မုံရွာ၊ ဧပြီ ၁၁

စစ်ကိုင်းတိုင်းဒေသကြီး ၂၀၂၅-၂၀၂၆ ဘဏ္ဍာရေးနှစ်၊ ဒေသန္တရစီမံကိန်းရည်မှန်း ချက်တာဝန်ပေးအပ်ပွဲ အခမ်းအနားကို ဧပြီလ ၁၁ ရက်၊ နံနက်ပိုင်းက မုံရွာမြို့၊ တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပြုလုပ်ရာ အခမ်းအနားသို့ တိုင်းဒေ သကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် မုံရွာခရိုင် စီမံအုပ်ချုပ်ရေး အဖွဲ့ဉက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရ ဒေသ၊ ကလေးခရိုင်၊ ကသာခရိုင်၊ ကန့်ဘလူခရိုင်၊ ကောလင်းခရိုင်၊ ခန္တီးခရိုင်၊ စစ်ကိုင်း ခရိုင်၊ ရွှေဘိုခရိုင်၊ မော်လိုက်ခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အဖွဲ့အနေဖြင့် တိုင်းဒေသကြီးအတွင်း လူမှုစီးပွားဘဝများ ဘက်စုံဖွံ့ဖြိုးတိုးတက်ရေး အတွက် တိုင်းဒေသကြီးအတွင်းရှိ သဘာဝအရင်းအမြစ်များ၊ လူသားအရင်းအမြစ်များ အားအခြေခံလျက် နိုင်ငံတော်နှင့် ပုဂ္ဂလိက ဘဏ္ဍာအရင်းအမြစ်များဖြင့် ပေါင်းစပ်ကာ ထွန်းအားပေး အကောင်အထည်ဖော် ဆောင်ရွက်လျက် ရှိပါကြောင်း၊ တိုင်းဒေသကြီး အဆင့်ဌာနဆိုင်ရာများနှင့် ခရိုင်စီမံအုပ်ချုပ်ရေးအဖွဲ့ ဉက္ကဌများအနေဖြင့်လည်း နိုင်ငံပိုင် အခန်းငွေလုံးငွေရင်း အသုံးစရိတ်ဖြင့် ဆောင်ရွက်မည့် လုပ်ငန်းစီမံကိန်းများအား အရည်အသွေးပြည့်မီစွာဖြင့် အချိန်မီပြိးစီးအောင် ကြပ်မတ်ဆောင်ရွက်သွားကြရန်နှင့် ကဏ္ဍနှင့်ဒေသအလိုက် လျာထားသည့် ဂျီဒီပီ တိုးတက်မှုနှင့် ရည်မှန်းချက်များအား ပြည့် မီကျော်လွန်အောင် စွမ်းစွမ်းတမံ ကြိုးပမ်းဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး စီမံကိန်းဦးစီးဌာနရုံးမှ ညွှန်ကြားရေးမှူး ဦးဝင်းလိူင် က ၂၀၂၅-၂၀၂၆ ဘဏ္ဍာရေးနှစ်၊ ဒေသန္တရစီမံကိန်းရည်မှန်းချက်များနှင့် ပတ်သက်၍ Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီး ဝန်ကြီးချုပ်က လယ်ယာကဏ္ဍကြီးစီမံကိန်း တာဝန် အား တိုင်းဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး စိုက်ပျိုးရေးဦးစီး ဌာန ညွှန်ကြားရေးမှူးထံသို့ လည်းကောင်း၊ စက်မှုကဏ္ဍကြီးစီမံကိန်းတာဝန်အား တိုင်း ဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး လျှပ်စစ်ဓါတ်အားဖြန့်ဖြူးရေး လုပ်ငန်း ဒုတိယတိုင်းဒေသကြီး ဦးစီးမှူးထံသို့ လည်းကောင်း၊ ဝန်ဆောင်မှုကဏ္ဍကြီးစီမံ ကိန်းတာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား မြန်မာ့စီးပွားရေး ဘဏ်၊ တိုင်းဒေသကြီး မန်နေဂျာထံသို့ လည်းကောင်း၊ ဒေသဖွံ့ဖြိုးရေးလုပ်ငန်းကဏ္ဍကြီး စီမံကိန်းတာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးထံသို့ လည်းကောင်း၊ သက်ဆိုင်ရာ ခရိုင်များ၏ ဒေသန္တရစီမံကိန်းတာဝန်များအား ခရိုင်စီမံအုပ်ချုပ်ရေးအဖွဲ့ ဉက္ကဌများကိုယ်စား မုံရွာ ခရိုင် စိမံအုပ်ချုပ်ရေးအဖွဲ့ ဉက္ကဌထံသို့ လည်းကောင်း အသီးသီး ပေးအပ်ခဲ့ကြောင်း သိရ သည်။

မုံရွာ၊ ဧပြီ ၁၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်များ၊ ရွှေဘိုခရိုင်/မြို့နယ် စီမံအုပ်ချုပ်ရေး အဖွဲ့ ဉက္ကဌများနှင့် တာဝန်ရှိသူများ လိုက်ပါလျက် ယမန်နေ့၊ မွန်းလွဲပိုင်းတွင် မန္တလေး ငလျင်ကြီးကြောင့် ထိခိုက်ပျက်စီးခဲ့သည့် ရွှေဘိုမြို့ ရွှေဘုံ ရတနာနန်းတော်အတွင်းရှိ ရှေးဟောင်းအဆောက်အဦများ ထိခိုက်ပျက်စီးခဲ့မှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေးငလျင် ကြီးကြောင့် ရွှေဘိုမြို့ရှိ ရှေးဟောင်းသမိုင်းဝင် မြို့ဒေါင့်စေတီတော်မြတ်ကြီး ထိခိုက်ပျက် စီးမှုများအား လည်းကောင်း၊ ငါးမည်ငါးဘွဲ့ရ ဒုံးဘုရားစေတီတော်ကြီး ထိခိုက်ပျက်စီး မှုများအား လည်းကောင်း၊ မဟာမုနိရုပ်ရှင်တော် စေတီတော်မြတ်ကြီးနှင့် ရွှေချက်သိုစေ တီတော်မြတ်ကြီး ထိခိုက်ပျက်စီးမှုများအား လည်းကောင်း၊ နတ်ပေးကျောင်းတိုက်ရှိ သာသနိကအဆေက်အဦ ထိခိုက်ပျက်စီးမှုများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေးငလျင် ကြီးကြောင့် ရွှေဘိုမြို့၊ မြို့မ ဈေးကြီး Sun Shade အမိုးများ ထိခိုက်ပျက်စီးမှုများအား ကြည့်ရှုစစ်ဆေးပြီး စေျးကြီးပတ်ဝန်းကျင် ရေစီးရေလာကောင်းမွန်စေရေးအတွက် ရေနှုတ်မြောင်းအဖုံးများ ပြန်လည်တပ်ဆင်ဆောင်ရွက်ရေးတို့အား လိုက်လံကြည့်ရှုစစ် ဆေးပြီး ဈေးရောင်း ဈေးဝယ်များအား ရင်းရင်းနှီးနှီးနှုတ်ဆက်ခဲ့ကြပြီး ဆိတ်ခွန်စုရပ် ကွက်ရှိ နေရဗန်းလမ်းဘေး ဝဲ/ယာရှိ ရေနှုတ်မြောင်းများ ဆယ်ယူနေမှုများအား ကြည့်ရှု စစ်ဆေးခဲ့ကြောင်း သိရသည်။

မုံရွာ၊ ဧပြီ ၁၁

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေး အမှတ်စဉ် (၃/၂၀၂၅)ကို ဧပြီလ ၁၁ ရက်နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်း အဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံ မှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး ရင်းနှီးမြှုပ်နှံမှု ကော်မတီအဖွဲ့ဝင်များ တက်ရောက်ကြသည်။

