မုံရွာ၊ ဇူလိုင် ၄

စစ်ကိုင်းတိုင်းဒေသကြီး၊ စစ်ကိုင်းမြို့၌ တန်ဖိုးမြှင့်စားသောက်ကုန် သီးစုံအခြေခံ ယိုနှင့် အချိုရည်အမျိုးမျိုး ထုတ်လုပ်မှုနည်းပညာသင်တန်း ၂/၂၀၂၄ ဖွင့်ပွဲအခမ်းအနားကို ဇူလိုင်လ ၄ ရက်နေ့၊ နံနက်ပိုင်းတွင် စစ်ကိုင်းခရိုင်၊ စိုက်ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပ ပြုရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ နည်းပြများနှင့် သင်တန်းသား/ သူများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ်က နိုင်ငံတော်နှင့် မိမိတို့တိုင်းဓေသကြီး အစိုးရအဖွဲ့ အနေဖြင့် ကျေးလက်နေပြည်သူများ၏ လူမှုစီးပွားဘ၀ စဉ်ဆက်မပြတ် ဖွံ့ဖြိုးတိုးတက်စေ ရန်စီမံဆောင်ရွက်ပေးခြင်းဖြင့် မြို့ပြနှင့်ကျေးလက်များအကြား ဖွံ့ဖြိုးမှုကာဟချက် ကျဉ်း မြောင်းစေရေး မျှော်မှန်းဆောင်ရွက်ပေးလျက်ရှိပါကြောင်း၊ သင်တန်းသား/သူများအနေဖြင့် သင် တန်းမှပို့ချသင်ကြားပေးလိုက်သည့် အသိပညာ၊ အတက်ပညာ၊ ဗဟုသုတများအား အသုံးချကာ မိမိနှင့်မိမိတို့မိသားစု၏ အလုပ်အကိုင်အခွင့်အလမ်းများ ရရှိစေနိုင်ရေး၊ မိသားစုတစ်ပိုင်တစ်နိုင် ဝင်ငွေရရှိစေရေးနှင့် ပြည်ပငွေစီးဆင်းမှုလျော့နည်း၍ နိုင်ငံ့စီးပွား အထောက်အကူပြုသည့် လုပ် ငန်းရှင်များဖြစ်လာကြစေရေး ကြိုးပမ်းဆောင်ရွက်သွားကြရန် လိုအပ်ပါကြောင်း ပြောကြား သည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရသည်။

မုံရွာ ဇူလိူင် ၃

မြန်မာအမျိုးသမီးများနေ့ အထိမ်းအမှတ် အခမ်းအနားကို ဇူလိူင်လ ၃ ရက်နေ့၊ နံနက်ပိုင်း တွင် မုံရွာမြို့၊ တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူ ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ် အဆင့်ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ဝင်များနှင့် လူမှု ရေးအသင်းအဖွဲ့များ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အနေဖြင့် အမျိုးသမီးများ ၏စွမ်းဆောင်ရည်မြှင့်တင်ရန်၊ အမျိုးသမီးများအနေဖြင့် ကဏ္ဍတိုင်းတွင် အမျိုးသားများနှင့်တန်း တူအခွင့်အရေးရရှိရန်အတွက် အမျိူးသမီးများဘဝ ဖွံ့ဖြိုးတိုးတက်ရေးဆိုင်ရာ လုပ်ငန်းများနှင့် အမျိုးသမီးများအပေါ်အကြမ်းဖက်မှု ကြိုတင်ကာကွယ်တားဆီးရေးလုပ် ငန်းများအား ကျယ် ကျယ်ပြန့်ပြန့် ဆောင်ရွက်လျက်ရှိပါကြောင်း၊ အမျိူးသမီးများသည် မိသားစုတာဝန်များသာမက နိုင်ငံတော်ကာကွယ်ရေး၊ ပညာရေး၊ ကျန်းမာရေး၊ စီးပွားရေးနှင့်ငြိမ်းချမ်း‌ရေး ကဏ္ဍများတွင် လည်း ဘက်စုံပူးပေါင်းပါဝင်ဆောင်ရွက်လျက် ရှိပါကြောင်း၊ ကျား၊မတန်းတူညီမျှမှုနှင့် အမျိုး သမီးငယ်များအားလုံး စွမ်းပကားမြင့်မားရေးပန်းတိုင်သည် အမျိုးသမီးများအပေါ် အကြမ်းဖက် မှုပုံစံအားလုံး အဆုံးသတ်စေရေးနှင့် အမျိုးသမီးများအားလုံး ဖွံ့ဖြိုးတိုးတက်ရေးတို့အတွက် တိကျခိုင်မာသည့် ရည်ရွယ်ချက်တစ်ခုဖြစ်ပါသောကြောင့် မိမိတို့တိုင်းဒေသကြီးအတွင်း အမျိုး သမီးများနှင့်သက်ဆိုင်သော လုပ်ငန်းရပ်များအားလုံး ဝိုင်းဝန်းပူးပေါင်းဆောင်ရွက်‌ပေးသွားကြ ရန်လိုအပ်ပါကြောင်း ပြောကြားခဲ့သည်။
