မုံရွာ၊ နိုဝင်ဘာ ၂၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးထွန်းထွန်းဝင်း၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် နိုဝင်ဘာလ ၂၃ ရက်၊ မွန်းလွဲပိုင်းတွင် နာဂ ကိုယ်ပိုင်အုပ်ချုပ်ခွင့်ရဒေသ လဟယ်မြို့၊ တိုက်‌ရံကျေးရွာရှိ အခြေခံပညာမူလတန်းလွန်ကျောင်းတွင် ကျင်းပပြုလုပ်သည့် တိုင်းဒေသကြီး အလုပ်အကိုင်အခွင့်အလမ်းများဖန်တီးပေးရေး ကော်မတီနှင့်တိုင်းဒေသကြီး စက်မှုလယ်ယာဦးစီးဌာနတို့ ပူးပေါင်းဖွင့်လှစ်သည့် လယ်ယာသုံးစက်ကိရိယာမောင်းနှင်ထိန်းသိမ်းမှု (အခြေခံ)သင်တန်း အမှတ်စဉ်(၅/၂၀၂၄)ဖွင့်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး အစိုးရ အဖွဲ့အနေဖြင့် နာဂဒေသလဟယ်မြို့နယ်အတွင်းရှိ ဒေသခံတောင်သူများ စားရေ ရိက္ခာ ဖူလုံစေရေးအတွက် စနစ်ကျ လယ်ယာများဖော်ထုတ်ပေးနေမှု အခြေအနေများနင့် လယ်ယာသုံးစက်ကိရိယာများ၊ မျိုးစေ့ချ ကိရိယာများအား ပြည့်စုံလုံလောက်မှုရှိစေရေးတို့အတွက် ထောက်ပံ့ပေးအပ်လျှက် ရှိပါကြောင်း၊ နာဂဒေသအတွင်း ရာသီဥတုကောင်းမွန်ရေးနှင့် သဘာဝပတ်ဝန်းကျင်ထိန်းသိမ်းနိုင်ရန် စနစ်ကျ ကုန်းမြင့်လယ်ယာများ ဖော်ထုတ်စိုက်ပျိုးခြင်းဖြင့် ရွေ့ပြောင်းတောင်ယာ စိုက်ပျိုးမှုစနစ်ပပျောက်‌ရေး ဝိုင်းဝန်းကြိုးပမ်းဆောင်ရွက်သွားကြရန် လိုအပ်ပါကြောင်း၊ ဒေသခံတိုင်းရင်းသား သင်တန်းသားများအနေဖြင့်လည်း ယခုသင်တန်းမှပို့ချပေးမည့် လယ်ယာသုံးစက်ကိရိယာ မောင်းနှင်ထိန်းသိမ်းမှု စာတွေ့၊လက်တွေ့ နည်းပညာများအား စိတ်ပါဝင်စားစွာဖြင့် လေ့လာ သင်ကြားသွားကြပြီး လက်တွေ့အသုံးချခြင်းဖြင့် ဒေသအကျိုးကိုဖော်ဆောင်သူများ ဖြစ်ကြပါ စေလိုကြောင်း ပြောကြားသည်။

ယင်းနောက် တိုင်းဒေသကြီး စက်မှုလယ်ယာဦးစီးဌာနမှ ညွှန်ကြားရေးမှူးက လယ်ယာသုံးစက်ကိရိယာ မောင်းနှင်ထိန်းသိမ်းမှု(အခြေခံ) သင်တန်း အမှတ်စဉ်(၅/၂၀၂၄) ကျင်းပရခြင်းနှင့် ပတ်သက်၍ ရှင်းလင်းပြောကြားခဲ့ပြီး‌နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းတွင်အသုံးပြုသွားမည့် လယ်ယာသုံး လက်တွန်းထွန်စက်များနှင့် မြေဖွစက်များအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ လယ်ယာသုံးစက်ကိရိယာ မောင်းနှင်ထိန်းသိမ်းမှု(အခြေခံ)သင်တန်း အမှတ်စဉ် (၅/၂၀၂၄)တွင် လဟယ်မြို့နယ်အတွင်းရှိ တိုက်ရံကျေးရွာ၊ အံ့ပေါ်ကျေးရွာ၊ ဝုန်ညူးနောင်ကျေးရွာ နှင့်လကျန်းကျေးရွာတို့မှ သင်တန်းသား ၂၀ ဦး တက်ရောက်ကာ သင်တန်းကာလ ရက်သတ္တ ၂ ပတ်ကြာ စာတွေ့၊လက်တွေ့ သင်ကြားပို့ချသွားမည်ဖြစ်သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နာဂကိုယ်ပိုင် အုပ်ချုပ်ခွင့်ရဒေသ၊ လဟယ်မြို့နယ်၊ တိုက်ရံကျေးရွာရှိ ဒေသခံတောင်သူများ စားရေရိက္ခာဖူလုံစေရေးအတွက် တိုင်းဒေသကြီးအစိုးရအဖွဲ့ရမှ လမ်းညွှန်မှုဖြင့် တိုင်းဒေသကြီး စက်မှုလယ်ယာဦးစီးဌာနမှ တာဝန်ယူဆောင်ရွက်ခဲ့သည့် လယ်ယာအမြေ ၁၉၀ ဧကအတွင်းရှိ စိုက်ပျိုးထားသည့် မိုးစပါးများရိတ်သိမ်းနေမှု အခြေအနေများနှင့် စနစ်ကျလယ်ယာမြေများ ဖော်ထုတ်ပြီးစီးမှုနှင့် ဆောင်သီးနှံစိုက်ပျိုးရန်အတွက် ပြင်ဆင်ရန်လိုအပ်မှုများအား ကြည့်ရှုစ်စစ်ဆေးပြီး ရေရရှိသည့်နေရာများတွင် နှစ်သီးစိုက်ပျိုးရေးနှင့် ရာသီအလိုက်စိုက်ပျိုးသည့် သီးနှံများအား ပန်းတိုင် အထွက်နှုန်းရရှိစေရေးအတွက် ဌာနဆိုင်ရာများနှင့် ဒေသခံတောင်သူများ ပူးပေါင်းဆောင်ရွက် သွားကြရန် လိုအပ်ပါကြောင်း အသေးစိတ် မှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နာဂကိုယ်ပိုင်အုပ်ချုပ် ခွင့်ရဒေသ၊ လဟယ်မြို့နယ်၊ တိုက်ရံကျေးရွာရှိ ကုန်းမြင့်လယ်ယာဘက်စုံသုံးခန်းမ အလျား - ၆၀ ပေ၊ အနံ ၊ ၃၀ ပေ၊ အမြင့် - ၁၂ ပေ RC တစ်ထပ် တည်ဆောက်ပြီးစီးမှုအား ကြည့်ရှုစစ်ဆေး ပြီးလိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့၊ ဒေသဖွံ့ဖြိုးမှုကြီးကြပ်ရေးဦးစီးဌာန ခွင့်ပြုရန်ပုံငွေဖြင့် တည်ဆောက်ခဲ့သည့် လဟယ်-လောင်ကျန်း၊ နောက်ကုန်း- တိုက်ရံ-လန်ထိန်လမ်းရှိ အရှည် - ၂၀ ပေရှိ ကွန်ကရစ်တံတား တည်ဆောက် ပြီးစီးမှုအားကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့ နယ်၊ စည်ပင်သာယာရေးအဖွဲ့မှ တာဝန်ယူဆောင်ရွက်ခဲ့သည့် လဟယ်မြို့နေပြည်သူများ သောက်သုံးရေအဆင်ပြေစေရန်နှင့် အပန်းဖြေနိုင်စေရန်အတွက် တစ်ရက်လျှင် ရေဂါလံ ၁၅၀၀၀၀ ခန့် ထွက်ရှိသည့်စိမ့်စမ်းရေအား ဆည်ပိတ်ကာ ပြန်လည်တူးဖော်ခဲ့သည့် အကျယ် ၃ ဧကကျော်နှင့် အနက် ၁၂ ပေရှိ ရေဂါလံ ၉၈ သိန်းကျော် သိုလှောင်ထားနိုင်သည့် မိုးဒါန်းကန်အား မြို့နေပြည်သူများ အပန်းဖြေအနားယူနိုင်သည့် သာယာလှပသော အနားယူလည်ပတ်ရန်နေရာအဖြစ် တိုးမြှင့်ဆောင်ရွက်သွားရန် တာဝန်ရှိသူများအား လိုအပ်သည်များ မှာကြားခဲ့ကြောင်း သိရသည်။

