စစ်ကိုင်း၊ ဧပြီ ၂၉

ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီးသက်ပုံ၊ စစ်ကိုင်းတိုင်းဒေသကြီး အစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်းဆက်သွယ်ရေးဝန်ကြီး ဦးခင်မောင်အေး နှင့် တာဝန်ရှိသူများသည် ဧပြီ ၂၉ ရက်၊ နံနက်ပိုင်းတွင် စစ်ကိုင်းမြို့၌ မန္တလေးငလျင်ကြီးကြောင့် ပြိုကျပျက်စီးခဲ့သည့် မဟာစေတီလှဘုရားကြီးအား ပြန်လည်တည်ထားကိုးကွယ်နိုင်ရေး ဆောင်ရွက် နေမှု၊ ကောင်းမှုတော်စေတီတော်မြတ်ကြီး ရင်ပြင်တော်တွင် သန့်ရှင်းရေးဆောင်ရွက်နေမှု၊ သမဝါယမ နှင့် စီမံခန့်ခွဲမှုပညာတက္ကသိုလ်(စစ်ကိုင်း)တွင် ပြိုကျပျက်စီးခဲ့သည့် စာသင်ဆောင်များ ပြန်လည် ရှင်းလင်းရေးလုပ်ငန်းများ ဆောင်ရွက်နေမှုတို့အား ကြည့်ရှုစစ်ဆေးခဲ့ကြသည်။

ထို့နောက် ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီးသက်ပုံ၊ တိုင်းဒေသကြီး အစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်းဆက်သွယ်ရေးဝန်ကြီး ဦးခင်မောင်အေး နှင့် တာဝန်ရှိသူများသည် ဆွမ်းဦးပုညရှင်စေတီတော်မြတ်ကြီး ရင်ပြင်တော်၊ ဥမင်သုံးဆယ်ဘုရား၊ လေးကျွန်းမာရ်အောင်ဘုရားနှင့် သုတေသကသီလရှင်စာသင်တိုက် ပြန်လည်ရှင်းလင်းရေးလုပ်ငန်း များ ဆောင်ရွက်နေမှုတို့အား ကြည့်ရှုစစ်ဆေးခဲ့ကြပြီး လိုအပ်သည်များကို ပေါင်းစပ်ဖြည့်ဆည်း ဆောင်ရွက်ပေးခဲ့ကြသည်။

စစ်ကိုင်းမြို့တွင် မန္တလေးငလျင်ကြီးကြောင့် ပြိုကျပျက်စီးခဲ့ရသည့် ဘုရားစေတီပုထိုးများ၊ သာသနိကအဆောက်အအုံများ၊ ဌာနဆိုင်ရာ အဆောက်အအုံများနှင့် လူနေအိမ်များအား ပြန်လည် ရှင်းလင်းရေးလုပ်ငန်းများကို တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင် များ၊ လူမှုရေးအသင်းအဖွဲ့ဝင်များက စက်ယန္တရားများ၊ လုပ်ငန်းသုံးယာဉ်များဖြင့် ဆောင်ရွက်ပေး လျက်ရှိကြောင်း သိရသည်။

