။

မုံရွာ၊ အောက်တိုဘာ ၂၆

စစ်ကိုင်းတိုင်းဒေသကြီး ၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက်ယှဉ်ပြိုင်နိုင်ရေးနှင့် အောင်နိုင်ရေး လုပ်ငန်းညှိနှိုင်း အစည်းအဝေး(၅/၂၀၂၄)ကို အောက်တိုဘာလ ၂၆ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အားကစားနှင့်ကာယပညာဦးစီးဌာနနှင့် အားကစားနှင့် ကာယပညာသိပ္ပံ(မုံရွာ)ကျောင်းအုပ်ကြီးနှင့် အားကစားနည်းများအလိုက် တာဝန်ခံများ၊ အသင်းနည်းပြများနှင့်အုပ်ချုပ်သူများ တက်ရောက်ကြသည်။

ဦးစွာ တိုင်းဒေသကြီး အားကစားနှင့်ကာယပညာဦးစီးဌာနမှ ညွှန်ကြားရေးမှူး ဦးအောင်ဇော်လွင်က ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစား ပြိုင်ပွဲများသို့ ဝင်ရောက်ယှဉ်ပြိုင်နိုင်ရေး ကြိုတင်ပြင်ဆင်ဆောင်ရွက်ထားရှိမှုများနှင့် ပြိုင် ပွဲဝင်အားကစားသမားများ စုဖွဲ့လေ့ကျင့်နေမှုများအား Power Point ဖြင့် ရှင်းလင်းတင် ပြသည်။

ယင်းနောက် အစည်းအဝေးသို့ တက်ရောက်လာကြသည့် အားကစားနှင့်ကာယ ပညာသိပ္ပံ(မုံရွာ) ကျောင်းအုပ်ကြီးနှင့် အားကစားနည်းများအလိုက် တာဝန်ခံများ၊ အသင်း နည်းပြများနှင့်အုပ်ချုပ်သူများက မိမိတို့တာဝန်ယူဆောင်ရွက်နေသည့် အားကစားနည်း များအလိုက် စခန်းသွင်းစုဖွဲ့လေ့ကျင့်နေမှုများနှင့် ကြိုတင်ပြင်ဆင်ဆောင်ရွက်ထားသည့် အခြေအနေများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများက မိမိတို့တာဝန်ယူ ကြီးကြပ် နေသည့် အားကစားနည်းများအလိုက် စခန်းသွင်းလေ့ကျင့်နေမှု အခြေအနေများ၊ စား သောက်ရေး/နေထိုင်ရေးနှင့် ကျန်းမာရေးစောင့်ရှောက်မှုပေးထားသည့် အခြေအနေများ အား ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက် ယှဉ်ပြိုင်နိုင်ရေး အောင်နိုင်ရေးလုပ်ငန်းများနှင့် ပတ်သက်၍ လိုအပ်သည်များကို အသီး သီးဆွေးနွေးတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသားအားကစား ပွဲတော်ပြိုင်ပွဲကြီးသို့ အားကစားနည်းများအလိုက် သွားရောက်ယှဉ်ပြိုင်ကြမည့် အုပ်ချုပ်/ နည်းပြများနှင့် ပြိုင်ပွဲဝင်အားကစားသမားများအားလုံးအတွက် ပြိုင်ဆိုင်မှုပြင်းထန်လှ သည့်ပြိုင်ပွဲကြီးတစ်ခုဖြစ်ပါကြောင်း၊ တာဝန်ရှိသူအားလုံးအနေဖြင့် ပြိုင်ပွဲကြီးအပေါ် တာ ဝန်ခံမှု၊တာဝန်သိမှုစိတ်ဓါတ်အပြည့်ဖြင့် ပြိုင်ပွဲများအလိုက် မိမိတို့အသင်းအနိုင်ရရှိရေး အားတစိုက်မတ်မတ် အလေးအနက်ထားပြီး စံချိန်ကောင်းများဖြင့် ဆုတံဆိပ်များရရှိကာ အောင်မြင်မှုများရရှိရေးအတွက် ပေါ့ဆမှုမရှိဘဲ အလေးထားဆောင်ရွက်သွားကြရန် လို အပ်ပါကြောင်း၊ အသင်းလိုက်အားကစားအနေဖြင့် လက်ရှိတွင်တစုတစည်းတည်း လေ့ ကျင့်နိုင်ပါက တစ်ဦးနှင့်တစ်ဦးအချိတ်အဆက်မိမိ ယှဉ်ပြိုင်ကစားသွားနိုင်မည် ဖြစ်ပါ ကြောင်း၊ အုပ်ချုပ်/နည်းပြများနှင့် ပြိုင်ပွဲဝင်အားကစားသမားအနေဖြင့် အားကစားနည်း များအလိုက် အမှန်တကယ်စုဖွဲ့လေ့ကျင့်ပြီး ဆုတံဆိပ်များဆွတ်ခူးရရှိအောင် အစွမ်းကုန် ကြိုးစားယှဉ်ပြိုင်သွားကြရန်နှင့် အားကစားသမားကောင်း စိတ်ဓါတ်ပြည့်ဝစွာဖြင့် စည်း ကမ်းကောင်းမွန်ပြီး ယုံကြည့်ချက်ခံယူချက် ကောင်းမွန်စွာဖြင့် ယှဉ်ပြိုင်ကစားသွားကြ ရန်လိုအပ်ပါကြောင်း ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူ များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ အောက်တိုဘာ ၂၅

