မုံရွာ ၊ ဇန်နဝါရီ ၂၄

(၇၆)နှစ်မြောက် စိန်ရတုလွတ်လပ်ရေးနေ့ ဂုဏ်ထူးဆောင်ဘွဲ့များ ချီးမြှင့်အပ်နှင်းခြင်း အခမ်းအနားကို ဇန်နဝါရီလ ၄ ရက်နေ့တွင် ကျင်းပခဲ့ပြီး နိုင်ငံတော်စီမံအုပ်ချုပ်ရေး ကောင်စီ ဥက္ကဋ္ဌ၊ နိုင်ငံတော်ဝန်ကြီးချုပ်က ဘွဲ့ခံဆရာတော်၊ လူပုဂ္ဂိုလ်များအား ဂုဏ်ထူးဆောင်ဘွဲ့များကို ချီးမြှင့်အပ်နှင်းသည်။

အဆိုပါ ဂုဏ်ထူးဆောင်ဘွဲ့များ အပ်နှင်းခြင်းအခမ်းအနားသို့ အကြောင်းအမျိုးမျိုး ကြောင့် ကိုယ်တိုင်သော်လည်းကောင်း၊ ကိုယ်စားသော်လည်းကောင်း တက်ရောက်ရယူနိုင် ခဲ့ခြင်းမရှိဘဲ အဝေးရောက်လက်ခံရယူမည့် ဘွဲ့ခံဆရာတော်၊ လူပုဂ္ဂိုလ်များအား ဘွဲ့များချီးမြှင့် အပ်နှင်းခြင်း အခမ်းအနားကို ဇန်နဝါရီလ ၂၄ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး၊ သီတဂူသံဝေဇနိယဓမ္မဗိမာန်တော်ကြီးတွင် ကျင်းပသည်။

အခမ်းအနားသို့ ဘွဲ့တံဆိပ်တော်ရ ဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာဝန်ထမ်းများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ကြသည်။

ဦးစွာ နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ငါးပါးသီလခံယူဆောက်တည်ကြသည်။

ယင်းနောက် နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာ သဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာ တော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံ သရေစည်သူဘွဲ့တံဆိပ်၊ ဘွဲ့လက်မှတ်နှင့် လှူဖွယ်ပစ္စည်းများအား လည်းကောင်း၊ သီတဂူကမ္ဘာ့ဗုဒ္ဓတက္ကသိုလ် ပါမောက္ခ ဒေါက်တာ ဘဒ္ဒန္တ ကုသလထံ သီရိပျံချီဘွဲ့တံဆိပ်၊ဘွဲ့လက်မှတ်နှင့် လှူဖွယ်ပစ္စည်းများအား တိုင်းဒေသကြီး ဝန်ကြီးချုပ် ဦးမြတ်ကျော်က လက်ရောက်ဆက်ကပ် လှူဒါန်းသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွှေမင်း ဝံရိပ်သာ ဧည့်ခန်းမတွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ နိုင်ငံတော် ဝန်ကြီးချုပ်က ပေးအပ်ချီးမြှင့်သည့် ဝဏ္ဏကျော်ထင်ဘွဲ့တံဆိပ်ရရှိသည့် ကျန်းမာရေးဝန်ကြီးဌာနမှ သားဖွား ဆရာမ ဒေါ်သိန်းရီအား ဘွဲ့တံဆိပ်နှင့်ဘွဲ့လက်မှတ်အား ပေးအပ်ချီးမြှင့်ခဲ့သည်။

ဆက်လက်ပြီး သီတဂူဆရာတော်ကြီး၊ တိုင်းဒေသကြီး ဝန်ကြီးချုပ်နှင့် တာဝန်ရှိသူ များသည် ၂၀၂၂-၂၀၂၃ ဘဏ္ဍာရေးနှစ်၊ ဧရာဝတီမြစ်၊ စစ်ကိုင်းမြို့နယ်၊ သီတဂူအမှတ်(၂) မြစ်ရေ တင်စက်ရေရရှိရေး အလျား- ၁၄၅၀ မီတာ၊ အနံ- ၃၅ မီတာ၊ ရေစစ်မျဉ်းအောက်အနက် (၂.၅) မီတာ (သောင်တူး)ခြင်းလုပ်ငန်းခွင်သို့ ရောက်ရှိရာ တိုင်းဒေသကြီး ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူးမှ လုပ်ငန်းများဆောင်ရွက် နေမှု များအား Power Point ဖြင့် ရှင်းလင်းတင်ပြပြီး တိုင်းဒေသကြီး ဝန်ကြီးချုပ်က ဖြည့်စွက်ရှင်းလင်းတင်ပြသည်။

