မုံရွာ၊ မေ ၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဉက္ကဌ၊ တိုင်းဒေသ ကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် မေလ ၆ ရက်၊ နံနက်ပိုင်း တွင် နာဂကိုယ်ပိုင်အုပ်ချုပ်ခွင့်ရဒေသ၊ လေရှီးမြို့ စီမံအုပ်ချုပ်ရေးအဖွဲ့ရုံး အစည်းအဝေး ခန်းမတွင် ကျင်းပပြုလုပ်သည့် နာဂကိုယ်ပိုင်အုပ်ချုပ်ခွင့်ရဒေသ လေရှီးမြို့နယ် ဌာနဆိုင် ရာများ၊ မြို့မမြို့ဖများ၊ နာဂစာပေနှင့်ယဉ်ကျေးမှုအဖွဲ့များနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ လေရှီးမြို့နယ်၊ စီမံအုပ်ချုပ်ရေးအဖွဲ့ ဥက္ကဌ ဦးဝင်းမောင်က ဒေသဆိုင်ရာ အချက်အလက်များနှင့် မြို့နယ်အတွင်း ဒေသဖွံ့ဖြိုးတိုးတက်ရေးလုပ်ငန်းများ ဆောင်ရွက် နေမှုအခြေအနေများအား ရှင်းလင်းတပြပြီးနောက် လေရှီးမြို့ရှိ မြို့မိမြို့ဖများနှင့် နာဂစာပေနှင့်ယဉ်ကျေးမှုအဖွဲ့ဝင်များ မှ လေရှီးမြို့၊ ဖွံ့ဖြိုးတိုးတက်ရေးလုပ်ငန်းများ ဆောင်ရွက်ပေးလိုမှုလုပ်ငန်း အခြေအနေ များအား ဆွေးနွေးတင်ပြကြပြီး တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အစိုးရအဖွဲ့ဝင်များက မိမိတို့ဌာနများအလိုက် နာဂဒေသ ဖွံ့ဖြိုးတိုးတက်ရေးလုပ်ငန်းများ ဆောင်ရွက်ပေး နေမှုလုပ်ငန်းများနှင့် ပတ်သက်၍ ရှင်းလင်းပြောကြားကြသည်။

ထို့နောက် တိုင်းဒေသကြီးဝန်ကြီးချုပ် ဦးမြတ်ကျော် က နာဂဒေသအနေဖြင့် မိမိတို့ ဒေသ တည်ငြိမ်အေးချမ်းမှသာ ဒေသဖွံ့ဖြိုးတိုးတက်ရေးလုပ်ငန်းများ ဆောင်ရွက်ပေးနိုင် မည်ဖြစ်ပြီး လူနေမှုဘဝအဆင့်အတန်းများမြင့်မားလာမည် ဖြစ်ပါကြောင်း၊ တာဝန်ရှိသူ များအနေဖြင့် မိမိဒေသအတွင်းရှိ ပြည်သူများ စားရေရိက္ခာဖူလုံပြည့်ဝအောင် ကြိုးပမ်းဆောင်ရွက်ရန် လိုအပ်ပါကြောင်း၊ ဒေသခံပြည်သူများအနေဖြင့်လည်း တစ်ပိုင်တစ်နိုင် စိုက်ပျိုး/မွေးမြူရေးလုပ်ငန်းများဆောင်ရွက်ခြင်းအပြင် စားဖိုဆောင်သီးနှံများကိုလည်း စိုက်ပျိုးသွားကြရန် လိုအပ်ပါကြောင်း၊ ဌာနဆိုင်ရာဝန်ထမ်းများအနေဖြင့် မိမိ၏တာဝန် ကျေပွန်ရန်နှင့် မြို့ဖွံ့ဖြိုးရေးလုပ်ငန်းများဆောင်ရွက်ရာတွင် စေတနာထားကာ ကြိုးပမ်း ဆောင်ရွက်သွားကြရန် လိုအပ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် နာဂဒေသဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေး၊ ပညာရေး၊ ကျန်းမာရေး၊ စိုက်ပျိုး/မွေးမြူရေးနှင့် MSMEs လုပ်ငန်းများအတွက် လိုအပ်သည်များကို တာဝန်ရှိသူ များနှင့် ပူးပေါင်းဆောင်ရွက် ပေးသွားမည်ဖြစ်ပါကြောင်းနှင့် မြို့မိမြို့ဖများ၏ ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးသွားမည် ဖြစ်ပါကြောင်း ပြောကြေားခဲ့ပြီး ဌာနဆိုင်ရာဝန်ထမ်းများ အတွက် မြို့နယ်စီမံအုပ်ချုပ်ရေးအဖွဲ့ ဉက္ကဌ ထံ ငွေကျပ် ၁၀ သိန်းအား လည်းကောင်း၊ တိုင်းဒေသကြီး အစိုးရအဖွဲ့ အတွင်းရေးမှူးက လုံခြုံရေးတပ်ဖွဲ့ဝင်များအတွက် မြို့နယ်ရဲ တပ်ဖွဲ့နှင့် တာဝန်ရှိသူများထံ ငွေကျပ် ၁၀ သိန်းအား လည်းကောင်း၊ တိုင်းဒေသကြီး ပညာရေးမှူးက နာဂစာပေနှင့်ယဉ်ကျေးမှုအဖွဲ့ထံ ငွေကျပ် ၁၀ သိန်းတို့အား အသီးသီး ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လေရှီးမြို့၊ ပြည် သူ့ဆေးရုံသို့ ရောက်ရှိရာ ဆေးကုသမှုခံယူနေကြသည့် ဒေသခံတိုင်းရင်းသားများအား တာဝန်ရှိသူများနှင့် အဟာရဖြည့်စွက်စာများ ပေးအပ်ခဲ့ကြပြီး ဆေးရုံအုပ်ကြီးနှင့် ဆရာ ဝန်၊သူနာပြုဝန်ထမ်းများအတွက် ငွေကျပ် ၁၀ သိန်းအား ပေးအပ်ခဲ့ကြသည်။

