မုံရွာ၊ ဇူလိုင် ၉

စစ်ကိုင်းတိုင်းဒေသကြီး သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့ လုပ်ငန်းညှိနှိုင်း အစည်းအဝေး(၂/၂၀၂၄)ကို ဇူလိုင်လ ၉ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး သဘာဝ ဘေးအန္တရာယ်ဆိုင်ရာ စီမံခန့်ခွဲမှုအဖွဲ့ဝင်များ၊ မုံရွာခရိုင် စီမံအုပ်ချုပ်ရေးအဖွဲ့ ဒုတိယ ညွှန်ကြားရေးတို့ တက်ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာနိုင်ငံ အထက်ပိုင်းဒေသ များတွင် မိုးသည်းထန်စွာရွာသွန်းခဲ့ခြင်းကြောင့် ကချင်ပြည်နယ်နှင့် စစ်ကိုင်းတိုင်းဒေသကြီးရှိ အနိမ့်ပိုင်းဒေသများတွင် ရေဝင်ပြောင်းရွှေ့မှုများ ချင်းတွင်းမြစ်တွင် ခန္တီး၊ ဟုမ္မလင်း၊ မော်လိုက်၊ ဖောင်းပြင်၊ မင်းကင်းမြို့နယ်များ ဧရာဝတီမြစ်တွင် ကသာ၊ ကျောက်မြောင်း၊ စစ်ကိုင်းမြို့ များတွင်လည်း ရေဝင်ပြောင်းရွှေ့မှုများ ရှိလာခဲ့သည့်အတွက် လိုအပ်သည်များ ပူးပေါင်းဆောင် ရွက်သွားကြရန် လိုအပ်ပါကြောင်း၊ ဘေးသင့်ပြည်သူများအား နေထိုင်၊စားသောက်ရေးနှင့် ကျန်း မာရေးစောင့်ရှောက်မှုများပေးသွားကြရန်နှင့် ရေပြန်လည်ကျဆင်းချိန်တွင် ပြန်လည်ထူထောင် ရေးလုပ်ငန်းအား တာဝန်ရှိသူအားလုံး ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါ ကြောင်း၊ တိုင်းဒေသကြီး/ခရိုင်/မြို့နယ်များတွင် ဖွဲ့စည်းထားသည့် သဘာဝဘေးအန္တရာယ် ဆိုင်ရာစီမံခန့်ခွဲမှုအဖွဲ့အသီးသီးတွင် မြန်မာနိုင်ငံရဲတပ်ဖွဲ့၊ နယ်မြေခံတပ်မတော်သားများ၊ လူမှု ရေးအသင်းအဖွဲ့များ၊ စေတနာ့ဝန်ထမ်းများနှင့် ဝိုင်းဝန်းပူးပေါင်း၍ ဘေးသင့်ပြည်သူများအား လိုအပ်သည်များ ကူညီဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့ အတွင်းရေး မှူးများက တိုင်းဒေသကြီးအတွင်းရှိ ခရိုင်/မြို့နယ်များအတွင်း သဘာဝဘေးအန္တ ရာယ်များဖြစ် ပွားလာပါက ကြိုတင်ကာကွယ်ပြင်ဆင်ထားရှိမှုလုပ်ငန်းများနှင့် ကူညီကယ်ဆယ် ရေးလုပ်ငန်း များဆောင်ရွက်နေမှု၊ နေထိုင်ရေး၊ စားသောက်ရေး၊ ပညာရေး၊ ကျန်းမာရေး၊ ပြန်လည်ထူ ထောင်ရေးနှင့် သန့်ရှင်းသောသောက်သုံးရေ ရရှိရေးလုပ်ငန်းများအတွက် ကြိုတင်ပြင်ဆင် ဆောင်ရွက်ထားရှိမှု လုပ်ငန်းများအား Power Point ဖြင့် အသီးသီး ရှင်းလင်းဆွေးနွေး တင်ပြကြ သည်။