ယင်းနောက် သီတဂူဆရာတော်ကြီးမှ သောင်တူးခြင်းလုပ်ငန်းများ ဆောင်ရွက်နေမှုများနှင့် ပတ်သက်၍ လိုအပ်သည်များကို မိန့်ကြားခဲ့ကြောင်း သိရှိရသည်။

မုံရွာ ၊ ဇန်နဝါရီ ၂၃

စစ်ကိုင်းတိုင်းဒေသကြီး၊ စစ်ကိုင်းပညာရေးတက္ကသိုလ် ၂၀၂၃-၂၀၂၄ ပညာသင်နှစ် မောင်မယ်သစ်လွင်ကြိုဆိုပွဲ အခမ်းအနားကို ဇန်နဝါရီလ ၂၃ ရက်နေ့၊ မွန်းလွဲပိုင်းတွင် အဆိုပါ ကျောင်းရှိ ဘွဲ့နှင်းသဘင်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာများ၊ ပါမောက္ခချုပ်နှင့် ပါမောက္ခဌာနမှူးများ၊ ဆရာ/ဆရာမများ၊ ကျောင်းသား၊ကျောင်းသူများ တက်ရောက်ကြသည်။

ဦးစွာ စစ်ကိုင်းပညာရေးတက္ကသိုလ် ကျောင်းသား၊ကျောင်းသူများက တေးသီချင်း အက အလှများဖြင့် သီဆိုကပြဖျော်ဖြေကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းပညာရေးတက္ကသိုလ် ပထမနှစ်သင်တန်းသို့ တက်ရောက်လာကြသော ကျောင်းသား၊ကျောင်းသူများအား စစ်ကိုင်း တိုင်းဒေသကြီးအစိုးရအဖွဲ့မှ မောင်မယ်သစ်လွင်များအားလုံးကို လှိုက်လှိုက် လှဲလှဲကြိုဆိုပါကြောင်း၊ စစ်ကိုင်းပညာရေးတက္ကသိုလ်သည် ပညာရေးဆိုင်ရာ အမြင့်ဆုံးဘွဲ့ဖြစ်သည့် ပညာရေး ပါရဂူဘွဲ့များကိုပါ ပေးအပ်ချီးမြှင့်နိုင်ခဲ့ပြီး နောင်နှစ်များတွင်လည်း ပညာရေးပါရဂူဘွဲ့ရများ ဆက်လက်မွေးထုတ်ပေးနိုင်ရေးအတွက် တာဝန်ရှိသူများအားလုံး မှဝိုင်းဝန်းပူးပေါင်းဆောင်ရွက် ပေးသွားကြရန် လိုအပ်ပါကြောင်း၊ ကျောင်းသား၊ကျောင်းသူ များအနေဖြင့်လည်း သက်ဆိုင်ရာ သင်တန်းနှစ်အလိုက် ပညာကိုကြိုးစားလေ့လာသင်ယူ၍ ဆရာ၊ဆရာမများ၏ ပြောဆိုဆုံးမ စကားကိုနားထောင်ကာ မိမိတက္ကသိုလ်၏ ဂုဏ်သိက္ခာမြင့်မားအောင် ကြိုးစားကြစေလိုပါ ကြောင်း၊ စစ်ကိုင်းပညာရေးတက္ကသိုလ်တွင် ပညာဆည်းပူးနေစဉ်ကာလအတွင်း ကျန်းမာရေးကို ဂရုစိုက်၍ ကျောင်းသား၊ကျောင်းသူအချင်းချင်း စည်းလုံးညီညွတ်စွာဖြင့်နေထိုင်ကာ ပညာဖြင့် အလင်းဆောင်နိုင်သူများဖြစ်အောင် ကြိုးစားသွား ကြရန် တိုက်တွန်းပြောကြားသည်။

