မုံရွာ၊ မတ် ၃၀

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၃/၂၀၂၄) အစည်းအဝေးကို ယမန်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဋ္ဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့်အဖွဲ့ဝင်များ၊ ဟိုတယ်/တည်းခို ရိပ်သာလုပ်ငန်းရှင်များ တက်ရောက်ကြသည်။

ဦးစွာ ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး၏ ခရီးသွားလုပ်ငန်း ဖွံ့ဖြိုးတိုးတက်ရေးအတွက် ကော်မ တီဝင်ဌာနဆိုင်ရာများ၊ ပုဂ္ဂလိကလုပ်ငန်းရှင်များနှင့် အခုလိုလစဉ်အစည်းအဝေးများ ပြုလုပ်ရ ခြင်းဖြစ်ပါကြောင်း၊ တိုင်းဒေသကြီး၏ ခရီးသွားလုပ်ငန်းများအား လေ့လာသုံးသပ် ကြည့်သည့် အခါ စစ်ကိုင်းခရီးသွားဇုန်သည် ပြည်တွင်းခရီးသွားနှင့် နိုင်ငံခြားသားပြည်ပဧည့်သည်များပါ အဆက်မပြတ် ဝင်ရောက်သည်ကို တွေ့ရှိရသည့်အတွက် အဆင်ပြေအချော မွေ့ဆုံးအအောင် မြင်ဆုံး ခရီးသွားဇုန်တစ်ခု ဖြစ်ပါကြောင်း၊ စစ်ကိုင်းမြို့ပေါ်ရှိ လိုင်စင်ရရှိပြီး ဟိုတယ်၊တည်းခို ရိပ်သာများအားလုံး ဖွင့်လှစ်ထားနိုင်သကဲ့သို့ လုပ်ငန်းလိုင်စင်အသစ်အ တွက်လျှောက်ထားလာ သည်ကိုလည်း တွေ့ရပါကြောင်း၊ လျှောက်ထားလာသည့် လိုင်စင်များအတွက် လိုအပ်ချက်များ အား လွယ်ကူချောမောအောင် ဟိုတယ်ခရီးနှင့်ထောက်ခံရမည့် ဌာနဆိုင်ရာများအနေဖြင့် အမြန် ကူညီဆောင်ရွက်ပေးသွားကြရန် လိုအပ်ပါကြောင်း၊ မိမိတို့ တိုင်းဒေသကြီးအနေဖြင့်လည်း ဟိုတယ်၊တည်းခိုရိပ်သာများ၏ ဝန်ဆောင်မှု ကောင်းမွန်ရေး၊ ခရီးစဉ်ဒေသအလိုက် လိုအပ်ချက်များအား ဖြည့်ဆည်းပေးကာ ရေရှည်တည် တံ့သည့် ခရီးသွားလုပ်ငန်းများ ဖြစ်စေရေးအတွက် အကောင်အထည်ဖော် ဆောင် ရွက်ပေး လျက်ရှိပါကြောင်း၊ တိုင်းဒေသကြီးအတွင်းရှိ ဘုရားဖူးခရီးသွားလုပ်ငန်း၊ ယဉ်ကျေးမှုအခြေခံ ခရီး သွားလုပ်ငန်း၊ သဘာဝအခြေခံခရီးသွားလုပ်ငန်းများနှင့် အခြားခရီးသွားလုပ် ငန်းအမျိုးအစား များစွာ ဖော်ဆောင်နိုင်သည်ကို တွေ့ရှိရပါကြောင်း၊ ပြည်တွင်းခရီးသွား ဖွံ့ဖြိုးတိုးတက်ရေး
အတွက် အားထည့်ဆောင်ရွက်နေသကဲ့သို့ ပြည်ပခရီးသွားဧည့်သည်များ ပိုမိုလာရောက်လည် ပတ်ရေးအတွက်လည်း ဈေးကွက်မြှင့်တင်ကြော်ငြာခြင်း လုပ်ငန်းများအား အွန်လိုင်းမီဒီယာများ မှတစ်ဆင့် ကျယ်ပြန့်စွာဆောင်ရွက်ကြရမှာ ဖြစ်ပါကြောင်း၊ တိုင်းဒေသကြီးအတွင်း ခရီးသွား လုပ်ငန်းဖွံ့ဖြိုးတိုးတက်ရေး ခရီးသွားပြည်သူများ စိတ်အေးချမ်းသာစွာ တည်းခိုနေထိုင်ရေးတို့ အတွက် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ များမှလုပ်ငန်းရှင်များက ဝိုင်းဝန်းပူးပေါင်း ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဋ္ဌ၊ တိုင်းဒေသကြီး စီးပွားရေးရာ ဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်း ကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၂/၂၀၂၄ ကြိမ်မြောက် အစည်းအဝေးဆုံးဖြတ်ချက်များအပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည် ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွား လုပ်ငန်းဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်းကျင်များတွင် သန့်ရှင်းသာယာလှပရေး လုပ်ငန်းများဆောင်ရွက်နေမှု၊ လမ်းပန်း ဆက်သွယ်ရေး၊ လုံခြုံရေး အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဋ္ဌ၊ တိုင်းဒေသကြီး ဝန်ကြီးချုပ်က အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ မတ် ၂၈