ဆက်လက်ပြီး တိုင်းဒေသကြီးအတွင်းရှိ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရွှေဘို ခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့်လည်း ကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဒုတိယညွှန်ကြားရေးတို့က မိမိတို့ခရိုင်များအတွင်းရှိ မြို့ နယ်များ၏ သဘာဝဘေးအန္တရာယ်များဖြစ်ပွားလာပါက ကြိုတင်ကာကွယ်ပြင်ဆင်ထား ရှိမှုလုပ် ငန်းများဆောင်ရွက်ထားရှိမှု အခြေအနေများနှင့် ပတ်သက်၍ အသီးသီး ရှင်းလင်း တင်ပြကြ သည်။

ယင်းနောက် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး သဘာဝဘေးအန္တ ရာယ်ဆိုင်ရာစီမံခန့်ခွဲမှုအဖွဲ့ဝင်များနှင့် အစည်းအဝေးသို့ တက်ရောက်လာသူများက တိုင်းဒေသ ကြီးအတွင်း သဘာဝဘေးအန္တရာယ်များ ကြိုတင်ကာကွယ်ပြင်ဆင်ထားရှိရေး လုပ်ငန်းအခြေအ နေများနှင့် ပတ်သက်၍ ဖြည့်စွက်တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကုတင် ၅၀၀ ဆံ့၊ ပြည်သူ့ဆေးရုံကြီးသို့ ရောက်ရှိရာ အဆိုပါဆေးရုံကြီးရှိ အစည်းအဝေးခန်းမတွင် ဆေးရုံ အုပ်ကြီးနှင့် အထူးကုဆရာဝန်ကြီးများ၊ ဆရာဝန်များနှင့်တွေ့ဆုံရာ ဆေးရုံကြီး၏ကုသရေးလုပ် ငန်းများ၊ ဆေးဝါးများနှင့် လိုအပ်သည်များကို ဆေးရုံအုပ်ကြီးနှင့် ဆရာဝန်ကြီးများမှ အသီးသီး ဆွေးနွေး တင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က ဆေးရုံကြီးနှင့် လူနာများ၏ကုသရေးလုပ် ငန်းများအတွက် ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့်ဖြည့် ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကုတင် ၅၀၀ ဆံ့၊ ပြည်သူ့ဆေးရုံကြီးရှိ မျက်စိစမ်းသပ်ခန်း၊ အမြင်အာရုံစမ်းသပ်ခန်းတို့တွင် မုံရွာမြို့နှင့် အနီးဝန်းကျင်ရှိကျေးရွာများမှ ပြည်သူ ၃၀၀ ဦးအား ဇူလိုင်လ ၉ ရက်နေ့မှ ၁၂ ရက်နေ့အထိ အခမဲ့ မျက်စိစမ်းသပ်ခွဲစိတ်ကုသပေးနေမှုများနှင့် ခွဲစိတ်ပြီးလူနာများအား ထောက်ပံ့ပေးအပ်မည့် ဆေး ဝါးများနှင့်နေကာမျက်မှန်များအား လိုက်လံကြည့်ရှုစစ်ဆေးပြီး လူနာများအား ရင်းရင်းနှီးနှီးနှုတ် ဆက်အားပေးခဲ့ကြောင်း သိရသည်။

