မုံရွာ၊ ဇူလိုင် ၇

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် တိုင်းဒေသကြီး အားကစား နှင့်ကာယပညာဦးစီးဌာန၊ ပညာရေးဒီဂရီကောလိပ်၊ တိုင်းဒေသကြီး အခြေခံပညာဦးစီး ဌာနနှင့် မြန်မာနိုင်ငံခရစ်ကတ်အဖွဲ့ချုပ်တို့ ပူးပေါင်းကျင်းပသည့် ကျောင်းပေါင်းစုံ အမျိုး သား/အမျိုးသမီး ခရစ်ကတ်ပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားကို ဇူလိုင်လ ၇ ရက်၊ ညနေပိုင်းက မုံရွာမြို့၊ ပြည်သူ့အားစားကွင်းအတွင်း ၌ ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းတရား သူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီး၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်/အခြေခံပညာ ကျောင်း များမှ ကျောင်းသား/ကျောင်းသူများ၊ ပြိုင်ပွဲအားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသား ခရစ်ကတ် ပြိုင်ပွဲ ဗိုလ်လုပွဲစဉ်အဖြစ် ပညာရေးဒီဂရီကောလိပ်နှင့် အမှတ်(၂) အခြေခံပညာ အထက်တန်းကျောင်း(အလုံ)တို့ ယှဉ်ပြိုင်ကစားနေမှုများအား ကြည့်ရှုအားပေးကြရာ ပြိုင်ပွဲတွင် မုံရွာပညာရေးဒီဂရီကောလိပ်အသင်းကအမှတ် (၂)အခြေခံပညာအထက်တန်းကျောင်း (အလုံ)အသင်းအား အနိုင်ရရှိသွားသည်။

ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး အစိုးရအဖွဲ့ အတွင်းရေးမှူး၊ တိုင်းဒေသကြီး ဉပဒေချုပ်နှင့် တိုင်းဒေသကြီး လူမှုရေးရာဝန်ကြီး တို့က ပညာရေးဒီဂရီကောလိပ်၊ အမှတ်(၂)အခြေခံပညာအထက်တန်းကျောင်း၊ အမှတ် (၂)အခြေခံပညာအထက်တန်းကျောင်း(အလုံ)နှင့် SEC ကိုယ်ပိုင်အထက်တန်းကျောင်း များအား ခရစ်ကတ်လေ့ကျင့်ရေး အားကစားပစ္စည်းများအား အသီးသီး ပေးအပ်ကြ သည်။

ဆက်လက်၍ တိုင်းဒေသကြီး သယံဇာတရေးရာဝန်ကြီးက အမျိုးသမီးခရစ် ကတ်ပြိုင်ပွဲတွင် တတိယဆုရရှိသည့် အမှတ်(၄)အခြေခံပညာအထက်တန်းကျောင်း အသင်းအား ငွေသားဆုနှင့်ဒိုင်းဆုအား လည်းကောင်း၊ တိုင်းဒေသကြီး စီးပွားရေးရာ ဝန်ကြီးက အမျိုးသား ခရစ်ကတ်ပြိုင်ပွဲတွင် တတိယဆုရရှိသည့် အမှတ်(၂)အခြေခံပ ညာအထက်တန်းကျောင်းအသင်းအား ငွေသားဆုနှင့်ဒိုင်းဆုအား လည်းကောင်း၊ တိုင်း ဒေသကြီး လုံခြုံရေးနှင့်နယ်စပ်ရေးရာဝန်ကြီးက အမျိုးသမီး ခရစ်ကတ်ပြိုင်ပွဲတွင် ဒုတိယဆုရရှိသည့် အမှတ်(၆)အခြေခံပညာအထက်တန်းကျောင်းအသင်းအား ငွေသား ဆုနှင့်ဒိုင်းဆုအား လည်းကောင်း၊ တိုင်းဒေသကြီး တရားသူကြီးချုပ်က အမျိုးသား ခရစ်ကတ်ပြိုင်ပွဲတွင် ဒုတိယဆုရရှိသည့် အမှတ်(၂)အခြေခံပညာအထက်တန်း (အလုံ) အသင်းအား ငွေသားဆုနှင့်ဒိုင်းဆုအား လည်းကောင်း ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်၏ဇနီးက အမျိုးသမီး ခရစ်ကတ်ပြိုင်ပွဲ တွင် ပထမဆုရရှိသည့် မုံရွာပညာရေးဒီဂရီကောလိပ်အသင်းအား တစ်ဦးချင်းဆုတံ ဆိပ်၊ငွေသားဆုနှင့် ဒိုင်းဆုအား လည်းကောင်း၊ တိုင်းဒေသကြီး ဝန်ကြီးချုပ်က အမျိုး သား ခရစ်ကတ်ပြိုင်ပွဲတွင် ပထမဆုရရှိသည့် မုံရွာပညာရေးဒီဂရီကောလိပ် အသင်း အား တစ်ဦးချင်းဆုတံဆိပ်၊ငွေသားဆုနှင့် ဒိုင်းဆုအား လည်းကောင်း အသီးသီး ပေး အပ်ချီးမြှင့်ခဲ့ကြပြီး ဆုရအသင်းများနှင့် မှတ်တမ်းတင်ဓါတ်ပုံ ရိုက်ကူးခဲ့ကြောင်း သိရ သည်။

