မုံရွာ၊ ဒီဇင်ဘာ ၂၈

၂၀၂၄-၂၀၂၅ ခုနှစ်အတွင်း စစ်ကိုင်းတိုင်းဒေသကြီးမှ နိုင်ငံ့ဂုဏ်ဆောင် ထူးချွန် အားကစားသမားများ၊ ပဉ္စမအကြိမ် အမျိုးသားအားကစားပွဲတော်၊ တိုင်းဒေသကြီးနှင့် ပြည်နယ် အားကစားပြိုင်ပွဲများတွင် ဆုတံဆိပ်များရရှိခဲ့သော အားကစားသမားများ/ အုပ်ချုပ်/နည်းပြများအား ဂုဏ်ပြုပွဲအခမ်းအနားကို ဒီဇင်ဘာလ ၂၈ ရက်၊ နံနက်ပိုင်းတွင် မုံရွာမြို့ရှိ ချင်းတွင်းခန်းမတွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ဆုရအားကစားသမားများ၊ အုပ်ချုပ်/နည်းပြများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယခုကျင်းပပြီးသွားသည့် ပဉ္စမ အကြိမ်အမျိုးသားအားကစားပွဲတော်သည် ပြည်တွင်း၌ကျင်းပသည့် အားကစားပြိုင်ပွဲများ အနက်အဆင့်အမြင့်ဆုံး ပြိုင်ပွဲကြီးတစ်ခုလည်းဖြစ်သကဲ့သို့ တိုင်းဒေသကြီးနှင့် ပြည်နယ် အလိုက်တာဝန်ရှိသူများ အုပ်ချုပ်/နည်းပြများ အားကစားသမားများ အားလုံးအတွက် ပြိုင်ဆိုင်မှုပြင်းထန်ပြီး အစွမ်းကုန်ကြိုးစားအားထုတ် ယှဉ်ပြိုင်ခဲ့ကြသည့် ပြိုင်ပွဲကြီးတစ်ပွဲ ဖြစ်ခဲ့ပါကြောင်း၊ ပဉ္စမအကြိမ် အမျိုးသားအားကစားပွဲတော်ကြီးမှ မိမိတို့တိုင်းဒေသကြီး အနေဖြင့် မြန်မာ့လက်ရွေးစင်ပဏာမအဖြစ် ဘတ်စကက်ဘော အမျိုးသား(၅)ဦး၊ ကာယ ကြံ့ခိုင်မှု အမျိုးသား(၄)ဦး၊ အမျိုးသမီး(၁)ဦး ရွေးချယ်ခံခဲ့ရပြီး အလေးမပြိုင်ပွဲတွင်လည်း အမျိုးသား(၁)ဦးနှင့် အမျိုးသမီး(၂)ဦးသည် တိုင်းဒေသကြီးနှင့်ပြည်နယ် စံချိန်ချိုးပြီး ရွှေတံဆိပ်ဆုအား ထိုက်ထိုက်တန်တန် ရယူနိုင်ခဲ့ပါကြောင်း၊ယခုပဉ္စမအကြိမ် အမျိုးသားအားကစားပွဲတော်တွင် ရွှေ/ငွေ/ကြေး ဆုတံဆိပ်များ ရရှိအောင် ကြိုးစားအားထုတ်ပေးခဲ့ကြသည့် အုပ်ချုပ်/နည်းပြများနှင့် အားကစားသမား များအား ယခုလိုထပ်မံဂုဏ်ပြု ချီးမြှင့်ပေးရခြင်းဖြစ်ပါကြောင်း၊ မိမိတို့တိုင်းဒေသကြီး အသင်းအောင်မြင်ရန်အတွက် ပြိုင်ပွဲစည်းမျဉ်း/စည်းကမ်း ဥပဒေဘောင်အတွင်းမှ ဇွဲ၊ စိတ်ဓါတ်အားအခြေခံ၍ အားကစားစိတ်ဓါတ်ပြည့်ဝစွာဖြင့် အကောင်းဆုံးကြိုးစားယှဉ် ပြိုင်ခဲ့ကြပြီး