ထို့နောက် တိုင်းဒေသကြီး ဝန်ကြီးချုပ်က ၂၀၂၄ ခုနှစ်၊ တက္ကသိုလ်ဝင်စာမေးပွဲတွင် ထူးချွန် စွာအောင်မြင်ခဲ့ပြီး တစ်နိုင်ငံလုံး ဝိဇ္ဇာဘာသာတွဲတွင် အမှတ်အများဆုံး ပထမဆုရရှိသူ အထက ကျွန်းလှမှ မဝင်းလက်တွယ်တာနှင့် နဝမအဆင့်ဆုရရှိသူ အထက-၃ ကသာ မှမရည်ဝေလင်း
တို့အား ဂုဏ်ပြုချီးမြှင့်ငွေများနှင့် ဂုဏ်ပြုလက်မှတ်အား လည်းကောင်း၊ တိုင်းဒေသကြီး ဝန်ကြီး ချုပ်၏ဇနီး တိုင်းဒေသကြီး အမျိုးသမီးရေးရာအဖွဲ့ နာယကမှ မြန်မာ့လက်ရွေးစင် ခြင်းလုံးအား ကစားနည်းတွင် ရွှေတံဆိပ်ဆုနှင့်ငွေတံဆိပ်ဆုရရှိသူ မငြိမ်းအိမွန်အား ဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များအား ပေးအပ်ချီးမြှင့်သည်။
ဆက်လက်၍ တိုင်းဒေသကြီး တရားသူကြီးချုပ်နှင့် တိုင်းဒေသကြီး အစိုးရအဖွဲ့ ဝင်များမှ မြန်မာ့လက်ရွေးစင် ဗိုဗီနမ်၊ ခွန်ဘိုကာတာ၊ လှေလှော်၊ ဘောလုံး၊ တိုက်ကွမ်ဒို၊ ဂျူဒို အားကစား နည်းတွင် ငွေတံဆိပ်၊ကြေးတံဆိပ်ဆု ရရှိကြသူများအား ဂုဏ်ပြုချီးမြှင့်ငွေနှင့်ဂုဏ်ပြုလက် မှတ် များအား ပေးအပ်ချီးမြှင့်သည်။
ယင်းနောက် တိုင်းဒေသကြီး တရားသူကြီးချုပ်၏ဇနီးမှ စက်ချုပ်သင်တန်းနည်းပြ တစ်ဦး ထံဂုဏ်ပြုချီးမြှင့်ငွေနှင့်ဂုဏ်ပြုလက်မှတ်အား လည်းကောင်း၊ တိုင်းဒေသကြီး လုံခြုံရေးနှင့်နယ် စပ်ရေးရာဝန်ကြီး၏ဇနီးမှ စက်ချုပ်သင်တန်းတွင် ထူးချွန်ဆုရရှိသူ ၂ ဦးထံ ဂုဏ် ပြုချီးမြှင့်ငွေနှင့် ဂုဏ်ပြုလက်မှတ်အား လည်းကောင်း၊ တိုင်းဒေသကြီး လူမှုရေးရာဝန်ကြီး၏ဇနီးမှ စက်ချုပ် သင်တန်းဆင်းလက်မှတ်များအား သင်တန်းသူ ၂ ဦးထံ ပေးအပ်သည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက သူနာပြုသားဖွားသင်တန်း ကျောင်း(မုံရွာ)မှသင်တန်းသူများက တေးသီချင်းများဖြင့် ကပြဖျော်ဖြေမှုအား ကြည့်ရှု အားပေး ကြပြီး တိုင်းဒေသကြီးအစိုးရအဖွဲ့ အတွင်းရေးမှူး၏ဇနီ၊ တိုင်းဒေသကြီး အမျိုးသမီးရေးရာအဖွဲ့ ဥက္ကဌမှ တေးသီချင်းများဖြင့်ကပြဖျော်ဖြေပေးသွားကြသော သူနာပြုသားဖွားသင်တန်းကျောင်း (မုံရွာ)မှ သင်တန်းသူများအား ဂုဏ်ပြုချီးမြှင့်ငွေများအား ပေးအပ်ချီးမြှင့်သည်။
ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများက မြန်မာအမျိုးသမီး များနေ့ အထိမ်းအမှတ် Video Clip အား ကြည့်ရှုအားပေးကြပြီး တာဝန်ရှိသူများနှင့်အတူ စုပေါင်းမှတ်တမ်း တင်ဓါတ်ပုံရိုက်ကူးကြပြီး အခမ်းအနားသို့ တက်ရောက်လာ သူများအားရင်း ရင်းနှီးနှီးလိုက်လံ နှုတ်ဆက်အားပေးပြီး ခန်းမအတွင်းခင်းကျင်းပြသထားသော တိုင်းဒေသကြီး အမျိုးသမီးရေးရာအဖွဲ့၏ လှုပ်ရှားမှတ်တမ်းဓါတ်ပုံများနှင့် စက်ချုပ်သင်တန်းမှ သင်တန်းသူများ ကိုယ်တိုင်ချုပ်လုပ်ထားသော အဝတ်အထည်များအား လိုက်လံကြည့်ရှုခဲ့ကြသည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ခရိုင် စိုက် ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပပြုလုပ်သော တစ်ဧကပန်းတိုင်းအထွက်နှုန်း ရရှိရေးအတွက်သွင်းအားစုများအား စနစ်တကျသုံးစွဲနည်း ပညာပေးဆွေးနွေးပွဲသို့ တက် ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားသည်။
ဆက်လက်ပြီး တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးက တစ်ဧက ပန်းတိုင်း အထွက်နှုန်းရရှိရေးအတွက် သွင်းအားစုများအား စနစ်တကျသုံးစွဲနည်းအား Power Point ဖြင့် ရှင်းလင်းဆွေးနွေးပြောကြားပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက လျာထားစိုက်ဧကများပြည့်မီစွာစိုက်ပျိုးရေးနှင့် စိုက်ပျိုးသည့်သီးနှံများပန်းတိုင် အထွက်နှုန်းရရှိ ရေးအတွက်လိုအပ်သည်များ ဖြည့်စွက်ဆွေးနွေး ပြောကြားသည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ပညာပေးဆွေးနွေးပွဲသို့ တက်ရောက်လာကြသော ဒေသခံတောင်သူများအား ယူရီးယားဓါတ်မြေသြဇာများအား ထောက် ပံ့ပေးအပ်ကြသည်။
ဆက်လက်၍ တိုင်းဒေသကြီး ဝန်ကြီးချုပ်က ဆွေးနွေးတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နီဂုံးချုပ်စကား ပြော ကြားကာ ဆွေးနွေးပွဲသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြောင်း သိရသည်။

မုံရွာ၊ ဇူလိုင် ၁

ဇွန်လ ၃၀ ရက်နေ့၊ နံနက်ပိုင်းတွင် ရန်ကုန်မှမုံရွာသို့ မောင်းနှင်ထွက်ခွာလာသည့် ခရီး သည်တင်ယာဉ်များအား ချောင်းဦးမြို့နယ်၊ ငါးယှန်ကျေးရွာအနီး၌ PDF အမည်ခံအကြမ်းဖတ် သမားများက လက်လုပ်မိုင်းများဖြင့် ဖောက်ခွဲတိုက်ခိုက်ပြီး လက်နက်ငယ်များဖြင့် ပစ်ခတ်တိုက် ခိုက်ရာ ခရီးသွားပြည်သူတစ်ဦးသေဆုံးပြီး သံဃာတော်နှစ်ပါးအပါအဝင် ခရီးသွားပြည်သူ ၂၃ ဦး ထိခိုက်ဒဏ်ရာများရရှိခဲ့ရာ နယ်မြေလုံခြုရေးထပ်ဖွဲ့ဝင်များမှ ဒဏ်ရာရလူနာများအား ကုတင် ၅၀၀ ဆံံ၊ မုံရွာပြည်သူ့ဆေးရုံကြီးသို့ အချိန်မီပို့ဆောင်ခဲ့သည်။
