မုံရွာ၊ အောက်တိုဘာ ၁

၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခြင်း အနေဖြင့် စစ်ကိုင်းတိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့နယ်၌ ကောက်ကွက် ပေါင်း ၁၅၁ ကွက်တွင် စာရင်းစစ် ၁၄ ဦး၊ စာရင်းကောက် ၅၀ ဦးဖြင့် အောက်တိုဘာလ ၁ ရက်၊ နံနက် ၇ နာရီအချိန်မှစတင်၍ ကောက်ယူဆောင်ရွက်လျက်ရှိရာသို့ စစ်ကိုင်းတိုင်း ဒေသကြီး သန်းခေါင်စာရင်းကောက်ယူရေး ကြီးကြပ်မှုကော်မတီ ဉက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသ ကြီး ဝန်ကြီးချုပ်၏ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့် ဌာနဆိုင်ရာများ၊ ဟုမ္မလင်းခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများမှ ဟုမ္မလင်းမြို့၊ ဟုမ္မလင်းရပ်ကွက်အတွင်းရှိ အိမ်ထောင်စုများအား တစ်အိမ်တက်ဆင်း လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူနေမှု များအား သွားရောက်ကြည့်ရှု အားပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့ နယ်၊ ခေါင်ခမ်းကျေးရွာအတွင်းရှိ အိမ်ထောင်စုများအား တစ်အိမ်တက်ဆင်း လူဦးရေ နှင့်အိမ်အကြောင်းအရာ သန်းခေါင်စာရင်းကောက်ယူနေမှုများအား သွားရောက်ကြည့်ရှု အားပေးခဲ့ကြပြီး ကျေးရွာနေပြည်သူများအား ရင်းရင်းနှီးနှီးနှုတ်ဆက်ခဲ့ကြသည်။

၂၀၂၄-ခုနှစ်၊ အောက်တိုဘာလ ၁ ရက်၊ နံနက် ၇ နာရီအချိန်တွင် လူဝင်မှုကြီး ကြပ်ရေးနှင့်ပြည်သူ့အင်အားဝန်ကြီးဌာန ဟုမ္မလင်းခရိုင်ဦးစီးမှူးနှင့် စာရင်းစစ်၊စစ်ရင်း ကောက်များမှ ဒေသတည်ငြိမ်အေးချမ်းရေးနှင့် ဒေသဖွံ့ဖြိုးရေးလုပ်ငန်းများဆောင်ရွက် ရန် ဟုမ္မလင်းမြို့၊ ဟုမ္မလင်းရိပ်သာ၌ ခေတ္တရောက်ရှိနေသည့် တိုင်းဒေသကြီး ဝန်ကြီးချုပ် နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများအား သန်းခေါင်စာရင်းဆိုင်ရာ အချက်အလက်များ ကောက်ယူခြင်းအား ဆောင် ရွက်ခဲ့သည်။

စစ်ကိုင်းတိုင်းဒေသကြီးအနေဖြင့် ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခြင်းအား တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့် ရဒေသနှင့် ခရိုင် ၁၃ ခရိုင်အတွင်းရှိ မြို့နယ်ပေါင်း ၂၇ မြို့နယ်၌ ကောက်ကွက်ပေါင်း ၁၉၇၆ ကွက်၊ စာရင်းစစ် ၂၅၂ ဦး၊ စာရင်းကောက် ၇၇၄ ဦး စုစုပေါင်း ၁၀၂၆ ဦးဖြင့် ကောက်ယူသွားမည် ဖြစ်ကြောင်း သိရသည်။

မုံရွာ၊ အောက်တိုဘာ ၁

ချင်းတွင်းမြစ်ကမ်းတစ်လျှောက်ရှိ မြို့နယ်/ရပ်ကွက်/ကျေးရွာများရှိ ဒေသခံပြည် သူများ ငါးစားသုံးမှုဖူလုံစေရေးနှင့် မြစ်ချောင်းများအတွင်း ငါးသယံဇာတပေါများစေရေး တို့အတွက် ချင်းတွင်းမြစ်အတွင်း ငါးမျိုးစိုက်ထည့်ခြင်း အခမ်းအနားကို အောက်တိုဘာ လ ၁ ရက်၊ နံနက်ပိုင်းတွင် ဟုမ္မလင်းမြို့၊ ချင်းတွင်းမြစ်အတွင်း ကျင်းပရာ အခမ်အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် မြို့နေပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ ဟုမ္မလင်းခရိုင်/မြို့နယ်အဆင့် ဌာန ဆိုင်ရာများ၊ မြို့နေပြည်သူများနှင့် ဒေသခံတိုင်းရင်းသားများမှ ချင်းတွင်းမြစ်အတွင်း ၂ လက်မအရွယ်ရှိ ငါးမြစ်ချင်း ငါးသားပေါက်ကောင်ရေ ၅၀၀၀၀ နှင့် ငါးခုံးမကြီး ငါးသား ပေါက်ကောင်ရေ ၅၀၀၀၀ စုစုပေါင်းကောင်ရေ ၁ သိန်းအား တစ်ပျော်တစ်ပါး ချင်းတွင်း မြစ်အတွင်း ငါးမျိုးများ စိုက်ထည့်ပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ငါးမျိုးစိုက်ခြင်း အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ အောက်တိုဘာ ၁

