မုံရွာ ၊ ဇန်နဝါရီ ၅

စစ်ကိုင်းတိုင်းဒေသကြီးအတွင်း လုံခြုံရေး၊ တရားဥပဒေစိုးမိုးရေး တာဝန်များဆောင်ရွက် လျက်ရှိသည့် ရဲတပ်ဖွဲ့ဝင်များအား အခြေခံစားသောက်ကုန်ပစ္စည်းများ ထောက်ပံ့ပေးအပ်ပွဲ အခမ်းအနားကို ဇန်နဝါရီလ ၅ ရက်နေ့၊ နံနက်ပိုင်းတွင် တိုင်းဒေသကြီး ရဲတပ်ဖွဲ့မှူးရုံးရှိ အစည်း အဝေးခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီး ရဲတပ်ဖွဲ့မှူးနှင့် တိုင်းဒေသကြီး ရဲတပ်ဖွဲ့မှူးရုံးရှိ အရာရှိများနှင့်တပ်ဖွဲ့ဝင်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း လုံခြုံရေး၊ တရားဥပဒေစိုးမိုးရေး တာဝန်များဆောင်ရွက်လျက်ရှိသည့် ရဲတပ်ဖွဲ့ဝင်များအား အခြေခံစား သောက်ကုန်ပစ္စည်းများ ထောက်ပံ့ပေးအပ်ရခြင်းအား ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း လုံခြုံရေး၊ တရားဥပဒေစိုးမိုးရေး တာဝန်များဆောင်ရွက်လျက်ရှိ သည့် ရဲတပ်ဖွဲ့ဝင်များအတွက် တာဝန်ရှိသူများထံ အခြေခံစားသောက်ကုန်ပစ္စည်းများ ထောက်ပံ့ပေး အပ်ကြပြီး တပ်ဖွဲ့ဝင်များကိုယ်စား ရဲမှူးလှမြင့်လေးက ကျေးဇူးတင်စကား ပြန်လည်ပြောကြားသည်။

ဆက်လက်၍ တိုင်းဒေသကြီး ရဲတပ်ဖွဲ့မှူး ရဲမှူးကြီး အောင်မြင့်နိုင်က တိုင်းဒေသကြီး အတွင်းရှိ ခရိုင်/မြို့နယ်များ၏ ဒေသတည်ငြိမ်အေးချမ်းရေး လုပ်ငန်းများနှင့် လုံခြုံရေးဆိုင်ရာ ကိစ္စရပ်များ ဆောင်ရွက်နေမှု အခြေအနေများနှင့် ပတ်သက်၍ Power Point ဖြင့် ရှင်းလင်း တင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားပြီးအခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၅