တိုင်းဒေသကြီးအတွက် ဆုတံဆိပ်များရယူပေးနိုင်ခဲ့ကြသလို နောင်လာမည့် အားကစားပြိုင်ပွဲများတွင်လည်း ယခုလိုအောင်မြင်မှုထက်ပိုမြင့်သည့် အောင်မြင်မှုများ ရရှိနိုင်အောင် လေ့ကျင့်အားထုတ်ကြိုးစားသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်ထံ ပြည်နယ်နှင့်တိုင်းဒေသကြီး အားက စားပြိုင်ပွဲတွင် အမျိုးသားတံခွန်စိုက်ဆုဖလားနှင့် စုပေါင်းတံခွန်စိုက်ဆုဖလား ရရှိခဲ့ကြ သည့်ပြေးခုန်ပစ်အသင်းမှ အသင်းအုပ်ချုပ်သူနှင့် အသင်းခေါင်းဆောင်များမှ တံခွန်စိုက် ဆုဖလားများ အပ်နှံကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီးတို့က ၂၀၂၄-၂၀၂၅ ခုနှစ်အတွင်း စစ်ကိုင်းတိုင်းဒေသကြီးမှ နိုင်ငံ့ ဂုဏ်ဆောင် ထူးချွန်အားကစားသမားများ၊ ပဉ္စမအကြိမ် အမျိုးသားအားကစားပွဲတော် နှင့်တိုင်းဒေသကြီးနှင့်ပြည်နယ် အားကစားပြိုင်ပွဲများတွင် ဆုတံဆိပ်များရရှိအောင် စွမ်း ဆောင်ပေးခဲ့ကြသည့် အုပ်ချုပ်/နည်းပြများနှင့် ရွှေတံဆိပ်ဆုရ ထူးချွန်အားကစားသမား များအား ဂုဏ်ပြုချီးမြှင့်ငွေများ ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့်ဌာနဆိုင်ရာများက ၂၀၂၄-၂၀၂၅ ခုနှစ်အတွင်း စစ်ကိုင်းတိုင်းဒေသကြီးမှ နိုင်ငံ့ဂုဏ် ဆောင်ထူးချွန်အားကစားသမားများ၊ ပဉ္စမအကြိမ် အမျိုးသားအားကစားပွဲတော်နှင့်တိုင်း ဒေသကြီးနှင့်ပြည်နယ် အားကစားပြိုင်ပွဲများတွင် ငွေတံဆိပ်/ကြေးတံဆိပ်ဆုများ ရရှိခဲ့ကြသည့် ထူးချွန်အားကစားသမားများအား ဂုဏ်ပြုချီးမြှင့်ငွေများ အသီးသီးပေးအပ်ချီး မြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများ မှပဉ္စမအကြိမ် အမျိုးသားအားကစားပွဲတော်တွင် ဆုများရရှိခဲ့သည့် အားကစားနည်းများ နှင့်ပြည်ပပြိုင်ပွဲများတွင် ဆုများရရှိခဲ့သော အားကစားနည်းများ၏ ပြိုင်ပွဲယှဉ်ပြိုင်နေမှု Video Clip အား ကြည့်ရှုအားပေးကြကာ ဆုများရရှိခဲ့ကြသည့် အုပ်ချုပ်/နည်းပြ/ အားကစားသမားများကိုယ်စား အားကစားသမားတစ်ဦးက ကျေးဇူးတင်စကား ပြန်လည် ပြောကြားခဲ့သည်။