စစ်ကိုင်းတိုင်းဒေသကြီးရဲတပ်ဖွဲ့၏ ကြီးမှူးကျင်းပပြုလုပ်သော ၂၀၂၄ ခုနှစ် နှစ်(၆၀)ပြည့် မြန်မာနိုင်ငံရဲတပ်ဖွဲ့နေ့အခမ်းအနားကို အောက် တိုဘာလ ၁ ရက်နေ့ နံနက်ပိုင်းတွင် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမ တွင် ကျင်းပရာ အခမ်းအနားသို့ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး တရားသူကြီးချုပ်၊ တိုင်းဒေသ ကြီး အစိုးရအဖွဲ့ဝင်များ၊ တိုင်း ဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြန်မာနိုင်ငံရဲ တပ်ဖွဲ့ဝင်များနှင့်ဇနီးများ၊ ဆုရရဲတပ်ဖွဲ့ဝင်များ၊ တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက အနာဂတ်ကာလမှာ မြန်မာနိုင်ငံရဲတပ်ဖွဲ့ ခေတ်မီဖွံ့ဖြိုး တိုးတက်လာစေဖို့အတွက် နိုင်ငံတော်အပိုင်းက ရုပ်ဝတ္ထုပစ္စည်း ပံ့ပိုးမှုတွေ ဖြည့်ဆည်းပေးနေသလို တပ်ဖွဲ့ဝင်များဘက်ကလည်း စိတ်ပိုင်းဆိုင်ရာ ခံယူချက် ယုံကြည်ချက်နှင့် ဆည်းပူးလေ့လာ ကြိုးစားနေကြဖို့ မှာကြားလိုကြောင်း ၊ မြန်မာနိုင်ငံရဲတပ်ဖွဲ့က ဦးထိပ်ပန်ဆင်ထားတဲ့ “သစ္စာ၊ သမာဓိ၊ သတ္တိ”ဆိုတဲ့ ဆောင်ပုဒ်နှင့်အညီ နိုင်ငံတော်နှင့် ပြည်သူအပေါ် သစ္စာရှိစွာ တာဝန်ထမ်းဆောင်သွားကြစေကြောင်း၊ တာဝန်ထမ်းဆောင်ရာ မှာလည်း အဂတိကင်းရှင်းပြီး ဖြောင့်မတ်တည်ကြည်သော သမာဓိဖြင့် အမှန်တရားအတွက် စွန့်လွှတ် စွန့်စားတဲ့စိတ်နှင့် သတ္တိရှိရှိ ရဲရင့်စွာ ကြိုးပမ်းဆောင်ရွက်သွားကြပါကြောင်း၊ မြန်မာနိုင်ငံရဲတပ်ဖွဲ့ရဲ့ရည်မှန်းချက်တာဝန်(၄)ရပ်ကို ထိရောက် အောင်မြင်စွာ အကောင်အထည်ဖော် ဆောင်ရွက်သွားကြဖို့ ပြည်သူလူထုရဲ့ လိုအပ်ချက်များကို ဥပဒေနှင့်အညီ အကူအညီ ပေးပြီး ပြည်သူလူထု ပူးပေါင်းပါဝင်တဲ့ ရဲလုပ်ငန်းစနစ်ကို အလေးထားအကောင်အထည် ဖော် ဆောင်ရွက်သွားကြစေ လို ကြောင်း၊ မြန်မာနိုင်ငံရဲတပ်ဖွဲ့ရဲ့ ဂုဏ်သိက္ခာကို ထိန်းသိမ်းမြှင့်တင်ပေးတဲ့ တပ်ဖွဲ့ဝင်များ ဖြစ်စေရေးအတွက် လုပ်ငန်းတာဝန်များ ထမ်းဆောင် ရာတွင် ဥပဒေ၊ လုပ်ထုံးလုပ်နည်းများနှင့်အညီ ဖြောင့်မတ်တည်ကြည် မှန်ကန်စွာ၊ အဂတိကင်းရှင်းစွာ ဆောင်ရွက်သွားကြရန်နှင့် အမိနိုင်ငံတော်နှင့် မြန်မာနိုင်ငံရဲတပ်ဖွဲ့အတွက် ပေးအပ်တဲ့ တာဝန်တွေကို ဦးလည်မသုန် ထမ်းရွက်နိုင်တဲ့ တပ်ဖွဲ့ဝင်ကောင်းများ ဖြစ်အောင် အစဉ်ကြိုးပမ်းသွားကြ ရန် အမှာစကားပြောကြားခဲ့သည်။

ယင်းနောက် တိုင်းဒေသကြီးရဲတပ်ဖွဲ့မှူး ရဲမှူးကြီး နိုင်လင်းက မြန်မာနိုင်ငံရဲတပ်ဖွဲ့ ရဲချုပ်၏သဝဏ်လွှာအား ဖတ်ကြားပြီး နောက် စစ်ကိုင်းတိုင်းဒေသကြီး၊တရားသူကြီးချုပ်ဦးဇော်ထူးက တစ်ဆင့်မြင့်ရာထူး ရရှိသူ(၂)ဦး၊ ရဲသူရတံဆိပ် ရရှိသူ(၁)ဦး၊ ရဲဗလတံဆိပ်ရရှိသူ(၁)ဦးကျပ်သိန်း(၁၀၀၀၀)နှင့်အထက်မူးယစ်းဆေးဝါးများဖမ်းဆီးရမိ အောင်ဆောင်ရွက်နိုင်သူ(၁)ဦးအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး က ရဲသူရတံဆိပ် ရရှိသူ(၁)ဦး၊ တစ်ဆင့်မြင့်ရာထူး ရရှိသူ(၂)ဦး၊ ရဲဗလတံဆိပ်ရရှိသူ(၁)ဦး၊ ကျပ်သိန်း (၁၀၀၀၀)နှင့်အထက် မူးယစ်ဆေးဝါးဖမ်းဆီးရမိ အောင်ဆောင်ရွက်နိုင်သူ(၁)ဦးအားတို့အားလည်းကောင်း၊အနောက်မြောက်တိုင်း စစ်ဌာနချုပ်၊ ဦးစီး ဗိုလ်မှူးကြီး စစ်ရေးဗိုလ်မှူးကြီးဇော်လင်းထွန်းကတစ်ဆင့်မြင့်ရာထူးရရှိသူ(၂)ဦးရဲဗလတံဆိပ်ရရှိသူ(၂)ဦးကျပ်သိန်းပေါင်း(၁၀၀၀၀) နှင့်အထက် မူးယစ်ဆေးဝါးများဖမ်းဆီးရမိသူ (၁)ဦးတိုအားလည်းကောင်း အသီးသီးဆုချီးမြှင့်ခဲ့ကြသည်။

