မုံရွာ၊ ဒီဇင်ဘာ ၁၄

(၇၇)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် စစ်ကိုင်းမြို့ ပေါ်ရှိ နိုင်လွန်ကတ္တရာလမ်းများ ဖွင့်ပွဲအခမ်းအနားကို ဒီဇင်ဘာလ ၁၃ ရက်၊ နံနက် ပိုင်တွင်း စစ်ကိုင်းမြို့၊ ပါရမီရပ်ကွက်ရှိ အဆိုပါလမ်းသစ်မုဒ်ဦးများရှေ့တွင် ကျင်းပပြုလုပ် ရာဖွင့်ပွဲ အခမ်းအနားသို့ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသ ကြီးအစိုးရအဖွဲ့ဝင်များ၊ တိုင်းဒေသသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ ဖများနှင့် ရပ်ကွက်နေပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး စည်ပင်သာယာ ရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌ ဦးမျိုးအောင်တို့က ဝေဇယန္တာလမ်း၊ဇေယျာပူရလမ်း၊ ဘုရင့်နောင်လမ်း၊မရှိခဏလမ်း နိုင်လွန်ကတ္တရာလမ်းများအား ဖဲကြိုးဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်က ဖွင့်ပွဲအခမ်းအနားတွင် ပါဝင်ကူညီပေး ခဲ့သည့် ဘင်ခရာ/ပန်းပွားအဖွဲ့များအား ဂုဏ်ပြုချီးမြှင့်ငွေများပေးအပ်ခဲ့ပြီး တာဝန်ရှိသူ များနှင့် အဆိုပါမုဒ်ဦးရှေ့တွင် စုပေါင်းမှတ်တမ်းတင် ဓါတ်ပုံရိုက်ကူးကာ နိုင်လွန်ကတ္တရာ လမ်းအား ဖြတ်သန်းကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့ ပေါ်ရှိ ထူပါရုံလမ်း၊ မင်းလမ်း ၊ဇေယျာမန်းလမ်း၊ ဈေးလမ်း နိုင်လွန်ကတ္တရာလမ်းများ ဖွင့်ပွဲကျင်းပရာ ဝန်ကြီးချုပ် ဦးမြတ်ကျော်၊ တိုင်းဒေသကြီး စည်ပင်သာယာ ရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌဦးမျိုးအောင်တို့က ထူပါရုံလမ်း၊ မင်းလမ်း၊ဇေယျာမန်းလမ်း ဈေးလမ်း နိုင်လွန်ကတ္တရာ လမ်းများအား ဖဲကြိုးဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်က ဖွင့်ပွဲအခမ်းအနားတွင် ပါဝင်ကူညီပေး ခဲ့သည့် ဦးရွှေရိုး၊ဒေါ်မိုးအကအဖွဲ့များအား ဂုဏ်ပြုချီးမြှင့်ငွေများပေးအပ်ခဲ့ပြီး တာဝန်ရှိသူ များနှင့် အဆိုပါမုဒ်ဦးရှေ့တွင် စုပေါင်းမှတ်တမ်းတင် ဓါတ်ပုံရိုက်ကူးကာ နိုင်လွန်ကတ္တရာ လမ်းအား ဖြတ်သန်းကြည့်ရှုစစ်ဆေးခဲ့ကြသည်။

ဆက်လက်ပြီး စစ်ကိုင်းမြို့ပေါ်ရှိ ဝေဇယန္တာလမ်း၊ ဇေယျာပူရလမ်း၊ ဘုရင့်နောင်လမ်း၊မရှိခဏလမ်းနှင့် ထူပါရုံလမ်း၊ မင်းလမ်း၊ဇေယျာမန်း လမ်း၊ ဈေးလမ်း နိုင်လွန်ကတ္တရာလမ်း ၈ လမ်း ဖွင့်ပွဲ ဒုတိယပိုင်း အခမ်း အနားကို စစ်ကိုင်းမြို့၊ မြို့တော်ခန်းမတွင် ကျင်းပပြုရာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းမြို့ပေါ်ရှိ နိုင်လွန်ကတ္တရာလမ်းများ အဆင့်မြှင့်တင်ပေးရခြင်း နှင့်ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက စစ်ကိုင်းမြို့ပေါ်ရှိ ဝေဇယန္တာလမ်း၊ဇေယျာပူရလမ်း၊ ဘုရင့်နောင်လမ်း၊မရှိခဏလမ်းနှင့် ထူပါရုံလမ်း၊ မင်းလမ်း၊ ဇေယျာမန်းလမ်း၊ ဈေးလမ်း နိုင်လွန်ကတ္တရာလမ်းများ ဆောင် ရွက်ခြင်းလုပ်ငန်းများနှင့် ပတ်သက်၍ ရှင်းလင်းပြောကြားကာ ရပ်ကွက်နေပြည်သူ တစ်ဦးက ကျေးဇူးတင်စကားပြန်လည် ပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ခန်းမအတွင်း ခင်းကျင်းပြသထားသည့် စစ်ကိုင်းမြို့နယ်၊ စည်ပင်သာယာရေးအဖွဲ့မှ စစ်ကိုင်းမြို့ပေါ်ရှိ နိုင်လွန်ကတ္တရာလမ်းများဆောင်ရွက်ခဲ့သည့်လုပ်ငန်း မှတ်တမ်းဓါတ်ပုံများအား လိုက်လံ ကြည့်ရှုခဲ့ကြောင်း သိရသည်။