မုံရွာ၊ ဇူလိုင် ၈

စစ်ကိုင်းတိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ (၆/၂၀၂၄) အစည်း အဝေးကို ဇူလိုင်လ ၈ ရက်၊ နံနက်ပိုင်းကတိုင်းဒေသကြီး အစိုးရအဖွဲ့ရုံး အစည်းအဝေးခန်းမ တွင်ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့်အဖွဲ့ဝင်များ၊ ဟိုတယ်/တည်းခိုရိပ် သာလုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း ခရီးသွားလုပ်ငန်း အခြေအနေမှန် အားသိရှိ၍ ဌာနဆိုင်ရာများ၊ လုပ်ငန်းရှင်များနှင့်အတူတကွ ပူးပေါင်းဆောင်ရွက်ပြီး မိမိတို့တိုင်း ဒေသကြီးအစိုးအဖွဲ့မှ လိုအပ်သည့်ပံ့ပိုးမှုများပေးနိုင်ရန်အတွက် ဒေသဆိုင်ရာခရီးသွားလုပ်ငန်း ကော်မတီအစည်းအဝေးအား လစဉ်ပြုလုပ်လျက်ရှိပါကြောင်း၊ စစ်ကိုင်းတိုင်းဒေသကြီး၏ ခရီး သွားလုပ်ငန်းများကို လေ့လာသုံးသပ်ကြည့်သည့်အခါ မြန်မာနိုင်ငံ၏ ခရီးစဉ်ဒေသများစွာထဲတွင် စစ်ကိုင်း-မင်းကွန်း ခရီးစဉ်ဒေသသည်မြန်မာတင်မက ကမ္ဘာအထိပါသိရှိနာမည်ရပြီး ဖြစ်ပါ ကြောင်း၊ ယခုအခါတွင်လည်းစစ်ကိုင်းခရီးသွားဇုန်သည် ပြည်တွင်းခရီးသွားရော နိုင်ငံခြားသား ခရီးသွားဧည့်သည်များကိုပါ အဆက်မပြတ်လာရောက်သည်ကို တွေ့ရှိရသည့်အတွက် အဆင် ပြေအချောမွေ့ဆုံး အအောင်မြင်ဆုံးခရီးသွားဇုန် ဖြစ်ပါကြောင်း၊ မိမိတို့တိုင်းဒေသကြီး၏ ခရီး သွားလုပ်ငန်းဖွံ့ဖြိုးတိုးတက်ရေး ခရီးသွားပြည်သူများ စိတ်အေးချမ်းသာစွာတည်းခို နေထိုင်ရေး တို့အတွက် ယခုလိုလစဉ်လတိုင်း မပျက်မကွက်ညှိနှိုင်းဆွေးနွေးပူးပေါင်း ဆောင်ရွက်သွားရမည် ဖြစ်ကြောင်း ပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၅/၂၀၂၄ ၏ အစည်းအဝေးဆုံးဖြတ်ချက်များအပေါ် ဆောင်ရွက်ထား ရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင် ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့်ဟို တယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွားလုပ်ငန်း ဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်း ကျင်များတွင်သန့်ရှင်းသာ ယာလှပရေး လုပ်ငန်းများဆောင်ရွက်နေမှု၊ လမ်းပန်းဆက်သွယ်မှုကောင်းမွန်ရေး၊ လုံခြုံရေး အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့တက်ရောက်လာသူများ၏ အကြံပြုဆွေးနွေးတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကား ပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ ဇူလိုင် ၇

စစ်ကိုင်းတိုင်းဒေသကြီး၊ မုံရွာမြို့၊ ရွှေစည်းခုံစေတီတော်မြတ်ကြီး၏ (၄၂)ကြိမ်မြောက်၊ အသံမစဲမဟာပဌာန်းရွတ်ဖတ်ပူဇော်ပွဲ အောင်ပွဲနှင့် ဆွမ်းဆန်စိမ်းလောင်းလှူပွဲ အခမ်းအနားကို ဇူလိုင်လ ၇ ရက်နေ့၊ နံနက်ပိုင်းတွင် အဆိုပါစေတီတော်ကြီးရှိ သာသနာ့ဗိမာန်တော်ကြီးတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီးတရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများနှင့်ဝန်ထမ်းများ၊ မြို့မိမြို့ဖများနှင့် အလှူရှင်များ တက် ရောက်ကြသည်။
ဦးစွာ နမောတဿ သုံးကြိမ်ရွတ်ဆို ဘုရားကန်တော့၍ အခမ်းအနားအား ဖွင့်လှစ်ကြပြီး မုံရွာမြို့၊ သတိပဌာန်ကျောင်းတိုက် ဘဒ္ဒန္တဝိသုဒ္ဓ ဆရာတော်ကြီးထံမှ တိုင်းဒေသကြီး ဝန်ကြီးချုပ် နှင့်ဧည့်ပရိတ်သတ်များက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်၊ သံဃာတော် အရှင်သူမြတ်များထံမှ တိုင်းဒေသကြီး ဝန်ကြီးချုပ် နှင့်ဧည့်ပရိတ်များက မေတ္တာသုတ်ပရိတ်တရားများ နာယူကြည်ညိုကြပြီး ဆရာတော်ကြီးများနှင့် ပဌာနဘာဏဆရာတော်များအား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူ ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင် ရာများက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြသည်။

