မုံရွာ၊ မေ ၂၆

မန္တလေးငလျင်ကြီးကြောင့် ထိခိုက်ပျက်စီးခဲ့သည့် စစ်ကိုင်းမြို့ပေါ်ရှိ အခြေခံပညာ ကျောင်းများအတွက် အာဆီယံ The AHA Centre မှ ထောက်ပံ့လှူဒါန်းသည့် ကွန်တိန် နာကျောင်းဆောင် (Prefabricated Schools)များ လွှဲပြောင်းပေးအပ်ပွဲ အခမ်းအနားကို မေလ ၂၆ ရက်၊ နံနက်ပိုင်းတွင် စစ်ကိုင်းမြို့၊ ရွာထောင်ရပ်ကွပ်ရှိ ဒီဇယ် အခြေခံပညာ အလယ်တန်းကျောင်းတွင် ကျင်းပပြုလုပ်ရာ အခမ်းအနားသို့ စစ်ကိုင်တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့ နယ်အဆင့် ဌာနဆိုင်ရာများ၊ အာဆီယံ The AHA Centre ၏ အမှုဆောင်ညွှန်ကြား ရေးမှူး Mr Lee Yam Ming နှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ငလျင်ဘေးကြောင့် ထိခိုက် ပျက်စီးခဲ့သည့် စာသင်ကျောင်းများအား အချန်မီ လည်ပတ်နိုင်ရေး၊ မိုးမကျမီ မိုးအကာ အောက်ရောက်ရှိနိုင်ရေး၊ ပျက်စီးမှုများအား ပြန်လည်ရှင်းလင်းရေးလုပ်ငန်းများအား အလေးထားဆောင်ရွက်လျက်ရှိပြီး စစ်ကိုင်းမြို့ပေါ်ရှိ ငလျင်ဘေးသင့်ကျောင်းများအနက် အထကခွဲ ရန်နိုင်၊ အထကခွဲ ရွာထောင်၊ အလကခွဲ ဒီဇယ်၊ အလကခွဲ ပါရမီနှင့် အလကခွဲ ဇေယျာ စသည့် စာသင်ကျောင်း ၅ ကျောင်းအတွက် အာဆီယံ The AHA Centre မှ ယာယီကျောင်းဆောင်များအား ကိုယ်တိုင်လာရောက်လှူဒါန်းပေးမှုအပေါ် နိုင်ငံတော် ကိုယ်စား အထူးပင်ကျေးဇူးတင်ရှိပါကြောင်း ပြောကြားခဲ့သည်။

ယင်းနောက် အာဆီယံ The AHA Centre ၏ အမှုဆောင်ညွှန်ကြားရေးမှူး Mr Lee Yam Ming မှ ကွန်တိန်နာကျောင်းဆောင် (Prefabricated Schools)များ ထောက်ပံ့ပေး အပ်ရခြင်းအား ရှင်းလင်းပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများထံကွန်တိန်နာကျောင်းဆောင် (Prefabricated Schools)များ လွှဲပြောင်းပေးအပ်ပြီး တိုင်း ဒေသကြီးအစိုးရအဖွဲ့မှ ဂုဏ်ပြုမှတ်တမ်းလွှာများ ပြန်လည်ပေးအပ်သည်။

ဆက်လက်၍ တိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူးချုပ် ဦးသက်လေးဦးက ကျေးဇူးတင်စကား ပြန်လည်ပြောကြားပြီး စုပေါင်းမှတ်တမ်းဓါတ်ပုံ ရိုက်ကူးခဲ့ကြသည်။

