မုံရွာ ၊ ဒီဇင်ဘာ ၁၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ ဟုမ္မလင်းတပ်နယ်မှူး၊ တိုင်းဒေသကြီးအဆင့် ဌာနဆိုင်ရာများ၊ ဟုမ္မလင်းခရိုင်/မြို့နယ် စီမံအုပ် ချုပ်ရေးအဖွဲ့ဥက္ကဋ္ဌများနှင့် တာဝန်ရှိသူများလိုက်ပါလျက် ဒီဇင်ဘာလ ၁၁ ရက်နေ့၊ မွန်းလွဲပိုင်းတွင် ဟုမ္မလင်းမြို့နယ်၊ နားသကျိုက်ကျေးရွာအနီး နမ့်ပငချောင်းပေါ်တွင် တည်ဆောက်လျက်ရှိသည့် နမ့်ပငအသေးစားရေအားလျှပ်စစ်စီမံကိန်း ယာယီရှင်းလင်းဆောင် သို့ရောက်ရှိရာ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်-၂ တည်ဆောက်ရေး မှညွှန်ကြားရေးမှူး ဦးလင်းနိုင်အေးမှ နမ့်ပငအသေးစားရေအားလျှပ်စစ်စီမံကိန်း တည်ဆောက် ရေးလုပ်ငန်းများအား ဘဏ္ဍာနှစ်အလိုက် ဆောင်ရွက်ပြီးစီးမှုနှင့် ဆက်လက်ဆောင်ရွက်သွား မည့်လုပ်ငန်း အခြေအနေများနှင့် ပတ်သက်၍ Powerf Point ဖြင့် ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က နမ့်ပငအသေးစားရေအား လျှပ်စစ်စီမံ ကိန်းကြီးပြီးစီးပါက ဟုမ္မလင်းမြို့နှင့်အနီးဝန်းကျင်ရှိ ကျေးရွာများမှ ဒေသခံပြည်သူများ၏ လူမှုစီးပွားဘဝဖွံ့ဖြိုးတိုးတက်ရေးကို များစွာအထောက်အကူပြုမည် ဖြစ်ပါ၍ သက်မှတ်ကာလ အတွင်းအရည်အသွေးပြည်မီစွာဖြင့် တည်ဆောက်ပြီးစီးရန် လိုအပ်ပါကြောင်း၊ လုပ်ငန်းများ ဆောင်ရွက်ရာတွင် စေတနာထားကာ ဝန်ထမ်းကောင်းပီသစွာဖြင့် လုပ်ဆောင်ရန်လိုအပ် ပါကြောင်း၊ တာဝန်ရှိသူများအနေဖြင့် တည်ဆောက်ရေးကုန်ကြမ်းများ အချိန်မီရရှိရေး၊ လုပ်ငန်းခွင်ဘေးအန္တရာယ်ကင်းရှင်းရေးနှင့် လုံခြုံရေးဆိုင်ရာများကို အလေးထားဆောင် ရွက်သွားကြရန် လိုအပ်ကြောင်းတို့အား အသေးစိတ်မှာကြားကာ တင်ပြချက်များအပေါ်လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက နမ့်ပင အသေးစားရေ အားလျှပ်စစ်စီမံကိန်း တည်ဆောက်ရေးလုပ်ငန်းခွင်အတွင်း၌ ဆောင်ရွက်နေသည့် ပင်မတမံကွန် ကရစ်သွန်းလောင်းခြင်းလုပ်ငန်း၊ ရေယူအဆောက်အအုံဆောက်လုပ်မှုလုပ်ငန်းနှင့် ဓါတ်အားပေး စက်ရုံတည်ဆောက်မည့် မြေနေရာရှင်းလင်းနေမှုများအား လိုက်လံကြည့်ရှုစစ်ဆေးခဲ့ကြသည်။