မုံရွာ၊ ဒီဇင်ဘာ ၁၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ ဥက္ကဌများနှင့် တာဝန်ရှိသူများ လိုက်ပါလျက် ယမန်နေ့၊ နံနက်ပိုင်းတွင် စစ်ကိုင်း တောင်ရိုးရှိ ဘုန်းတော်ကြီးများနှင့် သီလရှင်ကျောင်းများအနီး ရေနုတ်မြောင်းများ ရေစီး ရေလာကောင်းမွန်ရေးတို့အတွက် စစ်ကိုင်း -ကျောက်တာ-ရေခါး-စကျင်လမ်း ၀/၀ မှ ၉/၀ အထိ အုတ်စီရေမြောင်းများဆောင်ရွက်နေမှု လုပ်ငန်းခွင်သို့ရောက်ရှိရာ ခရိုင်လမ်းဦးစီး ဌာန၊ ခရိုင်ဦးစီးမှူးက အုတ်စီရေမြောင်းများ ဆောင်ရွက်နေမှုများနှင့် ပတ်သက်၍ ရှင်း လင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က လုပ်ငန်းများဆောင်ရွက်မှုအား စံချိန် စံညွှန်းမီစွာဖြင့် အရည်အသွေးကောင်းမွန်စွာ ဆောင်ရွက်သွားရေးတို့အား မှာကြားကာ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့ပြီး အုတ်စီရေမြောင်းများ ဆောင်ရွက်နေမှုအား လိုက်လံကြည့်ရှုစစ် ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဧရာဝတီမြစ် ရေတိုက်စားမှုမှ ကာကွယ်နိုင်ရန်အတွက် စစ်ကိုင်း-မင်းကွန်း-ထုံးဘို-မယ်ဇလီချောင်း- ချောင်းဦးလမ်း ၀/၂ မှ ၁/၂ အတွင်း ၂၃၀၈ ပေအရှည်အား Hand Rail ဆောင် ရွက်နေမှု လုပ်ငန်းခွင်သို့ရောက်ရှိရာ ခရိုင်လမ်းဦးစီးဌာန၊ ခရိုင်ဦးစီးမှူးက Hand Rail လုပ်ငန်းများ ဆောင်ရွက် နေမှုများနှင့် ပတ်သက်၍ ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က လုပ်ငန်းများနှင့်ပတ်သက်၍ ရှင်းလင်း တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ Hand Rail လုပ်ငန်းများ ဆောင်ရွက်နေမှုများအား လိုက်လံကြည့်ရှု စစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့ ပေါ်ရှိဝန်ထမ်းများ စားဖိုဆောင်သုံး ဟင်းသီးဟင်းရွက်စားသုံးမှု အဆင်ပြေစေရန်နှင့် ဒေသ၏ဟင်းသီးဟင်းရွက်လိုအပ်မှုအား ဖြည့်ဆည်းပေးနိုင်ရန်အတွက် ရည်ရွယ်၍ ဧရာဝတီမြစ် ကမ်းဘေမြေနုကျွန်းပေါ်၌ စစ်ကိုင်းခရိုင်/မြို့နယ်ဌာနဆိုင်ရာဝန်ထမ်းများ ၏ဟင်းသီးဟင်းရွက်စိုက်ခင်းသို့ ရောက်ရှိရာ စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌ နှင့်ခရိုင်စိုက်ပျိုးရေးဦးစီးဌာန၊ ခရိုင်ဦးစီးမှူးတို့က ဟင်းသီး ဟင်းရွက်များ စိုက်ပျိုးထားရှိမှု အခြေအနေများနှင့် ဆက်လက်စိုက်ပျိုးသွားမည့် အခြေအနေများအား လိုက်လံရှင်းလင်း ပြသကြသည်။