မုံရွာ၊ နိုဝင်ဘာ ၂၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့
ဥက္ကဌ ဦးထွန်းထွန်းဝင်း၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် နိုဝင်ဘာလ ၂၁ ရက်၊ နံနက်ပိုင်းက နာဂ ကိုယ်ပိုင်အုပ်ချုပ်ခွင့်ရဒေသ နန်းယွန်းမြို့၊ အထွေထွေအုပ်ချုပ်ရေးဦးစီးဌာနရုံး အစည်းအဝေး ခန်းမတွင် နာဂရိုးရာစာပေနှင့်ယဉ်ကျေးမှုအဖွဲ့များ၊ ဒေသခံတိုင်းရင်းသားများ၊ မြို့မိမြို့ဖများနှင့် ဌာနဆိုင်ရာများနှင့်တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က နိုင်ငံတော်နှင့် တိုင်းဒေသကြီးအစိုးရအဖွဲ့ အနေဖြင့် နာဂဒေသအတွင်းရှိ ဒေသခံပြည်သူများ လူမှုစီးပွားဘ၀ ဖွံ့ဖြိုးတိုးတက်ရေးအတွက် စိုက်ပျိုးရေး၊ မွေးမြူရေး၊ ပညာရေး၊ ကျန်းမာရေး၊ စီးပွားရေး၊ လူမူရေး၊ MSMEs လုပ်ငန်းများနှင့် လမ်းပန်း ဆက်သွယ်ရေး ကောင်းမွန်အောင်ဆောင်ရွက်ပေးနေမှုနှင့် ဒေသတည်ငြိမ်အေးချမ်းရေး၊ တရားဥ ပဒေစိုးမိုးရေးလုပ်ငန်းများအတွက် အလေးအနက်ထားကာ ဆောင်ရွက်ပေးလျက်ရှိမှု အခြေအနေများအား ရှင်းလင်းပြောကြားသည်။

ယင်းနောက် နာဂကိုယ်ပိုင်အုပ်ချုပ်ခွင့်ရဒေသ နန်းယွန်းမြို့၊ စီမံအုပ်ချုပ်ရေးအဖွဲ့ ဉက္ကဌ ကမြို့၏ ဖွံ့ဖြိုးရေးလုပ်ငန်းများနှင့် ဒေသအတွင်းရှိ တိုင်းရင်းသားပြည်သူများ စားရေရိက္ခာဖူလုံရေးဆောင်ရွက်နေမှု အခြေအနေများအား ရှင်းလင်းတင်ပြသည်။

ထို့နောက် နန်းယွန်းမြို့ရှိ ဌာနဆိုင်ရာများနှင့် မြို့မိမြို့ဖများက မြို့ဖွံ့ဖြိုးတိုးတက်ရေး၊ လမ်းပန်းဆက်သွယ်ရေးလုပ်ငန်းများ ဆောင်ရွက်ပေးလိုမှု အခြေအနေများနှင့် ပတ်သက်၍ ဖြည့် ဆည်းပေးရန် လိုအပ်သည်များကို ဆွေးနွေးတင်ပြသည်။

