မုံရွာ၊ ဧပြီ ၅

၂၀၂၄-ခုနှစ်၊ စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တိုင်းဒေသကြီး အားကစားနှင့်ကာယပညာဦးစီးဌာနမှ ကြီးမှူးဖွင့်လှစ်သည့် နွေရာသီအားကစားသင်တန်းများ ဆင်းပွဲအခမ်းအနားကို ဧပြီ ၅ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ပြည်သူ့ အားကစားကွင်းအတွင်းရှိ မိုးလုံလေလုံအားကစား ခန်းမတွင်ကျင်းပရာ အခမ်းအနားသို့ တိုင်းဒေ သကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီးအစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ နည်းပြများ၊ သင်တန်းသား၊သင်တန်းသူများနှင့် မိဘများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အစိုးရအနေဖြင့် အားကစားကို အမျိုးသားရေးတာဝန် တစ်ရပ်အနေဖြင့် အဘက်ဘက်မှ အားပေးမြှင့်တင်ကာတစ်မျိုးသားလုံးကျန်းမာကြံ့ခိုင်စေရေးနှင့် မြန်မာ့အားကစားအဆင့်အတန်း မြင့်မားလာစေရေးအတွက် မူဝါဒ များချမှတ်ပြီး အားကစားဖွံ့ဖြိုးတိုးတက်ရေးလုပ်ငန်းများအား စနစ်တကျ အကောင်အထည်ဖော် ဆောင်ရွက်လျှက်ရှိသကဲ့သို့ မိမိတို့တိုင်းဒေသကြီးအစိုးရအဖွဲ့ အနေဖြင့်လည်း နိုင်ငံတော်၏ အားကစားမူဝါဒများအား အကောင်အထည်ဖော်နိုင်ရန်အတွက် အစွမ်းကုန်ပံ့ပိုးကူညီ ဆောင် ရွက်လျှက် ရှိပါကြောင်း၊ မိမိတို့တိုင်းဒေသကြီးအနေဖြင့် နွေရာသီအားကစား သင်တန်းဖွင့်လှစ်ရခြင်း၏ ရည်ရွယ် ချက်ဖြစ်သည့် လူငယ်လူရွယ်များ စာရိတ္တနှင့်စိတ်ဓါတ်ကြံ့ခိုင်ပြီး ဘက်စုံဖွံ့ဖြိုးတိုးတက်သော အားကစားသမား လူကောင်းလူတော်များ ပေါ်ထွက်လာစေရေး၊ လူငယ်များ အားကစားနည်း အလိုက် နည်းစနစ်များ၊ ဥပဒေများကျွမ်းကျင်လိုက်နာမှုရှိစေရေး၊ ကျောင်းသားလူငယ်များ နွေရာ သီအားလပ်ရက်ကာလများ တွင်အကျိုးရှိစွာ အသုံးပြုနိုင်ရန်ဆိုသည့် ရည်ရွယ်ချက်(၃)ရပ်ဖြင့် အားကစားနည်း(၁၄)မျိုး အားဖွင့်လှစ်ပေးခဲ့ရာတွင် မိဘများကိုယ်တိုင် စိတ်ပါဝင်စားစွာလာ ရောက်ပို့ဆောင် တက်ရောက်သင်ကြားစေကြတာကို တွေ့ရှိရသည့်အတွက် ကျေးဇူးတင် ဝမ်းသာမြောက်ပါကြောင်း၊ ယခုသင်တန်း၌ နည်းပြများ၏ သင်ကြားပို့ချချက်များအား ကြိုးစား သင်ယူလေ့ကျင့်ကာ ရပ်ကွက်/ကျေးရွာ/မြို့နယ် အဆင့်မှနေပြီး တိုင်းဒေသကြီး၏ နိုင်ငံတော်မှ အားထားရသည့် နိုင်ငံ့ဂုဏ်ဆောင် အားကစားမောင်မယ်များ အဆင့်အထိရောက်ရှိအောင် ကြိုးစားအားထုတ်သွားကြရန် တိုက်တွန်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က ဘောလုံးသင်တန်းသားများအား သင်တန်းဆင်း လက်မှတ်များအား လည်းကောင်း၊ တိုင်းဒေသကြီး တရားသူကြီးချုပ်က ကရာတေး သင် တန်းသား၊သင်တန်းသူများအား သင်တန်းဆင်းလက်မှတ်များအား လည်းကောင်း၊ တိုင်းဒေသ ကြီး လုံခြုံရေးနှင့်နယ်စပ်ရေးရာဝန်ကြီးက ကြက်တောင်/တင်းနစ် သင်တန်းသား၊သင်တန်းသူ များအား သင်တန်းဆင်းလက်မှတ်များအား လည်းကောင်း၊ တိုင်းဒေသကြီး စီးပွားရေးရာ ဝန်ကြီးက မြန်မာ့သိုင်း သင်တန်းသား၊သင်တန်းသူများအား သင်တန်းဆင်းလက်မှတ်များအား လည်းကောင်း၊ တိုင်းဒေသကြီး သယံဇာတရေးရာဝန်ကြီးက ကိုယ်ကာယလေ့ကျင့်ခန်း သင်တန်း သား၊သင်တန်းသူများအား သင်တန်းဆင်းလက်မှတ်များအား လည်းကောင်း အသီးသီးပေးအပ်ကြပြီး သင်တန်းသား၊သင်တန်းသူ အားကစားသမားများက ကွင်းအတွင်းမှ ပြန်လည်ထွက်ခွာကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သင်တန်းသား၊သင်တန်းသူများ၏ ဘောလုံး၊ ကရာတေး၊ Fitness Dance ၊ မြန်မာ့သိုင်း တို့ဖြင့် သရုပ်ပြသမှု များအား ကြည့်ရှုအားပေးကြသည်။