ဆက်လက်ပြီး မုံရွာမြို့၊ ရွှေစည်းခုံ ကြံတိုင်းအောင်ကျောင်းတိုက်၊ ပဓာနနာယက ဘဒ္ဒန္တ ဝိသုတ ဆရာတော်ကြီးထံ မှတိုင်းဒေသကြီး ဝန်ကြီးချုပ်နှင့် ဧည့်ပရိသတ်များက အနုမောဒနာ တရားနာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ “ ဗုဒ္ဓ သာသနံ စိရံ တိဌတု”သုံးကြိမ် ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့သည်။

ထို့နောက် ပင့်သဃာဆရာတော်ကြီးများနှင့် ပဌာနဘာဏဆရာတော်များအား တိုင်းဒေ သကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများက ဆွမ်းဆန်စိမ်းနှင့် လှူဖွယ်ဝတ္ထုပစ္စည်းများ လောင်းလှူခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ဆွမ်းဆန်စိမ်းနှင့်လှူဖွယ် ဝတ္ထုပစ္စည်းများ လောင်းလှူနေမှုများကို လိုက်လံကြည့်ရှုအားပေးပြီး ရင်းရင်းနှီးနှီးနှုတ်ဆက်ကာ ပင့်သဃာဆရာတော်ကြီးများနှင့် ပဌာနဘာဏဆရာတော်များအား နေ့ဆွမ်းများဆက်ကပ်လှူ ဒါန်းခဲ့ကြောင်း သိရသည်။

မုံရွာ၊ ဇူလိုင် ၇

ပြည်သူများအနေဖြင့် သစ်တောသစ်ပင်များ၏တန်ဖိုးကို နားလည်မြတ်နိုးသည့် စိတ် ဓါတ်ဖြစ်ပေါ်စေရေးနှင့် သဘာဝပတ်ဝန်းကျင် စိမ်းလန်းစိုပြည်ရေး၊ ဂေဟစနစ်ညီညွှတ်မျှတစေ ရေး၊ ရာသီဥတုကောင်းမွန်ရေး၊ အရိပ်အာဝါသနှင့် မျက်စိပသာဒအကျိုးများရရှိစေရေးအတွက် ရည်ရွယ်၍ ဇူလိုင်လ ၇ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အောင်ချမ်းသာရပ်ကွက်ရှိ မုံရွာဂေါက်ကွင်းအတွင်း၌ တိုင်းဒေသကြီး သစ်တောဦးစီးဌာနနှင့် တိုင်းဒေသကြီး အပူပိုင်းဒေသစိမ်းလန်းစိုပြည်ရေးဦးစီးဌာနတို့ ပူးပေါင်း၍ ၂၀၂၄-ခုနှစ်၊ မိုးရာသီ စုပေါင်းသစ်ပင်စိုက်ပျိုးပွဲတော် (တတိယအကြိမ်) အခမ်းအနားကို ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များနှင့်ဝန်ထမ်းများ၊ တိုင်းဒေသကြီး/ခရိုင်/မြို့နယ် သစ်တောဦးစီးဌာနနှင့် အပူပိုင်းဒေသစိမ်း လန်းစိုပြည်ရေးဦးစီးဌာနတို့မှ ဝန်ထမ်းများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်မှ မုံရွာဂေါက်ကလပ် ဘဏ္ဍာရေးကော်မတီ ဥက္ကဌနှင့် မုံရွာဂေါက်ကလပ်အတွင်းရေးမှူးထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အမျိုးသမီးရေးအဖွဲ့ နာယကမှ တိုင်းဒေသကြီး အမျိုးသမီး ရေးရာအဖွဲ့ဝင်ထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး တရားသူကြီး ချုပ်မှ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေ သကြီး လုံခြုံရေးနှင့်နယ်စပ်ရေးရာဝန်ကြီးမှ တိုင်းဒေသကြီး မီးသတ်ဦးစီးမှူးထံ စိုက်ပျိုးမည့်ပျိုး ပင်အား လည်းကောင်း၊ တိုင်းဒေသကြီး သယံဇာတရေးရာဝန်ကြီးမှ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ တိုင်းဒေသကြီးဦးစီးမှူးထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေ သကြီး သစ်တောဦးစီးဌာန၊ ညွှန်ကြားရေးမှူးက တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး အပူပိုင်းဒေ သစိမ်းလန်းစိုပြည်ရေးဦးစီးဌာန၊ ညွှန်ကြားရေးမှူးက တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာန၊ ညွှန်ကြားရေးမှူးထံ စိုက်ပျိုးမည့်ပျိုးပင်အား လည်းကောင်း အသီးသီးပေးအပ်ကြ သည်။

