မုံရွာ၊ ဇူလိုင် ၂၃

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ဆက်ဆံ ရေးဦးစီးဌာနမှဖွင့်လှစ်သည့် ကွန်ပျူတာအခြေခံသင်တန်း (၄/၂၀၂၄) သင်တန်းဆင်းပွဲ အခမ်း အနားကို ဇူလိုင်လ ၂၃ ရက်၊ နံနက်ပိုင်းတွင် မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီး ဌာနရုံးရှိ လူထုအခြေပြုဗဟိုဌာန Community Centre ခန်းမတွင်ကျင်းပရာ သင်တန်းဆင်းပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ သင်တန်းနည်းပြများနှင့် သင်တန်းသား၊ သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့ အနေဖြင့် တိုင်းဒေသကြီးအတွင်းရှိ လူငယ်လူရွယ်များ ကွန်ပျူတာနည်းပညာများ တတ်မြောက် ကျွမ်းကျင်စေရန် အလုပ်အကိုင်အခွင့်အလမ်းများရရှိစေရန်နှင့် အချိန်ကိုအကျိုးရှိစွာ အသုံးချ တတ်စေရန်ရည်ရွယ်ပြီး တိုင်းဒေသကြီးအတွင်းရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်ရုံးစိုက်ရာ မြို့ပေါင်း ၆ မြို့တွင် ကွန်ပျူတာသင်တန်းများဖွင့်လှစ်နိုင်ရန် ကွန်ပျူတာနှင့် ဆက်စပ်ပစ္စည်းများအား ထောက်ပံ့ပေးခဲ့ပြီး ကွန်ပျူတာသင်တန်းများအား စဉ်ဆက်မပြတ်ဖွင့် လှစ်နိုင်ရန် ဆောင်ရွက်ပေးခဲ့ပါကြောင်း၊
ကွန်ပျူတာသင်တန်းတက်ရောက်ခဲ့ကြသည့် လူငယ်များအနေဖြင့် သင်တန်းမှရရှိခဲ့သည့် အသိပညာ၊နည်းပညာများအား ကျွမ်းကျင်တတ်မြောက်အောင် ဆက်လက်လေ့လာဆည်းပူး သွားကြရန် လိုအပ်ပါကြောင်း၊ သင်တန်းသား/သူများအနေဖြင့် မိမိတို့၏ဘဝများ အောင်မြင်မှု များရရှိအောင်နှင့် မိမိဒေသအေးချမ်းသာယာပြီး ဖွံ့ဖြိုးတိုးတက် အောင်ဝိုင်းဝန်းဖော်ဆောင်နိုင် သည့် လူငယ်များဖြစ်အောင် ကြိုးစားသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြား ရေးမှူး ဒေါ်ခင်စောလင်းက တိုင်းဒေသကြီးအတွင်း ကွန်ပျူတာသင်တန်းများ ဖွင့်လှစ်ခဲ့မှု အခြေ အနေများအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က သင်တန်းသားတစ်ဦးထံ သင်တန်းဆင်းလက် မှတ်များအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက သင်တန်းသူတစ်ဦးထံ သင်တန်းဆင်းလက်မှတ်များအား လည်းကောင်း၊ တိုင်းဒေ သကြီး လူမှုရေးရာဝန်ကြီး ဦးညွန့်ဝင်းအောင်က သင်တန်းနည်းပြထံ ဂုဏ်ပြုမှတ်တမ်းလွှာနှင့် ဂုဏ်ပြုချီးမြှင့်ငွေအား လည်းကောင်း အသီးသီး ပေးအပ်ကြသည်။

ဆက်လက်၍ သင်တန်းသား၊သင်တန်းသူများကိုယ်စား သင်တန်းသူတစ်ဦးက ကျေးဇူး တင်စကား ပြန်လည်ပြောကြားပြီး တာဝန်ရှိသူများနှင့်အတူ စုပေါင်းမှတ်တမ်း တင်ဓါတ်ပုံရိုက် ကူးကာ သင်တန်းသား/သင်တန်းသူများအား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရ သည်။

မုံရွာ၊ ဇူလိုင် ၂၂

၂၀၄-၂၀၂၅ ခုနှစ်၊ စစ်ကိုင်းတိုင်းဒေသကြီး အခွန်ကောက်ခံမှုအထောက်အကူပြုအဖွဲ့၏ အခွန်ဆိုင်ရာ ရှင်းလင်းဆွေးနွေးပွဲ အခမ်းအနားကို ဇူလိုင်လ ၂၂ ရက်၊ မွန်းလွဲပိုင်းတွင် မုံရွာမြို့၊ တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ ရှင်းလင်းဆွေးနွေးပွဲ အခမ်းအနားသို့ တိုင်းဒေသကြီး အခွန်ကောက်ခံမှုအထောက်အကူပြုအဖွဲ့ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ၊ အခွန်ထမ်းဆောင်ပြည်သူများနှင့် တာဝန်ရှိသူများ တက် ရောက်ကြသည်။

ဦးစွာ တိုင်းဒေသကြီး အခွန်ကောက်ခံမှုအထောက်အကူပြုအဖွဲ့ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အနေဖြင့် ရသင့်ရထိုက်သည့်အခွန်ငွေ များအပြည့်အဝရ ရှိမှသာ ပြည်သူ့အကျိုးပြုသုံးစွဲငွေများအား သုံးစွဲနိုင်မည်ဖြစ်ကာ အခွန်ငွေများတိုးတက်ကောက် ခံရရှိရန်လိုအပ်ပါကြောင်း၊ အခွန်ပေးဆောင်ရသူများ အနေဖြင့်လည်း မိမိပေးဆောင်သည့် အခွန် နှင့်ပတ်သက်၍ ပြဌာန်းထားသည့် ဥပဒေ၊နည်းဥပဒေများအရ ပေးဆောင်ရန်တာဝန်ရှိပြီး ရှင်းရှင်း လင်းလင်းသိရှိမှသာ အခွန်ငွေများအား လိုလားစွာပေးဆောင်လာမည် ဖြစ်ပါကြောင်း၊ နိုင်ငံတော် အနေဖြင့် အခွန်ကောက်ခံမှုအပေါ် အလေးထားဆောင်ရွက်နေမှုများအား တွေ့မြင်နိုင်မှာဖြစ် သကဲ့သို့ တိုင်းဒေသကြီး အခွန်ကောက်ခံမှုအထောက်အကူပြုအဖွဲ့အနေဖြင့်လည်း အခွန် ကောက်ခံမှုလုပ်ငန်းများအား မျက်ခြေမပြတ်ကြီးကြပ်ဆောင်ရွက်သွားကြရန် လိုအပ်ပါကြောင်း၊ အခွန်ထမ်းပြည်သူများအနေဖြင့် တစ်ဦးချင်းစီအလိုက် အခွန်တာဝန်များအား ကျေပွန်စွာ ထမ်းဆောင်ခြင်းဖြင့် ပြည်သူအများလိုလားတောင်းတသည့် စည်ပင်သာယာဝပြောသည့် လူမှု့ဘဝအစစ် အမှန်များအား ရရှိမှာဖြစ်သလို နောင်လာမည့်မျိုးဆက်သစ်များအပေါ် တာဝန်ကျေပွန် မည်ဖြစ်ကာ ကောင်းမွန်ပြည့်စုံသည့် လက်ဆင့်ကမ်းတာဝန်များကိုလည်း လွှဲပြောင်းပေးအပ်နိုင် မည်ဖြစ်ပါကြောင်း၊ အခွန်ဝန်ထမ်းများအနေဖြင့် ကောက်ခံရန်သတ်မှတ်ပေးထားသည့် လျာထား ချက်များအား ပြည့်မီကျော်လွန်စွာကောက်ခံရရှိရေး၊ ရသင့်ရထိုက်သည့်အခွန်ငွေများအား တိမ်း ရှောင်နေသည့် စီးပွားရေးလုပ်ငန်းများနှင့် ဝန်ဆောင်မှုရယူသူများထံမှ အခွန်အခလွတ်ကင်း လျော့နည်းမှုမရှိစေရန် ပြည့်ပြည့်ဝဝကောက်ခံရရှိနိုင်ရေး တာဝန်ရှိသူအားလုံးမှ အလေးထား ကြိုးပမ်းဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပြည်တွင်းအခွန်များဦးစီးဌာနရုံးမှ ညွှန်ကြားရေးမှူး ဦးစောဆွေက အခွန်ဆိုင်ရာသိကောင်းစရာများအား လည်းကောင်း၊ မုံရွာမြို့နယ် ပြည်တွင်း အခွန်များဦးစီးဌာနရုံးမှ လက်ထောက်ညွှန်ကြားရေးမှူး ဦးလှဝင်းက တင်ဒါနှင့်ပတ်သက်သည့် အခွန်ကိစ္စရပ်များနှင့် ပြေစာအပေါ်အခွန်အမှတ်တံဆိပ်ကပ်နှိပ်ခြင်းဆိုင်ရာ သိကောင်းစရာများ အားလည်းကောင်း Power Point ဖြင့် ရှင်းလင်းတင်ပြကြသည်။