ထို့နောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးနှင့် တာဝန်ရှိသူများက နှစ်(၆၀)ပြည့် မြန်မာနိုင်ငံ ရဲတပ်ဖွဲ့နေ့ အထိမ်းအမှတ် Video Click အားကြည့်ရှုအားပေးပြီး ဆုရရဲတပ်ဖွဲ့ဝင်များနှင့်အတူ စုပေါင်းမှတ်တမ်းတင် ဓာတ်ပုံ ရိုက်ကူးကာ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ပြီး စစ်ကိုင်းတိုင်းဒေသကြီး ရဲတပ်ဖွဲ့၏ အသိပညာပေးနံရံကပ်ဓာတ်ပုံပြခန်းများအား ကြည့်ရှုအားပေးခဲ့သည်။

မုံရွာ၊ စက်တင်ဘာ ၃၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ခန္တီးခရိုင် စီမံအုပ်ချုပ်ရေးအဖွဲ့ ဉက္ကဌနှင့် တာဝန်ရှိသူများ လိုက်ပါလျက် စက်တင်ဘာလ ၃၀ ရက်နေ့၊ နံနက်ပိုင်းတွင် စစ်ကိုင်တိုင်းဒေသကြီး၊ ခန္တီးခရိုင်၊ ခန္တီးမြို့ရှိ မေတ္တာဆည်သို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးနှင့် တာဝန်ရှိသူများမှ မြို့နေပြည်သူများ သောက်သုံးရေအသုံးပြုနိုင်ရန်အတွက် ရေဂါလံ ၃၄ သိန်းသိုလှောင်ထားနိုင်သည့် အကျယ် ၁ ဧကကျော်ရှိ စိမ့်စမ်းရေထွက်အား ဆည်ပိတ်ကာ အနက် ၁၂ ပေတူးဖော်ထား သည့် မေတ္တာဆည် ဆောင်ရွက်ထားရှိမှုအား ရှင်းလင်းတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ မေတ္တာ ဆည်တူးဖော်ပြီးစီးမှုအား ကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်း တွင် ဟုမ္မလင်းမြို့နယ်၊ ချင်းတွင်းမြစ်ကူးတံတား(ထမံသီ) တည်ဆောက်ရေး ရှင်းလင်းဆောင်သို့ ရောက်ရှိကြသည်။

ရှေးဦးစွာ ဆောက်လုပ်ရေးဝန်ကြီးဌာန၊ တံတားဦးစီးဌာန၊ တည်ဆောက်ရေးအဖွဲ့(၂)မှ အင်ဂျင်နီယာမှူးက ချင်းတွင်းမြစ်ကူးတံတား(ထမံသီ) တည်ဆောက်ရေးလုပ်ငန်းများ ဘဏ္ဍာနှစ် အလိုက်ဆောင်ရွက်နေမှုနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား လည်းကောင်း၊ ဟုမ္မလင်းခရိုင် လမ်းဦးစီးဌာနမှ လက်ထောက်ညွှန်ကြားရေးမှူးမှ ချင်းတွင်းမြစ် ကူးတံတား(ထမံသီ) ပင်းမရွာဘက်ခြင်းနှင့် ထမံသီရွာဘက်ခြမ်းတို့တွင် ချဉ်းကပ်လမ်းများ ဖောက်လုပ်ပြီးစီးမှုနှင့် ဆက်လက်ဆောင်ရွက်မည့် လုပ်ငန်းအခြေအနေများအား လည်းကောင်း ရှင်းလင်းတင်ပြကြပြီး တိုင်းဒေသကြီး လမ်းဦးစီးဌာနမှ ညွှန်ကြားရေးမှူး က တည်ဆောက်ရေးလုပ်ငန်းများနှင့် ပတ်သက်၍ ဖြည့်စွက်တင်ပြဆွေးနွေးသည်။

ယင်းနောက် တိုင်းဒေသကြီး ဝန်ကြီးချုပ်က စစ်ကိုင်းတိုင်းဒေသကြီး ဟုမ္မလင်းခရိုင်နှင့် နာဂကိုယ်ပိုင်အုပ်ချုပ်ခွင့်ရဒေသရှိ ပြည်သူများ၏ လူမှုစီးပွားဘဝနှင့် နယ်မြေဒေသဖွံ့ဖြိုးတိုး တက်ရေးအတွက်များစွာ အထောက်အကူပြုသည့် တံတားကြီးတစ်စင်း ဖြစ်ပါကြောင်း၊ ဒေသ၏ ထုတ်ကုန်များအား လွယ်ကူမြန်ဆန်စွာသယ်ယူပို့ဆောင်နိုင်ကာ ပညာရေး၊ ကျန်းမာရေး၊ စီးပွား ရေးကိုပါ ဖွံ့ဖြိုးတိုးတက်စေမည်ဖြစ်ပါ၍ တည်ဆောက်ရေးလုပ်ငန်းများအား သက်မှတ်ကာလ တွင်ပြီးစီးရေးနှင့် သက်မှတ်စံချိန်စံညွှန်းများနှင့် အညီအရည်အသွေးကောင်းမွန်အောင် တည် ဆောက်သွားရန် လိုအပ်ပါကြောင်း၊ ဘဏ္ဍာနှစ်အလိုက်ရရှိသည့် ရန်ပုံငွေများကိုလည်း စနစ် တကျသုံးစွဲသွားကြရန်နှင့် လုပ်ငန်းခွင်ဘေးအန္တရာယ်ကင်းရှင်းရေးကိုလည်း သတိပြုဆောင်ရွက် စေလိုပါကြောင်း အသေးစိတ်မှာကြားပြီး တည်ဆောက်လုပ်ငန်းများနှင့်ပတ်သက်၍ ရှင်းလင်း တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ချင်းတွင်းမြစ်ကူးတံ တား(ထမံသီ) တံတားကြီး တည်ဆောက်ရေးဆိုင်ရာ ပစ္စည်းများကို လိုက်လံကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ ချင်းတွင်းမြစ်ကူးတံတား(ထမံသီ)သည် ဟုမ္မလင်းခရိုင်၊ ဟုမ္မလင်းမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသအတွင်းရှိ လေရှီးမြို့-ပန်ဆပ်-ဆွမ္မရာမြို့လမ်းပေါ်တွင် ချင်းတွင်း မြစ်အားဖြတ်၍ တည်ဆောက်ထားသည့် သံကူကွန်ကရစ် တံတားအမျိုးအစားဖြစ်ပြီး တံတား အရှည် - ၈၀၁ မီတာ၊ အကျယ် - ၉.၄ မီတာ၊ တံတားအခန်းပေါင်း - ၁၅ ခန်း ၊ ရေလမ်းကင်းလွတ် အမြင့် ၄၀ ပေ(HFL)ဖြင့် တည်ဆောက်နေခြင်းဖြစ်ပြီး တည်ဆောက်ရေးလုပ်ငန်းတစ်ခုလုံး၏ ၆၆ ရာခိုင်နှုန်းပြီးစီးနေပြီဖြစ်သည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စက်တင်ဘာလ ၂၉ ရက်၊ ညနေပိုင်းတွင် ခန္တီးခရိုင်၊ ခန္တီးမြို့နယ် အထွေထွေအုပ်ချုပ်ရေးဦးစီးဌာနရုံးရှိ အစည်းအဝေး ခန်းမတွင် ၂၀၂၄-ခုနှစ်၊ လူဦးရေနှင့်အိမ်အကြောင်းအရာသန်းခေါင်စာရင်း မြို့နယ် စာရင်းစစ်၊ စာရင်းကောက်များနှင့် တွေ့ဆုံပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ လူဦးရေနှင့်အိမ် အကြောင်းအရာသန်းခေါင်စာရင်းကောက်ယူရေးလုပ်ငန်းများအား တာဝန်ယူဆောင်ရွက် ကြမည့် ခရိုင်/မြို့နယ်များမှ တာဝန်ရှိသူအားလုံးအနေဖြင့် လုပ်ငန်းများအောင်မြင်အောင် ဌာနဆိုင်ရာအချင်းချင်း ပူးပေါင်းဆောင်ရွက်သွားကြရန် လိုအပ်ပါကြောင်း၊ စာရင်းများ ကောက်ယူရာတွင် ကိန်းဂဏန်းများမှန်ကန်တိကျစေရေး အလေးထားဆောင်ရွက်သွား ကြရန် လိုအပ်ပါကြောင်း ပြောကြားခဲ့သည်။