ဦးစွာ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က ကော်မတီအဖွဲ့ဝင်များအနေဖြင့် ပြည်တွင်း၊ပြည်ပ ရင်းနှီးမြှုပ်နှံမှုလုပ်ငန်း များ ဝင်ရောက်လာစေရေးအတွက် ကော်မတီအဖွဲ့ဝင်များအားလုံးမှ ဝိုင်းဝန်းကြိုးပမ်း ဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီး ရင်းနှီးမြှုပ်နှံမှုကော်မတီ အတွင်းရေးမှူး၊ တိုင်းဒေသ ကြီးရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်ဆင့်ဆင့်သန်းက ယခင်အစည်းအဝေးဆုံးဖြတ်ချက်များ၏ ဆောင်ရွက်ပြီးစီးမှုနှင့် ၂၀၂၅-ခုနှစ်၊ မတ်လအတွင်း စိစစ်ကြပ်မတ်ခဲ့သည့် ရင်းနှီးမြှုပ်နှံမှု လုပ်ငန်းအခြေအနေ များနှင့် အန်စီဝိုင် အင်တာနေရှင်နယ် ကုမ္ပဏီလီမီတက်၏ ရင်းနှီးမြှုပ်နှံမှုအစီအစဉ် ပြင်ဆင်ဆောင်ရွက်ခွင့်ပြုပါရန် တင်ပြလာခြင်းကိစ္စနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီး မြှုပ်နှံမှု ကော်မတီအဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက်၍ ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြား သည်။

ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဧပြီ ၁၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ဝင်များနှင့် တာဝန်ရှိသူများသည် ဧပြီလ ၁၀ ရက်၊ နံနက်ပိုင်းတွင် မန္တလေးငလျင်ကြီးကြောင့် စစ်ကိုင်းမြို့၊ ပိုးတန်းရပ်ကွက်ရှိ ထူပါရုံစေတီတော်ကြီး၊ ပန်းပဲတန်းရပ်ကွက်ရှိ ရတနာ စေတီဆင်များရှင်စေတီတော်ကြီး၊ တကောင်းရပ်ကွက်ရှိ မဟာစေတီတော်ကြီးများရှိ စေတီတော်ကြီးများနှင့် သာသနိကအဆောက်အဦများ ပြိုကျပျက်စီးမှုများဖြစ်ပွားခဲ့ရာ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသက်တပ်ဖွဲ့ဝင်များနှင့် လူမှုရေးအသင်း အဖွဲ့များမှ ပူးပေါင်း၍ စုပေါင်းရှင်းလင်းဖယ်ရှားနေမှုများအား သွားရောက်ကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် အဆိုပါစေတီတော်ကြီး၏ ဂေါပကအဖွဲ့ဝင်များနှင့် တွေ့ဆုံ၍ ပြိုကျပျက်စီးခဲ့သည့် စေတီတော်ကြီးနှင့် သာသနိကအဆောက်အဦများ ပြန်လည်ဖယ်ရှားရှင်းလင်းရေး လုပ် ငန်းများဆောင်ရွက်ရာတွင် အန္တရာယ်ကင်း ရှင်းအောင် ဆောင်ရွက်သွားကြရန်နှင့် ဆယ် တင်ပစ္စည်းများအား စနစ်တကျသိမ်းဆည်းသွားကြရန် လိုအပ်ပါကြောင်း မှာကြားခဲ့ သည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် ပြိုကျပျက်စီးခဲ့သည့် အခြေခံပညာအလယ်တန်း ကျောင်း(ခွဲ)ထူပါရုံနှင့် ချင်းစုရပ်ကွက်ရှိ အခြေခံပညာအလယ်တန်းကျောင်း(ခွဲ) ကျောင်း ဆောင်အဆောက်အဦများ ပြိုကျပျက်စီးနေမှုများနှင့် ပြန်လည်ဖယ်ရှားရှင်းလင်းနေမှု များအား သွားရောက်ကြည့်ရှုစစ်ဆေးခဲ့ကြပြီး ကျောင်းအုပ်ကြီးများနှင့် ဆရာ/ဆရာမ များအား တွေ့ဆုံကာ အားပေးစကားများ ပြောကြားခဲ့သည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဧပြီလ ၉ ရက်၊ ညနေပိုင်းတွင် မန္တလေးငလျင်ကြီးကြောင့် စစ်ကိုင်းမြို့၊ ငလျင်ဘေးသင့်ပြည်သူများ အတွက် ကယ်ဆယ်ရေးပစ္စည်းများ လက်ခံရေးဌာနသို့ ရောက်ရှိရာ ပြည်တွင်း/ပြည်ပမှ ထောက်ပံ့လှူဒါန်းသည့် စားသောက်ဖွယ်ရာများ၊ ရွက်ဖျင်တဲများနှင့် ကူညီကယ်ဆယ်ရေး ပစ္စည်းများ ရောက်ရှိစုပုံထားရှိမှုများအား သွားရောက်ကြည့်ရှုစစ်ဆေးကာ ကယ်ဆယ် ရေးပစ္စည်းများအား ငလျင်ဘေးဒဏ်သင့် ပြည်သူများလက်ဝယ်သို့ အမြန်ဆုံးဖြင့်အမှန် တကယ်ရောက်ရှိရေးတို့အား တာဝန်ရှိသူများမှ အလေးထားဆောင်ရွက်သွားကြရန် လိုအပ်ပါကြောင်း မှာကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ အမှတ်(၁) အခြေခံပညာအထက်တန်းကျောင်းဝန်းအတွင်း ငလျင်ဘေးသင့်ပြည်သူများ အတွက် ယာယီနေအိမ်များ ဆောက်လုပ်နေမှုများအား လည်းကောင်း၊ စစ်ကိုင်းခရိုင် မီးသက်တပ်ဖွဲ့ရုံး အဆောက်အဦပြိုကျပျက်စီးမှုနှင့် ပြန်လည်ဖယ်ရှားရှင်းလင်းနေမှုများအား သွားရောက်ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ သစ်ဆိပ်မြစ်ကမ်းမှ မန္တလေးမြို့၊ ရွှေကြက်ကျမြစ်ကမ်းသို့ တန် ၂၀ အထက် ကုန်တင် ကားကြီးများနှင့် တွဲကားကြီးများ ဖြတ်သန်းသွားလာမှု အဆင်ပြေစေရန်အတွက် ဇက်ကူတို့ဖြင့် သယ်ယူပို့ဆောင်ရေးလုပ်ငန်းများ ဆောင်ရွက်နေမှုများအား သွားရောက်ကြည့်ရှု စစ်ဆေးခဲ့ကြောင်း သိရသည်။

မုံရွာ၊ ဧပြီ ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တိုင်းဒေသကြီး အစိုးရ အဖွဲ့ဝင်များ၊ တိုင်းဒေ သကြီး အဆင့်ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ဝင်များနှင့် တာဝန်ရှိသူများသည် ဧပြီလ ၉ ရက်၊ နံနက်ပိုင်းတွင် မန္တလေးငလျင်ကြီးကြောင့် စစ်ကိုင်း မြို့၊စစ်ကိုင်းတောင်ရိုးရှိ ဥမင်ကိုးဆယ်စေတီတော်ကြီးနှင့် သာသနိကအဆောက်အဦများ ပြိုကျပျက်စီးနေမှုများအား သွားရောက်ကြည်ရှုစစ်ဆေးပြီး ပြန်လည်ရှင်းလင်းဖယ်ရှား ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် ပြိုကျပျက်စီးခဲ့သည့် “ဟံသာဂီရိ” ဘုန်းတော်ကြီး ကျောင်းတိုက်ကြီးနှင့် “လေးကျွန်းမာရ်အောင်” စေတီတော်မြတ်ကြီး ပြိုကျပျက်စီးမှုအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသက်တပ်ဖွဲ့ဝင်များနှင့် လူမှုရေး အသင်းအဖွဲ့များမှ ပူးပေါင်း၍ ပြန်လည်ရှင်းလင်းဖယ်ရှားနေမှုများအား သွားရောက် ကြည့်ရှုအားပေးကြသည်။