ထို့နောက် တိုင်းဒေသကြီး ဝန်ကြီးချုပ်က ဟင်းသီး ဟင်းရွက် စိုက်ပျိုးထားရှိမှု များနှင့် ပတ်သက်၍ ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးကာ စိုက်ခင်းအတွင်း လိုက်လံကြည့်ရှုစစ်ဆေးခဲ့ ကြောင်း သိရသည်။

မုံရွာ၊ ဒီဇင်ဘာ ၁၃

စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး ဆွမ်းဦးပုညရှင်စေတီတော် မြတ်ကြီးလုံးတော်ပြည့် ရွှေသင်္ကန်းကပ်လှူနိုင်ရေး အလှူတော်ငွေပေးအပ်ပွဲ အခမ်းအနားကို ဒီဇင်ဘာလ ၁၂ ရက်၊ နံနက်ပိုင်းတွင် အဆိုပါစေတီတော်ကြီးရှိ ပုညရှင်သာသ နာ့ဗိမာန်တော် ကြီးတွင်ကျင်းပရာ အခမ်း အနားသို့ နိုင်ငံတော်သြဝါဒါစရိယ၊ အဘိဓဇမဟာရဋ္ဌဂုရု၊ အဘိဓဇ အဂ္ဂမဟာသဒ္ဓမ္မဇောတိက သောဠသမရွှေကျင်သာသနာပိုင် သီတဂူကမ္ဘာ့ဗုဒ္ဓ တက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးနှင့် ပင့်သံဃာဆရာတော် ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေ သကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ အလှူရှင်များနှင့် လူမှုရေးအသင်း အဖွဲ့များ တက်ရောက်ကြသည်။

ဦးစွာ ပင့်သံဃာဆရာတော်ကြီးများနှင့် ဧည့်ပရိတ်သတ်များက “နမောတဿ”သုံးကြိမ် ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြပြီး နိုင်ငံတော်သြဝါဒါစရိယ၊ အဘိဓဇ မဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက သောဠသမရွှေကျင်သာသနာပိုင် သီတဂူကမ္ဘာ့ ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်၊သံဃာတော် အရှင်သူမြတ်များ ရွတ်ပွားသရဇ္ဈာယ်ချီးမြင့်တော် မူသော ပရိတ်တရားတော်များအား တိုင်းဒေသကြီး ဝန်ကြီးချုပ်နှင့် ဧည့်ပရိက်သတ်များက နာ ယူကြည်ညိုကြပြီး ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်း ဒေသကြီး အစိုးရအဖွဲ့ဝင်များနှင့်ဇနီးများ၊ တာဝန်ရှိသူများက လှူဖွယ်ဝတ္ထုပစ္စည်းများ ဆက် ကပ်လှူဒါန်းကြသည်။

ထို့နောက် စစ်ကိုင်းတောင်ရိုး၊ ဆွမ်းဦးပုညရှင်စေတော်မြတ်ကြီး လုံးတော်ပြည့်ရွှေ သင်္ကန်းကပ်လှူပူဇော်နိုင်ရေးအတွက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် အလှူရှင်များက စစ်ကိုင်းခရိုင်စီမံအုပ်ချုပ်ရေးအဖွဲ့ ဉက္ကဌထံ အလှူငွေကျပ်စုစုပေါင်း (၃၇၈,၀၆၈,၀၀၀) သိန်းပေါင်းသုံးထောင် ခုနှစ်ရာရှစ်ဆယ် ခြောက်သောင်းရှစ်ထောင်ကျပ်)အား ပေးအပ်လှူဒါန်းကြရာ ဂုဏ်ပြုမှတ်တမ်း လွှာများ ပြန်လည်ပေးအပ်သည်။

ထို့နောက် နိုင်ငံတော်သြဝါဒါစရိယ၊ အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက သောဠသမရွှေကျင်သာသနာပိုင် သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ် သတ်များက နိဂုံး ချုပ်သြဝါဒကထာ နာယူကြည်ညိုကြပြီး “ ဗုဒ္ဓသာသနံ စိရံ တိဋ္ဌတု” သုံးကြိမ် ရွတ်ဆိုဆုတောင်း၍ အခမ်းအနားအား ရုပ်သိမ်းခဲ့ကြသည်။

ယင်းနောက် ပင့်သံဃာဆရာတော်ကြီးများအား တိုင်းဒေသကြီး ဝန်ကြီးချုပ်နင့် တာဝန်ရှိ သူများက နေ့ဆွမ်းများ ဆက်ကပ်လှူဒါန်းခဲ့ကြသည်။