မန္တလေးငလျင်ကြီးကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ပြန်လည်ဖြေဆိုကြမည့် နာဂကိုယ်ပိုင်အုပ်ချုပ်ခွင့်ရဒေသ၊ လေရှီးမြို့နယ်မှ ကျောင်းသား၊ကျောင်းသူ ၁၄၄ ဦး ကျော်အား လေရှီးမြို့၊ အခြေခံပညာအထက်တန်းကျောင်းရှိ သတ်မှတ်ကျောင်းဆောင် စာသင်ခန်းများတွင် စိတ်အေးချမ်းသာစွာ ပညာ သင်ကြားနေမှုများအား တိုင်းဒေသကြီး ဝန်ကြီးချုပ်နှင့် တာဝန်ရှိသူများက သွားရောက်ကြည့်ရှုခဲ့ကြပြီး ကျောင်းအုပ်ဆရာမကြီး ထံ စခန်းသွင်းသင်ကြားနေစဉ်ကာလအတွင်း စားသောက်စရိတ် ကျပ်သိန်း ၅၀၀ နှင့် ကျောင်းသုံးပုံနှိပ်စာအုပ်များ၊ စာရေးကိရိယာများ ပေးအပ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့ နယ်၊ တမံသီကျေးရွာ၊ အခြေခံပညာအထက်တန်းကျောင်း၌ ၂၀၂၅-ခုနှစ်၊ တက္ကသိုလ်ဝင် တန်းပြန်လည်ဖြေဆိုကြမည့် ကျောင်းသား/ကျောင်းသူ ၅၄ ဦးအား စခန်းသွင်းသင်ကြား နေမှုများအား သွားရောက်ကြည့်ရှုအားပေးခဲ့ကြပြီး ကျောင်းအုပ်ဆရာမကြီးထံ စခန်း သွင်းသင်ကြားနေစဉ်ကာလအတွင်း စားသောက်စရိတ် ကျပ်သိန်း ၃၀၀ နှင့် ကျောင်းသုံး ပုံနှိပ်စာအုပ်များ၊ စာရေးကိရိယာများ ပေးအပ်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ဟုမ္မလင်းမြို့၊ ထမံသီကျေးရွာ၌ ကျင်းပပြုလုပ်သည့် ပြည်သူများငါးစားသုံးမှုဖူလုံစေ ရန်နှင့် ငါးသယံဇာတပေါများရေးအတွက် ချင်းတွင်းမြစ်အတွင်း ငါးမျိုးစိုက်ခြင်း အခမ်း အနားသို့ တက်ရောက်ပြီး ချင်းတွင်းမြစ်အတွင်း ၂ လက်မအရွယ်ရှိ ထိုင်းငါးခုံးမကြီး ၅၀၀၀၀ (ငါးသောင်း)ကောင်အား ငါးမျိုးများစိုက်ထည့်ပေးခဲ့ကြောင်း သိရသည်။

မုံရွာ၊ မေ ၅

၂၀၂၅-ခုနှစ်၊ တက္ကသိုလ်ဝင်စာမေးပွဲကြီးအား စစ်ကိုင်းတိုင်းဒေသကြီးအတွင်းရှိ မြို့ နယ် ၂၁ မြို့နယ်ဖြေဆိုခဲ့ရာ ၂၈-၃-၂၀၂၅ ရက်နေ့တွင် ဖြစ်ပွားခဲ့သည့် အင်အားအလွန် ပြင်းထန်သည့် မန္တလေးငလျင်ကြီးကြောင့် မန္တလေးတက္ကသိုလ်၌ အဖြေလွှာများအား စာစစ်လုပ်ငန်းများဆောင်ရွက်နေစဉ် မီးလောင်မှုဖြစ်ပွားခဲ့ရာ အဆိုပါမီးလောင်မှုဖြစ်စဉ် ကြောင့် စစ်ကိုင်းတိုင်းဒေသကြီးအတွင်းရှိ မြို့နယ်(၁၃)မြို့နယ် စာစစ်ဌာန ၂၅ ခုမှ ဘာသာစုံဖြေဆိုသူ ကျောင်းသား၊ကျောင်းသူ ၈၂၀၂ ဦး၏ တက္ကသိုလ်ဝင်တန်း အဖြေလွှာ များမီးလောင်ဆုံးရှုံးခဲ့ကြောင်း သိရသည်။

