မုံရွာ၊ ဇန်နဝါရီ ၃

၂၀၂၅-ခုနှစ်၊ (၇၇)နှစ်မြောက် လွတ်လပ်ရေးနေ့ အထိမ်းအမှတ် တိုင်းဒေသကြီး အဆင့် စာစီစာကုံး၊ ကဗျာ၊ ပန်းချီပြိုင်ပွဲများတွင် ဆုရရှိသူများအားဆုချီးမြှင့်ပွဲ အခမ်း အနားကို ဇန်နဝါရီလ ၃ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အမှတ် (၂) အခြေခံပညာအထက်တန်းကျောင်းရှိ သလ္လာဝတီခန်းမတွင် ကျင်းပပြုလုပ်ရာ ဆုချီးမြှင့်ပွဲ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာမြို့ပေါ်ရှိ အခြေခံ ပညာကျောင်းများမှ ကျောင်း အုပ်ကြီးများနှင့် ဆရာ/ဆရာမများ၊ ကျောင်းသား/သူများ၊ ကျောင်းသားမိဘများ တက်ရောက်ကြသည်။

ဦးစွာ အမှတ်(၃)အခြေခံပညာအထက်တန်းကျောင်းမှ ကျောင်းသား/သူများက “ဇာတိမာန်”တေးသီချင်း သီဆို၍ အခမ်းအနားအား ဖွင့်လှစ်ကြသည်။

ယင်းနောက် တိုင်ဒေသကြီးဝန်ကြီးချုပ်ဦးမြတ်ကျော်က (၇၇)နှစ်မြောက် လွတ်လပ်ရေးနေ့အထိမ်း အမှတ်ကျင်းပခဲ့သည့် စာစီစာကုံး၊ ကဗျာ၊ ပန်းချီပြိုင်ပွဲများတွင် ပါဝင်ယှဉ်ပြိုင်ခဲ့ကြသူအားလုံးနှင့် ဆုရရှိသူများအား ယခုလိုပါဝင်ယှဉ်ပြိုင်မှုကို အသိ အမှတ်ပြုပါကြောင်းနှင့် နှစ်စဉ်ကျင်းပမည့် ပြိုင်ပွဲများတွင်လည်း ယခုလိုပဲဆက်လက် ပါဝင်ယှဉ်ပြိုင်သွားကြရန် တိုက်တွန်းပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်က တိုင်းဒေသကြီး ပညာရေးမှူးထံ ၂၀၂၅-ခုနှစ်၊(၇၇)နှစ် မြောက် လွတ်လပ်ရေးနေ့ အထိမ်းအမှတ် အခြေခံ ပညာအဆင့် စာစီစာကုံး၊ ကဗျာ၊ ပန်းချီပြိုင်ပွဲများတွင် ဆုရရှိသူများအတွက် ဂုဏ်ပြုချီးမြှင့်ငွေများပေး အပ်ပြီး အထက်တန်းအဆင့် စာစီစာကုံးပြိုင်ပွဲများတွင် ပထမ၊ ဒုတိယ၊ တတိယဆု ရရှိကြသူများ အား လည်းကောင်း၊ တိုင်းဒေသကြီး ဝန်ကြီးချုပ် ၏ဇနီးက အထက်တန်းအဆင့် ကဗျာပြိုင်ပွဲတွင် ပထမ၊ ဒုတိယ၊ တတိယဆု ရရှိကြသူများအား လည်းကောင်း ဂုဏ်ပြု ချီးမြှင့်ငွေများနှင့် ဂုဏ်ပြုလက်မှတ်များ ပေးအပ်ချီးမြှင့်ခဲ့ကြသည်။

