မုံရွာ ၊ ဇန်နဝါရီ ၁၈

စစ်ကိုင်းတိုင်းဒေသကြီး၊ မုံရွာစီးပွားရေးတက္ကသိုလ် ၂၀၂၃-၂၀၂၄ ပညာသင်နှစ် မောင်မယ် သစ်လွင်ကြိုဆိုပွဲ အခမ်းအနားကို ဇန်နဝါရီလ ၁၈ ရက်နေ့၊ နံနက်ပိုင်းတွင် အဆိုပါကျောင်းရှိ ပင်မဆောင်ငွေရတုခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပါမောက္ခချုပ်နှင့် ပါမောက္ခဌာနမှူးများ၊ ဆရာ/ဆရာမများ၊ ကျောင်းသား၊ကျောင်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မုံရွာစီးပွားရေးတက္ကသိုလ်သည် စစ်ကိုင်းတိုင်းဒေသကြီးတွင် အခြေစိုက်တည်ထောင်ဖွင့်လှစ်ထားရှိပြီး စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ကချင်ပြည်နယ်၊ ရှမ်းပြည်နယ်မြောက်ပိုင်းနှင့် ချင်းပြည်နယ်တို့မှအများ စုဖြစ်ပြီး မြန်မာနိုင်ငံဒေသအသီးသီးမှလည်း ပညာသင်ခွင့်ရရှိသည့် တက္ကသိုလ်တစ်ခုဖြစ်ပါ ကြောင်း၊ ကျောင်းသား၊ကျောင်းသူမောင်မယ်တို့အနေဖြင့် မိမိတို့ပညာသင်ယူရမည့်အရွယ်တွင် ပညာသင်ခွင့်ရရှိသည့် အခွင့်အလမ်းများအား ကောင်းစွာအသုံးချတတ်ရန် လိုအပ်ပါကြောင်း၊ ဆရာ၊ဆရာမများ သင်ကြားပြသသည့် စီးပွားရေးပညာဘာသာရပ် အသီးသီးကို ကိုယ်တိုင်တတ် ကျွမ်းနားလည်၍ အသုံးချနိုင်သည့်ပညာရှင်အဆင့် ရောက်ရှိအောင်ဇွဲလုံ့လ၊ဝီရိယတို့ဖြင့် အား ထုတ်ကြိုးပမ်း၍ လေ့လာသင်ယူဆည်းပူးသွားကြရန် မှာ ကြားလိုပါကြောင်း၊
ကျောင်းသား၊ကျောင်းသူတို့သည် လူငယ်မောင်မယ်များဖြစ်သည်နှင့်အညီ ကျန်းမာ ကြံ့ခိုင်ခြင်း၊ တွေးခေါ်မြော်မြင်နိုင်စွမ်းရှိခြင်း၊ ဖြောင့်မတ်မှန်ကန်သော အကျင့်စာရိတ္တတို့ဖြင့် ပြည့်စုံခြင်း၊ အချင်းချင်းရိုင်းပင်း ကူညီစိတ်ရှိခြင်း၊ မကောင်းမှုကိုရှောင်ကြဉ်ပြီး မိမိအတွက် ကောင်းကျိုးဖြစ်စေသောအရာတို့နှင့် ပြည့်စုံခြင်းစသည့် တတ်ကြွ၍နိုးကြားသော လူငယ်မောင် မယ်များဖြစ်အောင် မိမိကိုယ်ကိုယ်လေ့ကျင့်ပျိုးထောင် ကြရမှာဖြစ်ပါကြောင်းနှင့် စီးပွားရေး ပညာရှင်များအဖြစ် မိမိနှင့်မိမိပတ်ဝန်းကျင်အား အကျိုးပြုနိုင်သည့် တိုင်းပြည် ဖွံ့ဖြိုးတိုးတက်အောင် ဆောင်ရွက်နိုင်သော ပညာတတ်လူရည်ချွန်၊ လူရည်မွန်များဖြစ်အောင် အားထုတ်ကြိုးပမ်းသွားကြရန် တိုက်တွန်းပြောကြားခဲ့သည်။

ဆက်လက်ပြီး မုံရွာစီးပွားရေးတက္ကသိုလ် ပါမောက္ခချုပ် ဒေါက်တာ သီတာကြူက စီးပွားရေးတက္ကသိုလ်အကြောင်းအား မိတ်ဆက်ပြီး ကြိုဆိုနှုတ်ခွန်းဆက်စကား ပြောကြားကာ စတုတ္ထနှစ်သင်တန်းမှ ကျောင်းသားတစ်ဦးက ကြိုဆိုနှုတ်ဆက်စကားပြောကြားပြီး ပထမနှစ် သင်တန်းမှ ကျောင်းသူတစ်ဦးက ကျေးဇူးတင်စကား ပြန်လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ်ရှိ ဘွဲ့နှင်းသဘင်ခန်းမတွင် ကျင်းပပြုလုပ်သော ၂၀၂၃-၂၀၂၄ ပညာသင်နှစ် မောင်မယ်သစ်လွင်ကြို ဆိုပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့ခေတ်တွင် ပညာရေးသည် အဓိကအရေးပါသည့် အခန်းကဏ္ဍတွင် ရပ်တည်လျက်ရှိနေပြီး