ယင်းနောက် တိုင်းဒေသကြီး ဝန်ကြီးချုပ်က တမာပျိုးပင်အား စိုက်ပျိုးပေးပြီး တိုင်းဒေသ ကြီး ဝန်ကြီးချုပ်၏ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်ဌာနဆိုင်ရာ ဝန်ထမ်းများမှ သက်မှတ်နေရာ များတွင် ပျိုးပင်များအား တပျော်တပါးစိုက်ပျိုးပေးကြပြီး တိုင်းဒေသကြီး ဝန်ကြီးချုပ်နှင့် တာဝန် ရှိသူများက စုပေါင်းသစ်ပင်စိုက်ပျိုးပေးနေမှုများအား လိုက်လံကြည့်ရှုအားပေးကာ တာဝန်ရှိသူ များနှင့် စုပေါင်းမှတ်တမ်းတင် ဓါတ်ပုံရိုက်ကူးကြသည်။

အဆိုပါ မုံရွာဂေါက်ကွင်းအတွင်း၌ ကျင်းပသော ၂၀၂၄-ခုနှစ်၊ မိုးရာသီစု ပေါင်းသစ် ပင်စိုက်ပျိုးပွဲတော် (တတိယအကြိမ်)တွင် ၂ ပေနှင့်အထက် ၂ နှစ်သားအရွယ်ရှိ ပျိုးပင် ၇၇၄ ပင်အား စိုက်ပျိုးပေးခဲ့ကြပြီး ၂၀၂၄ -ခုနှစ်၊ မိုးရာသီ၌ တိုင်းဒေသကြီး သစ်တောဦးစီးဌာန အနေဖြင့် သစ်မျိုးပေါင်း ၁၂ မျိုး၊ ပျိုးပင် ၁,၅၉,၃၉၆ ပင်နှင့် တိုင်းဒေသကြီး အပူပိုင်းဒေသ စိမ်းလန်းစိုပြည်ရေးဦးစီးဌာနအနေဖြင့် သစ်မျိုးပေါင်း ၁၄ မျိုး၊ ပျိုးပင်စုစုပေါင်း ၉၃,၂၀၀ ပင် စိုက်ပျိုးပြီးစီးခဲ့၍ တိုင်းဒေသကြီးတစ်ခုလုံးအနေဖြင့် ယခုနှစ်မိုးရာသီတွင် ပျိုးပင်စုစုပေါင်း ၂,၅၂,၅၆၉ ပင်အား စိုက်ပျိုးပြီးစီးခဲ့ပြီးကြောင်း သိရသည်။