အဆိုပါ နမ့်ပင အသေးစားရေအားလျှပ်စစ်စီမံကိန်းသည် ဟုမ္မလင်းမြို့၏ အနောက်ဘက် ၇.၅ မိုင်ခန့်အကွာ၊ နားသကျိုက်ကျေးရွာအနီးတွင်တည်ရှိ၍ Concrete Gravity Dam တမံအမျိုး အစားဖြစ်ပြီး တပ်ဆင်စက်အင်အားမှာ ၆ မဂ္ဂါဝပ်ဖြစ်ကာ နှစ်စဉ်လျှပ်စစ်ဓာတ်အား - ၃၄.၆၈ သန်းကီလိုဝပ်နာရီ ပျဉ်းမျှထုတ် လုပ်နိုင်မည်ဖြစ်ပြီး တည်ဆောက်ရေးလုပ်ငန်းများကို ၂၀၂၄-၂၀၂၅ ဘဏ္ဍာရေးနှစ်တွင် အပြီးတည်ဆောက်သွားမည်ဖြစ်ကာ ယခုအချိန်တွင် လုပ်ငန်း အားလုံး၏ ၄၂.၂၆ ရာခိုင်နှုန်း ပြီးစီးနေပြီဖြစ်သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ခရိုင်စု ပေါင်းရုံး အဆောက်အဦ တည်ဆောက်ရေးရှင်းလင်းဆောင်သို့ ရောက်ရှိရာ ခရိုင်စီမံအုပ်ချုပ်ရေး အဖွဲ့ဥက္ကဋ္ဌ ဦးရဲဝင်းနှင့် တည်ဆောက်ရေးတာဝန်ခံများက ခရိုင်စုပေါင်းရုံး အဆောက်အဦ် တည် ဆောက်ပြီးစီးမှုအခြေအနေများနှင့် ပတ်သက်၍ ရှင်းလင်းတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများအား စံချိန်စံ ညွှန်းမီအရည်အသွေးကောင်းမွန်စွာဖြင့် သက်မှတ်ဘဏ္ဍာနှစ်အတွင်း အပြီးတည်ဆောက်ပြီး စီးရေး၊ လုပ်ငန်းများအပေါ်စေတနာထားကာ ဆောင်ရွက်သွားရေးနှင့် လုပ်ငန်းခွင်အန္တရာယ်ကင်း ရှင်းရေးတို့အား အသေးစိတ်မှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဟုမ္မလင်းခရိုင် စုပေါင်းရုံး အဆောက်အဦသစ် တည်ဆောက်နေမှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ခိုပဲဝရပ် ကွက်ရှိ ဓမ္မဝိစယဗိမာန်တော်ကြီးတွင် ကျင်းပပြုလုပ်သော စစ်ကိုင်းတိုင်းဒေသကြီး အစိုးရအဖွဲ့မှ ရွှေပြည်အေးမြို့၊ လောင်းမင်းကျေးရွာ၊ ဇီးပင်သာကျေးရွာနှင့် နောင်ဆန်းကျင်ကျေးရွာများမှ ယာယီနေ ရပ်စွန့်ခွာပြည်သူများအား ထောက်ပံ့ငွေများနှင့် ကုညီကယ်ဆယ်ရေးပစ္စည်းများ ပေးအပ်ပွဲအခမ်း အနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး အစိုးရအဖွဲ့အနေဖြင့် ယာယီ နေရပ်စွန့်ခွာပြည်သူများအတွက် ကျန်းမာရေး၊ စားဝတ်နေရေးနှင့် လုံခြုံရေးဆိုင်ရာ ကိစ္စရပ်များ ဆောင်ရွက်ပေးနေမှုနှင့် ဒေသတည်ငြိမ်အေးချမ်းရေးအတွက် တာဝန်ရှိသူများက ပူးပေါင်းဆောင်ရွက်မှု အခြေအနေများကို ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်က ဘေးအန္တရာယ်စီမံခန့်ခွဲရေးဦးစီဌာနမှ ထောက်ပံ့ပေးအပ်သည့် ရွှေပြည်အေးမြို့၊ လောင်းမင်းကျေးရွာ၊ ဇီးပင်သာကျေးရွာနှင့် နောင်ဆန်းကျင်ကျေး ရွာများမှ အိမ်ထောင်စု ၂၄၉ စု၊ လူဦးရေ ၉၅၆ ဦးအတွက် ၁ လစာ ဆန်ရိက္ခာဖိုးငွေကျပ် - ၈၆၀၄၀၀၀ (ရှစ်ဆယ်ခြောက်သိန်းလေးထောင်ကျပ်)အား ထောက်ပံ့ပေး အပ်ပြီး တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများမှ ယာယီနေရပ်စွန့်ခွာပြည်သူများထံ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ မိသားစုသုံး ပစ္စည်းများအား အသီးသီးထောက်ပံ့ပေးအပ်ခဲ့ကြပြီး ယာယီနေရပ်စွန့်ခွာပြည်သူများမှ ပညာရေး၊ ကျန်းမာရေး၊ စားဝတ်နေရေးကိစ္စရပ်များနှင့် ပတ်သက်၍ လိုအပ်သည်များကို ဆွေးနွေး တင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့ပြီး ယာယီနေရပ်စွန့်ခွာ ပြည်သူများ အား ရင်းရင်းနှီးနှီးလိုက်လံနှုတ်ဆက်အားပေးပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ ဒီဇင်ဘာ ၉