အဆိုပါ အာဆီယံ The AHA Centre မှ ထောက်ပံ့လှူဒါန်းသည့် အလျား- ၁၂၀ ပေ၊ အနံ- ၃၀ ပေ၊ ၂ ဆောင်၊ အလျား- ၉၀ ပေ၊ အနံ - ၃၀ ပေ၊ ၁ ဆောင်နှင့် အလျား -၆၀ ပေ၊ အနံ - ၃၀ ပေ၊ ၂ ဆောင် ကွန်တိန်နာကျောင်းဆောင် ၅ ဆောင်အား ထောက်ပံ့လှူဒါန်း ခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံနှင့် တာဝန်ရှိသူများသည် မွန်းလွဲပိုင်းတွင် ၂၀၂၅- ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် စစ်ကိုင်းမြို့ပေါ်ရှိ ကျောင်းသား/ ကျောင်းသူများအား စစ်ကိုင်းပညာရေးတက္ကသိုလ်အတွင်းရှိ သတ်မှတ်စာသင်ဆောင်များ တွင်စခန်းသွင်း သင်ကြားပေးနေမှုများအား လိုက်လံကြည့်ရှုခဲ့ကြပြီး စခန်းသွင်းသင်ကြား နေစဉ်ကာလအတွင်း ဆရာ၊ဆရာမများနှင့် ကျောင်းသား၊ကျောင်းသူများ အုပ်ချုပ်၊ ထောက်ပံ့ရေး၊ နေထိုင်စားသောက်ရေး အဆင်ပြေစေရန်နှင့် ကျန်းမာရေးများ ကောင်း မွန်စေရန်တို့အတွက် တာဝန်ရှိသူများမှ အလေးထားဆောင်ရွက်သွားကြရန် မှာကြားခဲ့ သည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် စစ်ကိုင်းမြို့၊ အမှတ်(၁)အခြေခံပညာအထက်တန်းကျောင်းသို့ ရောက်ရှိရာ ငလျင် ဘေးဒဏ်ကြောင့် နေအိမ်များထိခိုက်ပျက်စီးခဲ့သည့် စစ်ကိုင်းမြို့ပေါ်ရှိ အခြေခံပညာ ကျောင်းများမှ ဆရာ/ဆရာမများအား ယာယီနေအိမ်အဆောက်အဦများ တည်ဆောက် ပေးထားမှုများအား သွားရောက်ကြည့်ရှုကာ ဆရာ/ဆရာမများအား ရင်းရင်းနှီးနှီးနုတ် ဆက်အားပေးခဲ့ကြပြီး အဆိုပါကျောင်းဝန်းအတွင်း ယာယီကျောင်းဆောင်အဆောက် အဦများတည်ဆောက်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန် ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် ငလျင်ဘေးဒဏ်ကြောင့် အဆောက်အဉီများ ထိခိုက်ပျက်စီးခဲ့သည့် စစ်ကိုင်းမြို့၊ မြို့ပြနှင့်အိမ်ရာဦးစီးဌာန၊ ဝန်ထမ်းအိမ်ရာအတွင်းနေထိုင်ကြသည့် ဌာနဆိုင်ရာ အသီး သီးမှဝန်ထမ်းများ ယာယီနေထိုင်နိုင်ရန်အတွက် ကွန်တိန်နာလူနေအိမ် အဆောက်အဦ များတည်ဆောက်နေမှုများအား သွားရောက်ကြည့်ရှုခဲ့ကြပြီး တည်ဆောက်ပြီးစီးနေသည့် ကွန်တိန်နာလူနေအိမ်များအား အမှန်တကယ်လိုအပ်သည့် ဌာနဆိုင်ရာအသီးသီးရှိ ဝန်ထမ်းများအား စနစ်တကျခွဲဝေချထားပေးရန်အတွက် တာဝန်ရှိသူများအား မှာကြားခဲ့ သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ငလျင်ဘေးဒဏ်ကြောင့် ပြိုကျပျက်စီးခဲ့သည့် စစ်ကိုင်းမြို့၊ ရွှေဟင်္သာတိုက်သစ် ဘုန်းတော်ကြီးကျောင်းတိုက်ကြီးအတွင်းရှိ သာသနိကအဆောက်အဦများအား တပ်မ တော်သားများ၊ မြန်မာနိုင်ငံရဲတပ်ဖွဲ့ဝင်များနှင့် လူမှုရေးအသင်းအဖွဲ့ဝင်များမှ ပြန်လည် ရှင်းလင်းပေးနေမှုများအား လည်းကောင်း၊ အဆိုပါ ဘုန်းတော်ကြီးကျောင်းတိုက်ဘေး လမ်းအား မြေသားမြှင့်တင်နေမှုနှင့် လမ်းချဲ့နေမှုများအား ကြည့်ရှုခဲ့ကြပြီး လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ခဲ့ကြောင်း သိရသည်။

မုံရွာ၊ မေ ၂၄

စစ်ကိုင်းတိုင်းဒေသကြီးအစိုးရအဖွဲ့ ကျောက်မီးသွေး တူးဖော်လုပ်ကိုင်လျက်ရှိသည့် ကုမ္ပဏီများ လျာထားချက်အပြည့် ထုတ်လုပ်သယ်ယူရေး ညှိနှိုင်းအစည်းအဝေးကို မေလ ၂၄ ရက်နေ့ မွန်းလွဲပိုင်းက စစ်ကိုင်းတိုင်းဒေသကြီးအစိုးရအဖွဲ့ရုံး အစည်းအဝေးခန်းမ(၁)၌ ကျင်းပပြု လုပ်ရာ စစ်ကိုင်းတိုင်း ဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်း၊ တိုင်းဒေသကြီးအဆင့် တာဝန်ရှိပုဂ္ဂိုလ်များ၊ တိုင်းဒေသကြီးအတွင်းရှိ မော်လိုက်၊ ကလေး၊ ခန္တီးမြို့နယ်များမှ ကုမ္ပဏီလုပ်ငန်းရှင် တာဝန်ရှိသူ များ တက်ရောက်ကြသည်၊၊