ဆက်လက်ပြီး နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌနှင့် တိုင်းဒေ သကြီးအဆင့် ဌာနဆိုင်ရာများ၊ တိုင်းဒေသကြီးအစိုးရအဖွဲ့ဝင်များက နာဂကိုယ်ပိုင်အုပ်ချုပ်ခွင့်ရ ဒေသ နန်းယွန်းမြို့ ဒေသတည်ငြိမ်အေးချမ်းရေး၊ ဖွံ့ဖြိုးတိုးတက်ရေးအတွက် မိမိတို့တာဝန်ယူ ဆောင်ရွက်နေသည့် လုပ်ငန်းအခြေအနေများအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က နန်းယွန်းမြို့၌ လုံခြုံရေးတပ်ဖွဲ့ဝင်များအတွက် ငွေကျပ် - ၁၀ သိန်းအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက နန်းယွန်းမြို့ရှိ ဌာနဆိုင်ရာများ ဝန်ထမ်းများအတွက် ငွေကျပ်သိန်း - ၁၀ အားလည်းကောင်း၊ တိုင်းဒေသကြီး တိုင်းရင်းသား ရေးရာဝန်ကြီးက နန်းယွန်းမြို့ရှိ နာဂရိုးရာစာပေနှင့်ယဉ်ကျေး မှုအဖွဲ့အား ငွေကျပ် - ၁၀ သိန်း အားလည်းကောင်း၊ တိုင်းဒေသကြီး စိုက်ပျိုးရေးဦးစီးဌာန ညွှန်ကြားရေးမှူးက ဒေသခံတောင်သူများအတွက် ကိုယ်စားလှယ်တစ်ဦးထံ ကော်ဖီ၊လိမ္မော်ပျိုး ပင်များနှင့် ရွက်ဖျန်းအားဆေးများအား ထောက်ပံ့ပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်က တွေ့ဆုံပွဲအခမ်းအနားသို့ တက်ရောက်လာ ကြသည့် မြို့မိမြို့ဖများနှင့် ဒေသခံတိုင်းရင်းသားများ၏ မြို့ဖွံ့ဖြိုးတိုးတက်ရေးအတွက် ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးကာ နိဂုံးချုပ်စကား ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နန်းယွန်းမြို့၊ အ ထွေ အထွေအုပ်ချုပ်ရေးဦးစီးဌာနရုံးဝန်းအတွင်းရှိ နန်းယွန်းမြို့နယ်အတွင်းရှိ ဒေသခံတောင်သူများ အတွက် တိုင်းဒေသကြီးအစိုးရအဖွဲ့မှ ထောက်ပံ့ပေးအပ်ထားသည့် လက်တွန်းထွန်စက်များနှင့် မျိုးစေ့ချကိရိယာများ ရောက်ရှိနေမှုများအား ကြည့်ရှုစစ်ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နန်းယွန်းမြို့၊ ပြည်သူ့ ဆေးရုံသို့ရောက်ရှိရှာ ဆေးရုံအုပ်ကြီးထံ ဆရာဝန်/သူနာပြများအတွက် ထောက်ပံ့ငွေများပေး အပ်ပြီး ဒေသခံတိုင်းရင်းသားများ ဆေးကုသနေမှုအခြေအနေများအား လိုက်လံကြည့်ရှုအား ပေးပြီး တာဝန်ရှိသူများနှင့်အတူ အဟာရဖြည့်စွက်စာများ ထောက်ပံ့ပေးအပ်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မိုးတွင်းကာလ အတွင်းမိုးရေကြီးမှုကြောင့် နန်းယွန်း-ရှင်ဘွေယန်ကားလမ်းမ တိုင်းယောင်းချောင်းပေါ်ရှိ အလျား - ၃၀၀ ပေ၊ အနံ - ၁၈ ပေရှိ သံဘောင်ဘေလီတံတား ပျက်စီးမှုအခြေအနေများကို လည်းကောင်း၊ နန်းယွန်းမြို့၊ တိုင်းယောင်းချောင်းပေါ်ရှိ မြို့မရပ်ကွက်နှင့် ရောကော့ရပ်ကွက် ကြားရှိ အရှည်ပေ - ၂၂၀ ပေ၊ အကျယ် - ၆ ပေရှိ ကြိုးတံတားပျက်းစီးမှုများကို လည်းကောင်း၊ နန်းယွန်းမြို့နယ်၊ မြို့ဖွံ့ဖြိုးမှုကြီးကြပ်ရေးအဖွဲ့မှ တာဝန်ယူတည်ဆောက်ခဲ့သည့် အရှည်ပေ- ၁၆၀ ပေ၊ အကျယ်- ၁၇ ပေရှိ သံဘောင်ဘေလီတံတား ပျက်စီးနေမှုများအား လည်းကောင်း သွားရောက်ကြည့်ရှုစစ်ဆေးပြီး ဒေသခံတိုင်းရင်းသားပြည်သူများ သွားလာမှုအဆင်ပြေစေရေး တို့အတွက် တည်ဆောက်ရေးလုပ်ငန်းများအား အချီန်မီပြီးစီးရေးတို့အား တာဝန်ရှိသူများနှင့် ဖြည်ဆည်းပေါင်းစပ်‌ ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် မိုးရေရွာသွန်းကြောင့် ပျက်စီးခဲ့သည့် လဟယ်-ရောင်ကွန်-ဒုံဟီး-နန်းယွန်းလမ်းပေါ်ရှိ အရှည်ပေ - ၂၀ ပေ၊ အကျယ် -၁၂ ပေရှိ သစ်သားတံတားနှင့် အရှည်ပေ - ၃၀ ပေ၊ အကျယ် - ၁၄ ပေရှိ သံဘောင်ဘေလီပျက်စီးနေမှုများနှင့် တောင်ပြိုကျမှုကြောင့် ကားလမ်းအရှည်ပေ ၅၀၀ ခန့် ပျက် စီးနေမှုများအား သွားရောက်ကြည့်ရှုစစ်ဆေးပြီး အချိန်မီပြန်လည် တည်ဆောက်နိုင်ရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ညနေပိုင်းတွင် ဒုံဟီး မြို့၊ အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် နာဂရိုးရာစာပေနှင့်ယဉ်ကျေးမှု အဖွဲ့များ၊ ဒေသခံတိုင်းရင်းသားများ၊ မြို့မိမြို့ဖများ၊ ဌာနဆိုင်ရာများနှင့် တွေ့ဆုံပွဲ အခမ်းအနား သို့တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က နိုင်ငံတော်နှင့် မိမိတို့တိုင်းဒေသကြီး အစိုးရအဖွဲ့မှ နာဂဒေသတိုင်းရင်းသားပြည်သူများအတွက် ဒေသတည်ငြိမ်အေးချမ်းရေးနှင့် တောင်ပေါ်ဒေသ ဖွံဖြိုးတိုးတက်ရေးလုပ်ငန်းများ ဆောင်ရွက်ပေးနေမှု လုပ်ငန်းများအား ရှင်းလင်းပြောကြားသည်။

ယင်းနောက် နာဂကိုယ်ပိုင်အုပ်ချုပ်ခွင့်ရဒေသ ဒုံဟီးမြို့၊ စီမံအုပ်ချုပ်ရေးအဖွဲ့ ဉက္ကဌက မြို့၏ဖွံ့ဖြိုးရေးလုပ်ငန်းများနှင့် ဒေသအတွင်းရှိ တိုင်းရင်းသားပြည်သူများအတွက် ဒေသဖွံ့ဖြိုး ရေးနှင့်စားရေရိက္ခာဖူလုံရေး ဆောင်ရွက်နေမှု အခြေအနေများအား ရှင်းလင်းတင်ပြပြီး နန်းယွန်း မြို့နယ်စီမံအုပ်ချုပ်ရေးအဖွဲ့ဉက္ကဌက ဖြည်စွက်ရှင်းလင်းတင်ပြသည်။
ထို့နောက် ဒုံဟီးမြို့ရှိ ဌာနဆိုင်ရာများနှင့် မြို့မိမြို့ဖများက မြို့ဖွံ့ဖြိုးတိုးတက်ရေး၊ လမ်းပန်းဆက်သွယ်ရေးလုပ်ငန်းများ ဆောင်ရွက်ပေးစေလိုမှုအခြေအနေများနှင့် ပတ်သက်၍ ဖြည့်ဆည်းပေးရန် လိုအပ်သည်များကို ဆွေးနွေးတင်ပြသည်။