အဆိုပါ ၂၀၂၄-ခုနှစ်၊ ပဉ္စမအကြိမ် အမျိုးသားအားစားပြိုင်ပွဲကြီးအား အားကစား နည်း ၂၃ နည်းဖြင့်ကျင်းပခဲ့ရာ စစ်ကိုင်းတိုင်းဒေသကြီးအနေဖြင့် အားကစားနည်း ၂၁ နည်း၌ ပြိုင်ပွဲဝင်အားကစားသမား ကျား/မစုစုပေါင်း - ၃၄၁ ဦးဖြင့် ဝင်ရောက်ယှဉ်ပြိုင် ခဲ့ရာ ရွှေတံဆိပ်- ၂၁ ဆု၊ ငွေတံဆိပ်- ၂၀ ခု၊ ကြေးတံဆိပ်- ၂၁ ဆုရရှိခဲ့ပြီး တိုင်းဒေသ ကြီးနှင့်ပြည်နယ် ၁၅ ခု၌ အဆင့် ၄ ရရှိခဲ့ကြောင်း သိရသည်။

မုံရွာ၊ ဒီဇင်ဘာ ၂၈

စစ်ကိုင်းတိုင်းဒေသကြီး၊ မုံရွာမြို့၊ ၂၀၂၄-ခုနှစ်၊ ဒီဇင်ဘာအားကစားလ စတုတ္ထပတ် လူထုစုပေါင်းလမ်းလျှောက်ပွဲကို ဒီဇင်ဘာလ ၂၈ ရက်၊ နံနက်ပိုင်းတွင် မုံရွာမြို့၊ အရှေ့ကန် သာယာကန်ရှိ ပြည်ထောင်စုရင်ပြင်တွင် ကျင်းပရာ လူထုစုပေါင်းလမ်းလျှောက်ပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှဝန်ထမ်းများ၊ မုံရွာမြို့ပေါ် ရှိတက္ကသိုလ်/ဒီဂရီကောလိပ်များ၊ သူနာပြုနှင့်သားဖွားသင်တန်းကျောင်းတို့မှ ပါမောက္ခ ချုပ်များ၊ ကျောင်းအုပ်ကြီးများ၊ ဆရာ/ဆရာမများ၊ ကျောင်း သား/ကျောင်းသူများ၊ မြို့နေ ပြည်သူများနှင့် အား ကစားကိုချစ်မြတ်နိုးသူများ တက်ရောက်ကြသည်။

ဦးစွာ စုပေါင်းလမ်းလျှောက်ပွဲသို့ တက်ရောက်လာကြသည့် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီး၊ တိုင်းဒေသကြီး/ခရိုင်/မြို့ နယ်အဆင့် ဌာနဆိုင်ရာဝန်ထမ်းများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်များမှ ပါမောက္ခချုပ်များ၊ကျောင်းအုပ်ကြီးများ၊ ဆရာ/ဆရာမများ၊ ကျောင်းသား/ကျောင်းသူများနှင့်ရပ်ကွက်နေပြည်သူ အင်အား ၄၀၀၀ ကျော်မှ မုံရွာမြို့၊ အရှေ့ဘက်ကန်သာယာရှိ ပြည်ထောင်စုရင်ပြင်ရှိ သက်မှတ်နေရာများတွင် အသီးသီးနေရာယူကြပြီး အချက်ပြအလံ ဝှေ့ရမ်းကာ သက်မှတ်နေရာများမှစတင်၍ ပြင်ထောင်စုရင်ပြင်မှ အနောက်ဘက်ကန် သာယာကန်တစ်ပတ်အား ကန်ပတ်လမ်းတစ်လျှောက် တစ်ပျော်တစ်ပါး စုပေါင်းလမ်း လျှောက်ခဲ့ကြသည်။

ယင်းနောက် အရှေ့ဘက်ကန်သာယာရှိ ပြည်ထောင်စုရင်ပြင်သို့ ပြန်လည်ဝင် ရောက်ခဲ့ကြပြီး အဆိုပါရင်ပြင်၌ ၆ ပေခြား စနစ်တကျနေရာယူကြကာ တိုင်းဒေသကြီး အားကစားနှင့်ကာယပညာဦးစီးဌာနမှ ဝန်ထမ်းများ၏ ကိုယ်ကာယလေ့ကျင့် ခန်း အမှတ် စဉ်(၁)အမှတ်စဉ်(၂)သရုပ်ပြသမှုနှင့် Physical Fltness Dance တေးသီချင်းများဖြင့် သွေးပူ လေ့ကျင့်ခန်းအား စုပေါင်းဆောင်ရွက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းလမ်း လျှောက်ပွဲသို့ တက်ရောက် လာသူများအား လူမှုရေးရာဝန်ကြီးဌာနမှ ဧည့်ခံကျွေးမွေးသည့်နံနက်စာများအား တစ်ပျော်တစ်ပါး စားသုံးနေမှုများနှင့် ကံစမ်းမဲများဖွင့် ဖောက်ပေး နေမှုများအား လိုက်လံကြည့်ရှုအားပေးကာဆုမဲပေါက် သူများအား ဆုများအသီးသီး ပေးအပ်ချီးမြှင့်ခဲ့ကြောင်း သိရသည်။