အဆိုပါ ဖြစ်စဉ်ကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ဖြေဆိုကြမည့် စစ်ကိုင်းမြို့နယ်မှ ကျောင်းသား၊ကျောင်းသူ ၁၅၀၀ ဦးကျော်အား ပညာရေးတက္ကသိုလ် (စစ်ကိုင်း)၌ စခန်းသွင်းသင်ကြားပေးလျက်ရှိရာ မေလ ၅ ရက်၊ နံနက်ပိုင်းတွင် တိုင်းဒေ သကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အဆိုပါ တက္ကသိုလ်ရှိ အစည်း အဝေးခန်းမတွင် ပါမောက္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများနှင့် တွေ့ဆုံပွဲသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ တက္ကသိုလ်ဝင်စာမေးပွဲကြီးအား ပြန်လည်ဖြေဆိုကြမည့် စစ်ကိုင်းမြို့နယ်အတွင်းရှိ ကျောင်းသား/ကျောင်း သူများ စိတ်အေးချမ်းသာစွာဖြေဆိုနိုင်ရေးအတွက် တာဝန်ရှိသူအားလုံးမှ ဝိုင်းဝန်းပူး ပေါင်းဆောင်ရွက်သွားကြရန် လိုအပ်ပါကြောင်း၊ ဆရာ/ဆရာမများနှင် ကျောင်းသား/ ကျောင်းသူများ စခန်းသွင်းသင်ကြားနေစဉ်ကာလအတွင်း စားသောက်နေထိုင်ရေး အဆင်ပြေမှုရှိစေရေး၊ လျှပ်စစ်မီးနှင့် သောက်သုံးရေပြတ်တောက်မှုမရှိစေရေး၊ ကျန်းမာ ရေးစောင့်ရှောက်မှုလုပ်ငန်းများ ဆောင်ရွက်ပေးထားရေးနှင့် လိုအပ်သည်များအားလုံးကို မိမိတို့တိုင်းဒေသကြီး အစိုးရအဖွဲ့မှ ပံ့ပိုးဖြည့်ဆည်းပေးသွားမည် ဖြစ်ပါကြောင်း ပြော ကြားခဲ့သည်။

ထို့နောက် တိုင်းဒေသကြီး အစိုးရအဖွဲ့ဝင်များ၊ ပညာရေးတက္ကသိုလ်(စစ်ကိုင်း) ပါမောက္ခချုပ်နှင့် ကျောင်းသား/ကျောင်းသူများ၏ အိပ်ဆောင်များတွင် နေထိုင်ရေးနှင့် ကျွေးမွေးရေး လုပ်ငန်းများဆောင်ရွက်နေကြသည့် ဆရာ/ဆရာမများက မိမိတို့ဆောင် ရွက်နေသည့် စီမံအုပ်ချုပ်မှုကိစ္စရပ်များ နှင့်ပတ်သက်၍ ရှင်းလင်းတင်ပြကြသည်။

ဆက်လက်၍ တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေး ငလျင်ကြီးကြောင့် စစ်ကိုင်းမြို့၊ မြို့မစေျးကြီးအတွင်းရှိ စေျးရုံများထိခိုက်ပျက်စီးခဲ့ရာ စေျးရောင်းစေျးဝယ်များ လုပ်ငန်းများအမြန်ပြန်လည်ပတ်စေရေးအတွက် မြို့နယ်စည် ပင်သာယာရေးအဖွဲ့မှ တာဝန်ယူ၍ အလျား - ၈၀ ပေ၊ အနံ - ၆၀ ပေရှိ စေျးရုံ ၆ ရုံ တည် ဆောက်နေမှုများအား လိုက်လံကြည့်ရှုစစ်ဆေးပြီး တည်ဆောက်ရေးလုပ်ငန်းများနှင့် ပတ်သက်၍ စံချိန်စံညွှန်းမီ အရည်အသွေးကောင်းမွန်စွာဖြင့် တည်ဆောက်သွားရေးတို့ အားမှာကြားကာ တည်ဆောက်ရေးလုပ်ငန်းများ ဆောင်ရွက်နေမှုများအား လိုက်လံ ကြည့်ရှုခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေး ငလျင်ကြီးကြောင့် စစ်ကိုင်းမြို့၊ ဧရာဝတီမြစ် ကမ်းနားလမ်းတစ်လျှောက်ရှိ လျှောက်လမ်း နှင့်လက်ရမ်းများ ထိခိုက်ပျက်စီးမှုများအပေါ် ပြန်လည်ပြုပြင်နေမှုများအား လိုက်လံ ကြည့်ရှုခဲ့ပြီး လိုအပ်သည်များ မှာကြားဖြည့်ဆည်းပေးကာ ကမ်းနားလမ်း တစ်လျှောက် အားအများပြည်သူများ အပန်းဖြေအနားယူနိုင်သည့် နေရာဖြစ်စေရန်အတွက် အမြဲသန့် ရှင်းသပ်ရပ်ကာ လှပမှုရှိစေရေးနှင့် ပလပ်စတစ်အမှိုက်များ စည်းကမ်းမဲ့စွန့်ပစ်မှုမရှိစေ ရေးတို့အား တာဝန်ရှိသူများမှ ဝိုင်းဝန်းကြပ်မတ် ဆောင်ရွက်သွားရေးတို့အား မှာကြားခဲ့ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေးငလျင် ကြီးကြောင့် စစ်ကိုင်းမြို့ရှိ ငလျင်ဘေးသင့်ပြည်သူများ သောက်သုံးရေအဆင်ပြေစေရန် အတွက် တိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် မြန်မာနိုင်ငံ ကြက်ခြေနီအသင်းတို့မှ ဧရာဝတီမြစ်ရေအားသန့်စင်၍ သောက်သုံးရေဖြန့်ဝေပေးနေမှု များအား သွားရောက်ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့ကြောင်း သိရသည်။