ဆက်လက်ပြီး ခန္တီးခရိုင် စီမံအုပ်ချုပ်ရေးအဖွဲ့ ဉက္ကဌ ဦးအောင်စိုးမိုးက ခန္တီးခရိုင် အတွင်းရှိ မြို့နယ်/ရပ်ကွက်/ကျေးရွာအလိုက် လူဦးရေနှင့်အိမ်အကြောင်းအရာသန်းခေါင် စာရင်းကောက်ယူရေးလုပ်ငန်းများ ကြိုတင်ပြင်ဆင်ဆောင်ရွက်ထားရှိမှုများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ အခမ်းအနား သို့တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ခန္တီးမြို့နယ် အတွင်းရှိ ဒေသခံတောင်သူများအား သွင်းအားစုများ ထောက်ပံ့ပေးအပ်ပွဲ အခမ်းအနား သို့တက်ရောက်ရာ တိုင်းဒေသကြီး ဝန်ကြီးချုပ်က အမှာစကား ပြောကြားသည်။

ထို့နောက် တိုင်းဒေသကြီး စိုက်ပျိုးရေးဦးစီးဌာန ညွှန်ကြားရေးမှူးက သွင်းအားစု များထောက်ပံ့ပေးအပ်ရခြင်းနှင့် ပတ်သက်၍ ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက ခန္တီးမြို့နယ်အတွင်းရှိ ဒေသခံတောင်သူများအား သွင်းအားစုများ၊ မျိုးစေ့များနှင့် ဆေး ဖြန်းပုံးများအား ထောက်ပံ့ပေးအပ်ကာ အခမ်းအနားသို့ တက်ရောက်လာကြသော ဒေသ ခံတောင်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ စက်တင်ဘာ ၂၉

စစ်ကိုင်းတိုင်းဒေသကြီး ဝန်းကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ နာဂကိုယ်ပိုင်းအုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ဉက္ကဌနှင့် အဖွဲ့ဝင်များသည် စက်တင်ဘာလ ၂၉ ရက်‌၊ နံနက်ပိုင်းတွင် နာဂ ကိုယ်ပိုင်အုပ်ချုပ်ခွင့်ရဒေသ၊ လဟယ်မြို့ရှိ ထေရဝါဒဗုဒ္ဓသာသနာပြု(ဗဟို)ကျောင်းသို့ ရောက်ရှိရာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးတို့က ဆရာတော်ကြီးထံ လှူဘွယ်ပစ္စည်းများ၊ ဆွမ်းဆန်တော်၊ဆီ၊ဆား၊ပဲများနှင့် ဘုန်းတော်ကြီးသင် စာသင်ကျောင်းရှိ ကျောင်းသူ/သူများအတွက် ကျောင်းဝတ်စုံများ၊ ကျောင်းသုံးဗလာစာအုပ်များ ဆက်ကပ်လှူဒါန်းခဲ့ကြပြီး သာသနာရေးဆိုင်ရာများ လျှောက်ထားခဲ့ကြသည်။

