မုံရွာ၊ ဇန်နဝါရီ ၉

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ ဖွင့်လှစ်သည့် အခြေခံ”ခြင်း”ရက်နည်းသင်တန်းနှင့် ကွန်ပျူတာ သင်တန်းအမှတ်စဉ်(၇/၂၀၂၄) သင်တန်းဆင်းပွဲအခမ်းအနားကို ဇန်နဝါရီလ ၉
ရက်၊ နံနက်ပိုင်းက မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟို ဌာန Community Centre ၌ကျင်းပပြုလုပ်ရာ သင်တန်းဆင်းပွဲ အခမ်းအနားသို့ တိုင်းဒေ သကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့ဖွင့်လှစ်ခဲ့ပြီးဖြစ်သည့် အခြေခံ”ခြင်း” ရက်နည်းသင်တန်းနှင့် ကွန်ပျူတာသင်တန်းများသည် လူငယ်များ၏ အလုပ်အကိုင်အခွင့်အလမ်းများရရှိရေးနှင့် နည်းပညာဖွံ့ဖြိုးတိုးတက်ရေးအတွက် များစွာ အထောက်အကူဖြစ်စေမည့် သင်တန်းများဖြစ်ပါကြောင်း၊ မိမိတို့တိုင်းဒေသကြီး အနေဖြင့် ၂၀၂၄-ခုနှစ်၊ ဒီဇင်ဘာလအတွင်း ကွန်ပျူတာသင်တန်း ၃ ကြိမ်တွင် သင်တန်သား/သူ ၄၀ ဦးနှင့် အသက်မွေးဝမ်းကြောင်းသင်တန်း ၇ ကြိမ်တွင် သင်တန်းသား/သူ ၁၄၅ ဦးတို့အား ဖွင့်လှစ်သင်ကြားပေးနိုင်ခဲ့ပါကြောင်း၊ သင်တန်း သား/သူများအနေဖြင့် ကွန်ပျူတာသင် တန်းမှရရှိသည့် နည်းပညာပိုင်းဆိုင်ရာများအား မိမိအကျိုး၊ ဌာနအကျိုး၊ နိုင်ငံ့အကျိုးတို့ အားဆောင်ရွက်သွားကြရန် လိုအပ်ပါကြောင်း၊ အလားတူ အသက်မွေးဝမ်းကြောင်းဆိုင် ရာသင်တန်းများမှနေ ရရှိလာသည့် အိမ်တွင်းမှုလုပ်ငန်းများနှင့် အလုပ်အကိုင်အခွင့် အလမ်းများအား ရရှိပိုင်ဆိုင်နိုင်ကြမည် ဖြစ်ပါကြောင်း၊ ယခုထက်ပိုပြီး ကြိုးပမ်းဆောင် ရွက်မည်ဆိုပါက အသေးစား၊ အငယ်စား၊ အလတ်စားလုပ်ငန်းရှင်များဖြစ်လာနိုင်သည့် အခြေခံကောင်းများပိုင်ဆိုင်နိုင်မည် ဖြစ်ပါကြောင်း၊ မိမိတို့တိုင်းဒေသကြီးအစိုးရအဖွဲ့ အနေဖြင့်လည်း အသေးစား၊အငယ်စား၊အလတ်စား(MSME) လုပ်ငန်းများအား အားပေး မြှင့်တင် ဆောင်ရွက်ပေးလျက်ရှိပါကြောင်း၊ တာဝန်ရှိသူများနှင့် သင်တန်းသား/သူများမှ လည်းပြည်သူများ အလုပ်အကိုင်အခွင့်အလမ်းများရရှိစေရေးနှင့် နည်းပညာများရရှိစေ ရေးအတွက်အထောက်အကူဖြစ်စေမည့် သင်တန်းများအား စဉ်ဆက်မပြတ် ဖွင့်လှစ်နိုင် ရေးဝိုင်းဝန်းပူးပေါင်း ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယညွှန်ကြားရေးမှူး ဒေါ်ရွှေလဝါဝါက သင်တန်းများဖွင့်လှစ်ပြီးစီးမှု အခြေအနေများ နှင့်ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးနှင့် တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်တို့က သင်တန်း သား/သူများကိုယ်စား သင်တန်းသူတစ်ဦးစီထံ သင်တန်းဆင်းလက်မှတ်များအား လည်း ကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက အခြေခံ”ခြင်း”ရက်နည်း သင်တန်းမှရရှိသည့် ပစ္စည်းများအား သင်တန်းသူတစ်ဦးထံသို့ လည်းကောင်း၊ တိုင်းဒေ သကြီး လမ်းပန်းဆက်သွယ်ရေးရာဝန်ကြီး ဦးခင်မောင်အေးနှင့် တိုင်းဒေသကြီး တိုင်းရင်း သားရေးရာဝန်ကြီး ဦးစိုင်းနိုင်နိုင်ကျော်တို့က သင်တန်းနည်းပြများထံ အမှတ်တရလက် ဆောင်များအား လည်းကောင်း အသီးသီး ပေးအပ်ချီးမြှင့်ကြသည်။