နိုင်ငံတော်ဖွံ့ဖြိုးတိုးတက် ရေးအတွက် အသိပညာ၊အတတ်ပညာနှင့်ပြည့်စုံသော ပညာတတ်များပေါများရေးအတွက် ကျောင်းသား၊ကျောင်းသူများဖက်မှ အားသွန်ခွန်စိုက်ကြိုးပမ်းသွားကြရန် လိုအပ်ပါကြောင်း၊ နိုင်ငံတော်အတွက် ဘက်စုံစွမ်းဆောင်ရည်ရှိသည့် လူ့စွမ်းအားအရင်းအမြစ်များ ဖြစ်လိုပါ ကြောင်း၊ ကျောင်းသား၊ကျောင်းသူများသည် အနာဂတ်နိုင်ငံတော်ဖြစ်သည့် ခေတ်မီဖွံ့ဖြိုးတိုး တက်ပြီး ဒီမိုကရေစီနှင့်ဖက်ဒရယ်စနစ်ကိုအခြေခံသည့် ပြည်ထောင်စုကြီး တည်ဆောက်ရာတွင် ဦးဆောင်သူများ ဖြစ်လာမှာဖြစ်ပါကြောင်း၊ နိုင်ငံတကာ၏ ပြောင်းလဲတိုးတက်မှုများကို အမြဲ လေ့လာပြီး ခေတ်နှင့်အညီ ရင်ဘောင်တန်းစေနိုင်ရေးအတွက် ဗလငါးတန်နှင့်ပြည့်စုံသော လူငယ်များဖြစ်လာရေးအတွက် ဘက်စုံပညာရေးမြှင့်တင်ရေးအား ပညာရေးကဏ္ဍမှတာဝန်ရှိ သူများက အားပေးလေ့ကျင့်ပေးလျက် ရှိပါကြောင်း၊ မိမိတို့တိုင်းဒေသကြီးအတွင်း စိုက်ပျိုးရေး၊ မွေးမြူရေးအသိပညာ၊ အတတ်ပညာရှင်များဖြစ်လာစေရေးအတွက် မိမိတို့ဆည်းပူးနေသည့် ပညာရပ်နယ်ပယ်တွေထဲမှ ကြိုးပမ်းအားထုတ် ကြိုးပမ်းသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် မုံရွာတက္ကသိုလ် ပါမောက္ခချုပ် ဒေါက်တာ အောင်ကျော်သင်က တက္ကသိုလ် အကြောင်းအားမိတ်ဆက်ပြီး ကြိုဆိုနှုတ်ခွန်းဆက်စကား ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသော ဆရာ/ဆရာမများ၊ ကျောင်းသား၊ကျောင်းသူများအား ရင်းရင်းနှီးနှီးနှုတ် ဆက်ပြီး အခမ်းအနားကို ရုပ်သိမ်းခဲ့ကြောင်း သတင်းရရှိသည်။

မုံရွာ ၊ ဇန်နဝါရီ ၁၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး တိုင်းရင်းသား ရေးရာဝန်ကြီး ဦးစိုင်းနိုင်နိုင်ကျော်၊ ဟုမ္မလင်းတပ်နယ်မှူး၊ ဟုမ္မလင်းခရိုင်/မြို့နယ် စီမံအုပ်ချုပ် ရေးအဖွဲ့ဥက္ကဋ္ဌများနှင့် တာဝန်ရှိသူများ လိုက်ပါလျက် ဇန်နဝါရီလ ၁၃ ရက်နေ့၊ နံနက်ပိုင်းတွင် ဟုမ္မလင်းခရိုင် စိုက်ပျိုးရေးဦးစီးဌာနရုံးရှိ အစည်းအဝေးခန်းမတွင် ခရိုင်/မြို့နယ်အဆင့် ဌာနဆိုင် ရာများနှင့် စိုက်ပျိုးစွမ်းအားမြင့်တင်ရေး ညှိနှိုင်းအစည်းအဝေးသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်နှင့် တိုင်းဒေသကြီး အစိုးရအဖွဲ့အနေဖြင့် ဟုမ္မလင်းခရိုင်အတွင်း ဆန်၊ဆီ၊ပဲ ဖူလုံမှုရှိစေရန် အလေးထားဆောင်ရွက်ပေးနေပါကြောင်း၊ ဆီထွက်သီးနှံများတိုးမြင့်စိုက်ပျိုးပြီး တစ်ဧကပန်းတိုင်အထွက်နှုန်းရရှိအောင် ဆောင်ရွက် သွားရန်လိုအပ်ပါကြောင်း၊ နိုင်ငံတော်အနေဖြင့်လည်း ဓါတ်မြေသြဇာများအား ဈေးနှုန်းသက်သာစွာ ဖြင့်ရောင်းချပေးခြင်း၊ နည်းပညာပေးခြင်းနှင့် မျိုးကောင်းမျိုးသန့်များရရှိ အောင်ပံ့ပိုးကူညီပေးလျက်ရှိပါကြောင်း၊ ရာသီသီးနှံအပြင် နှစ်ရှည်သီးနှံများကိုလည်း စိုက်ပျိုး သွားကြရန် လိုအပ်ပါကြောင်း၊ မြေလွတ်မြေလပ်မချန်ဘဲ စိုက်ပျိုးသွားကြရန် လိုအပ်သကဲ့သို့ မြေနှင့်ရာသီဥတုကို