မုံရွာ၊ ဇူလိုင် ၆

၂၀၂၄-၂၀၂၅ ပညာသင်နှစ်တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးနှင့် ကျောင်းဉပဓိရုပ်ကောင်းမွန်စေရေးအတွက် ဇူလိုင်လ ၆ ရက်နေ့၊ နံနက်ပိုင်းတွင် မုံရွာမြို့၊ အောင်မင်္ဂလာရပ်ကွက်ရှိ အမှတ်(၁) အခြေခံပညာအထက်တန်းကျောင်း၊ ကျောင်းပတ်ဝန်းကျင်နှင့်ကျောင်းဝန်းအတွင်း သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်း လင်းခြင်း၊ ခြင်များပေါက်ပွားနိုင် သည့်ရေနုတ်မြောင်းများရေစီးရေ လာကောင်းမွန်စေရေးတို့ အတွက် တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့များ၊ မိခင်နှင့်ကလေးစောင့်ရှောက် မှုကြီးကြပ်ရေးအဖွဲ့များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲ တပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ ဌာနဆိုင်ရာဝန်ထမ်းများ၊ ဆရာ/ဆရာမများ၊ ကျောင်းသားမိဘများနှင့် ကျောင်းသား/သူများ စုပေါင်း၍ သန့်ရှင်းရေးလုပ် ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးဆောင်ရွက်နေမှုများအား တိုင်းဒေသကြီး ဝန်ကြီးချုပ်နှင့် တာဝန်ရှိသူများက လိုက်လံကြည့်ရှုအားပေးပြီး စုပေါင်းသန့်ရှင်းရေး လုပ်ငန်းများဆောင်ရွက်နေ သူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား စားသုံးဆီ၊ တန်ဖိုးသင့်စား သောက်ကုန်များနှင့် ဟင်းသီးဟင်းရွက်များအား ဈေးနှုန်းသက်သာစွာဖြင့် ရောင်းချပေးနေမှုများ အားကြည့်ရှုအားပေးကာ စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြသူများအား အမှတ် (၁)အခြေခံပညာ အထက်တန်းကျောင်းမှ ကျွေးမွေးသည့် နံနက်စာများကိုတစ်ပျော်တစ်ပါး စုပေါင်းစားသုံးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၄ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၄၀၀ ကျော်ဖြင့် ကျောင်းများဉပဓိရုပ်ကောင်းမွန်ရေးနှင့် မြို့သန့်ရှင်းသာယာလှပ်ရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။

