စစ်ကိုင်း၊ မေ ၂၁

စစ်ကိုင်းတိုင်းဒေသကြီး၊ စစ်ကိုင်းမြို့တွင် မန္တလေးငလျင်ကြီးကြောင့် ပျက်စီးဆုံးရှုံးမှုများအား ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို အင်တိုက်အားတိုက် ဆက်လက် ဆောင်ရွက်လျက်ရှိရာ စစ်ကိုင်းတိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်း ဆက်သွယ်ရေးဝန်ကြီး ဦးခင်မောင်အေးနှင့် တာဝန်ရှိသူများက မေလ (၂၁)ရက်၊ နံနက်ပိုင်း တွင် သွားရောက်ကြည့်ရှုစစ်ဆေးခဲ့ကြသည်။

တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်းဆက်သွယ်ရေး ဝန်ကြီး ဦးခင်မောင်အေးနှင့် တာဝန်ရှိသူများသည် အမှတ်(၁) အခြေခံပညာအထက်တန်းကျောင်း တွင် ယာယီကျောင်းဆောင်သစ်များ ဆောက်လုပ်နေမှုအား ကြည့်ရှုစစ်ဆေးရာ တာဝန်ရှိသူများက ရှင်းလင်းတင်ပြခဲ့ကြသည်။

ဆက်လက်ပြီး တိုင်းဒေသကြီးအစိုးရအဖွဲ့ လူမှုရေးရာဝန်ကြီး၊ လမ်းပန်းဆက်သွယ်ရေးဝန်ကြီး နှင့် တာဝန်ရှိသူများသည် ဆင်များရှင်စေတီတော်၊ ဆုတောင်းပြည့်လေးမျက်နှာစေတီတော်၊ ဆွမ်းဦး ပုညရှင်စေတီတော်၊ ရတနာရွှေဂူရေကြည်တိုက်၊ ရွှေဟင်္သာတိုက်သစ်၊ အမှတ်(၃) အခြေခံပညာ အထက်ကျောင်းနှင့် စစ်ကိုင်းမြို့တွင်းရှိ ငလျင်ကြောင့် ထိခိုက်ပျက်စီးခဲ့သည့် အဆောက်အဦး များအား ရှင်းလင်းရေးလုပ်ငန်းများ ဆောင်ရွက်နေမှုကို ကြည့်ရှုစစ်ဆေးပြီး ရှင်းလင်းရေးလုပ်ငန်းများ တွင် ပါဝင်ဆောင်ရွက်လျက်ရှိသည့် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ ဝင်များ၊ လူမှုရေးအသင်ဖွဲ့ဝင်များအား အချိုရည်ဘူးများနှင့် ရေသန့်ဘူးများ ပေးအပ်ခဲ့ကြသည်။

ထို့နောက် တိုင်းဒေသကြီးအစိုးရအဖွဲ့ လူမှုရေးရာဝန်ကြီး၊ လမ်းပန်းဆက်သွယ်ရေးဝန်ကြီး နှင့် တာဝန်ရှိသူများသည် အခြေခံပညာအလယ်တန်းကျောင်းခွဲ(ထူပါရုံ)တွင် ဆရာ၊ ဆရာမများအား တွေ့ဆုံအားပေးစကား ပြောကြားခဲ့ပြီး ဘေးအန္တရာယ်ဆိုင်ရာ စီမံခန့်ခွဲရေးဦးစီးဌာနက ပေးအပ်သည့် ထောက်ပံ့ရေးပစ္စည်းများကို ပေးအပ်ခဲ့ကြကြောင်း သိရသည်။