အကျိုးရှိစွာအသုံးပြု၍ တစ်နှစ်ပတ်လုံး စိုက်ပျိုးနိုင်ရေးကိုလည်း ကြိုးပမ်း ဆောင်ရွက်သွားကြရန် လိုအပ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့်လည်း စိုက်ပျိုးရေးရည်မှန်းချက်များအောင်မြင်ရန် ဒေသခံတောင်သူများနှင့် ဌာနဆိုင်ရာများ၏ လိုအပ် သည်များ ဖြည့်ဆည်းပေါင်းစပ်ဆောင်ရွက်ပေးလျက်ရှိပါကြောင်း၊ ဌာနဆိုင်ရာအားလုံးအနေဖြင့် လုပ်ငန်းများအောင်မြင်အောင် အချင်းချင်းစည်းလုံးညီညွှတ်စွာဖြင့် ပူးပေါင်းဆောင်ရွက်သွား ကြရန်လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌက ဒေသတည်ငြိမ်အေးချမ်းရေး၊ စိုက်ပျိုးမွေးမြူရေးနှင့် ဖွံ့ဖြိုးရေးလုပ်ငန်းများဆောင်ရွက်နေမှု အခြေအနေများနှင့် ပတ်သက်၍ လည်းကောင်း၊ ဌာနဆိုင်ရာများက စိုက်ပျိုးစွမ်းအားမြင့်တင်ရေးနှင့် စိုက်ပျိုးသီးနှံများအပေါ် ပန်းတိုင်အထွက်နှုန်း ရရှိရေးဆောင်ရွက် နေမှုများနှင့် ဖြည့်ဆည်းပေးရန်လိုအပ်ချက်များအား ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝနှ်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ခရိုင်စုပေါင်းရုံးအဆောက်အဦသစ် တည်ဆောက်ရေးလုပ်ငန်းခွင်သို့ ရောက်ရှိရာ တည်ဆောက်ရေး လုပ်ငန်းများဆောင်ရွက်နေမှုများအား လိုက်လံကြည့်ရှုစစ်ဆေးပြီး တည်ဆောက်ရေးလုပ်ငန်း များ စံချိန်စံညွှန်းမီအရည်အသွေးကောင်းမွန်စွာဖြင့် သက်မှတ်ဘဏ္ဍာနှစ်အတွင်း တည်ဆောက် ပြီးစီးရေး၊ လုပ်ငန်းများအပေါ်စေတနာထားကာ ဆောင်ရွက်သွားရေးနှင့် လုပ်ငန်းခွင်အန္တရာယ် ကင်းရှင်းရေးတို့အား အသေးစိတ်မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ကုတင် ၁၀၀ ဆံ့၊ ပြည်သူ့ဆေးရုံသို့ ရောက်ရှိရာ ဆေးရုံအုပ်ကြီးနှင့် ဆရာဝန်များ၊ သူနာပြုများနှင့် ဝန်ထမ်းများက ရင်းရင်းနှီးနှီးကြိုဆိုနှုတ်ဆက်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆေးကုသမှုခံယူနေကြသော ဒေသခံပြည်သူများအား ရင်းရင်းနှီးနှီးနှုတ်ဆက်အားပေးပြီး အဟာရဖြည့်စွက်စာများ ထောက်ပံ့ပေးအပ်ခဲ့ကြောင်း သိရသည်။

မုံရွာ ၊ ဇန်နဝါရီ ၁၀

စစ်ကိုင်းတိုင်းဒေသကြီး၊ ၂၀၂၄-၂၀၂၄ ပညာသင်နှစ်၊ တိုင်းဒေသကြီးအဆင့် ပညာရေးစုံညီ ပွဲတော် အခမ်းအနားကို ဇန်နဝါရီလ ၁၀ ရက်နေ့၊ နံနက်ပိုင်းတွင် မုံရွာမြို့၊ အမှတ်(၂)အခြေခံပညာ အထက်တန်း ကျောင်းဝန်းအတွင်း ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေ သကြီး/ခရိုင်/မြို့နယ် အဆင့်ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ ကျောင်းအုပ်ကြီးများ၊ ဆရာ/ဆရာမများ၊ ကျောင်းသားမိဘများနှင့် ကျောင်းသား/ကျောင်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဘင်ခရာ/ပန်းပွားအဖွဲ့နှင့် Finess Dance အဖွဲ့များမှ တီးမှုတ်ကပြဖျော်ဖြေနေမှုများအား ကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာ ဝန်ကြီး ဦးဝင်းမြတ်စိုးနှင့် တိုင်းဒေသကြီး