စစ်ကိုင်းတိုင်းဒေသကြီး၊ စစ်ကိုင်းမြို့နယ်အတွင်းရှိ ဒေသခံတောင်သူများ စိုက်ပျိုး ထားသည့်သီးနှံများအား ပန်းတိုင်အထွက်နှုန်းရရှိရေးအတွက် သွင်းအားစုများထောက်ပံ့ ပေးအပ်ပွဲအခမ်းအနားကို အောက်တိုဘာလ ၂၅ ရက်၊ နံနက်ပိုင်းတွင် စစ်ကိုင်းမြို့၊ ခရိုင် စိုက်ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပရာ အခမ်းအနားသို့ တိုင်းဒေသ ကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းမြို့နယ်အတွင်းရှိ ဒေသခံတောင်သူများ တက်ရာက်ကြသည်။

ဦးစွာ စစ်ကိုင်းခရိုင် ကြေးတိုင်နှင့်မြေစာရင်းဦးစီးဌာနမှ ခရိုင်ဦးစီးမှူးက စစ်ကိုင်း ခရိုင်အတွင်းရှိ မြို့နယ်များ၌ အမှန်တကယ်စိုက်ပျိုးလုပ်ကိုင်နေသည့် လယ်ယာမြေများ အသုံးချစိုက်ပျိုးနေမှုများအား လည်းကောင်း၊ ခရိုင်စိုက်ပျိုးရေးဦးစီးဌာနမှ ခရိုင်ဦးစီးမှူး ကစစ်ကိုင်းခရိုင်အတွင်း ရာသီအလိုက် စိုက်ပျိုးသည့်သီးနှံများ ပန်းတိုင်အထွက်နှုန်းရရှိ ရေး လုပ်ငန်းများဆောင်ရွက်နေမှုများအား လည်းကောင်း၊ ခရိုင်ငါးလုပ်ငန်းဦးစီးဌာန ခရိုင်ဦးစီးမှူးက ငါးစားသုံးမှုဖူလုံစေရန်အတွက် ငါးမွေးမြူထားရှိမှု အခြေအနေများအား လည်းကောင်း၊ ခရိုင်မွေးမြူရေးနှင့်ကုသရေးဦးစီးဌာနမှ ခရိုင်ဦးစီးမှူးက အသားနှင့်ဥ မွေးမြူထုတ်လုပ်နေမှု အခြေအနေများအား လည်းကောင်း၊ ခရိုင်ဆည်မြောင်းနှင့်ရေ အသုံးချမှုစီမံခန့်ခွဲရေးဦးစီးဌာန(ရေအရင်းအမြစ်)မှ ခရိုင်ဦးစီးမှူးက မြစ်ရေတင်လုပ်ငန်း များမှ စိုက်ပျိုးရေပေးဝေနေမှု အခြေအနေများအား လည်းကောင်း၊ ခရိုင်ဆည်မြောင်း နှင့်ရေအသုံးချမှုစီမံခန့်ခွဲရေးဦးစီးဌာနမှ ခရိုင်ဦးစီးမှူးက စစ်ကိုင်းခရိုင်အတွင်းရှိ ဆည် တမံများမှ စိုက်ပျိုးရေဖြန့်ဝေပေးနေမှုများနှင့် စိုက်ပျိုးရေ အခွန်များရရှိရေးတို့အား လည်းကောင်း ရှင်းလင်းပြောကြားကြသည်။