မုံရွာ၊ ဧပြီ ၂၉

စစ်ကိုင်းတိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ (၄/၂၀၂၅) အစည်းအဝေးကို ဧပြီလ ၂၉ ရက်၊ နံနက်ပိုင်းတွင် မုံရွာမြို့ရှိ တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဒေသဆိုင် ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ဒေသဆိုင်ရာခရီးသွားလုပ်ငန်း ကော်မ တီ အဖွဲ့ဝင်များ၊ ဟိုတယ်/တည်းခိုရိပ်သာ လုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီးဒေသဆိုင်ရာခရီးသွားလုပ်ငန်း ကော်မတီ ဥက္ကဌ၊ တိုင်းဒေသကြီးဝန်ကြီးချုပ် ဦးမြတ်ကျော်က မန္တလေးငလျင်ကြီး လှုပ်ခတ်ခဲ့သည့်အတွက် စစ်ကိုင်းမြို့ နှင့်စစ်ကိုင်းတောင်ရိုးပေါ်တွင်တည်ရှိသည့် ဘုရားစေတီ၊ပုထိုးများ၊ သာသနိကအဆောက် အဉီများ၊ လူနေအိမ်တိုက်တာအဆောက်အဦများစွာနှင့် လမ်းတံတားများစွာ မထင်မှတ် ထားလောက်အောင် ပြိုကျပျက်စီးဆုံးရှုံးမှုများ ကြီးမားခဲ့ပါကြောင်း၊ ခရီးသွားဇုန်(၆)ဇုန် အနက် အားအထားရဆုံးဖြစ်သည့် စစ်ကိုင်းခရီးသွားဇုန် ခရီးသွားလုပ်ငန်းသည် လောလော ဆယ်ရပ်တန့်ထားရသည့် အနေအထားလို့ သိရှိရပါကြောင်း၊ မန္တလေးငလျင်ကြီးကြောင့် တိုင်းဒေသကြီးအတွင်း အထွေထွေပျက်စီးဆုံးရှုံးမှုများအားကုစား၍ အမြန်ဆုံးပြန်လည် ထူထောင်နိုင်ရန်နှင့် တိုင်းဒေသကြီးခရီးသွားလုပ်ငန်းများ ပြန်လည်ဖွံ့ဖြိုးထူထောင်နိုင် ရေးအတွက် ယခုအစည်းအဝေးသို့ တက်ရောက်လာသူအားလုံးမှ အကြံပြုဆွေးနွေးသွား ကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာ ခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီး သွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၃/၂၀၂၅ ၏ အစည်းအဝေးဆုံးဖြတ်ချက်များအပေါ် ဆောင်ရွက်ထားရှိမှုနှင့် ဆောင် ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည်ပြုပေးရ မည့်ကိစ္စရပ် များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီး သွားလုပ်ငန်းဆိုင်ရာကိစ္စရပ်များနှင့် ပတ်သက်၍ အသီးသီးအကြံပြု ဆွေးနွေးတင်ပြကြ သည်။

ထို့နောက် တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်း ဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကား ပြောကြားကြောင်း သိရသည်။

မုံရွာ၊ ဧပြီ ၂၈

၂၀၂၅-ခုနှစ်၊ တက္ကသိုလ်စာမေးပွဲကြီးအား စစ်ကိုင်းတိုင်းဒေသကြီးအတွင်းရှိ မြို့ နယ် ၂၁ မြို့ နယ်ဖြေဆိုခဲ့ရာ ၂၀၂၅ ခုနှစ် မတ်လ ၂၈ ရက်နေ့တွင် ဖြစ်ပွားခဲ့သည့် အင်အားအလွန် ပြင်းထန်သည့် မန္တလေးငလျင်ကြီးကြောင့် မန္တလေးတက္ကသိုလ်၌ အဖြေလွှာများအား စာစစ်လုပ်ငန်းများဆောင်ရွက်နေစဉ် မီးလောင်မှုဖြစ်ပွားခဲ့ရာ အဆိုပါမီးလောင်မှုဖြစ် စဉ် ကြောင့် စစ်ကိုင်းတိုင်းဒေသကြီးအတွင်းရှိ မုံရွာမြို့နယ်အပါအဝင်(၁၃)မြို့နယ် စာစစ်ဌာန ၂၅ ခုမှ ဘာသာစုံဖြေဆိုသူ ကျောင်းသား၊ကျောင်းသူ ၈၂၀၂ ဦး၏ တက္ကသိုလ်ဝင်တန်း အဖြေလွှာများ မီးလောင်ဆုံးရှုံးခဲ့ကြောင်း သိရသည်။