မုံရွာ၊ ဒီဇင်ဘာ ၂၇

စစ်ကိုင်းတိုင်းဒေသကြီး မုံရွာပညာရေးဒီဂရီကောလိပ် ၂၀၂၄-၂၀၂၅ ပညာသင်နှစ် ပထမနှစ်(ပထမနှစ်ဝက်)မောင်မယ်သစ်လွင်ကြိုဆိုပွဲ အခမ်းအနားကို ဒီဇင်ဘာလ ၂၇ ရက်၊ နံနက်ပိုင်းတွင် အဆိုပါကျောင်းရှိ ပဉ္စဗလဘက်စုံသုံးခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာပညာရေးဒီဂရီ ကောလိပ် ကျောင်းအုပ်ကြီးနှင့် ဆရာ/ဆရာမများ၊ သင်တန်းသား/သူများ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကျောင်းသား/သူမောင်မယ် များအား ယခုလိုသင်တန်းများဖွင့်လှစ်ပြီး သင်ကြားပို့ချပေးရသည့် ရည်ရွယ်ချက်အနေ ဖြင့်ဗလငါးတန်နှင့်ပြည့်ဝသည့် နိုင်ငံ့သားကောင်းများအား ပြုစုပျိုးထောင်ပေးနိုင်ရန်အတွက် ဆရာလုပ်ငန်းတာဝန်များအား တန်ဖိုးထား၍ ဘာသာရပ်ကျွမ်းကျင်ပြီး ဆရာအတတ် ပညာအရည်အသွေးမြင့်မားသည့် အခြေခံပညာဆရာ/ဆရာမများ ဖြစ်လာစေရေး လေ့ကျင့်သင်တန်းပေးနိုင်ရန်အတွက် ဖြစ်ပါကြောင်း၊ အခြေခံပညာဖွံ့ဖြိုးတိုးတက်ပြီး ကျောင်းသား/သူများ အရည်အသွေးအာမခံချက်အပြည့်ရှိသည့် အခြေခံပညာရရှိရေး အတွက်ဆရာများသည် အဓိကကျသည့် အခန်းကဏ္ဍတွင်ပါဝင်ပါကြောင်း၊ နိုင်ငံတော်မှအားကိုးအားထားပြုရသည့် အရည် အချင်းပြည့်ဝသော လူငယ်များအား မွေးထုတ်ပေးနိုင်ရန်အတွက် ဆရာ၊ဆရာမများ၏ သင်ကြားပြသမှု သွန်သင်ဆုံးမမှု ကောင်းမွန်ခြင်း အပေါ်တွင်မူတည်ပါကြောင်း၊ ကျောင်းသား/သူများ၏ စိတ်ဓါတ်၊ စည်းကမ်း၊ ပညာအား မှန်ကန်အောင်တည့်မတ်ပေးရေးသည် ဆရာ/ဆရာမ၏ တာဝန်ပင်ဖြစ်ပါကြောင်း၊ ခေတ်မီဖွံ့ဖြိုးတိုးတက်သည့် နိုင်ငံတော်တစ်ခုတည်ထောင်ရာတွင် ပညာရေးကဏ္ဍသည် အလွန်ပင်အရေးကြီးသည့်အတွက် အရည်အသွေးပြည့်ဝသည့် ဆရာ/ဆရာမကောင်း များဖြစ်အောင် ကြိုးစားအားထုတ်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က မုံရွာပညာရေးဒီဂရီကောလိပ် ပထမ နှစ်(ပထမနှစ်ဝက်) ကျောင်းသား/သူများအတွက် ဂုဏ်ပြုချီးမြှင့်ငွေကျပ် - ၅၇၅၀၀၀၀ (ငါးဆယ်ခုနှစ်သိန်းငါးသောင်းကျပ်)အား လည်းကောင်း၊ မုံရွာပညာရေးဒီဂရီကောလိပ် ကျောင်းသား/သူများအတွက် ကျောင်းအုပ်ကြီးထံ ငွေကျပ် - ၁၀ သိန်းတို့အား ပေးအပ်ချီးမြှင့် သည်။