မုံရွာ၊ မေ ၁၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဉက္ကဌ၊ တိုင်းဒေသ ကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် မေလ ၁၇ ရက်၊ နံနက်ပိုင်း တွင် နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့၊ ထေရဝါဒဗုဒ္ဓသာသပြု(ဗဟို)ဘုန်း တော်ကြီးကျောင်းသို့ရောက်ရှိရာ ဆရာတော်ကြီးထံ တာဝန်ရှိသူများနှင့်အတူ လှူဖွယ် ပစ္စည်းများနှင့် ဝတ္ထုငွေများဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့်တင်ရေးရန်ပုံငွေဖြင့် လုပ်ငန်းများဆောင်ရွက်နေသည့် လဟယ်မြို့ရှိ Tabitha နာဂရိုးရာ ရက်ကန်းအထည်ဆိုင်နှင့် MEMORY နာဂရိုးရာအထည်ဆိုင် အိတ်ချုပ်လုပ်ငန်းများသို့ ရောက်ရှိရာ လုပ်ငန်းရှင်များက မိမိတို့လုပ်ကိုင်ဆောင်ရွက်နေသည့် လုပ်ငန်းများအား လိုက်လံရှင်းလင်းပြရာ တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့နယ်၊ စည်ပင် သာယာရေးအဖွဲ့မှ တာဝန်ယူဆောင်ရွက်ခဲ့သည့် မိုးဒန်းအပန်းဖြေအလှကန် ဆောင်ရွက်ပြီးစီးမှုတို့အား လိုက်လံကြည့်ရှုစစ်ဆေးပြီး ရေကန်နှင့် ကန်ပတ်ဝန်းကျင်အား အမြဲသန့် ရှင်းသပ်ရပ်မှုရှိစေရေးနှင့် ရေကန်အတွင်းစီးဝင်သည့် စိမ့်စမ်းရေထွက် နေရာပတ်ဝန်းကျင်ရှိ သစ်တောများအား ထိန်းသိမ်း ထားရေးတို့အား တာဝန်ရှိသူများကို မှာကြားကာ လဟယ်မြို့နယ်၊ စည်ပင်သာယာရေးအဖွဲ့ရုံးဝန်းအတွင်း၌ ရွေ့ပြောင်း တောင်ယာဟောင်းများတွင် စိုက်ပျိုးရန် ကော်ဖီမျိုးစေ့ ၁ သိန်း စိုက်ပျိုးထားမှုအား သွား ရောက်ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့၊ နာဂယဉ်ကျေးမှုပြတိုက်၌ ကျင်းပပြုလုပ်သည့် နာဂကိုယ်ပိုင်အုပ်ချုပ်ခွင့်ရဒေသ လဟယ် ဒေသ/မြို့နယ်အဆင့် ဌာနဆိုင်ရာများ၊ မြို့မမြို့ဖများ၊ နာဂစာပေနှင့်ယဉ်ကျေးမှုအဖွဲ့ များနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ လဟယ်မြို့နယ်၊ နန်းယွန်းမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသ၊ စီမံ အုပ်ချုပ်ရေးအဖွဲ့ ဉက္ကဌများက ဒေသဆိုင်ရာအချက်အလက်များနှင့် မြို့နယ်များအတွင်း ဒေသဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှုအခြေအနေများအား Power Point ဖြင့် ရှင်းလင်းတင်ပြကြသည်။

ယင်းနောက် တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အစိုးရအဖွဲ့ ဝင်များက မိမိတို့ဌာနများအလိုက် နာဂကိုယ်ပိုင်အုပ်ချုပ်ခွင့်ရဒေသအတွင်း ပညာရေး၊ ကျန်းမာရေး၊ လူမှုရေး၊ စီးပွား ရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ် ရေးနှင့် ဒေသဖွံ့ဖြိုးတိုးတက်ရေး လုပ်ငန်းများဆောင်ရွက်ပေးနေမှု အခြေအနေများနှင့် ပတ် သက်၍ ရှင်းလင်းပြောကြားကြသည်။

ဆက်လက်၍ နာဂစာပေနှင့်ယဉ်ကျေးမှုအဖွဲ့များနှင့် မြို့မိမြို့ဖများက လဟယ်မြို့ ဖွံ့ဖြိုးတိုးတက်ရေးအတွက် လိုအပ်သည်များကို ဆွေးနွေးတင်ပြသည်။

ဆက်လက်ပြီး တိုင်းဒေသကြီး ဝန်ကြီးချုပ်က ဒေသအဆင့်ဌာနဆိုင်ရာဝန်ထမ်းများအတွက် နာဂကိုယ်ပိုင် အုပ်ချုပ်ခွင့်ရဒေသ၊ စီမံအုပ်ချုပ်ရေးအဖွဲ့ အတွင်းရေးမှူးထံ ငွေကျပ် - ၁၀ သိန်းနှင့် နာဂစာပေနှင့်ယဉ်ကျေးမှုအဖွဲ့အတွက် ငွေကျပ်- ၁၀ သိန်းအား လည်းကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက လဟယ်မြို့နယ်အဆင့် ဌာနဆိုင်ရာဝန်ထမ်းများအတွက် ငွေကျပ်- ၁၀ သိန်း၊ နန်းယွန်းမြို့နယ် ဌာနဆိုင်ရာဝန်ထမ်းများအတွက် ငွေကျပ်- ၁၀ သိန်းနှင့် လုံခြုံရေးတပ်ဖွဲ့ဝင်များအတွက် မြို့နယ်ရဲတပ်ဖွဲ့မှူး ထံငွေကျပ် -၁၀ သိန်းအား လည်းကောင်း အသီးသီး ပေးအပ်ကြသည်။