ပညာရေးမှူး ဦးတင်လှိုင်တို့က ၂၀၂၃-၂၀၂၄ ပညာသင်နှစ်၊ တိုင်းဒေသကြီးအဆင့် စုံညီပွဲတော်အခမ်းအနားအား ဖဲကြိုးဖြတ်ဖွင့်လှစ်ပေးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းဝန်း အတွင်းရှိ သလ္လာဝတီခန်းမတွင် ကျင်းပပြုလုပ်သည့် ၂၀၂၃-၂၀၂၄ ပညာသင်နှစ်၊ တိုင်းဒေသကြီး အဆင့် စုံညီပွဲတော်အခမ်းအနား ဒုတိယပိုင်း အခမ်းအနားသို့ တက်ရောက်ကြသည်။

ရှေးဦးစွာ မုံရွာမြို့၊ အမှတ်(၂)အခြေခံ ပညာအထက်တန်းကျောင်းမှ ကျောင်းသား၊ ကျောင်း သူများမှ “ ကြိုဆိုပါသည်စုံညီပွဲတော် “ တေးသီချင်းသီဆို၍ အခမ်းအနားအား ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ၏ လမ်းညွှန်ချက်နှင့်အညီ အလယ်တန်းဆင့်(Grade-9)ပြီးမြောက် အောင်မြင် သည့် ကျောင်းသား၊ကျောင်းသူများအားလုံး စက်မှု၊စိုက်ပျိုးရေး၊မွေးမြူရေးအတတ်ပညာများကို သင်ယူလေ့လာ ခွင့် ရရှိနိုင်ရေးအတွက် ၂၀၂၃-၂၀၂၄ ပညာသင်နှစ်တွင် စက်မှု၊ စိုက်ပျိုးရေး၊ မွေးမြူ ရေးအတတ်ပညာများ တွဲဖက်သင်ကြားပေးမည့် အခြေခံပညာ အထက်တန်းကျောင်း(၅၁) ကျောင်းအား တစ်နိုင်ငံလုံးတွင် ဖွင့်လှစ်ခဲ့ပြီးဖြစ်သည့်အတွက် ကျောင်းသား၊ကျောင်းသူများ တက်ရောက်သင်ယူခွင့်ရရှိအောင် ဆောင်ရွက်ပေးသွားကြ ရန်လိုအပ်ပါကြောင်း၊ ကျောင်းနေအရွယ်ကလေးအားလုံး (KG+Grade-9) ပြီးမြောက်သည်အထိ ကျောင်းနေ ရေး ဆောင်ရွက်သွားကြရန်နှင့် ကျောင်းသား၊ကျောင်းသူများအား ကာယဗလ၊ ဉာဏဗလ၊ ဘောဂဗလ၊ စာရိတ္တဗလ၊ မိတဗလ္တစသည့် ဗလငါးတန်းနှင့်ပြည့်ဝသည့် လူငယ်မျိုး ဆက်သစ် များအဖြစ် စဉ်ဆက်မပြတ်မွေး ထုတ်ပေးနိုင်ရန်အတွက် ဆရာ၊ဆရာမများနှင့် ကျောင်းသား၊ ကျောင်းသူများမှလည်း စဉ်ဆက်မပြတ် ကြိုးပမ်းအားထုတ်သွားကြရန် လိုအပ်ပါကြောင်း၊ နိုင်ငံတော်အတွက် အရည်အချင်းမြင့်မားသည့် လူ့စွမ်းအားအရင်းအမြစ်များ ဖြစ်ထွန်းလာစေ ရေးအတွက် ဘက်စုံပညာထူးချွန်သည့် ကျောင်းသား၊ကျောင်းသူများအား လေ့ကျင့်ပြုစုပျိုး ထောင်ပေးရေးသည် ပညာရေးဝန်ကြီးဌာန၏ အဓိကလုပ်ငန်း အစီအစဉ်တစ်ရပ်ဖြစ်သည့် အတွက် တာဝန်ရှိသူအားလုံးက ဝိုင်းဝန်းကြိုးပမ်း ဆောင်ရွက်ကြသွားကြရန် လိုအပ်ပါကြောင်း၊ ပညာရေးသည် နိုင်ငံတစ်နိုင်ငံ၏ ရှင်သန်ရေး၊ တိုးတက် ဖွံ့ဖြိုးရေးနှင့် ခေတ်မီစေရေးတို့အတွက် အခြေခံအုတ်မြစ်ဖြစ်ပြီး နိုင်ငံအလိုက် အခြေခံပညာရေးလုပ်ငန်းများဆောင်ရွက်ရာတွင် အရည် အသွေးများပြည့်ဝရေးနှင့် ပညာရှင်များအဖြစ် နိုင်ငံ၏အနာဂတ်တွင် နိုင်ငံသားကောင်း၊သမီး ကောင်းများဖြစ်ထွန်းရေးအတွက် အစွမ်းကုန်ကြိုးစားဆောင်ရွက်သွားကြရန် တိုက်တွန်းပြော ကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၂၀၂၃-ခုနှစ်၊ တက္ကသိုလ်ဝင် စာမေးပွဲတွင် ဝိပ္ပံဘာသာတွဲ နိုင်ငံတော်အဆင့် ဆဌမဆု၊ သတ္တမဆု၊ နဝမဆုရရှိကြသူများ၊ (၂၄) ကြိမ်မြောက် မြန်မာ့ရိုးရာယဉ်ကျေးမှု အဆို၊အက၊အရေး၊အတီး ပြိုင်ပွဲများတွင်ဆုရရှိကြသူများ၊ တိုင်းဒေသကြီးအဆင့် အင်္ဂလိပ်၊ သချာၤ စွမ်းရည်ပြိုင်ပွဲများတွင် ဆုရရှိကြသူများနှင့် ၂၀၂၃-ခုနှစ်၊ ကမ္ဘာ့ဆရာများနေ့ အထိမ်းအမှတ် ဗဟိုအဆင့် ဆောင်းပါး၊ကဗျာ၊စာစီစာကုံးပြိုင်ပွဲများတွင် ဆုရရှိကြသည့် ကျောင်းသား၊ကျောင်းသူများအား ဂုဏ်ပြုဆုလက်မှတ်နှင့်ဆုငွေများ ပေးအပ်ချီး မြှင့်ကြသည်။