စစ်ကိုင်းတိုင်းဒေသကြီး အမျိုးသမီးရေးရာအဖွဲ့နှင့် မိခင်နှင့်ကလေးစောင်ရှောက်မှုကြီး ကြပ်ရေးအဖွဲ့တို့မှလည်း လဟယ်မြို့ရှိ ထေရဝါဒဗုဒ္ဓသာသနာပြု(ဗဟို)ကျောင်း ဆရာတော်ထံ ဝတ္ထုငွေ၊ ဆန်၊ဆီ၊ဆားတို့အား ဆက်ကပ်လှူဒါန်းကာ အဆိုပါကျောင်းရှိ ကျောင်းသူ/သူများကို ကျောင်းဝတ်စုံများ၊ ကျောင်းသုံးဗလာစာအုပ်များ ထောက်ပံ့ပေးအပ်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူ များသည် နာဂကိုယ်ပိုင်အုပ်ချုပ်ခွင့်ဒေသ၊ လဟယ်မြို့ရှိ ဟွေထိုက် အသေးစားရေအား လျှပ်စစ်စီမံကိန်းရှင်းလင်းဆောင်သို့ ရောက်ရှိရာ ရေအားလျှပ်စစ်အကောင်အထည်ဖော်ရေး ဦးစီးဌာန၊ အမှတ်- ၂ တည်ဆောက်ရေးမှ လက်ထောက်ညွှန်ကြားရေးမှူးမှ ဟွေထိုက် အသေးစား ရေအားလျှပ်စစ်စီမံကိန်း တည်ဆောက်ရေးလုပ်ငန်းများအား ဘဏ္ဍာနှစ်အလိုက်ဆောင်ရွက်ပြီး စီးမှုများနှင့် ဆက်လက်ဆောင်ရွက်သွားမည့်လုပ်ငန်း အခြေအနေများနှင့် ပတ်သက်၍ ရှင်းလင်းတင်ပြရာ ဝန်ကြီးချုပ်က တည်ဆောက်ရေးလုပ်ငန်းများအား အရည် အသွေးကောင်းမွန်စွာဖြင့် စံချိန်စံညွှန်းမီကာသက်မှတ်ကာလတွင် အချိန်မီပြီးစီးရေး၊ တည်ဆောက်ရေးလုပ်ငန်းသုံးပစ္စည်းများလုပ်ငန်းခွင်သို့ အချိန်မီရောက်ရှိရေးနှင့် လုပ်ငန်းခွင် အန္တရာယ်ကင်းရှင်းရေးတို့အား မှာကြားခဲ့ပြီးနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟွေထိုက် အသေး စားရေအားလျှပ်စစ်စီမံကိန်း ပင်မတမံ၊ ရေသွယ်မြောင်း၊ ရေလွှဲရေထုတ်ပြွန် တည်ဆောက်ရေး လုပ်ငန်းများ ဆောင်ရွက်နေမှုတို့အား လိုက်လံကြည့်ရှု့စစ်ဆေးခဲ့ကြသည်။

အဆိုပါ နာဂကိုယ်ပိုင်အုပ်ချုပ်ခွင့်ဒေသ၊ လဟယ်မြို့ရှိ ဟွေထိုက် အသေးစားရေအား လျှပ်စစ်စီမံကိန်းသည် ဟွေထိုက်ချောင်းပေါ်တွင် ရေထိန်းတမံတစ်ခုတည်ဆောက်၍ ရေသို လှောင်ပြီးရရှိလာမည့် ရေအားအမြင့်ကိုအသုံးပြလျက် ၄ မဂ္ဂါဝပ် တပ်ဆင်စက်အင်အားရှိ လျှပ်စစ်ဓါတ်အားပေးစက်ရုံတည်ဆောက်ကာ နှစ်စဉ်လျှပ်စစ်ဓါတ်အား ၂၀.၃၁၈ ကီလိုဝပ်နာရီ သန်းပေါင်းအား ထုတ်လုပ်နိုင်မည်ဖြစ်ပြီး လဟယ်မြို့နှင့် အနီးဝန်းကျင်ကျေးရွာများအား လျှပ်စစ်ဓါတ်အားထုတ်လုပ်ဖြန့်ဖြူးနိုင်မည်ဖြစ်သည်။

ယင်းနောက် လဟယ်မြို့နေ ပြည်သူများ သောက်သုံးရေအဆင်ပြေစေရန်နှင့် အပန်းဖြေနိုင်စေရန်အတွက် တစ်ရက်လျှင် ရေဂါလံ ၁၅၀၀၀၀ ခန့် ထွက်ရှိသည့်စိမ့် စမ်းရေအား ဆည်ပိတ်ကာ ပြန်လည်တူးဖော်ခဲ့သည့် အကျယ် ၃ ဧက ကျော်နှင့် အနက် ၁၂ ပေရှိ ရေဂါလံ ၉၈ သိန်းကျော် သိုလှောင်ထားနိုင်သည့် မိုးဒါန်းကန် ဆောင်ရွက်ပြီးစီးမှုအား လိုက်လံ ကြည့်ရှုစစ် ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လမ်းအထူး (၁၉)အဖွဲ့မှ ဆောင်ရွက်နေသည့် ခန္တီး-ဆင်သေ-လဟယ်လမ်းပေါ်ရှိ လဟယ်မြို့အဝင် လမ်းအား လမ်းပခုံးသားတိုးချဲ့နေမှု၊ မြေထိန်းနံရံများကြံ့ခိုင်မှုရှိစေရေး လုပ်ငန်းများ ဆောင်ရွက်နေမှုနှင့် လဟယ်မြို့အဝင် မုဒ်ဦးတည်ဆောက်ပြီးစီးမှုတို့အား လိုက်လံကြည့်ရှု စစ်ဆေးခဲ့ကြသည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စက်တင်ဘာလ ၂၈ ရက်၊ မွန်းလွဲပိုင်းက နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့ရှိ နာဂရိုးရာယဉ် ကျေးမှုပြတိုက်၌ ကျင်းပပြုလုပ်သော လဟယ်မြို့ရှိ ဒေသအဆင့်၊ မြို့နယ်အဆင့်ဌာန ဆိုင်ရာများ၊ နာဂရိုးရာစာပေနှင့် ယဉ်ကျေးမှုအဖွဲ့များနှင့် တွေ့ဆုံပွဲအခမ်းအနားသို့ တက် ရောက်ကြရာ လဟယ်မြို့ နှင့် နန်းယွန်းမြို့နယ် စီမံအုပ်ချုပ်ရေးအဖွဲ့ ဥက္ကဌများက မိမိတို့ မြို့နယ်အလိုက် မြို့ဖွံ့ဖြိုးရေးလုပ်ငန်းများ အကောင် အထည်ဖော် ဆောင်ရွက်နေသည့် လုပ်ငန်းအခြေအနေများအား ရှင်းလင်းတင်ပြကြပြီး နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌ ဦးထွန်းထွန်းဝင်းက နာဂကိုယ်ပိုင်အုပ်ချုပ်ခွင့်ရဒေသ အတွင်း ရှိမြို့နယ်များ၏ဖွံ့ဖြိုးရေးလုပ်ငန်းများ ဆောင်ရွက်နေမှုများနှင့် ပတ်သက်၍ ဖြည့်စွက် ဆွေးနွေး တင်ပြကြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရ အဖွဲ့များဝင်က မိမိတို့ဌာနများအလိုက် တာဝန်ယူဆောင်ရွက်နေသည့် နာဂကိုယ်ပိုင်အုပ် ချုပ်ခွင့်ရဒေသအတွင်းရှိ မြို့နယ်များ၌ ဒေသတည်ငြိမ်အေးချမ်းရေးနှင့် ပညာရေး၊ ကျန်း မာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး၊ မြို့သန့်ရှင်းသာယာလှပရေး နှင့် ၂၀၂၄-ခုနှစ်၊ လူဦးရေနှင့်အိမ်အကြောင်း အရာကောက်ယူရေးဆိုင်ရာ လုပ်ငန်းများပူး ပေါင်းဆောင်ရွက်ပေးနေမှုများနှင့် ပတ်သက်၍ ရှင်းလင်းပြောကြားကြသည်။