ယင်းနောက် စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌက စစ်ကိုင်းခရိုင်အတွင်း စိုက်ပျိုးထားသည့်သီးနှံများနှင့် ပတ်သက်၍ ရှင်းလင်းပြောကြားကာ တိုင်းဒေသကြီး စိုက် ပျိုးရေးဦးစီးဌာနမှ ညွှန်ကြားရေးမှူးက စစ်ကိုင်းခရိုင်အတွင်း၌ စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးအတွက် တောင်သူများလိုက်နာဆောင်ရွက်ရမည့် လုပ်ငန်း များအား ဖြည့်စွက်ဆွေးနွေး ပြောကြားသည်။

ထို့်နောက် တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီးအတွင်း စိုက်ပျိုး လျက်ရှိသည့် စပါး၊ဆီထွက်သီးနှံနှင့်ဝါသီးနှံစသည့် သီးနှံမျိုးစုံစိုက်ဧကများ လျာထား ချက်ပြည့်မီရေးနှင့် ပန်းတိုင်အထွက်နှုန်းရရှိရေးအား စိုက်ပျိုးရေးကြီးကြပ်မှုအဖွဲ့များနှင့် ဒေသခံတောင်သူများမှ အလေးထားကာ ပူးပေါင်းဆောင်ရွက်သွားကြရန် လိုအပ်ပါ ကြောင်း၊ ရာသီအလိုက်စိုက်ပျိုးသမျှသီးနှံများ ပန်းတိုင်အထွက်နှုန်းရရှိရေးနှင့် တိုင်းဒေ သကြီး၏ သီးထပ်သီးညှပ်စိုက်စွမ်းအား မြှင့်တင်ရေးအတွက် ဌာနဆိုင်ရာများနှင့် တာဝန် ရှိသူများမှ မြေပြင်အထိကွင်းဆင်း၍ အနီးကပ်ကြီးကြပ်မှုများ ဆောင်ရွက်သွားကြရန်နှင့် ပညာပေးကွင်းသရုပ်ပြပွဲများ မကြာခဏ ဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက စစ်ကိုင်းမြို့နယ်အတွင်းရှိ ဒေသခံတာင်သူများ စိုက်ပျိုးထားသည့်သီးနှံများအား ပန်းတိုင် အထွက်နှုန်းရရှိရေးအတွက် ကျေးရွာ ၆ ရွာရှိ ဒေသခံတောင်သူ ၃၅၀ ဦးအတွက် ကျေးရွာ ကိုယ်စားလှယ်များထံ သွင်းအားစုများအား ထောက်ပံ့ပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက် အားပေးစကားများပြော ကြားပြီး တာဝန်ရှိသူများနှင့်အတူ ဒေသခံတောင်သူများအား နံနက်စာများဝေငှပေးခဲ့ကြ ပြီးစားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအား ပေးခဲ့ကြောင်းသိရသည်။