ထို့နောက် တိုင်းဒေသကြီး အစိုးရအဖွဲ့ဝင်များက အခြေခံပညာအထက်တန်း၊ အလယ်တန်း၊ မူလတန်းအဆင့် စာစီစာကုံး၊ ကဗျာ၊ ပန်းချီပြိုင်ပွဲများတွင် ပထမ၊ ဒုတိယ၊ တတိယဆု ရရှိကြသည့်ကျောင်းသား/သူများအား ဂုဏ်ပြုချီးမြှင့်ငွေများနှင့် ဂုဏ်ပြုလက် မှတ်များအသီးသီး ပေးအပ်ချီးမြှင့်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမှတ်(၃) အခြေခံပညာအထက်တန်းကျောင်းမှ ကျောင်းသူများက “ဗိုလ်ရှုသဘင်” တေးသီချင်းဖြင့် ကပြဖျော်ဖြေမှုအား ကြည့်ရှုအားပေးကြပြီး တိုင်းဒေသကြီး အစိုးရအဖွဲ့ရုံးမှ ညွှန်ကြား ရေးမှူးက ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ခန်းမအတွင်း ပြသထားသည့် (၇၇)နှစ်မြောက် လွတ်လပ်ရေးနေ့အထိမ်းအမှတ် တိုင်းဒေသကြီးအဆင့် ဆုရစာစီစာကုံး၊ ကဗျာ၊ ပန်းချီများအား လိုက်လံကြည့်ရှုအားပေးခဲ့ကြောင်း သိရသည်။

မုံရွာ၊ ဇန်နဝါရီ ၃

၂၀၂၅-ခုနှစ်၊(၇၇)နှစ်မြောက် လွတ်လပ်ရေးနေ့ အထိမ်းအမှတ် အသေးစား၊အငယ်စားနှင့်အလတ် စားစီးပွားရေးလုပ်ငန်းထုတ်ကုန်များ ပြပွဲနှင့် ဈေးရောင်းပွဲတော် ဖွင့်ပွဲ အခမ်းအနားကို ဇန်နဝါရီလ ၃ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ပြည်သူ့အားကစားကွင်း၌ ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်ဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ MSME လုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး အသေးစား၊အငယ်စားနှင့် အလတ်စားစီးပွားရေး လုပ်ငန်းများဖွံ့ဖြိုးတိုးတက်ရေးအေဂျင်စီ နာယက၊ တိုင်ဒေသကြီး ဝန်ကြီးချုပ် ဦးမြတ်ကျော်က နိုင်ငံစီးပွားရေးလုပ်ငန်းများ၏ ၉၀ ရာခိုင်နှုန်းကျော်သည် MSME များဖြစ်သည့်တွက် လုပ် ငန်းများပိုမိုရှင်သန်လာစေရန် အရင်းအနှီးအတွက် ချေးငွေများရရှိရေး၊ ကုန်ကြမ်းရရှိရေး နှင့်လျှပ်စစ်မီးရရှိရေး၊ စက်မှုဇုန်များနှင့် MSME လုပ်ငန်းအုပ်စုဇုန်များ၏ အခြေခံဆောက်အဦများ တိုးတက်ကောင်းမွန်ရေးစသည့် လိုအပ်ချက်များအား အတတ်နိုင်ဆုံး ဖြေလျှော့ပေးမှု/ဖြည့်ဆည်းပေးမှုများ ဆောင်ရွက်လျက်ရှိပါကြောင်း၊ MSME များသည် ပြည်သူလူထု၏အလုပ်အကိုင်အခွင့် အလမ်းများစွာအား ဖန်တီးပေးနိုင်စွမ်းရှိခြင်းကြောင့် စီးပွားရေး ဖွံ့ဖြိုးတိုးတက်မှုအတွက် သိသိသာသာ အရေးပါသကဲ့သို့ ကျေးလက်ဒေသများတွင် ဆင်းရဲမှုလျှော့ချရေးနှင့် လူမှုစီးပွားဘဝ ဖွံ့ဖြိုးတိုးတက်ရေးအတွက်လည်း အရေးပါပါ ကြောင်း၊ ဒါ့အပြင်ကုန်ထုတ်လုပ်မှု ကွင်းဆက် (Supply Chain)အား ပေါင်းစည်းပေးသည့် နေရာများနှင့် ပြည်ပပို့ကုန်မြင့်တင်ရေးတို့တွင်လည်း အဓိကအခန်းမှ ပါဝင်လျက်ရှိပါကြောင်း၊ မိမိတို့တိုင်း‌ဒေသကြီးအတွင်းရှိ MSME များပါဝင်သည့် စိုက်ပျိုးရေး၊ မွေးမြူရေး နှင့်အခြားစီးပွားရေးလုပ်ငန်းများအား နိုင်ငံစီးပွားမြှင့်တင်ရေးရန်ပုံငွေမှ လုပ်ငန်းပေါင်း (၃၅၀)အား စုစုပေါင်းငွေကြေး အရင်းအနှီးအတွက် ချေးငွေ (၁၀.၅၄၁) ဘီလီယံ ပံပိုးပေးထားပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး စီးပွားရေး ရာဝန်ကြီး ဒေါ်ရီရီသန်း၊ တိုင်းဒေသကြီး စက်မှုကြီးကြပ်ရေးနှင့်စစ်ဆေးရေးဦးစီးဌာနမှ ညွှန်ကြားရေးမှူး ဦးခင်ရွှေ၊ မုံရွာခရိုင် စီမံအုပ်ချုပ်ရေးအဖွဲ့ ဉက္ကဌ ဦးကိုကိုလွင်နှင့် တိုင်းဒေသကြီး မုန့်လုပ်ငန်းစုံတာဝန်ခံ ဦးသက်ထွေးအောင်တို့က ၂၀၂၅-ခုနှစ်၊ (၇၇)နှစ်မြောက် လွတ်လပ်ရေးနေ့ အထိမ်းအမှတ် အသေးစား၊အငယ်စားနှင့် အလတ်စားစီးပွားရေးလုပ် ငန်းထုတ်ကုန်များပြပွဲနှင့်‌ဈေးရောင်းပွဲတော်အား ဖဲကြိုးဖြတ်ဖွင့်လှစ်ပေးကြပြီး တာဝန်ရှိသူများအတူ အဆို ပါမုဒ်ဦးရှေ့တင် စုပေါင်းမှတ်တမ်းတင်ဓါတ်ပုံ ရိုက်ကူးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည် သူ့အားကစားကွင်းအတွင်းရှိ ကလေးခရိုင်/ စစ်ကိုင်းခရိုင်/ ရွှေဘိုခရိုင်/ ရေဦးခရိုင်/ မုံရွာ ခရိုင်များအတွင်းရှိ မြို့များမှထွက်ရှိသည့် လူသုံးကုန်ပစ္စည်းပြခန်း၊ ပရိဘောဂပစ္စည်းပြခန်း၊မီးဖိုချောင်သုံးပစ္စည်းပြခန်း၊ စိုက်ပျိုး ရေးသုံးပစ္စည်းပြခန်း၊ စားသောက်ကုန်ပစ္စည်းပြ ခန်း၊ အဝတ်အထည်ပြခန်း၊ ဌာနဆိုင်ရာပြခန်း ၃၈ ခန်းနှင့် စားသောက်ဆိုင်များအား လိုက်လံကြည့်ရှုအားပေးခဲ့ကြပြီး ဈေးရောင်းပွဲတော်သို့လာရောက် ရောင်းချ/ပြသကြသည့်လုပ်ငန်းရှင်များနှင့် ဈေးရောင်ပွဲတော်သို့ လာရောက်သူများအား ရင်းရင်း နှီးနှီးမိတ်ဆက်စကားများ ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဈေးရောင်းပွဲတော်သို့ လာရောက်သူ များနှင့်အတူ တေးသီချင်းများဖြင့် ဖျော်ဖြေနေမှုများအား ကြည့်ရှု အားပေးခဲ့ကြောင်း သိရသည်။