ထို့နောက် တိုင်းဒေသကြီး အခွန်ကောက်ခံမှုအထောက်အကူပြုအဖွဲ့ ဥက္ကဌ၊ တိုင်းဒေသ ကြီးဝန်ကြီးချုပ်နှင့် တာဝန်ရှိသူများက အခွန်ဆိုင်ရာရှင်းလင်းဆွေးနွေးပွဲ အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြောင်း သိရသည်။

မုံရွာ၊ ဇူလိုင် ၂၁

မုံရွာမြို့ပေါ်ရှိကျောင်းတိုက်ကြီး၌ သီတင်းသုံးတော်မူကြသည့် ဆရာတော်၊သံဃာတော် များဝါတွင်းကာလအတွင်း စိတ်နှလုံးချမ်းမြေ့စွာဖြင့် တရားဘာဝနာများ ကျင့်ကြံအားထုတ်ပွား များနိုင်စေရန်နှင့် ဆွမ်းအခက်အခဲမရှိစေရေးတို့အတွက် ဇူလိုင်လ ၂၁ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ မုံရွာ ခရိုင်/မြို့နယ် စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များသည် မုံရွာမြို့၊ ချမ်းမြသာစည်ရပ်ကွက်ရှိ မြို့မရွှေဂူကျောင်းကြီးသို့ ရောက်ရှိရာ ဘဒ္ဒန္တပဏ္ဍိတ ဆရာတော်ကြီးနှင့် ပင့်သဃာဆရာတော်များထံ လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ၊ ကြာဇံ အမယ် ၅ မျိုးတို့အား ဆက်ကပ်လှူဒါန်းခဲ့ကြပြီး သာသနာ ရေးဆိုင်ရာများ လျှောက်ထားခဲ့ကြသည်။

