မုံရွာ၊ သြဂုတ် ၅

၂၀၂၄-ခုနှစ်၊ ပြည်နယ်နှင့်တိုင်းဒေသကြီး အသက်(၂၅)နှစ်အောက် အမျိုးသား/အမျိုးသမီး ဖူဆယ်ပြိုင်ပွဲသို့ ဝင်ရောက်ယှဉ်ပြိုင်မည့် စစ်ကိုင်းတိုင်းဒေသကြီး အမျိုးသား/သမီး ဖူဆယ် အသင်းအား အောင်နိုင်ရေးအလံပေးအပ်ပွဲ အခမ်းအနားကို သြဂုတ်လ ၅ ရက်၊ နံနက်ပိုင်းတွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်ဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အသင်းအုပ်ချုပ်သူများနှင့် အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အစိုးရအနေဖြင့် အားက စားကို အမျိုးသားရေးတာဝန်တစ်ရပ်အနေဖြင့် အဘက်ဘက်မှ အားပေးမြှင့်တင် ဆောင်ရွက် လျက်ရှိရာ မိမိတို့တိုင်းဒေသကြီးအစိုးရအနေဖြင့်လည်း အားကစားမူဝါဒများ အားအကောင် အထည်ဖော်နိုင်ရန်အတွက် အစွမ်းကုန်ပံ့ပိုးကူညီ ဆောင်ရွက်လျက်ရှိပါကြောင်း၊ တိုင်းဒေသကြီး ဖူဆယ်လက်ရွေးစင် အမျိုးသား/အမျိုးသမီး အားကစားသမားများအနေဖြင့် ယခင်နှစ်က အမျိုး သားအသင်းသည် ဆီမီးဖိုင်နယ်၊ အမျိုးသမီးအသင်းသည် ကွာတားဖိုင်နယ်အဆင့်အထိသာ ရောက်ရှိခဲ့သည့်အတွက် ယခုနှစ်တွင် ဆုတံဆိပ်များရရှိအောင် ကြိုးစားသွားကြရန် လိုအပ်ပါ ကြောင်းနှင့် ယခင်နှစ်မှအတွေ့အကြုံ များအားရယူကာ မလိုလားအပ်သည့် အမှားမျိုးများ မဖြစ်အောင် ကြိုတင်ပြင်ဆင်ပြီး ပြတ်သားသည့်အရှုံး/အနိုင်ရလဒ် ပေါ်ထွက်အောင် ကြိုးစားယှဉ် ပြိုင်သွားကြရန် လိုအပ်ပါကြောင်း၊

ပြိုင်ပွဲကျင်းပရေးကော်မတီမှ ထုတ်ပြန်ထားသည့် စည်းမျဉ်း၊စည်းကမ်းများအား လေးစား လိုက်နာသွားကြရန်နှင့် မိမိတစ်ဦးချင်းအောင်နိုင်ရေး၊ မိမိတို့တိုင်းဒေသကြီး အသင်းအောင်နိုင် ရေးအတွက် ကိုယ်စွမ်းဉာဏ်စွမ်းရှိသလောက် အစွမ်းကုန်ကြိုးစား ယှဉ်ပြိုင်ခဲ့ကြရန် လိုအပ်ပါ ကြောင်း၊ အားကစားသမားများအနေဖြင့်လည်း ပြိုင်ပွဲတိုင်းအား အနိုင်မခံအရှုံးမပေးသည့် ဇွဲစိတ်ဓါတ်ဖြင့် အောင်မြင်မှုများရရှိအောင် ယခုပြိုင်ပွဲကနေကြိုးစားပြီး စည်းမျဉ်း/စည်းကမ်း ဘောင် ထဲမှတရားမျှတစွာ ကြိုးစားယှဉ်ပြိုင် ကစားသွားကြရန်နှင့် အားကစားဖြင့်နိုင်ငံ့ဂုဏ်အားမြှင့် တင်နိုင်သည့် နိုင်ငံဂုဏ်ဆောင် ကစားသမားကောင်းများဖြစ်အောင် ကြိုးစားယှဉ်ပြိုင်သွား ကြ ရန်လိုအပ်ပါကြောင်း ပြောကြား ခဲ့သည်။