စစ်ကိုင်းတိုင်းဒေသကြီးအတွင်း ဆီထွက်သီးနှံတိုးမြှင့်စိုက်ပျိုးရေးနှင့် ပန်းတိုင်အထွက် နှုန်းရရှိအောင် ကြိုးပမ်းဆောင်ရွက်ရေး ညှိနှိုင်းအစည်းအဝေးကို ဇန်နဝါရီလ ၅ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့် ဌာနဆိုင်ရာများ၊ စားသုံးဆီလုပ်ငန်းရှင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ပြည်သူများ၏ စားရေရိက္ခာဖူလုံရေးအတွက် ပြည်သူလူထုဗဟိုပြု ဖွံ့ဖြိုးရေးလုပ်ငန်းများအား လူမှုစီးပွား ဘဝဖွံ့ဖြိုးတိုးတက်စေရန် ရည်ရွယ်ပြီး ဦးတည်ချက်(၉)ရပ်နှင့်အညီ ဆောင်ရွက်ခဲ့ရာတွင် စီးပွားရေးဦးတည်ချက် ( ၃ )ရပ်အနက် “ပြည်တွင်း စားသုံးဆီဖူလုံရေးအတွက် ဆီထွက်သီးနှံ စိုက်ပျိုးမှုကို အားပေးမြှင့်တင်ပြီး ပန်းတိုင်ရည်မှန်းချက်အတိုင်း ထွက်ရှိအောင်ဆောင်ရွက်၍ နိုင်ငံအတွင်းဖူလုံမှုမှသည် ပြည်ပသို့တင်ပို့နိုင်သည်အထိ ကြိုးပမ်းဆောင်ရွက်ရေး”ဆိုသည့် ဦးတည်ချက်နှင့်အညီ ဆီထွက်သီးနှံစိုက်ပျိုးထုတ်လုပ်မှု တိုးတက်ရေးကို ပဓာနကျသည့် တာဝန် တစ်ရပ်အဖြစ် အကောင်အထည်ဖော် ဆောင်ရွက်လျက်ရှိပါကြောင်း၊ မိမိတို့တိုင်းဒေသကြီးအနေဖြင့် ၂၀၂၃ - ၂၀၂၄ ခုနှစ်တွင် မြေပဲ - ၈၇၃၁၆၂ ဧက၊ နှမ်း - ၁၀၈၂၄၀၇ ဧကနှင့် နေကြာ - ၃၇၃၃၄၂ ဧက လျာထားစိုက်ပျိုးဆောင်ရွက်သွား မည်ဖြစ်ပါ၍ တာဝန်ရှိသူအားလုံးမှ အလေးထားဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီး အတွင်း စိုက်ပျိုးထုတ်လုပ်လျက်ရှိသည့် စပါး၊ ဆီထွက်သီးနှံ၊ ပဲမျိုးစုံနှင့် အခြားသီးနှံများအား ပန်းတိုင်ရည်မှန်းချက်ကို ပြည့်မီအောင် စိုက်ပျိုးနိုင်မည်ဆိုပါက တိုင်းဒေသကြီး၏ ဆန်၊ ဆီ၊ ပဲ ဖူလုံမှုများ ပိုမိုတိုးတက်လာနိုင်မှာ ဖြစ်ပါကြောင်း၊ တိုင်းဒေသကြီး၏ ဆီထွက်သီးနှံ စိုက်ပျိုး ထုတ်လုပ်မှုတိုးတက်ရေးနှင့် လျာထားဧကများတိုးမြှင့်နိုင်ရေးအတွက် သက်ဆိုင်ရာဌာန အသီး သီးမှ ဝိုင်းဝန်းပူးပေါင်း ဆောင်ရွက်သွားကြရန် တိုက်တွန်းပြောကြားခဲ့သည်။