မုံရွာ၊ အောက်တိုဘာ ၂၅

စစ်ကိုင်းတိုင်းဒေသကြီးအစိုးရအဖွဲ့၏ ဦးဆောင်မှုဖြင့် မုံရွာမြို့ ဆုတောင်းပြည့်စေတီတော်မြတ်ကြီး ဗုဒ္ဓပူဇနိယပွဲတော် သံဃာအပါး ၅၀၀ ဆွမ်းသပိတ်လောင်းလှူပွဲကိုယနေ့ နံနက်ပိုင်းက အဆိုပါ ဆုတောင်းပြည့်စေတီတော်မြတ်ကြီးအတွင်းရှိ ဘောဂရံသီ ဝိပဿနာ ဓမ္မာရုံကြီးတွင် ကျင်းပရာ စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ် ဦးဇော်ထူး၊ တိုင်းဒေသကြီး ဝန်ကြီးများ၊ တိုင်းဒေသကြီး ဥပဒေချုပ် နှင့် တိုင်းဒေသကြီး ၊ခရိုင်၊မြို့နယ်အဆင့်ဌာနဆိုင်ရာများ၊ ဒေသခံပြည်သူ အလှူရှင်များ တက်ရောက်ခဲ့ကြသည်။

ဦးစွာ စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ် ဦးဇော်ထူးနှင့် တာဝန်ရှိသူများက မုံရွာမြို့ သာဇံကျောင်းတိုက် ဆရာတော် ဘဒ္ဒန္တတေဇဝန္ဒထံမှ ငါးပါးသီလ ခံယူဆောက်တည်ကြပြီးနောက် သံဃာတော်အရှင်သူမြတ်များထံသို့ ဆွမ်းသပိတ်နှင့် လှူဖွယ်ဝတ္ထုပစ္စည်းများကို ဆက်ကပ်လှူဒါန်းကြသည်။

ဆက်လက်ပြီး စစ်ကိုင်းတိုင်းဒေသကြီး အစိုးရအဖွဲ့၏ လှူဒါန်းသော ဆွမ်းသပိတ်အလုံး ၁၀၀ အပါအဝင် အလှူရှင်များမှ လှူဒါန်းသော ဆွမ်းသပိတ်အလုံး ၅၀၀အတွက် မုံရွာမြို့ မဟာဝိဇ္ဇာသိပ္ပံ ဆရာတော် အဘိဓဇ မဟာရဌဂုရု အဂ္ဂမဟာပဏ္ဍိတ ဘဒ္ဒန္တသူရိယထံမှ ရေစက်သွန်းချတရားနာယူအမျှပေးဝေခဲ့ပြီးနောက် ဗုဒ္ဓသာသနံ စိရံတိဌတု သုံးကြိမ်ရွတ်ဆို၍ အခမ်းအနားကို ရုပ်သိမ်းလိုက်သည်။

ထို့နောက် စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ်နှင့်အဖွဲ့သည် အလှူရှင်များနှင့်အတူအဆိုပါ ဆုတောင်းပြည့်စေတီတော်မြတ်ကြီးအတွင်း ဆွမ်သပိတ်များ စုပေါင်းလောင်းလှူခဲ့ပြီး အလှူရှင်များအား ရင်းရင်းနှီးနှီး လိုက်လံနှုတ်ဆက်ကာ ဆုတောင်းပြည့် ဘုရားအား ဖူမြော်ကြည်ညို၍ ပန်း၊ရေချမ်း၊ဆီမီးများကပ်လှူပူဇော်၍ ဆုတောင်းပြည့်စေတီတော်မြတ်ကြီးအား လက်ယျာရစ် လှည့်လည် ဖူးမြော်ကြည်ညိုခဲ့ကြောင်းသိရသည်။