ထို့နောက် အခမ်းအနားသို့ တက်ရောက်လာကြသည့် ဒေသအဆင့်၊ မြို့နယ်အဆင့် ဌာနဆိုင်ရာများ၊ နာဂရိုးရာစာပေနှင့် ယဉ်ကျေးမှုအဖွဲ့များက လဟယ်မြို့ဖွံ့ဖြိုးတိုးတက် အတွက် လိုအပ်သည်များအား ဆွေးနွေးတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က နာဂရိုးရာစာပေနှင့်ယဉ်ကျေးမှု အဖွဲ့အား ငွေကျပ် ၁၀ သိန်းအား လည်းကောင်း၊ တိုင်းဒေသကြီး လူမှုရေးရာဝန်ကြီးက လုံခြုံရေးတာဝန်များထမ်းဆောင်နေသူများအတွက် ငွေကျပ် ၁၀ သိန်းအားလည်း ကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီးက ဒေသအဆင့်ဌာနဆိုင်ရာ ဝန် ထမ်းများအတွက် ငွေကျပ် ၁၀ သိန်းအား လည်းကောင်း၊ တိုင်းဒေသကြီး တိုင်းရင်းသား ရေးရာဝန်ကြီးက မြို့နယ်အဆင့်ဌာနဆိုင်ရာ ဝန်ထမ်းများအတွက် ငွေကျပ် ၁၀ သိန်းအား လည်းကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက နန်းယွန်းမြို့နယ် ဌာနဆိုင် ရာဝန်ထမ်းများအတွက် ငွေကျပ် ၁၀ သိန်း အားလည်းကောင်း တာဝန်ရှိသူများထံ အသီး သီးထောက်ပံ့ပေးအပ်ပြီး တိုင်းဒေသကြီး စိုက်ပျိုးရေးဦးစီးဌာန၊ ညွှန်ကြားရေးမှူးက လဟယ်မြို့ ဒေသခံတောင်သူများအတွက် ဆီထွက်သီးနှံနေကြာမျိုးစေ့များ ထောက်ပံ့ပေး အပ်ခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ဒေသဖွံ့ဖြိုးတိုးတက် ရေးလုပ်ငန်းများအား ဒေသတည်ငြိမ်အေးချမ်းပြီး တရားဥပဒေစိုးမိုးမှုရှိမှသာ ဆောင်ရွက် ပေးနိုင်မည်ဖြစ်သဖြင့် တာဝန်ရှိသူများအားလုံးမှ အလေးထားဆောင်ရွက်သွားကြရန်၊ နာဂဒေသအတွင်းရှိ ဒေသခံပြည်သူများ လူမှုစီးပွားဘ၀များဖွံ့ဖြိုးတိုး တက်ရေးအတွက် နိုင်ငံတော်နှင့် တိုင်းဒေသကြီးအစိုးရအဖွဲ့အနေဖြင့် လမ်းပန်းဆက် သွယ်ရေး အပါအဝင် စိုက်ပျိုးရေး၊ မွေးမြူရေး၊ ပညာ ရေး၊ ကျန်းမာရေး၊ နိုင်ငံ့စီးပွားမြှင့်တင်ရေးရန်ပုံငွေဖြင့် MSMEs လုပ်ငန်းများ ဖွံ့ဖြိုးတိုး တက်ရေး ဆောင်ရွက်ပေးနေမှု အခြေအနေများနှင့် နာဂဒေသအတွင်းရှိ တိုင်းရင်းသား ပြည်သူများ စားရေရိက္ခာပေါများရေးအတွက် စိုက်ပျိုးမွေးမြူထုတ်လုပ်ရန် ဌာနဆိုင်များနှင့်ဒေသခံပြည်သူများမှ ဝိုင်းဝန်းကြိုးပမ်း ဆောင်ရွက်သွားကြရန် လိုအပ်မှုအခြေ အနေများကို အသေးစိတ်ရှင်းလင်းမှာကြားကာတက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရသည်။