အဆိုပါဖြစ်စဉ်ကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ဖြေဆိုကြမည့် ကျောင်းသား၊ကျောင်းသူများ၊ ဆရာ၊ဆရာမများ၊ ကျောင်းသားမိဘများနှင့် တွေ့ဆုံပွဲ အခမ်းအနားကို ဧပြီလ ၂၈ ရက်၊ နံနက်ပိုင်း မုံရွာမြို့၊ အမှတ်(၂)အခြေခံပညာအထက် တန်းရှိ မြတ်သလ္လာခန်းမတွင် ကျင်းပပြုလုပ်ရာ တွေ့ဆုံပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ မုံရွာတက္ကသိုလ် ပါမောက္ခချုပ်နှင့် တာဝန်ရှိသူများ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ ကျောင်းအုပ်ကြီးများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က ဦးမြတ်ကျော်က မန္တလေးငလျင်ကြီးကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲဖြေဆိုကြမည့်ကျောင်းသား၊ ကျောင်းသူများအား သတ်မှတ်ကျောင်းများတွင် စခန်းသွင်းသင်ကြားနေချိန်ကာလအတွင်း စိတ်အေးချမ်းသာစွာဖြင့် နေထိုင်စားသောက်မှုလုပ်ငန်းများ လိုအပ်ချက်မရှိဘဲ ပြည့်စုံလုံလောက်အောင် တာဝန်ရှိသူများမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ ဆရာ၊ ဆရာမများနှင့် ကျောင်းသား၊ကျောင်းသူများ စခန်းသွင်းသင်ကြားနေချိန်အတွင်း သောက်သုံးရေ၊ လျှပ်စစ်မီးပျက်တောက်မှုမရှိစေရေး၊ ကျန်းမာစောင့်ရှောက်လုပ်ငန်းများပေးထားရေး၊ အိပ်ဆောင်၊ စားဆောင်၊ စာသင်ဆောင်များ သန့်ရှင်းသပ်ရပ်မှုရှိစေရေးနှင့် စာမေးပွဲဖြေဆိုနေချိန်ကာလအတွင်း လုံခြုံအေးချမ်းစွာ အောင်မြင်စွာဖြေဆိုနိုင်ရေးတို့ အား တာဝန်ရှိသူများအနေဖြင့် အလေးထားဆောင်ရွက်သွားကြရန် လိုအပ်ပါကြောင်း၊ သင်ကြားရေးလုပ်ငန်းများ ဆောင်ရွက်သွားကြမည့် မုံရွာမြို့ပေါ်ရှိ တက္ကသိုလ်/ဒီဂရီကော လိပ်များမှ ဆရာ၊ဆရာမများအနေဖြင့် သင်ကြားရေးလုပ်ငန်းများဆောင်ရွက်ရာတွင် နာ ၄ နာ စိတ်ဓါတ်အပြည့်ဖြင့် သင်ကြားပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူး၊ ဒုတိယညွှန်ကြားရေးမှူးချုပ်က ကျောင်းသား၊ကျောင်းသူများ စခန်းသွင်းသင်ကြားပေးသွားမည့် အစီအစဉ်များနှင့် ၂၀၂၅-ခုနှစ်၊ တက္ကသိုလ်ဝင်စာမေးပွဲ ကျင်းပသွားမည့် အခြေအနေများအားလည်းကောင်း၊ မုံရွာ တက္ကသိုလ်ပါမောက္ခချုပ်မှ သင်ကြားရေးလုပ်ငန်းများ ဆောင်ရွက်သွားမည့် အခြေအနေ များနှင့် မေးခွန်းထုတ်ဝေသွားမည့် အခြေအနေများအား လည်းကောင်း၊ တိုင်းဒေသကြီး အစိုးရအဖွဲ့ အတွင်းရေးမှူးက ၂၀၂၅-ခုနှစ်၊ တက္ကသိုလ်ဝင် စာမေးပွဲအောင်မြင်စွာ ကျင်းပ ဖြေဆိုနိုင်ရေးအတွက် မိမိတို့တိုင်းဒေသကြီးအစိုးရအဖွဲ့မှ ပူးပေါင်းဆောင်ရွက်သွားမည့် အခြေ အနေများအား လည်းကောင်း ရှင်းလင်းပြောကြားကြသည်။