ဆက်လက်ပြီး နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌနှင့် တိုင်းဒေ သကြီးအဆင့် ဌာနဆိုင်ရာများ၊ တိုင်းဒေသကြီးအစိုးရအဖွဲ့ဝင်များက နာဂကိုယ်ပိုင်အုပ်ချုပ် ခွင့်ရဒေသ နန်းယွန်းမြို့ ဒေသတည်ငြိမ်အေးချမ်းရေး၊ ဖွံ့ဖြိုးတိုးတက်ရေးအတွက် မိမိတို့တာ ဝန်ယူဆောင်ရွက်နေသည့် လုပ်ငန်းအခြေအနေများအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က ဒုံဟီးမြို့ စီမံအုပ်ချုပ်ရေးမှူးထံ ထောက်ပံ့ငွေ ကျပ် သိန်း - ၃၀ အားလည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက လုံခြုံရေးတပ်ဖွဲ့ဝင်များအတွက် ငွေကျပ် - ၁၀ သိန်းအား လည်းကောင်း၊ တိုင်းဒေသကြီး လမ်း ပန်းဆက်သွယ်ရေးဝန်ကြီးက ဒုံဟီးမြို့ရှိ ဌာနဆိုင်ရာဝန်များအတွက် ငွေကျပ် - ၁၀ သိန်းအား လည်းကောင်း၊ တိုင်းဒေသကြီး တိုင်းရင်းသားရေးရာဝန်ကြီးက ဒုံဟီးမြို့၊ နာဂရိုးရာစာပေနှင့် ယဉ်ကျေးမှုအဖွဲ့အား ငွေကျပ် - ၁၀ သိန်းတို့အား ထောက်ပံ့ပေးအပ်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်က တွေ့ဆုံပွဲအခမ်းအနားသို့ တက်ရောက်ကြသည့် မြို့မိမြို့ဖများနှင့် ဒေသခံတိုင်းရင်းသားများ၏ မြို့ဖွံ့ဖြိုးတိုးတက်ရေးအတွက် ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးကာ နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ နိုဝင်ဘာ ၂၁

စစ်ကိုင်းတိုင်းဒေသကြီးအမျိုးသမီးကော်မတီ၏ ဦးဆောင်မှုဖြင့် အမျိုးသမီးများအပေါ် အကြမ်းဖက်မှု ပပျောက်ရေး (၁၆)ရက်တာအကြိုလှုပ်ရှားမှုအထိမ်းအမှတ် အသိပညာ‌ပေး အခမ်းအနားကို နိုဝင်ဘာ ၂၁ ရက်၊ ‌ ‌မွန်းလွဲ ၁ နာရီက စစ်ကိုင်းတိုင်း‌ဒေသကြီး အစိုးရအဖွဲ့ရုံး ချင်းတွင်းခန်းမ၌ ကျင်းပပြုလုပ်ရာ စစ်ကိုင်းတိုင်းဒေသကြီးအမျိုးသမီးရေးရာအဖွဲ့နာယက၊ တိုင်းဒေသကြီး ဝန်ကြီးချုပ်၏ ဇနီး ဒေါ်မြင့်မြင့်အောင်၊ စစ်ကိုင်းတိုင်းဒေသကြီး အမျိုးသမီးရေးရာအဖွဲ့ဥက္ကဌ တိုင်းဒေသကြီး အစိုးရအဖွဲ့ အတွင်းရေးမှူး၏ ဇနီး ဒေါ်စိုးပပ၊ တိုင်းဒေသကြီး၊ခရိုင်၊မြို့နယ်အဆင့် ဌာနဆိုင်ရာများ၊ အမျိုးသမီးရေးရာအဖွဲ့ဝင်များ ဖိတ်ကြားထားသူများ စစ်ကိုင်းတိုင်းဒေသကြီးလူမှုဝန်ထမ်းရုံး ညွှန်ကြားရေးမှူး ဒေါ်လှိုင်မိုးမြတ် နှင့် ဝန်ထမ်းများ တက်ရောက်ခဲ့ကြသည်။

ဦးစွာစစ်ကိုင်းတိုင်းဒေသကြီးအမျိုးသမီးရေးရာအဖွဲ့၊ နာယက က အမျိုးသမီးများအပေါ် အကြမ်းဖက်မှုကို ဆန့်ကျင် တိုက်ဖျက်တာကို ထုတ်ဖော်ပြောဆိုပေးခြင်း၊ အကြမ်းဖက်မှု ကိစ္စရပ်အပေါ် လူအများအာရုံစူးစိုက်လာအောင် အခြားသော အမျိုးသားများနဲ. ပူးပေါင်း ဆောင်ရွက်ခြင်းတို့ဖြင်ြ လုပ်ဆောင်ပေးနိုင်ပါကြောင်း၊ အခုလို တက်တက်ကြွကြွနဲ့ ပါဝင်လုပ်ဆောင်နေကြသူများ အားလုံးကိုလည်း ကျေးဇူးတင်ပါကြောင်း၊ မြန်မာနိုင်ငံ တစ်ဝှမ်းရှိ မိခင်၊ အစ်မ၊ ညီမများနဲ့ ဇနီးသည်တွေ၊ သမီးတွေ အားလုံး အကြမ်းဖက်မှု၊ အခြိမ်းအခြောက်ခံနေရမှုတွေက ကင်းဝေးပြီး လွတ်လပ်ပျော်ရွှင်စွာ နေထိုင်နိုင်ဖို့အတွက် အားလုံးကို တတ်စွမ်းတဲ့ အခန်းကဏ္ဍအသီးသီးကနေ ပူးပေါင်း လုပ်ဆောင်သွားကြပါစို့လို့တိုက်တွန်းရင်း ဒီနှစ်ရဲ့ ၁၆ရက်တာလှုပ်ရှားမှုရဲ့ ဆောင်ပုဒ် ကတော့ အမျိုးသမီးများအပေါ် အကြမ်းဖက်မှုရပ်တန့်ဖို့ အားလုံးပေါင်းစု ကြိုးပမ်းလို့ ဘေးကင်းကြေညာစာတမ်းနှင့် လုပ်ငန်းစီမံချက် နှစ်(၃၀)ပြည့်ဆီ အရောက်လှမ်းစို့ စသည်ဖြင့် အဖွင့်အမှာစကားပြောကြားခဲ့သည်။

