မုံရွာ၊ မေ ၁၆

စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့၌ နိုင်လွန်ကတ္တရာစက်ရုံ အမှတ်(၂) ဖွင့်ပွဲအခမ်းအနားကို မေလ ၁၆ ရက်နေ့၊ နံနက်ပိုင်းက စစ်ကိုင်းမြို့၊ ပတ္တမြားရပ်ကွက် အဆိုပါ စက်ရုံတွင် ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိ မြို့ဖများနှင့် ရပ်ကွက်နေပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းမြို့သည် ဘာသာ၊သာသနာ ထွန်းကားရာမြို့တော်ဖြစ်ပြီး စိမ်းလန်းစိုပြေသည့်မြို့ကြီးဖြစ်ကာ နိုင်ငံခြားခရီးသည်များလည်း များစွာလာရောက်လည်ပတ်သည့် ခရီးသွားမြို့တော်ဖြစ်သည်နှင့်အညီ ဘက်စုံဖွံဖြိုးတိုးတက်စေ ရန်အတွက် နိုင်လွန်ကတ္တရာစက်ရုံနှင့် ဆက်စပ်ယာဉ်ယန္တရားများအား ဦးစားပေးလျာထား ဆောင်ရွက်ပေးခဲ့ခြင်း ဖြစ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် စစ်ကိုင်းမြို့ တွင် နိုင်လွန်ကတ္တရာစက်ရုံသစ်ကြီး တည်ဆောက်ဆောင်ရွက်ပေးသကဲ့သို့ စည်ပင်သာယာရေး အဖွဲ့များမှလည်း စနစ်တကျလုပ်ငန်းဆောင်ရွက်ခြင်း၊ ပြုပြင်ထိန်းသိမ်းခြင်းတို့အား စေတနာ ထားဆောင်ရွက်ပေးသွားကြရန် လိုအပ်ပါကြောင်း၊ စစ်ကိုင်းမြို့နေ ပြည်သူလူထုအနေဖြင့်လည်း ဆောင်ရွက်ပေးသွားမည့်လမ်းများအား ရေရှည်တည်တံ့ရေး၊ သန့်ရှင်းသာယာလှပရေးကိစ္စရပ် များတွင် နိုင်ငံကြီးသားပီသစွာဖြင့် မိမိမြို့ရွာဒေသဖွံ့ဖြိုးသာယာစေလိုသည့်ဆန္ဒဖြင့် ဝိုင်းဝန်းကူ ညီထိန်းသိမ်း ဆောင်ရွက်ပေးသွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး၊ စည်ပင်သာယာရေးအဖွဲ့ ညွန်ကြားရေးမှူး ဦးသစ်ထူးမြင့်က စစ်ကိုင်းမြို့၊ နိုင်လွန်ကတ္တရာစက်ရုံ အမှတ်(၂) တည်ဆောက်ရေးလုပ်ငန်းများနှင့် ပတ်သက်၍ ရှင်းလင်း ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လမ်းပန်းဆက် သွယ်ရေးဝန်ကြီး ဦးခင်မောင်အေး၊ တိုင်းဒေသကြီး စည်ပင်သာယာရေးအဖွဲ့ ည့န်ကြားရေးမှူး ဦးသစ်ထူးမြင့်နှင့် စစ်ကိုင်းခရိုင်၊ စီမံအုပ်ချုပ်ရေးအဖွဲ့ ဉက္ကဌ ဦးမျိုးအောင်တို့က နိုင်လွန်ကတ္တ ရာလမ်းစက်ရုံ အမှတ်(၂)အား ဖဲကြိုးဖြတ်ဖွင့်လှစ်ပေးကြပြီး တာဝန်ရှိသူများနှင့်အတူ စုပေါင်း မှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၁ နာရီလျှင် တန် ၆၀ ဖျော် စပ်နိုင်သည့်ယတ္တရားစက်များဖြင့် နိုင်လွန်ကတ္တရာဖျော်စပ်နေမှုနှင့် စက်ရုံထိန်းချုပ်ခန်းတို့အား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တက်ရောက်လာသူများနှင့်အတူ နံနက်စာအတူတကွ သုံးဆောင်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် စစ်ကိုင်းမြို့၊ သမ တက္ကသိုလ်လမ်း နိုင်လွန်ကတ္တရာလမ်းခင်းကျင်းခြင်း လုပ်ငန်းခွင်သို့ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက သမတက္ကသိုလ်လမ်း အရှည် - ၅၆၀၀ ပေ၊ အကျယ် - ၃၂ ပေ၊ နိုင်လွန်ကတ္တရာခင်းခြင်းလုပ်ငန်းများနှင့် စစ်ကိုင်းမြို့အတွင်း ဆက်လက် ဆောင်ရွက်သွားမည့် နိုင်လွန်ကတ္တရာလမ်းများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က နိုင်လွန်ကတ္တရာလမ်းခင်းခြင်း လုပ်ငန်းများ နှင့်ပတ်သက်၍ ရှင်းလင်းတင်ပြချက်များအပေါ် လိုအပ်သည်များကိုတာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ပြီး ခေတ်မီစက်ယန္တရားများဖြင့် နိုင်လွန်ကတ္တရာခင်းကျင်း နေမှုအား ကြည့်ရှုစစ်ဆေးခဲ့ကြောင်း သိရသည်။

