မုံရွာ၊ နိုဝင်ဘာ ၂၉

ဥပဒေရေးရာဝန်ကြီးဌာနနှင့် ပညာရေးဝန်ကြီးဌာနတို့ ပူးပေါင်းဖွင့်လှစ်သည့် Grade-11 နှင့် Grade-12 ဆရာများအတွက် ဥပဒေအသိပညာပြန့်ပွားရေး ဆရာဖြစ်သင် တန်းဆင်းပွဲ အခမ်းအနားကို နိုဝင် ဘာလ ၂၉ ရက်၊ နံနက်ပိုင်းတွင် စစ်ကိုင်းတိုင်းဒေသ ကြီး၊မုံရွာမြို့၊ အမှတ်(၂)အခြေခံပညာအထက်တန်း ကျောင်းရှိ သလ္လာဝတီခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့်ဌာနဆိုင်ရာများ၊ ဥပဒေဆိုင်ရာနည်းပြများနှင့် သင်တန်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က သင်တန်းသား/သူများအနေဖြင့် မိမိတို့သင်ကြားတက်မြောက်ထားသည့် ဥပဒေအသိပညာများအား မိမိတို့ကျောင်းများမှ ဆရာ/ဆရာမများနှင့် ကျောင်းသား/သူများကို ပြန်လည်ပို့ချရာတွင် သိရှိနားလည် သဘောပေါက်အောင် ထိထိရောက်ရောက် သင်ကြားပို့ချသွားကြရန်လိုအပ်ပါကြောင်း၊ ဥပဒေအသိပညာသည် လူတိုင်းလေ့လာသင့်သည့် ပညာရပ်ဖြစ်သည့်အတွက် မိမိတို့လေ့လာသိရှိထားသည့် အသိပညာများအား ကျောင်းသား/သူများသာမက မိမိတို့မိသားစု၊ မိမိတို့နေထိုင်ရာပတ်ဝန်း ကျင် ၊ မိတ်ဆွေအပေါင်းအသင်းများထံ ထပ်ဆင့်မျှဝေပေးသွားကြရန်လိုအပ်ပါကြောင်း၊ ဥပဒေအသိပညာများ ပြန့်ပွားလာခြင်းဖြင့် နိုင်ငံတော် တည်ငြိမ်ရေး၊ တရားဥပဒေစိုးမိုးရေးနှင့် တရားမျှ တမှုဖော်ဆောင်ရေးတို့အား တစ်ဖက်တစ်လမ်းမှ အထောက်အကူဖြစ်စေလိုပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က ဥပဒေအသိပညာပြန့် ပွားရေး ဆရာဖြစ်သင်တန်းတွင် စံပြဆုရရှိသူအား လည်းကောင်း၊ တိုင်းဒေသကြီး တရားသူကြီးချုပ်က သင်တန်းတွင် ပထမဆုရရှိသူအား လည်ကောင်း၊ တိုင်းဒေသကြီး စီးပွားရေးရာဝန်ကြီးကသင်တန်းတွင် ဒုတိယဆုရရှိသူအား လည်းကောင်း၊ တိုင်းဒေသကြီး သယံဇာတရေးရာ
ဝန်ကြီးနှင့် တိုင်းဒေသကြီး လမ်းပန်းဆက်သွယ်ရေးဝန်ကြီးတို့က သင်တန်းတွင် တတိယ ဆုရရှိကြသူ များအား ဂုဏ်ပြုဆုလက်မှတ်များ အသီးသီး ပေး အပ်ချီးမြှင့်ကြပြီး တိုင်းဒေသကြီး ဥပဒေချုပ်က သင်တန်းသား/သူများကိုယ်စား သင်တန်းသူတစ်ဦးထံ သင်တန်းဆင်း လက်မှတ်များ ပေးအပ်သည်။

ဆက်လက်၍ ဥပဒေအသိပညာပြန့်ပွားရေး ဆရာဖြစ်သင်တန်းသူတစ်ဦးက ကျေးဇူးတင်စကား ပြန်လည်ပြောကြားခဲ့သည်။