(၇၉)နှစ်မြောက်၊ တပ်မတော်နေ့အထိမ်းအမှတ် စစ်ကိုင်းတိုင်းဒေသကြီးအတွင်း အဓိက သီးနှံများပန်းတိုင်အထွက်နှုန်းရရှိရေး ဆွေးနွေးပွဲနှင့် ပြပွဲအခမ်းအနားကို မတ်လ ၂၇ ရက်၊ နံနက် ပိုင်းတွင် မုံရွာမြို့၊ စစ်ကိုင်းတိုင်းဒေသကြီး စိုက်ပျိုးရေးဦးစီးဌာနရုံး သင်တန်းခန်းမတွင် ကျင်းပ ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဒေသခံတောင်သူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီးသည် ရေသယံဇာတ၊ မြေသယံဇာတ ပေါကြွယ်ဝပြီး လယ်ယာကဏ္ဍ ဖွံ့ဖြိုးတိုးတက်မှုအတွက် အခြေခံကောင်းများ တည်ရှိနေသည့် တိုင်းဒေသကြီးတစ်ခုဖြစ်ပြီး ပြည်နယ်နှင့် တိုင်းအားလုံး တွင် ဒုတိယအကျယ်ဆုံး တိုင်းဒေသကြီး ဖြစ်ပါကြောင်း၊ လယ်ယာစိုက်ပျိုးရေးကဏ္ဍ အနေဖြင့် လည်း သီးနှံမျိုးစုံဖြစ်ထွန်းရာ တိုင်းဒေသကြီးတစ်ခုဖြစ်တာကြောင့် စိုက်ပျိုးရေးကဏ္ဍတွင် လည်း အားထားရသည့် တိုင်းဒေသကြီး ဖြစ်ပါကြောင်း၊ တိုင်းဒေသကြီးအတွင်း အဓိကစိုက်ပျိုး ထုတ်လုပ်လျှက်ရှိသည့် စပါး၊ ပဲမျိုးစုံနှင့် ဆီထွက်သီးနှံများ၏ စိုက်ပျိုးထုတ်လုပ်မှု တိုးတက်ရေး ကြိုးစားဆောင် ရွက်နေသကဲ့သို့ မြန်မာနိုင်ငံ၏ အဓိကသီးနှံ(၁၀)မျိုးတွင် ပါဝင်သည့် ဝါသီးနှံ စိုက်ပျိုးထုတ်လုပ်မှု တိုးတက်မြင့်မားရေးကိုလည်း အလေးထား ဆောင်ရွက်လျက် ရှိပါကြောင်း၊ မိမိတို့ တိုင်းဒေသကြီးအစိုးရအဖွဲ့ အနေဖြင့်လည်း သီးနှံမျိုးစုံစိုက်ပျိုးနိုင်ရေးအတွက် ရေလိုအပ်ချက်အား လုံလောက်စွာ ဖြည့်ဆည်းပေးနိုင်ရေး ဆည်မြောင်းတာတမံများ တည် ဆောက်ပေးခြင်း၊ ယခင်သမားရိုးကျ စိုက်ပျိုးနေသည့် လက်မှုလယ်ယာစနစ်မှ စက်မှုလယ်ယာ စနစ်ပြောင်းလဲနိုင်ရေး ခေတ်မီစက်ကိရိယာများ ဖြည့်ဆည်းဆောင်ရွက်ပေးခြင်း၊ သီးနှံအလိုက် မျိုးကောင်း၊မျိုးသန့်များ အသုံးပြုစိုက်ပျိုး နိုင်ရေးအထွက်နှုန်းကောင်းမွန်သည့် မျိုးများဖြန့် ဖြူးခြင်း၊ တောင်သူများလိုအပ်သည့် စိုက်ပျိုးရေးသွင်းအားစုများ လွယ်ကူစွာရရှိသုံးစွဲနိုင်ရေး ကူညီပေးခြင်း၊ ယခင်တစ်သီးစား မှသည် ယခုအခါနှစ်သီးစား၊ သုံးသီးစားအထိ စိုက်ပျိုးနိုင်ရေး ဆောင်ရွက်ပေးခြင်းစသည့် ကဏ္ဍများကိုလည်း စွမ်းအားရှိသ၍ ဖြည့်ဆည်း ဆောင်ရွက်ပေး လျက်ရှိပါကြောင်း၊ တိုင်းဒေသကြီး၏ စိုက်ပျိုးရေးစွမ်းအားမြှင့်တင်ရေးနှင့် စားရေရိက္ခာဖူလုံရေး အတွက် သီးနှံများပန်းတိုင်အထွက်နှုန်းရရှိရေး၊ စိုက်ဧကလျာထားချက်များ ပြည့်မီရေးအတွက် တက်ရောက်လာသည့်ဌာနများမှ ဟန်ချက်ညီညီဝိုင်းဝန်းပူးပေါင်း ကူညီဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးက အဓိကသီးနှံ များပန်းတိုင်အထွက်နှုန်းရရှိရေး ဆွေးနွေးပွဲ၊ ပြပွဲအခမ်းအနား ကျင်းပရခြင်းနှင့် ပတ်သက်၍ လည်းကောင်း၊ တိုင်းဒေသကြီး စက်မှုလယ်ယာဦးစီးဌာန၊ ညွှန်ကြားရေးမှူးက Drum Seeder များ ထောက်ပံ့ပေးအပ်ရခြင်းအား လည်းကောင်း၊ တိုင်းဒေသကြီး စားသုံးသူရေးရာဦးစီးဌာနမှ ဒုတိယညွှန်ကြားရေးမှူးက မြန်မာ့ဆန်ပို့ကုန်ပိုမိုတိုးမြှင့် တင်ပို့နိုင်ရေးအား