ထို့နောက် တိုင်းဒေသကြီး အစိုးရအဖွဲ့ဝင်များက သရုပ်ပြသခဲ့ကြသော ဘောလုံး၊ ကရာ တေး၊ Fitness Dance ၊ မြန်မာ့သိုင်းအဖွဲ့များအား ဂုဏ်ပြုငွေများ ပေးအပ်ချီးမြှင့်ကာ အခမ်း အနားကို ရုပ်သိမ်းခဲ့ကြသည်။

အဆိုပါ နွေရာသီအားကစားသင်တန်း၌ ဘောလုံး၊ Fitness Dance၊ ဖူဆယ်၊ ကရာတေး၊ စားပွဲတင်တင်းနစ်၊ ဘတ်စကက်ဘော၊ တင်းနစ်၊ ပိုက်ကျော်ခြင်း၊ ရိုးရာခြင်း လုံး၊ မြန်မာ့သိုင်း၊ ပြေးခုန်ပစ်၊ ဘော်လီဘော၊ ကြက်တောင်၊ ကာယဗလနှင့်ကာယအလှ အားကစား(၁၄)မျိုး သင်တန်းသား၊သင်တန်းသူ ၄၅၀ ဦး တက်ရောက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့ အားကစားကွင်းအတွင်းရှိ ဖူဆယ်အားကစားရုံအတွင်း လူဝင်မှုကြီးကြပ်ရေးနှင့်ပြည်သူ့အင်အား ဝန်ကြီးဌာန၊ အီလက်ထရောနစ်မှတ်ပုံတင်ဦးစီးဌာနမှ တိုင်းဒေသကြီးအတွင်းရှိ အသက်(၁၀)နှစ် နှင့်အထက်ရှိသူများအား အီလက်ထရောနစ်စနစ်ဖြင့် ကိုယ်ရေးအချက်အလက်များ (Biogranphic Data)နှင့် ဇီဝအချက်အလက်( Biometric Data)တို့အား ကောက်ယူနေမှုများအား ကြည့်ရှုစစ်ဆေးကာ လိုအပ်သည်များကို တာဝနှ်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးပြီး တာဝန်ရှိသူများနှင့်အတူ ပြည်သူများအား ဂဏန်း(၁၀)လုံးပါရှိသည့် UID ကဒ်များ ပေးအပ်ခဲ့ကြောင်း သိရသည်။