ယင်းနောက် မြို့မရွှေဂူကျောင်းတိုက်ရှိ ဆရာတော်ကြီးများ၊ တိုင်းဒေသကြီး ဝန်ကြီးချုပ် နှင့်တာဝန်ရှိသူများသည် တိုင်းဒေသကြီးအစိုးရအဖွဲ့မှ ပြန်လည်ပြုပြင်တည်ဆောက်ပေးမည့် အဆိုပါကျောင်းတိုက်ကြီးအတွင်းရှိ နှစ်ပေါင်း ၇၄ နှစ်ရှိ စန္ဒရံသီဘုန်းကြီးကျောင်း နံကပ် ၂ ထပ် ကျောင်းဆောင်အဆောက်အဦ ယိုယွန်းပျက်စီးနေမှုများအား ကြည့်ရှုစစ်ဆေးပြီး ဆက်လက်၍ ကျောင်းတိုက်ကြီးအတွင်းရှိ ပျက်စီးနေသည့် ကျောင်းအတွင်းပတ်လမ်း အရှည် ၂၂၂၀ ပေ၊ အကျယ် ၁၁ ပေ၊ ကတ္တရာလမ်းထပ်ပိုးလွှာ ခင်းကျင်းမည့်နေရာများအား လိုက်လံကြည့်ရှုစစ် ဆေးကာ ပြန်လည်ပြုပြင်ဆောင်ရွက်မည့် အခြေအနေများအား တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိဂြောဓာရုံကျောင်း တိုက်ကြီးရှိ ဝိဇ္ဇာမဂ္ဂဒိပနီဗိမာန်တော်ကြီး၌ မဏိရတနာပုံကျောင်းတိုက်ကြီးနှင့် နိဂြောဓာရုံ ကျောင်းတိုက်ကြီးများရှိ ဆရာတော်၊သံဃာတော်များ ဝါတွင်းကာလအတွင်း ဆွမ်းအခက်အခဲမရှိ စေရေးတို့အတွက် လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ၊ ကြာဇံ အမယ် ၅ မျိုးတို့အား ဆက်ကပ်လှူဒါန်းပွဲသို့ တက်ရောက်ကြသည်။

ဦးစွာ ဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရား သူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ၊ ကြာဇံ အမယ် ၅ မျိုးတို့အား ဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့သည်။

အဆိုပါ ကျောင်းတိုက်ကြီး ၃ တိုက်ရှိ ဆရာတော်၊သံဃာတော် ၃၀၂ ပါးအား စစ်ကိုင်း တိုင်းဒေသကြီး အစိုးရအဖွဲ့မှ ဆွမ်းဆန်တော် - ၄၉ အိတ်၊ ဆီ - ၉၀ ပိဿ၊ ဆား - ၃၇ ပိဿ၊ ပဲ - ၉၀ ပိဿနှင့် ကြာဇံ - ၃၇ ပိဿအား ဆက်ကပ်လှူဒါန်းခဲ့ကြောင်း သိရသည်။

မုံရွာ ဇူလိုင် ၂၀

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသော ၁၃၈၆-ခုနှစ်၊ (၂၁)ကြိမ်မြောက် စုပေါင်းဝါဆိုသင်္ကန်း ဆက်ကပ်လှူဒါန်းပွဲ အခမ်းအနားကို ဇူလိုင်လ ၂၀ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်း ဒေသကြီးဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဖိတ်ကြား ထားသူများ တက်ရောက်ကြသည်။

ဦးစွာ “ နမောတဿ” သုံးကြိမ်ရွတ်ဆို ဆုတောင်း၍ အခမ်းအနားအား ဖွင့်လှစ်ကြပြီး မုံရွာမြို့၊ ဘုရားကြီးရပ်ကွက်၊ သာစံကျောင်းတိုက် ပဓာနနာယက၊ သက်တော်ရှည် ဆရာတော် ကြီးထံတော်မှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ကိုးပါးသီလ ခံယူဆောက် တည်ကြသည်။
ယင်းနောက် ဆရာတော်၊ အရှင်သူမြတ်များမှ ရွတ်ပွားသရဇ္ဈာယ် ချီးမြင့်တော်မူသော ပရိတ်တရားတော်များအား တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နာယူကြည် ညိုပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများလျှောက်ထားကာ ဆရာတော်၊ သံဃာတော်များထံ တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်၊ တိုင်းဒေသ ကြီးအစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက ဝါဆိုသင်္ကန်းနှင့် လှူဖွယ် ဝတ္တုပစ္စည်းများ ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်၏ဇနီးနှင့် တာဝန်ရှိသူ များက သာသနာ့နွယ်ဝင် သီလရှင်ဆရာကြီး၊ဆရာလေးများအား ဝတ်ရုံအထည်များ ဆက်ကပ် လှူဒါန်းကြသည်။