ယင်းနောက် စီမံကိန်းရေးဆွဲရေးဦးစီးဌာနမှ တိုင်းဒေသကြီးဦးစီးမှူးက တိုင်းဒေသကြီးအတွင်း စားသုံးဆီထုတ်လုပ်မှုနှင့် ကုန်သွယ်မှုဆိုင်ရာ (GDP)နှင့် ပတ်သက်၍ လည်းကောင်း၊ တိုင်းဒေသကြီး စားသုံးသူရေးရာဦးစီးဌာနမှ တိုင်းဒေသကြီးအတွင်း အမှန်တကယ်လိုအပ်သော စားသုံးဆီများနှင့် ပြည်ပသို့တင်ပို့သည့် ဆီထွက်သီးနှံများနှင့် ပတ်သက်၍လည်းကောင်း၊ တိုင်း ဒေသကြီး စက်မှုကြီးကြပ်ရေးနှင့် စစ်ဆေးရေးဦးစီးဌာနနှင့် အသေးစားစက်မှုလက်မှုလုပ်ငန်းဦးစီးဌာနတို့မှ တိုင်းဒေသကြီးအတွင်း ဆီစက်များတည်ဆောက်ထားရှိမှုအခြေအနေများ၊ ဆီထုတ်လုပ်မှုပမာဏ စားသုံးဆီကြိတ်ခွဲနိုင်ရေးနှင့် ထောက်ပံ့ပေးအပ်ရန် လိုအပ်မှုအခြေအနေများနှင့်ပတ်သက်၍ လည်းကောင်း၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တိုင်းဒေသကြီးအတွင်း မြစိမ်းရောင်ချေးငွေများနှင့်စပ်လျဉ်း၍လည်းကောင်း၊ တိုင်းဒေသကြီးသမဝါယမ ဦးစီးဌာနမှ ဆီထွက်သီးနှံစိုက်ပျိုးထုတ်လုပ်မှုနှင့် သမဝါယမအသင်းများ၏ လုပ်ငန်းဆောင်ရွက် နေမှု အခြေအနေများနှင့် ပတ်သက်၍ လည်းကောင်း၊ တိုင်းဒေသကြီး ရင်းနှီးမြှုပ်နှံမှုနှင့်ကုမ္ပဏီ များညွှန်ကြားမှုဦးစီးဌာနမှ စားသုံးဆီထုတ်လုပ်မှုနှင့် ရင်းနှီးမြှုပ်နှံမည့်လုပ်ငန်းရှင်များ ဖိတ်ခေါ် ခြင်းနှင့် ပတ်သက်၍ လည်းကောင်း ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှ ဆီထွက်သီးနှံ ယခင်နှစ်စိုက်ပျိုး၊ရိတ်သိမ်းမှုနှင့် ယခုနှစ်စိုက်ပျိုးရိတ်သိမ်းမှု အခြေအနေများနှင့် ပတ်သက်၍ လည်းကောင်း၊ တိုင်းဒေသကြီး ဆည်မြောင်းနှင့်ရေအသုံးချမှုစီမံခန့် ခွဲရေးဦးစီး ဌာနနှင့် တိုင်းဒေသကြီး ရေအရင်းအမြစ်ဦးစီးဌာနတို့မှ ဆီထွက်သီးနှံများ စိုက်ပျိုးရေရရှိရေးနှင့် ပတ်သက်၍ လည်းကောင်း၊ တိုင်းဒေသကြီး စက်မှုလယ်ယာဦးစီးဌာနမှ ဆီထွက်သီးနှံများ စိုက်ပျိုးထုတ်လုပ်ရေးတွင် စက်ကိရိယာသုံးစွဲမှု အခြေအနေများနှင့် ပတ်သက်၍လည်းကောင်း၊ တိုင်းဒေသကြီး စိုက်ပျိုးရေးဦးစီးဌာနမှ ဆီထွက်သီးနှံပန်း တိုင်အထွက်နှုန်းရရှိရေးအတွက် ဆောင်ရွက်မည့် အစီအမံများနှင့် ပတ်သက်၍ လည်းကောင်း၊ တိုင်းဒေသကြီး ရသုံးမှန်းခြေငွေစာရင်း ဦးစီးဌာနမှ လယ်ယာကဏ္ဍဖွံ့ဖြိုးတိုးတက်ရေးအတွက် ရန်ပုံငွေလျာထားချက်များနှင့် ပတ်သက်၍ လည်းကောင်း ရှင်းလင်းတင်ပြကြသည်။