ဆက်လက်ပြီး မုံရွာပညာရေးဒီဂရီကောလိပ် ကျောင်းအုပ်ကြီးက ကြိုဆိုနှုတ်ခွန်းဆက်စကား ပြောကြားပြီး မုံရွာပညာရေးဒီဂရီကောလိပ်မှ ကျောင်းသား/သူများက တေးသီချင်းများဖြင့် ကပြဖျော်ဖြေကြကာ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးဗိုလ်မှူးကြီး ဝင်းတင်စိုးက ကပြဖျော်ဖြေပေးသွားကြသည့် ကျောင်းသား/သူများအတွက် ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။

မုံရွာ၊ ဒီဇင်ဘာ ၂၆

စစ်ကိုင်းတိုင်းဒေသကြီး မုံရွာ-သူနာပြုသားဖွားသင်တန်းကျောင်း (အဌမ)အကြိမ် မြောက် သူနာပြု -သားဖွားဒီပလိုမာ အောင်လက်မှတ်အပ်နှင်းပွဲ အခမ်းအနားကို ဒီဇင်ဘာ လ ၂၆ ရက်၊ နံနက်ပိုင်းတွင် အဆိုပါကျောင်းရှိ ၅ ထပ်ဆောင်ခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင် များ၊ တိုင်းဒေသကြီးအဆင့် ဌာနဆိုင်ရာများ၊ ပြည်သူ့ကျန်းမာရေးနှင့်ကုသရေးဦးစီးဌာနမှ တိုင်းဒေသကြီးဦးစီးမှူးနှင့် ဝန်ထမ်းများ၊ မုံရွာဆေးရုံအုပ်ကြီး၊ သူနာပြုသားဖွားသင်တန်းကျောင်း မှ ကျောင်းအုပ်ကြီးနှင့်ဆရာ/ဆရာမများ၊ သင်တန်း သား/သူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က သူနာပြုသားဖွားသင်တန်း ကျောင်းမုံရွာသည် မိမိတို့တိုင်းဒေသကြီးအတွက် အရည်အသွေးပြည့်မီသည့် သူနာပြု ဆရာ/ဆရာမများအား မွေးထုတ် ပေးနေပြီး လူ့စွမ်းအားအရင်းအမြစ်ဖြစ်သည့် သင်တန်း ကျောင်းကြီးတစ်ခု ဖြစ်ပါကြောင်း၊ သင်တန်းသား/သူများအနေဖြင့် ပြည်သူလူထု၏ ကျန်း မာရေးစောင့်ရှောက်မှုပေးရာတွင် သူနာပြုဆရာ/ဆရာမများ၏ အရည်အသွေးမြင့်မား ရေး၊ကျင့်ဝတ်နှင့်အညီပြုစုစောင့်ရှောက်မှု ပေးနိုင်ရေးကိုလည်း အလေးထားဆောင်ရွက် သွားကြရန် လိုအပ်ပါကြောင်း၊ အောင်လက်မှတ်များ အပ်နှင်းခံရပြီးနောက် လုပ်ငန်းခွင် သို့ဝင်ရောက်သည့်အခါ သူနာပြုဆရာ/ဆရာမများအားလုံး အပြန်အလှန်လေးစားမှုဖြင့် အသင်းအဖွဲ့စိတ်ဓါတ်ဖြင့် ညီညီ ညွတ်ညွတ် ပူးပေါင်းဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက မုံရွာ-သူနာပြု သားဖွားသင်တန်းကျောင်း ကျောင်းအုပ်ကြီးထံ ချီးမြှင့်ငွေကျပ် - ၁၀ သိန်းအား ပေးအပ်ချီးမြှင့်ပြီး တိုင်းဒေသကြီး ပြည်သူ့ကျန်းမာရေးနှင့်ကုသရေးဦးစီးဌာနမှ တိုင်းဒေသကြီး ဦးစီးမှူးက သင်တန်းဆင်းအမှာစကား ပြောကြားသည်။