စစ်ကိုင်းတိုင်းဒေသကြီး၊ မုံရွာမြို့၊ အနောက်ဘက် ကန်သာယာကန်ပတ်လမ်း နိုင်လွန် ကတ္တရာလမ်း၊ သာယာလှပရေးလုပ်ငန်းများနှင့် ပြည်ထောင်စုရင်ပြင်ဖွင့်ပွဲ အခမ်းအနားကို ဒီဇင်ဘာလ ၉ ရက်၊ နံနက်ပိုင်းတွင် အဆိုပါကန်ဖွင့်ပွဲမုဒ်ဦးရှေ့တွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ ဝန်ထမ်းများနှင့် လူထုစုပေါင်းလမ်းလျှေက်ပွဲတွင်ပါဝင်ဆင်နွှဲသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့ တိုင်းဒေသကြီးအစိုးရ အဖွဲ့အနေဖြင့် တိုင်းဒေသကြီးမြို့တော်ဖြစ်သည့် မုံရွာမြို့၏ ဖွံ့ဖြိုးတိုးတက်ရေး နှင့်သာယာလှပ ရေးလုပ်ငန်းများအား အထူးအလေးထား ဆောင်ရွက်ပေးလျှက်ရှိပါကြောင်း၊ မုံရွာမြို့အား မြို့အင်္ဂါရပ်နှင့်အညီဖြစ်စေရေးနှင့် စနစ်ကျသည့်စံပြမြို့တစ်မြို့ဖြစ်အောင် မြို့တွင်းလမ်း၊တံတား နှင့်တည်ဆောက်ရေးလုပ်ငန်းများကို ဆောင်ရွက်ပေးနေသကဲ့သို့ ပြည်သူအများစိတ်ချမ်းမြေ့ ပျော်ရွှင်စွာအပန်းဖြေ အနားယူနိုင်ရေး၊ ကိုယ်လက်လှုပ်ရှား အားကစားဆောင်ရွက်နိုင်ရေးနှင့် မြို့သာယာလှပရေး လုပ်ငန်းများအား ပြည့်စုံကောင်းမွန်အောင် ဆောင်ရွက်ပေးလျှက်ရှိပါ ကြောင်း၊ ထိုသို့ဆောင်ရွက်ရာတွင် ပြည်သူများအတွက် သာယာလှပစွာ အပန်းဖြေကာ ကျန်းမာ ကြံ့ခိုင်ရေးဆိုင်ရာများ ဆောင်ရွက်နိုင်ရေးအတွက် အနောက်ဘက်ကန်သာယာ၏ ဖွံ့ဖြိုးရေးလုပ် ငန်းများကိုလည်း အရှိန်အဟုန်ဖြင့်ဆောင်ရွက်ခဲ့ရာ ယခုမြင်တွေ့ရသည့်အတိုင်းသာယာလှပပြီး အပန်းဖြေခြင်းနှင့် ကိုယ်ကာယကျန်းမာရေးဆိုင်ရာများကိုဆောင်ရွက်နိုင်ပြီ ဖြစ်ပါကြောင်း၊ မူလကန်ဟောင်းအား ပျမ်းမျှအနက် ၄ ပေတူး၍ နိုင်လွန်ကတ္တရာပတ်လမ်းများ ဖော်ဆောင်ခြင်း၊ မြို့လူထုအတွက် သောက်သုံးရေစစ်ကန်ဆောင်ရွက်ပေးခြင်း၊ ကန်ပတ်လည်နှင့် ရေလည်ကျွန်း များတွင် မြေထိန်းနံရံများ၊ စတီးလက်ရန်းများနှင့် လျှပ်စစ်အလှမီးတိုင်များ ဆောင်ရွက်ပေးခြင်း၊ အရိပ်ရပင်နှင့်ပန်းအလှပင်များစိုက်ပျိုး၍ သာယာလှပအောင် ဆောင်ရွက်ခြင်းတို့အပြင် အခြား ဖွံ့ဖြိုးရေးလုပ်ငန်းများကို အကောင်းဆုံးဆောင်ရွက်ပေးခဲ့ပါကြောင်း၊ပြည်ထောင်စုကျွန်း၏ ရင်ပြင်(၂)ဧကကိုလည်း နိုင်လွန်ကတ္တရာခင်းခြင်းနှင့် အားကစား၊ ဖျော်ဖြေရေးနှင့် စုပေါင်းလှုပ်ရှားမှုများ လုပ်ဆောင်နိုင်ရန် ရည်ရွယ်ကာ ဆောင်ရွက်ပေးခဲ့ ပါကြောင်း၊ အရှေ့ဘက်ကန်သာယာနှင့်အနောက်ဘက် ကန်သာယာ ကိုယခုကဲ့သို့သာယာလှပ ရေးနှင့် ဖွံ့ဖြိုးရေးလုပ်ငန်းများ ဆောင်ရွက်ပေးခဲ့သည့်အတွက် မြို့နေပြည်သူများအနေဖြင့် ကျန်းမာရေးလေ့ကျင့်ခန်းနှင့် အထွေထွေဆောင်ရွက်လိုမှုများကို အစုအဖွဲ့အလိုက်နှင့် တစ်ဦး ချင်းအတွက် ဆောင်ရွက်နိုင်ကြပြီဖြစ်ပါကြောင်း၊ ယခုလို မုံရွာမြို့လယ်ရှိ ရေကန်များအား ထပ်မံ တူးဖော်ကာ ရေသိုလှောင်ထားနိုင်ခဲ့ခြင်းကြောင့် သဘာဝဂေဟစနစ်အား ထိန်းသိမ်းနိုင်ကာ စိမ်းလန်းသည့်ပတ်ဝန်းကျင် စနစ်ကိုဖြစ်ပေါ်စေပြီး လေကောင်းလေသန့်ရရှိ၍ သာယာလှပသည့် သဘာဝပတ် ဝန်းကျင်ကောင်းများကိုလည်း ဖော်ဆောင်ပေးနိုင်ခဲ့ပါကြောင်း ပြောကြားခဲ့သည်။

ယင်းနောက် မုံရွာမြို့နယ်၊ စည်ပင် သာယာရေးအဖွဲ့မှ အမှုဆောင်အရာရှိ ဦးထွန်းထွန်းက မုံရွာမြို့၊ အနောက်ဘက် ကန်သာယာကန်ပတ်လမ်း နိုင်လွန်ကတ္တရာလမ်း၊ သာယာလှပရေး လုပ်ငန်းများနှင့် ပြည်ထောင်စုရင်ပြင်ဆောင်ရွက်ခဲ့မှုများနှင့် ပတ်သက်သည့် အချက်အလက်များ အား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး သယံဇာတရေးရာ ဝန်ကြီး ဦးတင်သန်းဝင်း၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးဇော်တင်မိုးတို့က မုံရွာမြို့၊ အနောက် ဘက် ကန်သာယာကန်ပတ်လမ်း နိုင်လွန်ကတ္တရာလမ်းနှင့် သာယာလှပရေးလုပ်ငန်းများအား ဖဲကြိုးဖြတ်ဖွင့်လှစ်ပေးကြသည်။