မုံရွာ ဇူလိူင် ၆

(၁၀၂)နှစ်ပြည့်၊ အပြည်ပြည်ဆိုင်ရာ သမဝါယမနေ့ အခမ်းအနားကို ဇူလိူင်လ ၆ ရက်နေ့၊ နံနက်ပိုင်းတွင် မုံရွာမြို့၊ တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင်ကျင်း ပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရား သူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့ နယ်အဆင့် ဌာနဆိုင်ရာများ၊ သမဝါယမဦးစီးဌာနမှဝန်ထမ်းများ၊ သမဝါယမအသင်းစုချုပ် အမှု ဆောင်များနှင့်ဝန်ထမ်းများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နှစ်စဉ်အပြည်ပြည်ဆိုင်ရာ သမဝါယမ နေ့၌သမဝါယမအကြောင်း အသိပညာပေးမှုအား တိုးမြှင့်လုပ်ဆောင်နိုင်ရန်အတွက် နိုင်ငံတကာ စည်းလုံးညီညွှတ်ရေး ရည်မှန်းလှုပ်ရှားဆောင်ရွက်ခဲ့ရာ အချိန်တိုအတွင်း စီးပွားရေးအကျိုးဖြစ် ထွန်းမှု တန်းတူညီမျှမှုနှင့် ကမ္ဘာကြီးငြိမ်းချမ်းပြီး သာယာဝပြောမှုများကို အားပေးမြင့်တင်ရန် ရည်ရွယ်ပြီး ကမ္ဘာတစ်ဝန်းလုံး ကျင်းပလာခြင်းဖြစ်ပါကြောင်း၊ မိမိတို့ တိုင်းဒေသကြီးအတွင်း ဖွဲ့စည်းပြီး သမဝါယမအသင်းများရှိ အသင်းသူ၊အသင်းသား တောင်သူများ၏ စိုက်ပျိုးရေးလုပ် ငန်းများသို့ အရင်းအနှီးပံ့ပိုးချေးငွေ ထုတ်ချေးခြင်းလုပ်ငန်း လယ်ယာသုံးနှင့် လုပ်ငန်းသုံးစက် ကရိယာများအား စနစ်တကျအရစ်ကျဖြင့် ရောင်းချပေးခြင်း၊ မျိုးစေ့၊ဓါတ်မြေသြဇာများ ဖြန့်ဖြူး ရောင်းချပေးခြင်း၊ လယ်ယာမြေပြုပြင်ခြင်းလုပ်ငန်းများ ဆောင်ရွက်ပေးခြင်း၊ လယ်ယာထွက် ကုန်များ ဖြန်ဖြူးရောင်းချခြင်းစသည့်လုပ်ငန်းများ ဆောင်ရွက်ပေးခဲ့ပါကြောင်း၊ သမဝါယမနှင့်အသင်းစုများအနေဖြင့် ယနေ့ကျရောက်သည့် အပြည်ပြည်ဆိုင်ရာ သမဝါ ယမဆောင်ပုဒ်နှင့်အညီ သမဝါယမလုပ်ငန်းများနှင့် သမဝါယမအသင်များ ဖွံ့ဖြိုးတိုးတက်အောင် ကြိုးပမ်းဆောင်ရွက်ခြင်းဖြင့် ကျေးလက်နှင့်မြို့ပြ အခြေခံပြည်သူများ၏ အနာဂါတ်ဘ၀ ပိုမို ကောင်းမွန်ရေးအား သမဝါယမကဏ္ဍမှ ကြိးပမ်းဆောင်ရွက်သွားကြရန် လိုအပ်ပါကြောင်း ပြော ကြားသည်။

ယင်းနောက် (၁၀၂)နှစ်ပြည့်၊ အပြည်ပြည်ဆိုင်ရာ သမဝါယမနေ့အတွက် အပြည်ပြည်ဆိုင် ရာသမဝါယမအဖွဲ့ချုပ် ဥက္ကဌမှပေးပို့သည့်သဝဏ်လွှာအား တိုင်းဒေသကြီး သမဝါယမအသင်းစု ချုပ် ကိုယ်စားလှယ် ဦးထွန်းမြင့်က ဖတ်ကြားသည်။

ထို့နောက် ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲတွင် ထူးချွန်စွာအောင်မြင်ခဲ့ သည့် ဝန်ထမ်းသား/သမီးများအား ဆုများချီးမြှင့်ရာ တိုင်းဒေသကြီး ဝန်ကြီးချုပ်က ၄ ဘာသာ ဂုဏ်ထူးရှင်အား လည်းကောင်း၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အမျိုးသမီး ရေးရာအဖွဲ့ နာယကမှ ၂ ဘာသာဂုဏ်ထူးရှင်အား လည်းကောင်း၊ တိုင်းဒေသကြီး တရားသူကြီး ချုပ်က ၁ ဘာသာဂုဏ်ထူးရှင်အား လည်းကောင်း၊ တိုင်းဒေသကြီး အစိုးရအဖွဲ့ဝင်များက ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲတွင် ရိုးရိုးအောင်မြင်သူများအား လည်းကောင်း ဂုဏ် ပြုဆုများ အသီးသီးပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက (၁၀၂)နှစ်ပြည့်၊ အပြည် ပြည်ဆိုင်ရာ သမဝါယမနေ့ ဂုဏ်ပြုတေးသီချင်း Video Click အား ကြည့်ရှုအားပေးကြပြီး တာဝန် ရှိသူများနှင့်အတူ စုပေါင်းမှတ်တမ်း ဓါတ်ပုံရိုက်ကူးကာ အခမ်းအနားသို့ တက်ရောက်လာသူ များအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။