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးမှာ ကျောက်မီးသွေး တူးဖော်ထုတ်လုပ်မှုလုပ်ငန်း လုပ်ကိုင်ဆောင်ရွက်လျက်ရှိသည့် ကုမ္ပဏီများ အနေဖြင့်လျာထားချက်အပြည့်အဝထုတ်လုပ်ရေး၊ တူးဖော်ပြီးကျောက်မီးသွေးများ မြစ်ရေတက်ချိန် တွင် သယ်ယူနိုင်ရေး စီမံဆောင်ရွက်သွားရန်အတွက် လုပ်ငန်းဆောင်ရွက်နေမှုများနှင့် လိုအပ် ချက်များအား ပံ့ပိုးကူညီဆောင်ရွက်ပေးမည်ဖြစ်ကြောင်း၊ မိုးတွင်းကာလချင်းတွင်းမြစ်ရေ လမ်းကြောင်းကောင်းမွန်ချိန်အတွင်း အဓိကထား သယ်ယူပို့ဆောင်သွားရန်ဖြစ်ကြောင်း၊ ဇူလိုင်လ၊ ဩဂုတ်လနှင့် စက်တင်ဘာလ မြစ်ရေတက်ချိန် မှာ ကျောက်မီးသွေး သယ်ယူပို့ဆောင်ရာတွင် အဆင်ပြေကြောင်း၊ ယခင်နှစ်တွင် ရေကြီးရေလျှံမှု ကြောင့် အခက်အခဲများ ကြုံတွေ့ခဲ့ရသော်လည်း တူးဖော်ထုတ်လုပ်ပြီး ကျောက်မီးသွေးများ လေလွင့်ဆုံးရှုံးမှု မဖြစ်စေရန် ကြိုးပမ်းသယ်ဆောင်တာကို တွေ့ရကြောင်း၊ သက်ဆိုင်ရာ တာဝန်ရှိသူများရဲ့ ဖြည့်ဆည်းပေါင်းစပ် ဆောင်ရွက်မှုဖြင့် ကျောက်မီးသွေးထုတ်လုပ်မှု၊ သယ်ယူမှုကို အတိုင်းအတာတစ်ခုအထိ ဆောင်ရွက်နိုင်သည်ကို တွေ့ရကြောင်း၊ ဆက်လက်ပြီး ကြိုးပမ်းဆောင်ရွက်သွားရန် လိုကြောင်း၊ ရေကြောင်းခရီးလုံခြုံရေးအတွက် လုံခြုံရေးတပ်ဖွဲ့ များနှင့်ပေါင်းစပ်ညှိနှိုင်း ကူညီဆောင်ရွက်ပေးမည်ဖြစ်ကြောင်း၊ လုပ်ငန်းများ ကောင်းမွန်စွာ လည်ပတ်လုပ်ကိုင်ခြင်းဖြင့် ကုမ္ပဏီအကျိုး၊ ဒေသခံပြည်သူနှင့် နိုင်ငံတော်အတွက် အကျိုး စီးပွားဖြစ် ထွန်းမည်ဖြစ်ကြောင်း၊ ကုမ္ပဏီလုပ်ငန်းရှင်များအနေဖြင့် လုပ်ငန်းများပုံမှန် လည်ပတ်နိုင်ရေး ကြိုးပမ်း ဆောင်ရွက်စေလိုကြောင်း၊ ထုတ်လုပ်မှု လျာထားချက်ပြည့်မီအောင် ကြိုးပမ်းဆောင်ရွက်ကြ ရန်၊ ကုမ္ပဏီများအနေဖြင့်လုပ်ငန်း ဆောင်ရွက်နေမှုများနှင့် မိမိတို့လိုအပ်ချက်၊ မိမိတို့ အခက်အခဲများကို ပွင့်ပွင့် လင်းလင်းတင်ပြဆွေးနွေးရန် ဖြစ်ကြောင်း၊ စစ်ကိုင်းတိုင်းဒေသကြီးအတွင်း ကျောက်မီးသွေးထုတ်လုပ်မှုအခြေအနေမှာ လျာထား ချက်အပေါ် ၂၀၂၀-၂၀၂၁ ဘဏ္ဍာရေးနှစ် တွင် ၁၁၈.၅၄%၊ ၂၀၂၁-၂၀၂၂ (မီနီ) ဘဏ္ဍာရေးနှစ်တွင် ၅၀.၁၈%၊ ၂၀၂၂-၂၀၂၃ ဘဏ္ဍာရေးနှစ်တွင် ၅၉.၅၈%၊ ၂၀၂၃-၂၀၂၄ ဘဏ္ဍာရေးနှစ်တွင် ၁၇၄.၅၈%၊ ပြီးခဲ့တဲ့၂၀၂၄-၂၀၂၅ ဘဏ္ဍာရေးနှစ်တွင် ၁၃၁.၃၀ % အကောင်အထည် ဖော်ဆောင် ရွက်နိုင်ပါကြောင်း၊ ယခု ၂၀၂၅-၂၀၂၆ ဘဏ္ဍာရေးနှစ်တွင် ထုတ်လုပ်မှုလျာထားချက်ပြည့်မီ ကျော်လွန်အောင် ဆောင်ရွက်သွား ရန်လိုကြောင်းနှင့် ကုမ္ပဏီများမှလည်း ထုတ်လုပ်မှုလျာထား ချက်ပြည့်မီအောင် ကြိုးပမ်းဆောင် ရွက်ရန်ဖြစ်ကြောင်း၊ ထုတ်လုပ်ပြီး ကျောက်မီးသွေးများ လေလွင့်ဆုံးရှုံးမှုမဖြစ်စေရေး ဈေးကွက်သို့ အမြန်တင်ပို့ရန် လိုအပ်ကြောင်း၊ ချင်းတွင်းမြစ်ရေ ကြောင်းကောင်းမွန်သည့်အချိန်တွင် ထုတ်လုပ်ပြီး ကျောက်မီးသွေးများကို ဈေးကွက်သို့ တင်ပို့နိုင်ရေး ယခုအချိန်ကတည်းပင် လိုအပ်သည်များ ကြိုတင်ပြင်ဆင်ဆောင်ရွက်သွားရန်နှင့် ကျောက်မီးသွေးတူးဖော်ထုတ်လုပ်ရာတွင် ပတ်ဝန်းကျင်ထိခိုက်မှု အနည်းဆုံးဖြစ်စေရေး ဆောင်ရွက်ရန် လိုအပ်ပါကြောင်း၊ တူးဖော်ထုတ်လုပ်ပြီးစီးခဲ့သည့် မြေနေရာများအား သဘာဝ ပတ်ဝန်းကျင် ထိန်းသိမ်းရေး၊ ဂေဟစနစ်ဖြည့်တင်းရေးအတွက် မိုးရာသီကာလတွင် စီမံချက်ချ မှတ်၍ ကြီးမြန်သစ်ပင်များ မဖြစ်မနေပြန်လည်စိုက်ပျိုးဆောင်ရွက်ရန် တိုက်တွန်းပြောကြား ခဲ့သည်။