ထို့နောက် သင်တန်းသား/သူများကိုယ်စား အခြေခံ”ခြင်း”ရက်နည်းသင်တန်းမှ သင်တန်းသူတစ်ဦးက ကျေးဇူးတင်စကား ပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခြေခံ”ခြင်း”ရက်နည်းသင်တန်းမှ သင်တန်းသူများ ကိုယ်တိုင်ရက်လုပ်ထားသည့် “ခြင်း”များအား လိုက်လံကြည့်ရှုအားပေးခဲ့ကြပြီး တာဝန်ရှိ သူများနှင့်စုပေါင်းမှတ်တမ်းတင်ဓါတ်ပုံ ရိုက်ကူးကြသည်။

အဆိုပါ အခြေခံ”ခြင်း”ရက်နည်းသင်တန်းအား ဒီဇင်ဘာလ ၂၄ ရက်နေ့မှ ၂၉ ရက် နေ့အထိ သင်တန်းသား/သူ ၂၅ ဦးဖြင့် ၅ ရက်ကြာသင်ကြားပေးခဲ့ပြီး အခြေခံကွန်ပျူတာ သင်တန်းအား ဒီဇင်ဘာလ ၄ ရက်မှနေ့မှ ၂၀၂၅-ခုနှစ်၊ ဇန်နဝါရီလ ၃ နေ့ရက်အထိ သင်တန်းသား/သူ ၂၀ ဖြင့် ၁ လကြာ ဖွင့်လှစ်သင်ကြားပေးခဲ့ကြောင်း သိရသည်။