မုံရွာ မေ ၅

၂၀၂၅ ခုနှစ် မေလ ၅ ရက်နေ့တွင် ကျရောက်သည့် (၇၉)နှစ်မြောက် မြန်မာနိုင်ငံမီးသတ်တပ်ဖွဲ့နေ့ အခမ်းအနား ကို မေလ ၅ ရက်နေ့ နံနက် ၈ နာရီ အချိန်က စစ်ကိုင်းတိုင်းဒေသကြီးအစိုးရအဖွဲ့ရုံးဝန်း အတွင်းရှိ ချင်းတွင်းခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီး တရားလွှတ်‌ တော် တရားသူကြီး ချုပ် ဦဇော်ထူး ၊ စစ်ကိုင်းတိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီးဝင်းတင်စိုး ၊
တိုင်းဒေသကြီးအစိုးရအဖွဲ့ဝင်များ ၊ တိုင်းဒေသကြီးအဆင့် ဌာနဆိုင်ရာအကြီးအကဲများ ၊တိုင်းဒေသကြီး ခရိုင် မြို့နယ် မီးသတ်ဦးစီးဌာနမှ အရာထမ်းအမှုထမ်းများ နှင့်မီးသတ်တပ်ဖွဲ့ဝင်များ၊ တပ်ဖွဲ့ဝင်မိသားစုများနှင့် ဖိတ်ကြားထားသူများ တက်ရောက်ခဲ့ကြကြောင်းသိရှိရပါသည်။

ဦးစွာ အခမ်းအနားသို့ တက်ရောက်လာကြသည့် တိုင်းဒေသကြီး အစိုးရအဖွဲ့ဝင်များနှင့် တက်ရောက်လာကြသူများက မန္တလေးငလျင်ကြီးကြောင့် သေဆုံးခဲ့ကြသော ရဟန်းရှင်လူ ပြည်သူများအား ဝမ်းနည်းခြင်းအထိမ်းအမှတ် အဖြစ် (၁)မိနစ်ခန့် မတ်တပ်ရပ်၍ ငြိမ်သက်ခဲ့ကြပြီး နောက် မြန်မာနိုင်ငံ မီးသတ်တပ်ဖွဲ့ ဌာနချုပ်က ပေးပို့သော မီးသတ်တပ်ဖွဲ့နေ့မိန့်ခွန်းအား စစ်ကိုင်းတိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးက ပြောကြားခဲ့သည်။

ထို့နောက် တိုင်းဒေသကြီးအဆင့် မီးသတ်ကျင့်ဝတ်စာမေးပွဲ တွင် ပထမ ဆုရရှိကြသူများအား စစ်ကိုင်းတိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးကလည်းကောင်း ၊ ဒုတိယဆုရရှိကြသူများအား စစ်ကိုင်းတိုင်းဒေသကြီး တရားလွှတ်‌ တော် ၊ တရားသူကြီး ချုပ် ဦဇော်ထူးကလည်းကောင်း၊ တတိယဆု ရရှိကြသူများအား စစ်ကိုင်းတိုင်းဒေငကြီးမီးသတ်ဦးစီးဌာန ညွှန်ကြားရေးမှူး ဦးသန်းထွဋ်ဦးက လည်း ကောင်း ဆုများအသီးသီး ပေး အပ် ချီးမြှင့်ခဲ့ကြသည်။