ထို့နောက် မုံရွာ-သူနာပြု သားဖွားသင်တန်းကျောင်းမှ ကျောင်းအုပ်ကြီးက သင်ကြားရေးတာဝန်ခံ ဆရာမကြီးထံ သင်တန်းဆင်းလက်မှတ်များအား ပေးအပ်ကာ တိုင်းဒေသကြီး ဝန်ကြီးချုပ်နှင့် တာဝန် ရှိသူများမှ သင်တန်သား/သူများနှင့် စုပေါင်းမှတ်တမ်းတင် ဓါတ်ပုံရိုက်ကူးခဲ့ကြောင်း သိရသည်။

မုံရွာ၊ ဒီဇင်ဘာ ၂၆

စစ်ကိုင်းတိုင်းဒေသကြီး ၂၀၂၅-ခုနှစ်၊ တက္ကသိုလ်ဝင်တန်းအောင်ချက်မြင့်မားရေး လုပ်ငန်းညှိနှိုင်းဆွေးနွေးပွဲ အခမ်းအနားကို ဒီဇင်ဘာလ ၂၆ ရက်၊ နံနက်ပိုင်းတွင် မုံရွာမြို့၊ အမှတ်(၂)အခြေခံပညာအထက်တန်းကျောင်းရှိ သလ္လာဝတီခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပညာရေးမှူးများ၊ မုံရွာမြို့ပေါ် ရှိအခြေခံပညာကျောင်းများနှင့် ကိုယ်ပိုင်ကျောင်းများမှ ကျောင်းအုပ်ကြီးများနှင့် ဆရာ/ ဆရာမများ၊ ကျောင်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပညာဆိုသည်မှာ မွေးဖွား ချိန်မှအစပြုကာ ဘဝတစ်လျှောက်လုံး စဉ်ဆက်မပြတ် သင်ယူရမည့်အရာဖြစ်ပါကြောင်း၊ ပညာသင်ကြား၊သင်ယူခြင်းသည် သင်ယူသူအတွက်သာမက ဒေသနှင့်နိုင်ငံ၏ လူမှုစီးပွား ဘဝဖွံဖြိုးတိုးတက်ရေးအတွက် အဓိကအရင်းအနှီးလည်း ဖြစ်ပါကြောင်း၊ ဆရာ၊ဆရာမ များအနေဖြင့် မိမိအလုပ်အားအလေးထားပြီး အချိန်ကိုတန်ဖိုးထားသည့် အလေ့အကျင့် ကောင်းမှစ၍ စိတ်ဓာတ်ကောင်းများဖြင့် တွေးတောကြံဆတတ်မှုများရှိအောင် မိမိကိုယ် ကိုလေ့လာသင်ယူပြီး ကျောင်းသား၊ကျောင်းသူများအား ပြန်လည်သင်ကြား ပျိုးထောင် ပေးသွားကြရန် လိုအပ်ပါကြောင်း၊ ကျောင်းသား၊ကျောင်းသူများ စဉ်ဆက်မပြတ် တန်းစဉ် ကူးပြောင်းနိုင်ရေး၊ အတန်းတိုင်း၊အဆင့်တိုင်းတွင် စဉ်ဆက်မပြတ်ကျောင်းသို့တက် ရောက်ပြီး စာပေသင်ယူရေးနှင့် သက်ဆိုင်ရာဘာသာရပ်များ၊ အသိပညာ၊ အတတ်ပညာ များအားအမှန်တကယ် နားလည်တတ်ကျွမ်းမှုရှိအောင် သင်ကြားနိုင်ရေးတို့အား အလေး ထားဆောင်ရွက်သွားကြရန် လိုအပ်ပါကြောင်း၊ ၂၀၂၅-ခုနှစ် တက္ကသိုလ်ဝင်စာမေးပွဲအား မကြာသောကာလတွင် ကျင်းပတော့မည်ဖြစ်ပါ၍ ကျန်ရှိသည့်ရက်၊အချိန်များအား ဖြေဆိုကြမည့် ကျောင်းသား၊ကျောင်းသူများအတွက် အောင်မြင်မှုများရရှိအောင် တာဝန်ရှိသူ အားလုံးမှ ကြိုးပမ်းဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက ၂၀၂၅-ခုနှစ်၊ တက္ကသိုလ်ဝင်တန်း အောင်ချက်မြင့်မားရေးဆိုင်ရာလုပ်ငန်းများ ကြိုတင်စီမံဆောင်ရွက်သွားမည့် လုပ်ငန်း အခြေအနေများအား ရှင်းလင်းပြောကြားပြီး မုံရွာတက္ကသိုလ်မှ ပါမောက္ခ ၂ ဦးက ၂၀၂၄- တက္ကသိုလ်ဝင်တန်းစာမေးပွဲ အဖြေလွှာများစစ်ဆေးခဲ့မှုအရ ဖြေဆိုမည့်သူများ လိုက်နာ သင့်သည်များအား လည်းကောင်း၊ ခရိုင်ပညာရေးမှူးရုံးမှ ၂၀၂၅-ခုနှစ်၊ တက္ကသိုလ်ဝင် တန်းအောင်ချက်မြင့်မားရေးဆောင်ရွက်နေမှု အခြေအနေများအား လည်းကောင်း၊ ခရိုင်/ မြို့နယ်ပညာရေးမှူးနှင့် ကျောင်းအုပ်ကြီးများ၊ အခြေခံပညာနှင့် ကိုယ်ပိုင် ကျောင်းများမှ Grade -12 သင် ဆရာ/ဆရာမများ၊ ဖြေဆိုမည့်ကျောင်းသား/သူများက ၂၀၂၅-ခုနှစ်၊ တက္ကသိုလ်ဝင်တန်း အောင်ချက်မြင့်မားရေးဆိုင်ရာများနှင့် ပတ်သက်၍ အသီးသီးဆွေး နွေးတင်ပြကြသည်။

