မုံရွာ၊ ဒီဇင်ဘာ ၂၀

လူသုံးကုန်ထုတ်လုပ်မှုနည်းပညာသင်တန်း (၅/၂၀၂၄) သင်တန်းဆင်းပွဲ အခမ်းအနားကို ဒီဇင်ဘာလ ၂၀ ရက်၊ နံနက်ပိုင်းတွင် မုံရွာမြို့၊ စစ်ကိုင်းတိုင်းဒေသကြီး အသေးစားစက်မှုလက်မှုဦးစီးဌာနရုံးရှိ Incubation Center ၌ ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ်ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့်ဌာနဆိုင်ရာများ၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း ယခုလိုသင်တန်းများ ဖွင့်လှစ်သင်ကြားပေးခြင်းအားဖြင့် လူ့စွမ်းအားအရင်းအမြစ်များ ဖွံ့ဖြိုးတိုးတက်လာမည်ဖြစ်ပြီး အလုပ်အကိုင်အခွင့်အလမ်းများလည်း ပေါ်ပေါက်လာမည် ဖြစ်ပါကြောင်း၊ သင်တန်းသူများအနေဖြင့် မိမိတို့သင်ယူခဲ့ရသည့် ပညာရပ်များအား အသုံးချပြီး ကိုယ်ပိုင်လုပ်ငန်းများ ထူထောင်လုပ်ကိုင်သွားပါက နိုင်ငံတော်၏ MSME လုပ် ငန်းများ ဖွံ့ဖြိုးတိုး တက်ရေးကိုလည်း အထောက်အကူပြုမည် ဖြစ်ပါကြောင်း၊ သင်တန်း သူများအနေဖြင့် ယခုသင်တန်းမှပို့ချပေးလိုက်သည့် သင်ခန်းစာများအား လက်တွေ့ပြန် လည်အသုံးချပြီး အောင်မြင်သည့်လုပ်ငန်းရှင်များဖြစ်အောင် ကြိုးစားဆောင်ရွက်သွား ကြရန်လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းထံ သင်တန်းသူ တစ်ဦးထံ သင်တန်း ဆင်းလက်မှတ်များပေးအပ်ပြီး တိုင်းဒေသကြီး အသေးစားစက်မှု လက်မှုလုပ်ငန်းဦးစီးဌာန တိုင်းဒေသကြီးဦးစီးမှူးက သင်တန်းသူများကိုယ်တိုင် ပြုလုပ် ထားသည့် လူသုံးကုန်ပစ္စည်းများအား အမှတ်တရလက်ဆောင်ပေးအပ်ကာ သင်တန်းသူ များကိုယ်စား သင်တန်းသူတစ်ဦးက ကျေးဇူးတင်စကား ပြန်လည်ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သင်တန်းသူများနှင့်အတူစုပေါင်း မှတ်တမ်းတင် ဓါတ်ပုံရိုက်ကူးကာ သင်တန်းသူများကိုယ်တိုင် ပြုလုပ် ထားသည့် လူသုံးကုန်ပစ္စည်းများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးရှိ စား သောက်ကုန်၊ လူသုံးကုန်နှင့် အလှကုန်ပစ္စည်းများအား သုံးစွဲသူများအရည်အသွေးပြည့် ဝပြီး ဘေးအန္တရာယ်ကင်းရှင်းစွာဖြင့် ကျန်းမာရေးနှင့်အညီ ယုံကြည်စိတ်ချစွာသုံးစွဲနိုင်ရန် အတွက် ဓာတ်ခွဲစမ်းသပ်ပေးသည့် ဓာတ်ခွဲစမ်းသပ်ခန်းအတွင်းရှိ ဓာတ်ခွဲပစ္စည်းများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့ကြောင်း သိရသည်။