မုံရွာ၊ အောက်တိုဘာ ၂၄

(၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲသို့ဝင် ရောက်ယှဉ်ပြိုင်ခဲ့သည့် စစ်ကိုင်းတိုင်းဒေသကြီးကိုယ်စားပြု အောင်ပွဲရပြိုင် ပွဲဝင်များအား ဂုဏ်ပြုပွဲအခမ်းအနားကို အောက်တိုဘာလ ၂၄ ရက်၊ မွန်းလွဲပိုင်းတွင် စစ်ကိုင်း ပညာရေးတက္ကသိုလ်ရှိ ဘွဲ့နှင်းသဘင်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်ဝန်ကြီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ပညာရေးတက္ကသိုလ်မှ ပါမောက္ခချုပ်နှင့် ပါမောက္ခဌာနမှူး များ၊ ဆရာ၊ဆရာမများ၊ အဆို၊ အက၊ အရေး၊ အတီးပြိုင်ပွဲဝင်များ၊ အနုပညာရှင်များနှင့် ဖိတ် ကြားထားသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအနေဖြင့် ရရှိသည့်ဆုတံဆိပ်များမှာ ယမန်နှစ်ကထက် ရွှေတံဆိပ် (၁၆)ဆု ပိုမိုရရှိသည့်အတွက် ယမန်နှစ် အဆင့် (၅) နေရာမှယခုနှစ်တွင် အဆင့်(၂)နေရာအထိ တက်လှမ်းနိုင်ခဲ့ပါကြောင်း၊ တိုင်းဒေသ ကြီးကိုယ်စားပြုပြိုင်ပွဲဝင်များအား တစ်လတာအချိန်ယူပြီး စခန်းသွင်းလေ့ကျင့်နေစဉ်အတွင်း အရည်အချင်းတိုးတက်မှုရှိရေးအတွက် နည်းပြပညာရှင်ကြီးများက စစ်ဆေးမှု(၂)ကြိမ် ပြုလုပ်ခဲ့ ရာထိရောက်သည့်အကျိုးကျေးဇူးများ ခံစားခဲ့ရတာဖြစ်ပါကြောင်း၊ နေပြည်တော်ပြိုင်ပွဲ ကျင်းပ နေသည့်ကာလများအတွင်း လိုအပ်ချက်များမရှိအောင် တာဝန်ရှိသူအားလုံးမှ ပူးပေါင်းဆောင် ရွက်ခဲ့ကြ၍ ယခုနိုင်ငံတော်အဆင့်ပြိုင်ပွဲကြီးတွင် တိုင်းဒေသကြီးအဆင့်နှင့် လျော်ညီစွာ ပါဝင် ယှဉ်ပြိုင်နိုင်ခဲ့သည့်အတွက် ယခုလိုအောင်မြင်မှုများ ရရှိခဲ့ခြင်းဖြစ်ပါကြောင်း၊ အနုပညာရပ်များအား စည်းကမ်းတကျ၊ စနစ်ကျနစွာဖြင့် သင်ကြားခဲ့ကြပြီး ဇွဲလုံ့လဝီရိ ယဖြင့်မနားမနေ ကြိုးပမ်းအားထုတ်လေ့ကျင့်ခြင်းများရှိခဲ့သည့်အတွက်လည်း မိမိတို့တိုင်း ဒေသကြီးအစိုးရအဖွဲ့နေဖြင့် ကျေနပ်အားရမိပါကြောင်း၊ ယခုနှစ်ပြိုင်ပွဲကြီးတွင် ဆုတံဆိပ်များ ရရှိခဲ့ကြသူများကလည်း မိမိတို့၏ အောင်မြင်မှုများအား ပို၍ပို၍ထူးချွန်ထက်မြက် အောင်မြင်အောင်ရွှေတံဆိပ်ဆုများထပ်ခါထပ်ခါ ဆွတ်ခူးရရှိနိုင်အောင် ဆက်လက်ကြိုးပမ်းဆောင် ရွက် သွားကြရန် လိုအပ်ပါကြောင်း၊ နေပြည်တော်ပြိုင်ပွဲကြီးတွင် တိုင်းဒေသကြီး/ပြည်နည်အသီးသီး မှလာရောက်ကြသည့် တိုင်းရင်းသားညီအစ်ကိုမောင်နှမများ၏ ချစ်ကြည်ရင်းနှီးမှုများ တည် ဆောက်ခဲ့ပြီးဖြစ်သည့်အတွက် ထာဝရစည်းလုံးညီညွတ်သောခိုင်မြဲသည့် ပြည်ထောင်စုကြီးအား တည်ဆောက်သွားကြရန် လိုအပ်ပါကြောင်း ပြောကြားခဲ့သည်။

ယင်းနာက် တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းနှင့် တိုင်းဒေသကြီး အစိုးရအဖွဲ့ အတွင်းရေးမှူး ဦးသန်းဆွေဝင်းတို့က (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲကြီးတွင် ဝင်ရောက်ယှဉ်ပြိုင်ခဲ့သည့် အတွေ့အကြုံများအား ရှင်းလင်းပြောကြားကြသည်။