အဆိုပါ ၂၀၂၄-ခုနှစ်၊ ဥပဒေအသိပညာပြန့်ပွားရေး ဆရာဖြစ်သင်တန်းသို့ မုံရွာမြို့ နယ်ရှိ အခြေခံပညာအထက်တန်းကျောင်းများမှ ဆရာ/ဆရာမ ၁၄၉ ဦးအား ဥပဒေပညာ ဘာသာရပ် ၇ ရပ်ဖြင့် သင်တန်းကာလ ရက်သတ္တပတ် ၂ ပတ်ကြာ ဖွင့်လှစ်သင်ကြားပို့ ချခဲ့ကြောင်း သိရသည်။

မုံရွာ၊ နိုဝင်ဘာ ၂၈

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူ များ လိုက်ပါလျက် နိုဝင်ဘာလ ၂၈ ရက်၊ နံနက်ပိုင်းတွင် အားကစားနှင့်ကာယပညာသိပ္ပံ(မုံရွာ)ကျောင်းဝန်း အတွင်းရှိ ဘောလုံးကွင်းနှင့် သတ်မှတ်အားကစားရုံများတွင် ၂၀၂၄-ခုနှစ်၊ ပဉ္စမအကြိမ် မြောက် အမျိုးသားအားကစားပွဲတော် အားကစားပြိုင်ပွဲများသို့ သွားရောက်ယှဉ်ပြိုင်မည့် တိုင်းဒေသကြီးကိုယ်စားပြု ပြေးခုန်ပစ်၊ ဘောလုံး၊ ပိုက်ကျော်ခြင်း၊ ခရာတေး၊ အလေးမ နှင့်လက်ဝှေ့ အားကစားသမားများ၏ လေ့ကျင့်နေမှုများအား သွားရောက်ကြည့်ရှု အား ပေးကြသည်။

ယင်းနောက် ပြိုင်ပွဲဝင်အားကစားသမားများ၊ အသင်းအုပ်ချုပ်သူများ၊ နည်းပြများနှင့်ရင်းရင်း နှီးနှီးတွေ့ဆုံရာ တိုင်းဒေသကြီး ဝန်ကြီးချုပ်က အသင်းအုပ်ချုပ်သူများနှင့် ပြိုင်ပွဲဝင်ကစားသမားများအနေဖြင့် မိမိတို့ဝင်ရောက်ယှဉ်ပြိုင်သွားမည့် အားကစားနည်းများအလိုက် ဆုတံဆိပ်နှင့် စံချိန်သစ်များရရှိအောင် အစွမ်းကုန်လေ့ကျင့်ကြိုးစား ယှဉ်ပြိုင် သွားကြရန် လိုအပ်ပါကြောင်းနှင့် မိမိတို့တိုင်းဒေသကြီးဂုဏ်အား အားကစားဖြင့်မြှင့်တင် နိုင်ရေးအတွက် အချိန်ကိုအကျိုးရှိစွာ အသုံးချလေ့ကျင့်သွားကြရန် လိုအပ်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်း ပပြုလုပ်သည့် ၂၀၂၄-ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော် အားက စားပြိုင်ပွဲများသို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီး ကိုယ်စားပြုအားကစားအသင်းများအား အောင်နိုင်ရေးအလံပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး ကိုယ်စားပြုသွားရောက်ယှဉ်ပြိုင်မည့် အားကစားသမားအနေဖြင့် အားကစားနည်းများအလိုက် အနိုင်မခံအရှုံးမပေးစိတ်ဓာတ် မလျှော့သောဇွဲ၊လုံ့လ၊ကြိုးစားမှုများဖြင့် အစွမ်းကုန်ကြိုးစား ယှဉ်ပြိုင်သွားကြ ရန်လိုအပ်ပါကြောင်း၊ အုပ်ချုပ်/နည်းပြ/ကစားသမားများအားလုံးအနေ ဖြင့်လည်း မိမိတာဝန်ယူဆောင်ရွက်ရသည့် လုပ်ငန်းကဏ္ဍများအလိုက် ကိုယ်စွမ်းဉာဏ် စွမ်းရှိသရွေ့ တာဝန်ကျေပွန်အောင် အလေးထားကြိုးစား ဆောင်ရွက်ကြရန် လိုအပ်ပါကြောင်း၊ ယခုပြိုင်ပွဲကြီးသည် အားကစားမောင်မယ်များနှင့် မိမိတို့တိုင်းဒေသကြီး အတွက် အားကစားလူချွန်လူကောင်းများဖြစ်ကြောင်း ပြသနိုင်မည့် အခွင့်အလမ်း ကောင်းတစ်ရပ်ဖြစ်သကဲ့သို့ နိုင်ငံ့လက်ရွေးစင်အဆင့် ရွေးချယ်ခံရမည့် အခွင့်အ လမ်းလည်းဖြစ်ပါ၍ ရရှိလာသည့်အခြေအနေအချိန်အခါတွင် ရေကုန်ရေခမ်း အားထုတ်ကြိုး ပမ်းသွားကြရန် လိုအပ်ပါကြောင်း၊ ပြိုင်ပွဲကြီးသို့ သွား ရောက်ယှဉ်ပြိုင်မည့် အားကစားအဖွဲ့များအားလုံး အနေဖြင့် မိမိတို့တိုင်းဒေသကြီး၏ဂုဏ်ကို မိမိတို့စွမ်းဆောင်ချက်ဖြင့် မြှင့်တင်နိုင်ရမည်ဆိုသည့် အမျိုးသားရေးစိတ်ဓာတ်နှင့် ကြိုးစားယှဉ်ပြိုင်ခဲ့ကြရန်နှင့် မလျှော့သောဇွဲ၊ လုံ့လတို့ဖြင့် ဥပဒေဘောင်အတွင်းမှ ရင်ဆိုင်ယှဉ်ပြိုင်ရင်း အားကစားနည်းတိုင်း ဆုတံဆိပ်များရရှိအောင် စွမ်းဆောင်ခဲ့ကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က ၂၀၂၄ -ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော် အားကစားပြိုင်ပွဲများသို့ သွားရောက်ယှဉ်ပြိုင်မည့် စစ်ကိုင်း တိုင်းဒေသကြီးကိုယ်စားပြု အားကစားသမားများအတွက် စခန်းသွင်းလေ့ကျင့်စရိတ် ဂုဏ်ပြုထောက်ပံ့ငွေကျပ် သိန်း - ၁၂၉၄၅၀၀၀၀ (သိန်းတစ်ထောင်နှစ်ရာ့ကိုးဆယ်လေး သိန်းငါးသောင်းကျပ်)အား တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေး မှူး နှင့် အသင်းအုပ်ချုပ်သူထံအားလည်းကောင်း၊ အောင်နိုင်ရေးအလံအား တိုင်းဒေသကြီး လူမှုရေးရာဝန်ကြီးနှင့် တိုင်းဒေသကြီး အားကစားနှင့်ကာယ ပညာဦးစီးဌာန ညွှန်ကြားရေးမှူးတို့ထံ ပေးအပ် သည်။