ဆက်လက်၍ တွေ့ဆုံပွဲအခမ်းအနားသို့ တက်ရောက် လာကြသည့် ကျောင်းအုပ် ကြီး၊ကျောင်းသားမိဘများနှင့် ကျောင်းသား၊ကျောင်းသူများမှ ၂၀၂၅-ခုနှစ်၊ တက္ကသိုလ် ဝင်စာမေးပွဲ စခန်းသွင်းသင်ကြားသွားမည့် အခြေအနေများအပေါ် လိုအပ်သည်များကို ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က စခန်းသွင်းသင်ကြားနေချိန်ကာလ အတွင်း ဆရာ၊ဆရာမများနှင့် ကျောင်းသား၊ကျောင်းသူများအတွက် ကျောင်းအုပ်ဆရာမ ကြီးထံ ငွေကျပ် သိန်း - ၁၀၀၀ အား လည်းကောင်း၊ ကျောင်းသား၊ကျောင်းသူ ၄၅၄ ဦး အတွက် ကျောင်းသုံးပုံနှိပ်စာအုပ်များ၊ ဗလာစာအုပ်များနှင့် စာရေးကိရိယာများ ပေးအပ် ခဲ့ပြီး ကျောင်းအုပ်ကြီး၊ကျောင်းသားမိဘများနှင့် ကျောင်းသား၊ကျောင်းသူများ၏ ဆွေး နွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများ မုံရွာမြို့၊ အမှတ် (၂) အခြေခံပညာအထက်တန်းကျောင်း(အလုံ)သို့ ရောက်ရှိရာ ၂၀၂၅-ခုနှစ်၊ တက္ကသိုလ်ဝင်စာ မေးပွဲအားဖြေဆိုကြမည့် ကျောင်းသား၊ကျောင်းသူများ၊ ဆရာ၊ဆရာမများ၊ ကျောင်းသားမိဘများနှင့်တွေ့ဆုံ၍ မန္တလေးငလျင်ကြီးကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲ အောင်မြင်စွာ ကျင်းပဖြေဆိုနိုင်ရေးအတွက် မိမိတို့တိုင်းဒေသကြီး အစိုးရအဖွဲ့အနေဖြင့် ပူးပေါင်းဆောင်ရွက်ပေးသွားမည့် လုပ်ငန်းအခြေ အနေများအား ရှင်းလင်းပြောကြား သည်။

ယင်းနောက် တိုင်းဒေသကြီး ပညာရေးမှူး၊ မုံရွာတက္ကသိုလ် ပါမောက္ခချုပ်နှင့် တိုင်း ဒေသကြီးအစိုးရအဖွဲ့ အတွင်းရေးမှူးတို့က မိမိတို့ဆောင်ရွက်သွားမည့် လုပ်ငန်းအခြေ အနေများအား ရှင်းလင်းပြောကြားကြသည်။

ဆက်လက်ပြီး တွေ့ဆုံပွဲအခမ်းအနားသို့ တက်ရောက်လာကြသည့် ကျောင်းအုပ်ကြီး၊ကျောင်းသားမိဘများနှင့် ကျောင်းသား၊ကျောင်းသူများမှ ၂၀၂၅-ခုနှစ်၊ တက္ကသိုလ် ဝင်စာမေးပွဲ စခန်းသွင်းသင်ကြားသွားမည့် အခြေအနေများအပေါ် လိုအပ်သည်များကို ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က စခန်းသွင်းသင်ကြားနေချိန်ကာလ အတွင်း ဆရာ၊ဆရာမများနှင့် ကျောင်းသား၊ကျောင်းသူများအတွက် ကျောင်းအုပ်ဆရာမ ကြီးထံ ငွေကျပ် သိန်း ၁၀၀၀ အား လည်းကောင်း၊ ကျောင်းသား၊ကျောင်းသူ ၂၄၈ ဦး အတွက် ကျောင်းသုံးပုံနှိပ်စာအုပ်များ၊ ဗလာစာအုပ်များနှင့် စာရေးကိရိယာများ ပေးအပ် ခဲ့ပြီး ကျောင်းအုပ်ကြီး၊ကျောင်းသားမိဘများနှင့် ကျောင်းသား၊ကျောင်းသူများ၏ ဆွေး နွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဧပြီ ၂၈