ဆက်လက်၍ ၂၀၂၃-ခုနှစ်၊ (၂၄)ကြိမ်မြောက်၊ မြန်မာ့ရိုးရာယဉ်ကျေးမှု အဆို၊အက၊ အရေး၊ အတီးပြိုင်ပွဲ ဗဟိုအဆင့် စန္ဒယားဆုရရှိသူ မကြည်ဇေယျရှင်မှ စန္ဒယားအတီးဖြင့် ဧည့်ခံဖျော် ဖြေပြီး အမှတ်(၂)အခြေခံပညာအထက်တန်း ကျောင်းမှ ကျောင်းသူများမှ “ လက်ခတ်သံ ”တေးသီ ချင်းဖြင့် ကပြဖျော်ဖြေကြကာ အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမှတ်(၂)အခြေခံပညာကျောင်းအတွင်း ဂုန်နီအိတ်စွပ်/အားလူးကောက်အပြေးပြိုင်ပွဲ၊ ဘော်လီဘောပြိုင်ပွဲ၊ ပိုက်ကျော် ခြင်းပြိုင်ပွဲများ ယှဉ်ပြိုင်ကစားနေမှုများနှင့် သိပ္ပံလက်တွေ့ပြခန်း၊ လက်မှုပညာနှင့်အိမ်တွင်းမှု ပြခန်း၊ သီပင်၊စားပင်၊အရိပ်ရအပင်နှင့် ပန်းအလှပင်များပြခန်းတို့အား လိုက်လံကြည့်ရှု အားပေးခဲ့ကြောင်း သိရသည်။

မုံရွာ ၊ ဇန်နဝါရီ ၁၀

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ် အောက် အမျိုးသား/ အမျိုးသမီး ဘက်စကက်ဘောပြိုင်ပွဲ ဗိုလ်လုပွဲနှင့်ဆုချီးမြင့်ပွဲ အခမ်းအနား ကို ဇန်နဝါရီလ ၁၀ ရက်နေ့၊ နံနက်ပိုင်းတွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုရာ ဆုချီးမြင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အသင်းအုပ်ချုပ်သူများနှင့် အားကစား သမားများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသမီးဗိုလ်လုပွဲစဉ် အဖြစ် အင်းတော်မြို့နယ်အသင်းနှင့် ဗန်းမောက်မြို့နယ်အသင်းတို့ ယဉ်ပြိုင်ကစားနေမှုအား ကြည့်ရှုအားကြရာ အင်းတော်အသင်းမှ ၅၄ မှတ် ၄၁ မှတ်ဖြင့် အနိုင်ရရှိသွားသည်။

ထို့နောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသမီး ဘက်စကက်ဘောပြိုင်ပွဲတွင် ပထမဆုရရှိသော အင်းတော်မြို့နယ် အသင်းနှင့် အမျိုးသား ဘက်စကက်ဘောပြိုင်ပွဲတွင် ပထမဆုရရှိသော ကသာမြို့နယ်အသင်းတို့ အား ဒိုင်းဆုတံဆိပ်နှင့် ငွေသားဆုများအား လည်းကောင်း၊ တိုင်းဒေသကြီး တရားသူကြီးချုပ်မှ အမျိုးသား ဘက်စကက်ဘောပြိုင်ပွဲတွင် ပထမဆုရရှိသော ကသာမြို့နယ်အသင်းအား တစ်ဦး ချင်းဆုတံဆိပ်များအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးမှ အမျိုးသမီး ဘက်စကက်ဘောပြိုင်ပွဲတွင် ပထမဆုရရှိသော အင်းတော်မြို့နယ်အသင်းအား တစ်ဦးချင်းဆုတံဆိပ်များအား လည်းကောင်း ပေးအပ်ချီးမြင့်ကြသည်။

ဆက်လက်ပြီး တိုင်းဒေသကြီး စီးပွားရေးရာဝန်ကြီးမှ အမျိုးသား ဘက်စကက်ဘော ပြိုင်ပွဲတွင် ဒုတိယဆုရရှိသော စစ်ကိုင်းမြို့နယ်အသင်းအား တစ်ဦးချင်းဆုတံဆိပ်နှင့် ငွေသားဆု များအား လည်းကောင်း၊ တိုင်းဒေသကြီး သယံဇာတရေးရာဝန်ကြီးမှ အမျိုးသမီး ဘက်စကက် ဘောပြိုင်ပွဲတွင် ဒုတိယဆုရရှိသော ဗန်းမောက်မြို့နယ်အသင်းအား တစ်ဦးချင်းဆုတံဆိပ်နှင့်ငွေ