ဆက်လက်၍ တိုင်းဒေသကြီး အားကစားနှင့်ကာယ ပညာဦးစီးဌာန ညွှန်ကြားရေး မှူး ဦးအောင်ဇော်လွင်က အားကစားနည်းများအလိုက် ပြိုင်ပွဲဝင်ရောက်ယှဉ်ပြိုင်သွားမည့် အခြေအနေများအား ရှင်းလင်းပြောကြားပြီး အားကစားနည်းများအလိုက် တာဝန်ခံ တစ်ဦးက ပြိုင်ပွဲဝင်ရောက်ယှဉ်ပြိုင်နိုင်ရန် ကြိုတင်ပြင်ဆင်ဆောင်ရွက်နေမှု အခြေအနေ များအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါအားကစားရုံအတွင်း ခင်း ကျင်း ပြသထားသည့် အားကစားလေ့ကျင့်ရေးပစ္စည်းများနှင့် ပြိုင်ပွဲဝင် အားကစားသမားအား ထောက်ပံ့ပေးအပ်သွားမည့် အားကစားပစ္စည်များအား လိုက်လံ ကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ အား ကစားကွင်းအတွင်း ၂၀၂၄-ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော် အား ကစားပြိုင်ပွဲများသို့ သွားရောက်ယှဉ်ပြိုင်မည့် တိုင်းဒေသကြီးကိုယ်စားပြု ဘောလုံး၊ ကာယဗလနှင့်ကာယကြံ့ခိုင်မှု၊ ဖူဆယ် အားကစားသမားများ၏ လေ့ကျင့်နေမှုများအား သွားရောက်ကြည့်ရှု အားပေးကြပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့သည်။