ဆက်လက်ပြီးစစ်ကိုင်းတိုင်းဒေသကြီး အမျိုးသမီးရေးရာအဖွဲ့ဥက္ကဌ က အမျိုးသမီးများအပေါ် အကြမ်းဖက်မှုများနှင့်ပတ်သက်၍ အသိပညာပေးခြင်းနှင့် တိုင်းဒေသကြီး အတွင်းဆောင်ရွက်လျက်ရှိသည့် အမျိုးသမီးရေးရာအဖွဲ့၏လုပ်ငန်း များအား လည်းကောင်း၊ စစ်ကိုင်းတိုင်းဒေသကြီးလူမှုဝန်ထမ်းရုံး ညွှန်ကြားရေးမှူးက အမျိုးသမီးများ အပေါ်အကြမ်းဖက်မှုများနှင့် ပတ်သက်၍ဆောင်ရွက်ထားရှိမှုများအားလည်းကောင်း အသီးသီးရှင်းလင်းတင်ပြကြသည်။

ထို့နောက် ဆွေးနွေးပွဲကို ဆက်လက်ကျင်းပရာ စစ်ကိုင်းတိုင်းဒေသကြီးလူမှုဝန်ထမ်းရုံး ညွှန်ကြားရေးမှူးနှင့် တက်ရောက်လာသူများက Gender, CEDAW ,NSPAW သဘောတရားများအား အပြန်အလှန် ဆွေးနွေးခဲ့ ကြကြောင်းသိရသည်။

မုံရွာ၊ နိုဝင်ဘာ ၂၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဉက္ကဌ ဦးထွန်းထွန်းဝင်း၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် နာဂကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ အတွင်းရေးမှူးတို့ လိုက်ပါလျက် နိုဝင်ဘာလ ၂၀ ရက်၊ နံနက်ပိုင်းက နာဂကိုယ်ပိုင်အုပ်ချုပ်ခွင့်ရဒေသ ပန်ဆောင်မြို့၊ အထွေထွေ အုပ်ချုပ်ရေးဦးစီးဌာနရုံး အစည်းအဝေးခန်းမတွင် နာဂရိုးရာစာပေနှင့်ယဉ်ကျေးမှုအဖွဲ့များ၊ ဒေသခံတိုင်းရင်းသားများ၊ မြို့မိမြို့ဖများနှင့် ဌာနဆိုင်ရာများနှင့်တွေ့ဆုံပွဲ အခမ်းအနားသို့ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က နာဂဒေသအတွင်း တည်ငြိမ်အေးချမ်းရေး၊ တရား ဥပဒေစိုးမိုးရေးလုပ်ငန်းများနှင့် နာဂဒေသရှိတိုင်းရင်းသားလူမျိုးများနှင့် ဒေသခံပြည်သူများ၏ လူမှုစီးပွားဘဝဖွံ့ ဖြိုးတိုးတက်စေရေးနှင့် ပညာရေး၊ ကျန်းမာရေး၊ စိုက်ပျိုးရေး၊ လမ်းပန်း ဆက်သွယ်ရေးနှင့် စားရေရိက္ခာဖူလုံရေးတို့အတွက် နိုင်ငံတော်နှင့် တိုင်းဒေသကြီးအစိုးရအဖွဲ့မှ အလေးအနက်ထားကာ ဆောင်ရွက်ပေးလျက်ရှိပါကြောင်း၊ ဌာနဆိုင်ရာဝန်ထမ်းများအနေဖြင့် တောင်တန်းဒေသဖြစ်၍ သွားလာမှုခက်ခဲသော်လည်း မိမိတို့၏လုပ်ဆောင်ရမည့် တာဝန်များ အပေါ် တာဝန်ကျေပွန်စွာဖြင့် စေတနာထားကာ ကြိုးပမ်းလုပ်ဆောင်ကြရန် လိုအပ်ပါကြောင်း၊ ဒေသခံတိုင်းရင်းသားများနှင့်ပူးပေါင်း၍ ဒေသတည်ငြိမ်အေးချမ်းရေး၊ ဒေသဖွံ့ဖြိုးရေးနှင့် နောင်ယန်းအင်းအား ရေရှည်တည်တံ့အောင် ထိန်းသိမ်းရေး၊ စိမ်းလန်းစိုပြေအောင် ကြိုးပမ်း ဆောင်ရွက်ရန် လိုအပ်ပါကြောင်း၊ နှစ်နိုင်ငံနယ်စပ်အနီးနေထိုင်ကြသည့် မြို့ရွာများဖြစ်၍ ဒေသခံ ပြည်သူများအနေဖြင့် နှစ်နိုင်ငံချစ်ကြည်ရင်းနှီးမှု တိုးတက်ခိုင်မာစေရေးကို အလေးနက်ထားကာ တရားဉပဒေနှင့်အညီ နေထိုင်သွားလာလုပ်ကိုင် ဆက်ဆံဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် နာဂကိုယ်ပိုင်အုပ်ချုပ်ခွင့်ရဒေသ ပန်ဆောင်မြို့အုပ်ချုပ်ရေးမှူးက မြို့၏ဖွံ့ ဖြိုးရေးနှင့် စားရေရိက္ခာဖူလုံရေးဆောင်ရွက်နေမှု အခြေအနေများအား ရှင်းလင်းတင်ပြပြီး နန်းယွန်းမြို့နယ်၊ စီမံအုပ်ချုပ်ရေးအဖွဲ့ ဉက္ကဌက လုပ်ငန်းများဆောင်ရွက်နေမှုနှင့်ပတ်သက်၍ ဖြည့်စွက်တင်ပြ သည်။

ထို့နောက် ပန်ဆောင်မြို့ရှိ ဌာနဆိုင်ရာများနှင့်မြို့မိမြို့ဖများက မြို့ဖွံ့ဖြိုးတိုးတက်ရေး၊ လမ်းပန်းဆက်သွယ်ရေး၊ နှစ်နိုင်ငံနယ်စပ်အနီး ရောင်းဝယ်ဖောက်ကားမှုလုပ်ငန်းများ ဆောင် ရွက်လိုမှုနှင့် ပတ်သက်၍ ဖြည့်ဆည်းပေးရန် လိုအပ်သည်များကို ဆွေးနွေးတင်ပြသည်။