လည်းကောင်း၊ ကော လင်းခရိုင်၊ စိုက်ပျိုရေးဦးစီးမှူးက ဆီထွက်သီးနှံ ပန်းတိုင်အထွက်နှုန်းရရှိရေးအား လည်းကောင်း၊ စိုက်ပျိုးရေးပညာရှင် ဦးအေးပိုက ပဲမျိုးစုံပန်းတိုင်အထွက်နှုန်းရရှိရေး အခြေခံလိုအပ်ချက်များ အားလည်းကောင်း၊ တိုင်းဒေသကြီး စိုက်ပျိုရေးဦးစီးဌာနမှ လက်ထောက်ညွှန်ကြားရေးမှူးက တောင်သူနည်းပြပညာပေးမှုမြှင့်တင်ရေး မီဒီယာ၏အခန်းကဏ္ဍအား လည်းကောင်း အသီးသီး ရှင်းလင်း ဆွေးနွေးပြောကြားခဲ့ပြီး အခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်း ကျင်းပပြုလုပ်သော မုံရွာခရိုင်နှင့် ယင်းမာပင်ခရိုင်သို့ Drum Seeder များ ထောက်ပံ့ပေး အပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က မုံရွာမြို့နယ်၊ စိုက်ပျိုးရေးဦးစီးမှူးထံ Drum Seeder ၄၀ လက်အား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးမှ ဘုတလင် မြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး စီးပွားရေးရာဝန်ကြီးက အရာတော်မြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက် အားလည်းကောင်း၊ တိုင်းဒေသကြီး သယံဇာတရေးရာဝန်ကြီးက ချောင်းဦးမြို့နယ်၊ စိုက်ပျိုးရေး ဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး လမ်းပန်းဆက်သွယ် ရေးဝန်ကြီးက ယင်းမာပင်မြို့နယ်၊ စိုက်ပျိုးရေးဦးစီးမှူးထံ Drum Seeder ၄၀ လက်အား လည်းကောင်း၊ တိုင်းဒေသကြီး လူမှုရေးရာဝန်ကြီးက ပုလဲမြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး ဉပဒေချုပ်က ဆားလင်းကြီး မြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက်အား လည်းကောင်း၊ တိုင်းဒေသကြီး အစိုးရအဖွဲ့ အတွင်းရေးမှူးက ကနီမြို့နယ်၊ စိုက်ပျိုးရေးဦးစီးမှူးထံ Drum Seeder ၂၀ လက် အားလည်းကောင်း အသီးသီး ထောက်ပံ့ပေးအပ်ခဲ့ကြပြီး တိုင်းဒေသကြီးတစ်ခုလုံးအနေဖြင့် Drum Seeder အလက် ၂၀၀၀ (နှစ်ထောင်)ထောက်ပံ့ပေးအပ်သွားမည် ဖြစ်သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကြက်သွန်နီအထူး ဇုန်နှင့် စံပြစိုက်ခင်းစိုက်ပျိုးတောင်သူများအား ပံ့ပိုးပစ္စည်းပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက ဒေသခံ တောင်များထံ ရွက်ဖျန်းမြေဩဇာ၊ ဝါမျိုးစေ့၊ နေကြာမျိုးစေ့များ ထောက်ပံ့ပေးအပ်ခဲ့ကြပြီး ဒေသ ခံတောင်သူများအား ရင်းရင်းနှီးနှီးလိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၊ ဆည်မြောင်းနှင့်ရေအသုံးချမှုစီမံခန့်ခြွရေးဦးစီးဌာန ပြခန်း၊ မွေးမြူရေးနှင့်ကုသရေးဦးစီးဌာန ပြခန်း၊ ငါးလုပ်ငန်းဦးစီးဌာန ပြခန်းများ၊ တိုင်းဒေသကြီး စက်မှု လယ်ယာဦးစီးဌာနမှ လက်တွန်းထွန်စက်၊ လက်တွန်းမြေဖွစက်များနှင့် မြေလွှာမဲ့စိုက်ပျိုးနည်း စနစ် (Hydroponic)၊ ပျိုးဥယျာဉ် (Nursery Farm)၊ဟင်းသီးဟင်းရွက်၊ သစ်သီးဝလံနှင့် စားဖို ဆောင်သီးနှံများ စိုက်ပျိုးထားရှိမှုများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၂၆