နေပြည်တော်တွင် ကျင်းပပြုလုပ်မည့် ၂၀၂၄-ခုနှစ်၊ ပဉ္စမအကြိမ်မြောက် အမျိုး သားအားကစားပွဲတော် အားကစားပြိုင်ပွဲများသို့ စစ်ကိုင်းတိုင်းဒေသကြီးအနေဖြင့် အား ကစားနည်း(၂၁)နည်းတွင် အုပ်ချုပ်၊ နည်းပြ၊ ဒိုင်၊ ပြိုင်ပွဲဝင်အားကစားသမား စုစုပေါင်း - ၄၄၃ ဦး ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။

မုံရွာ၊ နိုဝင်ဘာ ၂၇

၂၀၂၄-ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော်အား ကြိုဆိုဂုဏ်ပြု သောအားဖြင့် ၂၀၂၄-ခုနှစ်၊ တိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲများ ဆုချီးမြှင့်ပွဲအခမ်းအနားကို နိုဝင် ဘာလ ၂၇ ရက်၊ မွန်းလွဲပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ချင်းတွင်းခန်းမတွင် ကျင်းပရာ ဆုချီးမြှင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီး၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဝန်ကြီးဌာနများနှင့် တက္ကသိုလ်/ ဒီဂရီကောလိပ်ကိုယ်စားပြု ဆုရအားကစားအသင်းများမှ အုပ်ချုပ်/နည်းပြ/ အားကစား သမားများနှင့် ဖိတ်ကြားထားသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အနေဖြင့် တိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်/ခရိုင် အားကစားပြိုင်ပွဲများအား အားကစားနှင့်ကာယ ပညာဦးစီးဌာနရုံးချုပ်၏ အားကစားပြက္ခဒိန်ကိုအခြေခံပြီး ကျင်းပပေးခဲ့သည့်အပြင် ယခုဝန်ကြီး ဌာနများနှင့် တက္ကသိုလ်/ဒီဂရီကောလိပ်ပေါင်းစုံ အားကစား ပြိုင်ပွဲများကိုလည်း အခါအားလျော်စွာ ကျင်းပပေးခဲ့ခြင်း ဖြစ်ပါကြောင်း၊ ယခုလို အားက စားပြိုင်ပွဲများကျင်းပပေးရခြင်းအားဖြင့်အားကစား နည်းအလိုက် လူငယ်မျိုးဆက်သစ် အားကစားသမားများ ရှာဖွေဖော်ထုတ်ပေးနိုင်မှာဖြစ်ပြီး နိုင်ငံတော်၏ အားကစားအဆင့် အတန်းတိုးတက်မြင့်မားလာစေကာ ပြည်သူလူထုအတွင်း ဆေးလိပ်၊ အရက်၊ ကွမ်းယာ နှင့်မူးယစ်ဆေးဝါးသုံးစွဲမှုများ တစ်ဖက်တစ်လမ်းမှ လျော့နည်းကင်းဝေးနိုင်မည်ဖြစ်ကာ ဗလငါးတန်နှင့်ပြည့်စုံသည့် နိုင်ငံတော်မှ အားထားရသော လူငယ်လူရွယ်အင်အားစုတစ်ရပ်အား မွေးထုတ်ဖော်ဆောင်နိုင်မည် ဖြစ်ပါကြောင်း၊ ယခုကျင်းပခဲ့သည့် ဝန်ကြီးဌာနများနှင့်တက္ကသိုလ်/ ဒီဂရီ ကောလိပ်ပေါင်းစုံ အားကစားပြိုင်ပွဲကြီးအား တိုင်းဒေသကြီးအဆင့်နှင့်လျှော်ညီစွာ အောင်အောင် မြင်မြင် စည်ကားသိုက်မြိုက်စွာ ကျင်းပနိုင်ခဲ့သည့် အတွက် အားကစားနည်းအလိုက် ပြိုင်ပွဲဝင် အသင်းတိုင်းမှ တာဝန်ရှိသူများ အုပ်ချုပ်/နည်းပြ/အား ကစားသမားများနှင့် ပြိုင်ပွဲကျင်းပရေးကော်မတီမှ တာဝန်ရှိသူအားလုံးအား အထူးပင်ကျေးဇူးတင်ရှိပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က ၂၀၂၄- ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော်အား ကြိုဆိုဂုဏ်ပြုသောအားဖြင့် ၂၀၂၄-ခုနှစ်၊ တိုင်းဒေသ ကြီးဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစား ပြိုင်ပွဲများတွင် စုပေါင်းတံခွန်စိုက်ဆု ပထမဆုရရှိသည့် လူမှုရေးရာဝန်ကြီးဌာနအသင်း၊ ဒုတိယဆုရရှိသည့် စည်ပင်သာယာရေးအဖွဲ့နှင့် တတိယဆုရရှိသည့် မုံရွာပညာရေးဒီဂရီ ကောလိပ်တို့မှ အသင်းအုပ်ချုပ်သူများထံ တံခွန်စိုက်ဆုနှင့်ငွေသားဆုများအား ပေးအပ်ချီးမြှင့်ပြီး တိုင်းဒေသကြီးဝန်ကြီးချုပ် ၏ဇနီးက စုပေါင်းနှစ်သိမ့် တံခွန်စိုက်ရရှိသည့် ကွန်ပျူ တာ/နည်းပညာ/စက်မှုလက်မှုအသင်းအားဆုတံဆိပ်နှင့်ဂုဏ်ပြုချီးမြှင့်ငွေများအားလည်းကောင်း ပေးအပ်ချီးမြှင့်သည်။

ဆက်လက်၍ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ မုံရွာမြို့ပေါ်ရှိ တက္က သိုလ်/ဒီဂရီကောလိပ်များမှ ပါမောက္ခချုပ်များနှင့် ကျောင်းအုပ်ကြီးများက ဝန်ကြီးဌာန များနှင့် တက္ကသိုလ်/ဒီဂရီကောလိပ်များမှ ပြိုင်ပွဲဝင်အသင်း ၁၄ သင်းမှ ရွှေ၊ ငွေ၊ ကြေး ဆုတံဆိပ်ရရှိကြသော ပြိုင်ပွဲဝင်အသင်းများအား ဆုတံဆိပ်၊ဂုဏ်ပြုချီးမြှင့်ငွေများနှင့် စုပေါင်းနှစ်သိမ့် တံခွန်စိုက်ဆုများအား အသီးသီးပေးအပ်ချီးမြှင့်ကြသည်။

ယင်းနောက် တိုင်းဒေသကြီအဆင့် ဌာနဆိုင်ရာများ ၂၀၂၄-ခုနှစ်၊ ပဉ္စမအကြိမ်မြောက် အမျိုးသားအားကစားပွဲတော်အား ကြိုဆိုဂုဏ်ပြုသောအားဖြင့် ၂၀၂၄-ခုနှစ်၊ တိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲ ဖွင့်ပွဲအခမ်အနားတွင် ပါဝင်ကူညီအားဖြည့်ပေးခဲ့ကြသည့် ဘင်ခရာ/ ပန်းပွား၊ Fitness Dance နှင့် အလံကိုင်/ဆိုင်းဘုတ်ကိုင်အဖွဲ့များအား ဂုဏ်ပြုချီးမြှင့်ငွေ များ အသီးသီးပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်နှင့် တိုင်း ဒေသကြီးအစိုးရ အဖွဲ့ဝင်များက အခမ်းအနားသို့ တက်ရောက်လာသူများ၊ ဝန်ကြီးဌာန များနှင့် တက္ကသိုလ်/ဒီဂရီကောလိပ်ကိုယ်စားပြု ဆုရအားကစားအသင်းများမှ အုပ်ချုပ်/ နည်းပြ/အားကစားသမားများနှင့် နေ့လည်စာအတူတကွ သုံးဆောင်ခဲ့ကြောင်း သိရ သည်။

