မုံရွာ၊ မတ် ၈

စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး၊ ဆွမ်းဦးပုညရှင်စေတီ တော်မြတ်ကြီး လုံးတော်ပြည့် ရွှေသင်္ကန်းကပ်လှူခြင်း အောင်ပွဲမင်္ဂလာနှင့် ဗုဒ္ဓါဘိသေ ကအနေကဇာတင် မင်္ဂလာအခမ်းအနားကို မတ်လ ၈ ရက်၊ နံနက်ပိုင်းတွင် အဆိုပါစေတီ တော်ကြီးရင်ပြင်တွင် ကျင်းပရာ အခမ်းအနားသို့ နိုင်ငံတော်ဩဝါဒါစရိယ၊ အဘိဓဇမဟာ ရဌဂုရု၊ အဘိဓဇအဂ္ဂမဟာသဒ္ဓမ္မဇောတိက၊ သောဠသမရွှေကျင်သာသနာပိုင်၊ သီတဂူ ကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာ ဘဒ္ဒန္တဉာဏိဿရ ဆရာတော်ကြီးနှင့်ပင့်သံဃာဆရာတော်ကြီးများ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ နိုင်ငံတော်ဩဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိ ဆရာတော် ဒေါက်တာ ဘဒ္ဒန္တဉာဏိဿရ ဆရာတော်ကြီးနှင့် ပင့်သံဃာဆရာတော်ကြီး များက ဆွမ်းဦးပုညရှင်စေတီတော်မြတ်ကြီးအား ဗုဒ္ဓါဘိသေက အနေကဇာတင်၍ ဗုဒ္ဓါဘိသိက် သွန်းလောင်းကြသည်။

ယင်းနောက် နိုင်ငံတော်ဩဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာ သဒ္ဓမ္မဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာ ဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီလခံယူဆောက်တည်ကြသည်။

ဆက်လက်၍ ပင့်သံဃာဆရာတော်ကြီးများမှ ရွတ်ပွားသရဇ္ဇျယ်ချီးမြင့်တော်သည့် ပရိတ်တရားတော်များအား နာယူကြည်ညိုကြပြီး ပင့်သံဃာဆရာတော်ကြီးများအား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြ သည်။

ထို့နောက် နိုင်ငံတော်ဩဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိ ဆရာတော် ဒေါက်တာ ဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ် နှင့်ဧည့်ပရိသတ်များက အနုမောဒနာတရား နာယူကြည်ညိုကာ လှူဒါန်းမှုအစုစုတို့ အတွက် ရေစက်သွန်းချအမျှပေးဝေကြပြီး “ဗုဒ္ဓသာသနံ စိရံ တိဌတု”သုံးကြိမ်ရွတ်ဆို ဆု တောင်းကာ အခမ်းအနားကို ရုပ်သိမ်းခဲ့ကြသည်။

ဆက်လက်ပြီး ပင့်သံဃာဆရာတော်ကြီးများအား တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့်ဌာနဆိုင်ရာများက နေ့ဆွမ်းများ ဆက်ကပ်လှူဒါန်းကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာကြသည့် ဧည့်ပရိသတ်များအား ထမင်း/ဟင်းနှင့် သစ်သီးပွဲများ ဧည့်ခံ ကျွေးမွေးနေမှုများအား လိုက်လံကြည့်ရှုခဲ့ကြပြီး စေတီတော်ကြီးအား လက်ယာရစ်တစ် ပတ်ဖူးမျှော်ကြည်ညိုခဲ့ကြောင်း သိရသည်။