မုံရွာ၊ စက်တင်ဘာ ၂၈

ကျောင်းစာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော် အခမ်းအနားကို စက်တင်ဘာလ ၂၈ ရက်၊ နံနက်ပိုင်းက စစ်ကိုင်းတိုင်းဒေသကြီး၊ နာဂ ကိုယ်ပိုင်အုပ်ချုပ်ခွင့်ရဒေသ၊ လဟယ်မြို့၊ အခြေခံပညာနှင့်စက်မှု၊စိုက်ပျိုး၊မွေးမြူရေး အထက်တန်းကျောင်းဝန်းအတွင်း၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်း ဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ လဟယ်မြို့ပေါ်ရှိ အခြေခံပညာကျောင်း များမှ ကျောင်းအုပ်ကြီးများ၊ ဆရာ/ဆရာမများ၊ ကျောင်းသား/သူများနှင့် ကျောင်းသား မိဘများတက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ဉက္ကဌ ဦးထွန်းထွန်းဝင်း၊ တိုင်းဒေသကြီး တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်၊ တိုင်းဒေသကြီးပညာရေးမှူး ဦးသက်လေးဦး၊ တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူး ဒေါ်ခင်စောလင်းတို့က ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေး ပွဲတော်အား ဖဲကြိုးဖြတ် ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါမုဒ်ဦးရှေ့ တွင်စုပေါင်းမှတ်တမ်း ဓါတ်ပုံရိုက်ကူးကာ ဘင်ခရာ/ပန်းပွားအဖွဲ့တို့အား ဂုဏ်ပြုချီးမြှင့် ငွေများပေးအပ်ချီးမြှင့်ကြပြီး လဟယ်မြို့ပေါ်ရှိအခြေခံပညာကျောင်းများမှ ကျောင်းသား/ သူများက ကြိုဆိုကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းရှိ ချယ်ရီမြိုင်ခန်းမတွင် ကျင်းပပြုလုပ်သော ကျောင်းစာကြည့်တိုက်များဖွံ့ဖြိုးတိုး တက်ရေးနှင့် စာဖတ်ရှိန်မြှင့်တင်ရေးပွဲတော် အခမ်းအနားသို့ တက်ရောက်ကြသည်။