မုံရွာ၊ နိုဝင်ဘာ ၂၆

စစ်ကိုင်းတိုင်းဒေသကြီး၊ မုံရွာမြို့ရှိ တိုင်းဒေသကြီး/ခရိုင်/မြို့ နယ်ဌာနဆိုင်ရာရုံးအသီးသီး၌ တာဝန်ထမ်းဆောင်နေကြသည့် နိုင်ငံ့ဝန်ထမ်းများ၊ မိသားစုဝင်များနှင့် တက္ကသိုလ်/ ဒီဂရီ ကောလိပ်များမှ ကျောင်းသား/သူများ ချစ်ကြည်ရင်းနှီးမှုများရရှိပြီး လုပ်ငန်းခွင်အတွင်း ကျန်းမာသန်စွမ်းကာစိတ်ပျော်ရွှင်စွာဖြင့် လုပ်ငန်းများဆောင်ရွက်နိုင်ရန် ရည်ရွယ်၍ ၂၀၂၄-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲများအား မုံရွာမြို့၊ ပြည်သူ့အားကစားကွင်းနှင့် အားကစားနှင့်ကာယပညာသိပ္ပံ (မုံရွာ)ရှိ သက်မှတ်အားကစားရုံများတွင် နိုဝင်ဘာလ ၃ ရက်နေ့မှစတင်၍ အားကစားနည်း ၁၁ မျိုးအား ပြိုင်ပွဲဝင်အသင်း ၁၄ သင်းဖြင့် ယှဉ်ပြိုင်ကျင်းပလျက်ရှိကြောင်း သိရသည်။

အဆိုပါ ၂၀၂၄-ခုနှစ်၊ တိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲ အမျိုးသားဘောလုံးပြိုင်ပွဲ ဗိုလ်လုပွဲစဉ်အား နိုဝင်ဘာလ ၂၆ ရက်၊ ညနေပိုင်းတွင် မုံရွာမြို့၊ ပြည်သူ့အားကစားတွင် ကျင်းပပြုလုပ်ရာ ဗိုလ်လုပွဲစဉ်အဖြစ် စည်ပင် သာယာရေးအသင်းနှင့် လူမူရေးရာအသင်းတို့ ယှဉ်ပြိုင်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ ဝန်ထမ်းများနှင့် တာဝန်ရှိသူများက တခဲနက်ကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဘောလုံးပြိုင်ပွဲ ပထမပိုင်းပြီးချိန်တွင် မုံရွာမြို့ပေါ်ရှိ ဌာနဆိုင်ရာများမှ ဝန်ထမ်းများက Fitness Dance အကတို့ ဖြင့်ဖျော်ဖြေမှုများအား ကြည့်ရှုအားပေးကြသည်။

ထို့နောက် ၂၀၂၄-ခုနှစ်၊ တိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲ အမျိုးသားဘောလုံးပြိုင်ပွဲ ဗိုလ်လုပွဲ၌ လူမှုရေးရာအသင်းမှ စည်ပင် သာယာရေးအသင်းအား ၁ ဂိုး ဂိုးမရှိဖြင့် အနိုင်ရရှိသွားကြောင်း သိရသည်။

မုံရွာ၊ နိုဝင်ဘာ ၂၅

(၁၀၄)နှစ်မြောက် အမျိုးသားအောင်ပွဲနေ့ အထိမ်းအမှတ် အခမ်းအနားကို နိုဝင်ဘာလ ၂၅ ရက်၊ နံနက်ပိုင်းက စစ်ကိုင်းတိုင်းဒေသကြီး၊ ခန္တီးခရိုင်၊ ခန္တီးမြို့ အခြေခံပညာအထက်တန်းကျောင်းရှိ ကျန်စစ်သားခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ်ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခန္တီးမြို့ပေါ်ရှိ အခြခံပညာကျောင်းများမှ ကျောင်းအုပ်ကြီးများ၊ ဆရာ/ဆရာမများ၊ ကျောင်းသား/သူများနှင့် မြို့မိမြို့ဖများ တက်ရောက်ကြသည်။

ဦးစွာ ခန္တီးမြို့၊ အခြေခံပညာအထက်တန်းကျောင်းမှ ကျောင်းသား ကျောင်းသူများက “ဇာတိမာန်” တေးသီချင်း သီဆို၍ အခမ်းအနားအား ဖွင့်လှစ်ကြသည်။

ယင်းနောက် ပြည်ထောင်စုသမ္မတ မြန်မာနိုင်ငံတော်အစိုးရ နိုင်ငံတော်စီမံအုပ်ချုပ်ရေး ကောင်စီဉက္ကဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိ သုဓမ္မ မင်းအောင်လိူင်ထံမှ ပေးပို့သော (၁၀၄)နှစ်မြောက် အမျိုးသားအောင်ပွဲနေ့ အထိမ်းအမှတ် အခမ်းအနား သဝဏ်လွှာအား တိုင်းဒေသကြီး ဝန်ကြီးချုပ် ဦးမြတ်ကျော်က ဖတ်ကြားသည်။