မုံရွာ၊ ဒီဇင်ဘာ ၂၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့ နယ် စီမံအုပ်ချုပ်ရေး အဖွဲ့ဥက္ကဠများနှင့် တာဝန်ရှိသူများ လိုက်ပါလျက် ဒီဇင်ဘာလ ၂၀ ရက်၊ နံနက်ပိုင်းတွင် စစ်ကိုင်းတိုင်းဒေသကြီး မီးသတ်ဦးစီးဌာနရုံးဝန်းအတွင်း၌ ကျင်းပပြုလုပ်သည့် ဓာတုဗေဒ ပစ္စည်းများကြောင့် မီးလောင်မှုဖြစ်ပွားလာပါက မီးငြိမ်းသတ်မှုသရုပ်ပြသခြင်း အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူ များက တိုင်းဒေသကြီး မီးသတ် ဦးစီးဌာနရုံးမှ အရာရှိ/တပ်ဖွဲ့ဝင်များ၏ ဓာတုဗေဒပစ္စည်းများကြောင့် မီးလောင်မှုဖြစ်ပွား လာပါက ခေတ်မီမီးငြိမ်းသတ်ရေးဝတ်စုံ/ပစ္စည်းများဖြင့် မီးငြိမ်းသတ်မှုသရုပ်ပြသခြင်းနှင့် ကူညီကယ်ဆယ်ရေးလုပ်ငန်းများ ဆောင်ရွက်မှုအဆင့်ဆင့် သရုပ်ပြသမှုများအား ကြည့်ရှု အားပေးကြပြီး တိုင်းဒေသကြီးအတွင်းရှိ မြို့နယ်များ၌ မီးလောင်မှုမဖြစ်ပွားရန်အတွက် မီးဘေးအန္တရာယ် ကြိုတင်ကာကွယ်ရေးလုပ်ငန်းများ ဆောင်ရွက်စစ်ဆေးသွားကြရန် လို အပ်မှု၊ မီးဘေးအန္တရာယ်ဖြစ်ပွားလာပါက အမြန်ဆုံးမီးငြိမ်းသတ်နိုင်ရေးအတွက် မပြတ် လေ့ကျင့်သွားကြရန်နှင့် မီးငြိမ်းသတ်ရေးမော်တော်ယာဉ်များ၊ ရေသယ်ယာဉ်များ၊ ရှာဖွေ ကယ်ဆယ်ရေးယာဉ်များ၊ အရေးပေါ်သုံးပစ္စည်းများ အမြဲကြံ့ခိုင်မှုရှိစေရေးနှင့် အသင့်ဖြစ် စေရေးတို့အား မှာကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မီးငြိမ်းသတ်ရေးမော်တော် ယာဉ်များနှင့် ရေသယ်ယာဉ်များအား လိုက်လံကြည့်ရှုစစ်ဆေးခဲ့ကြပြီး အဆိုပါရုံးဝန်းအတွင်း ဝန်ထမ်းများနှင့်မိသားစုဝင်များ စားဖိုချောင်သီးနှံစားသုံးမှု ဖူလုံစေ ရန်အတွက် ရာသီသီးနှံစိုက်ခင်း စိုက်ပျိုးထားရှိမှုများအား လိုက်လံကြည့်ရှုစစ်ဆေးခဲ့ကြပြီးလိုအပ်သည်များကို တာဝန်ရှိသူများနှင့်ဖြည့်ဆည်းပေါင်းစပ် ဆောင်ရွက်ပေးခဲ့ ကြောင်းသိရသည်။

မုံရွာ၊ ဒီဇင်ဘာ ၁၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် ဒီဇင်ဘာလ ၁၉ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာကုန် စည်ဒိုင်သို့ ရောက်ရှိရာ ကုန်စည်ဒိုင်အတွင်း မုံရွာခရိုင်နှင့် ယင်းမာပင်ခရိုင်တို့မှ ထွက်ရှိ သည့် သီးနှံမျိုးစုံရောင်းဝယ်နေမှုအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် မုံရွာကုန်စည် ဒိုင်ရှိ အစည်းအဝေးခန်းမတွင် မုံရွာကုန်စည်ဒိုင် နာယက၊ ဥက္ကဌ၊ အလုပ် အမှုဆောင်များ၊ အဖွဲ့ဝင်များနှင့် ရင်းရင်း နှီးနှီးတွေ့ဆုံရာ တိုင်းဒေသကြီး ဝန်ကြီးချုပ်က မိမိတို့တိုင်းဒေ သကြီးအစိုးရအဖွဲ့အနေဖြင့် မုံရွာမြို့ရှိကုန်စည်များစီးဆင်းမှု မြန်ဆန်ကောင်းမွန်စေရေး အတွက် တိုင်းဒေသကြီးအတွင်းရှိလမ်းများအား အဆင့်မြှင့်တင်ပေးနေမှု၊ ပြည်သူများစာ ရေရိက္ခာဖူလုံစေရေးအတွက်တာဝန်ရှိသူများနှင့် ပူးပေါင်းဆောင်ရွက်ပေးနေမှု၊ ကုန် ဈေးနှုန်းတည်ငြိမ်ရေးလုပ်ငန်းများ ဆောင်ရွက်နေမှု အခြေအနေများအား ရှင်းလင်းပြော ကြားသည်။