မုံရွာ၊ ဇန်နဝါရီ ၂

စစ်ကိုင်းတိုင်းဒေသကြီး မုံရွာတက္ကသိုလ် ၂၀၂၄-၂၀၂၅ ပညာသင်နှစ်၊ မောင်မယ်သစ်လွင်ကြိုဆိုပွဲ အခမ်းအနားကို ဇန်နဝါရီလ ၂ ရက်၊ နံနက်ပိုင်းတွင် အဆိုပါတက္ကသိုလ်ရှိ ဘွဲ့နှင်းသဘင်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာတက္ကသိုလ်ပါမောက္ခချုပ်နှင့် ဒုတိယပါမောက္ခချုပ်များ၊ ပါမောက္ခ/ဌာနမှူးများ၊ ကျောင်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံအတွက် အနာဂတ်လူငယ် များဖြစ်သည့် မောင်တို့မယ်တို့အနေဖြင့် အသိပညာပြည့်စုံမှသာ နိုင်ငံ့အကျိုးအား သယ် ပိုးနိုင်မည့် စစ်မှန်သည့်အင်အားတစ်ရပ်ကို ထူထောင်နိုင်မည် ဖြစ်ပါကြောင်း၊ ဘဝတွင် အောင်မြင်တိုးတက်ရန်အတွက် စည်းကမ်းရှိရန်ချမှတ်ထားသည့် ဉပဒေများကိုလည်း လေးစားလိုက်နာသွားကြရန် လိုအပ်ပါကြောင်း၊ ယနေ့အချိန်အခါသည် ပညာရေးအား အရှိန်အဟုတ်ဖြင့် အားပေးမြှင့်တင်နေသည်ဖြစ်သည့်အတွက် ဗလငါးတန်ဖြင့်ပြည့်စုံ သည့် လူငယ်များမွေးထုတ်ရန် ဆရာ/ဆရာမများနှင့် မိဘအုပ်ထိန်းသူများမှ အဓိကဦး ဆောင်သူများ ဖြစ်ပါကြောင်း၊ မောင်တို့မယ်တို့အနေဖြင့်လည်း ဆရာ/ဆရာမများ၏ သွန်သင်ဆုံးမလမ်းညွှန်မှုများအား ကောင်းစွာနာခံမှတ်သား နာယူမှသာ အနာဂတ်နိုင်ငံ တော်မှ အားကိုးအားထားပြုရသည့် အရည်အချင်းပြည့်ဝသော လူငယ်လူရွယ်များ ပေါ် ထွက်လာမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က မုံရွာတက္ကသိုလ်ပါမောက္ခချုပ်ထံ ကျောင်းအတွက် ငွေကျပ်- ၁၀ သိန်းအား ပေးအပ်ချီးမြှင့်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက မုံရွာတက္ကသိုလ်မှ အနုပညာအသင်းမှ တေးသီချင်းများဖြင့် သီဆိုကပြဖျော်ဖြေမှုများအား ကြည့်ရှုအားပေး ခဲ့ကြပြီး တိုင်းဒေသကြီးအစိုးရအဖွဲ့ အတွင်းရေးမှူး ဦးသန်းဆွေဝင်းက ဂုဏ်ပြုချီးမြှင့် ငွေများပေးအပ်ခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာစီးပွားရေး တက္ကသိုလ် ဘွဲ့နှင်း သဘင်ရှိ အစည်းအဝေးခန်းမတွင် မုံရွာစီးပွားရေးတက္ကသိုလ် ပါမောက္ခချုပ်၊ ဒုတိယပါမောက္ခချုပ်များ၊ ပါမောက္ခ/ဌာနမှူးများနှင့် ရင်းရင်းနှီးနှီးတွေ့ ဆုံရာ ပါမောက္ခချုပ်က ပညာသင်နှစ်အလိုက်ကျောင်း ၏ စီမံသင်ကြားရေးလုပ်ငန်းများ ဆောင်ရွက်နေမှုနှင့် ဆက်လက်ဆောင်ရွက်သွားမည့် အခြေအနေများအား ရှင်းလင်းတင် ပြသည်။

ယင်းနောက် တိုင်းဒေသကြီး ဝန်ကြီးချုပ်ကကျောင်း ၏လိုအပ်ချက်များနှင့် ပတ် သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင်ရွက်ပေးခဲ့ပြီး တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက မုံရွာစီးပွားရေးတက္ကသိုလ်ကျောင်းအတွက် ပါမောက္ခချုပ်ထံ ငွေကျပ်- ၁၀ သိန်း ပေးအပ် ချီးမြှင့်ခဲ့ကြောင်း သိရသည်။

မုံရွာ၊ ဇန်နဝါရီ ၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် ဇန်နဝါရီလ ၂ ရက်၊ နံနက်ပိုင်းတွင် တိုင်းဒေသကြီး မြို့ပြနှင့်အိမ်ရာဦးစီးဌာန၊ နန္ဒဝန် ဝန်ထမ်းအိမ်ရာ၌ နေထိုင်ကြသည့် အရာထမ်း/အမှုထမ်းများနှင့် မိသားစုဝင်များ စားသောက်ရေးအတွက် အဆင်ပြေစွာဝယ်ယူနိုင်စေရန် ဝန်ထမ်းအိမ်ရာဝန်းအတွင်း ဈေးဆိုင်ခန်းပေါင်း ၂၀ ခန်းပါ ဝင်မည့် သံဖရိမ်‌ဈေးရုံ အလျား - ၆၀ ပေ၊ အနံ ၄၀ ပေ တည်ဆောက်မည့်မြေနေရာသို့ ရောက်ရှိကြသည်။

ဦးစွာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့် က သံဖရိမ်‌ဈေးရုံ တည်ဆောက်သွားမည့် လုပ်ငန်းအခြေအနေများအား ရှင်းလင်းတင်ပြ ရာ တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ ရှင်း လင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ဝန်ထမ်းအိမ်ရာဝန်းအတွင်းရှိ အလျား -၁၃၀ ပေ၊ အနံ - ၉၀ ပေ ဖူဆယ်ဘောလုံးကွင်း ဆောင်ရွက်မည့် မြေနေရာသို့ရောက်ရှိရာ တိုင်းဒေသကြီး မြို့ပြနှင့်အိမ်ရာဦးစီးဌာနမှ ညွှန်ကြားရေးမှူးက လုပ်ငန်းများဆောင်ရွက်သွားမည့် အခြေအနေများအား ရှင်းလင်း တင်ပြသည်။

ယင်းနောက် တိုင်းဒေသကြီး ဝန်ကြီးချုပ်က ဆောင် ရွက်သွားမည့်လုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇန်နဝါရီ ၂

စစ်ကိုင်းတိုင်းဒေသကြီး၊ မုံရွာမြို့ရှိ ဆုတောင်းပြည့်စေတီတော်ကြီး၌ အသံမစဲ မဟာပဌာန်းရွတ်ဖတ်ပူဇော်ပွဲ ပဌာန်းသိမ်းအောင်ပွဲနှင့် ရန်အောင်မြင်စေတီတော် လုံးတော်ပြည့် ရွှေသင်္ကန်း ကပ်လှူပူဇော်နိုင်ရန် အလှူငွေများလှူဒါန်းခြင်း အခမ်းအနား ကို ဇန်နဝါရီလ ၂ ရက်၊ နံနက်ပိုင်းတွင် မုံရွာမြို့၊ အဆိုပါစေတီတော်ကြီးဝန်းအတွင်းရှိ ဘောဂရံသီဝိပဿနာဓမ္မာရုံကြီး၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ဂေါပကအဖွဲ့ဝင်များနှင့် အလှူရှင် များ တက်ရောက်ကြသည်။

ဦးစွာ “နမောတဿ”သုံးကြိမ် ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြပြီး မုံရွာမြို့၊ သာစံကျောင်းတိုက်ကြီး၏ ဦးစီးပဓာနနာယက၊ သက်တော်ရှည် ဆရာတော် ဘဒ္ဒန္တတေဇဝံတ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိသတ်များက ငါးပါးသီလခံယူဆောက်ကြသည်။

ဆက်လက်ပြီး ပင့်သံဃာဆရာတော်ကြီးများနှင့် သံဃာတော်များအား တိုင်းဒေသ ကြီးဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့် ဌာနဆိုင်ရာများက ဝတ္ထုငွေများနှင့် လှူဖွယ်ပစ္စည်းများ ဆက်ကပ်လှူဒါန်းကြ သည်။

ယင်းနောက် ဆုတောင်းပြည့်စေတီတော်ကြီးအတွင်းရှိ ရန်အောင်မြင်စေတီတော် လုံးတော်ပြည့် ရွှေသင်္ကန်းကပ်လှူပူဇော်ရန် တိုင်းဒေသကြီး ဝန်ကြီးချုပ်နှင့်ဇနီး တိုင်း ဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် အလှူရှင်များက တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌ နှင့် ဂေါပကအဖွဲ့ဉက္ကဌတို့ထံ အလှူငွေကျပ် - ၁၁၅၁၇၃၁၀၀ (သိန်းပေါင်း တစ်ထောင် တစ်ရာ့ငါးဆယ်တစ်သိန်းခုနှစ်သောင်းသုံးထောင်တစ်ရာကျပ်)အား ပေးအပ်လှူဒါန်းကြ သည်။