ထို့နောက် တိုင်းဒေသကြီး ဝန်ကြီးချုပ်က (၁၀၄)နှစ်မြောက် အမျိုးသားအောင်ပွဲနေ့ အထိမ်းအမှတ် အထက်တန်းအဆင့် စာစီစာကုံးပြိုင်ပွဲတွင် ဆုရရှိကြသော ကျောင်းသား/သူများ အားလည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက အထက်တန်းအဆင့် ကဗျာပြိုင်ပွဲတွင် ဆုရရှိကြသော ကျောင်းသား ကျောင်းသူများအားလည်းကောင်း၊ တိုင်းဒေသကြီး လမ်း ပန်းဆက်သွယ်ရေးဝန်ကြီးက အလယ်တန်းအဆင့် စာစီစာကုံးပြိုင်ပွဲတွင် ဆုရရှိကြသော ကျောင်းသား/သူများ အားလည်းကောင်း၊ တိုင်းဒေသကြီး တိုင်းရင်းသားရေးရာဝန်ကြီးက အလယ်တန်းအဆင့် ကဗျာပြိုင်ပွဲတွင် ဆုရရှိကြသော ကျောင်းသား/သူများ အားလည်းကောင်း၊ တိုင်းဒေသကြီး/ခရိုင်အဆင့် ဌာနဆိုင်ရာများက မူလတန်းအဆင့် ကဗျာပြိုင်ပွဲတွင် ဆုရရှိကြသူ များနှင့် Grade- 5 / 6 / 7 အင်္ဂလိပ်၊ သင်္ချာ ဘာသာရပ်များတွင် ထူးချွန်များရရှိကြသည့် ကျောင်း သား/သူများ အားလည်းကောင်း ဂုဏ်ပြုဆုငွေနှင့် ဂုဏ်ပြုမှတ်တမ်းလွှာများအား အသီးသီး ပေး အပ်ကြသည်။