ဆက်လက်ပြီး စစ်ကိုင်းပညာရေးတက္ကသိုလ် ပါမောက္ခချုပ် ဒေါက်တာမြတ်မြတ်သော်က ကြိုဆိုနှုတ်ခွန်းဆက်စကားပြောကြားသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ ပါမောက္ခချုပ် နှင့် ဒုတိယပါမောက္ခချုပ်များက စစ်ကိုင်းပညာရေးတက္ကသိုလ်သို့ အမှတ်အများဆုံးဖြင့် ဝင်ခွင့်ရ ရှိသူ၊ ၂၀၂၃-ခုနှစ်၊ (၂၄)ကြိမ်မြောက် မြန်မာ့ရိုးရာယဉ်ကျေးမှု အဆို၊အက၊အရေး၊အတီးပြိုင်ပွဲနှင့် တက္ကသိုလ်ပေါင်းစုံ အားကစားပြိုင်ပွဲများတွင် စစ်ကိုင်းပညာရေးတက္ကသိုလ်မှ ဆုရရှိကြသော ကျောင်းသား၊ကျောင်းသူများအားဆုများ အသီးသီးပေးအပ်ချီး မြင့်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းမှတ်တမ်း တင်ဓါတ်ပုံရိုက်ကူးကာ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးကာ အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပါရမီ ရပ်ကွက်ရှိ နိုင်ငံ့စီးပွားမြင့်တင်ရေးရန်ပုံငွေဖြင့် လုပ်ငန်းဆောင်ရွက်နေသည့် စိန်ကြည် ခေါက်ဆွဲ စက်ရုံသို့ ရောက်ရှိကြသည်။

ဦးစွာ စက်ရုံတာဝန်ခံမှ စက်ရုံအတွင်းလုပ်ငန်းများ ဆောင်ရွက်နေမှုအား လိုက်လံ ရှင်းလင်းပြသပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကုန်ကြမ်းသိုလှောင်ရုံ၊ အမျှင်ဖြတ်စက်၊ Dryer Room ၊ အခြောက်ခံစက်နှင့် ပါကင်ထုတ်ပိုးနေမှုများနှင့် စိန်ကြည် ခေါက်ဆွဲစက်ရုံမှ ထုတ်လုပ်သော ခေါက်ဆွဲများခင်းကျင်းပြသထားရှိမှုများအား ကြည့်ရှုစစ်ဆေးပြီး ဈေးကွက်သို့တင်ပို့ရောင်းချနိုင်ရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ပဲကတိုးကျေးရွာ၊ တောင်သူဦးအောင်မင်း စိုက်ပျိုးထားသော မုံရွာဂျူံဖြူ ၂ ဧက၊ အထွက်နှုန်း တိုးတက်ရေးစံပြကွက်သို့ ရောက်ရှိကြသည်။

ဦးစွာ စစ်ကိုင်းခရိုင်၊ စိုက်ပျိုးရေးဦးစီးဌာန ဦးစီးမှူးမှ စစ်ကိုင်းခရိုင်အတွင်း ၂၀၂၃-၂၀၂၄ ခုနှစ်၊ ဂျူံမျိုးကွဲအလိုက် စိုက်ပျိုးထားရှိမှုအား လည်းကောင်း၊ ဆည်မြောင်းနှင့်ရေ အသုံးချမှုစီ မံခန့်ခွဲရေးဦးစီးဌာနမှ မြို့နယ်ဦးစီးမှူးက စိုက်ပျိုးရေရရှိရေး လုပ်ငန်းများဆောင်ရွက်ထားရှိမှု အခြေအနေများအား ရှင်းလင်းဆင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တာဝန်ရှိသူများအတူ ဒေသခံတောင်သူများအား ရွက်ဖြန်းမြေသြဇာများ ထောက်ပံ့ပေးအပ်ခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဂျူံသီးနှံအထွက်နှုန်းတိုးတက်ရေးစံပြကွက် အောင်မြင်ဖြစ်ထွန်းနေမှုနှင့် ဆိုလာစနစ်ဖြင့် စိုက်ပျိုးရေပေးဝေနေမှုများအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ ၊ ဇန်နဝါရီ ၂၂

စစ်ကိုင်းတိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ (၁/၂၀၂၄) ကြိမ်မြောက် အစည်းအဝေးကို ဇန်နဝါရီလ ၂၂ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်း အဝေးခန်းမတွင်ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဋ္ဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့် အဖွဲ့ဝင်များ၊ ဟိုတယ်/တည်းခိုရိပ်သာ လုပ်ငန်းရှင်များ တက်ရောက်ကြသည်။