ယင်းနောက် တိုင်းဒေသကြီး ဝန်ကြီးချုပ်က တိုင်းဒေသကြီး အမျိုးသား/သမီး ဖူဆယ် အသင်းနည်းပြများနှင့် အသင်းအုပ်ချုပ်သူတို့ထံ ဂုဏ်ပြုထောက်ပံ့ငွေကျပ် - ၁၂၉၈၇၀၀၀ (တစ် ရာနှစ်ဆယ့်ကိုးသိန်းရှစ်သောင်းခုနှစ်ထောင်ကျပ်)နှင့် အောင်နိုင်ရေးအလံတို့အား ပေးအပ်သည်။
ဆက်လက်ပြီး တိုင်းဒေသကြီး အမျိုးသား/သမီးဖူဆယ်အသင်း အုပ်ချုပ်သူက ပြိုင်ပွဲဝင် ရောက်ယှဉ်ပြိုင်သွားမည့် အခြေအနေများအား ရှင်းလင်းပြေကြားပြီး စုပေါင်းမှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက တိုင်းဒေသကြီး အမျိုးသား/ သမီး ဖူဆယ်အားကစားသမားများ၊ အသင်းနည်းပြများနှင့် အုပ်ချုပ်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ ဩဂုတ် ၅

စစ်ကိုင်းတိုင်း‌ဒေသကြီး အစိုးရအဖွဲ့၏ကြီးကြပ်မှုဖြင့် တိုင်းဒေသကြီးဥပဒေချုပ်ရုံးနှင့် တိုင်းဒေသကြီး ပညာရေးဌာနတို့ပူးပေါင်း ကျင်းပသည့် ဥပဒေအသိပညာပြန့်ပွားရေးသင်တန်း အမှတ်စဉ်(၂/၂၀၂၄) ကို သြဂုတ်လ ၅ ရက် နံနက် ၉ နာရီခွဲတွင် မုံရွာမြို့ အမှတ်(၁)အခြေခံပညာအထက်တန်းကျောင်း (အလုံ) ရွှေလုံခန်းမ၌ ကျင်းပသည်။

သင်တန်းဖွင့်ပွဲတွင် စစ်ကိုင်းတိုင်းဒေသကြီးဝန်ကြီးချုပ်ဦးမြတ်ကျော်က မုံရွာမြို့နယ်အတွင်းရှိ အခြေခံပညာကျောင်းများမှကျောင်းသားကျောင်းသူများအနေဖြင့် ကျောင်းစာအပြင် ဥပဒေရေးရာအသိပညာများကို သိရှိပြီးလေးစား လိုက်နာဆောင်ရွက်နိုင်ရန် အထူးလိုအပ်ပါကြောင်း၊ ကျောင်းသား ကျောင်းသူများသည် နိုင်ငံသား တစ်ဦးအနေဖြင့် နိုင်ငံ၏ဥပဒေရေးရာများကို သေချာစွာ သိရှိနားလည်ပြီး နိုင်ငံ့တာဝန်ကျေပွန်စေရန် ဆောင်ရွက်ရမည်ဖြစ်ကြောင်း၊ နိုင်ငံ၏အနာဂတ် ဖြစ်သည့်လူငယ်များကို ဥပဒေအသိပညာများ ပြန့်ပွားစေရန် ပို့ချပေးမည့် တိုင်းဒေသကြီးဥပဒေချုပ်ရုံးမှ ဥပ‌ဒေအရာရှိ များ၊ စစ်ကိုင်းတိုင်းဒေသကြီးတရားလွှတ်တော်မှ တရားသူကြီးများ၊ အမှတ်(၁၇)ယာဥ်ထိန်းရဲ ဒုတပ်ဖွဲ့ခွဲ(စစ်ကိုင်း) ဒုတပ်ဖွဲ့ခွဲမှူး တို့အားကျေးဇူးတင်ရှိကြောင်း ပြောကြားသည်။

ဆက်လက်ပြီး တိုင်းဒေသကြီး တရားလွှတ်တော်တရားသူကြီးချုပ်ဦးဇော်ထူး၊ တိုင်းဒေသကြီး ‌ဥပဒေချုပ် ဒေါ်လှလှဝင်း နှင့် တိုင်း‌ဒေသကြီးရဲတပ်ဖွဲ့မှူး ရဲမှူးကြီး နိုင်လင်း တို့က သင်တန်းသား သင်တန်းသူများအား အားပေးစကားများပြောကြားခဲ့ကြသည်။