အဆိုပါ မုံရွာမြို့၊ အနောက်ဘက် ကန်သာယာကန်ပတ်လမ်း နိုင်လွန်ကတ္တရာလမ်း အရှည် - ၅၅၀၀ ပေ၊ အကျယ် - ၂၃ ပေ၊ ၃ လက်မခွဲထုဖြင့် ဆောင်ရွက်ခဲ့ပြီး ကန်ပတ် လမ်းတစ်လျှောက် စတီးလက်ရန်းများ၊ လျှပ်စစ်အလှမီးတိုင်များ၊ စိမ်းလန်းစို ပြေရေးလုပ်ငန်းများနှင့် သာယာလှပရေးလုပ်ငန်းများအား မုံရွာမြို့နယ်၊ စည်ပင်သာယာရေးအဖွဲ့မှ တာဝန်ယူ ဆောင်ရွက်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အရှေ့ဘက် ကန် သာယာရှိ ပြည်ထောင်စုရင်ပြင်ဖွင့်ပွဲ အခမ်းအနားသို့ တက်ရောက်ကြရာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်း၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးဇော်တင်မိုးတို့က မုံရွာမြို့၊ အရှေ့ဘက် ကန်သာယာကန်ရှိ ပြည်ထောင်စုရင်ပြင်အား ဖဲကြိုးဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီး ဝင်းတင်စိုးတို့က မုံရွာမြို့၊ အမှတ်(၂)အခြေခံပညာအထက် တန်းကျောင်း-အလုံမှ ဘင်ခရာ/ပန်းပွားအဖွဲ့တို့အား ဂုဏ်ပြုဆုငွေများ ပေးအပ်ချီးမြှင့်ခဲ့ကြောင်း သိရသည်။

မုံရွာ ၊ ဒီဇင်ဘာ ၉

စစ်ကိုင်းတိုင်းဒေသကြီး၊ မုံရွာမြို့၊ ဒီဇင်ဘာအားကစားလ ဒုတိယပတ် လူထုစုပေါင်းလမ်း လျှေက်ပွဲကို ဒီဇင်ဘာာလ ၉ ရက်နေ့၊ နံနက်ပိုင်းတွင် မုံရွာမြို့၊ အနောက်ဘက် ကန်သာယာ ကန်တွင် ကျင်းပရာ လူထုစုပေါင်းလမ်းလျှောက်ပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော် နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီး များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ ဝန်ထမ်းများ၊ မြို့နေပြည်သူများနှင့် အားကစားကိုချစ်မြတ်နိုးသူများ တက်ရောက်ကြသည်။

ရှေးဦးစွာ စုပေါင်းလမ်းလျှောက်ပွဲသို့ တက်ရောက်လာကြသည့် တိုင်းဒေသကြီး ဝန်ကြီးချုပ်နှင့်တာဝန်ရှိသူများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ကျောင်းသား/ကျောင်းသူများနှင့် ရပ်ကွက်နေပြည်သူ အင်အား ၄၀၀၀ ကျော်မှ မုံရွာမြို့၊ အနောက်ဘက် ကန်သာယာကန်ရှိ သက်မှတ်နေရာများတွင် အသီးသီးနေရာယူကြပြီး မီးရှူးပန်း ပစ်ဖောက်ကာ သက်မှတ်နေရာမှစတင်၍ အနောက်ဘက် ကန်သာယာကန် ပတ်လမ်း တစ်လျှောက် တစ်ပျော်တစ်ပါး စုပေါင်းလမ်းလျှောက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများ၊ စုပေါင်းလမ်းလျှောက်ပွဲသို့ တက်ရောက်လာသူများမှ အနာက်ဘက် ကန်သာယာကန်မှတဆင့် ဗိုလ်ချုပ်လမ်း၎င်းမှ အရှေ့ ဘက် ကန်သာယာရှိ ပြည်ထောင်စုရင်ပြင်သို့ ဝင်ရောက်ခဲ့ကြပြီး အဆိုပါရင်ပြင်၌ စနစ်တကျ နေရာယူကြကာ တိုင်းဒေသကြီးအားကစားနှင့်ကာယပညာဦးစီးဌာနမှ လူငယ်မောင်မယ်များ၏ ကိုယ်ကာယလေ့ကျင့်ခန်း အမှတ်စဉ်(၁)အမှတ်စဉ်(၂)သရုပ်ပြသမှုနှင့် Finss Dance တေးသီချင်း များဖြင့် သွေးပူလေ့ကျင့်ခန်းအားကစားများ စုပေါင်းဆောင်ရွက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းလမ်းလျှောက်ပွဲသို့ တက်ရောက်လာသူများသည် နံနက်စာများအား တစ်ပျော်တစ်ပါး စာသောက်နေမှုများကို လိုက် လံကြည့်ရှုအားပေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကံစမ်းမဲများဖွင့် ဖောက်ပေးနေမှုများကို ကြည့်ရှုအားပေးခဲ့ကြပြီး ဆုမဲပေါက်သူများအား တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင်များ၊ တာဝန်ရှိသူများက ဆုမဲပေါက်သူများအား ဆုများအသီးသီး ပေးအပ်ချီးမြှင့်ခဲ့ကြောင်း သိရသည်။