စစ်ကိုင်းတိုင်းဒေသကြီး e-Government စနစ် အကောင်အထည်ဖော်ရေးလုပ်ငန်း ကော်မတီမှ ကြီးမှူးဖွင့်လှစ်သည့် e-Government လူ့စွမ်းအားအရင်းအမြစ် အရည် အသွေးမြှင့်တင်ရေးသင်တန်း အပတ်စဉ်(၂) ဖွင့်ပွဲအခမ်းအနားသို့ ဧပြီလ ၂၈ ရက်၊ နံနက် ပိုင်းတွင် ကွန်ပျူတာတက္ကသိုလ်(မုံရွာ)ရှိ ဘွဲ့နှင်းသဘင်ခန်းမတွင်ကျင်းပပြုလုပ်ရာ ဖွင့်ပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကွန်ပျူတာတက္ကသိုလ် (မုံရွာ)မှ ပါမောက္ခချုပ်နှင့် ဆရာ၊ဆရာမများ၊ သင်တန်းသား၊သင်တန်းသူများ တက် ရောက်ကြသည်။

ဦးစွာ စစ်ကိုင်းတိုင်းဒေသကြီး e-Government စနစ် အကောင်အထည်ဖော်ရေး လုပ်ငန်းကော်မတီ နာယက၊ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာနိုင်ငံ e-Government ဖွံ့ဖြိုးရေးလုပ်ငန်းစဉ်များအား Myanmar e-Government Master Plan 2030 ၏ လမ်းပြမြေပုံတွင် ဖော်ပြထားသည့် အဆင့်များအတိုင်း အောင်မြင်စေရန် တာဝန်ရှိအားလုံးမှ တစိုက်မတ်မတ် ပူးပေါင်းကြိုးပမ်းဆောင်ရွက်သွားကြရန် လိုအပ်ပါ ကြောင်း၊ ယခုသင်တန်းသည် မိမိတို့တိုင်းဒေသကြီး၏ လုပ်ငန်းဆောင်တာများအား ဒစ်ဂျစ်တယ်အသွင်ကူးပြောင်းရန် ဦးတည်သည့်ခရီးစဉ်တွင် နိုင်ငံ့ဝန်ထမ်းများ၏ ဖွမ်း ဆောင်ရည်ဖွံ့ဖြိုးတိုးတက်လာစေရန်အတွက် ဒစ်ဂျစ်တယ်ကျွမ်းကျင်မှုအဆင့် မြင့်မား လာစေမည့် အစီအစဉ်ဖြစ်သည့် ဉာဏ်ရည်ဉာဏ်သွေး မြှင့်တင်ပေးခြင်းနှင့် လေ့ကျင့်သင် ကြားပေးခြင်း လုပ်ငန်းစဉ်အား စဉ်ဆက်မပြတ်ဆောင်ရွက်သွားနိုင်ရန် ရည်ရွယ်၍ဖွင့်လှစ် ပေးရခြင်း ဖြစ်ပါကြောင်း၊သင်တန်းသား၊သင်တန်းသူ များအနေဖြင့် ယခုသင်တန်းမှ သင်ကြားပို့ချပေးသွား မည့်သင်ခန်းစာများအား အပတ်တကုတ် ကြိုးစားလေ့လာသွားကြရန်နှင့် မိမိတို့၏ကြိုး စားအားထုတ်မှုဖြင့် တိုင်းဒေသကြီး၏ e-Government စနစ်အား အောင်မြင်စွာ အကောင်အထည်ဖော် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ကွန်ပျူတာတက္ကသိုလ်(မုံရွာ)မှ ပါမောက္ခချုပ် ဒေါက်တာ စိုးစိုးခိုင်က e-Government လူ့စွမ်းအားအရင်းအမြစ် အရည်အသွေးမြှင့်တင်ရေးသင်တန်း ဖွင့်လှစ်ရ ခြင်းနှင့်ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များက သင်တန်းသား၊သင်တန်းသူများနှင့် လည်းကောင်း၊ ကွန်ပျူတာတက္ကသိုလ်(မုံရွာ)မှ ဆရာ၊ ဆရာမများနှင့် လည်းကောင်း အမှတ်တရစုပေါင်းမှတ်တမ်းတင် ဓါတ်ပုံရိုက်ကူးကာ သင်တန်းသား၊သင်တန်းသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ e-Government လူ့စွမ်းအားအရင်းအမြစ် အရည်အသွေးမြှင့်တင်ရေး သင်တန်းသို့ တိုင်းဒသကြီး/ခရိုင်/မြို့နယ်အဆင့် ဌာနဆိုင်ရာအသီးသီးမှ သင်တန်းသား၊ သင်တန်းသူ ၄၀ ဦး တက်ရောက်သွားမည်ဖြစ်ပြီး သင်တန်းကာလ ရက်သတ္တပတ် ၄ ပတ် ကြာ စာတွေ့လက်တွေ့ သင်ကြားပို့ချပေးသွားမည်ဖြစ်ကြောင်း သိရသည်။