ထို့နောက် သီတဂူဆရာတော်ကြီး၊ တိုင်းဒေသကြီး ဝန်ကြီးချုပ်နှင့်တာဝန်ရှိသူများမှ ဆွမ်း ဦးပုညရှင်စေတော်မြတ်ကြီး လုံးတော်ပြည့် ရွှေသင်္ကန်းကပ်လှူနိုင်ရေးအတွက် စေတီတော်ကြီး ပတ်လည်အား လိုက်လံကြည့်ရှုခဲ့ကြပြီး စေတီတော်ကြီးအားလာရောက်ဖူးမျှော်ကြမည့် ရပ်ဝေး ရပ်နီးမှဘုရားဖူးပြည်သူများ စိတ်အေးချမ်းသာစွာ ဖူးမျှော်ကြည်ညိုနိုင်ရေးတို့အတွက် လိုအပ်သည်များကို ဆရာတော်ကြီးမှ တာဝန်ရှိသူများအား မိန့်ကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆွမ်းဦးပုညရှင်စေတော်မြတ်ကြီး လုံးတော်ပြည့် ရွှေသင်္ကန်းကပ်လှူနိုင်ရေးအတွက် ငှက်ပျောဖူးတော်မှ ပထမ ပဥ္စယံအထိ ပြင်ဆင်ဆောင်ရွက်နေမှုများအား ကြည့်ရှုစစ်ဆေးပြီး လိုအပ်သည်များကို တာဝန်ရှိ သူများနှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ စစ်ကိုင်းမြို့၊ စစ်ကိုင်းတောင်ရိုးရှိ ဆွမ်းဦးပုညရှင်စေတီတော်ကြီး လုံးတော် ပြည့်ရွှေသင်္ကန်းတော်ကပ်လှူပူဇော်နိုင်ရန်အတွက် ငှက်ပျောဖူးတော်မှ ပထမပဥ္စယံအထိ ၉" ပတ်လည် ကြေးပြားအချပ်ရေပေါင်း ၂၂၇၀၀ ချပ်ခန့်နှင့် ၂" ပတ်လည်ရွှေဆိုင်း ၆၀၀၀ ကျော် အသုံးပြုကာ ငွေကျပ်သိန်းပေါင်း ၂၀၀၀၀ ကျော်ကုန်ကျခံကာ ဆောင်ရွက်သွားမည်ဖြစ်ရာ ရပ်နီးရပ်ဝေးမှ ကုသိုလ်ရှင်အလှူရှင်များအနေဖြင့် ရွှေသင်္ကန်းကပ်လှူပူဇော်၍ ကုသိုလ်ယူလိုသူများအတွက် ဂေါပကအဖွဲ့ထံသို့ဆက်သွယ်ကာ ရွှေစင်ရွှေဆိုင်းများ ကုသိုလ်ယူလှူဒါန်းနိုင် ကြောင်း သိရသည်။

မုံရွာ၊ ဒီဇင်ဘာ ၁၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင်များ၊တိုင်းဒေသကြီး အဆင့်ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့်တာဝန်ရှိသူများလိုက်ပါလျက် ယမန်နေ့မွန်းလွဲပိုင်းက စစ်ကိုင်းစက်မှုဇုန်ရှိ မဟာနီလာ ကုမ္ပဏီ နီဖန်း EV ဆိုင်ကယ်နှင့် သုံးဘီးဆိုင်ကယ် ထုတ်လုပ်ရေးလုပ်ငန်းခွင်သို့ ရောက်ရှိရာ စက်ရုံတာဝန်ခံမှ နှစ်ဘီးဆိုင်ကယ်၊ သုံးဘီးဆိုင်ကယ် တပ်ဆင်နေမှုများ၊ တပ်ဆင်ပြီးစီးမှုဆိုင် ကယ်များနှင့် ဆိုင်ကယ်ဘရိတ်ရှူးထုတ်လုပ်နေမှု အခြေအနေများအား လိုက်လံရှင်းလင်းပြသ သည်။