မုံရွာ၊ ဧပြီ ၄

စစ်ကိုင်းတိုင်းဒေသကြီး၊ ယင်းမာပင်မြို့နယ်၊ ရွှေတောင်ဦး တိပိဋကဓရ မဟာဝိဟာရ ကျောင်းတိုက်ကြီးရှိ ဆရာတော်၊သံဃာတော်များ ဆွမ်းအခက်အခဲမရှိစေရေးအတွက် တိုင်းဒေသကြီးအစိုးရအဖွဲ့မှ ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းပွဲ အခမ်းအနားကို ဧပြီလ ၄ ရက်၊ နံနက်ပိုင်းတွင် မုံရွာမြို့၊ ရန်ကင်းကျောင်းကြီးရှိ ဓမ္မာရုံကြီးတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် တာဝန်ရှိသူများ တက်ရောက်ကြသည်။

ဦးစွာ “ နမောတဿသုံးကြိမ် ”ရွတ်ဆို ဘုရားကန့်တော့၍ အခမ်းအနားအား ဖွင့်လှစ်ကြ ပြီး ရန်ကင်းကျောင်းတိုက်ကြီး၏ ဦးစီးပဓာနနာယက၊ တိပိဋကဓရ၊ တိပိဋကကောဝိဒ၊ အဂ္ဂမဟာ ပဏ္ဍိတ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိသတ်များက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများက လှူဖွယ်ပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းကြသည်။

ဆက်လက်ပြီး ရန်ကင်းကျောင်းတိုက်ကြီး၏ ဦးစီးပဓာနနာယက၊ တိပိဋကဓရ၊ တိပိ ဋကကောဝိဒ၊ အဂ္ဂမဟာပဏ္ဍိတ ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိသတ်များက အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ အခမ်းအနားကို ရုပ်သိမ်းခဲ့ကြသည်။

အဆိုပါ ရွှေတောင်ဦး တိပိဋကဓရ မဟာဝိဟာရကျောင်းတိုက်ကြီးရှိ ဆရာတော်၊ သံဃာ တော်များ ဆွမ်းအခက်အခဲမရှိစေရေးအတွက် တိုင်းဒေသကြီးအစိုးရ အဖွဲ့မှ ဆွမ်းဆန်တော် ၅၀ အိတ်၊ ဆီ ၄၂ ပိဿာ၊ ဆား ၁၇ ပိဿာ၊ ပဲ ၄၂ ပိဿာ စုစုပေါင်းတန်ဖိုးငွေကျပ် သိန်း ၇၀ ကျော်အား ဆက်ကပ်လှူဒါန်းခဲ့သည်။

၂၀၂၄-ခုနှစ်၊ အစိုးရဓမ္မာစရိယနှင့် ပါဠိပထမပြန်စာမေးပွဲကြီးအား မုံရွာမြို့၊ အမှတ်(၁) အခြေခံပညာအထက်တန်း ကျောင်းတွင် ဖေဖော်ဝါရီလ ၂၈ ရက်မှစတင်၍ ဖြေဆိုလျက်ရှိရာ သြဝါဒါစရိယဆရာတော်ကြီးများ၊ မြို့နယ်သံဃနာယက ဥက္ကဋ္ဌ၊ အကျိုးတော်ဆောင် ဆရာတော်ကြီးများနှင့် ကြီးကြပ်ဆရာတော်ကြီးများအား တိုင်းဒေသကြီး ဝန်ကြီးချုပ်နှင့် တာဝန်ရှိသူများက သွားရောက်ဖူးမျှော်ကြသည်။