ဆက်လက်၍ အမှတ်(၁)သတ္ထုတွင်းလုပ်ငန်း ဦးဆောင်ညွှန်ကြားရေးမှူးနှင့် ရန်ကုန်မြို့တော် စည်ပင်သာယာရေးကော်မတီမှ ဒုတိယညွှန်ကြားရေးမှူးချုပ်တို့က ကျောက်မီးသွေး တူးဖော် လုပ်ကိုင်လျက်ရှိသည့် ကုမ္ပဏီများ လျာထားချက်အပြည့် ထုတ်လုပ်သယ်ယူရေးနှင့် သက်ဆိုင် သည့် လုပ်ငန်းများအား ဆွေးနွေးတင်ပြကြပြီးနောက် တက်ရောက်လာကြသော တိုင်းဒေသကြီး အတွင်းရှိ မော်လိုက်၊ကလေး၊ခန္တီး မြို့နယ်များမှ ကုမ္ပဏီလုပ်ငန်းရှင် တာဝန်ရှိသူများ၏ လုပ်ငန်း ကဏ္ဍအလိုက် လိုအပ်ချက် အခက်အခဲများကို တင်ပြဆွေးနွေးခဲ့ကြသည်။

ထို့နောက် တိုင်းဒေသကြီးသယံဇာတရေးရာဝန်ကြီးက ကျောက်မီးသွေး တူးဖော် လုပ်ကိုင်လျက်ရှိသည့် ကုမ္ပဏီများ လျာထားချက်အပြည့် ထုတ်လုပ်သယ်ယူရေးလုပ်ဆောင်မှု များနှင့် စပ်လျဉ်းပြီး အသေးစိတ် ဖြည့်စွက်အကြံပြုဆွေးနွေးမှုများနှင့် တက်ရောက်လာကြသူများ ၏ အထွေထွေဆွေးနွေးမှုများအပေါ် တိုင်းဒေသကြီးဝန်ကြီးချုပ်က လိုအပ်သည်များကို တာဝန်ရှိ သူများနှင့် ညှိနှိုင်းပေါင်းစပ်ဆောင်ရွက်ပေးကာ နိဂုံးချုပ်အမှာစကားပြောကြားပြီး အစည်းအဝေး ကို ရုပ်သိမ်းလိုက်ကြောင်းသိရသည်။

မုံရွာ၊ မေ ၂၄

၂၀၂၅-၂၀၂၆ ပညာသင်နှစ်တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးနှင့် ကျောင်းဉပဓိရုပ်ကောင်းမွန်စေရေးအတွက် ယနေ့နံနက်ပိုင်းတွင် မုံရွာမြို့ သလ္လာရပ်ကွက်ရှိ အမှတ်(၄)အခြေခံပညာအထက်တန်းကျောင်း၊ ကျောင်းပတ်ဝန်းကျင်နှင့် ကျောင်းဝန်းအတွင်း သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက် ပွားနိုင်သည့် ရေနုတ်မြောင်းများရေစီးရေ လာကောင်းမွန်စေရေးတို့အတွက် တိုင်းဒေသကြီး/ ခရိုင်/မြို့နယ် အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များ၊ စည်ပင်သာယာရေးအဖွဲ့များ၊ ဌာနဆိုင်ရာဝန်ထမ်းများ၊ ဆရာ/ဆရာမများ၊ ကျောင်း သားမိဘများနှင့် ကျောင်းသား/သူများစုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးဆောင်ရွက်နေမှုများအား တိုင်းဒေသကြီး ဝန်ကြီးချုပ်နှင့် တာဝန်ရှိသူများက လိုက်လံကြည့်ရှုအားပေးပြီး စုပေါင်းသန့်ရှင်းရေး လုပ်ငန်းများဆောင်ရွက်နေ သူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား စားသုံးဆီ၊ တန်ဖိုးသင့်စား သောက်ကုန်များနှင့် ဟင်းသီးဟင်းရွက်များအား ဈေးနှုန်းသက်သာစွာဖြင့် ရောင်းချပေးနေမှုများ အားကြည့်ရှုအားပေးကာ စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြသူများနှင့်အတူ နံနက်စာ များအား စုပေါင်းစားသုံးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် (၁၀) မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား (၁၂၀၀) ကျော်ဖြင့် ကျောင်းများဉပဓိရုပ်ကောင်းမွန်ရေးနှင့် မြို့သန့်ရှင်းသာယာလှပရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။