ဆက်လက်ပြီး တိုင်းဒေသကြီး ရဲတပ်ဖွဲ့မှူးနှင့် တာဝန်ရှိသူများမှ မိမိတို့တာဝန်ယူ ဆောင်ရွက်နေသည့်လုပ်ငန်းများနှင့် ပတ်သက်၍ ရှင်းလင်းပြောကြားခဲ့ကြပြီး မုံရွာကုန်စည်ဒိုင်မှ နာယက၊ ဥက္ကဌ၊ အလုပ်အမှုဆောင်များနှင့်အဖွဲ့ ဝင်များက ကုန်စည်ဒိုင်အတွင်း သီးနှံအမျိုးမျိုးရောင်းဝယ်နေမှု အခြအနေများနှင့် ဖြည့် ဆည်းပေါင်းစပ်ပေးရန် လိုအပ်မှုအခြေအနေများအား အသီးသီးဆွေးနွေးတင်ပြကြရာ ဝန်ကြီးချုပ်က ဆွေးနွေးတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အလယ်ရပ်ကွက်ရှိ ပီတိသီးနှံပွဲရုံ၊ ထန်းတောရပ်ကွက်ရှိ ပင်ရင်းကြက်သွန်ပွဲရုံ၊ ဆူးလေ ကုန်းရပ်ကွက်ရှိ ဒို့ဗမာ ဆန်/ဆီပွဲရုံများသို့ သွားရောက်၍ ကုန်စည်များ ထုတ်ပိုးရောင်း ချနေမှုများနှင့် ကုန်စည်စီးဆင်းမှုအခြေ အနေများအား ကုန်သည်များအားမေးမြန်ကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ကုန်စည်များ သိုလှောင်ထားရှိမှုများအား လိုက်လံကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီးစည်ပင် သာယာရေးအဖွဲ့ရုံးရှိ အစည်းအဝေးခန်းမတွင် ကုန်စိမ်းပွဲရုံလုပ်ငန်းရှင်များနှင့် တွေ့ဆုံညှိနှိုင်း အစည်းအဝေးသို့ တက်ရောက်ရာ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး အစိုးရအဖွဲ့အနေဖြင့် မုံရွာမြို့အား ခေတ်မီဖွံ့ဖြိုးတိုးတက်စေရေးနှင့် သန့်ရှင်းသပ်ရပ်သည့် မြို့တော်ဖြစ်စေရန် ရည်ရွယ်၍ မြို့သာယာလှပရေးလုပ်ငန်းများအား အကောင်အထည်ဖော် ဆောင်ရွက် လျက်ရှိရာ မကြာမီကာလ၌ ဖွင့်လှစ်ရောင်းချမည့် ပြည်ထောင်စုစေျးကုန်စိမ်းပွဲရုံလည်း တစ်ခုအပါအဝင်ဖြစ်ပါကြောင်း၊ မုံရွာမြို့သည် စစ်ကိုင်းတိုင်းဒေသကြီး၏ မြို့တော်ဖြစ် သည်နှင့်အညီ ပွဲရုံလုပ်ငန်းများအား တစ်နေရာတည်းတွင် ဝယ်ယူရောင်းဝယ်ဖောက် ကားနိုင်ရေးအတွက် ကုန်စိမ်းပွဲရုံအား တည်ဆောက်ပေးခဲ့ပါကြောင်း၊ မုံရွာမြို့ရှိ ကုန် ဈေးသည်များစနစ်တကျ ရောင်းဝယ်ဖောက်ကားနိုင်ပြီး မြို့နေပြည်သူများအနေဖြင့် ရာသီပေါ်သီးနှံများအား တစ်စုတစ်စည်းထဲဝယ်ယူရရှိနိုင်ကာ ဒေသတွင်းအလုပ်အကိုင် အခွင့်အလမ်းများစွာ ဖော်ဆောင်ပေးနိုင်မည် ဖြစ်ပါကြောင်း ပြောကြားခဲ့သည်။