မုံရွာ၊ ဇန်နဝါရီ ၇

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေး အမှတ်စဉ် (၁/၂၀၂၅)ကို ဇန်နဝါရီလ ၇ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး ရင်းနှီးမြှုပ်နှံမှုကော်မ တီအဖွဲ့ဝင်များ၊ အတွင်းရေးမှူးနှင့် ကုမ္ပဏီလုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က ကော်မတီအဖွဲ့ဝင်များအနေဖြင့် ရင်းနှီးမြှင့်နှံမှုလုပ်ငန်းအသစ်များ ထပ်မံ ဝင်ရောက်အောင် ဖိတ်ခေါ်ခြင်းအပြင် ခွင့်ပြုပြီးရင်းနှီးမြှပ်နှံမှု လုပ်ငန်းများကိုလည်း အကောင်အထည်ဖော်ဆောင်ရွက်ရာတွင် နှောင့်နှေးကြန့်ကြာမှုများ မရှိစေရေးအတွက် လုပ်ငန်းရှင်များနှင့်ပေါင်းစပ်ကူညီ ဆောင်ရွက်ပေးသွားကြရန် လိုအပ်ပါကြောင်း၊ ယခု ဘဏ္ဍာနှစ်တွင် မိမိတို့တိုင်းဒေသကြီးအတွင်း ရင်းနှီးမြှပ်နှံမှုတိုးမြှင့်ခြင်းများအပါအဝင် ပြည်တွင်းရင်းနှီးမြှပ်နှံမှု ပမာဏ ကျပ် ၁၉၉၆၄.၈၀၀ သန်း ဝင်ရောက်ထားပြီး ထပ်မံ၍ ရင်းနှီးမြှုပ်နှံမှုများ တိုးမြှင့်ဝင်ရောက်လာစေရေး ကော်မတီအဖွဲ့ဝင်များက အားပေးဖိတ် ခေါ်သွားကြရန် လိုအပ်ပါကြောင်း၊ ရင်းနှီးမြှပ်နှံလုပ်ငန်းများ တိုးမြှင့်ဝင်ရောက်လာမှသာ ဒေသတွင်းရှိပြည်သူများ အလုပ်အကိုင်အခွင့်လမ်းများရရှိလာမည် ဖြစ်ပါကြောင်း၊ တိုင်း ဒေသကြီးအတွင်း စိုက်ပျိုးရေးလုပ်ငန်းများ ဆောင်ရွက်နိုင်သည့် သဘာဝပတ်ဝန်းကျင် ကောင်းများစွာရှိသကဲ့သို့ စိုက်ပျိုးရေး သွင်းအားစုများဖြစ်သည့် မျိုးစေ့၊ ဓါတ်မြေသြဇာ၊ သဘာဝမြေသြဇာများထုတ်လုပ်သည့် လုပ်ငန်းများနှင့် ဝါး/ကြိမ်စသည့် သဘာဝထွက် ပစ္စည်းများမှ အချောထည်ပစ္စည်းများ ထုတ်လုပ်နိုင်သည့် လုပ်ငန်းများစွာရှိပါကြောင်း၊ မွေးမြူရေးကဏ္ဍအနေဖြင့် တိုင်းဒေသကြီးအတွင်း လူဦးရေ သိန်း ၅၀ ကျော်ရှိသည့် အတွက် အသားထုတ်လုပ်မှု၊စားသုံးမှု ဖူလုံပြည့်ဝစေရေးအတွက် ကြက်/ဝက်မွေးမြူရေး လုပ်ငန်း များနှင့် တည်ဆောက်ရေးလုပ်ငန်းသုံးပစ္စည်းများဖြစ်သည့် ဘိလပ်မြေ၊ သွပ်၊ သံ၊ သံမဏိ ထုတ်လုပ်သည့်လုပ်ငန်းများအား စက်မှုဇုန်များနှင့်စက်မှုဇုန်ပြင်ပမြေများတွင် မြေယာသုံးစွဲခွင့်လျှောက်ထားပြီး လုပ်ငန်းများလုပ်ကိုင်ဆောင်ရွက် နိုင်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး ရင်းနှီးမြှုပ်နှံမှုကော်မတီ အတွင်းရေးမှူး၊ တိုင်းဒေသ ကြီးရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်ဆင့်ဆင့်သန်းက ယခင်အစည်းအဝေးဆုံးဖြတ်ချက်များ၏ ဆောင်ရွက်ပြီးစီးမှုနှင့် ၂၀၂၄-ခုနှစ်၊ နိုဝင်ဘာလနှင့်ဒီဇင်ဘာလတို့အတွင်း စိစစ်ကြပ်မတ်ခဲ့သည့် ရင်းနှီးမြှုပ်နှံမှု လုပ်ငန်းအခြေအနေများနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီး မြှုပ်နှံမှု ကော်မတီအဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက်၍ ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြား သည်။

ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ ဇန်နဝါရီ ၆

စစ်ကိုင်းတိုင်းဒေသကြီး၊ ၂၀၂၄-၂၀၂၅ ပညာသင် နှစ်၊ ပညာရေးစုံညီပွဲတော် အခမ်းအနားကို ဇန်နဝါရီလ ၆ ရက်နေ့၊ နံနက်ပိုင်းတွင် မုံရွာမြို့၊ အမှတ်(၂)အခြေခံပညာအထက်တန်းကျောင်းဝန်းအတွင်း၌ ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ မုံရွာမြို့ပေါ်ရှိ အခြေခံပညာကျောင်းများနှင့် ကိုယ်ပိုင် ကျောင်းများမှ ကျောင်းအုပ်ကြီးများ၊ ဆရာ/ဆရာမများ၊ ကျောင်းသားမိဘများနှင့် ကျောင်းသား/ကျောင်းသူများ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူ များက Finess Dance အဖွဲ့နှင့် ဘင်ခရာ/ပန်းပွားအဖွဲ့များမှ တီးမှုတ်ကပြဖျော်ဖြေနေမှုများအား ကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာ ဝန်ကြီး ဦးညွန့်ဝင်းအောင်၊ တိုင်းဒေသကြီး ပညာရေးမှူး ဦးသက်လေးဦး၊ မုံရွာခရိုင် ပညာရေးမှူးရုံးမှ လက်ထောက်ညွှန်ကြားရေးမှူး ဒေါ်ခင်စန်းဝင်းနှင့် လူရည်ချွန် ၂ ထပ်ကွမ်း မောင်ဟိန်းသူဝင်းတို့က ၂၀၂၄-၂၀၂၅ ပညာသင်နှစ်၊ ပညာရေးစုံညီပွဲတော် အခမ်းအနားအား ဖဲကြိုးဖြတ်ဖွင့်လှစ်ပေးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက ၂၀၂၄-၂၀၂၅ ပညာသင်နှစ်၊ ပညာရေးစုံညီပွဲတော် အခမ်းအနားတွင် ပါဝင်ကူညီခဲ့ကြသည့် ဘင်ခရာ/ပန်းပွားအဖွဲ့နှင့် Finess Dance အဖွဲ့များအား ဂုဏ်ပြုချီးမြှင့်ငွေများ ပေးအပ်ချီး မြှင့်ခဲ့ကြပြီး အဆိုပါမုဒ်ဦးရှေ့တွင် စုပေါင်းမှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက မုံရွာမြို့ပေါ်ရှိ အခြေ ခံပညာကျောင်းများမှ ကျောင်းသား/သူများ၏ ကရာတေး/မြန်မာ့သိုင်း သရုပ်ပြသမှုများအားကြည့်ရှုအားပေးကြပြီး တိုင်းဒေသကြီး အစိုးရအဖွဲ့ဝင်များက ဂုဏ်ပြုချီးမြှင့်ငွေများ ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမှတ်(၂)အခြေခံ ပညာကျောင်းအတွင်းရှိ စာသင်ခန်းများတွင် မုံရွာမြို့ပေါ်ရှိ အခြေခံပညာကျောင်းများနှင့် ကိုယ်ပိုင်ကျောင်းများမှ သီးပင်၊စားပင်၊အရိပ်ရပင်နှင့်ပန်းအလှပင်ပြခန်း၊ သင်ထောက်ကူ ပြခန်း၊ သိပ္ပံလက်တွေ့ပြခန်း၊ ပန်းချီ/ထုံးဓလေ့/အိမ်တွင်းမှုပြခန်းနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်းပြခန်းများအား လိုက်လံကြည့်ရှုအားပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းဝန်းအတွင်းရှိ သလ္လာဝတီခန်းမတွင် ကျင်းပပြုလုပ်သည့် ၂၀၂၄-၂၀၂၅ ပညာသင် နှစ်၊ ပညာရေးစုံညီပွဲတော် ဒုတိယပိုင်း အခမ်းအနားသို့ တက်ရောက်ကြသည်။