ဦးစွာ ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအစိုးရအဖွဲ့အနေဖြင့် ခရီးသွားလုပ်ငန်းဖွံ့ဖြိုးတိုးတက်ရေး အတွက် အထူးအလေးထားပြီး ပုဂ္ဂလိကလုပ်ငန်းရှင်ကိုယ်စားလှယ်များ၏ တင်ပြချက်၊လိုအပ် ချက်များကိုလည်း တတ်နိုင်သည့်ဘက်မှ ဆောင်ရွက်ပေးလျက်ရှိပါကြောင်း၊ ခရီးသွားလုပ်ငန်း သည် အလုပ်အကိုင်အခွင့်အလမ်းများအား ဖန်တီးပေးသည့်အရေးပါသော ကဏ္ဍတစ်ခုဖြစ်သည့် အပြင် အခြားသောစီးပွားရေးကဏ္ဍများအပေါ်တွင် ဆင့်ပွားအကျိုးသက်ရောက်မှုများစွာ ရှိပါ ကြောင်း၊ ခရီးသွားလုပ်ငန်းဖွံ့ဖြိုးတိုးတက်လာသည်နှင့်အမျှ ဒေသခံများ၏ လူမှုစီးပွားဘဝများ ဖွံ့ဖြိုးတိုးတက်လာမည့်အပြင် တိုင်းပြည်၏ GDP လည်း တိုးတက်လာမှာဖြစ်ပါကြောင်း၊ ဟိုတယ် နှင့်ခရီးသွားလုပ်ငန်းဆိုသည် ဝန်ဆောင်မှုကို အဓိကထားသည့် လုပ်ငန်းတစ်ခုဖြစ်ပြီး ဟိုတယ် များတွင် လာရောက်တည်းခို၏နေထိုင်သည့် ပြည်တွင်းပြည်ပခရီးသွားဧည့်သည်များ စိတ်ကျေ နပ်မှုရှိအောင် ဆောင်ရွက်ရသည့် အလွန်သိမ်မွေ့သည့် ဝန်ဆောင်မှုလုပ်ငန်းတစ်ခု ဖြစ်ပါ ကြောင်း၊ ယခုအချိန်သည် ပွင့်လင်းရာသီရောက်ရှိလာပြီဖြစ်သည့်အတွက် ခရီးသွားများအသွား အလာများသည့် ကာလဖြစ်ကာ မိမိတို့တိုင်းဒေသကြီး၏ ခရီးသွားလုပ်ငန်း ရေရှည်တည်တံ့ခိုင်မြဲ ရေးအတွက် သဘာဝပတ်ဝန်းကျင် ထိန်းသိမ်းရေးကိုလည်း အလေးထားဆောင်ရွက်သွားကြရန် လိုအပ်ပါကြောင်း၊ ဟိုတယ်၊တည်းခိုရိပ်သာများ သန့်ရှင်းသာယာလှပရေး၊ စိမ်းလန်းစိုပြည်ရေး၊ သဘာဝ ပတ်ဝန်းကျင်နှင့် လိုက်လျောညီထွေရှိမှသာ ရေရှည်တည်တံ့ခိုင်မြဲသည့် ခရီးသွားလုပ်ငန်းအဖြစ် အောင် မြင်လာမှာဖြစ်ပါကြောင်း၊ ဒေသဆိုင်ရာခရီးသွားလုပ်ငန်းကော်မတီဝင်များနှင့် ပုဂ္ဂလိက ခရီးသွားလုပ်ငန်းကိုယ်စားလှယ်များ၊ ခရီးသွားနှင့်ဆက်စပ်သည့် ဌာနဆိုင်ရာများအနေဖြင့် တိုင်း ဒေသကြီးအတွင်း ခရီးသွားလုပ်ငန်းများ ဖွံ့ဖြိုးတိုးတက်အောင် ဝိုင်းဝန်းကြိုးစားဆောင်ရွက်သွား ကြရန် တိုက်တွန်းပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဋ္ဌ၊ တိုင်းဒေသကြီး စီးပွားရေးရာ ဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီး သွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ (၁၂/၂၀၂၃)ကြိမ်မြောက် အစည်းအဝေးဆုံးဖြတ်ချက်များ အပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည် ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသူများနှင့် ဟိုတယ်လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွား လုပ်ငန်းဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသ များပတ်ဝန်းကျင်တွင် သန့်ရှင်းသာယာလှပရေး ဆောင်ရွက်နေမှု၊ လမ်းပန်း ဆက်သွယ်ရေး၊ လုံခြုံရေးအခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြ ကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ်က အသီး သီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အစိုးရအဖွဲ့ရုံးဝန်အတွင်းရှိ ချင်းတွင်းခန်းမတွင် ကျင်းပပြုလုပ်သော တိုင်းဒေသကြီးအတွင်းရှိ အငြိမ်းစားဝန်ထမ်းများ အားကျန်းမာရေးစစ်ဆေးပေးခြင်းနှင့် အခြေခံစားသောက်ကုန်များ ထောက်ပံ့ခြင်းအခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင်များက အခမ်းအနားသို့ တက် ရောက်လာကြသော အငြိမ်းစားဝန်ထမ်းများအား အခြေခံစားသောက်ကုန်များအား လက်ရောက် ပေးအပ်ကြပြီး အငြိမ်းစားဝန်ထမ်းများအား ကျန်းမာရေးစစ်ဆေးပေးနေမှုများအား ကြည့်ရှုအား ပေးခဲ့ကြပြီး ရင်းရင်းနှီးနှီးနှုတ်ဆက်ကာ လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