မုံရွာ၊ မေ ၁၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်များ၊ ဒေသကွပ်ကဲမှုစစ်ဌာချုပ်(ကလေး)ဒေသကွပ်ကဲရေးမှူး၊ တိုင်းဒေသကြီးအဆင့် ဌာနဆိုင်ရာများနှင့် ခရိုင်/မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌများနှင့် တာဝန်ရှိသူများ လိုက်ပါလျက် မေလ ၁၄ ရက်နေ့၊ မွန်းလွဲပိုင်းတွင် ကလေးခရိုင်၊ ကလေးမြို့၊ ခရိုင်စိုက်ပျိုးရေးဦးစီးဌာနရုံးရှိ အစည်း အဝေးခန်းမ၌ စိုက်ပျိုးမွေးမြူရေးလုပ်ငန်း ကြီးကြပ်မှုကော်မတီအဖွဲ့ဝင်များနှင့် တွေ့ဆုံပွဲအခမ်း အနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က စားရေရိက္ခာပေါများရေးအတွက် စိုက်ပျိုးမွေးမြူ ရေးလုပ်ငန်းများကို အလေးအနက်ထား ဆောင်ရွက်ရန်လိုအပ်မှု အခြေအနေများ၊ နိုင်ငံ့စီးပွား မြှင့်တင်ရေးရန်ပုံငွေဖြင့် စိုက်ပျိုးရေး၊ မွေးမြူရေးလုပ်ငန်းများနှင့် MSME လုပ်ငန်းများကို အားပေးဆောင်ရွက်ပေးနေမှု အခြေအနေများနှင့် မိမိတို့တိုင်းဒေသကြီး အစိုးရအဖွဲ့အနေဖြင့် စိုက် ပျိုးရေး၊ မွေးမြူရေးလုပ်ငန်းများနှင့်ပတ်သက်၍ လိုအပ်ချက်များအား ဖြည့်ဆည်းပေါင်းစပ် ဆောင်ရွက်ပေးသွားမည် ဖြစ်ပါကြောင်း ပြောကြားခဲ့သည်။

ဆက်လက်၍ ကလေးခရိုင် စိုက်ပျိုးရေးဦးစီးမှူးက ခရိုင်/မြို့နယ်များအတွင်း သီးနှံများ စိုက်ပျိုးထားရှိမှု အခြေအနေများနှင့် ပတ်သက်၍ Power Point ဖြင့် ရှင်းလင်းတင်ပြပြီး တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးက လုပ်ငန်းများနှင့် ပတ်သက်၍ ဖြည့်စွက် တင်ပြသည်။

ယင်းနောက် တိုင်းဒေသကြီး ဝန်ကြီးချုပ်က စိုက်ပျိုးမွေးမြူရေး လုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည်းဆည်း ပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက တွေ့ဆုံပွဲအခမ်းအနားသို့ တက်ရောက်လာသူများအား ရင်းရင်းနှီးနှီးနှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့နယ် စုပေါင်းရုံး အစည်းအဝေးခန်းမတွင် ကျင်းပပြုလုပ်သည့် ပန်းခင်းစီမံချက် (၃) အိမ်ထောင်စုစာရင်းနှင့် နိုင်ငံသားစိစစ်ရေးကတ်ပြားများပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကား ပြောကြားသည်။