ဆက်လက်ပြီး နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌနှင့် တိုင်းဒေ သကြီးအဆင့် ဌာနဆိုင်ရာများ၊ တိုင်းဒေသကြီးအစိုးရအဖွဲ့ဝင်များက နာဂကိုယ်ပိုင်အုပ်ချုပ် ခွင့်ရဒေသ ပန်ဆောင်မြို့ ဒေသတည်ငြိမ်အေးချမ်းရေး၊ ဖွံ့ဖြိုးတိုးတက်ရေးအတွက် မိမိတို့တာ ဝန်ယူဆောင်ရွက်နေသည့် လုပ်ငန်းအခြေအနေများအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က ပန်ဆောင်မြို့၌ လုံခြုံရေးတာဝန်ထမ်းဆောင် နေကြသည့် တပ်မတော်၊မြန်မာနိုင်ငံရဲတပ်ဖွဲ့ဝင်များအား ငွေကျပ် ၁၀ သိန်းအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက ပန်ဆောင်မြို့ရှိ ဌာနဆိုင်ရာများ ဝန်ထမ်း များအတွက် ငွေကျပ် ၁၀ သိန်းအားလည်းကောင်း၊ တိုင်းဒေသကြီး လမ်းပန်းဆက်သွယ်ရေး ဝန်ကြီးက နာဂရိုးရာစာပေနှင့်ယဉ်ကျေးမှုအဖွဲ့အား ငွေကျပ် - ၁၀ သိန်းတို့အား ထောက်ပံ့ပေး အပ်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်က တွေ့ဆုံပွဲအခမ်းအနားသို့ တက်ရောက်ကြ သည့် မြို့မိမြို့ဖများနှင့် ဒေသခံတိုင်းရင်းသားများ၏ မြို့ဖွံ့ဖြိ်ုးတိုးတက်ရေးအတွက် ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးကာ နိဂုံးချုပ်စကား ပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ပန်ဆောင်မြို့ ဘုန်းတော်ကြီးကျောင်းသို့ ရောက်ရှိရာ ဆရာတော်ထံ သာသနာရေးဆိုင်ရာများ လျှောက်ထားပြီး တိုင်းဒေသကြီး အစိုးရအဖွဲ့ဝင်များနှင့်အတူ လှူဖွယ်ဝတ္တုပစ္စည်များမှ အလျား - ၆၀ ပေ၊ အနံ ၃၀ ပေ၊ အမြင့် - ၂၄ ပေရှိ RC ၂ ထပ် ကျောင်းဆောင်သစ် ဆောက်လုပ်နေ မှုအတွက် ငွေကျပ်သိန်း -၅၀ အား ပေးအပ်လှူဒါန်းပြီး ဘုန်းတော်ကြီးကျောင်းဆောင် အဆောက်အဦသစ် ဆောက်လုပ်နေမှုအား ကြည့်ရှုစစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ပန်ဆောင်မြို့ အခြေခံ ပညာအထက်တန်းကျောင်းသို့ ရောက်ရှိရာ ပြန်လည်ပြုပြင်တည်ဆောက်ရန် လိုအပ်သည့် ၂ ထပ်ကျောင်းဆောင် အဆောက်အဦအား ကြည့်ရှုစစ်ဆေးပြီး ကျောင်းသား/သူများ ပညာသင် ကြားနေမှုများအား လိုက်လံကြည့်ရှုအားပေးကာ လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ပြီး ကျောင်းအုပ်ကြီး ဆရာ/ဆရာမများနှင့် ကျောင်းသား/သူ များအတွက် ထောက်ပံ့ငွေများ ပေးအပ်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မိုးတွင်းကာလတွင် ပန်ဆောင်မြို့၊ နောင်ရမ်းအင်း ဝန်းကျင်ရှိကျေးရွာများမှ ဒေသခံတောင်သူများ စိုက်ပျိုးထားသည့် လယ်ဧက ၅၀၀၀ ခန့်အား ရေကြီးနစ်မြုပ်မှုမှ ကာကွယ်နိုင်ရန်အတွက် အလျား - ၂၀၀၀ ပေ၊ အနက် - ၅ ပေ နှန်းမြေဆည်တင်သွားမည့် တကင်းချောင်းသို့ ရောက်ရှိရာ တာဝန်ခံ အင်ဂျင်နီ ယာမှ ဆောင်ရွက်သွားမည့် လုပ်ငန်းအခြေအနေများအား လိုက်လံရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ဆောင်ရွက်သွားမည့်လုပ်ငန်းများ သက်မှတ် ကာလတွင် အချိန်မီပြီးစီးအောင် ဆောင်ရွက်သွားရေးတို့အား မှာကြားကာ လိုက်လံရှင်းလင်း တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့သည်။