ထို့နောက်တိုင်းဒေသကြီး ဝန်ကြီးချုပ် ဦးမြတ်ကျော် က နိုင်ငံတော်နှင့် မိမိတို့တိုင်း ဒေသကြီး အစိုးရအဖွဲ့အနေဖြင့် နာဂကိုယ်ပိုင်အုပ်ချုပ်ခွင့်ရဒေသအတွင်းရှိ မြို့နယ်များ နှင့်မြို့များ ဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေး၊ ပညာရေး၊ ကျန်းမာရေး၊ စိုက်ပျိုး/မွေးမြူရေးနှင့် MSMEs လုပ်ငန်းများအား တာဝန်ရှိသူများနှင့်ပူးပေါင်း၍ အလေး ထားဆောင်ဆောင်ရွက်ပေးလျက် ရှိပါကြောင်း၊ နာဂဒေသအတွင်း မှီတင်းနေထိုင်ကြ သည့်ဒေသခံတိုင်းရင်းသားများအနေဖြင့် မိမိတို့ဒေသ တည်ငြိမ်အေးချမ်းမှသာ ဒေသဖွံ့ ဖြိုးတိုးတက်ရေးလုပ်ငန်းများ ဆောင်ရွက်ပေးနိုင်မည်ဖြစ်ပြီး လူနေမှုဘဝအဆင့်အတန်းများမြင့်မားတိုးတက်လာမည် ဖြစ်ပါကြောင်း၊ ဌာနဆိုင်ရာများနှင့် တာဝန်ရှိသူများအနေ ဖြင့်လည်း မိမိဒေသအတွင်းရှိ ပြည်သူများ စားရေရိက္ခာဖူလုံပြည့်ဝအောင် ကြိုးပမ်း ဆောင်ရွက်သွားကြရန် လိုအပ်ပါကြောင်း၊ မိမိမြို့အား အမြဲသန့်ရှင်းသပ်ရပ်စေရေး အတွက် အမှိုက်များစနစ်တကျစွန့်ပစ်သွားကြရန် တာဝန်ရှိသူများနှင့် ညှိနိုင်းပေါင်းစပ် ဆောင်ရွက်သွားကြရန် လိုအပ်ပါကြောင်း မှာကြားကာ မြို့မိ မြို့ဖများ၏ ဆွေးနွေးတင်ပြ ချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက တွေ့ဆုံပွဲအခမ်း အနားသို့ တက်ရောက်လာကြသည့် မြို့မိမြို့ဖများနှင့် ဒေသခံတိုင်းရင်းသားများအား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရသည်။

မုံရွာ၊ မေ ၁၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီးအစိုးရအဖွဲ့ဝင်များ၊ နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဌ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများလိုက်ပါလျက် မေလ ၁၆ ရက်၊ နံနက်ပိုင်းတွင် နာဂကိုယ်ပိုင်အုပ်ချုပ်ခွင့်ရဒေသ၊ ခန္တီး-ဆင်သေ-လဟယ်လမ်း ၂၀၂၅-၂၀၂၆ ဘဏ္ဍာ ရေးနှစ်တွင်ဆောင်ရွက်မည့် မိုင်တိုင်အမှတ် ၃၃-၃၄ ကြား မျက်ကွယ်ကုန်းဖြတ်ခြင်းလုပ်ငန်း၊ ကွန်ကရစ်ခင်းခြင်း လုပ်ငန်းဆောင်ရွက်မည့်နေရာ၊ အမြင့်ပေ ၄၉၉၇ ပေရှိ ထိန်ညိုတောင်ရှုခင်းသာဗျူးပွိုင့် ဆောင်ရွက်မည့်နေရာနှင့် ၂၀၂၄-၂၀၂၅ ဘဏ္ဍာနှစ်ရန်ပုံငွေဖြင့် ဆောင်ရွက်ခဲ့သည့် လဟယ်မြို့အဝင် မိုင်တိုင်အမှတ် ၅၁-၅၂ ကြား လမ်းတာချဲ့ခြင်းလုပ် ငန်းပြီးစီးမှုအခြေ အနေများအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ပြန်လည်ဖြေဆိုကြမည့် လဟယ်မြို့နယ်မှ ကျောင်းသား၊ ကျောင်းသူ ၂၃၀ ဦးအား လဟယ်မြို့၊ အခြေခံပညာအထက်တန်းကျောင်း၌ စခန်းသွင်း သင်ကြားပေးနေမှုများနှင့် လဟယ်မြို့နယ်အတွင်းရှိ ရပ်ကွက်/ကျေးရွာများမှ အခြေခံ ပညာမူလတန်းကျောင်းများမှ ဆရာ/ဆရာမများအား ပညာရေးနှင့်သင်ပြနည်းပညာ ဒီပလိုမာသင်တန်း သင်ကြားနေမှုများအား သွားရောက်ကြည့်ရှုခဲ့ကြပြီး လိုအပ်သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းဝန်းအတွင်း တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား/ ကျောင်းသူများအား နေ့လည်စာကျွေးမွေးနေမှုများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်း ဝန်းအတွင်းရှိ ချယ်ရီမြိုင်ခန်းမတွင် လဟယ်မြို့နယ်ရှိ ပညာရေးနှင့်သင်ပြနည်းပညာ ဒီပလိုမာသင်တန်း တက်ရောက်နေကြသည့် ဆရာ၊ဆရာမများ၊ ၂၀၂၅-ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား၊ကျောင်းသူများနှင့် တွေ့ဆုံပွဲ အခမ်း အနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ တက္ကသိုလ်ဝင်စာ မေးပွဲ ပြန်လည်ဖြေဆိုရခြင်းအတွက် နိုင်ငံတော်နှင့် မိမိတို့တိုင်းဒေသကြီး အစိုးရအဖွဲ့ အနေဖြင့် စခန်းသွင်းသင်ကြားနေစဉ်ကာလအတွင်း ဆရာ/ဆရာမများနှင့် ကျောင်းသား/ ကျောင်းသူများအတွက် အုပ်ချုပ်၊ထောက်ပံ့ရေးလုပ်ငန်းများ ဆောင်ရွက်ပေးနေမှု အခြေ အနေများအား ရှင်းလင်းပြောကြားသည်။
ယင်းနောက် တိုင်းဒေသကြီး ဝန်ကြီးချုပ်က မြို့နယ်ပညာရေးမှူးထံ ၂၀၂၅-ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား/ ကျောင်းသူများအတွက် စခန်းသွင်းသင်ကြားနေစဉ်ကာလအတွင်း စားသောက်စရိတ် ငွေကျပ်သိန်း- ၂၀၀ ကျပ် အားလည်းကောင်း၊ ပညာရေးနှင့်သင်ပြနည်းပညာ ဒီပလိုမာသင်တန်း တက်ရောက်နေ ကြသည့် ဆရာ/ဆရာမများအတွက် ငွေကျပ်- ၃၀ သိန်းတို့အား ပေးအပ်ချီးမြှင့်ခဲ့သည်။