မုံရွာ၊ မေ ၂၃

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် ဝန်ကြီးများ နှင့်အတူ ယနေ့နံနက်ပိုင်းက တိုင်းဒေသကြီးအစိုးရအဖွဲ့ရုံး ချင်းတွင်း ခန်းမတွင် စစ်ကိုင်း တိုင်း ဒေသကြီးအစိုးရအဖွဲ့မှ ကြီးမှုးကျင်းပသော တိုင်းဒေသကြီး အတွင်းရှိ အငြိမ်းစားဝန်ထမ်းများအား ကျန်းမာရေးစစ်ဆေးပေးခြင်းနှင့် အခြေခံစားသောက်ကုန် များ ပေးအပ်ခြင်းအခမ်းအနားသို့ တက်ရောက်သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက အခမ်းအနားသို့ တက်ရောက် လာကြသော အငြိမ်းစားဝန်ထမ်းများအား တိုင်းဒေသကြီး ကျန်းမာရေးဦးစီးဌာနမှ တာဝန်ရှိသူများနှင့် ဝန်ထမ်းများမှ ကျန်းမာရေးစစ်ဆေးပေးနေမှုတို့နှင့် နှလုံး၊ ဆီးချို၊ သွေးချို ဝေဒနာရှင်များအား လိုအပ်သောဆေးဝါးများ အခမဲ့ ဆောင်ရွက်ပေးနေမှုတို့ အား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ညှိနှိုင်းပေါင်းစပ်ဆောင်ရွက်ပေး ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ တိုင်းဒေသကြီး အတွင်းရှိ အငြိမ်းစားဝန်ထမ်းများအား အခြေခံစားသောက်ကုန်အဖြစ် ကြက်ဥများကို အသီးသီး လက်ဝယ်အရောက် ပေးအပ်ချီးမြှင့်ခဲ့ပြီးနောက် ရင်းရင်းနှီးနှီးတွေ့ဆုံ အားပေးစကားများ ပြောကြားခဲ့သည်။

ထို့နောက် အခမ်းအနားအပြီးအတွင် စစ်ကိုင်းတိုင်းဒေသကြီးအစိုးရအဖွဲ့၏ ကြီးကြပ်မှု ဖြင့် ဆန်ကုန်သည်နှင့် ဆန်စက်လုပ်ငန်းရှင်များ ပူးပေါင်း၍ အငြိမ်းစား ဝန်ထမ်းများအတွက် ရွှေဘိုပေါ်ဆန်း၊ ဧရာမင်း၊ ရက်(၉၀)ရှယ် ဆန်တို့အား သက်မှတ်အခြေခံဈေးနှုန်းဖြင့် ဆန်များ ရောင်းချပေးနေမှု၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း အစီအစဉ်ဖြင့် မုံရွာခရိုင်ဆီကုန်သည်နှင့်ဆီလုပ်ငန်းရှင်များအသင်းတို့မှ စားသုံးဆီများ လက်လီရောင်းချပေး နေမှု၊ တိုင်းဒေသကြီးစည်ပင်သာယာရေးအဖွဲ့၏ ကြီးကြပ်မှုဖြင့် တန်ဖိုးသင့် ဟင်းသီးဟင်း ရွက်များ ရောင်ချပေးနေမှုနှင့် မုံရွာမြို့နယ် အထွေထွေအုပ်ချုပ်ရေးဦးစီးဌာနမှ တန်းဖိုးသင့် ဆန်၊ဆီ၊ဆား၊ကြက်သွန် စားသောက်ကုန်ဈေးကားတို့ဖြင့် လက်ဝယ်အရောက် ရောင်းချပေး နေမှုတို့အား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ညှိနှိုင်းပေါင်းစပ် ဆောင်ရွက်ပေးခဲ့သည်။

ယနေ့ပြုလုပ်သော အခမ်းအနားတွင် တိုင်းဒေသကြီးအတွင်းရှိ အငြိမ်းစားဝန်ထမ်း (၆၄၅)ဦးကို ကြက်ဥအလုံးပေါင်း (၆၄၅၀)ကို အခမဲ့ပေးအပ်နိုင်ခဲ့ပြီး ကျန်းမာရေးစောင့်ရှောက် မှု များကိုလည်း ဆောင်ရွက်ပေးနိုင်ခဲ့ပါကြောင်းနှင့် လစဉ်ဆောင်ရွက်ပေးမည်ဖြစ်ကြောင်း သိရှိရ သည်။

ယင်းနောက် နေ့လယ်ပိုင်းတွင် တိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သော စစ်ကိုင်းတိုင်း ဒေသကြီးအစိုးရအဖွဲ့ လုပ်ငန်းညှိနှိုင်းအစည်းအဝေး(၅/၂၀၂၅) သို့ တက်ရောက်အမှာစကားပြောကြားခဲ့သည်။

ဦးစွာ အစည်းအဝေးသို့ တက်ရောက်လာကြသူများအား တိုင်းဒေသကြီး ဝန်ကြီးချုပ် က တိုင်းဒေသကြီးအတွင်းအကောင်အထည်ဖော်ဆောင်ရွက်နေသည့် စိုက်ပျိုးရေးကဏ္ဍ၊ မွေးမြူရေးကဏ္ဍ၊ ပညာရေးကဏ္ဍ၊ စီးပွားရေးကဏ္ဍ၊ နယ်မြေလုံခြုံရေးကဏ္ဍ၊ လမ်းပန်းဆက်သွယ်ရေးကဏ္ဍ တို့တွင် လုပ်ငန်းများ အရှိန်အဟုန်မြှင့် အားလုံးပူးပေါင်းဆောင်ရွက်ကြစေကြောင်းနှင့် ယမန်နှစ်များထက် ဖွံ့ဖြိုးတိုးတက်အောင် လုပ်ဆောင်ပေးကြရန် တိုက်တွန်း အမှာစကားပြောကြားခဲ့သည်။