မုံရွာ၊ နိုဝင်ဘာ ၁၈

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင်များ၊ ဟုမ္မလင်း တပ်နယ်မှူး၊ တိုင်းဒေသကြီးအဆင့် ဌာနဆိုင်ရာများ၊ ဟုမ္မလင်းခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် တာဝန်ရှိသူများလိုက်ပါလျက် နိုဝင်ဘာလ ၁၇ ရက်နေ့၊ မွန်းလွဲပိုင်းတွင် ဟုမ္မလင်းမြို့နယ်၊ နားသကျိုက်ကျေးရွာအနီး နမ့်ပငချောင်းပေါ်တွင် တည်ဆောက်လျက်ရှိသည့် နမ့်ပငအသေးစားရေအားလျှပ်စစ်စီမံကိန်း ရှင်းလင်းဆောင်သို့ ရောက်ရှိရာ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်-၂ တည်ဆောက်ရေးမှ ဒုတိယညွှန်ကြားရေးမှူး ဦးအောင်ဆွေဝင်းမှ နမ့်ပငအသေးစားရေအားလျှပ်စစ်စီမံကိန်း တည်ဆောက် ရေးလုပ်ငန်းများအား ဘဏ္ဍာနှစ်အလိုက် ဆောင် ရွက်ပြီးစီးမှုနှင့် ဆက်လက်ဆောင်ရွက်သွားမည့် လုပ်ငန်း အခြေအနေများနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က နမ့်ပငအသေးစားရေအား လျှပ်စစ်စီမံ ကိန်းကြီးပြီးစီးပါက ဟုမ္မလင်းမြို့နှင့်အနီးဝန်းကျင်ရှိ ကျေးရွာများမှ ဒေသခံပြည်သူများ၏ လူမှုစီးပွားဘဝဖွံ့ဖြိုးတိုး တက်ရေးကို များစွာအထောက်အကူပြုမည်ဖြစ်ပါ၍ သက်မှတ်ကာလ အတွင်းအရည်အသွေးပြည့်မီစွာဖြင့် တည်ဆောက်ပြီးစီးရန် လိုအပ်ပါကြောင်း၊ မိုးတွင်းကာလ အတွင်းရပ်နားခဲ့ရသည့် လုပ်ငန်းများအား စတင်၍သက်မှတ်ကာလတွင် အချိန်မီပြီးစီးရေး အတွက် ကြိုးပမ်းဆောင်ရွက်သွားကြရန် လိုအပ်ပါကြောင်း၊ တာဝန်ရှိသူများအနေဖြင့် စီမံကိန်းတွင်အသုံးပြုမည့် တည်ဆောက်ရေးပစ္စည်းများ အချိန်မီရရှိရေး၊ လုပ်ငန်းခွင်ဘေးအန္တရာယ် ကင်းရှင်းရေးနှင့် လုံခြုံရေးဆိုင်ရာများကို အလေး ထားဆောင်ရွက်သွားကြရန် လိုအပ်ကြောင်းတို့အား အသေးစိတ်မှာကြားကာ တင်ပြချက်များ အပေါ်လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့်တာဝန်ရှိသူများက နမ့်ပင အသေးစားရေအားလျှပ် စစ်စီမံကိန်း တည်ဆောက်ရေးလုပ်ငန်းခွင်အတွင်း၌ တည်ဆောက်နေသည့် ပင်မတမံကွန် ကရစ်သွန်း လောင်းပြီးစီးမှုနှင့် ရေယူအဆောက်အဦ ဆောက် လုပ်နေမှုလုပ်ငန်းများအား လိုက်လံကြည့်ရှု စစ်ဆေးခဲ့ကြသည်။

အဆိုပါ နမ့်ပငအသေးစား ရေအားလျှပ်စစ်စီမံကိန်းသည် ဟုမ္မလင်းမြို့၏ အနောက်ဘက် ၇.၅ မိုင်ခန့်အကွာ၊ နားသကျိုက်ကျေးရွာအနီးတွင်တည်ရှိ၍ Concrete Gravity Dam တမံအမျိုး အစားဖြစ်ပြီး တပ်ဆင်စက်အင်အားမှာ ၆ မဂ္ဂါဝပ်ဖြစ်ကာ နှစ်စဉ်လျှပ်စစ်ဓာတ်အား - ၃၄.၆၈ သန်းကီလိုဝပ်နာရီ ပျဉ်းမျှထုတ်လုပ်နိုင်မည်ဖြစ်ပြီး တည်ဆောက်ရေးလုပ်ငန်းများကို သတ်မှတ် ကာလတွင် အချိန်မီပြီးစီးအောင် တည်ဆောက်သွားမည်ဖြစ်ကာ ယခုအချိန်တွင် လုပ်ငန်းအား လုံး ၏ ၅၆.၂၃ ရာခိုင်နှုန်း ပြီးစီးနေပြီဖြစ်သည်။

ဆက်လက်၍ တိုင်းဒေသကြီး ဝန်ကြီးချုပ်နှင့်တာဝန် ရှိသူများသည် ဟုမ္မလင်းမြို့နယ်၊ နမ့်ပငအသေးစားရေအားလျှပ်စစ်စီမံကိန်းနှင့် နားသကျိုက်ကျေးရွာကြားရှိ လျှပ်စစ်တာဝါတိုင် တည် ဆောက်ရေးလုပ်ငန်းခွင်သို့ ရောက်ရှိရာ တည် ဆောက်ရေးတာဝန်ခံအင်ဂျင်နီယာမှ နမ့်ပင အသေးစား ရေအားလျှပ်စစ်စီမံကိန်းနှင့် ဟုမ္မလင်းမြို့သို့ ဆက်သွယ်သွားမည့် လျှပ်စစ်တာဝါ တိုင်များ တည်ဆောက်နေမှုလုပ်ငန်းများနှင့် ပတ်သက်၍ ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က နမ့်ပငအသေးစား ရေအားလျှပ်စစ်စီမံကိန်းနှင့် ဟုမ္မလင်းမြို့သို့ ဆက်သွယ်သွားမည့် လျှပ်စစ်တာဝါတိုင်များ တည်ဆောက်နေမှုလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုဝင်ဘာလ ၁၈ ရက်၊ နံနက်ပိုင်းတွင် ဟုမ္မလင်းမြို့နယ်၊ ချင်းတွင်းမြစ်ကူးတံတား(ထမံသီ) တည်ဆောက်ရေး ရှင်းလင်းဆောင်သို့ ရောက်ရှိကြသည်။