မုံရွာ၊ မတ် ၈

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ ဖွင့်လှစ်သည့် အခြေခံစာကြည့်တိုက် ပညာသင်တန်း(၁/၂၀၂၅) ဖွင့်ပွဲအခမ်းအနားကို ယမန်နေ့၊ မွန်းလွဲပိုင်းက စစ်ကိုင်းခရိုင်၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာန Community Centre ခန်းမတွင်ကျင်း ပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်း ပြများနှင့် သင်တန်းသား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စာကြည့်တိုက်တစ်တိုက် ဖွင့်လှစ်ထူထောင်ရန်အတွက် လုပ်ဆောင်ရသည့် လုပ်ငန်းစဉ်များသည် များပြားသိမ် မွေ့ပြီးအခက်အခဲများရှိသကဲ့သို့ ဖွင့်လှစ်ပြီးစာကြည့်တိုက်များ ရေရှည်တည်တံ့ခိုင်မြဲ အောင်လုပ်ဆောင်ရခြင်းမှလည်း ပိုမိုခက်ခဲလှပါကြောင်း၊ အချိန်ကာလရှည်လျားစွာ ဆောင်ရွက်ရသည့် လုပ်ငန်းဖြစ်ပြီး ပါဝင်ပူးပေါင်းဆောင်ရွက်သူများ၏ စည်းလုံးညီ ညွတ်မှု၊ စိတ်အားထက်သန်မှု၊ တက်ကြွမှုများကလည်း အရေးကြီးပါကြောင်း၊ စာကြည့် တိုက်များ ရေရှည်တည်တံ့ခိုင်မြဲအောင် ဆောင်ရွက်ရန်အတွက် ဒေသဆိုင်ရာအာဏာပိုင် များ၏အား၊ စာကြည့်တိုက်ကော်မတီဝင်များ၏အား၊ အစိုးရမဟုတ်သောအဖွဲ့အစည်းများ ၏အားနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဝန်ထမ်းများ၏အားဆိုသည့် အားလေးအားကလည်း အဓိကကျသလို ဗဟုသုတများစွာပေးစွမ်းနိုင်သည့် စာကြည့် တိုက်များ စနစ်တကျလည်ပတ်ရန်အတွက် စာကြည့်တိုက်မှူးများသည် အရေးပါလှပါ ကြောင်း၊ တာဝန်ရှိသူများအနေဖြင့် စာကြည့်တိုက်များ ဖွံ့ဖြိုးတိုးတက်လာအောင် ပူး ပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်ကအခြေခံ စာကြည့်တိုက်ပညာ သင် တန်းအတွက် ငွေကျပ် ၃၇၅၀၀၀ (သုံးသိန်းခုနှစ်သောင်းငါးထောင်)ကျပ်အား တိုင်းဒေသ ကြီးပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူးထံ ပေးအပ်ချီးမြှင့် သည်။

ထို့နောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူး ဦးဆန်းဝင်းက အခြေခံစာကြည့်တိုက်ပညာသင်တန်း ဖွင့်လှစ်ရခြင်း နှင့်ပတ်သက်၍ ရှင်းလင်းပြောကြား သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/ သူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ သင်တန်းသား/သူများအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးရှိ စာ ကြည့်တိုက်အတွင်း စာအုပ်/စာစောင်များ စနစ်တကျသိမ်းဆည်းထားရှိမှုနှင့် ကလေးစာ ဖတ်ခန်းအတွင်း ဒေသခံပြည်သူများနှင့် ကလေးသူငယ်များ စာပေဖတ်ရှုလေ့လာနေမှု များအား လိုက်လံကြည့်ရှုခဲ့ကြပြီး တာဝန်ရှိသူများနှင့် ကလေးငယ်များ အမှတ်တရလက် ဆောင်ပစ္စည်းများ ပေးအပ်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းခရိုင် စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် စစ်ကိုင်းခရိုင်အဆင့် ဌာနဆိုင်ရာများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌနှင့် ခရိုင်အဆင့်ဌာနဆိုင်ရာများက စစ်ကိုင်းခရိုင်အတွင်းရှိ မြို့နယ်များအတွင်း လုံခြုံတည်ငြိမ်ရေး လုပ်ငန်းများဆောင်ရွက် နေမှုနှင့် ပညာရေး၊ ကျန်းမာရေး၊ စိုက်ပျိုးရေး၊ မွေမြူရေး၊ ဒေသဖွံ့ဖြိုးရေးလုပ်ငန်းများ ဆောင်ရွက်နေမှု အခြေအနေများအား ရှင်းလင်းတင်ပြကြသည်။

ဆက်လက်၍ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင် ရာများနှင့် ခရိုင်စီမံအုပ်ချုပ်ရေးအဖွဲ့ အဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက် ၍ ရှင်းလင်းပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က စစ်ကိုင်းခရိုင်အတွင်း လုံခြုံတည်ငြိမ် ရေး၊တရားဉပဒေစိုးမိုးရေး၊ ဒေသဖွံ့ဖြိုးရေး၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူ ရေးလုပ်ငန်းများနှင့် MSMEs လုပ်ငန်းများဆောင်ရွက်ပေးနေမှု အခြေအနေများအား ရှင်း လင်းပြောကြားခဲ့ကြောင်း သိရသည်။