ယင်းနောက် မုံရွာမြို့နယ်၊ စည်ပင်သာယာရေးအဖွဲ့ အမှုဆောင်အရာရှိ ဒုတိယ ညွှန်ကြားရေးမှူး ဦးထွန်းထွန်းက ပြည်ထောင်စု ကုန်စိမ်းပွဲရုံအား မြေဧက ၃.၈ ပေါ် တွင် အလျား - ၈၀ ပေ၊ အနံ - ၆၀ ပေ၊ ဈေးရုံ ၁၂ ရုံ၊ ဈေးရုံတစ်ရုံလျှင် အလျား ၃၀ ပေ၊ အနံ ၂၀ ပေ၊ အခန်းပေါင်း ၉၆ ခန်း တည်ဆောက်ရေးလုပ်ငန်းများနှင့် ဆိုင်ခန်းများခွဲဝေချထား မည့်အခြေအနေများအား Power Point ဖြင့်ရှင်း လင်းတင်ပြသည်။

ထို့နောက် တွေ့ဆုံပွဲသို့ တက်ရောက်လာကြသည့် မုံရွာမြို့ပေါ်ရှိ ကုန်စေျးပွဲရုံ လုပ် ငန်းရှင်များက မိမိတို့လုပ်ကိုင်ဆောင်ရွက်နေသည့် လုပ်ငန်းများနှင့် ပတ်သက်၍ ရှင်းလင်း ဆွေးနွေး တင်ပြကြသည်။

ယင်းနောက် တိုင်းဒေသကြီး ရဲတပ်ဖွဲ့မှူးက မုံရွာမြို့အတွင်း လုံခြုံရေးတာဝန်များ ဆောင်ရွက်နေမှုအား ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်က ဆွေးနွေးတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

မုံရွာ၊ ဒီဇင်ဘာ ၁၈

တိုင်းဒေသကြီးအတွင်း စားသုံးဆီနှင့်စက်သုံးဆီ သယ်ယူရောင်းချမှု ညှိနှိုင်း အစည်းအဝေးကို ဒီဇင်ဘာလ ၁၈ ရက်၊ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ နှင့်မုံရွာခရိုင် စီမံအုပ်ချုပ်ရေးအဖွဲ့ ဥက္ကဌနှင့် စားသုံးဆီ၊စက်သုံးဆီ လုပ်ငန်းရှင်များ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်များ၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌ များက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း စားသုံးဆီနှင့်စက်သုံးဆီများ သယ်ယူရောင်းချမှုနှင့် ဈေးနှုန်းမှန်ကန်တည်ငြိမ်ရေး၊ ရောက် ရှိလာသည့် စားသုံးဆီ၊စက်သုံးဆီများအား မြန်ဆန်စွာဖြန့်ခွဲမှု စနစ်တကျရှိစေရေး၊ ကော လဟာလသတင်းများနှင့် ဖြစ်ပေါ်နေသည့်အခြေအနေအရပ်ရပ်တွင် ပြည်သူများယုံမှား ကာအခက်အခဲအကျပ်အတည်းများ မဖြစ်ပေါ်စေရေးနှင့် မိမိတို့တိုင်းဒေသကြီးအစိုးရ အဖွဲ့အနေဖြင့် တာဝန်ကျေပွန်လိုစိတ်ဖြင့် လုပ်ငန်းရှင်များနှင့်ပူးပေါင်းကာ အကောင်းဆုံး ဖြည့်ဆည်းစီမံ ဆောင်ရွက်ပေးလိုသည့်အတွက် ယခုအစည်းအဝေးအား ကျင်းပရခြင်း ဖြစ်ပါကြောင်း၊စားသုံးဆီနှင့်စက်သုံးဆီများအား သတ်မှတ်အရည်အသွေး စံချိန်စံညွှန်းနှင့်အညီ တင်သွင်းစေခြင်း၊ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ဖြစ်သင့်ဖြစ် ထိုက်သည့် ဈေးနှုန်းဖြစ်စေရေး၊ သယ်ယူပို့ဆောင်ခကုန်ကျစရိတ်များ၊ အခွန်အခများ၊ ငွေလဲနှုန်းများပါမကျန် စနစ်တကျထည့်သွင်းတွက်ချက်ပြီး အခြေခံရည်ညွှန်းဈေးများ ထုတ်ပြန်ကာ တိုင်းဒေသကြီးနှင့်ပြည်နယ်မြို့များအလိုက် ဒေသအရောက်အရင်းဈေးနှုန်း များထုတ်ပြန်ပေးပြီး သင့်တင့်သည့်အမြတ်ရာခိုင်နှုန်း သတ်မှတ်ပေးထားပြီးဖြစ်သည့် အတွက်လုပ်ငန်းရှင်များမှ ပြည်သူများအား အရေအတွက်၊ အရည်အသွေး၊ ဈေးနှုန်းမှန် မှန်ကန်ကန် ရောင်းချပေးသွားကြရန်နှင့် တာဝန်ရှိသူများမှလည်း မြေပြင်အထိကွင်းဆင်း ကြီးကြပ် စီမံဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက တိုင်းဒေသကြီး အတွင်းရှိ ခရိုင်/မြို့နယ်များ၌ စားသုံးဆီ သယ်ယူဖြန့်ဝေပေးနေမှု အခြေအနေများအား လည်းကောင်း၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက တိုင်းဒေသ ကြီးအတွင်းရှိ ခရိုင်/မြို့နယ်များ၌ စက်သုံးဆီသယ်ယူဖြန့်ဝေပေးနေမှု အခြေအနေများ အားလည်းကောင်း ရှင်းလင်းဆွေးနွေး ပြောကြားကြသည်။