ဆက်လက်၍ မုံရွာမြို့၊ ရန်ကင်းရပ်ကွက်၊ ရန်ကင်းကျောင်းတိုက် ပဓာနနာယက ဒွိပိဋက ဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်များက အနုမောဒနာတရား နာယူကြည်ညိုပြီး လှူဒါန်းမှုအစုစုတို့ အတွက် ရေစက်သွန်းချအမျှပေးဝေကာ “ဗုဒ္ဓသာသနံ စိရံတိဌတု “ သုံးကြိမ်ရွတ်ဆို ဆုတောင်း ကာ အခမ်းအနားကို ရုပ်သိမ်းခဲ့ကြသည်။

ထို့နောက် ပင့်သံဃာ ဆရာတော်ကြီးများနှင့် သီလရှင်ဆရာကြီး၊ ဆရာလေးများအား တိုင်းဒေသကြီး ဝန်ကြီးချုပ်နှင့် တာဝန်ရှိသူများက နေ့ဆွမ်းများ ဆက်ကပ်လှူဒါန်းခဲ့ကြသည်။

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသော ၁၃၈၆-ခုနှစ်၊ (၂၁)ကြိမ်မြောက် စုပေါင်းဝါဆိုသင်္ကန်း ဆက်ကပ်လှူဒါန်းပွဲ အခမ်းအနားတွင် မုံရွာမြို့ပေါ်ရှိ ကျောင်းတိုက် ၂၅၅ တိုက်၌ ဝါဆိုဝါကပ်တော်မူကြသည့် သံဃာ တော် ၂၂၃၉ ပါးတို့အား ဝါဆိုသင်္ကန်း ၂၂၃၉ စုံနှင့် သီလရှင် ကျောင်း ၃၈ ကျောင်း တို့မှ သီလရှင်ဆရာကြီး ၁၁၆၃ ပါးတို့အား သီလရှင်ဝတ်စုံ ၁၁၆၃ စုံနှင့် ယင်းမာပင်မြို့နယ် ရွှေတောင်ဦးတိပိဋက ဓမ္မပါလမဟာဝီဟာရ ကျောင်းတိုက်မှ ရဟန်း ၄၀ ပါး၊ တောင်တန်းသာသနာပြုဒေသများဖြစ်သည့် ကလေးခရိုင်၊ တမူးခရိုင်၊ ခန္တီးခရိုင်နှင့် နာဂဒေသ များမှ သာသနာပြုရဟန်း ၁၂၉ ပါး၊ သီလရှင် ၇ ပါးတို့အား လှူဒါန်းဆက်ကပ်ခြင်းဖြစ်ရာ ယခုလှူ ဒါန်းမှု ဝါဆိုသင်္ကန်းစုစုပေါင်း ၂၄၆၂ စုံနှင့် သီလရှင်ဝတ်စုံ ၁၁၇၀ စုံအား ဆက်ကပ်လှူဒါန်းခဲ့ ကြောင်း သိရသည်။