စစ်ကိုင်းတိုင်းဒေသကြီး၊ စစ်ကိုင်းခရိုင်အတွင်းရှိ မြို့နယ်များသို့ လက်ဆွဲမျိုးစေ့ချကိရိယာ (Drum Seeder) ပေးအပ်ပွဲအခမ်းအနားကို မတ်လ ၂၅ ရက်နေ့၊ နံနက်ပိုင်းတွင် စစ်ကိုင်းမြို့၊ ခရိုင်စိုက်ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများနှင့် ဒေသခံတောင်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတိုင်းဒေသကြီးအနေဖြင့် နှစ်စဉ် မိုးစပါးဧက ၁၈ သိန်းကျော်နှင့် နွေစပါးဧက ၂ သိန်းကျော် စိုက်ပျိုးနေသည့် တိုင်းဒေသကြီး တစ်ခုဖြစ်ပါကြောင်း၊ စပါးပန်းတိုင်အထွက်နှုန်း တစ်ဧတင်း(၁၀၀) ထွက်ရှိရေးအတွက် မျိုး ကောင်းမျိုးသန့်များသုံးစွဲသွားကြရန် လိုအပ်သကဲ့သို့ စိုက်ပျိုးနည်းစနစ် မှန်ကန်မှုသည်လည်း အဓိကအရေးကြီးသည့် အချက်တစ်ခုဖြစ်ပါကြောင်း၊ ပန်းတိုင်အထွက်နှုန်းအား လျော့ကျစေမည့် တိုက် ရိုက်အစေ့ချစိုက်ပျိုးခြင်းနှင့် ကြဲပက်စိုက်ပျိုးခြင်းများထက် လက်ဆွဲမျိုးစေ့ချကိရိယာ Drum Seeder များအား အသုံးပြုစိုက်ပျိုးနိုင်ရန်အတွက် မိမိတို့တိုင်းဒေသကြီးအစိုးရအဖွဲ့မှ ယခုလို ထောက်ပံ့ပေးအပ်ခြင်း ဖြစ်ပါကြောင်း၊လက်ဆွဲမျိုးစေ့ချကိရိယာများအား အသုံးပြုစိုက်ပျိုးခြင်းဖြင့် မျိုးစေ့ကုန်ကျမှုသက်သာ ခြင်း၊ အချိန်ကုန်သက်သာခြင်း၊ လုပ်ငန်းပြီးစီးမှုမြန်ဆန်လာမှာဖြစ်ပြီး စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးအတွက် တာဝန်ရှိသူအားလုံးအနေဖြင့် စည်းလုံးညီညွတ်စွာဖြင့် မိမိ ကောင်းကျိုး၊ ရပ်ရွာကောင်းကျိုး၊ ဒေသကောင်းကျိုးများအတွက် ပူးပေါင်းဆောင်ရွက်သွားကြ ရန်လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စက်မှု လယ်ယာဦးစီးဌာနမှ ညွှန်ကြားရေးမှူးက စစ်ကိုင်း ခရိုင်အတွင်းရှိ မြို့နယ်များသို့ လက်ဆွဲမျိုးစေ့ချကိရိယာ(Drum Seeder)ပေးအပ်ရခြင်းနှင့် ပတ်သက်၍ လည်းကောင်း၊ စစ်ကိုင်းခရိုင်စီမံအုပ်ချုပ်ရေးအဖွဲ့ ဥက္ကဋ္ဌက ခရိုင်အတွင်းဆောင်ရွက်နေသည့်လုပ်ငန်းများနှင့် ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်က စစ်ကိုင်းမြို့နယ်၊ စိုက်ပျိုးရေးဦးစီးမှူးထံ လက်ဆွဲမျိုးစေ့ချကိရိယာ (Drum Seeder)အား လည်းကောင်း၊ တိုင်းဒေသကြီး လူမှုရေးရာဝန် ကြီးက မြင်းမူမြို့နယ်၊ စိုက်ပျိုးရေးဦးစီးမှူးထံ လက်ဆွဲမျိုးစေ့ချကိရိယာ (Drum Seeder)အား လည်းကောင်း၊ တိုင်းဒေသကြီး လမ်းပန်ဆက်သွယ်ရေးဝန်ကြီးက မြောင်မြို့နယ်၊ စိုက်ပျိုးရေးဦး စီးမှူးထံ လက်ဆွဲမျိုးစေ့ချကိရိယာ (Drum Seeder)အားလည်းကောင်း အသီးသီး ထောက်ပံ့ ပေးအပ်ကြသည်။