မုံရွာ၊ မတ် ၆

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် တိုင်းဒေသကြီး ပြန်ကြား ရေးနှင့်ပြည်သူ့ဆက်ဆံရေးဦးစီးဌာနမှ ဖွင့်လှစ်သည့် အခြေခံစာကြည့်တိုက်ပညာ သင် တန်း(၁/၂၀၂၅)ဖွင့်ပွဲအခမ်းအနားကို မတ်လ ၆ ရက်၊ နံနက်ပိုင်းတွင် မုံရွာခရိုင် ပြန်ကြား ရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာန Community Centre ခန်းမတွင်ကျင်းပရာ သင်တန်းဖွင့်ပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသား သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စာကြည့်တိုက်ဆိုသည် အကြောင်းအရာပေါင်းများစွာ၊ ပညာရပ်ပေါင်းများစွာပါရှိသည့် စာအုပ်စာစောင်များ၊ သတင်းစာ၊ ဂျာနယ်၊ မဂ္ဂဇင်းတို့သာမက စာအုပ်မဟုတ်သည့် အခြားလေ့လာစရာများအား စနစ်တကျစုစည်းထားရှိသည့် နေရာတစ်ခုဖြစ်ပါကြောင်း၊ စာကြည့်တိုက်များ ရေရှည် တည်တံ့ခိုင်မြဲအောင် ဆောင်ရွက်ရန်အတွက် ဒေသဆိုင်ရာအာဏာပိုင်များ၏အား၊ စာကြည့်တိုက်ကော်မတီဝင်များ၏အား၊ အစိုးရမဟုတ်သည့် အဖွဲ့အစည်းများ၏အားနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဝန်ထမ်းများ၏အားဆိုသည့် အားလေး အားသည်လည်း အဓိကကျသကဲ့သို့ ဗဟုသုတများစွာ ပေးစွမ်းနိုင်သည့် စာကြည့်တိုက် များစနစ်တကျ လည်ပတ်နိုင်ရန်အတွက် စာကြည့်တိုက်မှူးများသည် အရေးကြီးပါ ကြောင်း၊ မိမိတို့တိုင်းဒေသကြီးအတွင်း ၂၀၂၅-ခုနှစ်၊ ပထမဆုံးအကြိမ်အဖြစ် အခြေခံစာ ကြည့်တိုက်ပညာသင်တန်းဖွင့်ပွဲအား မုံရွာမြို့တွင်ကျင်းပနေခြင်းဖြစ်ပြီး စစ်ကိုင်း၊ ရွှေဘို၊ ကန့်ဘလူ၊ ကသာ၊ ကလေး၊ ခန္တီးမြို့နှင့် ဟုမ္မလင်းမြို့များတွင်လည်း ဖွင့်လှစ်သွားမည်ဖြစ်ပါကြောင်း၊ အခြေခံစာကြည့်တိုက်ပညာသင်တန်းသို့ တက်ရောက်ကြမည့် ဌာန၊ ကျောင်း၊ ရပ်ကွက်နှင့်ကျေးရွာ စာကြည့်တိုက်မှူးများသည်စာကြည့်တိုက် ၏ အဓိကအခန်းကဏ္ဍ ကနေဆောင်ရွက်ရမည့်သူများ ဖြစ်သည့်အတွက် သင်တန်းမှသင်ကြားပို့ချမည့် ဘာသာ ရပ်များအား စိတ်ပါဝင်စားစွာ သင်ယူမှတ်သားသွားကြရန်နှင့် မိမိတို့စာကြည့်တိုက်များ အတွက် လက်တွေ့အသုံးချသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က တိုင်းဒေသကြီးအတွင်း ဖွင့်လှစ်မည့် အခြေခံစာကြည့်တိုက်ပညာ သင် တန်းများ အတွက် ငွေကျပ်- ၃၃၆၂၅၀၀ (သုံးဆယ့်သုံးသိန်း ခြောက်သောင်း နှစ်ထောင့်ငါးရာ ) အား တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေး မှူးထံ ပေးအပ်ချီးမြှင့်သည်။