ဦးစွာ မုံရွာမြို့၊ အမှတ်(၂)အခြေခံပညာ အထက် တန်း ကျောင်းမှ ကျောင်းသား/ ကျောင်းသူများမှ “ ကြိုဆိုပါသည်စုံညီပွဲတော် “ တေးသီချင်းသီဆို၍ အခမ်းအနားအား ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့ကျင်းပပြုလုပ် သည့်ပညာရေးစုံညီပွဲတော်တွင် တိုင်းဒေသကြီးအဆင့် ထူးချွန်သူများအား ဂုဏ်ပြုချီးမြှင့် ပေးခြင်းဖြင့် ပို၍ထူးချွန်သည့်ကျောင်းသား/သူလေးများ ပေါ်ထွက်လာရေးအား များစွာ အထောက်အကူပြုနိုင်မည်ဖြစ်သည့်အပြင် ပညာရေးမဟာဗျူဟာစီမံကိန်း၏ အခြေခံ ပညာကဏ္ဍမျှော်မှန်းချက်များ အောင်မြင်ရေးအတွက် အထောက်အကူပြုစေမည် ဖြစ်ပါ ကြောင်း၊ လူသားအရင်းအမြစ် ဖွံ့ဖြိုးတိုးတက်ရေးအတွက် ပညာသင်ကြား၊ သင်ယူမှုလုပ် ငန်းစဉ်များသည် အရေးကြီးအခန်းကဏ္ဍတွင် ပါဝင်လျှက်ရှိပါကြောင်း၊ အရည် အချင်းရှိသည့်ပညာတတ်နိုင်ငံသားများ အများအပြားရှိသည့်နိုင်ငံများသည် ဖွံ့ဖြိုးတိုးတက်မှု အားကောင်းသည့်နိုင်ငံများအဖြစ် ရပ်တည်နေကြသည်ကို မျက်မြင်တွေ့မြင်နိုင်ပါ ကြောင်း၊ ဆရာ/ဆရာမများအနေဖြင့် မိမိ၏တပည့်များအား ကာယဗလ၊ ဉာဏဗလ၊ စာရိတ္တဗလ၊ မိတ္တဗလ၊ ဘောဂဗလစသည့် ဗလ(၅)တန်နှင့်ပြည့်စုံသည့် လူရည်မွန်လေး များဖြစ်အောင် ကျောင်းသင်ခန်းစာများအား သင်ကြားပေးရင်း လေ့ကျင့်ပျိုးထောင်ပေး သွားကြရန် လိုအပ်ပါကြောင်း၊ တာဝန်ရှိသူအားလုံးအနေဖြင့်လည်း နိုင်ငံတည်ငြိမ်အေး ချမ်းရေး၊ တိုးတက်ဖွံ့ဖြိုးရေးနှင့် စားရေရိက္ခာပြည့်ဝပြီး အေးချမ်းစွာဖြင့်နေထိုင်နိုင်သည့် ဂုဏ်ယူဖွယ်ကောင်းသည့် နိုင်ငံတော်ကြီးအဖြစ် ဝိုင်းဝန်းတည်ဆောက်ကာ အနာဂတ်တွင် ဆက်လက်တာဝန်ယူကြမည့် ယနေ့ကျောင်းသား/သူများအတွက် ကောင်းမွန်သည့်အမွေ အနှစ်များ လက်ဆင့်ကမ်းနိုင်အောင် ဆထက်တိုးကြိုးစားဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်က Clean and Green School ဆုရ ကျောင်းများမှ ကျောင်းအုပ်ကြီးများထံ ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များ အားလည်းကောင်း၊ တိုင်းဒေသကြီး ဝန်ကြီးချုပ်၏ဇနီးက ၂၀၂၄-ခုနှစ်၊ ကမ္ဘာ့ဆရာများ နေ့အထိမ်းအမှတ် ဆောင်းပါးပြိုင်ပွဲ(ဗဟိုအဆင့်)တွင် ဒုတိယဆုရရှိသူနှင့် ပြန်ကြားရေး နှင့်ပြည်သူ့ဆက်ဆံရေးဦးစီးဌာန (ရုံးချုပ်)၏ Online မှတစ်ဆင့် ပုံပြင်ပြောပြိုင်ပွဲတွင် နိုင်ငံတော်အဆင့် (ဒုတိယ)ဆုရရှိကြသူများအား ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအားလည်းကောင်း ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး ပညာရေးမှူးတို့က ၂၀၂၄-ခုနှစ်၊ တိုင်းဒေသကြီးအဆင့် အင်္ဂလိပ်၊ သင်္ချာ၊ စွမ်းရည်ပြိုင်ပွဲများတွင် ဆုရရှိကြသူများ၊ (၂၅)ကြိမ်မြောက် မြန်မာ့ရိုးရာယဉ်ကျေးမှု အဆို၊အက၊အရေး၊ အတီးပြိုင်ပွဲများတွင် ဆုရရှိကြသူ များ၊ စစ်ကိုင်းတိုင်းဒေသကြီး ဝန်ကြီးချုပ်ဖလား ဘောလုံးပြိုင်ပွဲတွင် ဆုရရှိကြသူများနှင့်ပြခန်းပြိုင်ပွဲတွင် ဆုရရှိကြသူများအား ဂုဏ်ပြုချီးမြှင့် ငွေနှင့်ဂုဏ်ပြုဆုလက်မှတ်များအား အသီးသီးပေးအပ် ချီးမြှင့်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများ၊ အခမ်းအနားသို့ တက်ရောက်လာသူများက မုံရွာမြို့ပေါ်ရှိအခြေခံပညာ ကျောင်းများနှင့်ကိုယ်ပိုင် ကျောင်းများမှ ကျောင်းသား/သူများက တေးသီချင်းဖြင့် သီဆိုကပြဖျော်ဖြေမှုများအား ကြည့်ရှုအားပေးကြသည်။