ထို့နောက် ဒေသခံတောင်သူများကိုယ်စား တောင်သူတစ်ဦးမှ ကျေးဇူးတင်စကား ပြန်လည်ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ကာ အခမ်းအနားကို ရုပ်သိမ်းခဲ့ကြ သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှုဇုန်ရှိ Blue Bird သံနှင့်ပလပ်စတစ် လူသုံးကုန်ပစ္စည်းအမျိုးမျိုး ထုတ်လုပ်ရေးစက်ရုံသို့ ရောက်ရှိရာ စက်ရုံတာဝန်ခံမှ စက်ရုံအတွင်း လူသုံးကုန်သံပစ္စည်း ၁၆ မျိုးကျော်နှင့် ပလပ်စတစ်ပစ္စည်းမျိုးစုံ ၂၀၀ ကျော် ထုတ်လုပ်နေမှုများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ထုတ်ကုန်ပစ္စည်းများ အရည်အသွေးပြည့်မီပြီး ပြည်သူများ ဈေးနှုန်းသင့်တင့်စွာဖြင့် ဝယ်ယူအသုံး ပြုနိုင်ရေး၊ မီးဘေးအန္တရာယ် ကြိုတင်ကာကွယ်ရေး၊ လုပ်ငန်းခွင်အန္တရာယ်ကင်းရှင်းရေးတို့အား အလေးထားဆောင်ရွက်သွားကြရန် မှာကြားခဲ့ပြီး သံနှင့်ပလပ်စတစ် လူသုံးကုန်ပစ္စည်းအမျိုးမျိုး ထုတ်ကုန်များ ခင်းကျင်းပြသထားရှိမှုများအား ကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကောင်းကြိုက် အဆင့် မြင့် ကြက်ဥဂျူံခေါက်ဆွဲ စက်ရုံသို့ရောက်ရှိရာ စက်ရုံတာဝန်ခံမှ ဂျူံခေါက်ဆွဲ ထုတ်လုပ်နေမှုများ နှင့် ထုပ်ပိုးနေမှုများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ ကြောင်း သိရသည်။