အဆိုပါ စစ်ကိုင်းတိုင်းဒေသကြီး မုံရွာမြို့ရှိ အငြိမ်းစားဝန်ထမ်းများအား အခြေခံစား သောက်ကုန်များထောက်ပံ့ပေးအပ်ခဲ့ပြီး အလားတူဆောင်ရွက်မှုများကို တိုင်းဒေသကြီးအတွင်းရှိ မြို့နယ်များအားလုံးတွင် ဆောင်ရွက်လျက်ရှိကြောင်း သိရသည်။

မုံရွာ ၊ ဇန်နဝါရီ ၂၀

မုံရွာမြို့နှင့်အနီးဝန်းကျင်ရှိ ကျေးရွာနေဒေသခံပြည်သူများ စိတ်အေးချမ်းသာစွာဖြင့် ဆေး ကုသမှုခံယူနိုင်ရေး၊ ဆေးရုံပတ်ဝန်းကျင် ဥပဓိရုပ်ကောင်းမွန်ရေးနှင့် သန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ရေနုတ်မြောင်းများရေစီး ရေလာကောင်း မွန်စေရေးတို့အတွက် ဇန်နဝါရီလ ၂၀ ရက်နေ့၊ နံနက်ပိုင်းတွင် မုံရွာမြို့၊ ကုတင် ၅၀ ဆံ့၊ တိုင်းရင်း ဆေးရုံအတွင်း တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာန ဆိုင်ရာဝန်ထမ်းများ၊ စည်ပင်သာယာရေးအဖွဲ့များနှင့် လူမူရေးအသင်းအဖွဲ့များ စုပေါင်း၍ စုပေါင်းသန့်ရှင်းရေးလုပ်ငန်းများအား ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံ ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများအား စားသောက် ဖွယ်ရာများဖြင့် ဧည့်ခံကျွေးမွေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၄ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၇၀၀ ကျော်ဖြင့် ပြည်သူ့ဆေးရုံများနှင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင် ရွက်ပေးသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကန်သာ ယာကန် အရှေ့ဘက်/အနောက်ဘက်ရှိ ကန်ဘောင်ပေါ်များတွင် ပြည်သူများကိုယ်လက်လှုပ်ရှား ကျန်းမာရေးလေ့ကျင့်ခန်းများ ပြုလုပ်နိုင်ရန်အတွက် တိုင်းဒေသကြီးအစိုးရအဖွဲ့ အစီအစဉ်ဖြင့် ပြင်ပ အားကစားလှုပ်ရှားမှုကိရိယာ(Outdoor Finess)ပစ္စည်းများ တပ်ဆင်မည့်နေရာများနှင့် အနောက်ဘက်ကန်သာယာကန် သာယာလှပရေးလုပ်ငန်းများ ဆောင်ရွက်နေမှုများအား လိုက်
လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက် ပေးသည်။

ထို့နောက် တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများသည် မုံရွာမြို့၊ ရန်ကင်း ကျောင်းကြီးရှိ ဓမ္မာရုံကြီးတွင် ကျင်းပပြုလုပ်သော ရန်ကင်းကျောင်းတိုက်ကြီးနှင့် ရွှေတောင်ဦး တိပိဋကဓမ္မပါလ မဟာဝိဟာရကျောင်းတိုက်ကြီးတို့ရှိ ဆရာတော်၊သံဃာတော်များအတွက် တိုင်းဒေသကြီးအစိုးရအဖွဲ့မှ ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းပွဲ အခမ်းအနား သို့ တက်ရောက်ကြသည်။

ဦးစွာ မုံရွာမြို့၊ ရန်ကင်းကျောင်းတိုက်၊ ပဓာနနာယကဆရာတော် ဒွိပိဋကဓရ၊ ဒွိပိဋက ကောဝိဒ၊ အဂ္ဂမဟာပဏ္ဍိတ၊ အဂ္ဂမဟာဂန္တဝါစကပဏ္ဍိတ၊ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများက ငါးပါးသီလခံယူဆောက်တည်ကြသည်။