မုံရွာ ၊ ဒီဇင်ဘာ ၈

အမျိုးသမီးများအပေါ် အကြမ်းဖက်မှုပပျောက်ရေး (၁၆)ရက်တာလှုပ်ရှားမှု အထိမ်း အမှတ်အခမ်းအနားကို ဒီဇင်ဘာလ ၈ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး အစိုးရ အဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး/ခရိုင်/ မြို့နယ် အမျိုးသမီးကော်မတီဝင်များ၊ လူမူဝန်ထမ်းဦးစီး ဌာနမှဝန်ထမ်းများနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသမီးများအပေါ် အကြမ်း ဖက်မှု တားဆီးကာကွယ်ရေးလုပ်ငန်းများတွင် ပါဝင်ဆောင်ရွက်မှုတိုင်းသည် ပိုမို လုံခြုံသော၊ ပိုမိုတန်းတူညီမျှမှုရှိသော ပိုမိုငြိမ်းချမ်းသာယာသော ပတ်ဝန်းကျင်တစ်ခုဆီသို့ ဦးတည်နေသည့် ခြေလှမ်းများပဲဖြစ်ပါကြောင်း၊ gender equality and Women’s Empowerment ကျား၊မ တန်း တူညီမျှမှုနှင့် အမျိုးသမီးငယ်များအားလုံး စွမ်းပကားမြင့်မား ရေးပန်းတိုင်သည် အမျိုးသမီးများ အပေါ် အကြမ်းဖက်မှုပုံစံ အားလုံးအဆုံးသတ်စေရေးနှင့် အမျိုးသမီးများအားလုံး ဖွံ့ဖြိုးတိုးတက် ရေးအတွက် တိကျခိုင်မာသည့် ရည်ရွယ်ချက်တစ်ခု ဖြစ်ပါကြောင်း၊ အကြမ်းဖက်မှုများ၏ နောက်ဆက်တွဲဖြစ်သည့် စိတ်ကျန်းမာရေး ပြဿနာများသည်အမျိုးသမီးများ၏ ကျန်းမာပျော် ရွှင်မှုအပေါ် ဆိုးရွားစွာထိခိုက်မှုရှိပြီး စိတ်ပိုင်းဆိုင် ရာပြဿနာများကပဲ အမျိုးသမီးများ၏ အိမ်တွင်းနှင့်အိမ်ပြင်ပမှာ အလုပ်လုပ်နိုင်စွမ်း၊ ကလေးများအား ပြုစုစောင့်ရှောက်နိုင်စွမ်း၊ လူ့အသိုင်းအဝိုင်းကြား တက်ကြွစွာပါဝင်နိုင်စွမ်းတို့အပေါ်များစွာ သက်ရောက်မှုရှိနေပါကြောင်း၊ အမျိုးသမီးအပေါ် ပုံစံမျိုးစုံသည့် အကြမ်းဖက်မှုများအား ကြုံတွေ့နေရမည်ဆိုရင် ဖွံ့ဖြိုးတိုးတက် မှုအတွက်လည်း များစွာ နှောင့်နှေးစေမှာ ဖြစ်ပါကြောင်း၊ အမျိုးသမီးများ၏ အခွင့်အရေးကိုဖော်ထုတ်ပေးခြင်း၊ စွမ်းဆောင်ရည်နှင့် အရည်အသွေး များအားမြှင့်တင်ပေးပြီး အသိအမှတ်ပြုပေးခြင်း၊ မိန်းကလေးငယ်များနှင့် အမျိုး သမီးများကြုံ တွေ့နေရသည့် အခက်အခဲအတားအဆီးများကို ကြိုတင်ဖြေရှင်းပေးခြင်းများသည် ဖွံ့ဖြိုးတိုးတက်မှုနှင့် လူ့စွမ်းအားအရင်းအမြစ်ကို မြှင့်တင်ခြင်းပင်ဖြစ်ပါကြောင်း၊ အမျိုး သမီးများအပေါ် အကြမ်းဖက်မှု တားဆီးကာကွယ်ရန်နှင့် တုံ့ပြန်ဆောင်ရွက်ပေးရန်အတွက် လုံလောက်သည့် အရင်းအမြစ်များ ခွဲဝေချထားပေးခြင်း၊ ပံ့ပိုးပေးခြင်း၊ လက်လှမ်းမီရရှိအောင် စီစဉ်ထားရှိပေးခြင်း တို့သည် ကောင်းမွန်အကျိုးရှိသည့် ရင်းနှီးမြှုပ်နှံမှုဖြစ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး အမျိုးသမီးကော်မတီ အတွင်းရေးမှူး၊ တိုင်းဒေသကြီး လူမှု ဝန်ထမ်းဦးစီးဌာနမှ ညွှန်ကြားရေးမှူးမှ အမျိုးသမီးများအပေါ် အကြမ်းဖက်မှုပပျောက်ရေး(၁၆) ရက်တာလှုပ်ရှားမှုနေ့ ပေါ်ပေါက်လာပုံနှင့် အမျိုးသမီးကော်မတီ၏ လုပ်ငန်းဆောင်ရွက်ချက်များအား Power Point ဖြင့် ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသမီးများအပေါ် အကြမ်းဖက်မှုပပျောက်ရေး(၁၆)ရက်တာလှုပ်ရှားမှု အထိမ်းအမှတ် Video Clip အား ကြည့်ရှုအား ပေးကြပြီး တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်အားပေးပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ ဒီဇင်ဘာ ၅