ထို့နောက် စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော်နှင့် အဖွဲ့က သင်တန်းပို့ချပေးမည့် တိုင်းဒေသကြီး ဥပဒေချုပ်ရုံးမှ ဥပဒေပညာ ရှင်များအား ရင်းရင်းနှီးနှီးတွေ့ဆုံနှုတ်ဆက်ပြီး သင်တန်းပို့ချပေးနေမှုအား ကြည့်ရှုအားပေး ခဲ့ကာ လိုအပ်သည်များကို တာဝန်ရှိသူများနှင့် ပေါင်းစပ် ဖြည့်ဆည်းဆောင်ရွက်ပေးခဲ့သည်။

အဆိုပါသင်တန်းတွင် မုံရွာမြို့နယ်အတွင်းရှိ အခြေခံပညာကျောင်းများမှ Grade 11 နှင့် Grade 12 တို့မှ ကျောင်းသားကျောင်းသူ (၁၅၀)အား လူကုန်ကူးမှုတားဆီးနှိမ်နှင်းရေးဥပဒေ၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေ၊ ပြည်သူ့စစ်မှုထမ်းဥပဒေ၊ တရားစီရင်ရေးအကြောင်း သိကောင်းစရာများ၊ အကြမ်းဖက်မှုတိုက်ဖျက်ရေး ဥပဒေ၊ ကလေးသူငယ်အခွင့်အရေးများဆိုင်ရာ ဥပဒေ၊ လူကုန်ကူးမှုတိုက်ဖျက်ရေးဥပဒေ၊ ယာဥ်အန္တရာယ်ကင်းရှင်းရေးနှင့် မော်တော်ယာဥ်စီမံခန့်ခွဲမှု ဥပဒေတို့ကို သြဂုတ် ၅ ရက်မှ ၆ ရက် နေ့အထိ သင်ကြားပို့ချသွားမည် ဖြစ်ကြောင်း သိရသည်။

မုံရွာ၊ သြဂုတ် ၃

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ဆရာတော်၊ သံဃာတော်များ ဝါတွင်းကာလ အတွင်း စိတ်အေးချမ်းသာစွာဖြင့် တရားဘာ၀နာများ ပွားများနိုင်စေရန်အတွက် သြဂုတ်လ ၃ ရက်၊ နံနက်ပိုင်းတွင် မုံရွာမြို့၊ မဟာဇောတိကာရာမပါဠိတက္ကသိုလ် ကျောင်းတိုက်ကြီးအတွင်း သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ် မြောင်းများရေစီးရေ လာကောင်းမွန်စေရေးတို့အတွက် တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့များ၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများ စုပေါင်း၍ သန့်ရှင်းရေး လုပ်ငန်းများ ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုများအား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက ကြည့်ရှုစစ်ဆေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာ ဝန်ထမ်းများအား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေး လုပ်ငန်းများဆောင်ရွက်ခဲ့ကြသူများအား နံနက်စာဖြင့် ကျွေးမွေးဧည့်ခံခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၂ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၈၀၀ ကျော်ဖြင့် ဘုန်းတော်ကြီးကျောင်းများနှင့် မြို့သန့်ရှင်းသာယာလှပရေး လုပ်ငန်းများကို စုပေါင်းဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မဟာဇောတိကာရာ မပါဠိတက္ကသိုလ်ကျောင်းတိုက်ကြီးရှိ ဆရာတော်၊ သံဃာတော်များ ဝါတွင်းကာလအတွင်း ဆွမ်း အခက်အခဲမရှိစေရေးတို့အတွက် လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုး ဆက်ကပ်လှူဒါန်းပွဲသို့ တက်ရောက်ကြသည်။

ဦးစွာ ဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်ဇနီးများက လှူဖွယ်ပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုးအား ဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထား ခဲ့သည်။