ထို့နောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူး ဦးဆန်းဝင်းက အခြေခံစာကြည့်တိုက်ပညာသင်တန်း ဖွင့်လှစ်ရခြင်း နှင့်ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/ သူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ သင်တန်းသား/သူများအား ရင်း ရင်းနှီးနှီးလိုက်လံ နှုတ်ဆက်ခဲ့ကြသည်။

အဆိုပါ အခြေခံစာကြည့်တိုက်ပညာ သင်တန်း (၁/၂၀၂၅)သို့ ဌာနဆိုင်ရာ၊ ကျောင်း၊ ရပ်ကွက်/ကျေးရွာ စာကြည့်တိုက်မှူး ၂၀ ဦး တက်ရောက်သွားမည်ဖြစ်ပြီး မတ်လ ၆ ရက် နေ့မှ ၁၀ ရက်နေ့အထိ သင်တန်းကာလ ၅ ရက်ကြာ စာတွေ့လက် တွေ့သင်ကြား ပို့ချပေးသွားမည် ဖြစ်သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့ပေါ်ရှိ အမှတ်(၂) အခြေခံပညာအထက်တန်းကျောင်းနှင့် အမှတ်(၃) အခြေခံပညာအထက်တန်း ကျောင်းတို့ရှိ သတ်မှတ်ကျောင်းဆောင်များတွင် Grade-5 သိပ္ပံဘာသာရပ်၊ Grade-9 ပထဝီဘာသာရပ်အား ကျောင်းသား၊ကျောင်းသူများ စိတ်အေးချမ်းသာစွာဖြင့် စာမေးပွဲ
ဖြေဆိုနေမှုများအား သွားရောက်ကြည့်ရှုခဲ့ကြပြီး စာမေးပွဲများဖြေဆိုနေချိန် ကာ လအတွင်း လျှပ်စစ်မီးပြတ်တောက်မှုမရှိစေရေး၊ ပတ်ဝန်းကျင်ဆူညံမှုမရှိစေရေး၊ အဖြေ လွှာများစနစ်တကျသိမ်းဆည်းရေး၊ ကျောင်းသား၊ကျောင်းသူများအတွက် ကျန်းမာရေး စောင့်ရှောက်မှုများပေးထားရေး၊ မီးဘေးအန္တရာယ်ကြိုတင်ကာကွယ်ရေးနှင့် လုံခြုံရေး အသိ၊သတိတို့ဖြင့် လုပ်ငန်းများဆောင်ရွက်သွားရေးတို့အား တာဝန်ရှိသူများအား မှာကြား ကာလိုအပ်သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ ကြောင်း သိရသည်။