ယင်းနောက် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ စစ်ကိုင်းတိုင်းဒေသကြီးဦးစီးမှူး၊ ညွှန်ကြားရေးမှူး ဦးဆန်းအောင်က ပန်းခင်းစီမံချက် (၃) အိမ်ထောင်စုစာရင်းနှင့် နိုင်ငံသားစိစစ်ရေးကတ်ပြားများပေးအပ်ရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိ သူများက ကလေးမြို့နယ်အတွင်းရှိ ရပ်ကွက်များနှင့်ကျေးရွာများမှ ဒေသခံပြည်သူများထံ နိုင်ငံသားစီစစ်ရေးကတ်ပြားများနှင့် အိမ်ထောင်စုစာရင်းများ အသီးသီးပေးအပ်ခဲ့ကြပြီး အခမ်း အနားသို့ တက်ရောက်လာသူများအား ရင်းရင်းနှီးနှီးနှုတ်ဆက်ကာ အခမ်းအနားကို ရုပ်သိမ်းခဲ့ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါခန်းမ အတွင်း ကလေးမြို့နေပြည်သူများအား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ ပန်းခင်းစီမံချက် (၃) အိမ်ထောင်စုလူဦးရေစာရင်းနှင့် နိုင်ငံသားစီစစ်ရေးကတ်ပြားများ ဆောင်ရွက်ပေးနေမှုများနှင့် နိုင်ငံသားတစ်ဦးချင်း၏ ကိုယ်ရေးအချက်အလက် (Biographic)နှင့် ဇီဝ ဆိုင်ရာအချက်အလက် (Biometrric) ကောက်ယူနေမှုများအား ကြည့်ရှုစစ်ဆေးပြီး ဒေသခံပြည်သူများအား ရင်းရင်းနှီးနှီးနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ ကလေးမြို့၊ ညောင်ပင်သာရပ်ကွက်အတွင်းရှိ နေအိမ်များ၌ သန်းခေါင်စာရင်း ကွင်းဆင်းကောက်ယူနေမှုများအား ကြည့်ရှုစစ်ဆေးပြီး လိုအပ်သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၁၅

စစ်ကိုင်းတိုင်းဒေသကြီး၊ စစ်ကိုင်းခရိုင်နှင့် မြို့နယ်တို့ရှိ အခြေခံပညာကျောင်းများ တွင် ၂၀၂၄-၂၀၂၅ ပညာသင် နှစ်၊ ကျောင်းနေအရွယ်ကလေးများအားလုံး ကျောင်းအပ်နှံရေး လုပ်ငန်းညှိနှိုင်းအစည်းအဝေးကို မေလ ၁၅ ရက်နေ့ နံနက်ပိုင်းက စစ်ကိုင်းခရိုင်၊ စီမံအုပ်ချုပ်ရေးအဖွဲ့ရုံး အစည်းအဝေးခန်းမ၌ ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခရိုင်/ မြို့နယ်ပညာရေးမှူးများ၊ စစ်ကိုင်းမြို့ပေါ်ရှိ အခြေခံပညာကျောင်းများမှ ကျောင်းအုပ်ဆရာကြီး/ ဆရာမကြီးများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားခဲ့ပြီးနောက် စစ်ကိုင်းခရိုင်ပညာရေးမှူး ဦးရဲထွဋ်က စစ်ကိုင်းခရိုင်အတွင်းရှိ အခြေခံ ပညာကျောင်းများ ဖွင့်လှစ်မည့်အခြေအနေများ၊ ၄င်းကျောင်းများ၏ ကျောင်းဥပဓိရုပ် ကောင်းမွန်ရေး၊ သန့်ရှင်းသပ်ရပ်လှပရေးနှင့် ကျောင်းဖွင့်ချိန်တွင် စာသင်ကြားနိုင်ရေး ဆောင် ရွက်ထားရှိမှုအခြေအနေများကို ရှင်းလင်းတင်ပြသည်။