ဆက်လက်၍ ၂၀၂၅-ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား/ကျောင်းသူများ ကိုယ်စား ကျောင်းသူတစ်ဦးကလည်းကောင်း၊ ပညာရေးနှင့် သင်ပြနည်းပညာ ဒီပလိုမာသင်တန်း တက်ရောက်နေကြသည့် ဆရာ/ဆရာမများ ကိုယ် စား ဆရာမတစ်ဦးက လည်းကောင်း ကျေးဇူးတင်စကားများ ပြန်လည်ပြောကြားခဲ့ကြ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နာဂကိုယ်ပိုင် အုပ်ချုပ်ခွင့်ရဒေသ၊ လဟယ်မြို့နယ်အတွင်းရှိ ဟွေထိုက်ချောင်းပေါ်တွင် ရေထိန်းတမံ တစ်ခုတည်ဆောက်၍ ရေသိုလှောင်ပြီးရရှိလာမည့် ရေအားအမြင့်ကိုအသုံးပြုလျက် ၄ မဂ္ဂါဝပ် တပ်ဆင်စက်အင်အားရှိ နှစ်စဉ်လျှစ်စစ်ဓာတ်အား ၂၀.၃၈၁ ကီလိုဝပ်နာရီသန်း ပေါင်း ထုတ်လုပ်နိုင်မည့် ဟွေထိုက်အသေးစားရေအားလျှပ်စစ် စီမံကိန်းရှင်းလင်းဆောင် သို့ရောက်ရှိရာ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်(၂)တည် ဆောက်ရေး၊ တာဝန်ခံမှ ဘဏ္ဍာနှစ်အလိုက် တည်ဆောက်ရေးလုပ်ငန်းများ ဆောင်ရွက် ပြီးစီးမှုအခြေအနေနှင့် ဆက်လက်ဆောင်ရွက်မည့် တည်ဆောက်ရေးလုပ်ငန်းများအား Power Point ဖြင့် ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများ စံချိန် စံညွှန်းမီ အရည်အသွေးကောင်းမွန်စွာ တည်ဆောက်ပြီးစီးရေး၊ ကုန်ကြမ်းပစ္စည်းများလုပ် ငန်းခွင်သို့ အချီန်မီရောက်ရှိရေးနှင့် သတ်မှတ်ကာလအတွင်း တည်ဆောက်ရေးလုပ် ငန်းများပြီးစီးအောင် ဆောင်ရွက်သွားရေးတို့အား မှာကြားကာ တည်ဆောက် ရေးလုပ် ငန်းများ ဆောင်ရွက်နေမှုများအား သွားရောက်ကြည့်ရှုစစ်ဆေးပြီး လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့၊ ပြည်သူ့ဆေးရုံသို့ ရောက်ရှိရာ ဆေးကုသမှုခံယူနေကြသည့် ဒေသခံတိုင်းရင်းသားများ အား တာဝန်ရှိသူများနှင့်အတူ အဟာရဖြည့်စွက်စာများ ပေးအပ်ခဲ့ကြပြီး ဆေးရုံအုပ်ကြီး ထံ ဆရာဝန်/သူနာပြုများနှင့် ဆေးရုံဝန်ထမ်းများအတွက် ငွေကျပ် - ၁၀ သိန်းအား ပေး အပ်ခဲ့ကြောင်း သိရသည်။