မုံရွာ၊ မတ် ၅

စစ်ကိုင်းတိုင်းဒေသကြီးအစိုးရအဖွဲ့ ဒေသတည်ငြိမ်အေးချမ်းရေးနှင့် အကောင် အထည်ဖော် ဆောင် ရွက် နေသည့်လုပ်ငန်းများ အောင်မြင်အောင်ဆောင်ရွက်ရေး ညှိနှိုင်း အစည်းအဝေး အမှတ်စဉ်(၂/၂၀၂၅)ကို မတ်လ ၅ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်နှင့်ယင်းမာပင်ခရိုင် စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကန့်ဘလူခရိုင်၊ ခန္တီး ခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လုံခြုံရေး၊ ဒေသတည်ငြိမ် အေးချမ်းရေးနှင့် တရားဉပဒေစိုးမိုးရေးသည် အများပြည်သူများ၏အခြေခံ လူ့အခွင့် အရေးများအား ကာကွယ်ခြင်းနှင့် ဖွံ့ဖြိုးတိုးတက်မှုရရှိစေရန် အရေးပါသည့် အချက်များ ဖြစ်ပါကြောင်း၊ မိမိတို့နေထိုင်သည့် အရပ်ဒေသများတွင် လုံခြုံမှုရှိမှသာ ကျန်းမာရေး၊ စီးပွားရေး၊ လူမှုရေး၊ ပညာရေး၊ လမ်းပန်းဆက်သွယ်ရေးစသည့် လုပ်ငန်းများကိုလည်း ပိုမိုတိုးတက်ကောင်း မွန် လာနိုင်မည် ဖြစ်ပါကြောင်း၊ ၂၀၂၄-၂၀၂၅ ပညာသင်နှစ်၊ တက္ကသိုလ် ဝင်စာမေးပွဲဖြေဆိုမည့် ကျောင်းသား/သူများအား သက်ဆိုင်ရာဌာနဆိုင်ရာများမှ အနီး ကပ်ကြီးကြပ် ဆောင်ရွက်သွားကြရန်နှင့် အောင်ချက်မြင့်မားရေးကိုလည်း အလေးထား ဆောင်ရွက်သွားကြရန် လိုအပ်ပါကြောင်း၊ ၂၀၂၄-၂၀၂၅ ဘဏ္ဍာရေးနှစ်၊ ယခုအချိန်အခါ သည် နွေစပါးစိုက်ပျိုးရာသီဖြစ်သည့်အတွက် ပန်းတိုင်အထွက်နှုန်းရရှိစေရေး၊ ဒေသနှင့် ကိုက်ညီသည့် ဈေးကွက်ဝင် အထွက်နှုန်းကောင်းသည့်မျိုးများ ပြောင်းလဲသုံးစွဲရေး၊ စိုက်နည်းစနစ်မှန်ကန်စေရေး၊ ပိုးမွှားရောဂါကြိုတင်ကာကွယ်နိုင်စေရေး၊ သဘာဝမြေဩ ဇာအသုံးပြုမှုမှန်ကန်စေရေး၊ ရိတ်သိမ်းချိန်လွန် အလေအလွင့်မရှိစေရေး၊ သိုလှောင်ထားချိန်တွင်မျိုးရောစပ်မှု မရှိစေရေးတို့အား တာဝန်ရှိသူများမှ အလေးထားကြပ်မတ် ဆောင် ရွက်သွားကြရန် လိုအပ်ပါကြောင်း၊ ကုန်ဆုံးတော့မည်ဖြစ်ပါ၍ အကောင်အထည်ဖော် ဆောင် ရွက်လျက်ရှိသည့် လုပ်ငန်းများအား သက်မှတ်အရည်အသွေးများနှင့် စံချိန်စံညွှန်းမီစွာဖြင့် အမြန်ဆုံးပြီးစီးအောင် တာဝန်ရှိသူများမှ မြေပြင်အထိကွင်းဆင်းကာ စိစစ်ကြပ် မတ်ဆောင်ရွက်သွားကြရန် လိုအပ်ပါကြောင်း၊ အခွန်ကောက်ခံနေသည့် ဌာနများအနေ ဖြင့်မိမိတို့အားပေးအပ်ထားသည့် ကောက်ခံရန်လျာထားချက် အခွန်အခများနှင့်ချေးငွေများအား ပြည့်မီကျော်လွန်အောင် ကောက်ခံသွားကြရန်နှင့် လုပ်ငန်းများအပေါ် စေတနာ ထားကာ ဌာနဆိုင်ရာအချင်းချင်း ပူးပေါင်းဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/မြို့နယ်များအတွင်း မိမိတို့ဌာနများအလိုက် အကောင်အထည် ဖော် ဆောင်ရွက်နေ သည့်လုံခြုံရေး၊ အုပ်ချုပ်ရေးနှင့်စီမံရေးဆိုင်ရာများ၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး၊ ဒေသဖွံ့ဖြိုးရေး၊ မြို့သန့်ရှင်းသာယာလှပရေးနှင့် မြို့ နယ်များအတွင်း အခြေခံစားသောက်ကုန်များ ရောင်းချပေးနေမှု၊ နိုင်ငံ့စီးပွားမြှင့်တင်ရေး ရန်ပုံငွေဖြင့် စိုက်ပျိုးရေး၊ မွေးမြူရေး၊ MSMEs လုပ်ငန်းများဆောင်ရွက်နေမှု၊ အထွေထွေရွေးကောက်ပွဲကြီး အောင်မြင်စွာကျင်းပနိုင်ရေး လုပ်ငန်းများဆောင်ရွက်နေမှု အခြေ အနေများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ် ရေးအဖွဲ့ ဥက္ကဌများက Video Conferencing စနစ်ဖြင့် လည်းကောင်း၊ မုံရွာခရိုင် စီမံအုပ် ချုပ်ရေးအဖွဲ့ ဥက္ကဌက မိမိတို့ခရိုင်များအတွင်းရှိမြို့နယ်များ၏ ဒေသတည်ငြိမ်အေးချမ်း ရေးနှင့် အကောင်အထည်ဖော် ဆောင် ရွက်နေသည့်လုပ်ငန်းများ အောင်မြင်အောင်ဆောင် ရွက်နေမှု လုပ်ငန်းအခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက် လာသူများက တိုင်းဒေသကြီးအတွင်း ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင်ရွက်နေသည့်လုပ်ငန်းများ အောင်မြင်အောင်ဆောင်ရွက်နေမှု လုပ်ငန်းအခြေ အနေများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်အမှာစကားပြော ကြားခဲ့ကြောင်း သိရသည်။