ဆက်လက်၍ တိုင်းဒေသကြီး စားသုံးသူရေးရာဦးစီးဌာနမှ ညွှန်ကြားရေးမှူးက တိုင်းဒေသကြီးအတွင်း စားသုံးဆီခွဲဝေဖြန့်ဖြူးရောင်းချပေးနေမှုများအား လည်းကောင်း၊ တိုင်းဒေသကြီး ရေနံထွက်ပစ္စည်းကြီးကြပ်စစ်ဆေးရေးဦးစီးဌာနက ဒုတိယညွှန် ကြားရေး မှူးက တိုင်းဒေသကြီးအတွင်း စက်သုံးဆီ ခွဲဝေဖြန့်ဖြူးရောင်းချပေးနေမှုများအား လည်း ကောင်းရှင်းလင်း တင်ပြကြသည်။

ထို့နောက် အစည်းအဝေးသို့ တက်ရောက်လာကြသည့် စားသုံးဆီ၊စက်သုံးဆီ လုပ်ငန်းရှင်များနှင့်တာဝန်ခံများမှ စားသုံးဆီ၊စက်သုံးဆီများ ခွဲဝေရရှိမှုနှင့်ပြည်သူများသို့ ရည်ညွှန်း ဈေးနှုန်းများအတိုင်း ရောင်းချပေးနေမှုများနှင့် ဖြည့်ဆည်းပေါင်းစပ်ပေးရန် လိုအပ်မှု အခြေအနေများအား အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်များ၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌ များက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့က မိမိတို့ခရိုင်များအတွင်းရှိ မြို့နယ်များ၌ စားသုံးဆီ၊စက်သုံးဆီ ခွဲဝေရောက်ရှိမှု အခြေအနေများနှင့် ပြည်သူများသို့ရောင်းချပေးနေမှု အခြေအနေများ အသီးသီး ရှင်းလင်း တင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက် ရောက်လာသူများက တိုင်းဒေသကြီးအတွင်း စားသုံးဆီနှင့်စက်သုံးဆီ သယ်ယူရောင်းချမှု အခြေအနေများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ ဒီဇင်ဘာ ၁၇