ထို့နောက် တက်ရောက်လာကြသူများက (၇၉)နှစ် မြောက် မြန်မာနိုင်ငံမီးသတ်တပ်ဖွဲ့နေ့အထိမ်းအမှတ် ဗီဒီယိုမှတ်တမ်းကို ကြည့်ရှုအားပေးခဲ့ကြပြီး နောက် အမှတ်တရ စုပေါင်းမှတ်တမ်းတင်ဓါတ်ပုံရိုက်ကူးကာ စစ်ကိုင်းတိုင်းဒေသကြီးမီးသတ်ဦးစီးဌာနက ပြသထားသည့် မီးသတ်ဦးစီးဌာန လှုပ်ရှားမှု မှတ်တမ်းဓါတ်ပုံ များအား လှည့်လည်ကြည့်ရှုခဲ့ကြကြောင်း သိရှိရပါသည်။

စစ်ကိုင်းတိုင်းဒေသကြီး မီးသတ်ဦးစီးဌာန အနေဖြင့် (၇၉)နှစ်မြောက် မြန်မာနိုင်ငံမီးသတ်တပ်ဖွဲ့နေ့ ကိုကြိုဆိုဂုဏ်‌ပြုသောအားဖြင့် တိုင်းဒေသကြီး မီးသတ်ဦးစီးဌာန ၊မုံရွာ ခရိုင် နှင့် မြို့နယ် မီးသတ်ဦးစီးဌာန မှ ဝန်ထမ်းများ နှင့် ဝန်ထမ်းမိသားစု ဝင်များ ၊ အရန်မီးသတ်တပ်ဖွဲ့ဝင်များနှင့် မိသားစုဝင်များဖြင့် ပြည်သူ့အကျိုးပြု စုပေါင်းသန့်ရှင်းရေးနှင့် စုပေါင်းသွေးလှူဒါန်းပွဲအခမ်းအနားကို လည်း မေလ ၃ ရက်နေ့ နံနက်ပိုင်းက မုံရွာမြို့ ကုတင် ၅၀၀ ဆံ့ ပြည်သူ့ဆေးရုံကြီးတွင် ကျင်းပပြုလုပ်ခဲ့ကြကြောင်း သိရှိရပါသည်။

မုံရွာ၊ မေ ၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တိုင်းဒေသကြီး အစိုးရ အဖွဲ့ဝင်များ၊ တိုင်းဒေ သကြီး အဆင့်ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ဝင်များနှင့် တာဝန်ရှိသူများသည် မေလ ၄ ရက်၊ နံနက်ပိုင်းတွင် စစ်ကိုင်းမြို့၊ နှစ်(၇၀၀)ပြည်သူ့အား ကစားကွင်းအတွင်းရှိ ဖူဆယ်အားကစားရုံတွင် ကျင်းပပြုလုပ်သည့် မန္တလေးငလျင်ကြီး ကြောင့် စစ်ကိုင်းမြို့နယ်အတွင်းရှိ ပျံလွန်/သေဆုံးခဲ့ကြသည့် သံဃာ၊သီလရှင်နှင့် လူပုဂ္ဂိုလ်များအတွက် ထောက်ပံ့ငွေပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ အခမ်းအနားသို့ တက်ရောက်လာကြသည့် ဆရာတော်/သံဃာတော်များ၊ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီး၊ တိုင်းဒေသကြီး အစိုးရအဖွဲ့ဝင်နှင့် ပြည် သူများမှ ဝမ်းနည်းခြင်းအထိမ်းအမှတ်အဖြစ် (၁)မိနစ်ခန့် မတ်တပ်ရပ် ၍ငြိမ်သက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က မန္တလေးငလျင်ကြီးကြောင့် စစ်ကိုင်းမြို့နယ် အတွင်းရှိ ပျံလွန်/သေဆုံးခဲ့ကြသည့် သံဃာ၊သီလရှင်နှင့် လူပုဂ္ဂိုလ်များအတွက် အားပေး စကားလျှောက်ထားပြောကြားသည်။

ယင်းနောက် စစ်ကိုင်းမြို့၊ လေးကျွန်းမြေအုဋ်ကျောင်း ဆရာတော်ကြီးထံ မန္တလေး ငလျင်ကြီးကြောင့် စစ်ကိုင်းမြို့နယ်အတွင်းရှိ ပျံလွန်/သေဆုံးခဲ့ကြသည့် သံဃာတော် ၅၅ ပါး၊ သီလရှင် ၅၂ ပါးနှင့် လူပုဂ္ဂိုလ် ၆၅ ဦး၊ စုစုပေါင်း - ၁၇၂ ဦးတို့အတွက် တိုင်းဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့က လှူဒါန်းငွေကျပ် သိန်း- ၁၇၂၀ သိန်း အားပေးအပ်လှူဒါန်းသည်။