မုံရွာ၊ ဇူလိုင် ၁၈

စစ်ကိုင်းတိုင်းဒေသကြီး ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက်သီးနှံတိုးချဲ့စိုက်ပျိုးရေး နှင့်သီးနှံပုံစံပြောင်းလဲစိုက်ပျိုးရေး ဆွေးနွေးပွဲအခမ်းအနားကို ဇူလိုင်လ ၁၈ ရက်နေ့၊ နံနက်ပိုင်း တွင် မုံရွာမြို့၊ တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင်ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့် ဌာနဆိုင်ရာများ၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသ ကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရေဦး ခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လယ်ယာစိုက်ပျိုးရေးကဏ္ဍ အနေဖြင့် မိမိတို့တိုင်းဒေသကြီးသည် သီးနှံမျိုးစုံစိုက်ပျိုးထုတ်လုပ်နေသည့် တိုင်းဒေသကြီးတစ်ခုဖြစ်ပြီး ဆီထွက်သီးနှံ စိုက်ပျိုးထုတ်လုပ်မှုအနေဖြင့် ၂၄,၄၅,၄၀၈ ဧက စိုက်ပျိုးသွားမည် ဖြစ်ပါကြောင်း၊ ဆီထွက်သီးနှံများဖြစ်သည့် မြေပဲ၊ နှမ်း၊ နေကြာ၊ မုန် ညင်း၊ ပန်းနှမ်း၊ ပဲပုပ်သီးနှံများအား စိုက်ပျိုးထုတ်လုပ်ကာ ပြည်တွင်းစားသုံးဆီဖူလုံရန် ကြိုးပမ်းဆောင်ရွက် လျက်ရှိပါကြောင်း၊ ဒေသတွင်းစားသုံးဆီဖူလုံစေရန်အတွက် စပါးအခြေခံစိုက်ပျိုးသည့် သီးနှံပုံစံများနှင့် အခြားသီးနှံ အခြေခံစိုက်ပျိုးသည့် သီးနှံပုံစံများမှာဆီထွက်သီးနှံများအား ပြောင်းလဲစိုက်ပျိုးခြင်းနှင့် သီးနှံပုံစံ ပြောင်းလဲခြင်းတို့အား ဆက်လက်ဆောင်ရွက်သွားရမည် ဖြစ်ပါကြောင်း၊
ပြည်တွင်းမှစိုက်ပျိုးထုတ်လုပ်သည့် ဆီထွက်သီးနှံများအား ကြိတ်ခွဲခြင်းဖြင့် ပြည်တွင်း စားသုံးဆီဖူလုံစေရန်၊ တစ်နှစ်ပတ်လုံးဆီထွက်သီးနှံ ကုန်ကြမ်းများထွက်ရှိစေရန် နှင့်သီးထပ်စွမ်း အားတိုးတက် မြင့်မားလာစေရန် ရည်မှန်းဆောင်ရွက်လျက်ရှိရာ မိမိတို့ တိုင်းဒေသကြီးအစိုးရ အဖွဲ့အနေဖြင့်လည်း မျိုးစေ့၊ဓာတ်မြေဩဇာနှင့် သွင်းအားစုလိုအပ်ချက်များအား အပြည့်အဝပံ့ပိုး ကူညီပေးသွားမှာ ဖြစ်သကဲ့သို့ သက်ဆိုင်ရာဌာနများ အနေဖြင့်လည်း တောင်သူများလိုအပ်သည့် မျိုးကောင်းမျိုးသန့်များရရှိရေး၊ မြေဆီလွှာဖွံ့ဖြိုးတိုးတက်ရေး၊ စိုက်ပျိုးရေလုံလောက်စွာရရှိရေး နှင့်နည်းစနစ်တကျ စိုက်ပျိုးရေးစသည့် အခြေခံလိုအပ်ချက်များအား နည်းပညာပေးဆောင်ရွက်
သွားကြရန်နှင့် တောင်သူများ လိုက်နာကျင့်သုံးကြစေရေးတို့အား စည်းရုံးဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး မြေစာရင်းဦးစီးဌာနမှ ညွှန်ကြားရေးမှူးက တိုင်းဒေသကြီး အတွင်း ဆီထွက်သီးနှံစိုက်ပျိုးထားသည့် လယ်ယာမြေလုပ်ငန်းများအား လည်းကောင်း၊ တိုင်းဒေ သကြီး စိုက်ပျိုးရေးဦးစီးဌာနမှ ညွှန်ကြားရေးမှူးက တိုင်းဒေသကြီးအတွင်းရှိ ခရိုင်/မြို့နယ်များ တွင် ဆီထွက်သီးနှံစိုက်ပျိုးထားရှိမှုများအား လည်းကောင်း၊ တိုင်းဒေသကြီး ဆည်မြောင်းနှင့်ရေ အသုံးချမှုစီမံခန့်ခွဲရေးဦးစီးဌာန (ဆည်မြောင်း)မှညွှန်ကြားရေးမှူးနှင့် တိုင်းဒေသကြီး ဆည် မြောင်းနှင့်ရေအသုံးချမှုစီမံခန့်ခွဲရေးဦးစီးဌာန(ရေအရင်းအမြစ်)မှ ဒုတိယညွှန်ကြားရေးမှူးတို့က ဆည်၊တမံများနှင့် မြစ်ရေတင်လုပ်ငန်းများမှ တိုင်းဒေသကြီးအတွင်းရှိ ခရိုင်/မြို့နယ်များအတွင်း စိုက်ပျိုးရေခွဲဝေပေးနေမှု အခြေအနေများအား လည်းကောင်း Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်၍ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်များအတွင်းရှိ ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက် သီးနှံတိုးချဲ့စိုက်ပျိုးရေးနှင့် သီးနှံပုံစံပြောင်းလဲစိုက်ပျိုးရေးလုပ်ငန်းများ ဆောင်ရွက်သွားမည့် အခြေအနေများအား လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက်သီးနှံတိုးချဲ့စိုက်ပျိုးရေးနှင့် သီးနှံပုံစံပြောင်းလဲစိုက်ပျိုးရေး လုပ်ငန်းများ ဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး က တိုင်းဒေသကြီးအတွင်း ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက်သီးနှံတိုးချဲ့စိုက်ပျိုးရေးနှင့် သီးနှံပုံစံပြောင်းလဲစိုက်ပျိုးရေး လုပ်ငန်းများနှင့်ပတ်သက်၍ လိုအပ်သည်များ ဆွေးနွေးတင်ပြ သည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးကာ နိဂုံးချုပ်စကားပြောကြားခဲ့ကြောင်း သိရသည်။