ယင်းနောက် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများက လှူဖွယ်ပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းကြသည်။

ဆက်လက်ပြီး ဆရာတော်ကြီးထံတော်မှ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိ သူများက အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှ ပေးဝေကာ အခမ်းအနား ရုပ်သိမ်းခဲ့သည်။
ထို့နောက် တိုင်းဒေသကြီးဝန်ကြီးချုပ်နှင့်တာဝန်ရှိသူများက သက်ကြီးအဘိုး၊အဘွားများ ထံ လက်ရောက်ထောက်ပံ့ငွေများနှင့် ဆေးပစ္စည်းများ ပေးအပ်လှူဒါန်းခဲ့ကြောင်း သိရသည်။

မုံရွာ ၊ ဇန်နဝါရီ ၁၉

စစ်ကိုင်းတိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေး ကော်မတီအစည်းအဝေး အမှတ်စဉ်(၁/၂၀၂၄)ကို ဇန်နဝါရီလ ၁၉ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရ အဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး မြေလွတ်၊ မြေလပ် နှင့်မြေရိုင်းများစီမံခန့်ခွဲရေးကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီးအစိုးရအဖွဲ့ဝင်များ၊ မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ အဖွဲ့ဝင်များ နှင့်တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်စီးပွားဖွံ့ဖြိုးတိုးတက် ရေးအတွက် မြေလွတ်၊မြေလပ်နှင့် မြေရိုင်းများအားအသုံးပြု၍ စီးပွားဖြစ်စိုက်ပျိုးရေး၊ မွေးမြူရေး၊ ဓါတ်သတ္တု ထုတ်လုပ်ခြင်းနှင့် အစိုးရမှခွင့်ပြုထားသည့် ဥပဒေနှင့်ညီညွတ်သည့် အခြားလုပ်ငန်းများကို နိုင်ငံတော်စီးပွား ဖွံ့ဖြိုးတိုးတက်ရေးအတွက် ခွင့်ပြုပေးရမှာဖြစ်သလို မြေယာမဲ့နိုင်ငံသားများ၊ ဒေသခံများမှ မြေယာဖော်ထုတ်စိုက်ပျိုးလုပ်ကိုင်ကြခြင်းအား ခွင့်ပြုပေးခြင်းဖြင့်လည်း တစ်ဖက် တစ်လမ်းမှလည်း အလုပ်အကိုင်အခွင့်အလမ်းများကို ရရှိစေမှာဖြစ်သလို သီးနှံစိုက်ပျိုးထုတ်လုပ် မှုကြောင့် ဒေသနေပြည်သူတို့၏ စားဝတ်နေရေးအတွက် လည်းအထောက်အပံ့ရစေမှာ ဖြစ်ပါ ကြောင်း၊ မြေလွတ်၊မြေလပ်နှင့်မြေရိုင်းများ စီမံခန့်ခွဲရေးလုပ်ငန်းအဖွဲ့အနေဖြင့်လည်း အမှန် တကယ် ဖော်ထုတ်လုပ်ကိုင်မည့် ဒေသခံတောင်သူများနှင့် လုပ်ငန်းရှင်များကို စိစစ်ခွင့်ပြု ထောက်ခံရန်လိုအပ်သလို မြေဦးထားသကဲ့သို့ မြေများရယူပြီး စိုက်ပျိုးလုပ်ကိုင်ခြင်းမရှိသူများ အတွက်လည်း ပြန်လည်သိမ်းဆည်းနိုင်ရေး ဆောင်ရွက်သွားရန်လိုအပ်မှာဖြစ်ပြီး လုပ်ပိုင်ခွင့် အသုံးပြုခွင့်အတွက် နိုင်ငံတော်အတွက် အခွန်ဘဏ္ဍာငွေများကိုလည်း ထိထိရောက်ရောက် ကောက်ခံရရှိရန် သက်ဆိုင်ရာ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနများအား တွန်းအားပေး ဆောင်ရွက်ရန်ဖြစ်ပါကြောင်း၊ နိုင်ငံတော်ဖွံ့ဖြိုးတိုးတက်ရေးနှင့် တိုင်းဒေသကြီးဖွံ့ဖြိုးတိုးတက်စေရန်အတွက် မြေလွတ်၊ မြေရိုင်းများအား အသုံးပြုပြီး စီးပွားဖြစ်စိုက်ပျိုးရေး၊မွေးမြူရေး၊ ဓါတ်သတ္တုထုတ်လုပ်ခြင်း၊ အစိုးရမှခွင့်ပြုထားသည့် ဥပဒေနှင့်ညီညွတ်သည့် အခြားလုပ်ငန်းများအား ထိရောက်မှန်ကန်စွာ အသုံး ချစီမံဆောင်ရွက်နိုင်ရေးအတွက် အဖွဲ့ဝင်များမှလည်းဝိုင်းဝန်းပူးပေါင်း၍ နိုင်ငံ့အကျိုး၊တိုင်းဒေသ ကြီး အကျိုးကိုရှေ့ရှုဆောင်ရွက်၍ အဂတိကင်းရှင်းစွာနှင့် အမျှတဆုံးဖြစ်အောင် ပွင့်ပွင့်လင်း လင်း ဆွေးနွေးကြရန် လိုအပ်ပါကြောင်း တိုက်တွန်းပြောကြားခဲ့သည်။