ယင်းနောက် သြဝါဒါစရိယဆရာတော်ကြီးများနှင့် မြို့နယ်သံဃနာယက ဥက္ကဋ္ဌ၊ အကျိုး တော်ဆောင်ဆရာတော်ကြီးများထံ တိုင်းဒေသကြီး ဝန်ကြီးချုပ်က ၂၀၂၄-ခုနှစ်၊ အစိုးရဓမ္မာစရိယ နှင့် ပါဠိပထမပြန်စာမေးပွဲကြီး၌ ဖြေဆိုတော်မူနေကြသည့် စာဖြေသံဃာတော်၊ သီလရှင်များ စိတ်အေးချမ်းသာစွာဖြင့် ဖြေဆိုနိုင်ရေး ကျန်းမာရေးစောင့်ရှောက်မှုနှင့် လျှပ်စစ်မီးပျက်တောက်မှု မရှိစေရေး၊ ကျောင်းအတွင်းအပြင် သန့်ရှင်းရေးလုပ်ငန်းများ ဆောင်ရွက်ပေးထားမှုများအား ရှင်းလင်းလျှောက်ထားသည်။

ထို့နောက် ဆရာတော်ကြီးထံ တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင်များက အလှူငွေကျပ်- ၂၇၄၅၄၀၅၀ (နှစ်ရာခုနှစ်ဆယ့် လေးသိန်းငါးသောင်း လေးထောင့်ငါးဆယ်)အား ဆက်ကပ်လှူဒါန်းပြီး သံဃာတော်၊ သီလရှင်များ အစိုးရဓမ္မာစရိယနှင့် ပါဠိပထမပြန်စာမေးပွဲ ဖြေဆိုနေမှုများအား လိုက်လံဖူးမျှော် ကြည်ညိုခဲ့ကြသည်။

အဆိုပါ ၂၀၂၄-ခုနှစ်၊ အစိုးရဓမ္မာစရိယနှင့် ပါဠိပထမပြန်စာမေးပွဲကြီးတွင် စစ်ကိုင်းတိုင်းဒေသကြီးအတွင်းရှိ ခရိုင် ၁၃ ခရိုင် မြို့နယ် ၂၀ မြို့နယ်တို့တွင် သံဃာတော်၊သီလရှင် စုစုပေါင်း  ၄၅၂၇ ပါး ဖြေဆိုလျက်ရှိကြောင်း သိရသည်။