ထို့နောက် တိုင်းဒေသကြီး အစိုးရအဖွဲ့ဝင်များက ၂၀၂၅-ခုနှစ်၊ တက္ကသိုလ်ဝင်တန်း အောင်ချက်မြင့်မားရေးလုပ်ငန်းများနှင့် ပတ်သက်၍ ဖြည့်စွက်ဆွေးနွေး ပြောကြားကြ သည်။

ယင်းနောက် တိုင်းဒေသကြီး လူမူရေးရာဝန်ကြီး ဦးညွန့်ဝင်းအောင်က တိုင်းဒေသကြီးပညာရေးမှူးထံ ငွေကျပ် - ၁၀ သိန်းအား ပေးအပ်ချီးမြှင့်သည်။

ဆက်လက်၍ တိုင်းဒေသကြီး ဝန်ကြီးချုပ်ကအခမ်း အနားသို့ တက်ရောက်လာသူ များ၏ ဆွေးနွေးတင်ပြ ချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင် ရွက်ပေးပြီး တာဝန်ရှိသူများနှင့်အတူစုပေါင်းမှတ်တမ်းဓါတ်ပုံ ရိုက်ကူးခဲ့ကြောင်း သိရသည်။

မုံရွာ၊ ဒီဇင်ဘာ ၂၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေး အဖွဲ့ဥက္ကဌများနှင့် တာဝန်ရှိသူများ လိုက်ပါလျက် ဒီဇင်ဘာလ ၂၄ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အိုးဘိုတောင်ရပ်ကွက်ရှိ ချင်းတွင်းမြစ်ကမ်းဘေး မြေနု ကျွန်းပေါ်၌ တောင်သူဦးမြင့်စိုး စိုက်ပျိုးထားရှိသည့် ဆောင်းမြေပဲများနှင့် စားဖိုဆောင် သီးနှံစိုက်ခင်းသို့ ရောက်ရှိကြသည်။