ထို့နောက် မုံရွာကုန်စည်ဒိုင် ဥက္ကဋ္ဌနှင့် ဆီစက်ပိုင်ရှင်ကြီးများအသင်းမှ တာဝန်ရှိသူများက မိမိတို့လုပ်ကိုင်ဆောင်ရွက်နေသည့် လုပ်ငန်းအခြေအနေများနှင့် ဆီထွက်သီးနှံတိုး မြှင့်စိုက်ပျိုးရေး လုပ်ငန်းများနှင့် ပတ်သက်၍ ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက် လာသူများက တိုင်းဒေသကြီးအတွင်း ဆီထွက်သီးနှံတိုးမြှင့်စိုက်ပျိုးရေးနှင့် ပန်းတိုင်အထွက် နှုန်းရရှိအောင် ကြိုးပမ်းဆောင်ရွက်ရေး လုပ်ငန်းများနှင့် ပတ်သက်၍ ဖြည့်စွက်အကြံပြု ဆွေးနွေး တင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူ များ၏ ဖြည့်စွက်အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၄

စစ်ကိုင်းတိုင်းဒေသကြီး ၂၀၂၄-ခုနှစ်၊ (၇၆)နှစ်မြောက်၊ လွတ်လပ်ရေးနေ့အထိမ်းအမှတ် တိုင်းဒေသကြီးအတွင်း ထူးချွန်စွာဆောင်ရွက်ခဲ့သူများအား ဂုဏ်ထူးဆောင်တံဆိပ်၊ ဆုငွေချီး မြှင့်ခြင်းအခမ်းအနားကို ဇန်နဝါရီလ ၄ ရက်နေ့၊ မွန်းလွဲပိုင်းက တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဂုဏ်ထူးဆောင်တံဆိပ်ရရှိကြသူများနှင့် ဖိတ်ကြားထားသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အနေဖြင့် ဂုဏ်ပြု ချီးမြှင့်ထိုက်သူများအား နှစ်စဉ်ချီးမြှင့်ပေးလျက်ရှိသကဲ့သို့ မိမိတို့တိုင်းဒေသကြီး အစိုးရအဖွဲ့ အနေဖြင့်လည်း တိုင်းဒေသကြီးအတွင်း တည်ငြိမ်အေးချမ်းရေး၊ စားရေရိက္ခာဖူလုံရေးနှင့် ဖွံ့ဖြိုး တိုးတက်ရေးလုပ်ငန်းများ ဆောင်ရွက်လျက်ရှိရာတွင် မိမိကိုယ်ကျိုးကိုမငဲ့ကွက်ဘဲ စွမ်းစွမ်းတမံ ဖြင့် မိမိတာဝန်များအား ကျေပွန်အောင်ထမ်းဆောင်ခဲ့ကြသူများကို စီစစ်ရွေးချယ်ပြီး ယခုလို ဂုဏ်ပြုဆောင်ရွက်ခြင်း ဖြစ်ပါကြောင်း၊ နိုင်ငံတော်နှင့် တိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်း တည်ငြိမ်အေးချမ်းအောင် ဆောင်ရွက်ပြီး ပြည်သူများစိတ်အေးချမ်း သာစွာနေထိုင်သွားလာနိုင်ရေးအတွက် စောင့်ရှောက်ပေးလျက်ရှိရာ တည်ငြိမ်အေးချမ်းရေး၊ စည်းလုံးညီညွတ်ရေးနှင့် ဖွံ့ဖြိုးတိုးတက်ရေးတို့ကို အခြေခံမူများချမှတ်ပြီး ဆောင်ရွက်နေခြင်းသည် အမျိုးသားနိုင်ငံရေးတာဝန်များကို ထမ်းဆောင်နေခြင်းဖြစ်ပါကြောင်း၊ နိုင်ငံတော်နှင့်တိုင်း ဒေသကြီးအတွက် ကိုယ်ကျိုးစွန့်ထမ်းဆောင်ခဲ့သူများအား ဂုဏ်ပြုချီးမြှင့်မှုများ ဆက်လက် ဆောင်ရွက်ပေးသွားမည်ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က အမှုထမ်းကောင်းဆု၊ ဇေယျာစီမံထူးချွန်ဆု၊ ဇေယျာလယ်ယာစီးပွားထူးချွန်ဆု၊ ဇေယျာစက်မှုစီးပွားထူးချွန်ဆုနှင့် ဇေယျာလူမှုထူးချွန်ဆုရရှိ ကြသူများအား ဂုဏ်ထူးဆောင်တံဆိပ်နှင့် ဂုဏ်ပြုချီးမြှင့်ငွေများအား ပေးအပ်ခဲ့သည်။

ထို့နောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးနှင့် လမ်းပန်းဆက်သွယ် ရေးဝန်ကြီးတို့က ၂၀၂၃-ခုနှစ်အတွင်း အမှတ်(၅)မူးယစ်တပ်ဖွဲ့ခွဲနှင့် နယ်မြေခံရဲတပ်ဖွဲ့များမှ ဖမ်းဆီးရမိသည့် မူးယစ်ဆေးဝါးအမှုများမှ သိန်း ၁၀၀ နှင့်အထက်၊ သိန်း ၁၀၀၀ နှင့်အထက်၊ သိန်း ၅၀၀၀ နှင့်အထက်၊ သိန်း ၁၀၀၀၀ နှင့်အထက် ဖမ်းဆီးရမိမှုများအတွက် တာဝန်ရှိသူများထံ ဂုဏ်ပြုချီးမြှင့်ငွေများ ပေးအပ်ချီးမြှင့်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၄

စစ်ကိုင်းတိုင်းဒေသကြီး ၂၀၂၄-ခုနှစ်၊ (၇၆)နှစ်မြောက်၊ လွတ်လပ်ရေးနေ့ သဝဏ်လွှာ ဖတ်ကြားခြင်း အခမ်းအနားကို ဇန်နဝါရီလ ၄ ရက်၊ နံနက် ၇ နာရီအချိန်တွင် မုံရွာမြို့၊ ကန်သာယာ လွတ်လပ်ရေးကျွန်းတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ်တိုင်းမှူး ဗိုလ်ချုပ် သန်းထိုက်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဝန်ထမ်းများ၊ လူမှုရေးအသင်းအဖွဲ့ဝင်များ၊ မြို့မိမြို့ဖများနှင့် ဖိတ်ကြားထား သူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်၊ တိုင်းမှူးနှင့် အခမ်းအနားသို့ တက်ရောက်လာ သူများ၊ ဂုဏ်ပြုတပ်ခွဲတို့မှ ပြည်ထောင်စုသမ္မတ မြန်မာနိုင်ငံတော်အလံအား အလေးပြုကြသည်။