ထို့နောက် တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက သီဆိုက ပြဖျော်ဖြေခဲ့ကြသည့် ကျောင်းသား/သူများအား ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ ကြောင်း သိရသည်။

မုံရွာ ဇန်နဝါရီ ၅

၂၀၂၅-ခုနှစ်၊ (၇၇)နှစ်မြောက်၊ လွတ်လပ်ရေးနေ့အထိမ်းအမှတ် စစ်ကိုင်းတိုင်းဒေသကြီး အစိုးရအဖွဲ့မှ ဂုဏ်ထူးဆောင်လက်မှတ်နှင့် ဆုငွေများချီးမြှင့်ခြင်းအခမ်းအနားကို ဇန်နဝါရီလ ၄ ရက်၊ မွန်းလွဲပိုင်းက မုံရွာမြို့၊ ချင်းတွင်းခန်းမတွင် ကျင်းပရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ဂုဏ်ထူးဆောင်တံဆိပ်ရရှိကြသူများနှင့် ဖိတ်ကြားထားသူ များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့ အနေဖြင့် တိုင်းဒေသကြီးအတွင်း မှီတင်းနေထိုင်ကြသည့် ဝန်ထမ်းများနှင့်ပြည်သူများထဲမှ တိုင်းဒေသကြီး၏ လုံခြုံတည်ငြိမ်အေးချမ်းရေးနှင့် ဒေသဖွံ့ဖြိုးရေး၊ စားရေရိက္ခာပေါများရေးတို့ အား ဆောင်ရွက်နေမှုများတွင် တစ်ထောင့်တစ်နေရာမှ စွမ်းစွမ်းတမံ ကိုယ်ကြိုးစွန့်လွတ်ဆောင် ရွက်ခဲ့ကြသူများ၊ တီထွင်ကြံဆပါဝင်ကူညီခဲ့ကြသူများအား ဂုဏ်ပြုချီးမြှင့်ခဲ့ရာတွင် ၂၀၂၁-ခုနှစ်၊ သြဂုတ်လမှ ယနေ့အချိန်ထိ ၆ ကြိမ်မြောက် ရှိလာပြီဖြစ်ပါကြောင်း၊ တိုင်းဒေသကြီးအကျိုးစီး ပွားအားကာကွယ်စောင့်ရှောက်ရာတွင် တစ်ဖက်တစ်လမ်းမှ အစွမ်း ကုန်ကူညီဆောင်ရွက်ပေးမှု များအား မိမိတို့တိုင်းဒေသကြီး အစိုးရအဖွဲ့အနေဖြင့် မှတ်တမ်းတင်ဂုဏ်ပြုကျေးဇူးတင်ရှိပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က အမှုထမ်းကောင်းဆု ၁၀၂ ဆု၊ ဇေယျာစီမံထူး ချွန်ဆု(ပထမအဆင့်) ၃၀ ဆု၊ ဇေယျာစီမံထူးချွန်ဆု(ဒုတိယအဆင့်) ၅၄ ဆု၊ ဇေယျာစီမံထူးချွန်ဆု (တတိယအဆင့်) ၄၀ ဆု၊ ဇေယျာလယ်ယာစီးပွားထူးချွန်ဆု (တတိယအဆင့်) ၁၁ ဆု၊ ဇေယျာ စက်မှုစီးပွားထူးချွန်ဆု(တတိယအဆင့်) ၅ ဆုနှင့် ဇေယျာလူမှုထူးချွန်ဆု(ဒုတိယအဆင့်) ၃ ဆုနှင့် ဇေယျာလူမှုထူးချွန်ဆု(တတိယအဆင့်) ၄၄ ဆု၊ စုစုပေါင်းဆုရရှိသူ ၂၈၉ ဦးအား ဂုဏ်ထူးဆောင် လက်မှတ်နှင့် ဂုဏ်ပြုချီးမြှင့်ငွေများပေးကာ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများသည် ညနေပိုင်းတွင် အဆိုပါခန်းမတွင် ကျင်းပပြုလုပ်သည့် ၂၀၂၅-ခုနှစ်၊ (၇၇) နှစ်မြောက်၊ လွတ်လပ်ရေးနေ့အထိမ်းအမှတ် ဂုဏ်ပြုညစာစားပွဲ အခမ်းအနားသို့ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့များနှင့် ဂုဏ်ပြုညစာစားပွဲ အခမ်းအနားသို့ တက်ရောက်လာကြသူများက မုံရွာမြို့ပေါ်ရှိ ဌာနဆိုင်ရာများမှဝန်ထမ်းများနှင့် တက္ကသိုလ်/ဒီဂရီကောလိပ်များမှ ကျောင်းသား/သူများ၊ အခြေခံ ပညာကျောင်းများမှ ကျောင်းသား/သူများ၏ တေးသီချင်းများဖြင့် သီဆိုကပြဖျော်ဖြေမှုများအား ကြည့်ရှုအားပေးကြသည်။

မုံရွာ ဇန်နဝါရီ ၄

၂၀၂၅-ခုနှစ်၊(၇၇)နှစ်မြောက် လွတ်လပ်ရေးနေ့ အလံတင်အခမ်းအနားကို ဇန်နဝါရီလ ၄ ရက်၊ နံနက်ပိုင်းက စစ်ကိုင်းတိုင်းဒေသကြီး၊ မုံရွာမြို့၊ အရှေ့ကန်သာယာကန်ရှိ လွတ်လပ်ရေး ကျွန်းတွင် ကျင်းပပြုလုပ်ရာ အခမ်း အနားသို့ တိုင်းဒေသကြီး အစိုးရ အဖွဲ့ဝင်များ၊ တိုင်း ဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဂုဏ်ပြုတပ်ခွဲနှင့် လူမှုရေးအသင်း အဖွဲ့ဝင်များ၊ မြို့မိမြို့ဖများနှင့် ရပ်ကွက်နေပြည်သူများ တက်ရောက်ကြသည်။