ယင်းနောက် တိုင်းဒေသကြီး ဝန်ကြီးချုပ်က ဝါပ/ဝါဒု/အဆင်မြင့်/၁၅-၂၀ မဟာဂီတပြိုင်ပွဲတွင် နိုင်ငံတော်အဆင့် ပထမ/ဒုတိယ ဆုရရှိကြသူများအား ဂုဏ်ပြုဆုလက်မှတ်နှင့် ဆုငွေများအားလည်းကောင်း၊ တိုင်းဒေသကြီး ဝန်ကြီးချုပ်၏ဇနီးက ဝါဒု/အဆင်မြင့်/၁၀-၁၅/၁၅-၂၀ ကာလပေါ်ပြိုင်ပွဲတွင် နိုင်ငံတော်အဆင့် ပထမ/ဒုတိယ/တတိယ ဆုရရှိကြသူများအား ဂုဏ်ပြု ဆုလက်မှတ်နှင့်ဆုငွေများအား ပေးအပ်ချီးမြှင့်ကြသည်။

ထို့နောက် တိုင်းဒေသကြီး တိုင်းဒေသကြီး အစိုးရ အဖွဲ့ဝင်များ၊ စစ်ကိုင်းမြို့ပေါ်ရှိ တက္က သိုလ်/ဒီဂရီကောလိပ်များမှ ပါမောက္ခချုပ်၊ ဒုတိယပါမောက္ခချုပ်များနှင့် တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီးအစိုးရအဖွဲ့ အတွင်းရေးမှူး၏ဇနီးနှင့် တာဝန်ရှိသူများက (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ ကြီးတွင် စစ်ကိုင်းတိုင်းဒေသကြီးကိုယ်စားပြု အောင်ပွဲရပြိုင်ပွဲဝင်များထံ ဘာသာရပ်အလိုက် နိုင်ငံတော်အဆင့် ပထမ/ဒုတိယ/တတိယ ဆုများရရှိခဲ့ကြသည့် အနုပညာရှင်ပြိုင်ပွဲဝင်များထံ ဂုဏ်ပြုဆုလက်မှတ်နှှင့်ဆုငွေများအား လည်းကောင်း အသီးသီး ပေးအပ်ချီးမြှင့်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက (၂၅)ကြိမ်မြောက် ငွေရ တုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး နိုင်ငံတော်အဆင့်ပြိုင်ပွဲ ကြီးတွင် ရွှေတံဆိပ်ဆုရပြိုင်ပွဲဝင်များက အဆို၊ အက၊ အတီးများဖြင့် ပြန်လည်သီဆိုကပြဖျော်ဖြေမှုများအား ကြည့်ရှုအားပေးကြပြီး ဝါရင့်အနုပညာရှင် ဆရာကြီး/ဆရာမကြီးများနှင့် အောင် နိုင်ရေးကော်မတီဝင်များအား တိုင်းဒေသကြီး ဝန်ကြီးချုပ်က ဂုဏ်ပြုချီးမြှင့်ငွေများ ပေးအပ်ချီး မြှင့်သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆုများရရှိခဲ့ကြသော အနုပညာရှင်၊အတက်ပညာရှင်များနှင့် အခမ်းအနားသို့ တက်ရောက်လာသူများ ရင်းရင်းနှီးနှီး လိုက်လံနှုတ်ဆက်အားပေးကာ (၂၅)ကြိမ်မြောက် ငွေရတုအထိမ်း အမှတ် မြန်မာ့ရိုးရာယဉ်ကျေး မှု အဆို၊ အက၊ အရေး၊ အတီးပြိုင်ပွဲကြီးတွင် ဝင်ရောက်ယှဉ်ပြိုင်ခဲ့သည့် စစ်ကိုင်းတိုင်းဒေသ ကြီးကိုယ်စားပြု အောင်ပွဲရပြိုင်ပွဲဝင်များနှင့် အခမ်းအနားတက်ရောက် သူများအား ဂုဏ်ပြုညစာ ဖြင့် တည်ခင်းဧည့်ခံခဲ့သည်။