စစ်ကိုင်းတိုင်းဒေသကြီး၊ မုံရွာပညာရေးဒီဂရီကောလိပ် ၂၀၂၃-၂၀၂၄ ပညာသင်နှစ်၊ ပထမ နှစ်(ပထမနှစ်ဝက်)နှင့် လုပ်ငန်းခွင်အကြို မူလတန်းဆရာအတတ်ပညာသင်တန်း (PPTT) အမှတ် စဉ်(၁၀/၂၀၂၃) မောင်မယ်သစ်လွင်ကြိုဆိုပွဲ အခမ်းအနားကို ဒီဇင်ဘာလ ၅ ရက်နေ့၊ နံနက်ပိုင်း တွင် မုံရွာပညာရေးဒီဂရီကောလိပ်ရှိ ပဉ္စဗလဘက်စုံခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ သင်တန်းသား၊ သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းပြည်၏အနာဂတ်ကို ပခုံးပြောင်းတာဝန်ယူကြမည့် လူငယ်တို့ပညာပြည့်ဝနှလုံးလှကြပြီး နိုင်ငံတော်နှင့်လူမျိုးအကျိုးကို အားကြိုးမာန်တက်ထမ်းရွက်နိုင်ကြကာ နိုင်ငံတော်၏အလှ နိုင်ငံတော်၏ ဂုဏ်ကို ဖော်ဆောင်နိုင်ကြရန်နှင့် တပည့်များ၏ ပညာအရည်အသွေးမြင့်မားစေရန် ဆရာအရည်အသွေးလည်း မြင့်မားနေရမည်ဖြစ်ရာ ဆရာ၊ဆရာမများသည်လည်း အစဉ်အမြဲလေ့လာ နေကြရမည်ဖြစ်ပါကြောင်း၊ နိုင်ငံတော်၏ လူမှုရေးဦးတည်ချက်တစ်ရပ်ဖြစ်သော တစ်နိုင်ငံလုံးအသိပညာ၊ အတတ်ပညာမြင့် မားတိုးတက်စေရေး ကုန်ထုတ်လုပ်မှု အထောက်အကူပြုပညာရှင်များ ထွန်းကားလာစေရေး အတွက် လူတိုင်းလက်လှမ်းမီသည့် ဘက်စုံပညာရေးစနစ်ကို အကောင်အထည်ဖော်ရေး တာဝန်များကို ကျေပွန်စွာထမ်းဆောင်သွားကြရန်မှာ ကြားလိုပါကြောင်း၊ သင်တန်းကာလ အတွင်း ကျောင်းသား၊ကျောင်းသူ မောင်မယ်များအနေဖြင့် ဆရာ၊ဆရာမများ၏ သင်ကြားပို့ချ ချက်များအား စိတ်ဝင်တစားဖြင့် ကောင်းမွန်စွာလေ့လာသင်ယူသွားကြရန် မှာကြားလိုပါကြောင်း၊ ဆရာကောင်းတစ်ယောက်၏ ပညာအရည်အချင်းနှင့် စေတနာ၊ ဝါသနာ၊ အနစ်နာဟူ သောစိတ်စေတနာတို့အပေါ်တွင် တပည့်များ၏ဘဝ အကောင်းအဆိုးသည်လည်း တည်မီ လျှက်ရှိပါကြောင်း၊ တပည့်များ၏ ပညာရေးတွင်သာမက လူမှုဆိုင်ရာပြဿနာများ အခက်အခဲ အကြပ်အတည်းများကိုလည်း တစ်ဖက်တစ်လမ်းမှ ကူညီဖြေရှင်းပေးနိုင်မည့် ဆရာများကို အရည်အချင်းပြည့်ဝစေရေးအတွက် လေ့ကျင့်သင်ကြားပေးနိုင်ရန် အထူးလိုအပ်ပါကြောင်း၊ ကျောင်းသား၊ကျောင်းသူ မောင်မယ်များကို အထူးအလေးထားမှာကြားလိုတာကတော့ မုံရွာပညာရေးဒီဂရီကောလိပ်မှ သင်ကြားပို့ချပေးမည့် ပညာရေးဆိုင်ရာ ဘာသာရပ်များအပြင် ဗလငါးတန်ဖွံ့ဖြိုးတိုးတက်ရန် အခြေခံအကျဆုံးဖြစ်သည့် ကာယဗလ၊ ဖွံ့ဖြိုးတိုးတက်စေရေး အတွက် အားကစားပြိုင်ပွဲများတွင်လည်း ပါဝင်ဆောင်ရွက်သွား ကြရန်လိုအပ်ပါကြောင်း၊ သင်တန်းများပြီးဆုံး၍ နေရာဒေသအသီးသီးမှာရှိသည့် အခြေခံပညာကျောင်းများတွင် တာဝန် ထမ်းဆောင်ကြသည့်အခါ ကျောင်းတော်ကြီးမှရရှိလာသည့် ပညာရပ်များ၊ အတွေ့အကြုံများကို ကောင်းမွန်စွာပြန်လည်အသုံးချသွားကြရန် မှာကြားလိုပါကြောင်း၊ ဆရာ၊ဆရာမများနှင့်ကျောင်းသား၊ကျောင်းသူ မောင်မယ်များအားလုံးအနေဖြင့် နေ့စဉ်မပြတ်သင်ကြားသင်ယူမှုများ ဆောင် ရွက်ရာတွင် မိမိတို့နိုင်ငံ၏ ဘက်စုံဖွံ့ဖြိုးတိုးတက်ရေးအတွက် ဦးတည်ပြီး ရည်မှန်းချက်ထားကာ ကြိုးပမ်းဆောင်ရွက်သွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က မုံရွာပညာရေးဒီဂရီကောလိပ်အတွက် ငွေကျပ်-၁၀ သိန်း၊ ပထမနှစ်(ပထမနှစ်ဝက်) ကျောင်းသား၊ကျောင်းသူများအတွက် ငွေကျပ် -၅၁၅၀၀၀၀ (ကျပ်ငါးဆယ်တစ်သိန်းငါးသောင်း)နှင့် လုပ်ငန်းခွင်အကြိုမူလတန်း ဆရာအတတ် ပညာသင်တန်း(PPTT) အမှတ်စဉ်(၁၀/၂၀၂၃) ကျောင်းသား/ကျောင်းသူများ အတွက်ငွေကျပ်- ၂၃၀၀၀၀၀ (ကျပ်နှစ်ဆယ်သုံးသိန်း)တို့အား ကျောင်းအုပ်ဆရာမကြီးနှင့် ကျောင်းသား၊ကျောင်းသူများထံ ထောက်ပံ့ပေးအပ်သည်။

