မုံရွာ၊ ဧပြီ ၁၁

စစ်ကိုင်းတိုင်းဒေသကြီး ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေး ဆိုင်ရာအခြေခံသင်တန်းဆင်းပွဲ အခမ်းအနားကို ဧပြီလ ၁၁ ရက်၊ နံနက်ပိုင်းတွင် စစ်ကိုင်း တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် နည်းပြများနှင့် သင် တန်းသား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ရှေးဦးအရွယ်ကလေးသူငယ်များ ဖွံ့ဖြိုးတိုးတက်ရေး ပြုစုပျိုးထောင် ပေးနိုင်ရန်အတွက်ရည်ရွယ်ပြီး ရှေးဦးအရွယ်ကလေး သူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာလုပ်ငန်းများအား အကောင်အထည်ဖော် ဆောင်ရွက်ရာ တွင် ထိရောက်စွာ သင်ကြားနိုင်ရန် သင်ရိုးညွှန်းတမ်းများနှင့်အညီ ယခုလိုသင်တန်းများဖွင့်လှစ်ပို့ ချပေးခြင်းဖြစ်ပါကြောင်း၊ သင်တန်းအား စနစ်တကျနှင့် အချိန်ပြည့်တက်ရောက်ပေးသည့် သင် တန်းသား၊ သင်တန်းသူများမှလည်း ယခုသင်တန်းမှရရှိခဲ့သည့် ရှေးဦးအရွယ်ကလေးသူငယ် ပြုစု ပျိုးထောင်ရေးနှင့် ဖွံ့ဖြိုးရေးလုပ်ငန်းများ ဆောင်ရွက်သည့်အခါမှာ ထိရောက်သည့်နည်းလမ်း များဖြစ်သည့် နယ်ပယ်သဘောတရားများနှင့် ကလေးများဘာသာစကားတို့ကို ပီသကျွမ်းကျင် အောင်ပြောကြားနိုင်စေရန် စနစ်တကျ ပြုစုပျိုးထောင်ပြီး မိဘများနှင့် ရပ်ရွာလူထုများမှလည်း ပူးပေါင်းကာ ကလေးငယ်များပြုစု စောင့်ရှောက်မှုများဆောင်ရွက်သွားကြရန် လိုအပ်ပါကြောင်း၊ သင်တန်းသား၊သင်တန်းသူများအနေဖြင့် သင်တန်းမှရရှိသည့် အတွေ့အကြုံဗဟုသုတ၊ နည်း ပညာများအား အသုံးချပြီးမိမိတို့နိုင်ငံ၏အနာဂတ် ကလေးငယ်များအကျိုးကို အကောင်းဆုံးဖြစ် အောင်ပြုစုပျိုး ထောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က အနီးကပ်ကြီးကြပ်လမ်းညွှန် သင်ကြားပေးခဲ့ သည့် လူမူဝန်ထမ်းဦးစီးဌာန ညွှန်ကြားရေးမှူး(ငြိမ်း)ဆရာမကြီး ဒေါ်ခင်နွဲ့အား ဂုဏ်ပြုငွေအား ပေးအပ်ချီးမြှင့်ပြီး တိုင်းဒေသကြီး လူမှုရေးရာဝန်ကြီးက သင်တန်းသား/သင်တန်းသူများ အတွက် သင်တန်းဆင်းလက်မှတ်များ ပေးအပ်ချီးမြှင့်သည်။