အဆိုပါ မဟာဇောတိကာရာ မပါဠိတက္ကသိုလ်ကျောင်းတိုက်ကြီးရှိ ဆရာတော်၊ သံဃာတော် ၅၇၅ ပါးတို့အတွက် တိုင်းဒေသကြီးအစိုးရအဖွဲ့မှ ဆွမ်းဆန် - ၄၇ အိတ်၊ ဆီ - ၈၆ ပိဿာ၊ ဆား - ၃၆ ပိဿာ၊ ပဲ - ၈၆ ပိဿာတို့အား ဆက်ကပ်လှူဒါန်းခဲ့ကြောင်း သိရသည်။

မုံရွာ၊ သြဂုတ် ၁

စစ်ကိုင်းတိုင်းဒေသကြီး၊ မုံရွာတက္ကသိုလ်ကျောင်းဝန်းအတွင်းရှိ ဆုတောင်းပြည့်စေတီ တော်မြတ်ကြီး ဗုဒ္ဓါဘိသေက အနေကဇာတင်မင်္ဂလာ အခမ်းအနားကို သြဂုတ်လ ၁ ရက်၊ နံနက် ပိုင်းက အဆိုပါကျောင်းဝန်းအတွင်းရှိ စေတီတော်ကြီး ပရဝုဏ်အတွင်းကျင်းပရာ အခမ်းအနား သို့ပင့်သံဃာဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ မုံရွာတက္ကသိုလ်၊ စီးပွားရေးတက္ကသိုလ်မှ ပါမောက္ခချုပ်၊ ဒုတိယပါမောက္ခချုပ်များ၊ ပါမောက္ခ/ဌာနမှူးများ၊ ဆရာ/ဆရာမများနှင့်အလှူရှင်များ တက် ရောက်ကြသည်။
ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အခမ်းအနားအားဖွင့်လှစ်ကြ ပြီး ဆရာတော်၊သံဃာတော်အရှင်သူမြတ်များက ဗုဒ္ဓါဘိသေက အနေကဇာတင် ပူဇော်ကြသည်။
ယင်းနောက် မုံရွာမြို့၊ အုတ်ကန်တောရပရိယတ္တိစာသင်တိုက်၊ ပဓာနနာယက အဂ္ဂမဟာ ပဏ္ဍိတ၊ ဘဒ္ဒန္တမာနိက ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည်ပရိသတ်များ ငါးပါးသီလခံယူဆောက်တည်ကြသည်။
ဆက်လက်ပြီး ဆရာတော်၊ သံဃာတော်အရှင်သူမြတ်များမှ ရွတ်ပွားသရဇ္ဈာယ်ချီးမြှင့် တော်မူသည့် ပရိတ်တရားတော်များအား တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နာယူကြည်ညိုကြသည်။
ဆက်လက်၍ ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်း ဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက လှူဖွယ် ပစ္စည်းများဆက်ကပ်လှူဒါန်းကြသည်။
ထို့နောက် မုံရွာမြို့၊ ရန်ကင်းကျောင်းတိုက်၊ ပဓာနနာယက ဒွိပိဋကဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည်ပ ရိသတ်များက အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက် သွန်းချအမျှပေးဝေကာ “ဗုဒ္ဓသာသနံ စိရံ တိဌတု”သုံးကြိမ်ရွတ်ဆိုဆုတောင်းကာ အခမ်းအနား ကို ရုပ်သိမ်းခဲ့ကြသည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ် ကျောင်းဝန်းအတွင်းရှိ ဆုတောင်းပြည့်စေတီတော်မြတ်ကြီး ရေရှည်တည်တံ့ခိုင်မြဲရေး၊ ကျောင်း သား/သူများ စိတ်အေးချမ်းသာစွာဖြင့် ဖူးမျှော်နိုင်ရေးအတွက် ရင်ပြင်တော်ပတ်ဝန်းကျင် သန့်ရှင် သပ်ရပ်ရေးတို့အား လိုက်လံကြည့်ရှုစစ်ဆေးခဲ့ကြသည်။
ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ် ဥပဒေ ပညာဌာနရှိ စာကြည့်တိုက်နှင့် မုံရွာပညာ့ရိပ်သာအိမ်ရာဝန်းအတွင်းရှိ လူနေအိမ် အဆောက်အဦ များနှင့် Gym အခန်းတို့အား လိုက်လံကြည့်ရှုစ်စစ်ဆေးပြီး မြန်မာစာဌာနရှိ ကျောင်းသား/သူ များအား ရင်းရင်းနှီးနှီးနှုတ်ဆက်ကာ စိတ်အေးချမ်းသာစွာ ပညာသင်ကြားနေမှုများအား ကြည့်ရှု အားပေးပြီ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ်ရှိ အစည်းအဝေးခန်းမတွင် ဒုတိယပါမောက္ခချုပ်များ၊ ပါမောက္ခဌာနမှုးများ၊ ဆရာ/ဆရာမများနှင့် တွေ့ဆုံရာ မုံရွာတက္ကသိုလ် ဒုတိယပါမောက္ခချုပ်က ဘာသာရပ်အလိုက် သင်ကြားရေးလုပ်ငန်း အခြေအနေများဆောင်ရွက်နေမှုနှင့် ကျောင်း၏လိုအပ်ချက်များအား ရှင်းလင်းတင်ပြကြရာ တိုင်းဒေသကြီး ဝန်ကြီးချုပ်က လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ တိုင်းဒေသကြီးရုံးမှ နိုင်-၄ တိုက်ဆိုင်စစ် ဆေးနေမှုများအား ကြည့်ရှုစစ်ဆေးပြီး ဝန်ထမ်းများအား ရင်းရင်းနှီးနှီးနှုတ်ဆက်ကာ လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇူလိုင် ၃၀