ယင်းနောက် တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ထုတ်လုပ်တပ်ဆင် ပြီးဆိုင်ကယ်များအား ပြည်တွင်းရှိပြည်သူများ ဈေးနှုန်းသက်သာစွာဖြင့် ဝယ်ယူအသုံးပြုနိုင်ရေး တို့အားမှာကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှုဇုန်ရှိ တစ်ရက်လျှင် ပီနံအိတ်မျိုးစုံ ၉၀၀၀၀ အိတ်ဝန်းကျင်နှင့် ချည်လုံး ၁၀၅ လုံးပါ ၆၀ ဖာ ထုတ်လုပ် လုပ်နေသည့် မန္တလေးငွေတောင် ပီနံအိတ်နှင့်ချည်လုံးထုတ်လုပ်ရေး စက်ရုံသို့ရောက်ရှိရာ စက်ရုံ တာဝန်ခံမှ ပီနံအိတ်အမျိုးမျိုးနှင့်ချည်လုံးထုတ်လုပ်နေမှုအဆင့်ဆင့်တို့အား လိုက်လံရှင်းလင်း ပြသရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ကုန်းကြမ်းသိုလှောင်ထားရှိမှုများနှင့် ကုန် ချောထုပ်ပိုးထားရှိမှုများအား လိုက်လံကြည့်ရှု စစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှုဇုန်ရှိ စစ် ကိုင်းမြို့နယ်အနီးဝန်းကျင်ရှိ ပြည်သူ ၁၂၀၀ ဦးအား အလုပ် အကိုင် အခွင့်အလမ်းများဖန်တီးပေး နေသည့် တစ်ရက်လျှင် ကွန်ပျူတာဆက်စပ်ဝါယာကြိုးနှင့် ဖုန်းအားသွင်းကြိုး ၉၀၀၀၀ ကြိုး ထုတ်လုပ်နေသည့် ကျင်းရှင်း နည်းပညာစစ်ကိုင်းကုမ္ပဏီ လုပ်ငန်းခွင်သို့ရောက်ရှိရာ စက်ရုံတာဝန်ခံမှ ဝါယာကြိုးအမျိုးမျိုးထုတ်လုပ်နေမှုများနှင့် ထုတ်ပိုးနေမှုအခြေအနေများအား လိုက်လံ ရှင်းလင်းပြသရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ စက်ရုံအတွင်း ကုန်ကြမ်းသိုလှောင် ထားရှိမှုနှင့် ကုန်ချောထုတ်ပိုးထားရှိမှုများအား လိုက်လံကြည့်ရှုစစ်ဆေးခဲ့ကြောင်း သိရသည်။

မုံရွာ၊ ဒီဇင်ဘာ ၁၂

စစ်ကိုင်းတိုင်းဒေသကြီး၊ စစ်ကိုင်းမြို့နယ်အတွင်းရှိ ဒေသခံတောင်သူများ စိုက်ပျိုး ထားသည့် ဆောင်းသီးနှံများအား ပန်းတိုင်အထွက်နှုန်းရရှိရေးအတွက် သွင်းအားစုများ ထောက်ပံ့ ပေးအပ်ပွဲအခမ်းအနားကို ဒီဇင်ဘာလ ၁၁ ရက်၊ နံနက်ပိုင်းတွင် စစ်ကိုင်းမြို့၊ ခရိုင်စိုက် ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းမြို့နယ်အတွင်းရှိ ဒေသခံ တောင်သူများ တက်ရာက်ကြသည်။

ဦးစွာ ခရိုင်စိုက်ပျိုးရေးဦးစီးဌာနမှ ခရိုင်ဦးစီးမှူးက စစ်ကိုင်းခရိုင်အတွင်း ရာသီ အလိုက်စိုက်ပျိုးသည့် ဆောင်းသီးနှံများ ပန်းတိုင်အထွက်နှုန်းရရှိရေး လုပ်ငန်းများဆောင် ရွက်နေမှုများအား လည်း ကောင်း၊ ခရိုင်ဆည်မြောင်း နှင့်ရေအသုံးချမှုစီမံခန့်ခွဲရေးဦးစီးဌာနမှ ခရိုင်ဦးစီးမှူးက စစ်ကိုင်းခရိုင်အတွင်းရှိ ဆည်တမံများမှ စိုက်ပျိုးရေဖြန့်ဝေ ပေးနေမှုများနှင့် စိုက်ပျိုးရေအခွန်များ ရရှိရေးတို့အားလည်းကောင်း၊ ခရိုင်ဆည်မြောင်း နှင့်ရေ အသုံးချမှုစီမံခန့်ခွဲရေးဦးစီးဌာန(ရေအရင်းအမြစ်)မှ ခရိုင်ဦးစီးမှူးက မြစ်ရေတင် လုပ်ငန်း များမှစိုက်ပျိုးရေပေးဝေနေမှု အခြေအနေများအား လည်း ကောင်း၊ ခရိုင်မွေးမြူ ရေးနှင့်ကုသရေးဦးစီးဌာနမှ ခရိုင်ဦးစီးမှူးနှင့် ခရိုင်ငါးလုပ်ငန်းဦးစီးမှူးတို့က စားရေရိက္ခာဖူလုံရေးအတွက် အသား၊ငါးနှင့်ဥမွေးမြူထုတ်လုပ်နေမှု အခြေအနေများအား လည်း ကောင်း အသီးသီး ရှင်းလင်းပြောကြားကြသည်။