ယင်းနောက် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံမှ ၂၀၂၄-ခုနှစ်၊ (၇၆)နှစ်မြောက်၊ လွတ်လပ်ရေးနေ့အခမ်းအနားသို့ ပေးပို့သော သဝဏ်လွှာအား တိုင်းဒေသကြီး ဝန်ကြီးချုပ် ဦးမြတ်ကျော်က ဖတ်ကြားပြီး ဂုဏ်ပြုတပ်ခွဲမှအလေးပြုကာ တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်အားပေးပြီး အခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့ အားကစားကွင်းတွင် ကျင်းပပြုလုပ်သော (၇၆)နှစ်မြောက် လွတ်လပ်ရေးနေ့ အထိမ်းအမှတ် အားကစားပြိုင်ပွဲများနှင့်ပျော်ပွဲရွှင်ပွဲများ ဆုချီးမြှင့်ပွဲအခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ပြည်သူ့အားကစားကွင်း အတွင်း ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီး ဌာန၊ လူမှုဝန်ထမ်းဦးစီးဌာနနှင့် ဘေးအန္တရာယ်စီမံခန့်ခွဲရေးဦးစီးဌာနတို့မှ ခင်းကျင်းပြသထားသည့်
စာအုပ်၊စာစောင်များ၊ မှတ်တမ်းဓါတ်ပုံများ၊ သဘာဝပတ်ဝန်းကျင်ထိန်းသိမ်းရေး အထောက်အကူ ပြုပစ္စည်းများ၊ ကျောင်းသား၊ကျောင်းသူများ ပျော်ရွှင်စွာဖြင့် သဘာဝပတ်ဝန်းကျင်ထိန်းသိမ်းရေး ဉာဏ်စမ်းမေးခွန်းများဖြေဆိုနေမှု၊ စကားပုံဆက်နေမှုများနှင့် ရုပ်ပုံဆက်နေမှုများအား လိုက်လံ ကြည့်ရှုအားပေးခဲ့ကြပြီး ကွင်းလှည့်ပြိုင်ပွဲတွင် ဆုရရှိသူသော ကလေးငယ်လေးများအား အမှတ် တရလက်ဆောင်များ ပေးအပ်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ထုပ်စီးတိုးပြိုင်ပွဲ၊ ခေါင်းအုံးရိုက်ပြိုင်ပွဲ၊ ဂိုးသွင်းပြိုင်ပွဲနှင့် လွန်ဆွဲပြိုင်ပွဲများ ယှဉ်ပြိုင်ကစားနေမှုများအား လိုက်လံ ကြည့်ရှုအားပေးခဲ့ကြသည်။

ဆက်လက်၍ ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဝန်ကြီးချုပ်က မ ထုပ်စီးတိုးပြိုင်ပွဲတွင် ပထမ၊ ဒုတိယ၊ တတိယဆုရရှိကြသောအသင်းများအား ဆုတံဆိပ်နှင့် ငွေသားဆုများအား ပေးအပ်ချီးမြှင့်သည်။

ဆက်လက်ပြီး တိုင်းဒေသကြီး တရားသူကြီးချုပ်နှင့် အစိုးရအဖွဲ့ဝင်များက အငယ်တန်း/ အလွတ်တန်း ကျား/မ မီတာ - ၅၀ ဂုံနီအိတ်စွပ် အပြေးပြိုင်ပွဲ၊ ကျား/မ မီတာ - ၂၅ - ၅၀ အာလူး ကောက်အပြေးပြိုင်ပွဲ၊ ကျား/မ မီတာ - ၅၀ ဖားခုန်ပြိုင်ပွဲ၊ မ မီတာ - ၅၀ အာလူးဇွန်းကိုက် အပြေးပြိုင်ပွဲ၊ ကျား/မ မီတာ ၁၀၀ - ၂ ယောက်တွဲခြေပူးအပြေးပြိုင်ပွဲ၊ ကျား/မ မီတာ - ၁၀၀ ၊ ၂၀၀ ၊ ၄၀၀ ၊ ၈၀၀ ၊ ၁၅၀၀ အပြေး ပြိုင်ပွဲနှင့် သံလုံးပစ်၊ အလျားခုန်ပြိုင်ပွဲများတွင် ပထမ၊ ဒုတိယ၊ တတိယ ဆုရရှိကြသူများ အား ဆုတံဆိပ်များနှင့်ငွေသားဆုများအား ပေးအပ်ချီးမြှင့်ကြသည်။