သားဆုများအား လည်းကောင်း၊ တိုင်းဒေသကြီး လူမှုရေးရာဝန်ကြီးမှ အမျိုးသမီး ဘက်စကက် ဘောပြိုင်ပွဲတွင် တတိယဆုရရှိသော ကသာမြို့နယ်အသင်းနှင့် အမျိုးသား ဘက်စက်ဘော ပြိုင်ပွဲတွင် တတိယဆုရရှိသော ရေဦးမြို့နယ်အသင်းတို့အား တစ်ဦးချင်းဆုတံဆိပ်နှင့်ငွေသား ဆုများအား လည်းကောင်း၊ တိုင်းဒေသကြီး ဥပဒေချုပ်နှင့် တိုင်းဒေသကြီးအစိုးရအဖွဲ့ အတွင်းရေးမှူးတို့က ပွဲစဉ်တစ်လျောက်အကောင်းဆုံးဆု ရရှိကြသူများအား ဆုတံဆိပ်နှင့် ငွေသားဆုများ ပေးအပ်ချီးမြင့်ခဲ့ကြသည်။

ထို့နောက် တိုင်းဒေသကြီး ဝန်ကြီးချူပ်နှင့် တာဝန်ရှိသူများက ဆုရရှိကြသူများနှင့်အတူ စုပေါင်းမှတ်တမ်းတင်ဓါတ်ပုံရိုက်ကူးကာ ဆုချီးမြင့်ပွဲအခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၈

စစ်ကိုင်းတိုင်းဒေသကြီး ၂၀၂၄-၂၀၂၅ ဘဏ္ဍာရေးနှစ်၊ အရအသုံးခန့်မှန်းခြေငွေစာရင်းများ စီစစ်ညှိနှိုင်းခြင်းဆိုင်ရာ အစည်းအဝေးကို ဇန်နဝါရီလ ၈ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်း ဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ဌာနဆိုင်ရာများနှင့် အဖွဲ့အစည်း များအနေဖြင့်ရရှိထားသည့် ငွေလုံးငွေရင်းအသုံးစရိတ်အပေါ်တွင် စီစီစစ်စစ်နှင့် တိုင်းဒေသကြီး ၏ လူမှုစီးပွားဖွံ့ဖြိုးတိုးတက်မှုနှင့် ဒေသဖွံ့ဖြိုးမှုများအား အထောက်အကူပြုပြီး နိုင်ငံတော်၏ ဦးစားပေးမူဝါဒများနှင့်ကိုက်ညီသည့် လုပ်ငန်းစီမံကိန်းသစ်များ၊ လုပ်ငန်းသစ်များကိုသာ ရေးဆွဲ တင်ပြကြရန် မှာကြားလိုပါကြောင်း၊ တိုင်းဒေသကြီးအဆင့်ဌာနဆိုင်ရာများနှင့် အဖွဲ့အစည်းများ အနေဖြင့်လည်း နှစ်စဉ်အရအသုံး ခန့်မှန်းခြေငွေစာရင်းရေးဆွဲရာ၌ ရသင့်ရထိုက်သည့် ရငွေ များအပြည့်အဝရရှိရေး၊ အခွန်အခများနှင့်ပတ်သက်ပြီး ခေတ်ကာလနှင့်ဆီလျော်သည့် နှုန်းထား များဖြစ်ရေး၊ လျာထားငွေများအတိုင်း အပြည့်အဝကောက်ခံရရှိရေး၊ နှစ်ဟောင်းကြွေးကျန်များ ပြန်လည်ရရှိရေးနှင့် ဌာနဆိုင်ရာရငွေများအား သက်ဆိုင်ရာဌာနစာရင်းသို့ အချိန်နှင့်တစ်ပြေးညီ မှန်ကန်စွာပေးသွင်းရေးတို့ကို ကြီးကြပ် ဆောင်ရွက်သွားကြရန် လိုအပ်ပါကြောင်း၊ လျာထားချက်ပါ အသုံးစရိတ်များအား ဘဏ္ဍာရေးနှစ်ကုန်တွင် အပြည့်အဝမသုံးစွဲနိုင်ပါ က ပိုလျှံငွေပြန်လည်အပ်နှံသွားရမှာဖြစ်ပြီး အပ်နှံသည့်အခါ မူလလျာထားသည့်အတိုင်း မသုံးစွဲ နိုင်ပါက နိုင်ငံတော်၏မူဝါဒ၊ ရည်မှန်းချက်၊ လုပ်ငန်းစဉ်များအပေါ် ထိခိုက်နိုင်ပါကြောင်း၊ မူလ လျာထားချက်နှင့် အမှန်စာရင်းများကွာဟသည့်အတွက် ဌာန၊အဖွဲ့အစည်းများ၏ ဘတ်ဂျက် လျာထားချက်နှင့် အကောင်အထည်ဖော်မှုအပေါ် ယုံကြည်စိတ်ချရမှုကို ထိခိုက်စေပါကြောင်း၊ ထိရောက်ကောင်းမွန်သည့် ပြည်သူ့ဘဏ္ဍာရေး