ဆက်လက်၍ စစ်ကိုင်းမြို့၊ ရိုင်တန်းရပ်ကွက် ရှိ RC CHURCH ကျောင်းနှင့် မင်းလမ်းရပ်ကွက်ရှိ မြို့တော်ဗလီ၊ မိုးကျဗလီ ပြိုကျပျက်စီးနေမှုများနှင့် ပြန်လည်ရှင်းလင်းဖယ်ရှားနေမှုများအား လည်း ကောင်း၊ ချင်းစုရပ်ကွက်ရှိ အခြေခံပညာ အလယ် တန်း ကျောင်းနှင့် အမှတ်(၁)အခြေခံပညာအထက် တန်းကျောင်းများရှိ စာသင် ကျောင်းဆောင်များ ပြိုကျပျက်စီးမှုများအား တပ်မတော်သားများ၊ မြန်မာနိုင်ငံရဲတပ်ဖွဲ့ ဝင်များ၊ မီးသက်တပ်ဖွဲ့ဝင်များနှင့် လူမှုရေးအသင်းအဖွဲ့များမှ ပူးပေါင်း၍ ပြန်လည်ရှင်း လင်းဖယ်ရှားနေမှုများအား လည်းကောင်း သွားရောက်ကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် မန္တလေးငလျင်ကြီးကြောင့် ပြိုကျပျက်စီးခဲ့သည့် စစ်ကိုင်းမြို့ပေါ်ရှိ လူနေအိမ်တိုက် တာများ ပြိုကျပျက်စီးမှုများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီး သက်တပ်ဖွဲ့ဝင်များနှင့် လူမှုရေးအသင်းအဖွဲ့များမှ ပူးပေါင်း၍ ပြန်လည်ရှင်းလင်းဖယ်ရှား နေမှုများအား သွားရောက်ကြည့်ရှုအားပေးကြပြီး ငလျင်ဘေးသင့်ပြည်သူများအား အားပေးစကားများပြောကြားခဲ့ကြောင်း သိရသည်။

မုံရွာ၊ ဧပြီ ၈

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တိုင်းဒေသကြီး အစိုးရ အဖွဲ့ဝင်များ၊ တိုင်းဒေ သကြီး အဆင့်ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ဝင်များနှင့် တာဝန်ရှိသူများသည် ဧပြီလ ၈ ရက်၊ နံနက်ပိုင်းတွင် မန္တလေးငလျင်ကြီးကြောင့် စစ်ကိုင်း မြို့၊စစ်ကိုင်းတောင်ရိုး ဆွမ်းဦးပုညရှင်စေတီတော်ကြီး၊ သာသနိကအဆောက်အဦများနှင့် ဆောင်းတန်းများပြိုကျပျက်စီးခဲ့ရာ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသက်တပ်ဖွဲ့ဝင်များနှင့် လူမှုရေးအသင်းအဖွဲ့များမှ ပူးပေါင်း၍ စုပေါင်းရှင်းလင်းဖယ် ရှားနေမှု များအား ကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် အဆိုပါစေတီတော်ကြီး၏ ဂေါပကအဖွဲ့ဝင်များနှင့် တွေ့ဆုံ ၍ ပြိုကျပျက်စီးခဲ့သည့် စေတီတော်ကြီးနှင့် သာသနိကအဆောက်အဦများ၊ ဆောင်တန်းများအား ပြန်လည်ဖယ် ရှားရှင်းလင်းရေး လုပ်ငန်းများဆောင်ရွက်ရာတွင် အန္တရာယ်ကင်းရှင်းအောင် ဆောင်ရွက် သွားကြရန်နှင့် ဆယ်တင်ပစ္စည်းများအား