ထို့နောက် တိုင်းဒေသကြီးအဆင့် ဌာနဆိုင်ရာများက ပျော်ပွဲရွှင်ပွဲများဖြစ်သည့် ကျား/မ လွန်ဆွဲပြိုင်ပွဲ၊ ကျား/မ ခေါင်းအုံးရိုက်ပြိုင်ပွဲ၊ ကျား/မ မီတာ ၅၀ ခွက်နင်းပြိုင်ပွဲ၊ ကျား/မ မီတာ ၁၀၀ ပူစီပေါင်းဖောက်ပြိုင်ပွဲ၊ မ မီတာ - ၅၀ သံပုံးရိုက်ပြိုင်ပွဲ၊ မ မီတာ ၅၀ စကောရွက် ပြိုင်ပွဲများတွင် ပထမ၊ ဒုတိယ၊ တတိယ ဆုရရှိကြသူများအား ဆုတံဆိပ်များနှင့် ငွေသားဆု များအား ပေးအပ်ချီးမြှင့်ကာ အခမ်းအနားကို ရုပ်သိမ်းခဲ့သည်။

အဆိုပါနံနက်ပိုင်းတွင် မုံရွာမြို့၊ ကန်သာယာလွတ်လပ်ရေးကျွန်းတွင် (၇၆)နှစ်မြောက် လွတ်လပ်ရေးနေ့အလံတင်အခမ်းအနားကို ကျင်းပရာ အခမ်းအနားသို့ တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဂုဏ်ပြုတပ်ခွဲနှင့် လူမှုရေး အသင်းအဖွဲ့ဝင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ပြည်ထောင်စု သမ္မတ မြန်မာနိုင်ငံတော်အလံအား အလေးပြုကြပြီး နံနက်(၄)နာရီ မိနစ်(၂၀)အချိန်တွင် မြန်မာနိုင်ငံတော်အလံအား တိုင်ထိပ်သို့လွှင့်တင်ကာ အလေးပြုခဲ့ကြောင်း သိရသည်။

မုံရွာ ၊ ဇန်နဝါရီ ၃

စစ်ကိုင်းတိုင်းဒေသကြီး၊ (၇၆)နှစ်မြောက်၊ လွတ်လပ်ရေးနေ့အထိမ်းအမှတ် စာစီစာကုံး၊ ကဗျာ၊ ကျပန်းစကားပြောပြိုင်ပွဲ ဆုချီးမြှင့်ပွဲအခမ်းအနားကို ဇန်နဝါရီလ ၃ ရက်နေ့၊ မွန်းလွဲပိုင်း တွင် မုံရွာမြို့၊အမှတ်(၂)အခြေခံ ပညာ အထက်တန်းကျောင်းရှိ သလ္လဝတီခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသားမိဘများနှင့် ကျောင်းသား/ကျောင်းသူများ တက်ရောက်ကြသည်။