မုံရွာ၊ မေ ၁၅

စစ်ကိုင်းတိုင်းဒေသကြီး၊ မုံရွာမြို့၊ နန္နဝန်အရာထမ်း ဝန်ထမ်းအိမ်ရာအတွင်းရှိ “နန္နဝန်အားမာန်” ဖူဆယ်အားကစား ဘောလုံးကွင်းဖွင့်ပွဲ အထိန်းအမှတ် ဝန်ထမ်းပေါင်း စုံဖူဆယ်အားကစားပြိုင်ပွဲ ဖွင့်ပွဲအခမ်းအနားကို မေလ ၁၅ ရက်၊ နံနက်ပိုင်းတွင် အဆိုပါ အိမ်ရာအတွင်းရှိ ဖူဆယ်အားကစားကွင်းတွင် ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသ ကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အိမ်ရာ အတွင်းနေထိုင်ကြသည့် ဌာနဆိုင်ရာဝန်ထမ်းများ/မိသားစုဝင်များ၊ ပြိုင်ပွဲဝင် အားကစား သမားများနှင့် အသင်းအုပ်ချုပ်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့ အနေဖြင့် နန္နဝန်အိမ်ရာနေ နိုင်ငံ့ဝန်ထမ်းများနှင့် မိသားစုဝင်များ ရုံးချိန်ပြင်ပတွင် ကိုယ်ခန္ဓာ ကျန်းမာကြံ့ခိုင်ရေးနှင့် ကိုယ်လက်လှုပ်ရှားအားကစား ပြုလုပ်နိုင်ရန်အတွက် Out door/ Fitness အားကစားပစ္စည်းများအား ထားရှိဆောင်ရွက်ပေးခြင်း၊ မူလအားကစားကွင်းနေရာ အား ဘက်စုံသုံးအားကစားကွင်းနှင့် ဖူဆယ်ဘောလုံးကွင်းတို့အား အဆင့်မြှင့်အားကစား ကွင်းများအဖြစ် တာဝန်ရှိသူများနှင့် ဝိုင်းဝန်းပူးပေါင်း ဆောင်ရွက်ပေးနိုင်ခဲ့ပါကြောင်း၊ ဝန်ထမ်းအိမ်ရာများ၏ အင်္ဂါရပ်များနှင့်အညီ အမြင်တင့်တယ်၍ သန့်ရှင်းသပ်ရပ်သည့် အသိုက် အဝန်းတခုဖြစ်ပေါ်ရေးအတွက် ဌာနမှအဓိကထား ဆောင်ရွက်နေသကဲ့သို့ အိမ်ရာများတွင် နေထိုင်ကြသည့် ဝန်ထမ်းများနှင့်မိသားစုများမှလည်း ကျန်းမာကြံ့ခိုင်ပြီး သာယာပျော်ရွှင် ဖွယ်ကောင်းသည့် လူ့အသိုက်အဝန်းနှင့် စိတ်ဓါတ်မြင့်မား၍ နွေးထွေးလုံခြုံမှုရှိသည့် အိမ်ရာ တစ်ခုအဖြစ် နေထိုင်သွားကြရန် လိုအပ်ပါကြောင်း၊ ဖူဆယ်အားကစားပြိုင်တွင် ဝင်ရောက် ယှဉ်ပြိုင်ကြမည့် ဝန်ထမ်းများနှင့်မိသားစုဝင်များမှလည်း အားကစားသမားကောင်း တစ် ယောက်စိတ်ဓါတ်ဖြင့် ချစ်ကြည်ရင်းနှီးစွာ ယှဉ်ပြိုင်ကစားသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ပြိုင်ပွဲဝင် အားကစား အသင်းများအား ရင်းရင်းနှီးနှီးလိုက်လံနှုတ်ဆက်ကာ ပြိုင်ပွဲဝင်အားကစားအသင်းများမှ ကွင်းအတွင်းမှပြန် လည်ထွက်ခွာကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ဖူဆယ်အားကစား ပြိုင်ပွဲ အဖွင့်ပွဲစဉ်အဖြစ် နန္နဝန်လူငယ်အသင်းနှင့် မြသလ္လာအသင်းတို့ ယှဉ်ပြိုင်ကစားနေမှု များအား ကြည့်ရှုအားပေးကြရာ နန္နဝန်အသင်းမှ မြသလ္လာအသင်းအား ၅ ဂိုး ၂ ဂိုးဖြင့် အနိုင် ရရှိသွားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နန္နဝန်အိမ်ရာ အတွင်းနေထိုင်ကြသည့် ဌာနဆိုင်ရာအသီးသီးမှ အရာထမ်း/အမှုထမ်းများနှင့် မိသားစုဝင် များ အသိပညာဗဟုသုတများ ရရှိစေရန်အတွက် အိမ်ရာအတွင်းရှိ “မြတ်စေတနာအလင်းရောင်”စာကြည့်တိုက်သို့ ရောက်ရှိရာ တိုင်းဒေသကြီး အစိုးရအဖွဲ့ဝင်များက စာကြည့်တိုက်တာဝန်ခံထံ သုတရသစာအုပ်/စာစောင်များ ဝယ်ယူနိုင်ရန်အတွက် ငွေကျပ် - ၁၀ သိန်းအား ပေးအပ်ခဲ့ကြပြီး စာကြည့်တိုက်အတွင်း သုတရသ စာအုပ်စာစောင် များစနစ်တကျထားရှိမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူ များနှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မြို့ပြနှင့်အိမ်ရာဦးစီးဌာန၊ ဝန်ထမ်းအိမ်ရာအတွင်း နေထိုင်ကြသည့် ဌာနဆိုင်ရာအသီးသီးမှဝန်ထမ်းနှင့် မိသားစုများ ဈေးဝယ်ယူရာတွင် လွယ်ကူစွာဝယ်ယူနိုင်ရေးနှင့် မိသားစုများ၏ အလုပ် အကိုင်အခွင့်အလမ်းများ ရရှိစေရေးအတွက် ရည်ရွယ်ကာ မုံရွာမြို့နယ်၊ စည်ပင်သာယာ ရေးအဖွဲ့မှ တာဝန်ယူတည်ဆောက်ခဲ့သည့် စေျးဆိုင်အခန်းပေါင်း ၄၀ ခန်းပါဝင်သည့် အလျား - ၆၀ ပေ၊ အနံ - ၄၀ ပေ၊ ဈေးရုံအဆောက် အဦ တည်ဆောက်ပြီးစီးမှုနှင့် ဈေး ရောင်းချနေမှုများအား သွားရောက်ကြည့်ရှုစစ်ဆေးခဲ့ကြပြီး ဈေးရောင်းချနေသူများနှင့် ဈေးလာရောက်ဝယ်သူများအား ရောင်းဝယ်ရေးအခြေအနေများအား မေးမြန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ပြန်လည်ဖြေဆိုကြမည့် ခန္တီးမြို့နယ်မှ ကျောင်းသား၊ကျောင်းသူ ၃၇၀ ဦးအား ခန္တီးမြို့၊ အခြေခံပညာအထက်တန်းကျောင်း၌ စခန်းသွင်း သင်ကြားပေးနေမှုများနှင့် ခန္တီးမြို့နယ်အတွင်းရှိ ရပ်ကွက်/ကျေးရွာများမှ အခြေခံပညာမူ လတန်းကျောင်းများမှ ဆရာ/ဆရာမများအား ပညာရေးနှင့်သင်ပြနည်းပညာ ဒီပလိုမာ သင်တန်း သင်ကြားနေမှုများအား သွားရောက်ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်က မြို့နယ်ပညာရေးမှူးနှင့် ကျောင်းအုပ် ကြီးထံ ၂၀၂၅-ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား/ ကျောင်းသူများအတွက် စခန်းသွင်းသင်ကြားနေစဉ်ကာလအတွင်း စားသောက်စရိတ် ငွေကျပ်သိန်း- ၃၀၀ ကျပ်နှင့် ပညာရေးနှင့်သင်ပြနည်းပညာ ဒီပလိုမာသင်တန်း တက် ရောက်နေကြသည့် ဆရာ/ဆရာမများအတွက် ငွေကျပ်- ၃၀ သိန်းတို့အား ပေးအပ်ချီးမြှင့် ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းဝန်းအတွင်း တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ကျောင်းသား/ ကျောင်းသူများအား နေ့လည်စာကျွေးမွေးနေမှုများအား လိုက်လံကြည့်ရှုခဲ့ကြောင်း သိရ သည်။