မုံရွာ၊ ဧပြီ ၃

စစ်ကိုင်းတိုင်းဒေသကြီး ၂၀၂၄-၂၀၂၅ ဘဏ္ဍာရေးနှစ်၊ ပြည်ထောင်စု၏ ဘဏ္ဍာငွေအရ အသုံးဆိုင်ရာဥပဒေအရ လုပ်ပိုင်ခွင့်အပ်နှင်းထားသည့် ရငွေသုံးငွေများနှင့်စပ်လျဉ်း၍ ရှင်းလင်း မှာကြားခြင်း အခမ်းအနားကို ဧပြီလ ၃ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့ အနေဖြင့် ဘဏ္ဍာငွေအရအသုံးဆိုင်ရာကိစ္စရပ်များအား အဆင်ပြေချောမွေ့စွာ အကောင်အထည် ဖော်ဆောင်ရွက်နိုင်ရန် နိုင်ငံတော်စီမံအုပ်ချုပ်ရေးကောင်စီမှ အတည်ပြုပြဋ္ဌာန်းထားသည့် အတိုင်း ရငွေများအားရည်မှန်းထားသည့်ထက် လျော့နည်းခြင်းမရှိစေရုံသာမက ပိုမိုရရှိရန် စီမံ စည်းကြပ်ကောက်ခံသွားရန်နှင့် သုံးငွေများအား ရည်မှန်းသည်ထက် ပိုမိုသုံးစွဲခြင်းမပြုကြဘဲ ခြိုးခြံချွေတာသုံးစွဲကြရန် လိုအပ်ပါကြောင်း၊ ရငွေ၊သုံးငွေများအတွက် ပြဋ္ဌာန်းထားသည့် ဥပဒေ များ၊ နည်းဥပဒေများ၊ စည်းမျည်း၊ စည်းကမ်း၊ အမိန့်ညွှန်ကြားချက်များ၊ လုပ်ထုံးလုပ်နည်းများ အညီ တာဝန်ရှိသူများမှ အလေးထားဆောင်ရွက်သွားကြရန် လိုအပ်ပါကြောင်း၊ ပြည်သူ လူထုအား တိုက်ရိုက်အကျိုးပြုသည့် လမ်း၊တံတားတည်ဆောက်ခြင်း၊ လျှပ်စစ်မီး ရရှိရေးတို့အတွက် ပိုမိုလျာထားဆောင်ရွက်နိုင်ရန်အတွက် ရငွေများအားပိုမို ရရှိစေရန် ကြိုးပမ်း ဆောင်ရွက်သွားကြရန်နှင့် အသုံးစရိတ်အား ခြိုးခြံချွေတာသုံးစွဲခြင်းဖြင့် အမှန်အခြေအနေတွင် ပြည်ထောင်စုမှထောက်ပံ့ရသည့် လိုငွေဖြည့်ဆည်းမှု လျော့နည်းသွားမည် ဖြစ်ပါကြောင်း၊ စစ်ကိုင်းတိုင်းဒေသကြီး၏ ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းဥပဒေအရ ခွင့်ပြုထား သည့် လုပ်ငန်းစီမံကိန်းနှင့်လုပ်ငန်းများအား အောင်မြင်စွာအကောင်အထည်ဖော်ခြင်းဖြင့် တိုင်း ဒေသကြီးအတွင်း အလုပ်အကိုင်အခွင့်အလမ်းများ ပေါများလာစေပြီး လူတစ်ဦးချင်းဝင်ငွေများ တိုးတက်ရရှိကာ ဒေသစီးပွားရေးအခြေအနေအား အဖက်ဖက်မှ ဖွံ့ဖြိုးတိုးတက်လာမည်ဖြစ်သဖြင့် တာဝန်ရှိသည့်ဌာနဆိုင်ရာများအားလုံးက ဝိုင်းဝန်းကြိုးပမ်းသွား ဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ၂၀၂၄-၂၀၂၅ ဘဏ္ဍာ ရေးနှစ်၊ ပြည်ထောင်စု၏ဘဏ္ဍာငွေ အရအသုံးဆိုင်ရာဥပဒေအရ လုပ်ပိုင်ခွင့်အပ်နှင်းထားသည့် ရငွေသုံးငွေများနှင့်စပ်လျဉ်း၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီးအဆင့်ဌာနဆိုင်ရာများမှ မိမိတို့ဌာနများအလိုက် ၂၀၂၄-၂၀၂၅ ဘဏ္ဍာရေးနှစ်အတွင်း ရငွေများအား စီမံစည်းကြပ်ကောက်ခံသွားမည့် အခြေအနေများနှင့် ရငွေ၊သုံးငွေများအား ပြဌာန်းထားသည့် လုပ်ထုံးလုပ်နည်းများနှင့် အညီစနစ်တကျစီမံ ဆောင်ရွက်ထားရှိမှု လုပ်ငန်းအခြေအနေများအား Power Point ဖြင့် အသီးသီးရှင်း လင်းဆွေးနွေး တင်ပြကြသည်။

ဆက်လက်၍ တိုင်းဒေသကြီး အစိုးရ အဖွဲ့ဝင်များက မိမိတို့သက်ဆိုင်ရာဝန်ကြီးဌာနများ အောက်ရှိ ဌာနဆိုင်ရာများ၏ ရငွေများရည်မှန်းထားသည့်ထက် လျော့နည်းမသွားအောင် ဆောင်ရွက်သွားရေးနှင့် အသုံးစရိတ်များအား စနစ်တကျစီမံဆောင်ရွက်ကာ ခြိုးခြံချွေတာသုံးစွဲ သွားရေးနှင့် ဆောင်ရွက်မည့်အစီအမံများကို အကြံပြုဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၂