မုံရွာ ဇူလိုင် ၁၈

စစ်ကိုင်းတိုင်းဒေသကြီး၊ မုံရွာမြို့နေပြည်သူများများ ငါးစားသုံးမှုဖူလုံစေရေးနှင့် ငါးသယံ ဇာတပေါများစေရေးတို့အတွက် ကန်သာယာကန်အတွင်းသို့ ငါးမျိုးစိုက်ထည့်ခြင်း အခမ်းအနား ကို ယနေ့နံနက်ပိုင်းတွင် အဆိုပါကန်ရှိရေပေါ်စင်တွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အမျိုးသမီးရေးရာ အဖွဲ့ဝင်များ၊ မိခင်နှင့်စောင့်ရှောက်မှု ကြီးကြပ်ရေးအဖွဲ့ဝင်များနှင့်တာဝန်ရှိသူများ တက်ရောက် ခဲ့ကြကြောင်း သိရသည်။

ဦးစွာတိုင်းဒေသကြီး ငါးလုပ်ငန်းဦးစီးဌာနမှ တိုင်းဒေသကြီးဦးစီးမှူး ဒေါက်တာ စုမျိုးသွယ်က ကန်သာယာကန်အတွင်း ငါးမျိုးစိုက်ထည့်ရခြင်းနှင့် ပတ်သက်၍ ရှင်းလင်းပြောကြားခဲ့သည်။

ယင်းနောက်တိုင်းဒေသကြီးဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များနှင့် တာဝန်ရှိသူများက ငါးမြစ်ချင်း ငါးသားပေါက်ကောင် ရေ ၁ သိန်းအား ကန်သာယာ ကန်အတွင်း ငါးမျိုးများအားတပျော်တပါး စိုက်ထည့်ပေးခဲ့ကြသည်။

တိုင်းဒေသကြီး ငါးလုပ်ငန်းဦးစီးဌာနအနေဖြင့် ၂၀၂၄-၂၀၂၅ ဘဏ္ဍာနှစ်တွင် ချင်းတွင်း မြစ်အတွင်း ငါးသားပေါက်ကောင်ရေ စုစုပေါင်း ၃၆၀၀၀၀ (သုံးသိန်းခြောက်သောင်း)နှင့် မုံရွာမြို့ ကန်သာယာကန်နှင့် လယ်တီကန်အတွင်းသို့ ငါးသားပေါက်ကောင်ရေ စုစုပေါင်း ၂ သိန်းတို့အား ငါးမျိုးများစိုက်ထည့်ခဲ့ကြောင်း သိရသည်။