ဆက်လက်၍ စစ်ကိုင်းမြို့၊ လေးကျွန်းမြေအုဋ်ကျောင်း ဆရာတော်ကြီးမှ မန္တလေး ငလျင်ကြီးကြောင့် စစ်ကိုင်းမြို့နယ်အတွင်းရှိ ပျံလွန်/သေဆုံးခဲ့ကြသည့် သံဃာ၊သီလရှင် နှင့်လူပုဂ္ဂိုလ်များအတွက် အမျှအတန်းပေးဝေခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုက်ကြီးနှင့် တာဝန်ရှိသူများ သည် စစ်ကိုင်းမြို့၊ နှစ် ၇၀၀ ပြည်သူ့အားကစားကွင်းအတွင်းရှိ မလေးရှားနိုင်ငံမှ ယာယီ ဆေးကုသရေးစင်တာ၌ ငလျင်ဒဏ်သင့် ရဟန်း/သံဃာ၊ သီလရှင်များနှင့်မြို့နေပြည်သူ များအား အခမဲ့ ဆေးကုသပေးနေမှုများအား သွားရောက်ကြည့်ရှုအားပေးခဲ့ကြပြီး ကုသ ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် စစ်ကိုင်းမြို့၊ နှစ်(၇၀၀)ပြည်သူ့အား ကစားကွင်းအတွင်းရှိ ဖူဆယ်အားကစားရုံတွင် ကျင်းပပြုလုပ်သည့် ငလျင်ဘေးသင့်ပြည်သူများအတွက် ရိက္ခာအမယ် (၅)မျိုး ထောက်ပံ့ ပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီး၊ တိုင်းဒေသကြီး အစိုးရ အဖွဲ့ဝင်နှင့် အခမ်း အနားသို့ တက်ရောက်လာသူများမှ ဝမ်းနည်းခြင်းအထိမ်းအမှတ်အဖြစ် (၁)မိနစ်ခန့် မတ်တပ်ရပ် ၍ငြိမ်သက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က မန္တလေးငလျင်ကြီးကြောင့် ငလျင်ဘေးသင့် ရဟန်း/သံဃာ၊သီလရှင်များနှင့် ပြည်သူများ အတွက် နိုင်ငံတော်နှင့် ပြည်ထောင်စုဝန်ကြီးဌာနများ၊ မိမိတို့တိုင်းဒေသကြီး အစိုးရအဖွဲ့ နှင့် ပြည်တွင်း/ပြည်ပအဖွဲ့အစည်းများမှ ထောက်ပံ့လှူဒါန်းပေးနေမှု အခြေအနေများအား ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တိုင်းဒေသကြီး အစိုးရအဖွဲ့ဝင်များက စစ်ကိုင်းမြို့၊ ဇေယျာရပ်ကွက်ရှိ ငလျင်ဘေးသင့် အိမ်ထောင်စု ၄၈၄ စု၊ လူဦးရေ - ၂၃၃၃ ဦးအတွက် ငွေကျပ်သိန်း - ၇၂၀၅၄၇၀၅ (သိန်းခုနှစ်ရာနှစ်ဆယ် ငါးသောင်း လေးထောင်ခုနှစ်ရာငါးကျပ်)တန်ဖိုးရှိ ဆန်၊ ဆီ၊ ဆား၊ ပဲ၊ ငပိ အမယ် ၅ မျိုး၊ (၁)လစာအား ငလျင်ဘေးသင့်ပြည်သူများအား ထောက်ပံ့ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့က အခမ်း အနားသို့တက်ရောက် လာ ကြသည့် ငလျင်ဘေးသင့်ပြည်သူများအား ရင်းရင်းနှီးနှီးအား ပေးစကားများ ပြောကြားခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် စစ်ကိုင်းမြို့ပေါ်ရှိ လူနေအိမ်တိုက်တာများ ပြိုကျ ပျက်စီးခဲ့မှုများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင် များနှင့် လူမှုရေးအသင်းအဖွဲ့များမှ ပူးပေါင်း၍ ပြန်လည်ရှင်းလင်းဖယ်ရှားနေမှုများအား သွားရောက်ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ဝင်များနှင့် တာဝန်ရှိသူများသည် မေလ ၃ ရက်၊ နံနက်ပိုင်းတွင် မန္တလေးငလျင်ကြီးကြောင့် ဧရာဝတီ မြစ်ကူး စစ်ကိုင်းအင်းဝတံတားအဟောင်းကြီး၏ ဂုံး ၁၀ ဂုံးရှိသည့်အနက် ဂုံး ၆ ဂုံး ပြိုကျ ပျက်စီးခဲ့ရာ မြန်မာစီးပွားရေးကော်ပရေးရှင်းမှ စက်ယန္တရားများ၊ လူအင်အားများဖြင့် ရေလမ်းကြောင်းကောင်းမွန်စေရန်အတွက် တံတားကြီး၏ဂုံး အမှတ် ၄ မှစတင်၍ တံတားကြီးအားပြန်လည်ဆည်တင်နေမှု လုပ်ငန်းခွင်သို့ရောက်ရှိရာ တာဝန်ရှိသူများမှ တံတားကြီး ဆည်တင်နေမှုလုပ်ငန်းများအား လိုက်လံရှင်းလင်းပြသကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့က လုပ်ငန်း များဆောင်ရွက်နေမှု လုပ်ငန်းများနှင့် ပတ်သက်၍ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တံတား ကြီးဆည်တင်နေမှုလုပ်ငန်းများအား လိုက်လံကြည့်ရှုခဲ့ကြသည်။