စစ်ကိုင်းတိုင်းဒေသကြီးအတွင်း အသေးစား၊အငယ် စားနှင့် အလတ်စားစီးပွားရေးလုပ်ငန်း များဖွံ့ဖြိုးတိုးတက်ရေး ညှိနိုင်းအစည်းအဝေး (၃/၂၀၂၄) ကို ဒီဇင်ဘာလ ၁၇ ရက်၊ နံနက် ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်း အဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေး အဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အနေဖြင့် စိုက်ပျိုးရေး/မွေးမြူရေးနှင့်သက်ဆိုင်သည့် ကုန်ထုတ်လုပ်ငန်းများ၊ အသေးစား၊ အငယ် စားနှင့်အလတ်စား စီးပွားရေးလုပ်ငန်း(MSME)များနှင့် သမဝါယမအသင်းများအားလုပ် ငန်းအမျိုးအစားများအလိုက် ချေးငွေများထုတ်ချေးထားပြီး ဖြစ်ပါကြောင်း၊ ပြည်တွင်း၊ ပြည်ပဈေးကွက်သုတေသနများ MSME လုပ်ငန်းများအလိုက် စစ်တမ်းများအား စနစ်တ ကျအသုံးချကာ လုပ်ငန်းမြှင့်တင်ရန်ကိစ္စ၊ ဝန်ဆောင်မှုပေးရန်ကိစ္စနှင့် လိုအပ်ချက်အရ လမ်းညွှန်တည့်မတ်ပေးရန်စသည့် လုပ်ငန်းစဉ်များအား တိုင်းဒေသကြီး MSME Agency မှမှန်ကန်စွာ ရွေးချယ်ဆောင်ရွက်ပေးသွားရမည် ဖြစ်ပါကြောင်း၊ သတ်မှတ်ကဏ္ဍများ အလိုက်မတည်ချေးငွေများအား လျာထားချက်ပြည့်မီစွာ အမြန်ဆုံးထုတ်ချေးပေးနိုင်ရေး နှင့်အရင်းမပျောက်မတည်ငွေများအား မပျောက်ပျက်စေ ဘဲတိုးပွားလာစေရန်နှင့် အကျိုး ရှိစွာစနစ်တကျအသုံးချနိုင်ရေးအတွက် တာဝန်ရှိသူအားလုံးမှဝိုင်းဝန်းကြိုးပမ်း ဆောင် ရွက်ပေးသွားကြရန် လိုအပ်ပါကြောင်း၊ တိုင်းဒေသကြီးအတွင်း လုပ်ကိုင်ဆောင်ရွက်နေ သည့် MSME ကဏ္ဍဖွံ့ဖြိုးတိုးတက်ရေး ကော်မတီအဖွဲ့ဝင် အားလုံးမှအားသွန်ခွန်စိုက် ကြိုးပမ်းအကောင်အထည်ဖော် ပူးပေါင်းဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/မြို့နယ်များအတွင်း မိမိတို့ဌာနများအလိုက် နိုင်ငံ့စီးပွားမြှင့်တင်ရေးရန်ပုံငွေမှ မတည်ချေးငွေများ ထုတ်ချေးပေးထားမှု အခြေအနေများနှင့် ချေးငွေများဖြင့်ဆောင်ရွက် နေသည့် စိုက်ပျိုးရေး၊ မွေးမြူရေးလုပ်ငန်းများနှင့် အသေးစား၊ အငယ်စား၊ အလတ်စားစီး ပွားရေးလုပ်ငန်း MSMEs လုပ်ငန်းများဆောင်ရွက်နေမှု လုပ်ငန်းအခြေအနေများအား Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေး အဖွဲ့ ဥက္ကဌများက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ် ရေးအဖွဲ့ဥက္ကဌတို့က မိမိတို့ခရိုင်များအတွင်းရှိ မြို့နယ်များ၌ နိုင်ငံ့စီးပွားမြှင့်တင်ရေးရန် ပုံငွေမှ မတည်ချေးငွေများဖြင့် ဆောင်ရွက်နေသည့် စိုက်ပျိုးရေး၊ မွေးမြူရေးလုပ်ငန်းများ နှင့်အသေးစား၊ အငယ်စား၊ အလတ်စား စီးပွားရေးလုပ်ငန်းများ ဆောင်ရွက်နေမှုအခြေ အနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက် ရောက်လာသူများက တိုင်းဒေသကြီးအတွင်း နိုင်ငံ့စီးပွားမြှင့်တင်ရေးရန်ပုံငွေမှ မတည် ချေးငွေများဖြင့် ဆောင်ရွက်နေသည့် စိုက်ပျိုးရေး၊ မွေးမြူရေးလုပ်ငန်းများနှင့် အသေး စား၊အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ ဒီဇင်ဘာ ၁၆