မုံရွာ၊ မတ် ၂၄

စစ်ကိုင်းတိုင်းဒေသကြီး၊ ၂၀၂၄-ခုနှစ်၊ သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်ချီးမြှင့်အပ်နှင်းပွဲ မင်္ဂလာအခမ်းအနားကို မတ်လ ၂၄ ရက်နေ့၊ မွန်းလွဲပိုင်းတွင် စစ်ကိုင်းမြို့၊ စစ်ကိုင်းတောင်ရိုး၊ ဆွမ်းဦးပုညရှင်သာသနာ့ဗိမာန်တော်၌ ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ ပင့်သံဃာဆရာတော်ကြီးများ၊ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက နမောတဿ ၃ ကြိမ်ရွတ်ဆိုဘုရားကန့်တော့၍ အခမ်းအနားအား ဖွင့်လှစ်ကြပြီး တိုင်းဒေသကြီး သာသနာရေးမှူးမှ အခမ်းအနားဖွင့်စာတမ်းအား ဖတ်ကြားလျှောက်ထားသည်။

ယင်းနောက် နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာ တော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိတ်သတ်များက ငါးပါးသီလ ခံယူဆောက်တည်ကြသည်။

ဆက်လက်ပြီး မဟာဂန္ထဝါစကပဏ္ဍိတဘွဲ့ဆိပ်တော်ရ စစ်ကိုင်းမြို့၊ မင်းကွန်းတောင်ရိုး၊ နဂါးပတ်တောင်ကျောင်းတိုက်၊ ဘဒ္ဒန္တတိသာသန ဆရာတော်မှ သမ္မောဒနီယ ဩဝါကထာမြွတ် ကြားချီးမြင့်တော်မူပြီး တိုင်းဒေသကြီး ဝန်ကြီးချုပ် ဦးမြတ်ကျော်က သာသနာရေးဆိုင်ရာများ လျှောက်ထားသည်။