စီမံခန့်ခွဲမှုဖြင့် နိုင်ငံတော်မှ ရည်မှန်းဆောင် ရွက်လျက်ရှိသည့် မူဝါဒ၊ရည်မှန်းချက်၊ လုပ်ငန်းစဉ်များကို စွမ်းဆောင်ရည်ပြည့်ဝစွာဖြင့် အကောင်အထည်ဖော် ဆောင်ရွက်နိုင်ရေးအတွက် ၂၀၂၄-၂၀၂၅ ဘဏ္ဍာရေးနှစ်၊ အရအသုံးခန့်မှန်း ခြေငွေစာရင်းများအား ဘဏ္ဍာရေးနှစ်အတွင်း ရရှိ နိုင်မည့် ရငွေနှင့်အမှန်သုံးစွဲနိုင်မည့် အသုံးစရိတ်တို့ကိုသာ လျာထားရေးဆွဲသွားကြရန် တိုက် တွန်းပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ၂၀၂၄-၂၀၂၅ ဘဏ္ဍာ ရေးနှစ်၊ အရအသုံးခန့်မှန်းခြေငွေစာရင်းများဆိုင်ရာ လုပ်ငန်းများဆောင်ရွက်ထားရှိမှုများအား ရှင်းလင်းပြောကြားပြီး တိုင်းဒေသကြီး ရသုံးမှန်းခြေငွေစာရင်းဦးစီးဌာန၊ ညွှန်ကြားရေးမှူးမှ ၂၀၂၄-၂၀၂၅ ဘဏ္ဍာရေးနှစ်၊ သာမန်ငွေစာရင်းအရအသုံးဆိုင်ရာများအား လည်းကောင်း၊ တိုင်းဒေ သကြီး စီမံကိန်းရေးဆွဲရေးဦးစီးဌာန၊ ညွှန်ကြားရေးမှူးမှ ၂၀၂၄-၂၀၂၅ ဘဏ္ဍာရေးနှစ်၊ ငွေလုံး ငွေရင်းအသုံးစရိတ်များနှင့် ပတ်သက်၍ Power Point ဖြင့် ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအဆင့် ဌာနဆိုင်ရာများက ၂၀၂၄-၂၀၂၅ ဘဏ္ဍာရေးနှစ်၊ တိုင်းဒေသကြီးအတွင်းရှိ ခရိုင်/မြို့နယ်များအတွင်း မိမိတို့ဌာနများအလိုက် အကောင်အထည် ဖော်ဆောင်ရွက်သွားမည့် လုပ်ငန်းအခြေအနေများနှင့် ပတ်သက်၍ အသီးသီး ရှင်းလင်းဆွေးနွေး တင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း ၂၀၂၄-၂၀၂၅ ဘဏ္ဍာရေးနှစ်၊ အရအသုံးခန့်မှန်းခြေငွေစာရင်းများ စီစစ်ညှိနှိုင်းခြင်းဆိုင်ရာ လုပ်ငန်းများနှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကိုရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၆

စစ်ကိုင်းတိုင်းဒေသကြီး ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲ အောင်ချက် မြင့်မားရေး အလုပ်ရုံဆွေးနွေးပွဲ အခမ်းအနားကို ဇန်နဝါရီလ ၆ ရက်နေ့၊ နံနက်ပိုင်းတွင် မုံရွာ တက္ကသိုလ်ရှိ ဘွဲ့နှင်းသဘင်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီးအစိုးရ အဖွဲ့ဝင်များ၊ တိုင်းဒေ သကြီး/ခရိုင်/မြို့နယ်အဆင့် ဌာနဆိုင်ရာများ၊ ပါမောက္ခချုပ်နှင့် ပါမောက္ခ/ဌာနမှူးများ၊ အထက်တန်းပြ ဘာသာရပ်သင် ဆရာ/ဆရာမများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ဆွေးနွေးပွဲတက်ရောက်လာကြသည့် ဘာသာရပ်သင် ဆရာ/ဆရာမများအနေဖြင့် မိမိတို့ကျောင်းရှိ တက္ကသိုလ်ဝင် ကျောင်း သား/ကျောင်းသူများအား သက်ဆိုင်ရာဘာသာရပ်အလိုက် အနီးကပ်ကြီးကြပ်၍ လမ်းညွှန်မှုပြုလုပ်ကာ အောင်ချက်များကောင်းမွန်ရေး သင်ကြားပို့ချပေးသွားရမည် ဖြစ်ပါကြောင်း၊ ကျောင်းသား၊ကျောင်းသူတစ်ဦးချင်းစီ၏ အားနည်းသောဘာသာရပ်များအား ဆရာ/ဆရာမများမှ လိုအပ် ချက်များကိုဖြည့်ဆည်းသင်ကြားပေးရမည် ဖြစ်ပါကြောင်း၊ ကျောင်းအုပ်ကြီးများမှ အနီးကပ်ကြီး ကြပ်၍ ဘာသာရပ်အလိုက် Guardian