၂၀၂၅-ခုနှစ်၊ (၇၇)နှစ်မြောက် လွတ်လပ်ရေးနေ့ အခမ်းအနားကျင်းပနိုင်ရေး လုပ် ငန်းညှိနှိုင်းအစည်းအဝေးကို ဒီဇင်ဘာလ ၁၆ ရက်၊ မွန်းလွဲပိုင်တွင် စစ်ကိုင်းတိုင်း ဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်အဆင့် ဌာနဆိုင်ရာများနှင့် ဆပ်ကော်မတီအဖွဲ့ဝင်များ တက်ရောက် ကြသည်။

ရှေးဦးစွာ တိုင်းဒေသကြီးဝန်ကြီးချုပ် ဦးမြတ်ကျော် က (၇၇)နှစ်မြောက် လွတ်လပ် ရေးနေ့အခမ်း အနားအား ယခင်နှစ်များနည်းတူ စည်းကားသိုက်မြိုက်စွာ ကျင်းပနိုင်ရေး ကော်မတီအသီးသီးမှ အဖွဲ့ဝင်များအနေဖြင့် လုပ်ငန်းများအောင်မြင်စွာ ဆောင်ရွက်နိုင် ရေးညှိနှိုင်းပေါင်းစပ် ဆောင်ရွက်သွားကြရန် လိုအပ်ပါကြောင်း၊ နိုင်ငံတော်၏ထူးခြားမွန် မြတ်လှသည့် အထိမ်းအမှတ်နေ့ထူးနေ့မြတ်ဖြစ်ပါ၍ လွတ်လပ်ရေးရရှိရန် စွန့်လွတ်အနစ် နာခံကြိုးပမ်းခဲ့မှုများနှင့် လွတ်လပ်ရေး၏ အနှစ်သာရနှင့်တန်ဖိုးအား လူငယ်များသိရှိစေ ရန်အတွက် ပြပွဲများ၊ပျော်ပွဲရွှင်ပွဲများနှင့် အားကစားပြိုင်ပွဲများကို စည်ကားသိုက်မြိုက်စွာ ကျင်းပနိုင်ရေး ဆပ်ကော်မတီအသီးသီးမှ တာဝန်ရှိသူများမှ အလေးထား ပူးပေါင်းဆောင် ရွက်သွားကြရန် လိုအပ်ပါကြောင်း၊ လုပ်ငန်းများဆောင်ရွက်ရာတွင်လည်း လုံခြုံရေးအသိ၊ သတိတို့ဖြင့် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ထို့နောက် (၇၇)နှစ်မြောက် လွတ်လပ်ရေးနေ့အခမ်းအနား ကျင်းပရေးကော်မတီ ဥက္ကဌ၊ တိုင်းဒေသကြီး သယံဇာတရေးရာ ဝန်ကြီး ဦးတင်သန်းဝင်းက (၇၇)နှစ်မြောက် လွတ်လပ်ရေးနေ့အခမ်း အနား အောင်မြင်စွာကျင်းပနိုင်ရေး အတွက်ကြိုတင်ပြင်ဆင် ဆောင်ရွက်ထားရှိမှုလုပ်ငန်းများ၊ ဆပ်ကော်မတီများဖွဲ့စည်းထားရှိမှု အခြေအနေများနှင့် ပတ်သက်၍ ရှင်းလင်းတင်ပြသည်။

ဆက်လက်ပြီး (၇၇)နှစ်မြောက် လွတ်လပ်ရေးနေ့အခမ်းအနား အောင်မြင်စွာကျင်း ပနိုင်ရေးအတွက် ဆပ်ကော်မတီအသီးသီးမှ တာဝန်ရှိသူများက မိမိတို့ကော်မတီများ အလိုက် တာဝန်ယူဆောင်ရွက်သွားမည့် လုပ်ငန်းများအခြေအနေများနှင့် ပတ်သက်၍ Power Point ဖြင့် အသီးသီးဆွေးနွေး တင်ပြကြသည်။

ဆက်လက်၍ အစည်းအဝေးသို့ တက်ရောက်လာသည့် တိုင်းဒေသကြီး အစိုးရအဖွဲ့ ဝင်များက (၇၇)နှစ်မြောက် လွတ်လပ်ရေးနေ့အခမ်းအနား အောင်မြင်စွာကျင်းပနိုင်ရေး လုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။