ထို့နောက် တိုင်းဒေသကြီး ဝန်ကြီးချုပ်က ၂၀၂၃-၂၀၂၄ ပညာသင်နှစ်၊ အထက်မြန်မာပြည် ပညာရေးဒီဂရီကောလိပ်ပေါင်းစုံ အားကစားပြိုင်ပွဲ မန္တလေးဇုံတွင် ပထမဆုရရှိခဲ့သည့် မုံရွာပညာ ရေးဒီဂရီကောလိပ်မှ အမျိုးသားဘောလုံးအသင်းအား ဂုဏ်ပြုဆုငွေများ အားလည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက ပထမဆုရရှိခဲ့ သည့် အမျိုးသားပိုက်ကျော်ခြင်းအသင်းအား ဂုဏ်ပြုဆုငွေများအား လည်းကောင်း၊ တိုင်းဒေ သကြီး သယံဇာတရေးရာဝန်ကြီး ဦးတင်သန်းဝင်းက ပူးတွဲတတိယဆုရရှိသည့် အမျိုးသမီးဘော် လီဘောအသင်းအား ဂုဏ်ပြုဆုငွေများအား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီး ရဲမှူးကြီး အောင်မြင့်နိုင်က အမျိုးသားဘောလုံးပြိုင်ပွဲတွင် ပွဲစဉ်တစ်လျှောက် အကောင်းဆုံးရရှိခဲ့သည့် အားကစားသမားအား ဂုဏ်ပြုဆုငွေများအား လည်းကောင်း၊ တိုင်းဒေ သကြီး အစိုးရအဖွဲ့အတွင်းရေးမှူး ဦးခင်မောင်ဆန်းက အမျိုးသားဘောလုံးပြိုင်ပွဲတွင် အလယ်တန်းအကောင်းဆုံးဆုရရှိသည့် အားကစားသမားအား ဂုဏ်ပြုဆုငွေများအား အသီးသီးပေးအပ် ချီးမြှင့်ခဲ့ကြသည်။

ဆက်လက်ပြီး မုံရွာပညာရေးဒီဂရီကောလိပ် ကျောင်းအုပ်ဆရာမကြီး ဒေါက်တာ မင်းမင်းသိမ့်က ကြိုဆိုနှုတ်ခွန်းဆက်စကား ပြောကြားသည်။

ယင်းနောက် မုံရွာပညာရေးဒီဂရီကောလိပ်မှ ကျောင်းသား၊ကျောင်းသူများက တေး သီချင်းများဖြင့် ကပြဖျော်ဖြေကြပြီး တိုင်းဒေသကြီး လူမှုရေးရာဝန်ကြီး ဦးဝင်းမြတ်စိုးက ကပြဖျော်ဖြေခဲ့ကြသော ကျောင်းသား၊ကျောင်းသူများအတွက် ဂုဏ်ပြုငွေများ ပေးအပ်ချီးမြှင့် ကာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသော ဆရာ/ဆရာများ၊ ကျောင်းသား/ကျောင်းသူများအား ရင်းရင်းနှီးနှီးလိုက်လံ နှုတ်ဆက် အားပေးကာ အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ ဒီဇင်ဘာ ၃