ဆက်လက်၍ တိုင်းဒေသကြီး လူမှုဝန်ထမ်းဦးစီးဌာနမှ ညွှန်ကြားရေးမှူးက သင်တန်းဆင်း အစီရင်ခံစာအား ဖတ်ကြားပြီး မုံရွာမူလတန်းကြိုကျောင်းမှ သမီးငယ်လေးမှ တပင်တိုင် အကဖြင့် လည်ကောင်း၊ သင်တန်းသား/သင်တန်းသူများမှ မူကြိုကဗျာ၊ သီချင်း၊ ပုံပြင်များ ဖြင့်သီဆိုကပြ ဖျော်ဖြေကြပြီး တိုင်းဒေသကြီး ဥပဒေချုပ်မှ သီဆိုကပြဖျော်ဖြေခဲ့သူများအား ဂုဏ်ပြုချီးမြှင့်ငွေ များပေးအပ်ကာ သင်တန်းသား/သင်တန်းသူများကိုယ်စား သင်တန်းသူတစ်ဦးက ကျေးဇူးတင် စကား ပြန်လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သင်တန်းသား/သင်တန်း သူများဖြင့် စုပေါင်းမှတ်တမ်း ဓါတ်ပုံရိုက်ကူးကာ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ကာ အခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါခန်းမအတွင်း ခင်းကျင်းပြသထားသည့် သင်တန်းသား/သင်တန်းသူများကိုယ်တိုင် ပြုလုပ်ထားသော မူလတန်းကြိုကျောင်းများတွင် အသုံးပြုမည့် ပန်းချီနှင့်လက်မှုသင်ထောက်ကူပစ္စည်းများအား ကြည့်ရှုအားပေးခဲ့ကြောင်း သိရသည်။

မုံရွာ၊ ဧပြီ ၁၂

စစ်ကိုင်းတိုင်းဒေသကြီး ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းအောင်မြင်စွာ အကောင်အထည်ဖော်နိုင်ရေး စီမံကိန်းတာဝန်ပေးအပ်ပွဲ အခမ်းအနားကို ဧပြီလ ၁၂ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရ ဒေသ၊ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ် ချုပ်ရေးအဖွဲ့ ဥက္ကဋ္ဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားသည်။ယင်းနောက် တိုင်းဒေသကြီး စီမံကိန်းဦးစီးဌာန၊ ညွှန်ကြားရေးမှူး ဦးဝင်းလှိုင်က ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းရည်မှန်းချက်နှင့် ပတ်သက်၍ ရှင်းလင်းတင်ပြသည်။

ဆက်လက်ပြီး တိုင်းဒေသကြီး ဝန်ကြီးချုပ်က လယ်ယာကဏ္ဍကြီးစီမံကိန်းတာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး စိုက်ပျိုးရေးဦးစီးမှူးထံ တိုင်းဒေ သကြီး၏ ဒေသန္တရစီမံကိန်းတာဝန်အား လည်းကောင်း၊ စက်မှုကဏ္ဍကြီးစီမံကိန်း တာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား မြန်မာ့သစ်လုပ်ငန်း တိုင်းဒေသကြီးဦးစီးမှူးထံ တိုင်းဒေသကြီး၏ ဒေသန္တရစီမံကိန်းတာဝန်အား လည်းကောင်း၊ ဝန်ဆောင်မှုကဏ္ဍကြီး စီမံကိန်း တာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား မြန်မာ့စီးပွားရေးဘဏ် တိုင်းဒေသ ကြီး ဘဏ်မန်နေဂျာထံ တိုင်းဒေသကြီး၏ ဒေသန္တရစီမံကိန်းတာဝန်အား လည်းကောင်း၊ ဒေသဖွံ့ ဖြိုးရေးကဏ္ဍကြီးစီမံကိန်းတာဝန် အားတိုင်းဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးထံ တိုင်းဒေသကြီး၏ ဒေသန္တရစီမံကိန်း တာဝန်အားလည်းကောင်း၊ သက်ဆိုင်ရာခရိုင်များ၏ ဒေသန္တရစီမံကိန်းတာဝန်များအား ခရိုင်စီမံ အုပ်ချုပ်ရေးအဖွဲ့ ဥက္ကဋ္ဌများကိုယ်စား မုံရွာခရိုင်စီမံအုပ်ချုပ်ရေးမှူးထံအား လည်းကောင်း အသီး သီးပေးအပ်ခဲ့ပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၁၀