ထို့နောက် ဘွဲ့တံဆိပ်တော်ရ ဆရာတော်ကြီးများ၊ သီလရှင်ဆရာကြီးများနှင့် လူပုဂ္ဂိုလ် တို့အား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် တိုင်းဒေ သကြီးအဆင့် ဌာနဆိုင်ရာများက လှူဖွယ်ပစ္စည်းများနှင့် ဘွဲ့တံဆိပ်တော်များအား အသီးသီး ဆက်ကပ်ချီးမြှင့်အပ်နှင်းခဲ့ကြပြီး အခမ်းအနားသို့ တက်ရောက်လာသည့် အကြည်ညိုခံဆရာတော်ကြီးများအား တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ လှူဖွယ်ပစ္စည်းများ ဆက်ကပ် လှူဒါန်းကြသည်။

ဆက်လက်ပြီး နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိတ်သတ်များက အနုမောဒနာတရားနာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ “ ဗုဒ္ဓသာသနံ စိရံ တိဌတု ”သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းသည်။

ယင်းနောက် ဘွဲ့တံဆိပ်တော်ရ ဆရာတော်ကြီးများနှင့် သီလရှင်ဆရာကြီးများအား တိုင်း ဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖ များနှင့် အလှူရှင်များက ဆွမ်းဆန်စိမ်းများ လောင်းလှူခဲ့ကြသည်။

အဆိုပါ ၂၀၂၄-ခုနှစ်၊ သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်ချီးမြှင့်အပ် နှင်းပွဲ မင်္ဂလာအခမ်းအနားတွင် ဘွဲ့တံဆိပ်တော်ရ ဆရာတော် ၁၉ ပါး၊ ဘွဲ့တံဆိပ်တော်ရ သီလရှင်ဆရာကြီး ၈ ပါးနှင့် လူပုဂ္ဂိုလ် အမျိုးသမီး ၁ ဦးတို့အား ဆက်ကပ်ချီးမြှင့်အပ်နှင်းခဲ့ကြောင်း သိရသည်။

မုံရွာ၊ မတ် ၂၃

စစ်ကိုင်းမြို့၊ စစ်ကိုင်းတောင်ရိုးရှိ ဆရာတော်၊သံဃာတော်များ စိတ်အေးချမ်းသာစွာဖြင့် တရားဘာဝနာပွားများနိုင်ရေးနှင့် နေထိုင်သွားလာမှု အဆင်ပြေစေရေး၊ ကျောင်းတိုက်ကြီး အတွင်းရှိ လမ်းများသန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်း လင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေရေးတို့ အတွက် မတ်လ ၂၃ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်း တောင်ရိုး သီတဂူဝိပဿ နာအကယ်ဒမီကျောင်းတိုက်အတွင်း တပ်မတော်သားများ၊ မြန်မာနိုင်ငံ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင် သာယာရေးအဖွဲ့များ နှင့် လူမူရေးအသင်းအဖွဲ့များ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံ ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများအား ရင်းရင်းနှီးနှီး နှုတ်ဆက်ခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၁ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြသည်။