ရှေးဦးစွာ မုံရွာမြို့၊ အမှတ်(၃)အခြေခံပညာအထက်တန်းကျောင်းမှ ကျောင်းသား၊ ကျောင်းသူများမှ “ ဇာတိမာန် “ တေးသီချင်းသီဆို၍ အခမ်းအနားအား ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က လွတ်လပ်ရေးနေ့ သမိုင်းကြောင်းကို ပြန်လည်သုံးသပ်ကြည့်လျှင် မြန်မာနိုင်ငံအနေဖြင့် ရှေးနှစ်ပေါင်းများစွာကပင် ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်းစသည့် တစ်မိထဲဖွားတိုင်းရင်းသား တို့သည် တညီ တညွတ်တည်း လွတ်လပ်သည့်လူမျိုးအဖြစ် ရပ်တည်ခဲ့ကြပြီး နိုင်ငံ၏အချုပ်အခြာ အာဏာ သည်နေရောင်၊ လရောင်ပမာထွန်းလင်းခဲ့သည့် နိုင်ငံတစ်နိုင်ငံဖြစ်ခဲ့ပါကြောင်း၊ ကိုလိုနီခေတ် အတွင်း သူ့ကျွန်မခံလိုသည့်စိတ်ဓါတ်ဖြင့် အနယ်နယ်အရပ်ရပ်ရှိ မြန်မာတိုင်းရင်းသားများသည် နည်းအမျိုးမျိုးဖြင့် နယ်ချဲ့အင်္ဂလိပ်တို့ကို တွန်းလှန်ခဲ့ကြသည့် သမိုင်းအထောက်အထားများအား လေ့လာကြည့်လျင် လမ်းပန်းဆက်သွယ်ရေးအရ ဒေသတစ်ခုနှင့်တစ်ခု အနေဝေးနေကြ သော်လည်း မိမိဇာတိကိုချစ်သည့်စိတ်၊ မိမိနိုင်ငံ၊ မိမိလူမျိုး၊အချုပ်အခြာအာဏာကိုထိပါးလာ လျှင်ခေါင်းငုံ့မခံတတ်သည့် မျိုးချစ်သူရဲကောင်း များပေါ်ပေါက်လာကြသည်ကို လေ့လာကြည့် လျှင်တိုင်းရင်းသားအားလုံးသည် တစ်သွေးတစ်သားတည်း၊ တစ်စိတ်တစ်ဝမ်းတည်း ရှိနေခဲ့ကြသည်ဆိုတာ တွေ့ရှိရမှာဖြစ်ပါကြောင်း၊ မျိုးချစ်လူငယ်များ၏ မျိုးချစ်စိတ်ဓါတ် ထက်သန်မှုဖြင့် ဦးဆောင်မှု၊တိုင်းရင်းသားတို့၏ သူ့ကျွန်မခံလိုစိတ်ဖြင့် တော်လှန်ပုန်ကန်မှုများကြောင့် ၁၉၄၈ခုနှစ်၊ ဇန်နဝါရီလ (၄)ရက်နေ့တွင် မြန်မာနိုင်ငံ၏လွတ်လပ်ရေးကို ပြန်လည်ရရှိခဲ့ပြီး အချုပ်အခြာအာဏာပိုင် နိုင်ငံအဖြစ်သို့ရောက် ရှိလာခဲ့သည်မှာ(၇၆)နှစ်တိုင်တိုင် ကြာမြင့်ခဲ့ပြီဖြစ်ပါကြောင်း၊ တိုင်းရင်းသားညီအစ်ကိုမောင်နှမ အဘိုး၊အဘွားများ၏ သူ့ကျွန်မခံလိုစိတ်ဖြင့် အသက်ပေါင်းများစွာစတေးပြီး အရယူပေးခဲ့သည့် လွတ်လပ်ရေးကို အဓွန့်ရှည်တည်တံ့စေရန် အစဉ်အမြဲ တန်ဖိုးထားထိန်းသိမ်းစောင့်ရှောက်ကြရန်လိုအပ်မှာဖြစ်ပါကြောင်း၊ ကျောင်းသားလူငယ်များ ဇာတိမာန်ထက်သန်လာစေရန် မျိုးချစ် စိတ်နှင့်ပတ်သက်သည့် ဟောပြောပွဲများ၊ စာစီစာကုံး၊ ကဗျာ၊ ပန်းချီ၊ ပိုစတာပြိုင်ပွဲများ ကျင်းပ ပေးသွားကြရန်နှင့် နိုင်ငံလွတ်လပ်ရေးကို အဓွန့်ရှည်အောင် ထိန်းသိမ်းစောင့်ရှောက်နိုင်မည့် လူငယ်မျိုးဆက်သစ်များ မွေးထုတ်ပေး ကြပြီး မိမိနိုင်ငံ၊ မိမိလူမျိုး၊ မိမိဇာတိကို ချစ်မြတ်နိုးသည့် မျိုးချစ်စိတ်ရှိသည့် ကျောင်းသား၊လူငယ်များ ဖြစ်ပေါ်လာအောင် လေ့ကျင့်သင်ကြားပေးသွား ကြရန် လိုအပ်ပါကြောင်း တိုက်တွန်းပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ (၇၆)နှစ်မြောက်၊ လွတ်လပ် ရေးနေ့ အထိမ်းအမှတ် စာစီစာကုံး၊ ကဗျာ၊ ကျပန်းစကားပြော ပြိုင်ပွဲများတွင် တိုင်းဒေသကြီး အဆင့် ပထမ၊ ဒုတိယ၊ တတိယဆုရရှိကြသော ကျောင်းသား၊ကျောင်းသူများအား ဂုဏ်ပြုဆု လက်မှတ်နှင့်ဆုငွေများအား ပေးအပ်ချီးမြှင့်ကြသည်။

ဆက်လက်ပြီး အမှတ်(၃)အခြေခံပညာအထက်တန်းကျောင်းမှ ကျောင်းသား၊ ကျောင်းသူ များမှ “ ဗိုလ်ရှု့သဘင် “ တေးသီချင်းကပြဖျော်ဖြေပြီး အခြေခံပညာအထက်တန်းအဆင့် ကျပန်း စကားပြောပြိုင်ပွဲတွင် တိုင်းဒေသကြီးအဆင့် ပထမဆုရသူ အမှတ်(၃) အခြေခံပညာအထက် တန်းကျောင်းမှ ကျောင်းသူမှ ကျပန်းစကားပြောဖြင့် ပြန်လည်တင်ဆက်၍ အခြေခံပညာ အလယ်တန်းကျောင်း-လေ့ကျင့်ကျောင်းမှ ကျောင်းသား၊ကျောင်းသူများမှ “ စည်းလုံးခြင်း အတွက် သီချင်းတစ်ပုဒ်ရှိနေမယ် “ တေးသီချင်းဖြင့် ကပြဖျော်ဖြေကြသည်။