စနစ်တကျသိမ်းဆည်းသွားကြရန် လိုအပ်ပါ ကြောင်း မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် ပြိုကျပျက်စီးခဲ့သည့် ရတနာသိင်္ဂီ သီလရှင်စာသင် တိုက် ၄ ထပ်အဆောက်အဦ ပြိုကျပျက်စီးမှုနှင့် ပြန်လည်ရှင်းလင်းဖယ်ရှားနေမှုများအား ကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေးငလျင် ကြီးကြောင့် စစ်ကိုင်းမြို့ပေါ်ရှိ လူနေအိမ်တိုက်တာများ ပြိုကျပျက်စီးနေမှုများနှင့် ပြန် လည်ရှင်းလင်းဖယ်ရှားနေမှုများအား လိုက်လံကြည့်ရှုစစ်ဆေးပြီး ငလျင်ဘေးသင့်ပြည် သူများနှင့်ရင်းရင်းနှီးနှီးတွေ့ဆုံကာ ပြိုကျပျက်စီးခဲ့သည့် တိုက်တာများအား ပြန်လည် ရှင်းလင်းဖယ်ရေး ပူးပေါင်းဆောင်ရွက်သွားမည့် လုပ်ငန်းအခြေအနေများအား ရှင်းလင်း ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေး ငလျင်ကြီးကြောင့် စစ်ကိုင်းခရိုင် မီးသက်တပ်ဖွဲ့ရုံး အဆောက်အဦပြိုကျပျက်စီးမှု၊ ပြန် လည်ရှင်းလင်းဖယ်နေမှု၊ မီးငြိမ်းသက်မော်တော်ယာဉ်များ၊ ရှာဖွေကယ်ဆယ်ရေးမော် တော်ယာဉ်များ ရှင်းလင်းဖယ်ရှားထုတ်ယူနေမှုများနှင့် ဝန်ထမ်းအိမ်ရာများ ထိခိုက်ပျက် စီးခဲ့မှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် စစ်ကိုင်းမြို့၊ မြို့ပြနှင့်အိမ်ရာဖွံ့ဖြိုးတိုးတက်ရေးဦးစီးဌာန၊ ဝန်ထမ်းအိမ်ရာဝန်းအတွင်းရှိ နန်းဦးမြို့သစ် ငလျင်ဒဏ်ကူညီရေးစခန်းသို့ ရောက်ရှိရာ ငလျင်ဘေးဒဏ်သင့် ပြည်သူ များနှင့် ဌာနဆိုင်ရာဝန်ထမ်းများ နေထိုင်စားသောက်ရေး အဆင်ပြေစေရေး ဆောင်ရွက် ထားရှိမှုများအား လိုက်လံကြည့်ရှုစစ်ဆေးပြီး ငလျင်ဘေးဒဏ်သင့်ပြည်သူများနှင့် ဝန် ထမ်းများအား ရင်းရင်းနှီးနှီးတွေ့ဆုံမေးမြန်းကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် ဝန်ထမ်းအိမ်ရာ အဆောက်အဦများအား လိုက်လံကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ညနေပိုင်းတွင် စစ်ကိုင်းမြို့၊ အသင်္ခရာရိပ်သာဧည့်ခန်း၌ ဌာနေညှိနှိုင်းရေးမှူး/လူသားချင်းစာနာမှု ဆိုင်ရာညှိနှိုင်းရေးမှူး(ယာယီ)၊ UNOCHA ဌာနေရုံးအကြီးအကဲနှင့် UNHCR ဌာနေကိုယ် စားလှယ်များနှင့်တွေ့ဆုံ၍ မန္တလေးငလျင်ကြီးကြောင့် စစ်ကိုင်းမြို့အတွင်း ထိခိုက်ပျက်စီး ခဲ့သည့် လူနေအိမ်အဆောက်အဦများနှင့် ငလျင်ဘေးသင့်ပြည်သူများအား ကူညီကယ် ဆယ်ရေးလုပ်ငန်းများ ဆောင်ရွက်သွားမည့် အခြေအနေများအား ဆွေးနွေးခဲ့ကြောင်း သိရသည်။