ဆက်လက်၍ စစ်ကိုင်းမြို့ပေါ်ရှိ အခြေခံပညာကျောင်းများမှ ကျောင်းအုပ်ကြီးများက မိမိတို့တာဝန်ယူဆောင်ရွက်နေသည့် အခြေခံပညာကျောင်းများအလိုက် ၂၀၂၄-၂၀၂၅ ပညာသင်နှစ်တွင် ကျောင်းနေအရွယ်ကလေးများအားလုံး ကျောင်းအပ်နှံရေး လုပ်ငန်းများကြိုတင်စီမံဆောင်ရွက်ထားရှိမှုများ၊ ကျောင်းများအတွက် သင်ကြားရေးအထောက် အကူပြုပစ္စည်းလိုအပ်ချက်များနှင့် ကျောင်းများအတွင်း သန့်ရှင်းသပ်ရပ်ရေးလုပ်ငန်း ဆောင် ရွက်ထားရှိမှုများအား ဆွေးနွေးတင်ပြကြသည်။

ထို့နောက် တွေ့ဆုံပွဲအခမ်းအနားသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက ၂၀၂၄-၂၀၂၅ ပညာသင်နှစ်တွင် စစ်ကိုင်းခရိုင်အတွင်းရှိ ကျောင်းများ၌ ယခင်နှစ်များကထက် ကျောင်းနေအရွယ်ကလေးများအားလုံး ကျောင်းအပ်နှံရေးနှင့် အခြေခံပညာကျောင်းအားလုံး ဖွင့်လှစ်သင်ကြားနိုင်ရန် ဖြည့်စွက်ဆွေးနွေးတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က တွေ့ဆုံပွဲအခမ်းအနားသို့ တက်ရောက်လာ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးပြီး နိဂုံးချုပ်စကားပြောကြားကာ တွေ့ဆုံပွဲအခမ်းအနားကို ရုပ်သိမ်းခဲ့ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းပညာရေးဒီဂရီ ကောလိပ်ရှိ ထမင်းစားဆောင်သို့ ရောက်ရှိရာ တိုင်းဒေသကြီး ဝန်ကြီးချုပ်က နေ့လယ်စာအတူ တကွသုံးဆောင်ရခြင်းနှင့်ပတ်သက်၍ ရှင်းလင်းပြောကြားပြီး ကျောင်းအုပ်ဆရာမကြီးထံ ထောက်ပံ့ငွေ များပေးအပ်ရာ ကျောင်းအုပ်ဆရာမကြီးကလက်ခံရယူပြီး ကျေးဇူးတင်စကား ပြန်လည်ပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများ၊ စစ်ကိုင်းပညာရေးဒီဂရီ ကောလိပ်ကျောင်းအုပ်ဆရာမကြီး၊ ဒုတိယကျောင်းအုပ်ကြီးများ၊ သင်ကြားရေးနှင့်စီမံရေးဌာန များမှ အရာထမ်း/အမှုထမ်းများနှင့် နေ့လယ်စာ အတူတကွသုံးဆောင်ခဲ့ကြောင်း သိရသည်။

မုံရွာ၊ မေ ၁၄

စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်များ၊ ဒေသကွပ်ကဲမှုစစ်ဌာနချုပ်(ကလေး)ဒေသကွပ်ကဲရေးမှူး၊ တိုင်းဒေသကြီးအဆင့် ဌာနဆိုင်ရာများနှင့် ခရိုင်/မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌများနှင့် တာဝန်ရှိသူများ လိုက်ပါလျက် မေလ ၁၄ ရက်၊ နံနက်ပိုင်းတွင် ကလေးခရိုင်၊ ကလေးမြို့ရှိ သူနာပြုသားဖွားသင်တန်းကျောင်း သို့ရောက်ရှိရာ သင်တန်းကျောင်းခန်းမတွင် ကလေးတက္ကသိုလ် ဒုတိယပါမောက္ခချုပ်၊ ပါမောက္ခ ဌာနမှူးများ၊ နည်းပြဆရာ၊ဆရာမများနှင့် တွေ့ဆုံပွဲအခမ်းအနားသို့ တက်ရောက်ကြသည်။