ဦးစွာ လဟယ်မြို့၊ အခြေခံပညာနှင့်စက်မှု၊စိုက်ပျိုး၊မွေးမြူရေး အထက်တန်း ကျောင်းမှ ကျောင်းသား/သူများက “ပညာဘဏ်တိုက် စာကြည့်တိုက်သို့သွားကြစို့” တေး သီချင်းသီဆို၍ အခမ်းအနားအား ဖွင့်လှစ်ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ကျောင်းသားလူငယ်များ အတွက် စာပေဖတ်ရှုသည့် အဝန်းအဝိုင်းအား ဖော်ဆောင်ပေးရာတွင် စာသင်ကျောင်း တိုင်းတွင် စာကြည့်တိုက်များ ထားရှိပေးရမည်ဖြစ်ပါကြောင်း၊ ကျောင်းစာကြည့်တိုက်များ အပြင် ရပ်ကွက်/ကျေးရွာများတွင် ဖွင့်လှစ်ထားရှိသည့် စာကြည့်တိုက်များ၊ ပြန်ကြားရေး နှင့်ပြည်သူ့ဆက်ဆံရေးဦးစီးဌာနမှ ဖွင့်လှစ်ထားသည့် စာကြည့်တိုက်များအား ကျောင်းသား လူငယ်များသွားရောက် စာပေဖတ်ရှုကြရန် ဆရာ၊မိဘနှစ်ရပ်လုံးမှ ပူးပေါင်းဆောင် ရွက်ပေးသွားကြရန် လိုအပ်ပါကြောင်း၊ ကျောင်းသာ/သူများအနေဖြင့် နိုင်ငံတော်နှင့် ပြည် သူအားအကျိုးပြုမည့် စာကောင်းပေမွန်များအား ဖတ်ရှုလေ့လာသွားကြရန် လိုအပ်ပါ ကြောင်း၊ တာဝန်ရှိသူများအနေဖြင့် စာတတ်သူတိုင်းစာဖတ်ကြရန်၊ ကျောင်းသား/သူ လူငယ်လူရွယ်များ စာကြည့်တိုက်သို့သွားရောက်ပြီး စာပေဖတ်ရှုသည့် အလေ့အထ ဖြစ်စေရန် အသိပညာပေးခြင်းများအား ဆက်လက်ဆောင်ရွက်ပေးသွားကြရန် လိုအပ် ပါကြောင်း၊ စာပေဖတ်ရှုခြင်းမှတစ်ဆင့် စဉ်းစားတွေးခေါ်ဉာဏ်နှင့် အသိပညာများ ပြည့်ဝပြီး ဗလငါးတန်နှင့်ပြည့်စုံသည့် လူတော်လူကောင်းများ ပေါ်ထွက်လာမှာဖြစ်ပါ ကြောင်း၊ စာပေဖတ်ရှုလေ့လာခြင်းအားဖြင့် အသိပညာဗဟုသုတပြည့်ဝပြီး တိုင်းပြည် အတွက်အားထားရသည့် တန်ဖိုးထားရသော အနာဂတ်ခေါင်းဆောင်များ၊လူတော်လူကောင်း များဖြစ်အောင် ကြိုးစားသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က လဟယ်မြို့နယ် ပညာရေးမှူးထံ လဟယ်မြို့ပေါ်ရှိ အခြေခံပညာကျောင်း ၅ ကျောင်း၏ကျောင်းစာကြည့်တိုက်များအတွက် ထောက်ပံ့ငွေကျပ်သိန်း၅၀ အားပေးအပ်ပြီး တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးက ကျောင်းစာကြည့်တိုက်များဖွံ့ဖြိုး တိုး တက်ရေးနှင့်စာဖတ်ရှိန် မြှင့် တင်ရေးပွဲတော် ကျပန်းစကေားပြောပြိုင်ပွဲများတွင် ပထမ၊ ဒုတိယ၊ တတိယဆုရရှိသော ကျောင်းသာ/သူများအား ဂုဏ်ပြုချီးမြှင့်ငွေနှင့်မှတ်တမ်း လွှာများအား ပေးအပ်ချီးမြှင့်သည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာ များက ကျောင်းစာကြည့်တိုက်များ ဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေး ပွဲတော်အထိမ်းအမှတ် အထက်တန်း/အလယ်တန်းအဆင့် ကျပန်းစကားပြော ပြိုင်ပွဲ၊ စာစီ စာကုံးပြိုင်ပွဲ၊ ဆေးရောင်ခြယ်ပြိုင်ပွဲ၊ ပုံပြောပြိုင်ပွဲနှင့် ကဗျာရွတ်ပြိုင်ပွဲများတွင် ပထမ၊ ဒုတိယ၊ တတိယဆုရရှိကြသူများအား ဂုဏ်ပြုချီးမြှင့်ငွေနှင့် မှတ်တမ်းလွှာများအား အသီး သီး ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကျောင်းစာကြည့် တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်အထိမ်းအမှတ် ကျပန်း စကားပြောပြိုင်ပွဲ၊ ရသစာပေစာဖတ်စွမ်းရည်ပြိုင်ပွဲနှင့် ပုံပြောပြိုင်ပွဲတို့တွင် ပထမဆုရရှိ သော ကျောင်းသား/သူများက ပြန်လည်တင်ဆက်မှုများအား ကြည့်ရှုအားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက “ စာပေပဒေသာ ဝေဆာမည််” Video Clip အား ကြည့်ရှုအားပေးကာ လဟယ်မြို့ပေါ်ရှိ အခြေခံပညာ ကျောင်းများမှ ကျောင်းသား/သူများနှင့် နာဂတိုင်းရင်းသား ကျောင်းသား/သူများက တေး သီချင်းများဖြင့် သီဆိုကပြဖျော်ဖြေကြပြီး တိုင်းဒေသကြီးအစိုးရအဖွဲ့ အတွင်းရေးမှူးက သီဆိုကပြဖျော်ဖြေပေးသွားကြသော ကျောင်းသား/သူများနှင့် တိုင်းရင်းသားများအတွက် ဂုဏ်ပြုချီးမြှင့်ငွေများ ပေးအပ်ချီးမြှင့်ကာတက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်း ဝန်းအတွင်းရှိ စာသင်ခန်းများ၌ ကျင်းပပြုလုပ်လျက်ရှိသည့် စာစီစာကုံးပြိုင်ပွဲ၊ ပုံပြော ပြိုင်ပွဲ၊ ကဗျာရွတ်ဆိုပြိုင်ပွဲ၊ စကားပုံဆက်ပြိုင်ပွဲ၊ ဆေးရောင်ခြယ်ပြိုင်ပွဲများနှင့် နာဂဒေသ ထွက်ကုန်ပစ္စည်းများနှင့် နိုင်ငံတော်ဖွံ့ဖြို့တိုးတက်မှု မှတ်တမ်းဓါတ်ပုံများအား လိုက်လံ ကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျောင်းဝန်း အတွင်း ခါးလှည့်ကွင်းပြိုင်ပွဲ၊ စကားပုံဆက်ပြိုင်ပွဲနှင့် ပူစီးဖောင်းဖောက်ပြိုင်ပွဲများ ယှဉ် ပြိုင်နေမှုများအား လိုက်လံကြည့်ရှုခဲ့အားပေးကာ ပြိုင်ပွဲများတွင်ဆုရရှိကြသည့် ကျောင်း သား/သူများအား ဂုဏ်ပြုဆုများပေးအပ်ချီးမြှင့်ခဲ့ကြပြီး ဆရာ/ဆရာမများ၊ ကျောင်းသား/ သူများအား ရင်းရင်းနှီးနှီးနှုတ်ဆက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့၊ နာဂရိုးရာယဉ်ကျေးမှုပြတိုက်၌ ကျင်းပပြုလုပ်သော ၂၀၂၄-ခုနှစ်၊ လူဦးရေနှင့်အိမ် အကြောင်းအရာသန်းခေါင်စာရင်းကောက်ယူရေးဆိုင်ရာ လုပ်ငန်းညှိနှိုင်းအစည်းဝေးနှင့် စာရင်းစစ်/စာရင်းကောက် သင်တန်းဆင်းပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး သန်ခေါင်စာရင်းကြီးကြပ်မှုကော်မတီ ဉက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က သင်တန်းသား၊သူများအနေဖြင့် ၂၀၂၄-ခုနှစ်၊ လူဦးရေနှင့်အိမ် အကြောင်းအရာ သန်းခေါင်စာရင်းကောက်ယူရေးလုပ်ငန်းတွင် ပူးပေါင်းပါဝင်မှုအပေါ် မိမိ တို့တိုင်းဒေသကြီးအစိုးရအဖွဲ့မှ အသိမှတ်ပြုပါကြောင်း၊ သန်းခေါင်စာရင်းကောက်ယူရေး နှင့်ပတ်သက်၍ လုပ်ငန်းများဆောင်ရွက်ကြရာတွင် တာဝန်ရှိသူအားလုံးမှ အလေးနက် ထားဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီး သန်ခေါင်စာရင်းကြီးကြပ်မှုကော်မတီ အတွင်းရေး မှူး၊ လူဝင်မှုကြီးကြပ်ရေးနှင့်ပြည်သူ့အင်အားဆိုင်ရာဝန်ကြီးဌာန၊ ခရိုင်ဦးစီးမှူးက လဟယ်မြို့နယ်အတွင်း လူဦးရေနှင့်အိမ်အကြောင်းအရာသန်းခေါင်စာရင်း အောင်မြင် စွာကောက်ယူနိုင်ရေးအတွက် ကြိုတင်ပြင်ဆင်ဆောင်ရွက်ထားရှိမှု အခြေအနေများအား လည်းကောင်း၊ လဟယ်မြို့နယ်နှင့် နန်းယွန်းမြို့နယ် သန်ခေါင်စာရင်းကြီးကြပ်မှု ကော်မတီ ဉက္ကဌများက မိမိတို့မြို့နယ်များအတွင်း လူဦးရေနှင့်အိမ်အကြောင်းအရာ သန်းခေါင်စာရင်း ကောက်ယူသွားမည့် လုပ်ငန်းအခြေအနေများအား ရှင်းလင်းတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌထံ လူဦးရေနှင့်အိမ်အကြောင်းအရာ သန်းခေါင်စာရင်းကောက် ယူနိုင်ရေးအတွက် ထောက်ပံ့ငွေကျပ် သိန်း ၃၀ အားပေးအပ်ကာ သင်တန်းသား/သူများထံ စာရင်းစစ်/စာရင်းကောက် ခန့်အပ်လွှာ များ ပေးအပ်ခဲ့ကြ ကြောင်းသိရသည်။