စစ်ကိုင်းတိုင်းဒေသကြီး ၂၀၂၄-ခုနှစ်၊ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုး ရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ တိုင်းဒေသကြီးအဆင့် ကျင်းပရေးလုပ်ငန်း ညှိနှိုင်းအစည်းအဝေးကို ဇူလိုင်လ ၃၀ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေးကော်မတီ အဖွဲ့ဝင်များ၊ မုံရွာခရိုင် ခရိုင်စီမံအုပ်ချုပ် ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ဥက္ကဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးသည် ရဟန်း ပညာရှိ၊ လူပညာရှိ၊ စာဆိုအကျော်အမော်များ ထွက်ရှိရာဒေသဖြစ်သကဲ့သို့ ယဉ်ကျေးမှုအနှစ် သာရများထွန်းကားခဲ့ပြီး စာဆိုအနုပညာရှင်များထွက်ပေါ်ရာ ရေခံမြေခံကောင်းသည့် တိုင်းဒေသ ကြီးဖြစ်သည့်အတွက် မီးခဲပြာဖုံးဝါသနာရှင်များ၊ အခြေခံပညာကျောင်းသား/သူများ၊ အဆင့်မြင့် ကျောင်းများနှင့်ဝန်ထမ်းများ၊ ရပ်ကွက်ကျေးရွာနေပြည်သူများအား ကျယ်ကျယ်ပြန့်ပြန့် ရှာ‌ဖွေ ရွေးချယ်ယှဉ်ပြိုင်သွားကြရန် လိုအပ်ပါကြောင်း၊ ပြည်တွင်းပြည်ပအဖျက်သမားများ၏ အကောက်ကြံဝါဒဖြန့်မှုများနှင့် မြန်မာတိုင်းရင်းသားတို့၏ ရိုးရာယဉ်ကျေးမှုအမွေအနှစ်များ ပျက်စီးပျောက်ကွယ်သွား စေရန် လုပ်ဆောင်ချက်များအား တစ်မျိုးသားလုံးမှ ဝိုင်းဝန်းထိန်းသိမ်း ကာကွယ်သွားကြရမည်ဖြစ်ပါကြောင်း၊ (၂၅)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲကြီးတွင် မိမိတို့တိုင်းဒေသကြီးအနေဖြင့် ဘာသာရပ်အဆင့်ဆင့်ပြိုင်ပွဲများ တွင်အရည်အချင်းရှိရှိ အဆင့်အတန်းမြင့်မြင့် သမာသမတ်ကျကျဖြင့် ဘာသာရပ်များအားလေ့ ကျင့်မှုအားကောင်းစွာဖြင့် ပါဝင်ယှဉ်ပြိုင်သွားကြရန် လိုအပ်ပါကြောင်း၊ အနုပညာရှင်ကြီးများ မှလည်း မျိုးဆက်သစ်လူငယ်များအား လက်ဆင့်ကမ်းအမွေအနှစ်များ ပေးသွားကြ ရန်လိုအပ်ပါ ကြောင်း၊ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲကြီး ဦးတည်ချက်များအား ထမြောက်အောင်မြင်အောင် တာဝန်ပေးအပ်ထားရှိသည့် ကော်မတီဝင်များမှ လုပ်ငန်းများအား ပူးပေါင်းဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေး ကော်မတီ ဥက္ကဌ၊ တိုင်းဒေသကြီး လူမှုရေးရာဝန်ကြီး ဦးညွှန့်ဝင်းအောင်နှင့် တိုင်းဒေသကြီး သယံဇာတရေး ရာဝန်ကြီး ဦးတင်သန်းဝင်းတို့က တိုင်းဒေသကြီးအဆင့် အဆို၊ အက၊ အရေး၊ အတီးပြိုင်ပွဲ ကျင်းပ သွားမည့် လုပ်ငန်းအခြေအနေများအား ရှင်းလင်းပြောကြားကြသည်။