ရှေးဦးစွာ တိုင်းဒေသကြီး အစိုးရအဖွဲ့ဝင်များနှင့် အလံတင်အခမ်းအနားသို့ တက်ရောက် လာသူများက ပြည်ထောင်စုသမ္မတ မြန်မာနိုင်ငံတော်အလံအား အလေးပြုကြပြီး နံနက်(၄)နာရီ မိနစ်(၂၀)အချိန်တွင် မြန်မာနိုင်ငံတော်အလံအား တိုင်ထိပ်သို့လွှင့်တင်ကာ အလေးပြုကြသည်။

ဆက်လက်၍ ၂၀၂၅-ခုနှစ်၊ (၇၇)နှစ်မြောက်၊ လွတ်လပ်ရေးနေ့သဝဏ်လွှာ ဖတ်ကြားခြင်း အခမ်း အနားကို အဆိုပါလွတ်လပ်ရေးကျွန်းတွင် ကျင်းပပြုလုပ်ရာ အခမ်းအနားသို့ တိုင်းဒေသကြီးဝန်ကြီး ချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ် မျိုးမင်းထွေး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင် ရာများနှင့် တာဝန်ရှိသူများ တက်ရောက်ကြသည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းမှူးနှင့် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဂုဏ်ပြုတပ်ခွဲတို့မှ ပြည်ထောင်စု သမ္မတ မြန်မာနိုင်တော်အလံအား အလေးပြုကြသည်။

ယင်းနောက် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံမှ ၂၀၂၅-ခုနှစ်၊ (၇၇)နှစ်မြောက်၊ လွတ်လပ်ရေးနေ့အခမ်းအနားသို့ ပေးပို့သည့် သဝဏ်လွှာအား တိုင်းဒေသကြီး ဝန်ကြီးချုပ် ဦးမြတ်ကျော်က ဖတ်ကြားပြီး ဂုဏ်ပြုတပ်ခွဲမှအလေးပြုကာ တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့ အားကစားကွင်းတွင် ကျင်းပပြုလုပ်သော ၂၀၂၅-ခုနှစ်(၇၇)နှစ်မြောက် လွတ်လပ်ရေးနေ့ အထိမ်း အမှတ် အားကစားပြိုင်ပွဲများနှင့်ပျော်ပွဲရွှင်ပွဲများ ဆုချီးမြှင့်ပွဲအခမ်းအနားသို့ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ က ပြည်သူ့အားကစားကွင်းအတွင်း မုံရွာမြို့ပေါ်ရှိ တက္ကသိုလ်/ဒီဂရီကောလိပ်များမှ ကျောင်း သား/သူများ၊ ဌာနဆိုင်ရာများမှ ဝန်ထမ်းများနှင့်မိသားစုဝင်များ၊ အခြေခံပညာကျောင်းများမှ ကျောင်းသား/သူများ၏ မီတာ ၁၀၀၊ မီတာ ၂၀၀၊ မီတာ ၄၀၀၊ မီတာ ၈၀၀၊ မီတာ ၁၅၀၀၊ ထုပ်စီးတိုးပြိုင်ပွဲ၊ အမျိုးသား/အမျိုးသမီး လွန်ဆွဲပြိုင်ပွဲ၊ ခေါင်းအုံးရိုက်ပြိုင်ပွဲ၊ စကောရွက်ပြိုင်ပွဲ၊ ဂိုးသွင်းပြိုင်ပွဲ၊ သံပုံးရိုက်ပြိုင်ပွဲ၊ အာလူးကောက်ပြိုင်ပွဲ၊ ခြေပူးအပြေးပြိုင်ပွဲများ တစ်ပျော်တစ်ပါး ယှဉ်ပြိုင် ကစားနေမှုများအား ကြည့်ရှုအားပေးကြသည်။