စစ်ကိုင်းတိုင်းဒေသကြီးအတွင်းရှိ ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေး (တတိယအကြိမ်) လုပ်ငန်းညှိနှိုင်း အစည်းအဝေးကို ဧပြီလ ၂ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ဒေသ၊ ကလေးခရိုင်၊ ကသာခရိုင်၊ ခန္တီးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ကျေးလက် ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများ ရည်ရွယ်ချက်များအတိုင်း အောင်မြင်စေရေးအတွက် ကော်မတီအဖွဲ့ဝင်အားလုံးမှ ဝိုင်းဝန်းကြိုးပမ်းဆောင်ရွက်ပေးသွားကြရန် လိုအပ်ပါကြောင်း၊ တာဝန်ရှိသူများအနေဖြင့် စာသင်ဝိုင်းများသို့ အခါအားလျော်စွာ သွားရောက်ကြည့်ရှုအားပေးပြီး လိုအပ်ချက်များကို ပေါင်းစပ်ဆောင်ရွက်ပေးခြင်းများဆောင်ရွက်သွားကြရန် လိုအပ်ပါကြောင်း၊ စာသင်ဝိုင်းများတွင်အသုံးပြုမည့် စာရေးကိရိ ယာများ၊ ပုံနှိပ်စာအုပ်များနှင့် ဗလာစာအုပ်များ၊ သင်ထောက်ကူပစ္စည်းများအား သက်ဆိုင်ရာ မြို့နယ်များသို့ အချိန်မီရောက်ရှိရေး တာဝန်ရှိသူများမှ အလေးထားဆောင်ရွက်သွားကြရန် လိုအပ်ပါကြောင်း၊ ပညာခေတ်တွင် ကျေးလက်နေပြည်သူများ၊ တိုင်းရင်းသားပြည်သူများ၏ ပညာရည်မြင့် မားရေးအား ဦးစားပေးဆောင်ရွက်သွားရန်လိုအပ်ပြီး ရပ်ကွက်အတွင်းရှိ စာမတက်သူများ၊ ကျောင်းမနေဖူးသူများအား စာသင်ကြားနိုင်ရေးအတွက် စာသင်သားများစာရင်းနှင့် စာသင်ဝိုင်းစု ဖွဲ့စာရင်းများ ကောက်ယူ၍ စေတနာ့လုပ်အားပေး နည်းပြစာရင်းများ ကောက်ယူခြင်းတို့အား အချိန်နှင့်တစ်ပြေးညီ ဆောင်ရွက်သွားကြရန်လိုအပ်ပြီး သင်ကြားရေးအစီအစဉ်များ အဆင်ပြေ ချောမွေ့စွာဖြင့် အကောင်အထည်ဖော် ဆောင်ရွက်နိုင်ရေးအတွက် အမျိုးသားရေးတာဝန် တစ်ရပ်အနေဖြင့်ကျရာ အခန်းကဏ္ဍမှ ကြိုးပမ်းဆောင်ရွက်ပေးသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက တိုင်းဒေသကြီးအတွင်းရှိ မြို့နယ်များတွင် ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများ ဆောင်ရွက်ထားရှိမှုများနှင့် ဆက်လက်ဆောင်ရွက်သွားမည့်လုပ်ငန်းများအား ရှင်းလင်း ဆွေးနွေး တင်ပြသည်။

ဆက်လက်ပြီး တိုင်းဒေသကြီး ကျေးလက်ဒေသနေပြည်သူများနှင့် တိုင်းရင်းသားပြည် သူများ အခြေခံစာတတ်မြောက်ရေး လုပ်ငန်းကြီးကြပ်မှုကော်မတီ အဖွဲ့ဝင်များက မိမိတို့ကဏ္ဍ များအလိုက် လုပ်ငန်းများဆောင်ရွက်နေမှုများနှင့် ပေါင်းစပ်ဆောင်ရွက်သွားမည့် လုပ်ငန်းအခြေ အနေများအား ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များအတွင်း ကျေးလက်ဒေသနေ ပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများ ဆောင်ရွက် ထားရှိမှုများအားလည်းကောင်း၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဋ္ဌက ခရိုင်အတွင်း ကျေး လက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတတ်မြောက်ရေး လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြ သည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များက တိုင်းဒေသကြီးအတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်းများနှင့် ပတ်သက်၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့ တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၁