ဆက်လက်၍ ခန္တီးမြို့၊ အခြေခံ ပညာအထက်တန်း ကျောင်းမှ ကျောင်းသား/သူများက “မြန်မာ့ကျောင်း” တေးသီချင်းသီဆို၍ အခမ်းအနားအား ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ခန္တီးမြို့၊ မြသိန်းတန် စေတီတော်ကြီးသို့ရောက်ရှိရာ စေတီတော်ကြီး ပတ်ဝန်းကျင်သန့်ရှင်းသာယာလှပရေးနှင့် ကမ်း ထိန်းနံရံများ တည်ဆောက်ပြီးစီးတို့အား လိုက်လံကြည့်ရှုစစ်ဆေးပြီး ခန္တီးမြိုအား ချင်းတွင်းမြစ် ရေကြီးမှုမှကာကွယ်နိုင်ရန်အတွက် မြသိန်းတန်စေတီတော်အနီး ၂၀၂၃-၂၀၂၄ ဘဏ္ဍာရေးနှစ်၌ ရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေး ဒေသ(၆)တိုင်းဒေသကြီးရုံးမှ တာဝန်ယူ တည် ဆောက်ခဲ့သည့် ကမ်းပြိုကာကွယ်ရေးလုပ်ငန်း သံကူကွန်ကရစ်မြေထိန်းတမံ အလျား -၁၅၀ ပေ တည်ဆောက်ပြီးစီးမှုနှင့် အဆိုပါစေတီကြီးအနီး၌ ၂၀၂၄-၂၀၂၅ ဘဏ္ဍာရေးနှစ်တွင် ကမ်းပြိုကာကွယ် ရေးလုပ်ငန်း သံကူကွန်ကရစ်မြေထိန်းတမံ အလျား -၁၅၀ ပေ တည်ဆောက် နေမှုတို့အား ကြည့်ရှုစစ်ဆေးပြီး တည်ဆောက်ရေးလုပ်ငန်းများအား သတ်မှတ်ကာလတွင် စံချိန် စံညွှန်းမီအရည်အသွေးကောင်းမွန်စွာ တည်ဆောက်သွားရေးသွားရေးနှင့် ချင်းတွင်းမြစ်ကြောင်း အတွင်း ရေစီးရေလာကောင်းမွန်အောင်ဆောင်ရွက်ခြင်းဖြင့် မြစ်ကမ်းများရေတိုက်စားမှုမှကာ ကွယ်ရေးလုပ်ငန်းများဆောင်ရွက်ရန်တို့အား တာဝန်ရှိသူများကိုမှာကြားကာ လိုအပ်သည်များ ကိုဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ နိုဝင်ဘာ ၂၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့်ဌာနဆိုင်ရာများနှင့် တာဝန်ရှိသူများ လိုက်ပါလျက် ယမန်နေ့ ညနေ ပိုင်းတွင် ခန္တီးမြို့နယ်၊ အောင်သာကျေးရွာရှိ ဒေသခံတောင်သူများအား ဆောင်းနေကြာမျိုး စေ့များထောက်ပံ့ပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး အစိုးရအဖွဲ့အနေဖြင့် တိုင်းဒေသကြီးအတွင်းရှိ ပြည်သူများစာရေရိက္ခာဖူလုံစေရေးအတွက် ဌာနဆိုင်ရာများ၊ ဒေသခံတောင်သူများမှ အလေးထားပူးပေါင်း ဆောင်ရွက်သွားကြရန် လိုအပ်ပါကြောင်း၊ ယခုကာလသည် မိုးသီးနှံများ ရိတ်သိမ်းဆဲအချိန်ဖြစ်ပြီး ဆောင်သီးနှံများစတင် စိုက်ပျိုးရန်ပြင်ဆင် နေချိန်လည်း ဖြစ်ပါကြောင်း၊ ဒေသခံတောင်သူများအနေဖြင့် စစ်မှန်သည့်အထွက်ကောင်းစပ်မျိုးများအား အသုံးပြုစိုက်ပျိုးမှသာ သတ်မှတ်ပန်းတိုင်အထွက်နှုန်းရရှိနိုင်မည်ဖြစ်ပါကြောင်း၊ ဆောင်းနေကြာ မျိုးစေ့များထောက်ပံ့ပေးအပ်ခြင်းဖြင့် စိုက်ပျိုးထုတ်လုပ်မှုအပေါ် အထောက်အပံ့ပြုကာ ဒေသတွင်း ဆီဖူလုံမှု ပြည့်ဝလာမည်ဖြစ်ပါ၍ တောင်သူများမှလည်းစိုက်ပျိုးရေးဦးစီးဌာန၏ ခေတ်မီ စိုက်ပျိုးနည်းစနစ်များအတိုင်း စနစ်တကျလိုက်နာစိုက်ပျိုးခြင်းဖြင့် ပန်းတိုင်းအထွက်နှုန်းများရရှိပြီး လူမှုစီးပွားဘဝများ မြင့်မားတိုးတက်လာမည်ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တာဝန် ရှိသူများက ခန္တီးမြို့နယ်၊ အောင်သာကျေးရွာရှိ ဆောင်းနေကြာစိုက်ဧက ၅၀ အတွက် တောင်သူ ၃၀ ဦးထံ မျိုးစေ့များနှင့်ရွတ်ဖျန်းမြေသြဇာများအား ဒေသခံတာင်သူများထံ ထောက်ပံ့ပေးအပ် ကြသည်။

ဆက်လက်ပြီ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဒေသခံတာင်သူများအားထောက်ပံ့ပေးအပ်မည့် ရေဆင်း(၁)စပ်မျိုးနေကြာ မျိုးစေ့များနှင့် ရွတ်ဖြန်းမြေသြဇာများအား ကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ခန္တီး-ဖားလမုန်း-တာမခံ-ညောင်ပင်လမ်းပေါ်ရှိ မိုင်တိုင်- ၂/၀ မှ ၃/၀ ကြားအား လမ်းအနိမ့်အမြင့်ဖြေညှိခြင်းနှင့် ကျောက်ရောမြေခင်းခြင်း လုပ်ငန်းခွင့်သို့ရောက်ရှိရာ တိုင်းဒေသကြီး လမ်းဦးစီးဌာနမှ ညွှန်ကြားရေးမှူးနှင့် ခန္တီးခရိုင် လမ်းဦးစီးဌာနမှ တာဝန်ရှိသူများက လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ ရှင်းလင်းတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က လုပ်ငန်းများဆောင်ရွက်နေမှုများနှင့် ပတ် သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးကာ လုပ်ငန်းများဆောင်နေမှုများအား လိုက်လံကြည့်ရှုစစ်ဆေးခဲ့ကြောင်းသိရသည်။