ဆက်လက်၍ တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေး ကော်မ တီအတွင်းရေးမှူး၊ တိုင်းဒေသကြီးလယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှ ညွှန်ကြား ရေးမှူး တိုင်းဒေသကြီးအတွင်း မြေလွတ်၊မြေလပ်နှင့် မြေရိုင်းများလျှောက်ထားလာမှုများအား Power Point ဖြင့် ရှင်းလင်းတင်ပြသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ အဖွဲ့ဝင်များက တိုင်းဒေသကြီးအတွင်း မြေလွတ်၊မြေလပ်နှင့် မြေရိုင်းများလျှောက်ထားလာမှုများနှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ယင်းနောက် တိုင်းဒေသကြီး မြေလွတ်၊မြေလပ်နှင့် မြေရိုင်းများစီမံခန့်ခွဲရေးကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးပြီး နိဂုံးချုပ်စကား ပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ ၊ ဇန်နဝါရီ ၁၉

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ဆက်ဆံ ရေးဦးစီးဌာနမှ ဖွင့်လှစ်သည့် ကွန်ပျူတာအခြေခံသင်တန်း အမှတ်စဉ် (၁/၂၀၂၄)ဖွင့်ပွဲ အခမ်း အနားကို ဇန်နဝါရီလ ၁၉ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာခရိုင် ပြန်ကြား ရေးနှင့်ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟိုဌာန Community Centre ခန်းမတွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုး ရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသား၊သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအစိုးရအနေဖြင့် ဒေသတွင်းလူငယ်များ စဉ်ဆက်မပြတ်လေ့လာသင်ယူနိုင်ရေး ကွန်ပျူတာအခြေခံသင် တန်းများ အား ဖွင့်လှစ်ပေးလျက်ရှိပြီး အဆင့်မြင့်ကွန်ပျူတာသင်တန်းများကိုလည်း ဖွင့်လှစ်ပေးနိုင်ရန် သက်ဆိုင်ရာဌာနများ ကွန်ပျူတာနည်းပြများနှင့် အကျိုးရှိရှိထိထိရောက်ရောက် သင်ကြားပေး သွားမှာဖြစ်ပါကြောင်း၊ တိုင်းဒေသကြီးအတွင်းရှိ လူငယ်များအနေဖြင့် ကွန်ပျူ တာနည်းပညာ ဘာသာရပ်များ ပိုမိုကျယ်ပြန့်စွာအသုံးပြုနိုင်မှသာ အလုပ်အကိုင်အခွင့် အလမ်းများရရှိကြပြီး နည်းပညာဘက်တွင်လည်း ကျွမ်းကျွမ်းကျင်ကျင်၊ မှန်မှန်ကန်ကန် အသုံးပြုနိုင်ကြမှာဖြစ်ပါ ကြောင်း၊ တိုင်းဒေသကြီးအတွင်း ရုပ်ပိုင်းဆိုင်ရာများ ဖွံ့ဖြိုးတိုးတက်စေရေး ကြိုးပမ်းဆောင် ရွက်လျက်ရှိသည့်နည်းတူ လူ့စွမ်းအားအရင်းအမြစ်များ ဖွံ့ဖြိုးတိုးတက်ရေး၊ လူငယ်လူရွယ်များ အလုပ်အကိုင်အခွင့်အလမ်းများ ရရှိရေးတို့အတွက် ဘက်ပေါင်းစုံမှ စီစဉ်ဆောင်ရွက်ပေးလျက် ရှိကြောင်း၊ မိမိတို့ တိုင်းဒေသကြီးအစိုးရအဖွဲ့အနေဖြင့် အနာဂတ်တွင် နိုင်ငံတော်တာဝန်များအား ပခုံးပြောင်းထမ်းဆောင်ကြရမည့် နိုင်ငံတော်၏ ခေါင်းဆောင်များဖြစ်လာကြမည့် လူငယ်လူ ရွယ်များအား အသိပညာ၊ အတတ်ပညာများ တိုးပွားရရှိအောင်၊ ကာယဗလ၊ ဉာဏဗလ၊ စာရိတ္တ ဗလ၊ မိတ္တဗလ၊ ဘောဂဗလ၊ဆိုသည့် ဗလငါးတန်ဖွံ့ဖြိုးတိုးတက်စေရေးတို့အတွက် အားပေးဆောင်ရွက်ပေးလျက် ရှိပါကြောင်း၊ အရည်အချင်းရှိသည့်သူများ ဖြစ်လာ မှသာလျှင် မိမိအကျိုး၊ မိမိပတ်ဝန်းကျင် အကျိုးမိမိတိုင်းပြည်၊ မိမိနိုင်ငံ၏အကျိုးကို သယ်ပိုး ထမ်းရွက်နိုင်သည့် စွမ်းရည်ပြည့်ဝသည့် လူတော်လူကောင်းများဖြစ်လာမှာ ဖြစ်ပါကြောင်း၊ ယနေ့ဖွင့်လှစ်လိုက်သည့် ကွန်ပျူတာအခြေခံသင်တန်းတွင် လာရောက်ပညာသင်ယူကြသည့် သင်တန်းသား၊သင်တန်းသူများအနေဖြင့် ရရှိသည့်အခွင့်အရေးကို မိမိရရအသုံးချကာ ကြိုးစား သင်ယူသွားကြရန် လိုအပ်ပါကြောင်း တိုက်တွန်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က မုံရွာခရိုင် ပြန်ကြားရေးနှင့်ပြည်သူ့ဆက်ဆံ ရေးဦးစီးဌာနမှ ဦးစီးအရာရှိထံ သင်တန်းသား၊သင်တန်းသူများအတွက် ငွေကျပ် - ၁၂၂၄၅၀၀ (တစ်ဆယ့်နှစ်သိန်းနှစ်သောင်းလေးထောင်ငါးရာကျပ်)အား ထောက်ပံ့ပေးအပ်သည်။