မြန်မာနိုင်ငံတစ်ဝန်းရှိ စာကြည့်တိုက်များဖွံ့ဖြိုးတိုးတက်ရေးအတွက် အလှူငွေနှင့်စာအုပ်စာစောင်များ ပေးအပ်လှူဒါန်းပွဲ အခမ်းအနားကို ဧပြီလ ၁၀ ရက်၊ နံနက်ပိုင်းတွင် စစ်ကိုင်းတိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမ၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် စေတနာရှင်၊ အလှူ ရှင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့နိုင်ငံသည် ကျေးလက်နေ ပြည်သူ ၇၀ ရာခိုင်နှုန်းရှိသည့်အတွက် ကျေးလက်ဒေသနေပြည်သူများ စာအုပ်စာပေဖတ်ရှုရန် နှင့်စာအုပ်စာစောင်များ လက်လှမ်းတမီထားရှိပေးရန်အတွက် စာကြည့်တိုက်များအား အမှန်တကယ် အားကိုးအားထားပြုကြရမှာ ဖြစ်ပါကြောင်း၊ ကျေးလက်နေပြည်သူများ၏ စီးပွားရေး၊ ပညာရေး၊ ကျန်းမာရေး၊ လူမှုရေး၊စိုက်ပျိုးရေးများ ဖွံ့ဖြိုးတိုးတက်လာသည်နှင့်အမျှ မိမိတို့နိုင်ငံ လည်း ဖွံ့ဖြိုးတိုးတက်လာမှာ ဖြစ်ပါကြောင်း၊ နိုင်ငံတော်အကြီးအကဲ၏ လမ်းညွှန်ချက်နှင့်အညီ ပြည်သူများစာပေကို လက်လှမ်းတမီနှင့် စာဖတ်သည့်အလေ့အထ စွဲမြဲရရှိပြီး အသိဗဟုသုတများ မြင့်မားတိုးတက်လာအောင် စာကြည့်တိုက်များ ထူထောင်ဖွင့်လှစ်ခဲ့ခြင်းဖြစ်ပါကြောင်း၊ စာပေတွင်ရသစာပေနှင့် သုတစာပေဟူ၍ရှိရာ လူတို့၏နှလုံးသားအာဟာရ၊ ဦးနှောက်အာဟာရတို့ အတွက် စာပေတို့ကိုဖတ်ရှုရန် လိုအပ်ပါကြောင်း၊

မိမိတို့တိုင်းဒေသကြီးအတွင်း ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်/မြို့ နယ်/မြို့ရုံးအဆင့် စာကြည့်တိုက် ၄၅ တိုက်အား ပြန်ကြားရေးနှင့်ပြည်သူ့ဆက်ဆံရေး ဦးစီးဌာန မှတာဝန်ယူဖွင့်လှစ်ပေးလျက်ရှိရာ စာကြည့်တိုက်များမှာလည်း အမြဲသက်ဝင်လှုပ်ရှားလျက်ရှိကြပါကြောင်း၊ ပညာပြည့်ဝနှလုံးလှရန်အတွက် လူတိုင်းမိမိကိုယ်ကိုမြှင့်တင်ရန် မဖြစ်မနေလုပ် ရမည့်အလုပ်ကတော့ စာတတ်သူတိုင်းစာဖတ်ကြရန် လိုအပ်ပါကြောင်း၊ နည်းပညာဖွံ့ဖြိုးတိုး တက်လာသည်နှင့်အမျှ မီဒီယာ၏ပျံ့နှံ့မှုသည် အလွန်လျင်မြန်ပါကြောင်း၊ မီဒီယာသည် လူငယ်၊ လူရွယ်တစ်ယောက် ဘဝလမ်းမှားရောက်ရှိပြီး ဘဝတစ်ခုလုံးပျက်သွားအောင် ဆောင်ရွက်နိုင် သကဲ့သို့ လူငယ်လူရွယ်တစ်ယောက် မှန်မှန်ကန်ကန်နှင့် ဆောင်ရွက်နိုင်ပြီးတိုးတက်အောင် မြှင့်တင်ပေးနိုင်သည့် စွမ်းအားလည်းရှိပါကြောင်း၊ စာတတ်ရုံ၊ အတတ်ပညာပြည့်ဝရုံသာမက စဉ်းစားတွေးခေါ်ဉာဏ်နှင့် အသိပညာပြည့်ဝပြီး ဗလငါးတန်ပြည့်စုံသည့် လူငယ်များပေါ်ထွက် လာစေရေးအတွက် တာဝန်ရှိသူများနှင့်မိဘများ၊ ဆရာ/ဆရာမများက အလေးထားဆောင် ရွက်သွားကြရန် လိုအပ်ပါကြောင်း၊ ကျောင်းစာကြည့်တိုက်များ၊ ရပ်ကွက်/ကျေးရွာ စာကြည့်တိုက်များ ရှေရှည်တည်တံ့ဖွံ့ဖြိုးရေးတို့အား တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက် ပေးသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်နှင့် တိုင်းဒေ သကြီးအစိုးရအဖွဲ့များထံ အလှူရှင်များနှင့် တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများက စာကြည့်တိုက်များ ဖွံ့ဖြိုးတိုးတက်ရေးအတွက် အလှူငွေနှင့်စာအုပ်စာစောင်များအား ပေးအပ်လှူဒါန်းပြီး ဂုဏ်ပြုမှတ်တမ်းလွှာများ ပြန်လည်ပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများမှ “ စာပဒေသာ ဝေဆာမည် ” Video Click အား ကြည့်ရှုအားပေးကာ စုပေါင်းမှတ်တမ်းတင် ဓါတ်ပုံ ရိုက်ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါခန်းမအတွင်း ခင်းကျင်းပြသထားသည့် စာအုပ်ပြပွဲနှင့် နံရံကပ်ဓါတ်ပုံပြဘုတ်များအား ကြည့်ရှုအားပေးခဲ့ ကြောင်း သိရသည်။