မုံရွာ၊ မတ် ၅

မြန်မာနိုင်ငံအမျိုးသမီးရေးရာအဖွဲ့ချုပ်၏ ၂၀၂၄ခုနှစ်အတွက် (၂၁)ကြိမ်မြောက်နှစ်ပတ်လည်အစည်းအဝေး ထပ်ဆင့်ရှင်းလင်းပွဲ အခမ်းအနား ကို ယနေ့ နံနက် (၉)နာရီက စစ်ကိုင်းတိုင်းဒေသကြီးအစိုးရအဖွဲ့ရုံး၊ ချင်းတွင်းခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီး အမျိုး သမီးရေးရာအဖွဲ့၊ နာယက ဒေါ်မြင့်မြင့်အောင်၊ စစ်ကိုင်းတိုင်းဒေသကြီးအမျိုးသမီးရေးရာအဖွဲ့၊ ဥက္ကဋ္ဌ နှင့်အတွင်းရေးမှူး၊ တိုင်း/ခရိုင်/မြိုနယ် အမျိုးသမီးရေးရာအဖွဲ့ ဥက္ကဌများနှင့်အဖွဲ့ဝင်များ တက်ရောက်ကြသည်။

ဦးစွာ အခမ်းအနားတွင် စစ်ကိုင်းတိုင်းဒေသကြီးအမျိုးသမီးရေးရာအဖွဲ့၊ နာယက က တိုင်းဒေသကြီး အတွင်း အမျိုးသမီးရေးရာအဖွဲ့ လုပ်ငန်းများ (၁)နှစ်တာလုပ်ငန်းဆောင်ရွက်ချက်များနဲ့ အားသာချက် ၊ အားနည်းချက်များကို သုံးသပ်ပြီး အောင်မြင်အောင် ကြိုးစားဆောင်ရွက်သွားကြရန် နှင့် “အမျိုး သမီးများဘဝဖွံ့ဖြိုးဖို့ ဝိုင်းဝန်းကြိုးပမ်းဆောင်ရွက်ကြပါစို့”ဆိုတဲ့ ဆောင်ပုဒ်အတိုင်း အမျိုးသမီးများရဲ့ဘဝဖွံ့ဖြိုးတိုးတက်ရေး လုပ်ငန်းများကို ကျရာကဏ္ဍအသီးသီးမှဆက်လက်ပူးပေါင်း ဆောင်ရွက်သွားကြဖို့ တိုက်တွန်းပြောကြားခဲ့သည်။

ဆက်လက်ပြီး စစ်ကိုင်းတိုင်းဒေသကြီးအမျိုးသမီးရေးရာအဖွဲ့ ဥက္ကဋ္ဌ က မြန်မာနိုင်ငံအမျိုးသမီးရေးရာအဖွဲ့ချုပ်၏ (၂၁)ကြိမ်မြောက် နှစ်ပတ်လည် အစည်းအဝေးအတွေ့အကြုံနှင့် တိုင်း/ခရိုင်/မြိုနယ် အမျိုးသမီးရေးရာအဖွဲ့များ၏ ၂ဝ၂၄ ခုနှစ်အတွင်း လုပ်ငန်းဆောင်ရွက်ချက်များကိုလည်းကောင်း၊ စစ်ကိုင်းတိုင်းဒေသကြီးအမျိုးသမီးရေးရာအဖွဲ့၊ အတွင်းရေးမှူးက၂၀၂၅ ခုနှစ်အတွက် ဆောင်ရွက်ရမည့် ရှေ့လုပ်ငန်းစဉ် (၉)ရပ်အားလည်းကောင်း အသီးသီး ဖတ်ကြား ရှင်းလင်းခဲ့သည်။