ဆက်လက်ပြီး တိုင်းဒေသကြီး အဆို၊ အက၊ အရေး၊ အတီးပြိုင်ပွဲကျင်းပရေး အခမ်း အနားပြင်ဆင်ရေးကော်မတီ၊ ဖိတ်ကြား/ကြိုဆို/နေရာချထားရေးနှင့် ဧည့်ခံကျွေးမွေးရေး ကော်မတီ စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌမှ လည်းကောင်း၊ ပို့ဆောင်ရေးကော်မတီ တိုင်းဒေသကြီး ပို့ဆောင်ရေးစီမံကိန်းဦးစီးဌာနမှ လည်းကောင်း၊ ပြန်ကြားရေးသတင်းကော်မတီ တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လည်းကောင်း၊ လုံခြုံရေးကော် မတီ တိုင်းဒေသကြီး ရဲတပ်ဖွဲ့မှ လည်းကောင်း၊ ကျန်းမာရေးကော်မတီ တိုင်းဒေသကြီး ပြည်သူ့ ကျန်းမာရေးဦးစီးဌာနမှ လည်းကောင်း၊ ဘဏ္ဍာငွေရှာဖွေရေးကော်မတီ တိုင်းဒေသကြီး ပြည် တွင်းအခွန်များဦးစီးဌာနမှ လည်းကောင်း၊ ဆုချီးမြှင့်ရေးကော်မတီ တိုင်းဒေသကြီး စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌမှ လည်းကောင်း၊ အကဲဖြတ်လုပ်ငန်းကော်မတီ တိုင်းဒေသကြီး စစ်ကိုင်းခရိုင် ကျေးလက်လမ်းဦးစီးဌာနမှ လည်းကောင်း၊ ပြိုင်ပွဲဝင်စီစစ်ရေးကော်မတီ တိုင်းဒေ သကြီး ပညာရေးမှူးရုံးမှ လည်းကောင်း တိုင်းဒေသကြီး အဆို၊ အက၊ အရေး၊ အတီးပြိုင်ပွဲ ကျင်းပရေးလုပ်ငန်းများ ကြိုတင်စီမံဆောင်ရွက်သွားမည့် လုပ်ငန်းအခြေအနေများအား အသီး သီးရှင်းလင်းဆွေး နွေးတင်ပြကြသည်။

ဆက်လက်၍ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့မှ တိုင်းဒေသကြီး အဆို၊ အက၊ အရေး၊ အတီးပြိုင်ပွဲသို့ မိမိတို့ခရိုင်များအတွင်း မှဝင်ရောက်ယှဉ်ပြိုင်သွားမည့် လုပ်ငန်းအခြေ အနေများအား ရှင်းလင်းတင်ပြကြပြီး တိုင်းဒေသကြီးအတွင်းရှိ ခရိုင်များမှ အနုပညာရှင်ကြီး များမှ ပြိုင်ပွဲများတွင်ဘာသာရပ်အလိုက် ဝင်ရောက်ယဉ်ပြိုင်သွားမည့် အခြေအနေများအား ရှင်းလင်းတင်ပြကြသည်။

ယင်းနောက် အစည်းအဝေးသို့တက်ရောက်လာကြသည့် တိုင်းဒေသကြီး အစိုးရအဖွဲ့ဝင် များနှင့် တိုင်းဒေသကြီး အဆို၊ အက၊ အရေး၊ အတီးပြိုင်ပွဲ ကျင်းပရေး ကော်မတီအဖွဲ့ဝင်များက (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ တိုင်းဒေသကြီး အဆင့်ကျင်းပရေးလုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြ ကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ ဇူလိုင် ၂၉