အဆိုပါ မြန်မာနိုင်ငံတစ်ဝန်းရှိ စာကြည့်တိုက်များဖွံ့ဖြိုးတိုးတက်ရေးအတွက် အလှူရှင် များနှင့် တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ အလှူငွေကျပ် - ၈၁၂၁၆၁၀၀ ( ကျပ် ရှစ်ရာ့ တစ်ဆယ့်နှစ်သိန်း တစ်သောင်းခြောက်ထောင်တစ်ရာ)နှင့် ၆၈ သိန်း တန်ဖိုးရှိ သုတရသ စာအုပ်ပေါင်း ၂၂၃၀ အုပ်အား ပေးအပ်လှူဒါန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၄-ခုနှစ်၊ အခြေခံ စာတတ်မြောက်ရေးလုပ်ငန်းများဆောင်ရွက်နေသည့် မုံရွာမြို့၊ လယ်တီရပ်ကွက်ရှိ အခြေခံ ပညာအလယ်တန်းကျောင်း(ခွဲ)ရှိ စာသင်ဝိုင်းသို့ရောက်ရှိရာ စာသင်ဝိုင်း ၃ ဝိုင်းတွင် ကြီးကြပ် ၁ ဦး၊ နည်းပြ ၄ ဦးနှင့်စာသင်သား၊ စာသင်သူ ၅၂ ဦးတို့ဖြင့် စာသင်ကြားနေမှုများအားလိုက်လံ ကြည့်ရှုအားပေးပြီး စာသင်သား၊စာသင်သူများအား ရင်းရင်းနှီးနှီးလိုက်လံနှုတ်ဆက်အားပေးကာ တာဝန်ရှိသူများနှင့်အတူ စာသင်သားတစ်ဦးချင်းအတွက် စားသောက်ဖွယ်ရာများ ပေးအပ် ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောင်ချမ်းသာရပ်ကွက်ရှိ အခြေခံပညာမူလတန်းကျောင်းရှိ စာသင်ဝိုင်းသို့ရောက်ရှိရာ စာသင်ဝိုင်း ၃ ဝိုင်းတွင် ကြီးကြပ် ၁ ဦး၊ နည်းပြ ၃ ဦးနှင့် စာသင်သား၊စာသင်သူ ၅၀ ဦးတို့ဖြင့် စာသင်ကြားနေမှုများအား လိုက်လံကြည့်ရှုအားပေးပြီး စာသင်သား၊စာသင်သူများအား ရင်းရင်းနှီးနှီးလိုက်လံနှုတ်ဆက် အားပေးပြီး တာဝန်ရှိသူများနှင့်အတူ စာသင်သားတစ်ဦးချင်းအတွက် စားသောက်ဖွယ်ရာများ ပေးအပ်ခဲ့ကြပြီး စာသင်ဝိုင်းများအတွက် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဧပြီ ၉