ဆက်လက်၍ မုံရွာမြို့၊ မဟာဝိဇ္ဇာသိပ္ပံကျောင်းတိုက်၏ ဦးစီးပဓာနနာယက၊ နိုင်ငံ တော်သြဝါဒါစရိယအဘိဓဇမဟာရဌဂုရု၊ ဘဒ္ဒန္တသူရိယ ဆရာတော်ကြီးထံတော်မှ တိုင်းဒေသကြီး ဝန်ကြီး ချုပ် နှင့် ဧည့်ပရိတ်သတ်များက အနုမောဒနာတရားနာယူ၍ လှူဒါန်းမှု အစုစုတို့အတွက် ရေစက် သွန်းချအမျှပေးဝေကာ ပဌာန်းသိမ်းအောင်ပွဲအား “ဗုဒ္ဓ သာသနံ စိရံ တိဌတု” သုံးကြိမ်ရွတ်ဆိုဆုတောင်းပြီး အခမ်းအနားကို ရုပ်သိမ်းခဲ့ကြသည်။

ဆက်လက်၍ ပင့်သံဃာဆရာတော်ကြီးများနှင့် သံဃာတော်များအား တိုင်းဒေသ ကြီးဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့်ဌာနဆိုင်ရာများက နေ့ဆွမ်းများဆက်ကပ် လှူဒါန်းခဲ့ကြောင်း သိရသည်။

p> p> p> p> p>

မုံရွာ၊ ဇန်နဝါရီ ၁

(၇၇)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် စစ်ကိုင်းတိုင်း ဒေသကြီး မုံရွာမြို့၊ အလုံရပ်ကွက်၊ ဗန္ဓုလလမ်း၊ ရတနာပုံရပ်ကွက်ရှိ အမှတ် ၁၊ အမှတ် ၂ ၊ အမှတ် ၃ ၊ အမှတ် ၄ ၊ အမှတ် ၅ လမ်းနှင့် မြသီတာလမ်း၊ လယ်တီရပ်ကွက် ဓမ္မာရုံလမ်း စုစုပေါင်း နိုင်လွန်ကတ္တရာလမ်း ၈ လမ်း ဖွင့်ပွဲအခမ်းအနားကို ဇန်နဝါရီလ ၁ ရက်၊ နံနက် ပိုင်းတွင် မုံရွာမြို့၊ အလုံရပ်ကွက်၊ ဗန္ဓုလလမ်းသစ်မုဒ်ဦးရှေ့တွင် ကျင်းပပြုလုပ်ရာ ဖွင့်ပွဲ အခမ်းအနားသို့ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖ များနှင့် ရပ်ကွက်နေပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအစိုးရ အဖွဲ့အနေဖြင့် မုံရွာမြို့တွင်းလမ်းများအားလုံး ခေတ်မီနိုင်လွန်ကတ္တရာလမ်း များဖြစ်ပေါ် စေရေးအတွက် နိုင်လွန်ကတ္တရာစက်ရုံနှင့် ဆက်စပ်ယန္တရားအပြည့်အစုံအား စီစဉ်ဆောင် ရွက်ပေးခဲ့ရာ ယခုဆိုလျင် တစ်မြို့လုံးအနေဖြင့် နိုင်လွန်ကတ္တရာလမ်းပေါင်း ၁၅၅ လမ်း အရှည်မိုင်အားဖြင့် ၆၁ မိုင်၊ ၀.၇၁ ဖာလုံ ဆောင်ရွက်ပြီးစီးခဲ့ပါကြောင်း၊ မြို့ပေါ်ရှိလမ်း များအားအဆင့်မြှင့်တင် ဆောင်ရွက်ပေးသကဲ့သို့ စေျးအသစ်များအကာင် အထည်ဖော် ခြင်း၊ ဈေးဟောင်းများပြုပြင်မွမ်းမံအဆင့်မြှင်တင်ဆောင်ရွက်ပေးခြင်း၊ လူထုအပန်းဖြေ နားနေရန် နေရာများဆောင်ရွက်ပေးခြင်းနှင့် မြို့သာယာလှပရေးလုပ်ငန်းများအား အသစ်ဖန်တီးဖော်ဆောင်၍ ပြည်သူများ၏လိုအပ်ချက်အား အကောင်းဆုံးဖြစ်အောင် ဖြည့်ဆည်းဆောင်ရွက်ပေးလျက် ရှိပါကြောင်း ပြောကြားခဲ့သည်။