စစ်ကိုင်းတိုင်းဒေသကြီး အစိုးရအဖွဲ့၏ ထောက်ပံ့မှုဖြင့် တိုင်းဒေသကြီး မြို့ပြနှင့်အိုးအိမ်ဖွံ့ဖြိုးရေးဦးစီးဌာနမှ မုံရွာမြို့ နန္ဒဝန် ဝန်ထမ်းအိမ်ရာရှိ အရာထမ်း၊အမှုထမ်း ဝန်ထမ်းများနှင့် ဝန်ထမ်းမိသားစုများ အသိပညာဗဟုသုတများ တိုးပွားရရှိလာစေရေး၊ စာဖတ်ရှိန်မြှင့်တင်ရေး၊ စာပေချစ်မြတ်နိုးပြီး စာဖတ်သည့် အလေ့အကျင့်ကောင်းရရှိစေရန ရည်ရွယ်ပြီး နန္ဒဝန် ဝန်ထမ်းအိမ်ရာ မြတ်စေတနာအလင်းရောင် စာကြည့်တိုက်ဖွင့်ပွဲအခမ်းအနားကို ယနေ့ နံနက် ၈ နာရီခွဲ အချိန်က အဆိုပါ စာကြည့်တိုက်ရှေ့၌ ကျင်းပပြုလုပ်ခဲ့သည်။

ဦးစွာ ဖွင့်ပွဲအခမ်းအနားတွင် စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်က စာကြည့်တိုက်ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်ရမည့် လုပ်ငန်းများနှင့်ပတ်သက်၍ အမှာစကားပြောကြားပြီး နောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူး ဒေါ်ခင်စောလင်းက စာကြည့်တိုက်ဖွင့်လှစ်ရခြင်း၏ ရည်ရွယ်ချက်များ နှင့်စာဖတ်ရှိန်မြင့်မားရေး ဆောင်ရွက် မည့် လုပ်ငန်းများနှင့် ပတ်သက်၍ ရှင်းလင်းပြောကြားသည်။

ထို့နောက် နန္ဒဝန် ဝန်ထမ်းအိမ်ရာ မြတ်စေတနာအလင်းရောင် စာကြည့်တိုက်အတွက် စစ်ကိုင်းတိုင်းဒေသကြီး အစိုးရအဖွဲ့၏ ထောက်ပံ့ငွေ၊ပရိဘောဂ နှင့် စာအုပ်စာစောင်များ ပေးအပ်လှူဒါန်းပွဲကို ကျင်းပရာ တိုင်းဒေသကြီး ဝန်ကြီးချုပ်၏ ဇနီး၊ တိုင်းဒေသကြီး မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့ နာယက ဒေါ်မြင့်မြင့်အောင်က သုတ/ရသ စာအုပ်စာစောင်များကိုလည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက ပရိဘောဂ ပစ္စည်းများနှင့်ပတ်သက် သော မှတ်တမ်းကို လည်းကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ထောက်ပံ့ငွေ ကျပ် ၄၉၈၀၀၀၀ ကိုလည်းကောင်း ၊တိုင်းဒေသကြီး‌ ကျေးလက်ဖွံ့ဖြိုးရေးဦးစီးဌာနမှ ညွှန်ကြားရေးမှူး ဦးသိန်းထိုက်ဦးက ဌာနဆိုင်ရာ အသီးသီးတို့မှ အလှူခံရရှိငွေ ကျပ် ၁၅၉၀၀၀၀ ကိုလည်းကောင်း ၊ တိုင်းဒေသကြီး ရ/သုံး မှန်းခြေငွေစာရင်းဌာနမှ ညွှန်ကြား‌ ရေးမှူး ဒေါ်ခင်ဝင်းရီက ဌာနဆိုင်ရာ အသီးသီးတို့မှလှူဒါန်းရရှိသည့် စာအုပ် စာစောင် ၆၁၆ အုပ်ကို လည်းကောင်း ပေးအပ်ရာ စာကြည့်တိုက် ကြီးကြပ်မှုကော်မတီမှ တာဝန်ရှိသူတို့က လက်ခံရယူခဲ့ကြသည်။