ဆက်လက်၍ တက်ရောက်လာကြသော တိုင်းဒေသကြီးအဆင့် ဌာနဆိုင်ရာများနင့် နာဂကိုယ်ပိုင် အုပ်ချုပ်ခွင့်ရဒေသအပါအဝင် ခရိုင်အလိုက် စီမံအုပ်ချုပ်ရေးအဖွဲ့ ဥက္ကများ က မိမိတို့နှင့် သက်ဆိုင် ရာကဏ္ဍများအလိုက် လုပ်ငန်းများ အကောင် အထည်ဖော်ဆောင်ရွက်နေမှုများနှင့် စပ်လျဉ်းပြီး Power Point ဖြင့် အသေးစိတ်ရှင်းလင်းဆွေးနွေး တင်ပြကြပြီးနောက် တိုင်းဒေသကြီးအစိုးရအဖွဲ့ ဝန်ကြီးများမှ ဖြည့်စွက် အကြံပြုဆွေးနွေးမှုများ အပေါ် တိုင်းဒေသကြီး ဝန်ကြီးချုပ်က လိုအပ်သည်များကို ပေါင်းစပ်ညှိနှိုင်းဆောင်ရွက်ပေးပြီးနောက် နိဂုံးချုပ်အမှာစကားပြောကြားကာ အစည်းအဝေးကို ရုပ်သိမ်းလိုက်ကြောင်းသိရသည်။

မုံရွာ၊ မေ ၂၂

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်သည် ယနေ့နံနက်ပိုင်းက တိုင်းဒေသကြီးလွှတ်တော်တရားသူကြီးချုပ် ဦးဇော်ထူးနှင့် တိုင်းဒေသကြီး အစိုးရအဖွဲ့ဝင် ဝန်ကြီးများ လိုက်ပါ၍ မုံရွာမြို့ ကန်သာယာကန် အနီး ဗိုလ်ချုပ်လမ်းပေါ်၌ ပြုလုပ်သော ၂၀၂၅-၂၀၂၆ ပညာသင်နှစ်၊ ကျောင်းအပ်နှံရေးသီတင်းပတ်အထိမ်းအမှတ် မြေစိုက်ပိုစတာ စိုက်ထူပွဲ သို့ တက်ရောက်ခဲ့ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်အား ဘင်ခရာတပ်ဖွဲ့နှင့်ပန်းပွားအဖွဲ့တို့မှ အလေးပြုကြိုဆိုကြပြီးနောက် ၂၀၂၅-၂၀၂၆ ပညာသင်နှစ်၊ ကျောင်းအပ်နှံရေးဆိုင်ရာမြေစိုက် ပိုစတာအား တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီးလွှတ်တော် တရားသူကြီးချုပ် ဦးဇော်ထူး၊ တိုင်းဒေသကြီးအစိုးရအဖွဲ့ သံယံဇာတရေးရာဝန်ကြီး ဦးတင်သန်းဝင်းနှင့် တိုင်းဒေသကြီးပညာရေးမှူး ဒုတိယညွှန်ကြားရေးမှူးချုပ် ဦးသက်လေးဦး တို့က ဖဲကြိုးဖြတ် ဖွင့်လှစ်ပေးကြသည်။

ဆက်လက်၍ တိုင်းဒေသကြီး ဝန်ကြီးချုပ်က ဘင်ခရာတပ်ဖွဲ့အား ဂုဏ်ပြုဆုငွေကျပ် တစ်သိန်းကိုလည်းကောင်း၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက ပန်းပွားအဖွဲ့အား ဂုဏ်ပြုဆုငွေကျပ် တစ်သိန်းတို့ကို အသီးသီးပေးအပ်ချီးမြှင့်ခဲ့ပြီး တက်ရောက် လာကြသူများနှင့်အတူ အမှတ်တရစုပေါင်း မှတ်တမ်းတင်ဓာတ်ပုံရိုက်ကူးပြီး အခမ်းအနားကို ရုပ်သိမ်းလိုက်ကြောင်းသိရသည်။

ထို့နောက် တိုင်းဒေသကြီး ဝန်ကြီးချုပ်နှင့်အဖွဲ့သည် မုံရွာမြို့ အမှတ်(၂)အခြေခံပညာ အထက်တန်း ကျောင်း သလ္လာဝတီခန်းမတွင် ကျင်းပပြုလုပ်သောစစ်ကိုင်းတိုင်းဒေသကြီး ၂ဝ၂၅-၂ဝ၂၆ ပညာသင် နှစ်၊ တိုင်းဒေသကြီးအဆင့် ကျောင်းအပ်နှံရေးနေ့ အခမ်းအနားသို့ တက်ရောက်ပြီး အမှာစကားပြောကြားခဲ့သည်။