မုံရွာ၊ မတ် ၂၃

စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဓတက္ကသိုလ်များ ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ကြီးမှူး၍ စစ်ကိုင်းတောင်ရိုးရှိ သံဃာအပါး ၁၀၀၀ ဆွမ်းဆန်စိမ်းလောင်းလှူပွဲ မင်္ဂလာအခမ်းအနားကို မတ်လ ၂၃ ရက်နေ့၊ နံနက်ပိုင်းတွင် စစ်ကိုင်းမြို့၊ စစ်ကိုင်းတောင်ရိုး၊ သီတဂူဝိပဿနာအကယ်ဒမီကျောင်းတိုက်ကြီးအတွင်း ကျင်းပရာ ဆွမ်းဆန်စိမ်းလောင်းလှူပွဲသို့ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ၊ ပင့်သံဃာဆရာတော်/သံဃာတော်များ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ ဆရာတော်/သံဃာတော်များအား တိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ၊ မြို့မိ မြို့ဖများနှင့် အလှူရှင်များက ဝတ္ထုငွေနှင့်ဆွမ်းဆန်စိမ်းများ လောင်းလှူကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ဆွမ်းဆန်စိမ်းများ လောင်းလှူနေမှုများအား ကြည့်ရှုအားပေးခဲ့ကြသည်။

ယင်းနောက် အဆိုပါကျောင်းတိုက်ကြီးအတွင်းရှိ သီတဂူသံဝေဇနိယဓမ္မဗိမာန်တော်ကြီး ၌ စစ်ကိုင်းတောင်ရိုးရှိ သံဃာအပါး ၁၀၀၀ ဆွမ်းဆန်စိမ်းလောင်းလှူပွဲ ရေစက်ချမင်္ဂလာ အခမ်းအနားကိုကျင်းပရာ သီတဂူဆရာတော်ကြီး ဒေါက်တာဘဒ္ဒန္တဉာဏိဿရ၊ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နမောတဿ ၃ ကြိမ်ရွတ်ဆိုဘုရားကန့်တော့၍ အခမ်း အနားအား ဖွင့်လှစ်ကြသည်။

ထို့နောက် နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိတ်သတ်များက ငါးပါးသီလ ခံယူဆောက်တည်ကြသည်။

ဆက်လက်၍ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တ ဉာဏိဿရ ဆရာတော်ကြီးမှ ဩဝါဒကထာမိန့်ကြားချီးမြင့်တော်မှုပြီး ဆရာတော်ကြီးထံ တိုင်း ဒေသကြီး ဝန်ကြီးချုပ်နှင့် အလှူရှင်များက ဒါတပ္ပဝတ္ထုအစုစုတို့အား ဆက်ကပ်လှူဒါန်းခဲ့ကြ သည်။

ယင်းနောက် သီတဂူဆရာတော်ကြီးမှ မေတ္တာပို့အမျှဝေးကာ အခမ်းအနားကို ရုပ်သိမ်းခဲ့ ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့နယ်၊ စစ်ကိုင်းတောင်ရိုးရှိ ကျောင်းတိုက်များ၊ ချောင်များ၊ သီလရှင်ကျောင်းများနှင့် ပြည်သူများ သန့်ရှင်းသောသောက်သုံးရေကို ရာသီမရွေး ဧရာဝတီမြစ်မှရရှိရေးအတွက် မြစ်အတွင်း၌ အလျား- ၂၈၅၀ မီတာ၊ အကျယ်- ၃၅ မီတာ၊ အနက် ၂.၅ မီတာ ရေကြောင်းရရှိရန် ဆောင်ရွက်နေသည့် သောင်တူး၍ရေလမ်းဖောက်ခြင်းလုပ်ငန်းခွင်သို့ ရောက်ရှိရာ တိုင်းဒေသ ကြီးရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူးမှ လုပ်ငန်းများဆောင်ရွက် ပြီးစီးမှုများ အား Power Point ဖြင့် ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ဧရာဝတီမြစ်အတွင်း အလျား- ၂၈၀၀ မီတာ၊ အကျယ် ၃၅ မီတာ၊ အနက် ၂.၅ မီတာ သောင်တူး၍ ရေလမ်းဖောက်ခြင်း လုပ်ငန်းများဆောင်ရွက်ပြီးစီးမှုအား ရေလမ်းကြောင်းတစ်လျောက်အားရေယာဉ်ဖြင့် လိုက်လံ ကြည့်ရှုစစ်ဆေးခဲ့ကြောင်း သိရသည်။