စစ်ကိုင်းတိုင်းဒေသကြီး ၁၃၈၅-ခုနှစ်၊ မဟာသင်္ကြန်ပွဲတော် အောင်မြင်စွာကျင်းပရေး (ဒုတိယအကြိမ်)လုပ်ငန်းညှိနှိုင်းအစည်းအဝေးကို ဧပြီလ ၉ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် ကော်မတီဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ မဟာသင်္ကြန်ပွဲတော်အား စည်ကားသိုက်မြိုက်စွာ ကျင်းပနိုင်ရေးအတွက် သက်ဆိုင်ရာကော်မတီများအလိုက် မိမိတို့ တာဝန်ယူဆောင်ရွက်မည့် လုပ်ငန်းများအောင်မြင်အောင် ဆောင်ရွက်နိုင်ရေး ကော်မတီအချင်း ချင်း ပူးပေါင်းဆောင်ရွက်သွားကြရန် လိုအပ်ပါကြောင်း၊ ကော်မတီအဖွဲ့ဝင်အားလုံးအနေဖြင့် သင်္ကြန်ပွဲတော်တွင် လာရောက်ကြမည့် ပြည်သူများအား ပျော်ရွှင်စွာရေကစားနိုင်ရေး၊ သင်္ကြန်ရိုး ရာယိမ်းအကများဖြင့် ဖျော်ဖြေရေး၊ စတုဒီသာကျွေးမွေးရေး၊ ကျန်းမာရေးစောင့်ရှောက်မှုပေးရေးနှင့် လုံခြုံရေးဆိုင်ရာများကို အပြည့်အဝ ဆောင်ရွက်ပေးရန် လိုအပ်ပါကြောင်း၊ မဟာသင်္ကြန်ပွဲတော်အား ဖျော်ဖြေရေးအစီအစဉ်အဖြစ် နိုင်ငံကျော်အဆိုတော်၊ ရုပ်ရှင် သရုပ်ဆောင်များဖြင့် စည်စည်ကားကား ကျင်းပဆောင်ရွက်သွားမည် ဖြစ်ပါကြောင်း၊ မြန်မာနှစ်ဆန်း ၁ ရက်နေ့တွင်လည်း သက်ကြီးပူဇော်ပွဲ၊ ဇီဝိတငါးလွှတ်ပွဲများ နှင့်ပရိတ်ရွတ်ဖတ်ပူဇော် ခြင်းများအား ဆောင်ရွက်သွားမည် ဖြစ်ပါကြောင်းနှင့် ကော်မတီအဖွဲ့ဝင်အားလုံးအနေဖြင့် လုပ်ငန်းများဆောင်ရွက်ရာတွင် လုံခြုံရေးအသိ၊သတိတို့ဖြင့် ဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် ကျင်းပရေးဦးစီးကော်မတီ ဥက္ကဋ္ဌ၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က မြန်မာ့ရိုးရာမဟာသင်္ကြန်ပွဲတော် အောင်မြင်စွာကျင်းပနိုင်ရေးအတွက် လုပ်ငန်းများဆောင်ရွက်နေသည့် အခြေအနေများအား ရှင်းလင်းပြောကြားသည်။

ယင်းနောက် တိုင်းဒေသကြီးအဆင့် ဌာနဆိုင်ရာများမှ မိမိတို့ကော်မတီများအလိုက် တာဝန်ယူဆောင်ရွက်သွားမည့် လုပ်ငန်းအခြေအနေများနှင့် ပတ်သက်၍ အသီးသီး ရှင်းလင်း တင်ပြကြသည်။