ဦးစွာ မုံရွာမြို့ အ.ထ.က(၂) ကျောင်းသား၊ကျောင်း သူ လေးများက “ကျောင်းအပ်နှံရေး သီတင်းပတ်” သီချင်းဖြင့် အခမ်းအနားကို သီဆိုဖွင့်လှစ်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်က အဖွင့်အမှာစကားပြောကြားရာတွင် ၂၀၂၅-၂၀၂၆ ပညာသင်နှစ်မှာ ကျောင်းနေအရွယ်ကလေးအားလုံး ကျောင်းနေနိုင်ရေး အတွက် အခြေခံပညာကျောင်းများမဖွင့်မီ မေလ (၂၂) ရက်နေ့မှ ဇွန်လ(၁)ရက်နေ့ကို ကျောင်းအပ်နှံရေးသီတင်းပတ်အဖြစ် သတ်မှတ်ပြီး "ကျောင်းနေအရွယ်ကလေးအားလုံး စဉ်ဆက်မပြတ်ပညာသင်ယူဖို့ ကျောင်းအပ်နှံကြပါစို့" ဆောင်ပုဒ်ဖြင့် ကျောင်းသား၊ ကျောင်းသူ များ ကျောင်းအပ်နှံရေးကို အားပေးလှုံဆော်လျက်ရှိပါကြောင်း။ ကျောင်းတက်ရောက်သူ ကျောင်းသား၊ ကျောင်းသူအားလုံးကိုလည်း နိုင်ငံတော်မှ အခမဲ့ပညာရေးစနစ်အနေနဲ့ ပညာရေး ဆိုင်ရာသင်ကြားရေးထောက်ပံ့ပစ္စည်းများ၊ သင်ထောက်ကူပစ္စည်းများကို ကျောင်းများသို့ ဖြန့်ဝေထုတ်ပေးခြင်း၊ မူလတန်းကျောင်းသား၊ ကျောင်းသူ(၁)ဦးလျှင် ကျောင်းသုံးပြဌာန်း ပုံနှိပ် စာအုပ်(၁)စုံ၊ဗလာစာအုပ်(၁) ဒါဇင်၊ ခဲတံ (၄) ချောင်း၊ ကျောင်းဝတ်စုံ(၁)စုံ၊ အလယ်တန်းနှင့် အထက်တန်းကျောင်းသား၊ ကျောင်းသူ(၁)ဦးလျှင် ကျောင်းသုံးပြဌာန်း ပုံနှိပ်စာအုပ်(၁)စုံ၊ ဗလာစာအုပ် (၁)ဒါဇင်၊ ဘောလ်ပင် (၂)ချောင်း၊ ခဲတံ(၂)ချောင်းတို့ကို အခမဲ့ထောက်ပံ့ပေးမှာ ဖြစ်တဲ့အပြင် အခမဲ့ပညာသင်ကြားခွင့်လည်းရရှိကြမှာ ဖြစ်ပါကြောင်း၊ကျောင်းနေအရွယ် ကလေးများအားလုံး ပညာသင်ယူမှု အခွင့်အလမ်း များရရှိစေရန်နှင့် ကျောင်းဆက်လက်တက်ရောက်ရန် အခက်အခဲရှိသည့် ကျောင်းသား၊ ကျောင်းသူများအား သတ်မှတ်ချက်များနှင့်အညီ ပညာသင်စရိတ်များရရှိနိုင်ရေးအတွက် ပညာရေးစေတနာရှင်များ၊ မိဘပြည်သူများက ပူးပေါင်းပါဝင်ဆောင်ရွက်ပေးကြစေကြောင်း။

ကျောင်းနေအရွယ်ကလေးအားလုံး ကျောင်းအပ်နှံကြပြီး ကျောင်းနေသည့်ကလေးတိုင်း ကျောင်းနေမြဲ၍ ပညာရေးကို စဉ်ဆက်မပြတ်ဆက်လက်သင်ယူနိုင်ရန် အားလုံးက ဝိုင်းဝန်းပြီး ပူးပေါင်း ဆောင်ရွက်ပေးကြရန် လိုအပ်ပါကြောင်းနှင့် စစ်ကိုင်းတိုင်းဒေသကြီး၏ ပညာရေး ဖွံ့ဖြိုးတိုးတက်ပြီး ပညာရည် မြင့်မားလာစေရန်အတွက် အခြေခံပညာကျောင်းများ၊ ကိုယ်ပိုင် ကျောင်းများ၊ ဘုန်းတော်ကြီးသင် ပညာရေးကျောင်းများနှင့် ပညာရေးကိုစိတ်ဝင်စားပြီး ပါဝင် ပတ်သက်သူအားလုံး ဝိုင်းဝန်းပူးပေါင်း ဆောင်ရွက်ပေးကြစေလိုပါကြောင်း။ ၂၀၂၅-၂၀၂၆ ပညာသင်နှစ်၊ ကျောင်းအပ်နှံရေးဆောင်ပုဒ်ဖြစ်သော “ကျောင်းနေအရွယ်ကလေးအားလုံး စဉ်ဆက်မပြတ် ပညာသင်ယူဖို့ ကျောင်းအပ်နှံကြပါစို့" ဆိုသည့်အတိုင်း ကျောင်းနေ အရွယ် ကလေးများအားလုံး အချိန်မီကျောင်းအပ်နှံနိုင်ရေးအတွက် သက်ဆိုင်ရာ မိဘအုပ်ထိန်းသူများ၊ ရပ်ရွာလူထုများ၊ ဌာနဆိုင်ရာများအနေဖြင့် အမျိုးသားရေးတာဝန်တစ်ရပ်အဖြစ် ပူးပေါင်းပါဝင် ဆောင်ရွက်သွားကြပါလို့ တိုက်တွန်းမှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့်အဖွဲ့က ကျောင်းသားကျောင်းသူလေးများ၏ “ကျောင်းသွားကြမယ်” ၊ “တို့ကျောင်းတော်” စသည့်တေးသီချင်းများဖြင့် သီဆိုကပြဖျော်ဖြေမှု တို့အား ကြည့်ရှုအားပေးခဲ့ကြပြီးနောက် တိုင်းဒေသကြီး ဝန်ကြီးချုပ်က အထက်တန်းအဆင့်ကျောင်းသုံးပုံနှိပ်နှင့် ဗလာစာအုပ်များကို လည်းကောင်း၊ အလယ်တန်းဆင့် ကျောင်းသုံးပုံနှိပ်နှင့် ဗလာ စာအုပ်များ အား စစ်ကိုင်းတိုင်းဒေသကြီး အစိုးရအဖွဲ့ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး ဝင်းတင်စိုး က လည်းကောင်း၊ ကျောင်းသုံးပုံနှိပ်၊ ဗလာစာအုပ်နှင့် ကျောင်းဝတ်စုံများအား တိုင်းဒေသကြီးစီးပွားရေးရာဝန်ကြီး ဒေါ်ရီရီသန်းတို့က ကျောင်းသားကျောင်းသူများ လက်ဝယ်ထံ သို့ အသီးသီး ပေးအပ်ခဲ့သည်။