စစ်ကိုင်း ဧပြီ ၂၈

စစ်ကိုင်းတိုင်းဒေသကြီးအစိုးရအဖွဲ့မှ ငလျင်ဘေး အန္တရာယ်ကြောင့် သေဆုံးသူများအတွက် ထောက်ပံ့ငွေပေးအပ်ပွဲ အခမ်းအနားကို ဧပြီလ ၂၈ ရက်မွန်းလွဲပိုင်းက စစ်ကိုင်းမြို့ နှစ်(၇၀၀)ဘောလုံးကွင်း မိုးလုံလေလုံအားကစားခန်းမ၌ ကျင်းပသည်။

အခမ်းအနားတွင် တက်ရောက်လာကြသူများက ငလျင်ဘေးဒဏ်ကြောင့်သေဆုံးသူများအတွက် ဝမ်းနည်းခြင်းအထိမ်းအမှတ်အဖြစ်(၁)မိနစ်ခန့်ငြိမ်သက်ကြပြီး ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီးသက်ပုံက သေဆုံးသွားသူ များ‌၏ မိသားစုဝင်များအား အားပေးစကားပြောကြားခဲ့သည်။

ထို့နောက် တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်က ထောက်ပံ့ငွေပေးအပ်ခြင်းနှင့်ပတ်သက်၍ ရှင်းလင်းပြောကြားပြီး လမ်းပန်းဆက်သွယ်ရေးဝန်ကြီး ဦးခင်မောင်အေးက ခရိုင်သဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီဥက္ကဌထံသို့ ထောက်ပံ့ငွေများ ပေးအပ်ခဲ့သည်။

စစ်ကိုင်းတိုင်းဒေသကြီးအစိုးရအဖွဲ့မှ ငလျင်ဘေး အန္တရာယ်ကြောင့် သေဆုံးသူများအတွက် တစ်ဦးလျှင် ငွေကျပ်(၁၀)သိန်းနှုန်းဖြင့် (၅၄၆၀)သိန်းထောက်ပံ့ငွေပေးအပ်ခဲ့ကြောင်းသိရသည်။

စစ်ကိုင်း ဧပြီ ၂၈

ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်၊ လမ်းပန်း ဆက်သွယ်ရေးဝန်ကြီး ဦးခင်မောင်အေးနှင့်တာဝန်ရှိသူများသည် မဟာစည်းခုံကြီးစေတီတော်ဝင်းအတွင်း ငလျင်ဒဏ်သင့်ပြည်သူများစောင့်ရှောက်ရေးစခန်းရှိ ပြည်သူများအား ထောက်ပံပစ္စည်းများပေးအပ်ခဲ့သည်။

ထို့နောက် ဒုတိယဗိုလ်ချုပ်ကြီးနှင့်အဖွဲ့သည် ပန်းပဲတန်းရပ်ကွက်နှင့် မင်းလမ်းရပ်ကွက်ရှိ ပြိုကျပျက်စီးခဲ့သည့်အဆောက်အဦများအား ရှင်းလင်းရေးလုပ်ငန်းများဆောင်ရွက်နေမှုများကိုကြည့်ရှူစစ်ဆေးခဲ့ကြောင်း သိရသည်။

ပန်းပဲတန်းရပ်ကွက်၊ မင်းလမ်းရပ်ကွက်ရှိ ပြိုကျပျက်စီးခဲ့သည့်အဆောက်အဦများ ရှင်းလင်းရေးလုပ်ငန်းမျာဆောင်ရွက်နေမှုများကို ကြည့်ရှုစစ်ဆေးခဲ့ကြောင်း သိရသည်။