ဆက်လက်၍ တိုင်းဒေသကြီး သယံဇာတရေးရာဝန်ကြီးမှ သီဆိုကပြဖျော်ဖြေပေးသွား ကြသော ကျောင်းသား၊ကျောင်းသူများအတွက် ဂုဏ်ပြုဆုငွေများ ပေးအပ်ချီးမြှင့်ပြီး အမှတ်(၂) အခြေခံပညာအထက်တန်းကျောင်းမှ ကျောင်းသား၊ကျောင်းသူများမှ “ မြန်မာ့ကျောင်း“ တေးသီချင်းသီဆို၍ အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးနှုတ်ဆက်အားပေးပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ လူမှုဝန်ထမ်းဦးစီးဌာနနှင့် ဘေးအန္တရာယ် စီမံခန့်ခွဲရေးဦးစီးဌာနတို့မှ ခင်းကျင်းပြသထားသည့် စာအုပ်၊စာစောင်များ၊ မှတ်တမ်းဓါတ်ပုံများ၊ သဘာဝပတ်ဝန်းကျင်ထိန်းသိမ်းရေး အထောက်အကူပြုပစ္စည်းများ၊ ကျောင်းသား၊ကျောင်းသူ များပျော်ရွှင်စွာဖြင့် သဘာဝပတ်ဝန်းကျင်ထိန်းသိမ်းရေး ဉာဏ်စမ်းမေးခွန်းများဖြေဆိုနေမှု၊ စကားပုံဆက်နေမှုများနှင့် ရုပ်ပုံဆက်နေမှုများအား လိုက်လံ ကြည့်ရှု အားပေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ သူနာပြု သားဖွားသင်တန်းကျောင်းသို့ ရောက်ရှိရာ တိုင်းဒေသကြီးအစိုးရအဖွဲ့၏စီစဉ်မှုဖြင့် သူနာပြုသား ဖွားသင်တန်းကျောင်းမှ သင်တန်းသား၊သင်တန်းသူများနှင့် မုံရွာမြို့၊ ကုတင် ၅၀၀ ဆံ့ ပြည်သူ့ ဆေးရုံကြီးရှိ သူနာပြုဆရာမကြီးများ၊ သူနာပြုများ၊ ကျန်းမာရေးဝန်ထမ်းများနှင့် မိသားစုဝင်များ စားသောက်ရေးအဆင်ပြေစေရန်အတွက် တိုင်းဒေသကြီး ဆီကုန်သည်များ၊ဆီလုပ်ငန်းရှင်များ နှင့် တိုင်းဒေသကြီး မွေးမြူရေးနှင့်ကုသရေးဦးစီးဌာနတို့ ပူးပေါင်း၍ စားသုံးဆီများ၊ အသား၊ဥနှင့် ဟင်းသီးဟင်းရွက်များရောင်းချပေးနေမှုတို့အား ကြည့်ရှုအားပေးပြီး လိုအပ်သည်များကို တာဝန် ရှိသူများနှင့်ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ ၊ ဒီဇင်ဘာ ၃၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များနှင့် တာဝန်ရှိသူများ လိုက်ပါလျက် ဒီဇင်ဘာလ ၃၀ ရက်နေ့၊ နံနက်ပိုင်းတွင် မုံရွာမြို့၊ ကုတင် ၅၀၀ ဆံ့ ပြည်သူ့ဆေးရုံကြီးအတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များ ပေါက်ဖွားနိုင်သည့် ရေနုတ်မြောင်းများအား ရေစီးရေလာကောင်းမွန်စေရေးတို့အတွက် တပ်မ တော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန် ထမ်းများ၊ စည်ပင်သာယာရေးအဖွဲ့များနှင့် ဆရာ/ဆရာမများ စုပေါင်း၍ စုပေါင်းသန့်ရှင်း ရေးလုပ်ငန်းများ အားဆောင်ရွက်နေမှုအား လိုက်လံကြည့်ရှုအားပေးခဲ့ကြပြီး လိုအပ်သည်များ ကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၃ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၈၀၀ ကျော်ဖြင့် ပြည်သူ့ဆေးရုံများနှင့် မြို့သန့်ရှင်းသာယာလှပရေးလုပ်ငန်းများကို စုပေါင်း ဆောင်ရွက်ခဲ့ကြောင်း သိရသည်။