ထို့နောက် စစ်ကိုင်းတိုင်းဒေသကြီးအမျိုးသမီးရေးရာအဖွဲ့ နာယက ဒေါ်မြင့်မြင့်အောင်နှင့် အဖွဲ့က တိုင်းဒေသကြီး အတွင်းရှိ ခရိုင်အလိုက် အမျိုးသမီးရေးရာအဖွဲ့များ၏ လုပ်ငန်းများလှုပ်ရှားဆောင်ရွက် ခဲ့မှုတို့နှင့်ပတ်သက်၍ ပညာရေးလုပ်ငန်းဆောင်ရွက်မှု ၊ ကျန်းမာရေးလုပ်ငန်းဆောင်ရွက်မှု ၊ ဥပဒေရေးရာလုပ်ငန်းဆောင်ရွက်မှု၊ ဝင်ငွေတိုးသင်တန်းဖွင့်လှစ်မှု စသည့် ဂုဏ်ပြုဆုများကို အသီးသီးပေးအပ်ချီးမြှင့်ခဲ့ကြပြီးနောက် အမှတ်တရစုပေါင်းမှတ်တမ်းတင်ဓာတ်ပုံရိုက်ကူးကာ အခမ်းအနားကို ရုပ်သိမ်းလိုက်ကြောင်းသိရသည်။

အဆိုပါ အခမ်းအနားအပြီးတွင် တိုင်းဒေသကြီး အတွင်း ခရိုင်အလိုက် အမျိုးသမီးရေးရာအဖွဲ့များ၏ ပြည်သူ့အကျိုးပြု ဆောင်ရွက်ခဲ့မှု မှတ်တမ်းဓါတ်ပုံပြဘုတ်များ နှင့် တိုင်းဒေသကြီးပြည်သူ့ကျန်းမာရေးဦးစီးဌာနက ကိုဗစ်-၁၉ ရောဂါကာကွယ်ဆေး ထပ်ဆောင်းထိုးနှံပေး‌နေ မှု တို့အား တက်ရောက်လာကြသူများက ကြည့်ရှုအားပေးခဲ့ကြောင်း သိရသည်။

မုံရွာ၊ မတ် ၃

စစ်ကိုင်းတိုင်းဒေသကြီး၊ မုံရွာမြို့၌ ၁၃၈၆-ခုနှစ်၊ ၂၀၂၅-ခုနှစ်၊ မြန်မာ့ရိုးရာ မဟာ သင်္ကြန်ပွဲတော် စည်ကားသိုက်မြိုက်စွာ ကျင်းပနိုင်ရေးလုပ်ငန်းညှိနှိုင်း အစည်းအဝေးကို မတ်လ ၃ ရက်၊ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်း အဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသ ကြီးအစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် မုံရွာခရိုင်/မြို့နယ် စီမံ အုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ မြန်မာရိုးရာ မဟာ သင်္ကြန်ပွဲတော်အား စည်းကားသိုက်မြိုက်စွာ ကျင်းပနိုင်ရေးအတွက် သက်ဆိုင်ရာကော်မ တီများဖွဲ့စည်းတာဝန်ပေးထားပြီး ဖြစ်ပါကြောင်း၊ တာဝန်ရှိသူအားလုံးအနေဖြင့် ယခင်နှစ် များမှအတွေ့အကြုံများ၏ အားသာချက်၊ အားနည်းချက်များအား သင်ခန်းစာရယူကာ လုပ်ငန်းများအား ပူးပေါင်းဆောင်ရွက်သွားကြရန် လိုအပ်ပါကြောင်း၊ ကော်မတီအဖွဲ့ အသီးသီးမှတာဝန်ရှိသူများအနေဖြင့် မိမိတို့တာဝန်ယူဆောင်ရွက်သွားမည့် လုပ်ငန်းများ အပေါ်စေတနာပြည့်ဝစွာဖြင့် ဆောင်ရွက်သွားကြရန် လိုအပ်ပါကြောင်း၊ မြန်မာနှစ်ဆန်း ၁ ရက်နေ့တွင်လည်း သက်ကြီးပူဇော်ပွဲ၊ ဇီဝိတငါးလွှတ်ပွဲများ ဆောင်ရွက်သွားနိုင်ရေး တာ ဝန်ရှိသူများမှ ကြိုတင်စီမံဆောင်ရွက်ထားကြရန် လိုအပ်ပါကြောင်းနှင့် မိမိတို့တိုင်းဒေသ ကြီးအစိုးရအဖွဲ့အနေဖြင့်လည်း လိုအပ်သည်များကို ဖြည့်ဆည်းပေါင်းစပ် ပံ့ပိုးပေးသွား မည်ဖြစ်ပါကြောင်း ပြောကြားသည်။