ဦးစွာ တိုင်းဒေသကြီးဝန်ကြီးချုပ်က မိမိတို့ တိုင်းဒေသကြီးအစိုးရအဖွဲ့အနေဖြင့် ကလေးတက္ကသိုလ်အား ပြန်လည်ဖွင့်လှစ်နိုင်ရေးနှင့် လိုအပ်သည့်ဆရာ၊ဆရာမများ ဖြည့်ဆည်း ပေးနိုင်ရန်အတွက် အထက်ဌာနများသို့ ဆက်လက်တင်ပြသွားမည် ဖြစ်ကြောင်း၊ ဆရာ၊ဆရာမ များနှင့်ကျောင်းသား၊ကျောင်းသူများ နေထိုင်၊သွားလာရေး အဆင်ပြေစေရန် ဆောင်ရွက်ပေး သွားမည်ဖြစ်ကြောင်း၊ လျှပ်စစ်မီးနှင့် သောက်သုံးရေရရှိရေးတို့အတွက် ဆောင်ရွက် ပေးသွားမည်ဖြစ်ကြောင်းနှင့် ကျောင်းပြန်လည်ဖွင့်လှစ်ရေးအတွက် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးသွားမည်ဖြစ်ကြောင်း ရှင်းလင်းပြောကြားသည်။

ယင်းနောက် ကလေးတက္ကသိုလ် ဒုတိယပါမောက္ခချုပ် ဒေါက်တာဝင်းမင်းလတ်က ကလေးတက္ကသိုလ်၏ သင်ကြားရေးလုပ်ငန်းများ ဆောင်ရွက်သွားမည့် အခြေအနေများအား ရှင်း လင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ကလေးတက္ကသိုလ် ဒုတိယပါမောက္ခချုပ်ထံ ထောက်ပံ့ငွေများပေးအပ်ပြီး တွေ့ဆုံပွဲအခမ်းအနားသို့ တက်ရောက်လာကြသည့် ပါမောက္ခဌာန မှူးများနှင့်၊ ဆရာ၊ဆရာမများအား ရင်းရင်းနှီးနှီးလိုက်လံနှုတ်ဆက်ခဲ့ကြပြီး တွေ့ဆုံပွဲအခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီးဝန်ကြီးချုပ်နှင့် တာဝန်ရှိသူများသည် အဆိုပါကျောင်းဝန်း အတွင်းရှိ စာသင်ဆောင်များ၊ ကျောင်းသား/ကျောင်းသူအိပ်ဆောင်များ၊ ထမင်းစားဆောင်များ နှင့်ကျောင်းဝန်းအတွင်းရှိ ဝန်ထမ်းနေအိမ်များအား လိုက်လံကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကလေးမြို့၊ ကုတင် ၃၀၀ ဆံ့ ပြည်သူ့ဆေးရုံကြီးသို့ ရောက်ရှိရာ ဆေးရုံအုပ်ကြီး၊ သူနာပြုများနှင့်ဝန်ထမ်းများမှ ကြို ဆိုနှုတ်ဆက်ကြပြီး တိုင်းဒေသကြီး ဝန်ကြီးချုပ်က ရင်းရင်းနှီးနှီးလိုက်လံနှုတ်ဆက်ကာ ဆေးရုံ အုပ်ကြီးထံ ဆေးရုံဝန်ထမ်းအတွက် ထောက်ပံ့ငွေများပေးအပ်ခဲ့ပြီး တိုင်းဒေသကြီး အစိုးရအဖွဲ့ ၏ထောက်ပံ့‌ ငွေဖြင့် အဆိုပါဆေးရုံကြီးအတွင်းရှိ အလျား - ၁၀၀ ပေ၊ အနံ - ၅၀ ပေ၊ အနက် ၈ ပေရှိ ရေကန်ပြန်လည်တူးဖော်ပြီးစီးမှုအား ကြည့်ရှုစစ်ဆေးခဲ့ကြသည်။

ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ၂၀၂၄-ခုနှစ်၊ အခြေခံ စာတတ်မြောက်ရေးလုပ်ငန်းများဆောင်ရွက်နေသည့် ကလေးမြို့၊ အောင်မေတ္တာရပ်ကွက်၊ ရတနာသီရိကျောင်းတိုက်၊ ဖောင်တော်ဦးဓမ္မဗိမာန်တော်ကြီးရှိ စာသင်ဝိုင်းသို့ရောက်ရှိရာ စာသင်ဝိုင်း ၁ ဝိုင်းတွင် ကြီးကြပ် ၁ ဦး၊ နည်းပြ ၁ ဦးနှင့် စာသင်သား၊စာသင်သူ ၅၀ ဦးတို့ဖြင့် စာသင်ကြားနေမှုများအား လိုက်လံကြည့်ရှုအားပေးပြီး စာသင်သားများအား ရင်းရင်းနှီးနှီးလိုက်လံနှုတ် ဆက်ခဲ့ကြသည်။

ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကလေးမြို့၊ အောင်မေတ္တာရပ်ကွက်ရှိ မြစ်သာမြစ် ကမ်းပြိုကာကွယ်ရေးလုပ်ငန်း ရှင်းလင်းဆောင်သို့ရောက်ရှိရာ တည်ဆောက်ရေးတာဝန်ခံ အင်ဂျင်နီယာမှ ကမ်းပြိုကာကွယ်ရေးအတွက် ၄ လက်မပတ်လည် ၈ ပေ အရှည်ရှိ R.C.C Porcupile ၁၀၀၀ ခု ဆောင်ရွက်ပြီးစီးမှုနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီးဝန်ကြီးချုပ်က ကမ်းပြိုကာကွယ်ရေးလုပ်ငန်းများ ဆောင် ရွက်ပြီးစီးမှုအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၁၁

၂၀၂၄-၂၀၂၅ ပညာသင်နှစ်တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးနှင့် ကျောင်း ဥပဓိရုပ်ကောင်းမွန်စေရန် ကြိုတင်ပြင်ဆင်မှုအနေဖြင့် မေလ ၁၁ ရက်နေ့၊နံနက်ပိုင်းက မုံရွာမြို့၊ အလုံရပ်ကွက်ရှိ ဗိုလ်ချုပ်လမ်းနှင့် အမှတ်(၁)အခြေခံ ပညာအထက်တန်းကျောင်း(အလုံ)၌ သစ်ပင်ခြုံနွယ်များ၊ ပေါင်းမြက်များခုတ်ထွင် ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေရေးတို့အတွက် တိုင်းဒေသကြီး/ခရိုင်/မြို့နယ် အ ထွေထွေအုပ်ချုပ်ရေးဦးစီးဌာနမှဝန်ထမ်းများ၊ မြန်မာနိုင်ငံရဲတပ် ဖွဲ့ဝင်များ၊ မီးသတ်တပ်ဖွဲ့ဝင် များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများ၊ ရပ်ကွက်နေပြည်သူများ၊ ဆရာ/ဆရာမများနှင့်ကျောင်းသားမိဘများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။
အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီး ချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံကြည့်ရှု အားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား တိုင်းဒေသကြီး စည်ပင်သာယာရေးအဖွဲ့နှင့် ဆီကုန်သည်ကြီးများ အသင်းမှ တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှှင့် စားသုံးဆီများအား ဈေး နှုန်းသက်သာစွာဖြင့်ရောင်းချပေးခဲ့ပြီး စုပေါင်းသန့်ရှင်းရေးလုပ်ငန်း များဆောင်ရွက်နေကြသူ များအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။
အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၆ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၂၅၀၀ ကျော်ဖြင့် ကျောင်းများဉပဓိရုပ်ကောင်းမွန်ရေးနှင့် မြို့သန့်ရှင်းသာယာလှပရေး လုပ်ငန်း များကို စုပေါင်းဆောင်ရွက်ခဲ့ကြောင်း သိရသည်။

မုံရွာ၊ မေ ၁၁

စစ်ကိုင်းတိုင်းဒေသကြီး ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ်အောက် အမျိုးသား/အမျိုးသမီး ပိုက်ကျော်ခြင်းပြိုင်ပွဲ ဗိုလ်လုပွဲနှင့် ဆုချီးမြှင့်ပွဲအခမ်းအနားကို မေလ ၁၁ ရက်နေ့၊ နံနက်ပိုင်းတွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမ၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများ၊ အသင်းအုပ်ချုပ်သူများနှင့် အားကစားသမားများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် အခမ်းအနားသို့ တက်ရောက်လာသူများမှ အမျိုးသား ၂ ယောက်တွဲ၊ ၃ ယောက်တွဲ ဗိုလ်လုပွဲစဉ်အဖြစ် ကလေးမြို့နယ်အသင်းနှင့် ရေဦးမြို့နယ်အသင်းတို့ ယဉ်ပြိုင်နေမှု များအား ကြည့်ရှုအားပေးကြသည်။

ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီးအစိုးရအဖွဲ့ အတွင်းရေးမှူး ဦးသန်းဆွေဝင်းက အမျိုးသမီး နေရာအလိုက်အကောင်းဆုံးဆုရရှိကြသည့် အားကစားသမားများအား ဂုဏ်ပြုဆုတံဆိပ်နှင့် ငွေသားဆုများအား လည်းကောင်း၊ တိုင်းဒေသကြီး ဉပဒေ ချုပ် ဒေါ်လှလှဝင်းက အမျိုးသမီး ပွဲစဉ်တစ်လျောက် အကောင်းဆုံးဆုရရှိကြသည့် အားကစား သမားများအား ဂုဏ်ပြုဆုတံဆိပ်နှင့် ငွေသားဆုများအား လည်းကောင်း၊ တိုင်းဒေသကြီး လမ်း ပန်းဆက်သွယ်ရေးဝန်ကြီး ဦးခင်မောင်အေးက အမျိုးသား နေရာအလိုက်အကောင်းဆုံးဆုရရှိ ကြသည့် အားကစားသမားများအား ဂုဏ်ပြုဆုတံဆိပ်နှင့်ငွေသားဆုများအား လည်းကောင်း၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က အမျိုးသား ပွဲစဉ်တစ်လျောက် အကောင်းဆုံးဆုရရှိကြသည့် အားကစားသမားများအား ဂုဏ်ပြုဆုတံဆိပ်နှင့် ငွေသားဆုများ အားလည်းကောင်း အသီးသီး ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက အမျိုးသား ၂ ယောက်တွဲပြိုင်ပွဲတွင် ပထမ၊ ဒုတိယ၊ တတိယ ဆုရရှိကြသည့် မြို့နယ်များမှ အားကစားသမား များအား တစ်ဦးချင်းဆုတံဆိပ်နှင့် ငွေသားဆုအားလည်းကောင်း၊ တိုင်းဒေသကြီး စီးပွားရေးရာ ဝန်ကြီး ဒေါ်ရီရီသန်းက အမျိုးသမီး ၃ ယောက်တွဲပြိုင်ပွဲတွင် ပထမ၊ ဒုတိယ၊ တတိယ ဆုရရှိကြ သည့်မြို့နယ်များမှ အားကစားသမားများအား တစ်ဦးချင်းဆုတံဆိပ်နှင့် ငွေသားဆုအားလည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက အမျိုး သား ၃ ယောက်တွဲပြိုင်ပွဲတွင် ပထမ၊ ဒုတိယ၊ တတိယ ဆုရရှိကြသည့် မြို့နယ်များမှ အားကစား သမားများအား တစ်ဦးချင်းဆုတံဆိပ်နှင့် ငွေသားဆုများအား လည်းကောင်း၊ တိုင်းဒေသကြီး တရားသူကြီးချုပ် ဦးဇော်ထူးက အမျိုးသား ၂ ယောက်တွဲပြိုင်ပွဲတွင် ပထမဆုရရှိသည့် ကလေး မြို့နယ်အသင်းအား တံခွန်စိုက်ဆုဖလားအား အသီးသီး ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသမီး ၃ ယောက်တွဲပြိုင်တွင် ပထမဆုရရှိသည့် မြောင်မြို့နယ်အသင်းနှင့် အမျိုးသား ၃ ယောက်တွဲပြိုင်ပွဲတွင် ပထမဆုရရှိ သည့် ရေဦးမြို့နယ်အသင်းတို့အား တံခွန်စိုက်ဆုဖလားအား ပေးအပ်ချီးမြှင့်ပြီး ဆုရအားကစား အသင်းများနှင့် ဆုပေါင်းမှတ်တမ်းတင် ဓါတ်ပုံရိုက်ကူးကြပြီး အခမ်းအနားသို့ တက်ရောက်လာ သူများအား ရင်းရင်းနှီးနှီးလိုက်လံနှုတ်ဆက်ကာ အခမ်းအနားကို ရုပ်သိမ်းခဲ့ကြောင်း သိရသည်။