ယင်းနောက် စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌက စစ်ကိုင်းခရိုင်အတွင်း စိုက်ပျိုးထားသည့်သီးနှံများနှင့် မွေးမြူထုတ်လုပ်နေမှု အခြေအနေများနှင့် ပတ်သက်၍ ရှင်းလင်းပြောကြားကာ တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးက စစ်ကိုင်းခရိုင်အတွင်း၌ သီးထပ်စိုက်ပျိုးရေးနှင့် စိုက်ပျိုးထားသည့်သီးနှံများ ပန်းတိုင် အထွက်နှုန်းရရှိရေးအတွက် တောင်သူများလိုက်နာဆောင်ရွက်ရမည့် လုပ်ငန်းစဉ်များ အား ဖြည့်စွက်ဆွေးနွေး ပြောကြားသည်။

ထို့်နောက် တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အတွင်းစိုက်ပျိုးလျက်ရှိသည့် စပါး၊ဆီထွက်သီးနှံနှင့်ဝါသီးနှံစသည့် သီးနှံမျိုးစုံစိုက်ဧက များလျာထားချက်ပြည့်မီရေးနှင့် ပန်းတိုင်အထွက်နှုန်းရရှိရေးအား စိုက်ပျိုးရေးကြီးကြပ် မှုအဖွဲ့များနှင့် ဒေသခံတောင်သူများမှ အလေးထားကာ ပူးပေါင်းဆောင်ရွက်သွားကြရန် လိုအပ်ပါ ကြောင်း၊ ရာသီအလိုက်စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးနှင့် တိုင်းဒေသကြီး၏ သီးထပ်သီးညှပ်စိုက်စွမ်းအားမြှင့်တင်ရေးအတွက် ဌာနဆိုင်ရာများနှင့် တာဝန်ရှိသူများမှ မြေပြင်အထိကွင်းဆင်း၍ အနီးကပ်ကြီးကြပ်မှုများ ဆောင်ရွက်သွား ကြရန်နှင့် ပညာပေးကွင်းသရုပ်ပြပွဲများ မကြာခဏဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်သည် စစ်ကိုင်းမြို့နယ်အတွင်းရှိ ဒေသခံတာင်သူများ စိုက်ပျိုးထားသည့်သီးနှံများအား ပန်းတိုင်အထွက်နှုန်းရရှိရေးအတွက် ကျေးရွာ ၂ ရွာမှ ဒေသခံတောင်သူ ၃၀၀ ဦးအတွက် ကျေးရွာ ကိုယ်စားလှယ်များထံ သွင်းအားစုများအား ထောက်ပံ့ပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဒေသခံတောင်သူ များအား နံနက်စာများဝေငှပေးခဲ့ကြပြီး စားသုံးဆီများနှင့် လယ်ယာသုံးစက်သုံး ဒီဇယ်ဆီ များအား ဈေးနှုန်းသက်သာစွာဖြင့် ရောင်းချပေးနေမှုများအား လိုက်လံကြည့်ရှုအားပေးခဲ့ ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့် တင်ရေးရန်ပုံငွေဖြင့် လုပ်ငန်းများဆောင်ရွက်နေသည့် စစ်ကိုင်းမြို့၊ ပန်းပဲတန်းရပ်ကွက်ရှိ တစ်ရက်လျှင် မြေပဲပိဿာချိန် ၁၀၀ ကြိတ်ခွဲ၍ မြေပဲဆီ ၄၀ ပိဿာထွက်ရှိသည့် စစ်ကိုင်း မြေပဲဆီစက်ရုံသို့ ရောက်ရှိရာ တာဝန်ရှိသူများမှ မြေပဲဆီကြိတ်ခွဲထုတ်လုပ်နေမှု အခြေ အနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်း လင်းပြသမှုများအပေါ်လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ ပြီးစက်ရုံအတွင်း မြေပဲဆီကြိတ်ခွဲထုတ်လုပ်နေမှုများအား လိုက်လံ ကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွား မြှင့်တင်ရေးရန်ပုံငွေဖြင့် လုပ်ငန်းများဆောင်ရွက်နေသည့် တစ်ရက်လျှင် ပိဿာချိန် ၄၀၀၀ ကြိတ်ခွဲနေသည့် စစ်ကိုင်းမြို့၊ ပါရမီရပ်ကွက်ရှိ မြင့်မိုရ်ဦး ဝါကြိတ်စက်နှင့် ဆီစက်သို့ရောက်ရှိရာ စက်ရုံတာဝန်ခံမှ စက်ရုံအတွင်း ဝါကြိတ်ခွဲနေမှုများအား လိုက်လံ ရှင်းလင်းပြသရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည် များကို တာ ဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့် တင်ရေးရန်ပုံငွေဖြင့် လုပ်ငန်းများဆောင်ရွက်နေသည့် စစ်ကိုင်းမြို့၊ တင်းထိပ်ရပ်ကွက်ရှိ “ဇေယျာတောင်တန်း” ကျောက်မျက်ရတနာအချောထည် ထုတ်လုပ်ရေးလုပ်ငန်းခွင်သို့ ရောက်ရှိရာ စက်ရုံတာဝန်ခံမှ ကျောက်စိမ်းပုတီးဆိုဒ်စုံ၊ လက်ပတ်နှင့် ကျောက်မျက် ရတနာအချောထည်အမျိုးမျိုး ထုတ်လုပ်ထားရှိမှုများအား ရှင်းလင်းပြသရာ တိုင်းဒေသ ကြီးဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး စက်ရုံအတွင်းကျောက်အချောထည် ထုတ်လုပ် နေမှုများအား လိုက်လံကြည့်ရှုစစ်ဆေးခဲ့ကြောင်း သိရသည်။