ဆက်လက်၍ အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရအဖွဲ့ဝင် များနှင့် တိုင်းဒေသကြီးအဆင့် ဌာနဆိုင်ရာများက မြန်မာ့ရိုးရာယဉ်ကျေးမှု မဟာသင်္ကြန်ပွဲတော် အောင်မြင်စွာကျင်းပနိုင်ရေးအတွက် လိုအပ်သည်များကို အထွေထွေဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားကာ အစည်းအဝေးကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ၁၃၈၅-ခုနှစ်၊ မဟာသင်္ကြန်ပွဲတော် စည်ကားသိုက်မြိုက်စွာ ကျင်းပနိုင်ရန်အတွက် လမ်းလျှောက် သင်္ကြန်ကျင်းပပြုလုပ်မည့် ကန်သာယာကန်အနီး ဗိုလ်ချုပ်လမ်းမကြီးပေါ်၌ ဗဟိုမဏ္ဍပ်၊ ဝန်ကြီး ဌာနမဏ္ဍပ်များနှင့် စတုဒီသာမဏ္ဍပ်များ တည်ဆောက်နေမှုများအား သွားရောက်ကြည့်ရှုစစ်ဆေးပြီး လျှပ်စစ်မီး၊ရေပြတ်လပ်မှုမရှိစေရေး၊ ယာဉ်များ စနစ်တကျထားရှိရေး၊ လာရောက် ရေကစားမည့်သူများ ဘေးအန္တရာယ်ကင်းရှင်းရေးနှင့် အပူဒဏ်ကို ကာကွယ်နိုင်မည့် ရေပန်းများ တပ်ဆင်ရေးတို့အား မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဧပြီ ၈

ပညာရေးဝန်ကြီးဌာနနှင့် စစ်ကိုင်းတိုင်းဒေသကြီး အစိုးရအဖွဲ့တို့ ပူးပေါင်းဆောင်ရွက် သည့် ၂၀၂၄-ခုနှစ်၊ အခြေခံစာတတ်မြောက်ရေးလုပ်ငန်းဖွင့်ပွဲ အခမ်းအနားကို ဧပြီလ ၈ ရက်နေ့၊ မွန်းလွဲပိုင်းတွင် စစ်ကိုင်းတိုင်းဒေသကြီး၊ အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပ ပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူ ကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များ၊ ဆရာ/ဆရာမများနှင့် ကျောင်းသား၊ကျောင်းသူများ၊ သင်တန်းသား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အနေဖြင့် ကျေးလက်ဒေသ နေပြည်သူများနှင့် အစွန်အဖျားဒေသများရှိ ပြည်သူများအားလုံး စာတတ်မြောက်ရေးနှင့် ယနေ့ ခေတ်သည်ပညာခေတ်နှင့်အညီ ကျေးလက်နေပြည်သူများ၊ တိုင်းရင်းသားပြည်သူများ၏ ပညာ ရည်မြင့်မားရေးအား ဦးစားပေးအားပေးဆောင်ရွက်လျက် ရှိပါကြောင်း၊ ဆရာ/ဆရာမများအနေ ဖြင့်လည်း ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာ တက်မြောက်ရေး လုပ်ငန်းများဆောင်ရွက်ရာတွင် ရည်ရွယ်ချက်အတိုင်း အောင်မြင်စေရေး တာ ဝန်ရှိသူအားလုံးမှ ကြိုးပမ်းဆောင်ရွက်သွားကြရန် လိုအပ်ပါကြောင်း၊ စာသင်ဝိုင်းများဖွင့်လှစ်ပြီး ဖြစ်၍ သက်ဆိုင်ရာတာဝန်ရှိသူများမှလည်း စာသင်သား၊သင်ကြားသူနည်းပြကြီးကြပ်များ ပျက် ကွက်မှုမရှိစေရေးနှင့် အဆင်ပြေချောမွေ့စေရေးတို့အား မြေပြင်ကွင်းဆင်းပြီး ကူညီဆောင်ရွက် ပေးသွားကြရန် လိုအပ်ပါကြောင်း၊ တာဝန်ရှိသူများအနေဖြင့်လည်း စာသင်ဝိုင်းများသို့ အခါအားလျော်စွာ သွားရောက်ကြည့် ရှုအားပေးပြီး လိုအပ်ချက်များအား ပေါင်းစပ်ဆောင်ရွက်ပေးခြင်းဖြင့် လုပ်ငန်းများအောင်မြင် အောင်ပူးပေါင်းဆောင်ရွက်သွားကြရန် လိုအပ်ပါကြောင်း၊ စာတတ်မြောက်ခြင်းသည် လူတစ်ဦး တစ်ယောက်၏ ဘဝလူနေထိုင်မှု အဆင့်အတန်းသာမက မိသားစုရပ်ကွက်နှင့် လူ့အဖွဲ့အစည်း ကိုပါ ပြောင်းလဲစေနိုင်သကဲ့သို့ ပညာတတ်များ၊ အသိပညာရှင်၊ အတတ်ပညာရှင်များနှင့်သာ နိုင်ငံတော်ဖွံ့ဖြိုးတိုးတက်အောင် တည်ဆောက်နိုင်မှာ ဖြစ်ပါကြောင်း၊ တိုင်းဒေသကြီးအတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများ၏ စာတတ်မြောက်ရေးလုပ်ငန်း များ၊သင်ကြားရေးအစီအစဉ်များ အဆင်ပြေချောမွေ့စွာဖြင့် အကောင်အထည်ဖော်ဆောင်ရွက် နိုင်ရေးအတွက် ကျရာအခန်းကဏ္ဍကနေ စေတနာထားဆောင်ရွက်သွားကြရန်နှင့် မိမိတို့လုပ် ဆောင်မှုများကြောင့် စာမတတ်သူ တစ်ဦး၊တစ်ယောက်၊တစ်ဖွဲ့ စာတတ်သွားမည်ဆိုပါက ပညာ ဒါနအနေဖြင့် တန်းဖိုးကြီးမား၍ ကုသိုလ်စိတ်မွေးကာ ကြိုးပမ်းဆောင်ရွက်သွားကြရန် လိုအပ်ပါ ကြောင်း တိုက်တွန်းပြောကြားခဲ့သည်။