စစ်ကိုင်းတိုင်းဒေသကြီး ပြည်သူ့စစ်မှုထမ်းဆင့်ခေါ်ရေးအဖွဲ့ (တတိယအကြိမ်) လုပ်ငန်း ညှိနှိုင်း အစည်းအဝေးကို ဧပြီလ ၁ ရက်နေ့၊ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင် ပြည်သူ့စစ်မှုထမ်းဆင့်ခေါ်ရေး အဖွဲ့ဝင် များနှင့် တာဝန်ရှိသူများ တက်ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ ကသာခရိုင် စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ ခရိုင်/ မြို့နယ်များမှ တာဝန်ရှိသူများအနေဖြင့် ပြည်သူ့စစ်မှုထမ်းဥပဒေအရ အကြုံးဝင်သည့် အချက် အလက်နှင့်ကိုက်ညီသော အင်အားများအတိုင်း သင်တန်းတက်ရောက်မည့်သူများအား ရွေးချယ် စေလွှတ်ပေးနိုင်ရေးအား Time Frame အတိုင်း ဆောင်ရွက်သွားကြရန် လိုအပ်ပါကြောင်း၊ ပြည်သူ့စစ်မှုထမ်းဆင့်ခေါ်ရေး အဖွဲ့ဝင်များမှလည်း လုပ်ငန်းတာဝန်များအား အောင်မြင်အောင် ကြိုးပမ်းဆောင်ရွက်သွားကြရန် လိုအပ်ပါကြောင်း၊ ပြည်သူ့စစ်မှုထမ်း နည်းဥပဒေနှင့်ပတ်သက်ပြီး ပြည်သူလူထုအတွင်း ကျယ်ကျယ်ပြန့်ပြန့် သိရှိနားလည်အောင် ကြိုးပမ်းဆောင်ရွက်ကာ ပြည်သူ့စစ်မှုထမ်းများအား သက်မှတ်အရေအတွက်အတိုင်း အချိန်မီစုဆောင်းရရှိရေး ကြိုးပမ်း ဆောင်ရွက်သွားကြရန်နှင့် သင်တန်းတက်ရောက်ရာတွင်လည်း နွေးထွေးပျူဌာစွာဖြင့် ကြိုဆို လက်ခံကာ နေထိုင်စားသောက်ရေးမှအစ လိုအပ်ချက်များမရှိအောင် တာဝန်ရှိသူများမှ ဆောင် ရွက်ပေးသွားကြရန် ပြောကြားခဲ့သည်။