ဦးစွာ ဆောက်လုပ်ရေးဝန်ကြီးဌာန၊ တံတားဦးစီးဌာန၊ တည်ဆောက်ရေးအဖွဲ့(၂)မှ ညွှန်ကြားရေးမှူး(မြို့ပြ) ဦးညီညီဇော်က ချင်းတွင်းမြစ်ကူးတံတား(ထမံသီ) တည်ဆောက်ရေး လုပ်ငန်းများ ဘဏ္ဍာနှစ်အလိုက်ဆောင်ရွက်နေမှုနှင့် ဆက်လက်ဆောင်ရွက်သွားမည့် လုပ်ငန်း အခြေအနေများအား လည်းကောင်း၊ တိုင်းဒေသကြီး လမ်းဦးစီးဌာနမှ ညွှန်ကြားရေးမှူးက ချင်းတွင်းမြစ်ကူးတံတား(ထမံသီ) ပင်းမရွာဘက်ခြင်းနှင့် ထမံသီရွာဘက်ခြမ်းတို့တွင် ချဉ်းကပ် လမ်းများဖောက်လုပ်ပြီးစီးမှုနှင့် ဆက်လက်ဆောင်ရွက်မည့် လုပ်ငန်းအခြေအနေများအား လည်း ကောင်း Power Point ဖြင့် ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က စစ်ကိုင်းတိုင်းဒေသကြီး ဟုမ္မလင်းခရိုင်နှင့် နာဂကိုယ်ပိုင်အုပ်ချုပ်ခွင့်ရဒေသရှိ ပြည်သူများ၏ လူမှုစီးပွားဘဝနှင့် နယ်မြေဒေသဖွံ့ဖြိုးတိုး တက်ရေးအတွက်များစွာ အထောက်အကူပြုသည့် တံတားကြီးတစ်စင်းကာ ဒေသ၏ထုတ်ကုန် များအား လွယ်ကူမြန်ဆန်စွာသယ်ယူပို့ဆောင်နိုင်ကာ ပညာရေး၊ ကျန်းမာရေး၊ စီးပွားရေးကိုပါ ဖွံ့ဖြိုးတိုးတက်စေမည်ဖြစ်ပါ၍ တည်ဆောက်ရေးလုပ်ငန်းများအား သက်မှတ်ကာလ တွင်ပြီးစီး ရေးနှင့် သက်မှတ်စံချိန်စံညွှန်းများနှင့် အညီအရည်အသွေးကောင်းမွန်အောင် တည်ဆောက်သွား ရန်လိုအပ်ပါကြောင်း၊ ဘဏ္ဍာနှစ်အလိုက်ရရှိသည့် ရန်ပုံငွေများကိုလည်း စနစ်တကျသုံးစွဲသွား ကြရန်နှင့် လုပ်ငန်းခွင်ဘေးအန္တရာယ်ကင်းရှင်းရေးကိုလည်း သတိပြုဆောင်ရွက်စေလိုပါ ကြောင်း အသေးစိတ်မှာကြားပြီး တည်ဆောက်လုပ်ငန်းများနှင့်ပတ်သက်၍ ရှင်းလင်းတင်ပြ ချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေး ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ချင်းတွင်းတံတား (ထမံသီ)၏ သံမဏိသံပေါင်တပ်ဆင်နေမှုများနှင့် တံတားတည်ဆောက်ရေးဆိုင်ရာ လုပ်ငန်းများ ၊ပစ္စည်းများရောက်ရှိမှုအခြေအနေများနှင့် ချဉ်းကပ်လမ်းဆောင်ရွက်နေမှုလုပ်ငန်းများအား လိုက် လံကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

အဆိုပါ ချင်းတွင်းမြစ်ကူးတံတား(ထမံသီ)သည် ဟုမ္မလင်းခရိုင်၊ ဟုမ္မလင်းမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသအတွင်းရှိ လေရှီးမြို့-ပန်ဆပ်-ဆွမ္မရာမြို့လမ်းပေါ်တွင် ချင်းတွင်း မြစ်အားဖြတ်၍ တည်ဆောက်ထားသည့် သံကူကွန်ကရစ် တံတားအမျိုးအစားဖြစ်ပြီး တံတား အရှည် - ၈၀၁ မီတာ၊ အကျယ် - ၉.၄ မီတာ၊ တံတားအခန်းပေါင်း - ၁၅ ခန်း ၊ ရေလမ်းကင်းလွတ် အမြင့် ၄၀ ပေ(HFL) ဖြင့် တည်ဆောက်နေခြင်းဖြစ်ပြီး တည်ဆောက်ရေးလုပ်ငန်းတစ်ခုလုံး၏ ၇၀ ရာခိုင်နှုန်းပြီးစီးနေပြီဖြစ်ကြောင်း ‌သိရသည်။

မုံရွာ၊ နိုဝင်ဘာ ၁၇

မုံရွာမြို့ပေါ်ရှိ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ မိသားစုဝင် များနှင့် တက္ကသိုလ်/ဒီဂရီကောလိပ်များမှ ကျောင်းသား/သူများ ချစ်ကြည်ရင်းနှီးမှုများ ရရှိနိုင်စေရန်အတွက် ၂၀၂၄-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္က သိုလ်/ဒီဂရီကောလိပ်များ အားကစားပြိုင်ပွဲ အမျိုးသား/သမီး မီနီမာရသွန်၊ စက်ဘီးပြိုင်ပွဲကို နိုဝင်ဘာလ ၁၇ ရက်၊ နံနက်ပိုင်းတွင် မုံရွာမြို့၊ အနောက်ဘက်ကန်သာယာတွင်ကျင်းပရာ ပြိုင်ပွဲ သို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များမှ အရာထမ်း၊အမှုထမ်းများ၊ မြို့နေပြည်သူများ ပြိုင်ပွဲဝင်အားကစားသမားများ တက်ရောက် ကြသည်။

ဦးစွာ အမျိုးသား အမျိုးသမီး မီနီမာရ သွန်ပြိုင်ပွဲအား တာထွက်အချက်ပြကာ ဖွင့်လှစ်ပေးပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကြည့်ရှုအားပေးကာ အနောက်ဘက်ကန် သာယာတစ်လျှောက်တွင် တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာများမှ အရာထမ်း၊ အမှုထမ်းများမှ တစ်ပျော်တစ်ပါး အားပေးနေမှုများအား လိုက်လံကြည့်ရှုခဲ့ကြပြီး မီနီမာရ သွန်အားကစားသမား ပန်းဝင်လာမှုတို့အား ကြည့်ရှုအားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါမုဒ်ဦးတွင် အမျိုးသား အမျိုးသမီး စက်ဘီးပြိုင်ပွဲယှဉ်ပြိုင်နေများအား ကြည့်ရှုအားပေးကြပြီး တိုင်းဒေသကြီး၊ ခရိုင်၊မြို့နယ်အဆင့် ဌာနဆိုင်ရာများမှ အရာထမ်း၊အမှုထမ်းများမှ ပန်းဝင်လာသည့်စက်ဘီး ပြိုင်ပွဲဝင် အားကစားသမားများအား သောင်း သောင်းဖျဖျ ကြိုဆိုအားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့အားက စားကွင်းအတွင်း ၂၀၂၄-ခုနှစ်၊ တိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္က သိုလ်/ဒီဂရီကောလိပ်များ အားကစားပြိုင်ပွဲ အမျိုးသမီး ထုပ်စည်းထိုးပြိုင်ပွဲ ယှဉ်ပြိုင်နေမှုများနှင့်အမျိုးသား၊ အမျိုး သမီး မီတာ ၈၀၀၊ မီတာ ၄၀၀ ၊ မီတာ ၂၀၀၊ မီတာ ၁၀၀ ပြေးခုန်ပစ်ပြိုင်ပွဲများ ယှဉ်ပြိုင်နေမှုများအား ကြည့်ရှုအားပေးပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင် ရွက်ပေးခဲ့ကြောင်း သိရသည်။