ယင်းနောက် မုံရွာမြို့၊ အမှတ်(၃)အခြေခံ ပညာအထက်တန်းကျောင်းမှ ကျောင်းသား/ ကျောင်းသူများက “၀ ထ က လ သ”တေးသီချင်းဖြင့် သီဆိုကပြဖျော်ဖြေကြပြီး အာရှနှင့် ပစိဖိတ်ဒေသယဉ်ကျေးမှုဆိုင်ရာ ယူနက်စကိုအဖွဲ့ရုံး၏ ပူးပေါင်းမှုဖြင့် ပညာရေးဝန်ကြီးဌာန မြန်မာနိုင်ငံပညာရေးသုတေသနအဖွဲ့မှ ဘာသာပြန်ဆိုထုတ်လုပ်ထားသည့် Video Click အား ကြည့်ရှုကာ စုပေါင်းမှတ်တမ်းတင် ဓါတ်ပုံရိုက်ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်တာဝန်ရှိသူများက အခမ်းအနားသို့ တက် ရောက်လာကြသည့် ဆရာ/ဆရာမများ၊ သင်တန်းသား၊သင်တန်းသူများအား ရင်းရင်းနှီးနှီးလိုက် လံနှုတ်ဆက်အားပေးကာ အခမ်းအနားကိုရုပ်သိမ်းခဲ့သည်။

စစ်ကိုင်းတိုင်းဒေသကြီးအနေဖြင့် အခြေခံစာတက်မြောက်ရေး သင်တန်းဖွင့်လှစ်မှု အနေ ဖြင့် နည်းပြ ၇၂၅ ဦး၊ ကြီးကြပ် ၁၅၅ ဦး၊ စာသင်ဝိုင်း ၅၂၄ ဝိုင်း၊ စာသင်သား ကျား ၃၅၈၂ ဦးနှင့် မ ၄၉၂၈ ဦး စုစုပေါင်း ၈၅၁၀ ဦးဖြင့် ဖွင့်လှစ်သင်ကြားဆောင်ရွက်သွား မည်ဖြစ်သည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါနံနက်ပိုင်းတွင် ရွှေဘိုခရိုင်စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ခရိုင်/မြို့နယ်အဆင့် ဌာနဆိုင်ရာများ နှင့်တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ခရိုင်/မြို့နယ်အဆင့်ဌာနဆိုင်ရာ ဝန်ထမ်းများအနေဖြင့် နိုင်ငံတော်၏ကျေးဇူးသစ္စာကို စောင့်သိရိုသေပြီး မိမိတို့အားပေးအပ်ထား သည့် လုပ်ငန်းတာဝန်များအား ကျေပွန်စွာထမ်းဆောင်သွားကြရန် လိုအပ်ပါကြောင်း၊ လုပ်ငန်းများဆောင်ရွက်ရာတွင် ဌာနဆိုင်ရာအချင်းချင်းပူးပေါင်းဆောင်ရွက်ပြီး အသိ၊သတိတို့ဖြင့် သွား လာနေထိုင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌမှ ခရိုင်အတွင်းရှိ မြို့နယ်များ၏ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ MSMEs လုပ်ငန်းများဆောင်ရွက်နေမှုများနှင့် ပတ်သက်၍ Power Point ဖြင့် ရှင်းလင်းတင်ပြသည်။