ထို့နောက် တိုင်းဒေသကြီး ဥပဒေချုပ် ဒေါ်လှလှဝင်းက အခမ်းအနားတွင် သီဆိုဖျော်ဖြေ ခဲ့ကြသောကျောင်းသား၊ ကျောင်းသူများအတွက် ဂုဏ်ပြုချီးမြှင့် ငွေကျပ်သုံးသိန်းကို ပေးအပ် ချီးမြှင့်ခဲ့ပြီးနောက် တိုင်းဒေသကြီးဝန်ကြီးချုပ်နှင့်အဖွဲ့က အဆိုပါအမှတ်(၂)အခြေခံပညာ အထက်တန်း ကျောင်းဝန်းအတွင်း ကျောင်းအပ်နှံနေမှုများအား လိုက်လံကြည့်ရှုပြီး ကျောင်းသား၊ ကျောင်းသူများနှင့်မိဘများအား ရင်းရင်းနှီးနှီးနှုတ်ဆက်ခဲ့ကြောင်းသိရသည်။

အလားတူ တိုင်းဒေသကြီးဝန်ကြီးချုပ်နှင့်အဖွဲ့သည် အမှတ်(၁)အခြေခံပညာအထက်တန်း ကျောင်းသို့ ရောက်ရှိပြီး ကျောင်းအပ်နှံနေမှုများအား လိုက်လံကြည့်ရှုခဲ့ပြီး တာဝန်ရှိသူများအား လိုအပ်သည်များကို ညှိနှိုင်းပေါင်းစပ်ဆောင်ရွက်ပေးခဲ့ကြောင်းသိရသည်။

စစ်ကိုင်း၊ မေ ၂၁

စစ်ကိုင်းတိုင်းဒေသကြီး၊ စစ်ကိုင်းမြို့တွင် မန္တလေးငလျင်ကြီးကြောင့် ပျက်စီးဆုံးရှုံးမှုများအား ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို အင်တိုက်အားတိုက် ဆက်လက် ဆောင်ရွက်လျက်ရှိရာ စစ်ကိုင်းတိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်းဆက်သွယ်ရေးဝန်ကြီး ဦးခင်မောင်အေးနှင့် တာဝန်ရှိသူများက မေလ (၂၁)ရက်၊ ညနေပိုင်း တွင် သွားရောက်ကြည့်ရှုစစ်ဆေးခဲ့ကြသည်။

တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်းဆက်သွယ်ရေး ဝန်ကြီး ဦးခင်မောင်အေးနှင့် တာဝန်ရှိသူများသည် ရှင်ပင်နံကိုင်းစေတီနှင့် ပတ္တမြားစေတီတို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ လူမှုရေးအသင်ဖွဲ့ဝင်များက ငလျင်ကြောင့် ထိခိုက်ပျက်စီးခဲ့သည့် သာသနိကအဆောက်အအုံများအား ရှင်းလင်းရေးလုပ်ငန်းများ ဆောင်ရွက်နေမှုကို ကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီးအစိုးရအဖွဲ့ လူမှုရေးရာဝန်ကြီး၊ လမ်းပန်းဆက်သွယ်ရေးဝန်ကြီး နှင့် တာဝန်ရှိသူများသည် စစ်ကိုင်းမြို့တွင်းရှိ ငလျင်ကြောင့် ထိခိုက်ပျက်စီးခဲ့သည့် အဆောက်အအုံများ အား ရှင်းလင်းရေးလုပ်ငန်းများ ဆောင်ရွက်နေမှုကို ကြည့်ရှုစစ်ဆေးပြီး လိုအပ်သည်များကို ပေါင်းစပ် ဆောင်ရွက်ပေးခဲ့ကြောင်း သိရသည်။