အဆိုပါ ထိခိုက်ဒဏ်ရာရရှိသူများအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး အစိုးရအဖွဲ့ဝင်များ၊ အနောက်မြောက်တိုင်းစစ်ဌာနချုပ်မှ တာဝန်ရှိပုဂ္ဂိုလ်များ၊ တိုင်းဒေသ ကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် တာဝန်ရှိသူ များက ယမန်နေ့မွန်းလွဲပိုင်းတွင် သွားရောက်ကြည့်ရှု အားပေးစကားများပြောကြားကာ ထောက်ပံ့ငွေများနှင့်အာဟာရ ဖြည့်စွက်စာများအား ထောက်ပံ့ပေးအပ်ခဲ့ကြပြီး လိုအပ်သည့်ကု သရေးလုပ်ငန်းများအား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ထို့နောက် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာ အဖွဲ့ဝင်များသည် ဇူလိုင်လ ၁ ရက်နေ့၊ နံနက်ပိုင်းတွင် မုံရွာမြို့၊ ကုတင် ၅၀၀ ဆံ့၊ ပြည်သူ့ဆေး ရုံကြီးတွင် ကျင်းပပြုလုပ်သော ဇူလိုင်လ ၃ ရက်နေ့တွင် ကျရောက်မည့် မြန်မာအမျိုးသမီးများ နေ့ကိုကြိုဆိုဂုဏ်ပြုသောအားဖြင့် စုပေါင်းသွေးလှူဒါန်းပွဲအခမ်းအနားသို့ တက်ရောက်ကြ သည်။
ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်း ဒေသကြီး အစိုးရအဖွဲ့ဝင်များနှင့်ဇနီးများက တိုင်းဒေသကြီး တရားလွှတ်တော်ရုံး၊ တိုင်းဒေသ ကြီး/ခရိုင်/မြို့နယ် အထွေထွေအုပ်ချုပ်ရေးဦးစီးဌာနနှင့် တိုင်းဒေသကြီး/မြို့နယ် စည်ပင်သာယာ ရေးအဖွဲ့များမှ ဝန်ထမ်းများက စုပေါင်းသွေးလှူဒါန်းနေမှုများအား လိုက်လံကြည့်ရှုအားပေး ကြပြီး တာဝန်ရှိသူများနှင့်အတူ အာဟာရဖြည့်စွက်စာများအသီးသီး ထောက်ပံ့ပေးအပ်ခဲ့ကြ သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာခရိုင် ပြန်ကြား ရေးနှင့်ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟိုဌာန Community Centre ခန်းမတွင် ကျင်းပပြုလုပ်သော စစ်ကိုင်းတိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာနနှင့် မုံရွာ ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန တို့ပူးပေါင်းဖွင့်လှစ်သည့် တန်ဖိုးမြှင့်စား သောက်ကုန် Bakery အမျိုးမျိုး ထုတ်လုပ်မှုနည်းပညာသင်တန်းဆင်းပွဲ အခမ်းအနားသို့ တက် ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အသေးစားစက်မှုလက်မှုလုပ်ငန်းများ စနစ်တကျထွန်းကားလာစေပြီး ကျေးလက်နေပြည်သူများ၏ လူမှုစီးပွားဘဝစဉ်ဆက်မပြတ် ဖွံ့ဖြိုးတိုးတက်လာစေရန် စီမံဆောင်ရွက်ပေးခြင်းဖြင့် မြို့ပြနှင့်ကျေးလက်များအကြား၊ ဖွံ့ဖြိုးမှု ကွာဟချက် ကျဉ်းမြောင်းစေရေး မျှော်မှန်းဆောင်ရွက်လျက်ရှိပါကြောင်း၊ မြို့ပြနှင့်ကျေးလက် နေပြည်သူများအတွက် အလုပ်အကိုင်အခွင့် အလမ်းများဖန်တီးပေးရာတွင် အသက်မွေးဝမ်း ကျောင်းကာလတို သင်တန်းများသည် အမှန်တကယ်အလုပ်အကိုင်ဝင်ငွေရရှိစေမည့် အသက် မွေးဝမ်းကျောင်းသင်တန်းများ ဖြစ်သည်ကို တွေ့ရှိရပါကြောင်း၊ ယခုနှစ်အတွင်း အသက်မွေးဝမ်းကျောင်း အထောက်အကူပြုသင်တန်း ၅၅ ကြိမ်အား သင်တန်းသား/သူ(၁၁၀၀)ဦးတို့ဖြင့် ဖွင့်လှစ်ပို့ချရန်လျာထား၍ သင်တန်းတွင်စာတွေ့ ၃၀% လက် တွေ့ ၇၀ % သင်ကြားပို့ချပေးခဲ့ပြီးဖြစ်ကာ သင်ကြားပေးခဲ့သော