ထို့နောက် တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်၊ တိုင်းဒေသကြီးပညာရေးမှူး၊ ဒုတိယညွှန်ကြားရေးမှူးချုပ်၊ ဦးသက်လေးဦး၊ မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ညွှန်ကြားရေးမှူး ဦးကျော်ကျော်လင်း နှင့် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူး ဒေါ်ခင်စောလင်း တို့က မြတ်စေတနာ အလင်းရောင်စာကြည်တိုက်အား ဖဲကြိုးဖြတ်ဖွင့်လှစ်ပေးပြီးနောက် အမှတ်တရစုပေါင်းမှတ်တမ်းတင်ဓာတ်ပုံရိုက်ကူးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်အဖွဲ့သည် မြတ်စေတနာအလင်းရောင်စာကြည့်တိုက်အတွင်းရှိ သုတရသစာအုပ်စာစောင်များ ထားရှိမှုအခြေအနေနှင့် စာပေလေ့လာဖတ်ရှုနေမှုအခြေအနေတို့အား လှည့်လည်ကြည့်ရှု ခဲ့ကြသည်။
ယနေ့ ဖွင့်လှစ်သော မုံရွာမြို့ နန္ဒဝန် ဝန်ထမ်းအိမ်ရာ မြတ်စေတနာ အလင်းရောင်စာကြည့်တိုက်သည် အလျား (၄၀)ပေ၊ အနံ (၂၅)ပေ၊ အမြင့်(၁၆)ပေရှိ သွပ်မိုး၊ အုတ်ကာ၊ သမံတလင်းခင်း အမျိုးအစားဖြစ်ပြီး စစ်ကိုင်းတိုင်းဒေသကြီး အစိုးရအဖွဲ့မှ ထောက်ပံ့ငွေ ကျပ် ၁၂ဒဿမ ၆၂ သန်းဖြင့် တည်ဆောက်ခဲ့ခြင်းဖြစ်ပြီး ၊ သုတရသ စာအုပ်စာစောင်ပေါင်း(၁၃၀၀)ကျော်ထားရှိကာ နေ့စဥ် ပိတ်ရက်မရှိ ဖွင့်လှစ်ပေးသွားမည်ဖြစ်ကြောင်းသိရသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် အဖွဲ့သည် နန္ဒဝန် မူလတန်းကြိုကျောင်း ဖွင့်ပွဲသို့ တက်ရောက်ခဲ့ပြီး တိုင်းဒေသကြီး အစိုးရအဖွဲ့ အတွင်းရေးမှူးက အဆိုပါကျောင်းအတွက် ထောက်ပံ့ငွေကျပ် ၁၁၂၈၀၇၇၅ (ကျပ်တစ်ရာ တစ်ဆယ့် နှစ်သိန်း ရှစ်သောင်း ခုနှစ်ရာ ခုနှစ်ဆယ့်ငါး)တိတိကို ပေးအပ်ရာ တိုင်းဒေသကြီး လူမှုဝန်ထမ်းဦးစီးဌာန မှ ညွှန်ကြားရေးမှူး ဒေါ်လှိုင်မိုးမြတ်က လက်ခံရယူပြီး နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက နန္ဒဝန်မူလတန်းကြိုကျောင်းအား ဖဲကြိုးဖြတ်ဖွင့်လှစ်ပေးကြသည်။

ထို့နောက် စစ်ကိုင်းတိုင်းဒေသကြီး မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့ နာယက နှင့်အဖွဲ့ဝင်များက မူကြိုကလေးငယ်များအား အမှတ်တရ လက်ဆောင် ပစ္စည်းများနှင့် မုန့်မျိုးစုံတို့ကို ပေးအပ်ခဲ့ပြီး တိုင်းဒေသကြီး ဝန်ကြီးချုပ်နှင့်အတူ အမှတ်တရ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြပြီး အဆိုပါ ကျောင်းအတွင်းသို့ လှည့်လည်ကြည်ရှုကာတက်ရောက်လာသော ကလေးမိဘများအား ရင်းရင်းနှီးနှီး လိုက်လံနှုတ်ဆက်ခဲ့ ကြကြောင်းသိရသည်။