၂၀၂၅-ခုနှစ်၊ တက္ကသိုလ်စာမေးပွဲကြီးအား စစ်ကိုင်းတိုင်းဒေသကြီးအတွင်းရှိ မြို့ နယ် ၂၁ မြို့နယ်ဖြေဆိုခဲ့ရာ ၂၈-၃-၂၀၂၅ ရက်နေ့တွင် ဖြစ်ပွားခဲ့သည့် အင်အားအလွန် ပြင်းထန်သည့် မန္တလေးငလျင်ကြီးကြောင့် မန္တလေးတက္ကသိုလ်၌ အဖြေလွှာများအား စာစစ်လုပ်ငန်းများဆောင်ရွက်နေစဉ် မီးလောင်မှုဖြစ်ပွားခဲ့ရာ အဆိုပါမီးလောင်မှုဖြစ် စဉ်ကြောင့် စစ်ကိုင်းတိုင်းဒေသကြီးအတွင်းရှိ မြို့နယ်(၁၃)မြို့နယ် စာစစ်ဌာန ၂၅ ခုမှ ဘာသာစုံဖြေဆိုသူ ကျောင်းသား၊ကျောင်းသူ ၈၂၀၂ ဦး၏ တက္ကသိုလ်ဝင်တန်း အဖြေလွှာ များ မီးလောင်ဆုံးရှုံးခဲ့သည်။

အဆိုပါ ဖြစ်စဉ်ကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ဖြေဆိုကြမည့် စစ်ကိုင်းမြို့နယ်မှ ကျောင်းသား၊ကျောင်းသူ ၁၅၀၀ ဦးကျော်အား ပညာရေးတက္ကသိုလ် (စစ်ကိုင်း)ရှိ သက်မှတ်ကျောင်းဆောင် စာသင်ခန်းများတွင် စိတ်အေးချမ်းသာစွာ ပညာ သင်ကြားနေမှုများအား တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များက သွားရောက်ကြည့်ရှုခဲ့ကြပြီး တိုင်းဒေသကြီး ဝန်ကြီးချုပ်နှင့် တိုင်းဒေသကြီး ပညာ ရေးမှူးတို့က ဆရာ/ဆရာမများနှင့် ကျောင်းသား၊ကျောင်းသူများအတွက် စခန်းသွင်း စာသင်ကြားချိန်ကာလအတွင်း နေထိုင်စားသောက်ရေးနှင့် ကျောင်းသုံးစာအုပ်များ၊ စာ ရေးကိရိယာများ ထောက်ပံ့ပေးအပ်ထားရှိမှု အခြေအနေများအား ရှင်းလင်းပြောကြားခဲ့ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့သည် စစ်ကိုင်းမြို့၊ ပညာရေးတက္ကသိုလ်သို့ ထမင်းစားဆောင်များတွင် ၂၀၂၅-ခုနှစ်၊ တက္ကသိုလ် ဝင်စာမေးပွဲ ဖြေဆိုကြမည့် ကျောင်းသား၊ကျောင်းသူများ နေ့လည်စာသုံးဆောင်နေမှုများ အားလိုက်လံကြည့်ရှုခဲ့ကြပြီး ဆရာ/ဆရာမများနှင့်အတူ နေ့လည်စာအတူတကွ သုံး ဆောင်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့သည် မန္တလေး ငလျင်ကြီးကြောင့် စစ်ကိုင်းမြို့ပေါ်နှင့် စစ်ကိုင်းတောင်ရိုးပေါ်ရှိ ရာဇမဏိစူဠာ ကောင်းမှု တော်စေတီတော်၊ ဆွမ်းဦးပုညရှင်စေတီတော်၊ ရတနာထွဋ်ခေါင်စေတီတော်၊ ဉမင်သုံး ဆယ်စေတီတော်၊ လေးကျွန်းမာရန်အောင်စေတီတော်၊ မရှိခဏစေတီတော်၊ စေတီလှ စေတီတော်မြတ်ကြီးများရှိ စေတီတော်ကြီးများနှင့် သာသနိကအဆောက်အဦများ ပြို ကျပျက်စီးနေမှုများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များနှင့် လူမှုရေးအသင်းအဖွဲ့များမှ ပူးပေါင်း၍ ပြန်လည်ရှင်းလင်းဖယ်ရှားနေမှုများ အား သွားရောက်ကြည့်ရှုခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် စစ်ကိုင်းမြို့၊အမှတ်(၃) အခြေခံ ပညာအထက်တန်း ကျောင်းရှိ စာသင်ဆောင်များအား လည်းကောင်း၊ စစ်ကိုင်းခရိုင် စိုက်ပျိုးရေးဦးစီးဌာနရုံးရှိ မြတ်ဇေယျာခန်းမ ပြိုကျပျက်စီးမှုများအား လည်းကောင်း တပ်မတော်သားများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် လူမှုရေးအသင်းအဖွဲ့များမှ ပူးပေါင်း၍ပြန်လည် ရှင်းလင်းဖယ်ရှားနေမှုများအားသွားရောက် ကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် စစ်ကိုင်းမြို့ပေါ်ရှိ လူနေအိမ်တိုက်တာများ ပြိုကျ ပျက်စီးခဲ့မှုများအား ပြန်လည်ရှင်းလင်းဖယ်ရှားနေမှုများအား တပ်မတော်သားများ၊ မြန် မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် လူမှုရေးအသင်းအဖွဲ့များမှ ပူးပေါင်း၍ ပြန်လည်ရှင်းလင်းဖယ်ရှားနေမှုများအားသွားရောက် ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၂