မုံရွာ၊ မေ ၁၄

စစ်ကိုင်တိုင်းဒေသကြီးအတွင်း စားရေရိက္ခာဖူလုံရေးအတွက် မွေးမြူရေးတောင်သူ များအား တွေ့ဆုံဆွေးနွေးခြင်းနှင့် ရာသီအလိုက်ဖြစ်ပွားတတ်သည့် ရောဂါများ အကြောင်း ပညာပေးဟောပြောပွဲ အခမ်းအနားကို မေလ ၁၄ ရက်၊ မွန်းလွဲပိုင်းတွင် တိုင်း ဒေသကြီး မွေးမြူရေးနှင့်ကုသရေးဦးစီးဌာနရုံးရှိ အစည်းအဝေးခန်းမတွင် ကျင်းပပြုလုပ် ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မွေးမြူရေးလုပ်ငန်း ရှင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြည်သူများလိုအပ်သည့် အာ ဟာရနှင့်ဘေးအန္တရာယ်ကင်းရှင်းသည့် အသား၊ ငါး၊ နို့နှင့် ဉများရရှိရေးအတွက် ဌာနဆိုင် ရာများနှင့် မွေးမြူရေးလုပ်ငန်းရှင်များက အလေးထားကာ ပူးပေါင်းဆောင်ရွက်သွားကြ ရန်လို အပ်ပါကြောင်း၊ တိရစ္ဆာန်များ တိုးချဲ့မွေးမြူနိုင်ရန် မိမိတို့တိုင်းဒေသကြီး အစိုးရ အဖွဲ့အနေဖြင့် နိုင်ငံ့စီးပွားမြှင့်တင်ရေးရန်ပုံငွေမှ ငွေကျပ်သိန်းပေါင်း- ၄၂၉၈ သိန်းကျော် အားအတိုးနှုန်းသက်သာစွာဖြင့် ချေးငွေများထုတ်ချေးထားပြီး ဖြစ်ပါကြောင်း၊ တိရိစ္ဆာန် များမွေးမြူသည့်နေရာတွင် မွေးမြူရေးစနစ်မှန်ကန်စေရေး၊ မျိုးကောင်းမျိုးသန့်ရရှိရေး၊ ကူးစက်ရော ဂါကာကွယ်ထိန်းချုပ်ရေးလုပ်ငန်းများသည် အရေးကြီးပါကြောင်းနှင့် မွေး ဖွားမှုများပြီး သေဆုံမှုနည်းမှသာ တိရိစ္ဆာန်များတိုးတက်ပြီး အသားထုတ်လုပ်မှုမြင့်တက် လာမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး မွေးမြူရေးနှင့်ကုသရေးဦးစီးဌာန၊ ညွန်းကြားရေးမှူး က အာဖရိကဝက်အပြင်းဖျားရောဂါအကြောင်း သိကောင်းစရာအား လည်းကောင်း၊ တိုင်း ဒေသကြီး ငါးလုပ်ငန်းဦးစီးဌာနမှ ဒုတိယညွှန်ကြားရေးမှူးက ငါးမွေးမြူရေးနှင့်ငါးသား ဖောက်ခြင်းလုပ်ငန်း သိကောင်းစရာများအား လည်းကောင်း၊ တိုင်းဒေသကြီး ပျားမွေးမြူရေးလုပ်ငန်း တာဝန်ခံမှ ပျားမွေးမြူရေးလုပ်ငန်း သိကောင်းစရာများအား လည်းကောင်း၊ ခရိုင်မွေးမြူရေးနှင့်ကုသရေးဦးစီးဌာနမှ ခရိုင်ဦးစီးမှူးက ခွာနာရှာနာရောဂါအကြောင်း သိကောင်းစရာများအား လည်းကောင်း အသီးသီး ရှင်းလင်းဆွေးနွေး ပြောကြားကြသည်။

ဆက်လက်၍ တွေ့ဆုံပွဲ အခမ်းအနားသို့ တက်ရောက်လာကြသည့် မွေးမြူရေး တောင်သူများက မိမိတို့လုပ်ငန်းများဆောင်ရွက်နေမှု အခြေအနေများအား ရှင်းလင်း ပြောကြားကြသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက တိုင်းဒေသ ကြီးအတွင်း စားရေရိက္ခာဖူလုံရေးအတွက် ဌာနဆိုင်ရာများနှင့် မွေးမြူရေးတောင်သူများ ၏ဆွေးနွေးတင်ပြချက်များအပေါ် လိုအပ်သည်များကို ဖြည့်စွက်ဆွေးနွေး တင်ပြသည်။

ထို့နောက် တိုင်းဒေသကြီး ဝန်ကြီးချုပ်က အသီးသီး ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ် အမှာစကားပြောကြာကာ တွေ့ဆုံပွဲအခမ်အနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်း ကြက်မဲ၊ တိုင်းရင်းကြက်များ မွေးမြူထားရှိမှုနှင့် နေပီယာမြတ် စိုက်ပျိုးထားရှိမှုများ အား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၁၄