ပြုလုပ်နည်းများသည် ဈေးကွက် တွင်နေ့စဉ်စားသုံးနေကြသည့် စားသောက်ကုန်များ ဖြစ်ပါကြောင်း၊ သင်တန်းသူများအနေဖြင့် သင်တန်းမှပို့ချသင်ကြားပေးလိုက်သည့် အသိပညာ၊ အတတ်ပညာ၊ ဗဟုသုတများအား အသုံးချ ပြီးမိမိတို့မိသားစုနေ့စဉ် ဝင်ငွေရခြင်းဖြင့် စားသောက်ကုန်မုန့်အမယ်များအား သွင်းကုန်အစား ထိုးနိုင်သကဲ့သို့ ပြည်ပထွက်ငွေစီးဆင်းမှုလျော့နည်း၍ နိုင်ငံ့စီးပွားအထောက်အကူပြုသည့် လုပ်ငန်းရှင်ကြီးများ ဖြစ်လာကြစေရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး တရားသူကြီးချုပ် ဦးဇော်ထူးက သင်တန်းသူတစ်ဦးထံ သင် တန်းဆင်းလက်မှတ်များအား လည်းကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း ကသင်တန်းသူတစ်ဦးထံ သင်တန်းမှရရှိသည့် ထုတ်ကုန်ပစ္စည်းများအားပေးအပ်ကြပြီး သင်တန်း သူတစ်ဦးက ကျေးဇူးတင်စကားပြန်လည်ပြောကြား သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသူများ ကိုယ် တိုင်ပြုလုပ်ထားသော တန်ဖိုးမြှင့်စားသောက်ကုန် Bakery အမျိုးမျိုးအား လိုက်လံကြည့်ရှုအား ပေးကြပြီး စုပေါင်းမှတ်တမ်းတင် ဓါတ်ပုံရိုက်ကူးကာ အခမ်းအနား သို့တက်ရောက်လာသူများ အား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရသည်။

မုံရွာ၊ ဇွန် ၂၉

စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော တိုင်းဒေသကြီးအစိုးရအဖွဲ့ရုံး ဝန်းကျင်ရှိ ကျောင်းတိုက်ကြီး ၄ တိုက်မှ ဆရာတော်၊သံဃာတော်များအား ဆွမ်းနှင့်ဆွမ်းဟင်း လောင်းလှူပွဲ အခမ်းအနားကို ဇွန်လ ၂၉ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး ဝန်းအတွင်းကျင်းပရာ ဆွမ်းလောင်းလှူပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများ၊ တိုင်းဒေသကြီးအဆင့်ဌာနဆိုင်ရာများ၊ တိုင်းဒေသကြီးအစိုးရအဖွဲ့ရုံးရှိ အရာ ထမ်း၊ အမှုထမ်းများနှင့်မိသားစုဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့်ဌာနဆိုင်ရာများ၊ တိုင်းဒေ သကြီးအစိုးရအဖွဲ့ရုံးရှိ အရာထမ်း၊ အမှုထမ်းများက ပင့်သံဃာဆရာတော်၊ သံဃာတော်များအား ဆွမ်းနှင့်ဆွမ်းဟင်းများ၊ သစ်သီးနှင့်အချိုပွဲများ လောင်းလှူကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက သံဃာတော်များအား စနစ်တကျဖြင့် ဆွမ်းနှင့်ဆွမ်းဟင်းများ၊ သစ်သီးနှင့်အချိုပွဲများတစ်ပျော်တစ်ပါး လောင်းလှူနေမှု များအား လိုက်လံကြည့်ရှုအားပေးခဲ့ကြပြီး ဆွမ်းလောင်းလှူကြသူများအား ရင်းရင်းနီးနှီးလိုက် လံနှုတ်ဆက်အားပေးခဲ့ကြသည်။

အဆိုပါ စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော ဆွမ်းနှင့်ဆွမ်းဟင်း လောင်းလှူပွဲအား တိုင်းဒေသကြီးအစိုးရအဖွဲ့ရှိ ဝန်ကြီးဌာနများ၊ တိုင်းဒေသကြီး/ခရိုင်/မြို့နယ် ဌာနဆိုင်ရာများ၊ ဝန်ထမ်းများနှင့်မိသားစုဝင်များမှ လစဉ်လောင်းလှူသွားမည်ဖြစ်ကြောင်း သိရ သည်။