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ဘုန်းတော်ကြီးကျောင်းတိုက်များမှ ဆရာ တော်၊သံဃာတော်များ စိတ်အေးချမ်းသာစွာဖြင့် တရားဘာဝနာပွားများနိုင်စေရန်နှင့် ဆွမ်းကွမ်းအခက်အခဲမရှိစေရေးတို့အတွက် တိုင်းဒေသကြီး အစိုးရအဖွဲ့မှ ဆွမ်းဆန်၊ ဆီ၊ ဆား၊ ပဲ အမယ် ၄ မျိုး ဆက်ကပ်လှူဒါန်းပွဲကို မေလ ၂ ရက်၊ နံနက်ပိုင်းတွင် မုံရွာမြို့၊ ဇောင်ကြမ်းပင် ပရိယတ္တိစာသင်တိုက်ကြီးတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့် ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာမျာနှင့် တာဝန်ရှိသူများ တက်ရောက်ကြသည်။

ဦးစွာ ၂၀၂၅-ခုနှစ်၊ ဇန်နဝါရီလ ၁၇ ရက်နေ့တွင် ဘဝနတ်ထံပျံလွန်တော်မူခဲ့သည့် မုံရွာမြို့၊ အေးသာယာရပ်ကွက်ရှိ ဇောင်ကြမ်းပင် ပရိယတ္တိစာသင်တိုက်ကြီး၏ ဦးစီးပဓာန နာယက ဆရာတော် နိုင်ငံတော်သံဃနာယက အဖွဲ့ဝင်၊ အဂ္ဂမဟာပဏ္ဍိတ၊ အဂ္ဂမဟာဂန္တ ဝါစက ဘဒ္ဒန္တ ကုမာရသိရီ ဆရာတော်ကြီးအား နိုင်ငံတော်မှ အဂ္ဂမဟာသဒ္ဓမ္မ ဇောတိက ဓဇ (သာသနာပြု ပထမဆင့်)ဘွဲ့လက်မှတ်တော်အား ဇောင်ကြမ်းပင် ပရိယတ္တိစာသင် တိုက်ကြီး၏ ဦးစီးပဓာန နာယက ဆရာတော် ဘဒ္ဒန္တ မာနိတ ဆရာတော်ကြီးထံ တိုင်းဒေသကြီး ဝန်ကြီးချုပ် ဦးမြတ်ကျော်က ဆက်ကပ်လှူဒါန်းသည်။

ယင်းနောက် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများ မှ လှူဖွယ်ဝတ္ထုပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုးတို့အား ဆက်ကပ် လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အောင်ချမ်းသာရပ်ကွက်ရှိ သဒ္ဒမ္မပဇ္ဇောတာရုံကျောင်းတိုက်ကြီးသို့ ရောက်ရှိရာ ဆရာ တော်ကြီးများထံ တာဝန်ရှိသူများနှင့်အတူ လှူဖွယ်ဝတ္ထုပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုးတို့အား ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အောင်ချမ်းသာရပ်ကွက်ရှိ တိပိဋကလင်္ကာရသာမဏေကျော် ဘုန်းတော်ကြီးသင် ပညာ ရေးကျောင်းသို့ ရောက်ရှိရာ ဘဒ္ဒန္တ ကောဝိဒ ဆရာတော်ကြီးနှင့် ပင့်သံဃာဆရာတော်များ ထံ လှူဖွယ်ဝတ္ထုပစ္စည်းများနှင့် ဆွမ်းဆန်၊ ဆီ၊ ဆား၊ ပဲ အမယ် ၄ မျိုးတို့အား ဆက်ကပ် လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ သည်။

ဆက်လက်ပြီး ဆရာတော်ကြီးနှင့် တိုင်းဒေသကြီး ဝန်ကြီးချုပ်တို့သည် အဆိုပါ ကျောင်းတိုက်ကြီးအတွင်း တိုင်းဒေသကြီး အစိုးရအဖွဲ့မှ ဘိလပ်မြေအိတ် - ၅၀၀၀ (ငါးထောင်)လှူဒါန်းမှုဖြင့် ရွှေရတုပညာပါရမီစာသင်ကျောင်းဆောင် အလျား - ၁၃၀ ပေ၊ အနံ - ၄၄ ပေ၊ RC ၃ ထပ်ကျောင်းဆောင် အဆောက်အဦသစ်အား လိုက်လံကြည့် ရှုခဲ့ကြပြီး တိုင်းဒေသကြီး ဝန်ကြီးချုပ်က တည်ဆောက်ရေး လုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။