၂၀၂၅-ခုနှစ်၊ တိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ်အောက် အမျိုးသား/အမျိုးသမီး ဘော်လီဘောပြိုင်ပွဲ ဆုချီးမြှင့်ပွဲအခမ်း အနားကို မေလ ၁၄ ရက်၊ နံနက်ပိုင်းတွင် မုံရွာမြို့၊ ပြည်သူ့အားကစားကွင်းရှိ မိုးလုံလေလုံ အားကစားခန်းမတွင် ကျင်းပပြုလုပ်ရာ ဆုချီးမြှင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသ ကြီးအစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အားကစားသမားများနှင့် အသင်းအုပ်ချုပ်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ အမျိုးသား ဘော်လီဘောပြိုင် ပွဲဗိုလ်လုပွဲစဉ်အဖြစ် ဟုမ္မလင်းမြို့နယ် ဘော်လီဘောအသင်းနှင့် ခန္တီးမြို့နယ် ဘော်လီဘော အသင်းတို့ ယှဉ်ပြိုင်ကစားနေမှုများအား ကြည့်ရှုအားပေးရာ ခန္တီးမြို့နယ်အသင်းမှ ဟုမ္မလင်း မြို့နယ်အသင်းအား အနိုင်ရရှိသွားသည်။

ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဉပဒေချုပ်နှင့် တိုင်းဒေသကြီးအစိုးရအဖွဲ့ အတွင်းရေးမှူးတို့က ပွဲစဉ်တစ်လျှောက်အကောင်းဆုံး အမျိုး သား/အမျိုးသမီး အားကစားသမားများအား ငွေသားဆုနှင့်ဆုတံဆိပ်များအား ပေးအပ်ချီးမြှင့် ကြသည်။

ဆက်လက်၍ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက အမျိုးသမီး ဘော် လီဘောပြိုင်ပွဲတွင် တတိယဆုရရှိသည့် မုံရွာမြို့နယ်အသင်းအား တစ်ဦးချင်းဆုတံဆိပ်နှင့် ငွေသားဆုငွေကျပ် - ၂ သိန်းကျပ်အား လည်းကောင်း၊ တိုင်းဒေသကြီး သယံဇာတရေးရာ ဝန်ကြီး ဦးတင်သန်းဝင်းက အမျိုးသားဘော်လီဘောပြိုင်ပွဲတွင် တတိယဆုရရှိသည့် စစ်ကိုင်း မြို့နယ်အသင်းအား တစ်ဦးချင်းဆုတံဆိပ်နှင့် ငွေသားဆုငွေကျပ် - ၂ သိန်းကျပ်အား လည်း ကောင်း၊ တိုင်းဒေသကြီး လုံခြုံရေးနှင့်နယ်စပ်ရေးဝန်ကြီး ဗိုလ်မှူးကြီး ဝင်းတင်စိုးက အမျိုး သမီးဘော်လီဘောပြိုင်ပွဲတွင် ဒုတိယဆုရရှိသည့် စစ်ကိုင်းမြို့နယ်အသင်းအား တစ်ဦးချင်းဆု တံဆိပ်နှင့် ငွေသားဆုငွေကျပ် - ၃ သိန်းကျပ်အား လည်းကောင်း၊ တိုင်းဒေသကြီး တရားသူ ကြီးချုပ် ဦးဇော်ထူးက အမျိုးသား ဘော်လီဘောပြိုင်ပွဲတွင် ဒုတိယဆုရရှိသည့် ဟုမ္မလင်းမြို့ နယ်အသင်းအား တစ်ဦးချင်းဆုတံဆိပ်နှင့် ငွေသားဆုငွေကျပ် - ၃ သိန်းကျပ်အား လည်း ကောင်း ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်က အမျိုးသမီး ဘော်လီဘောပြိုင်ပွဲတွင် ပထမ ဆုရရှိသည့် ချောင်းဦးမြို့နယ်အသင်းနှင့် အမျိုးသား ဘော်လီဘောပြိုင်ပွဲတွင် ပထမဆုရရှိ သည့် ခန္တီးမြို့နယ်အသင်းတို့အား တစ်ဦးချင်းဆုတံဆိပ်၊ ငွေသားဆုငွေကျပ် - ၅ သိန်းကျပ်စီ နှင့်ဒိုင်းဆုများအား ပေးအပ်ချီးမြှင့်ကာ တာဝန်ရှိသူများနှင့်အတူ စုပေါင်းမှတ်တမ်းတင် ဓါတ် ပုံရိုက်ကူးပြီး ဆုချီးမြှင့်ပွဲအခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့ အားကစားကွင်းအတွင်း တိုင်းဒေသကြီးနှင့်ပြည်နယ် အသက်(၁၈)နှစ်အောက် အမျိုးသား ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် စစ်ကိုင်းတိုင်းဒေသကြီး ဘောလုံးအသင်း စခန်း သွင်းလေ့ကျင့်နေမှုများအား ကြည့်ရှုခဲ့ကြပြီး နည်းပြများ၊ အားကစားသမားများနှင့်တွေ့ဆုံ ကာ စခန်းသွင်းလေ့ကျင့်နေစဉ်ကာလအတွင်း လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။