ဆက်လက်ပြီး တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူး ဒေါ်ခင်စောလင်းက ကွန်ပျူတာအခြေခံသင်တန်း ဖွင့်လှစ်ရခြင်းနှင့် ပတ်သက်၍ ရှင်း လင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား၊သင်တန်းသူများနှင့် စုပေါင်းမှတ်တမ်းတင်ဓါတ်ပုံရိုက်ကူးကြပြီး သင်တန်းသား၊သင်တန်းသူများအား ရင်းရင်းနှီးနှီး လိုက်လံနှုတ်ဆက်အားပေးကာ အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကွန်ပျူတာအခြေခံ သင်ကြားနေမှုနှင့် မုံရွာခရိုင် ပြန်ကြားရေးနှင့်ပြည့်ဆက်ဆံရေးဦးစီးဌာနရုံးရှိ Community Centre ခန်းမအတွင်းရှိ ပြခန်းငယ်၊ ကလေးစာဖတ်ခန်းနှင့် စာကြည့်တိုက်တို့အား လိုက်လံ ကြည့်ရှုအားပေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးသည်။

အဆိုပါ ကွန်ပျူတာအခြေခံသင်တန်း အမှတ်စဉ် (၁/၂၀၂၄)သင်တန်းများအား တိုင်းဒေသကြီးအတွင်းရှိ ကလေး၊ ကသာ၊ကန့်ဘလူ၊ မုံရွာ၊ စစ်ကိုင်း၊ ရွှေဘိုမြို့နယ်များရှိ လူထုအခြေပြုဗဟိုဌာန Community Centre များတွင် တစ်ပြိုင်နက်ဖွင့်လှစ်ခဲ့ကြပြီး စုစုပေါင်း သင်တန်းသား၊သင်တန်း သူ ၉၂ ဦး တက်ရောက်သွားမည်ဖြစ်ရာ သင်တန်းကာလ ၁ လအကြာစာတွေ့၊လက်တွေ့ အခမဲ့ သင်ကြားပို့ချပေးသွားမည်ဖြစ်သည်။