ယင်းနောက် မုံရွာမြို့နယ် စည်ပင်သာယာရေးအဖွဲ့မှ အမှုဆောင်အရာရှိ ဦးထွန်းထွန်းက မုံရွာမြို့၊ အလုံရပ်ကွက်၊ ဗန္ဓုလလမ်း၊ ရတနာပုံရပ်ကွက်၊ အမှတ် ၁၊ အမှတ် ၂ ၊အမှတ် ၃ ၊ အမှတ် ၄ ၊ အမှတ် ၅ လမ်းနှင့် မြသီတာလမ်း၊ လယ်တီရပ်ကွက် ဓမ္မာရုံလမ်း စုစုပေါင်း နိုင်လွန်ကတ္တရာလမ်း ၈ လမ်းနှင့် ပတ်သက်သည့် လုပ်ငန်းဆိုင် ရာများဆောင်ရွက်ခဲ့မှု အခြေအနေအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာနချုပ်မှ ဗိုလ်မှူးကြီး ဇော်မင်းထွန်း၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် မုံရွာခရိုင် စီမံအုပ်ချုပ်ရေးအဖွဲ့ ဉက္ကဌ ဦးကိုကိုလွင် တို့က မုံရွာမြို့၊ အလုံရပ်ကွက်၊ ဗန္ဓုလလမ်း၊ ရတနာပုံရပ်ကွက်၊ အမှတ် ၁၊ အမှတ် ၂ ၊အမှတ် ၃ ၊ အမှတ် ၄ ၊ အမှတ် ၅ လမ်းနှင့် မြသီတာလမ်း၊ လယ်တီရပ်ကွက် ဓမ္မာရုံလမ်း စုစုပေါင်း နိုင်လွန်ကတ္တရာလမ်း ၈ လမ်းအား ဖဲကြိုးဖြတ်ဖွင့်လှစ်ပေးကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက ဘင်ခရာ/ပန်းပွားအဖွဲ့များ အားဂုဏ်ပြုချီးမြှင့်ငွေများပေးအပ်ခဲ့ပြီး တာဝန်ရှိသူများနှင့် အဆိုပါမုဒ်ဦးရှေ့တွင် စုပေါင်း မှတ်တမ်းတင်ဓါတ်ပုံရိုက်ကူးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက နိုင်လွန်ကတ္တရာ လမ်းအား ဖြတ်သန်းကြည့်ရှုစစ်ဆေးခဲ့ကြပြီး ရပ်ကွက်နေပြည်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ (၇၇)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် မုံရွာ မြို့၊အလုံရပ်ကွက်၊ ဗန္ဓုလလမ်းသည် အရှည် ၂၅၃၅ ပေ၊ အကျယ် ၁၈ ပေ၊ ရတနာပုံ ရပ်ကွက်အမှတ်(၁)လမ်းသည် အရှည် ၈၀၀ ပေ၊ အမှတ်(၂)လမ်းသည် အရှည် ၉၁၀ ပေ၊ အမှတ်(၃)လမ်းသည် ၁၀၀၀ ပေ၊ အမှတ်(၄)လမ်းသည် အရှည် ၁၁၂၀ ပေ၊ အမှတ်(၅) လမ်းသည် အရှည် ၁၂၅၀ ပေ၊ မြသီတာလမ်းသည် အရှည် ၅၃၀ ပေ၊ လယ်တီရပ်ကွက် ဓမ္မာရုံလမ်းသည် အရှည် ၈၀၀ ပေဖြစ်ကာ နိုင်လွန်ကတ္တရာလမ်း ၈ လမ်း၏ စုစုပေါင်း အရှည် ၈၉၄၅ ပေအား မုံရွာမြို့နယ်စည်ပင်သာယာရေးအဖွဲ့မှ တာဝန်ယူဆောင်ရွက်ခဲ့ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ မြို့ သစ်ရပ်ကွက်ရှိ ဗန္ဓုလ ဈေး၌ အလျား - ၁၂ ပေ၊ အနံ - ၁၀ ပေရှိ ဈေးဆိုင်ခန်းပေါင်း ၄၄ ခန်းပါဝင်သည့် အလျား - ၂၇၉ ပေ၊ အနံ - ၂၄ ပေ RC ၂ ထပ်အဆောက်အဦသစ် တည် ဆောက်နေမှုအား သွားရောက်ကြည့်ရှုစစ်ဆေးခဲ့ကြပြီး တည်ဆောက်ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့ကြောင်း သိရသည်။