မုံရွာ၊ ဇွန် ၂၉
၂၀၂၄-၂၀၂၅ ပညာသင်နှစ်တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးနှင့် ကျောင်းဉပဓိရုပ်ကောင်းမွန်စေရေးအတွက် ဇွန်လ ၂၉ ရက်နေ့၊ နံနက် ပိုင်းတွင် မုံရွာမြို့၊ အိုးဘိုတောင်ရပ်ကွက်ရှိ အခြေခံပညာအထက်တန်းကျောင်းခွဲ ကျောင်းပတ် ဝန်းကျင်နှင့်ကျောင်းဝန်းအတွင်း သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများရေစီးရေလာ ကောင်းမွန်စေရေးတို့အတွက် တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့များ၊ မိခင်နှင့်ကလေးစောင့်ရှောက်မှုကြီး ကြပ်ရေးအဖွဲ့များ၊ အထေွထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာ ဝန်ထမ်းများ၊ ဆရာ/ဆရာမများ၊ ကျောင်းသားမိဘများနှင့်ကျောင်းသား/သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီး ချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တာဝနှ်ရှိသူများက စုပေါင်းသန့်ရှင်းရေးလုပ်ငန်းများ ဆောင်ရွက်နေမှုနှင့် တိုင်းဒေသကြီး စည်ပင်သာယာရေးအဖွဲ့၊ မြို့နယ်စီမံအုပ်ချုပ်ရေးအဖွဲ့နှင့် ဆီကုန်သည်ကြီးများ အသင်းမှ တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံးဆီများအား ဈေး နှုန်းသက်သာစွာဖြင့် ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား ရောင်းချပေးနေ မှုများအားကြည့်ရှုစစ်ဆေးခဲ့ကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်း သန့်ရှင်းရေးလုပ်ငန်းများ ဆောင်ရွက်နေကြသူများနှင့်အတူတကွ နံနက်စာများသုံးဆောင်ခဲ့ကြ သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၆ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၈၀၀ ကျော်ဖြင့် ကျောင်းများဉပဓိရုပ်ကောင်းမွန်ရေးနှင့် မြို့သန့်ရှင်းသာယာလှပရေး လုပ်ငန်း များကို စုပေါင်းဆောင်ရွက်ခဲ့ကြောင်း သိရသည်။

မုံရွာ၊ ဇွန် ၂၈

စစ်ကိုင်းတိုင်းဒေသကြီးအတွင်း စားသုံးဆီနှင့်ဆန်ဈေးနှုန်း မှန်ကန်တည်ငြိမ်စွာ ရောင်းချ ရေးညှိနှိုင်းအစည်းအဝေးကို ဇွန်လ ၂၈ ရက်နေ့၊ မွန်းလွဲပိုင်းက တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စားသုံးသူရေးရာ ဦးစီးဌာနမှ တာဝန်ရှိသူများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ဝင်များနှင့် ဆန်ကုန်သည်၊ဆီ ကုန်သည် လုပ်ငန်းရှင်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အနေဖြင့် ပြည်တွင်း ဆန်ဈေးနှုန်းများ သင့်တင့်မျှတစွာဖြင့် မှန်ကန်တည်ငြိမ်စေရေးနှင့် စားသုံးဆီဖြန့်ဖြူးရောင်းချ မှုစနစ်တကျရှိစေရေးအား အလေးထားဆောင်ရွက်နေသကဲ့သို့ မိမိတို့တိုင်း ဒေသကြီးအစိုးရအဖွဲ့ အနေဖြင့်လည်း လိုက်ပါအကောင်အထည်ဖော် ဆောင်ရွက်လျက်ရှိပါကြောင်း၊ ဆန်ဈေးကွက် အတွင်း ဈေးကစားရန်ရည်ရွယ်ချက်ဖြင့် သိုလှောင်ခြင်း၊ ဈေးနှုန်းမြှင့်တင်ရောင်းခြင်းများအား တာဝန်ရှိသူများမှ ကွင်းဆင်းစစ်ဆေးစောင့်ကြည့်၍ လိုအပ်သည်များအား အရေးယူဆောင်ရွက် နိုင်ရေးနှင့် ဆန်သိုလှောင်ဈေးနှုန်းမြှင့်တင် ရောင်းချနေမှုများအတွက် စီစစ်ရေးအဖွဲ့ကိုလည်း ဖွဲ့စည်းတာဝန်ပေးထားပြီး ဖြစ်ပါကြောင်း၊ စားသုံးဆီများဖြန့်ဖြူးရောင်းချရာတွင် စနစ်တကျရှိစေရေးနှင့် စားသုံးဆီတင်သွင်းသို လှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ စားသုံးဆီတင်သွင်းသည့် ကုမ္ပဏီများ၊ အရောင်းကိုယ်စားလှယ်များ၊ လက်လီ/လက်ကားရောင်းချသူများအား အဆင့်ဆင့်ထိန်းကျောင်း ခြင်းစသည်ဖြင့် တာဝန်ခံမှု၊ တာဝန်ယူမှုများဖြင့် လုပ်ငန်းများဆောင်ရွက်သွားကြရန် လိုအပ်ပါ ကြောင်း၊ ပြည်သူများ၏အခြေခံစားကုန် ဆန်နှင့်စားသုံးဆီဈေးနှုန်းများ မြင့်တက်မှုမရှိစေရေး၊ ဆန်ကုန်သည်၊ စားသုံးဆီကုန်သည်များအနေဖြင့် မိမိတို့တိုင်းဒေသကြီးအတွက် မိမိအကျိုး အများအကျိုး ညီညွတ်မျှတစွာဖြင့် ဥပဒေစည်းမျဉ်းစည်းကမ်းများကိုလည်း လေးစားလိုက်နာ ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက တိုင်းဒေသကြီး အတွင်းရှိ ခရိုင်/မြို့နယ်များတွင် စားသုံးဆီနှင့်ဆန်ဈေးနှုန်းမှန်ကန်တည်ငြိမ်စွာ ရောင်းချရေး နိုင်ရေးလုပ်ငန်းများ ဆောင်ရွက်နေမှု အခြေအနေများအား လည်းကောင်း၊ တိုင်းဒေသကြီး စားသုံးသူရေးရာဦးစီးဌာနမှ ညွှန်ကြားရေးမှူးက ဆန်ဈေးနှုန်းတည်ငြိမ်ရေးနှင့် စားသုံးဆီဖြန့် ဖြူးရောင်းချမှု အခြေအနေများအား လည်းကောင်း ရှင်းလင်းဆွေးနွေး ပြောကြားကြသည်။

ထို့နောက် အစည်းအဝေးသို့ တက်ရောက်လာကြသော ဆန်ကုန်သည်၊ဆီကုန်သည် လုပ်ငန်းရှင်များက မိမိတို့လုပ်ကိုင်ဆောင်ရွက်နေသည့် လုပ်ငန်းအခြေအနေများ နှင့်ပြည်သူများ ထံသို့ ဆန်၊စားသုံးဆီများ ဈေးနှုန်းမှန်ကန်စွာရောင်းချပေးနေမှု၊ လက်လီ လက်ကားရောင်းချ ပေးနေမှု၊ သယ်ယူပို့ဆောင်ရေး၊ လျှပ်စစ်မီးရရှိရေး၊ စားသုံးဆီများခွဲဝေရရှိမှု ဖြန့်ဖြူးရောင်းချပေး နေမှု၊ အပတ်စဉ်ဈေးကားများဖြင့် စားသုံးဆီများရောင်းချ ပေးနေမှုအခြေအနေများနှင့် တိုင်းဒေ သကြီးအစိုးရအဖွဲ့မှ ဖြည့်ဆည်းပေါင်းစပ်ပေးရမည့် လုပ်ငန်းအခြေအနေများအား အသီးသီးဆွေး နွေး တင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက်လာ သူများက တိုင်းဒေသကြီးအတွင်း စားသုံးဆီနှင့်ဆန်ဈေးနှုန်းမှှန်ကန်တည်ငြိမ်စွာ ရောင်းချရေး လုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။
ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရ သည်။