မုံရွာ၊ ဒီဇင်ဘာ ၁၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီးအစိုးရအဖွဲ့ဝင်များ၊ ဟုမ္မလင်း တပ်နယ်မှူး၊ တိုင်းဒေသကြီးအဆင့် ဌာနဆိုင်ရာများ၊ ဟုမ္မလင်းခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများလိုက်ပါလျက် ဒီဇင်ဘာလ ၁၀ ရက်၊ နံနက် ပိုင်းက ဟုမ္မလင်းခရိုင်၊ ဟုမ္မလင်းမြို့၌ နိုင်ငံ့စီးပွားမြှင့်တင်ရေးရန်ပုံငွေဖြင့် မွေးမြူ ရေးလုပ် ငန်းဆောင်ရွက်နေသည့် နောင်ဖွတ်မော် စိုက်ပျိုးရေးနှင့်အထွေထွေလုပ်ငန်းသမဝါယမအသင်း လီမိတက် အသင်းဝင် ဦးဆားနွမ်း မွေးမြူထားရှိသည့် အသားတိုးကြက် မွေးမြူရေးခြံသို့ ရောက် ရှိကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူ များမှ ကြက်ခြံ ၁ နှင့် ၂ အတွင်းရှိ ၁ လသားအရွယ်နှင့် ၁၅ ရက်သားအရွယ် အသားတိုးကြက် ၁၂၀၀ ကောင်မွေးမြူထားရှိမှုများအား လိုက်လံကြည့်ရှုစစ်ဆေးပြီး ကြက်ခြံပတ်ဝန်းကျင် သန့်ရှင်းသပ်ရပ်မှုရှိစေရေး၊ မွေးမြူထားသည့် ကြက်များတွင် ဖြစ်ပွားတတ်သည့်ရောဂါများအား မဖြစ်ပွားစေရေး ကြိုတင်ကာကွယ်ရေးလုပ် ငန်းများဆောင်ရွက်သွားရေးနှင့် မွေးမြူရေးအစာများ ပြည့်စုံလုံလောက်စွာရရှိရေးတို့အား တာ ဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့်တင်ရေးရန်ပုံ ငွေဖြင့် မွေးမြူရေးလုပ်ငန်းဆောင်ရွက်နေသည့် နောင်ဖွတ်မော် စိုက်ပျိုးရေးနှင့်အထွေ အထွေလုပ်ငန်းသမဝါယမအသင်းလီမိတက် အသင်းဝင် ဦးမွမ်ပိ မွေးမြူထားရှိသည့် အသားတိုး ကြက်ခြံသို့ရောက်ရှိရာ ကြက်ခြံ ၁ နှင့် ၂ အတွင်းရှိ ၁ လသားအရွယ် အသားတိုးကြက် ၂၂၀၀ ကောင်မွေးမြူထားရှိမှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ဦးမျိုးခိုင် ပါတောင်သူ ၆၀ ဦးစိုက်ပျိုးထားသည့် ဆောင်းမြေပဲခင်း ၃၄.၅၈ ဧကအတွင်း ကျင်းပပြုလုပ် သည့်ဆောင်းမြေပဲအထွက်နှုန်း တိုးတက်ရေးအတွက် ရွက်ဖြန်းမြေသြဇာ သုံးစွဲနည်းကွင်းသရုပ်ပြပွဲသို့တက်ရောက်ကာ မြို့နယ်စိုက်ပျိုးရေးဦးစီးဌာနရုံးမှ ဝန်ထမ်းများ၏ ရွက်ဖြန်းမြေသြဇာ သုံးစွဲနည်းသရုပ်ပြသမှုများအား ဒေသခံတောင်သူများနှင့် ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိ သူများက ကွင်းသရုပ်ပြပွဲသို့ တက်ရောက်လာကြသည့် ဒေသခံတောင်သူများအား ဆေးဖျန်းပုံး