စစ်ကိုင်းတိုင်းဒေသကြီး၊ ၂၀၂၃-ခုနှစ်၊ အပြည်ပြည်ဆိုင်ရာ မသန်စွမ်းသူများနေ့အထိမ်းအမှတ် အခမ်းအနားကို ဒီဇင်ဘာလ ၃ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံးဝန်း အတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး မသန်စွမ်းသူများ၏ အခွင့်အရေးများဆိုင်ရာ ကော်မတီဝင်များ၊ လူမှုရေး အသင်းအဖွဲ့ဝင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အတွင်းရှိ မသန်စွမ်းသူများအား မသန်စွမ်းမှုအမျိုးအစားအလိုက် အခွင့်အရေးများရရှိရေးလုပ်ငန်းများကို အကောင်အထည်ဖော် ဆောင်ရွက်လျက်ရှိပါကြောင်း၊ မသန်စွမ်းသူများ၏ အခွင့်အရေးများနှင့် ဖွံ့ဖြိုးတိုးတက်ရေးဆိုင်ရာ လုပ်ငန်းစဉ်များအား ပူးပေါင်းဆောင်ရွက်နိုင်ရေးအတွက် တိုင်းဒေ သကြီး မသန်စွမ်းသူများ၏ အခွင့်အရေးများဆိုင်ရာကော်မတီအား တိုင်းဒေသကြီးအဆင့်ဌာန ဆိုင်ရာအဖွဲ့ဝင် ၁၉ ဦးဖြင့် ဖွဲ့စည်းထားရှိပြီးဖြစ်သကဲ့သို့ မသန်စွမ်းသူများ ဖွံ့ဖြိုးတိုး တက်ရေးဆိုင်ရာ မူဝါဒများချမှတ်နိုင်ရန်အတွက် လက်တွေ့အကောင်အထည် ဖော်ဆောင်ရွက်မှုများအား ပြည်တွင်း၊ပြည်ပအဖွဲ့အစည်းများဖြင့် ပူးပေါင်းဆောင်ရွက်လျက်ရှိပါကြောင်း၊ တိုင်းဒေသကြီးအတွင်း နေရာဒေသအသီးသီးတွင်ရှိကြသည့် မသန်စွမ်းသူများ၏ဘဝ ဖွံ့ ဖြိုးတိုးတက်ရေးနှင့် ဂုဏ်သိက္ခာရှိစွာ ရပ်တည်နိုင်ရေးအတွက် မြှင့်တင်အားပေး ဆောင်ရွက်နေကြသည့်ဌာနဆိုင်ရာများ၊ ပြည်တွင်းပြည်ပအစိုးရမဟုတ်သော အဖွဲ့အစည်းများနှင့် စေတနာ့ဝန်ထမ်းအဖွဲ့အစည်းအားလုံး ပူးပေါင်းဆောင်ရွက်နေကြသည့်အတွက် အထူးကျေးဇူးတင်ရှိပါ ကြောင်း၊ ပြောင်းလဲလာသည့် ခေတ်စနစ်နှင့်အညီ နည်းပညာစွမ်းအားကိုအသုံးပြုပြီး မသန်စွမ်းသူများဘ၀ ရေရှည်ဖွံ့ဖြိုးတိုးတက်အောင် ဆက်လက်ပူးပေါင်းဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အပြည်ပြည်ဆိုင်ရာ မသန်စွမ်းသူများနေ့အတွက် ကုလသမဂ္ဂအထွေထွေအတွင်းရေးမှူးချုပ်မှ ပေးပို့သည့် သဝဏ်လွှာနှင့် အပြည်ပြည်ဆိုင်ရာ မသန်စွမ်းသူများနေ့ အထိမ်းအမှတ် Video Click အား ကြည့်ရှုအားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က သီချင်းဆိုပြိုင်ပွဲ၊ ဂိုးဘော ပြိုင်ပွဲ၊ ဘောလုံးကန်ပြိုင်ပွဲ၊ အမြင်အာရုံမသန်စွမ်းပြိုင်ပွဲ၊ ကိုယ်အင်္ဂါမသန်စွမ်း သံလုံးပစ် ပြိုင်ပွဲနှင့် အပ်ချည်ထိုးပြိုင်ပွဲများတွင် ပထမဆုရရှိကြသူများအား လည်းကောင်း၊ တိုင်းဒေသကြီး တရားသူကြီးချုပ် ဦးဇော်ထူးက ဒုတိယဆုရရှိကြသူများအား လည်းကောင်း၊ တိုင်းဒေသကြီး လူမှုရေးရာဝန်ကြီး ဦးဝင်းမြတ်စိုးက တတိယဆုရရှိကြသူများအား လည်းကောင်း၊ တိုင်းဒေသ ကြီး ပညာရေးမှူးနှင့် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ တိုင်းဒေသကြီး ဦးစီးမှူးတို့က နှစ်သိမ့်ဆုရရှိကြသူများအား လည်းကောင်း ဂုဏ်ပြုဆုငွေနှင့် ဆုတံဆိပ်များအား အသီးသီးပေး အပ်ချီးမြှင့်ခဲ့ကြသည်။

ထို့နောက် မသန်စွမ်းသီချင်းဆိုပြိုင်ပွဲများတွင် ဆုရရှိကြသူများက ဆုရတေးသီချင်းများ ဖြင့် ပြန်လည်သီဆိုဖျော်ဖြေကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးကာ အခမ်းအနားကို ရုပ်သိမ်းခဲ့ကြောင်း သိရသည်။