ယင်းနောက် ကျင်းပရေးဦးစီးကော်မတီ ဥက္ကဌ၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က မြန်မာ့ရိုးရာမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေးအတွက် လုပ်ငန်းများဆောင်ရွက်သွားမည့် အခြေအနေများအား ရှင်းလင်းပြောကြား သည်။

ယင်းနောက် အခမ်းအနားပြင်ဆင်ရေး လုပ်ငန်းကော်မတီ အတွင်းရေးမှူး တိုင်းဒေ သကြီး လမ်းဦးစီးဌာနမှ လည်းကောင်း၊ အခမ်းအနားပြင်ဆင်ရေး လုပ်ငန်းကော်မတီ အဖွဲ့ဝင် တိုင်းဒေသကြီး စည်ပင်သာယာရေးအဖွဲ့မှ လည်းကောင်း၊ ရိုးရာယဉ်ကျေးမှုထိန်း သိမ်းရေး၊ အကဲဖြတ်ရေးနှင့် ဆုချီးမြှင့်ရေးလုပ်ငန်းကော်မတီ၊ စတုဒီသာများကျွေးမွေးရေး ကော်မတီ အတွင်းရေးမှူး တိုင်းဒေသကြီး ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ လည်းကောင်း၊ ဖိတ်ကြား/ကြိုဆိုနေရာချထားရေး၊ ဧည့်ခံကျွေးမွေးရေးနှင့် ဗဟိုမဏ္ဍပ် ကြီးကြပ်ရေးလုပ်ငန်း ကော်မတီ အတွင်းရေးမှူး မုံရွာခရိုင်စီမံအုပ်ချုပ်ရေးအဖွဲ့မှ လည်း ကောင်း၊ ပို့ဆောင်ရေးလုပ်ငန်းကော်မတီ ဉက္ကဌ၊ တိုင်းဒေသကြီး ပို့ဆောင် ရွက်ဆက်သွယ် ရေးဦးစီးဌာနမှ လည်းကောင်း၊ ဘဏ္ဍရေးနှင့်ငွေ စာရင်းထိန်းသိမ်းရေးကော်မတီ အတွင်း ရေးမှူး တိုင်းဒေသကြီး အခွန်ဦးစီးဌာနမှ လည်းကောင်း၊ လူမူရေးနှင့်သာသနာရေးဆိုင် ရာကော်မတီ အတွင်းရေးမှူး တိုင်းဒေသကြီး သာသနာရေးဦးစီးဌာနမှ လည်းကောင်း၊ ပြန်ကြားရေးနှင့်သတင်းထုတ်ပြန်ရေး လုပ်ငန်းကော်မတီ ဉက္ကဌ၊ တိုင်းဒေသကြီး ပြန် ကြားရေးနှင့် ပြည်သူ့ဆက်ဆံရေးဦးစီးဌာနမှ လည်းကောင်း၊ ကျန်းမာရေးလုပ်ငန်းကော် မတီ၊ ဉက္ကဌ တိုင်းဒေသကြီး ပြည်သူ့ကျန်းမာရေးဦးစီးဌာနတို့မှ လည်းကောင်း၊ လုံခြုံ ရေးနှင့်စည်းကမ်းထိန်းသိမ်းရေး လုပ်ငန်းကော်မတီ အတွင်းရေးမှူး တိုင်းဒေသကြီး ရဲတပ်ဖွဲ့မှူးမှ လည်းကောင်း မိမိတို့ကော်မတီများအလိုက် လုပ်ငန်းများဆောင်ရွက်သွား မည့်အခြေအနေများနှင့် ပတ်သက်၍ ဆွေးနွေးတင်ပြကြသည်။

ဆက်လက်၍ အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက မြန်မာ့ရိုးရာ မဟာသင်္ကြန်ပွဲ တော်စည်ကားသိုက်မြိုက်စွာ ကျင်းပနိုင်ရေးအတွက် လိုအပ်သည်များကို အကြံပြုဆွေး နွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူ များ၏ အသီးသီးဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။