ဆရာ/ဆရာမများသတ်မှတ်ပြီး အဖွဲ့စနစ်ဖွဲ့စည်းကာ ကျောင်းသား၊ကျောင်းသူများ၏လိုအပ်ချက်၊အားနည်းချက်များအား ကုစားသင်ကြားပေးသွားရ မည်ဖြစ်ပါကြောင်း၊ မုံရွာတက္ကသိုလ် ဆရာ/ဆရာမများက ဆွေးနွေးပို့ချပေးမည့် သင်ခန်းစာများအား ဘာသာရပ်သင် ဆရာ/ဆရာမများအနေဖြင့် သေချာစွာမှတ်သားလေ့လာပြီး မိမိတို့ကျောင်းသို့ ရောက်ရှိသည့်အခါ ပြန်လည်ပို့ချသင်ကြားရမည် ဖြစ်ပါကြောင်း၊ ကျောင်းသား/ကျောင်းသူများအတွက် သင်ခန်းစာများလေ့လာကျက်မှတ်ပြီး တက္ကသိုလ်ဝင်စာမေးပွဲတွင် ထူးချွန်ပေါက်မြောက်စွာဖြေ ဆိုနိုင်ရန် ရည်ရွယ်၍ တက္ကသိုလ်အသီးသီးမှ ပါမောက္ခ/ဌာနမှူးများမှ သက်ဆိုင်ရာဘာသာရပ် အလိုက် လေ့လာနိုင်ရန်သင်ခန်းစာများအား မြန်မာ့အလင်း၊ကြေးမုံ သတင်းစာများတွင် ၂၀၂၃-ခုနှစ်၊ အောက်တိုဘာလ ၉ ရက်နေ့မှစတင်၍ ရေးသားပို့ချပေးထားသည့် သင်ခန်းစာများကိုလည်း သင်ကြားပေးသွားကြရန် လိုအပ်ပါကြောင်း၊ ပါမောက္ခကြီး များနှင့် ဘာသာရပ်သင် ဆရာ/ဆရာမများအနေဖြင့် အချိုးညီညီပူးပေါင်းဆောင်ရွက်ခြင်းအားဖြင့် ယခင်နှစ်များထက် အောင်ချက်ရာခိုင်နှုန်း ပိုမိုတိုးတက်မြင့်မားပြီး နိုင်ငံတော်မှအားထားရ သည့် လူစွမ်းအားအရင်းအမြစ်များ ပေါ်ထွက်လာစေရန် ကြိုးပမ်းဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် မုံရွာတက္ကသိုလ် ပါမောက္ခချုပ် ဒေါက်တာ အောင်ကျော်သင်က တက္ကသိုလ်ဝင်စာမေးပွဲ အောင်ချက်မြင့်မားရေးနှင့် ပတ်သက်၍ ဘာသာရပ်အလိုက်ပို့ချမည့် အစီအစဉ်များအား ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်အားပေးပြီး အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာတက္ကသိုလ်ရှိ ရူပဗေဒဌာနစာသင်ဆောင်နှင့် မြန်မာစာဌာန စာသင်ဆောင်တို့တွင် ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲ အောင်ချက်မြင့်မားရေးအတွက် ဆွေးနွေးပို့ချနေမှုများ အားသွားရောက်ကြည့်ရှုအားပေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး
ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကုတင် ၂၀၀ ဆံ့၊ သားဖွားမီးယပ်နှင့်ကလေးဆေးရုံကြီးအတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင် ရှင်းလင်းခြင်း၊ ခြင်များပေါက်ဖွားနိုင်သည့် ရေနုတ်မြောင်းများအား ရေစီးရေလာ ကောင်းမွန်စေ ရေးတို့အတွက် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာန ဆိုင်ရာဝန်ထမ်းများ၊ စည်ပင်သာယာရေးအဖွဲ့များနှင့် ဆေးရုံဝန်ထမ်းများ စုပေါင်း၍စုပေါင်းသန့် ရှင်းရေးလုပ်ငန်းများအား ဆောင်ရွက်နေမှုအား လိုက်လံကြည့်ရှုအားပေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၅ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၇၀၀ ကျော်ဖြင့် ပြည်သူ့ဆေးရုံများနှင့် မြို့သန့်ရှင်းသာယာလှပရေးလုပ်ငန်းများကို စုပေါင်း ဆောင်ရွက်ခဲ့ကြောင်း သိရသည်။