ဦးစွာ တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးနှင့် တာဝန်ရှိသူများ မှမြေနုကျွန်းပေါ်၌ ဆောင်းမြေပဲနှင့် စားဖိုဆောင်သီးနှံစိုက်ခင်း ၅ ဧက စိုက်ပျိုးထားရှိမှု များအား လိုက်လံရှင်းလင်းပြသကြပြီး တိုင်းဒေသကြီး ဝန်ကြီးချုပ်က ရှင်းလင်းပြသမှု များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေး ခဲ့ပြီး ဆောင်းမြေပဲနှင့်စားဖိုဆောင်သီးနှံများ စိုက်ပျိုးထားရှိမှုများအား လိုက်လံကြည့်ရှုခဲ့ ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများသည် မုံရွာမြို့၊ အိုးဘို တောင်အင်းအတွင်းရှိ ကြက်သွန်နီအထူးဇုန်၌ တောင်သူ ၂၀ ဦးစိုက်ပျိုးထားရှိသည့် ကြက် သွန်နီ ၈၂ ဧကစိုက်ခင်းသို့ရောက်ရှိရာ မုံရွာမြို့နယ်၊ စိုက်ပျိုးရေးဦးစီးဌာနမှ မြို့နယ်ဦးစီးမှူးက မုံရွာမြို့နယ်အတွင်း ကြက်သွန်နီ စိုက်ပျိုးထားရှိမှုအခြေအနေများနှင့် ထွက်ရှိမှု အခြေအနေများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ကြက်သွန်နီ စိုက်ပျိုးထားရှိမှု အခြေအနေများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့်ဖြည့်ဆည်းပေါင်းစပ် ဆောင်ရွက်ပေးပြီး ကြက်သွန်နီ စိုက်ပျိုးထားရှိမှုများအား ဒေသခံတောင်သူများနှင့်အတူ ကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့နယ်၊ ခံတောကျေးရွာရှိ တောင်သူ ၁၇ ဦးစိုက်ပျိုးထားရှိသည့် ကြက်သွန်နီ ၄၀ ဧကစိုက်ခင်းသို့ ရောက်ရှိရာ ဒေသခံတောင်သူများမှ ကြက်သွန်နီစိုက်ပျိုးထားရှိမှုများအား လိုက်လံရှင်းလင်းပြသကြပြီး တိုင်းဒေသကြီး ဝန်ကြီးချုပ်က ကြက်သွန်နီအထွက်နှုန်းကောင်းမွန်စွာ ရရှိရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများသည် မုံရွာငုံးမွေးမြူရေးဇုန်သို့ ရောက်ရှိရာ ငုံးမွေးမြူရေးဇုန်ရှိ အစည်းအဝေးခန်းမ၌ ငုံးမွေးမြူ ရေးလုပ်ငန်းရှင်များနှင့်ရင်းရင်းနှီးနှီးတွေ့ဆုံရာ ငုံးမွေးမြူရေးလုပ်ငန်းရှင်များမှ မိမိတို့ငုံးမွေးမြူရေးလုပ် ငန်းများဆောင်ရွက်နေမှု အခြေအနေများအား ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က ငုံးမွေးမြူ ရေးလုပ်ငန်းရှင်များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ငုံးမွေးမြူ ရေးဇုန်အတွင်း ငုံးများမွေးမြူထားရှိမှု၊ ငုံးဥများထုတ်ပိုးနေ မှုများနှင့် အစာစပ်စက်ရုံတို့အား လိုက်လံကြည့်ရှုခဲ့ကြသည်။

အဆိုပါ မုံရွာငုံးမွေးမြူရေးဇုန်အတွင်း ငုံးမွေးမြူ ရေးလုပ်ငန်းရှင် ၄၀ ဦးကျော်မှ ငုံး ကောင်ရေ ၆ သိန်းကျော်အား ငုံးခြံ ၉၀ ဖြင့်မွေးမြူလျက်ရှိပြီး တစ်ရက်လျှင် ငုံးဥအရေ အတွက် ၅ သိန်းကျော်ထွက်ရှိရာ ဒေသတွင်းစားသုံးရန် လုံလောက်သည့်အပြင် အခြား တိုင်းဒေသကြီးနှင့်ပြည်နယ်များသို့ပါ တင်ပို့ရောင်းချလျက်ရှိကြောင်း သိရသည်။