ဆက်လက်ပြီး တွေ့ဆုံပွဲအခမ်းအနားသို့ တက်ရောက်လာကြသည့် ခရိုင်အဆင့်ဌာနဆိုင် ရာများက မိမိတို့ဌာနများအလိုက် ဆောင်ရွက်နေမှုလုပ်ငန်းများနှင့် ဆက်လက်ဆောင် ရွက်သွား မည့် လုပ်ငန်းအခြေအနေများအား အသီးသီး ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌ များထံ ဌာနဆိုင်ရာဝန်ထမ်းများအတွက် ထောက်ပံ့ငွေများပေးအပ်ပြီး နိဂုံးချုပ်စကား ပြောကြား ကာ တွေ့ဆုံပွဲအခမ်းအနားကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၆

မုံရွာမြို့ရှိ ရပ်ကွက်နေပြည်သူများနှင့် ခရီးသွားပြည်သူများ စိတ်အေးချမ်းသာစွာဖြင့် နေထိုင်သွားလာနိုင်စေရေး၊ မြို့တွင်းရှိကားလမ်းများ သန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များ ခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေရေး၊ လမ်းဘေးဝဲ/ယာရှိလျှပ်စစ်ကြိုးများနှင့် ဆက်သွယ်ရေးကြိုးများ စနစ်တကျရှိစေရေးတို့အတွက် ဧပြီလ ၆ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အိုးဘိုတောင်ရပ်ကွက်၊ ကုတင် ၂၀၀ ဆံ့၊ သားဖွားမီးယပ်နှင့်ကလေးဆေးရုံကြီးမှ အောင်မင်္ဂလာ အဝိုင်းထိ ဗိုလ်ချုပ်လမ်းမကြီးတစ်လျှောက် လမ်းဘေးဝဲ/ယာအား မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့များ၊ လူမူရေးအသင်း အဖွဲ့များနှင့် ရပ်ကွက်နေပြည်သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက လိုက်လံ ကြည့်ရှုအားပေးပြီး ကုတင် ၂၀၀ ဆံ့၊ သားဖွားမီးယပ်နှင့်ကလေးဆေးရုံကြီးမှ ဆေးရုံအုပ်ကြီး၊ ဆရာဝန်များ၊ သူနာပြုများနှင့် ဆေးရုံဝန်ထမ်းများအား ရင်းရင်းနှီးနှီးနှုတ်ဆက်ကာ စုပေါင်း သန့်ရှင်းရေးလုပ်ငန်းများ ဆောင်ရွက်နေသူများနှင့် ရပ်ကွက်နေပြည်သူများအား တိုင်းဒေသကြီး စည်ပင်သာယာရေးအဖွဲ့နှင့် ဆီကုန်သည်များအသင်းတို့မှ တန်ဖိုးသင့်စားသောက်ကုန်များ၊ ဟင်း သီးဟင်းရွက်များနှင့် စားသုံးဆီများအား ဈေးနှုန်းချိုသာစွာဖြင့် ရောင်းချပေးခဲ့ပြီး စုပေါင်းသန့် ရှင်းရေးလုပ်ငန်းများ ဆောင်ရွက်နေကြသူများအား စားသောက်ဖွယ်ရာများဖြင့် ဧည့်ခံကျွေးမွေး ခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၃ မြို့နယ်တို့တွင် မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာ ဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား၁၂၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။