များ၊ မြေသြဇာများနှင့် ရေဆင်းစပ်မျိုးနေကြာမျိုးစေ့များအား အသီးသီးထောက်ပံ့ပေးအပ်ခဲ့ကြ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ဟုမ္မလင်းရက်ကွက်နှင့် ခေါင်ခမ်းကျေးရွာတို့မှ ဒေသခံတောင်သူများ စိုက်ပျိုးနေသည့် နွေစပါး ၃၆၄ ဧကအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့နယ်၊ စံကပ်ကျေးရွာတွင် ကျင်းပပြုလုပ်သည့် လက်ဖက်ကိုင်းဖြတ်၊ ပြုပြင်ပုံသွင်းခြင်းနှင့် ဆွတ်ခူးခြင်း ကွင်းသရုပ်ပြပွဲသို့ တက်ရောက်ရာ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူးက ဟုမ္မလင်း မြို့နယ်အတွင်း လက်ဖက်စိုက်ပျိုးထားရှိမှုများနှင့် လက်ဖက်အထွက်နှုန်းရရှိမှုများအား ရှင်းလင်း တင်ပြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် ဒေသခံ တောင်သူများက မြို့နယ်စိုက်ပျိုးရေးဦးစီးဌာနရုံးမှ ဝန်ထမ်းများ၏ လက်ဖက်ကိုင်းဖြတ်၊ ပြုပြင် ပုံသွင်းခြင်းနှင့် ဆွတ်ခူးခြင်းသရုပ်ပြသမှုများအား ဒေသခံတောင်သူများနှင့် ကြည့်ရှုအားပေးခဲ့ကြပြီးနောက် တက်ရောက်လာကြသည့် ဒေသခံတောင်သူများအား ဆေး ဖြန်းပုံးများ၊ ကောက်ရိတ်စက်များနှင့် အာသံလက်ဖက်မျိုးစေ့များ အသီးသီး ထောက်ပံ့ပေးအပ်ခဲ့ ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည့် ဟုမ္မလင်းမြို့နယ်၊ ကက်သာကျေးရွာရှိ ဝါးအခြေပြုလူသုံးကုန်ပစ္စည်းများထုပ်လုပ်နေမှု လုပ်ငန်းခွင်သို့ရောက်ရှိရာ တာဝန်ရှိသူများက စကော၊ စကာကုံး၊ ခြင်းတောင်း၊ အုပ်ဆောင်း၊ ယပ်တောင်စသည့် ထုတ်ကုန် ပစ္စည်းများပြုလုပ်နေမှုအဆင့်ဆင့်အား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ထုတ်ကုန်အချောထည်ပစ္စည်းများအား ဈေးကွက်သို့အချိန်မီရောက်ရှိနိုင်ရေးနှင့် ကုန်ကြမ်း ပစ္စည်းများ‌ ဈေးနှုန်းသက်သာစွာဖြင့်ရရှိရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ကုတင် ၁၀၀ ဆံ့၊ ပြည်သူ့ဆေးရုံသို့ရောက်ရှိရာ ဆရာဝန်၊ သူနာပြုများ၊ ကျန်းမာရေးဝန်ထမ်းများအတွက် ဆေးရုံအုပ်ကြီးထံ စားသောက်ဖွယ်ရာများပေးအပ်ပြီး ဆေးရုံရှိဝန်ထမ်းများနှင့် ဆေးကုသနေ သည့်လူနာများ သောက်သုံးရေအဆင်ပြေစေရန်အတွက် စက်ရေတွင်းတူးဖော်မည့်မြေနေရာ အားကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။