ယင်းနောက် ပြည်သူ့စစ်မှုထမ်းဆင့်ခေါ်ရေးအဖွဲ့ အဖွဲ့ဝင်၊ တိုင်းဒေသကြီး လူမှုရေးရာ ဝန်ကြီး ဦးညွှန့်ဝင်းအောင်က ပြည်သူ့စစ်မှုထမ်းဥပဒေဆိုင်ရာများဖြစ်သည့် ပြည်သူ့စစ်မှုထမ်း ဥပဒေရည်ရွယ်ချက်၊ ခံစားခွင့်များ၊ ပြည်သူ့စစ်မှုထမ်းဆောင်ခြင်းမှ ကင်းလွတ်ခြင်း၊ ယာယီရွေ့ ဆိုင်းနိုင်သည့် ပုဂ္ဂိုလ်များ၊ ပြစ်မှုနှင့်ပြစ်ဒဏ်များအား Power Point ဖြင့် ရှင်းလင်းတင်ပြသည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် မိမိတို့ ခရိုင်/မြို့နယ်များအတွင်းရှိ ပြည်သူ့စစ်မှုထမ်းဆင့်ခေါ်ရေး စာရင်း ကောက်ယူရေး လုပ်ငန်းများဆောင်ရွက်နေမှုများနှင့် ဆက်လက်ဆောင်ရွက်သွားမည့် လုပ်ငန်း အခြေအနေများအား လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌက ခရိုင်အတွင်း ပြည်သူ့စစ်မှုထမ်းဆင့်ခေါ်ရေး လုပ်ငန်းများဆောင်ရွက်နေမှုအခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး/ခရိုင် ပြည်သူ့စစ်မှုထမ်းဆင့်ခေါ်ရေးအဖွဲ့ဝင်များက တိုင်းဒေသကြီးအတွင်းရှိ ခရိုင်/မြို့နယ်များ၌ မိမိတို့ဌာနများအလိုက် ပြည်သူ့စစ်မှုထမ်း ဆင့်ခေါ်ရေး စာရင်းကောက်ယူရေးလုပ်ငန်းများ ဆောင်ရွက်နေမှုနှင့် ဆောင်ရွက်နေသည့် လုပ်ငန်းအခြေအနေများအား ရှင်းလင်းဆွေးနွေးတင်ပြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များမှ တိုင်းဒေသကြီးအတွင်း ပြည်သူ့စစ်မှုထမ်းဆင့်ခေါ်ရေး လုပ်ငန်များဆောင်ရွက်နေမှု အခြေ အနေများနှင့် ပတ်သက်၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ မတ် ၃၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌများနှင့် တာဝန်ရှိသူများလိုက်ပါလျက် ယမန်နေ့၊ နံနက်ပိုင်းတွင် မုံရွာမြို့၊ မြို့သစ်ရပ်ကွက်ရှိ အားသစ်လမ်းနိုင်လွန်ကတ္တရာလမ်းခင်းခြင်း လုပ်ငန်းခွင်သို့ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က အရှည် ၂၅၀၀ ပေ၊ အကျယ် ၁၈ ပေ၊ ၃ လက်မခွဲထု နိုင်လွန်ကတ္တရာလမ်း ခင်းကျင်းနေမှုနှင့် မုံရွာမြို့အတွင်းရှိ ရပ်ကွက်လမ်းများ၌ နိုင်လွန်ကတ္တရာလမ်း ခင်းခြင်းလုပ်ငန်းများဆောင်ရွက်သွားမည့် လုပ်ငန်းအခြေအနေများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က မုံရွာမြို့အတွင်းရှိ ရပ်ကွက်လမ်းများ၌ နိုင် လွန်ကတ္တရာလမ်း ခင်းခြင်းလုပ်ငန်းများ ဆောင်ရွက်သွားမည့် လုပ်ငန်းအခြေအနေများနှင့် ပတ် သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မြို့သစ်ရပ်ကွက်ရှိ ထင်းရှူးလမ်း အရှည် ၂၅၀၀ ပေ၊ အကျယ် ၁၈ ပေ၊ ၃ လက်မခွဲထု နိုင်လွန်ကတ္တရာလမ်း ခင်းကျင်းပြီးစီးမှုအား တာဝန်ရှိသူများနှင့်အတူ ဖြတ်သန်းကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့ပေါ်ရှိ ရပ်ကွက် နေပြည်သူများ စိတ်အေးချမ်းသာစွာဖြင့် နေထိုင်သွားလာနိုင်စေရေး၊ ရပ်ကွက်များအတွင်းရှိ လမ်းများအား သန့်ရှင်းသပ်ရပ်စေရေးနှင့် သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်း ခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်း မွန်စေရေးအတွက် မုံရွာမြို့၊ မြို့သစ်ရပ်ကွက်၊ မဂ်လာလမ်း လမ်းဘေးဝဲ/ယာများအား တပ်မတော်သားများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့ များနှင့် လူမူရေးအသင်းအဖွဲ့များနှင့် ဌာနဆိုင်ရာဝန်ထမ်းများနှင့် ရပ်ကွက်နေပြည်သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုအား ကြည့်ရှုစစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်းရေး လုပ်ငန်းများ ဆောင်ရွက်နေသူများ၊ ဌာနဆိုင်ရာဝန်ထမ်းများနှင့် ရပ်ကွက်နေပြည်သူများအား စားသုံးဆီများနှင့် တန်ဖိုးသင့်စားသောက်ကုန်များ၊ ဟင်းသီးဟင်းရွက်များအား ဈေးနှုန်းသက်သာစွာဖြင့် ရောင်းချပေးနေမှုအား ကြည့်ရှုစစ်ဆေးခဲ့ကြပြီး ရပ်ကွက်နေပြည်သူများအား ရင်းရင်း နှီးနှီးနှုတ်ဆက်ကာ စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများနှင့် ရပ်ကွက်နေ ပြည်သူများအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၂ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၃၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြောင်း သိရ သည်။