အဆိုပါ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲတွင် စစ်ကိုင်းတိုင်းဒေသကြီးအနေဖြင့် ပြိုင်ပွဲဝင်ဦးရေ စုစုပေါင်း(၂၅၀)ဦး ပွဲစဉ်ပေါင်း (၈၉)ပွဲအား ပါဝင်ယှဉ်ပြိုင်ခဲ့ရာ ရွှေတံဆိပ်(၂၆)ဆု၊ ငွေတံဆိပ်(၂၁)ဆု၊ ကြေး တံဆိပ် (၁၆)ဆု၊ စုစု ပေါင်း(၆၃)ဆုရရှိခဲ့ပြီး နိုင်ငံတော်အဆင့်တွင် အဆင့်(၂)နေရာတွင် ရရှိခဲ့ကြောင်းသိရ သည်။

မုံရွာ၊ အောက်တိုဘာ ၂၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ ဥက္ကဌများနှင့် တာဝန်ရှိသူများ လိုက်ပါလျက် အောက်တို ဘာလ ၂၂ ရက်၊ မွန်းလွဲပိုင်း တွင် စစ်ကိုင်းမြို့၊ ပိုးတန်းရပ်ကွက်၊ ထူပါရုံလမ်း အရှည် - ၂၇၅၀ ပေ၊ အကျယ် - ၁၆ ပေအား ၁၈ ပေလမ်းသားချဲ့၍ အခြေခံအလွှာပြုပြင်ခြင်းနှင့် နိုင်လွန်ကတ္တရာခင်းခြင်း လုပ်ငန်းခွင်သို့ ရောက်ရှိ ရာတိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက ထူပါရုံလမ်းနှင့် စစ်ကိုင်းမြို့အတွင်း နိုင်လွန်ကတ္တရာလမ်းများ ခင်းကျင်းနေမှုလုပ်ငန်းများ ဆောင်ရွက်နေမှုများအား ရှင်း လင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က နိုင်လွန်ကတ္တရာခင်းခြင်း လုပ်ငန်းများအား သက်မှတ်အရည်အသွေးပြည့်မီစွာ ဆောင်ရွက်ပြီးစီးရေးအား မှာကြားကာ ရှင်းလင်းတင် ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးကာ နိုင်လွန်ကတ္တရာခင်းကျင်းနေမှုလုပ်ငန်းများ ဆောင်ရွက်နေမှုများအား လိုက်လံကြည့်ရှု စစ်ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှုဇုန်ရှိ တစ်ရက်လျှင် ၁ တင်းအိတ် ၃၀၀ အိတ်ကြိတ်ခွဲနိုင်သည့် ကိုပြားကြီးပဲခွဲစက်သို့ ရောက်ရှိရာ စက်ရုံတာဝန်ခံမှ ကုလားပဲကြိတ်ခွဲမှုမှ ထွက်ရှိလာသည့် ကုန်ချောနှင့်တိရိစ္ဆာန်အစားအစာအဖြစ် ရောင်းချနိုင်သည့် ဘေးထွက်ကုန်များအား ရှင်းလင်းပြသသည်။

ယင်းနောက် တိုင်းဒေသကြီး ဝန်ကြီးချုပ်က စက်ရုံအတွင်း ကုလားပဲကြိတ်ခွဲနေမှုများနှင့် ကုန်ကြမ်းစုဆောင်းထားရှိမှုများအား လိုက်လံကြည့်ရှုပြီး လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှုဇုန်ရှိ စစ်ကိုင်းစတီး သံရည်ကျို ပန်းလုံးနှင့်ဟင်းဂလိုင်းစက်ရုံသို့ ရောက်ရှိရာ စက်ရုံတာဝန်ခံမှစက်ရုံအတွင်း သံရည်ကျိုနေမှုများ၊ ပန်းလုံးနှင့်ဟင်းဂလိုင်းအမျိုးမျိုး ထုတ်လုပ်နေမှုများအား လိုက်လံ ရှင်းလင်းပြသသည်။

ယင်းနောက် တိုင်းဒေသကြီး ဝန်ကြီးချုပ်က လိုက်လံရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများသူနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရ သည်။