ဆက်လက်၍ ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဝန်ကြီးချုပ်က အမျိုး သားမီနီမာရသွန် အပြေးပြိုင်ပွဲတွင် ပထမ၊ ဒုတိယ၊ တတိယနှင့် နှစ်သိမ့်ဆုရရှိကြသူများအား ဂုဏ်ပြုဆုတံဆိပ်နှင့် ဂုဏ်ပြုချီးမြှင့်ငွေများအား လည်းကောင်း၊ တိုင်းဒေသကြီး ဝန်ကြီးချုပ်၏ ဇနီးက အမျိုးသမီး မီနီမာရသွန်အပြေးပြိုင်ပွဲတွင် ပထမ၊ ဒုတိယ၊ တတိယနှင့် နှစ်သိမ့်ဆုရရှိ ကြသူများအား ဂုဏ်ပြုဆုတံဆိပ်နှင့် ဂုဏ်ပြုချီးမြှင့်ငွေများအား လည်းကောင်း အသီးသီးပေး အပ်ချီးမြှင့်ကြသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာန ဆိုင်များက မီတာ ၁၀၀၊ မီတာ ၂၀၀၊ မီတာ ၄၀၀၊ မီတာ ၈၀၀၊ မီတာ ၁၅၀၀၊ ထုပ်စီးတိုးပြိုင်ပွဲ၊ အမျိုးသား/အမျိုးသမီး လွန်ဆွဲပြိုင်ပွဲ၊ ခေါင်းအုံးရိုက်ပြိုင်ပွဲ၊ ဂိုးသွင်းပြိုင်ပွဲ၊ စကောရွက်ပြိုင်ပွဲ၊ သံပုံးရိုက်ပြိုင်ပွဲ၊ အာလူးကောက်ပြိုင်ပွဲနှင့် ခြေပူးအပြေးပြိုင်ပွဲများတွင် ပထမ၊ ဒုတိယ၊ တတိယနှင့် နှစ်သိမ့်ဆု ရရှိကြသူများအား ဂုဏ်ပြုဆုတံဆိပ်နှင့် ဂုဏ်ပြုချီးမြှင့်ငွေများ အသီးသီးပေး အပ်ချီးမြှင့်ခဲ့ကြောင်း သိရသည်။

မုံရွာ၊ ဇန်နဝါရီ ၃

၂၀၂၅-ခုနှစ်၊ (၇၇) နှစ်မြောက် လွတ်လပ်ရေးနေ့ အထိမ်းအမှတ် အမျိုးသား၊အမျိုးသမီး မီနီမာရသွန်ပြိုင်ပွဲနှင့် စက်ဘီးပြိုင်ပွဲကို ဇန်နဝါရီလ ၃ ရက်၊ နံနက်ပိုင်းတွင် မုံရွာမြို့၊ အရှေ့ကန်သာယာရှိ ပြည်ထောင်စုရင်ပြင်တွင်ကျင်းပရာ ပြိုင်ပွဲယှဉ်ပြိုင်ရာသို့ တိုင်းဒေသကြီးဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ အရာထမ်း၊အမှုထမ်းများ၊ မြို့နေ ပြည်သူများ၊ ပြိုင်ပွဲဝင်အားကစားသမားများ တက်ရောက်ကြသည်။

ဦးစွာ အမျိုးသား၊အမျိုးသမီး မီနီမာရသွန်ပြိုင်ပွဲအား တာထွက်အချက်ပြကာ ဖွင့်လှစ်ပေးပြီး ပြိုင်ပွဲဝင်မီနီမာရသွန် အားကစားသမားများမှ ပြည်ထောင်စုရင်ပြင်မှ စတင်ထွက်ခွာ၍ အနောက်ကန်သာယာကန်အား ၃ ပတ်အကွာအဝေး ၃ မိုင်ပတ်၍ ယှဉ်ပြိုင်ကြ သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ အရာထမ်း/အမှုထမ်းများက အရှေ့ကန်သာယာကန်ရှိ ပြည်ထောင်စုရင်ပြင်သို့ ပြိုင်ပွဲဝင် မီနီမာရသွန် အားကစားသမားများ ပန်းဝင်လာမှုအား တစ်ပျော်တစ်ပါး ကြည့်ရှုအားပေး ကြိုဆိုကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါမုဒ်ဦးတွင် အမျိုးသား၊အမျိုးသမီး စက်ဘီးပြိုင်ပွဲယှဉ်ပြိုင်နေများအား ကြည့်ရှုအားပေးကြပြီး တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ အရာထမ်း၊အမှု ထမ်းများမှ အနောက်ကန်သာယာကန်အား ၅ ပတ် အကွာအဝေး ၅ မိုင်ပတ်၍ ပန်းဝင်လာကြသည့် စက်ဘီးပြိုင် ပွဲဝင်အားကစားသမားများအား သောင်းသောင်းဖျဖျ ကြိုဆိုအားပေးခဲ့ကြောင်း သိရသည်။