မုံရွာ၊ ဇူလိူင် ၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေး အဖွဲ့ဉက္ကဌများနှင့် တာဝန်ရှိသူများသည် ဇူလိူင်လ ၇ ရက်၊ နံနက်ပိုင်းတွင် အားကစား နှင့်ကာယပညာသိပ္ပံ(မုံရွာ)သို့ ရောက်ရှိကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူ များသည် အားကစားနှင့်ကာ ယပညာသိပ္ပံ(မုံရွာ) ရှိ သတ်မှတ်အားကစားရုံများတွင် ဘောလုံး၊ ပိုက်ကျော်ခြင်း၊ ကရာ တေး၊ အလေးမနှင့် လက်ဝှေ့ အားကစားနည်းများ စုဖွဲ့လေ့ကျင့်နေမှုများအား လိုက် လံကြည့်ရှုခဲ့ကြပြီး သက်ဆိုင်ရာအားကစားနည်းပြများ သင်တန်းသား၊သင်တန်းသူ များနှင့် တွေ့ဆုံပြီး သင်တန်းသား၊ သင်တန်းသူများအနေ ဖြင့် မိမိတို့ လေ့ကျင့်နေကြ သည့် အားကစားနည်းများအလိုက် အစုအဖွဲ့လိုက်သော်လည်းကောင်း၊ တစ်ဦးချင်း သော်လည်းကောင်း အာကစားနည်းများ ပညာသင်နှစ် တစ်နှစ်ထက်တစ်နှစ် တိုး တက်မြင့်မားလာအောင် အစွမ်းကုန်လေ့ကျင့်သွားကြရန် လိုအပ်ပါကြောင်း၊ အရည် အချင်းရှိပြီး အားကစားသမားများအနေဖြင့်လည်း ယခင်နှစ်များထက် စံချိန်တိုးတက် အောင် အစဉ်တစိုက် လေ့ကျင့်သွားကြရန်နှင့် ယှဉ်ပြိုင်သည့်ပြိုင်ပွဲများတွင် လည်း ထိုက်တန်သည့်ဆုတံဆိပ်များရရှိအောင် ကြိုးစားယှဉ်ပြိုင်သွားကြရန် လိုအပ်ပါ ကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့်လည်း ထူးချွန်အားကစား သမားများအား ထိုက်ထိုက်တန်တန် ဂုဏ်ပြုချီးမြှင့်ပေးသွားမည် ဖြစ်ပါကြောင်း ပြော ကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းရှိစားရိပ်သာ တွင် ကျောင်းအုပ်ကြီး၊ ဆရာ/ဆရာမများ၊ နည်းပြများ၊ သင်တန်း သား/သင်တန်းသူများနှင့်အတူ တကွ အထူးနေ့လယ်စာအား သုံးဆောင်ခဲ့ကြပြီး တိုင်းဒေသကြီး လူမှုရေးရာဝန်ကြီးက ကျောင်းအုပ်ကြီးထံ ငွေကျပ် - ၁၀ သိန်းအား ပေး အပ်ခဲ့ကြောင်း သိရသည်။

မုံရွာ၊ ဇူလိုင် ၅

၂၀၂၅-၂၀၂၆ ပညာသင်နှစ်၊ မုံရွာမြို့ပေါ်နှင့် အနီးဝန်းကျင်ရှိကျေးရွာများမှ ကျောင်းသား၊ကျောင်း သူများ ကျန်းမာသန်စွမ်းကာ စိတ်အေးချမ်းသာစွာဖြင့် ပညာသင်ကြားနိုင် ရေးအတွက် ယနေ့ နံနက်ပိုင်းတွင် မုံရွာမြို့၊ ဒေါနခြံရပ်ကွက်ရှိ အမှတ်(၂) အခြေခံပညာအထက်တန်း ကျောင်းဝန်းအတွင်းရှိ သစ်ပင်ခြုံနွယ်များ၊ ပေါင်းမြက်များ ခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများရေစီးရေလာ ကောင်းမွန်စေရေးတို့အတွက် အထွေထွေအုပ်ချုပ်ရေးဦးစီးဌာနမှဝန်ထမ်းများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေး အသင်းအဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ဆရာ/ဆရာမများနှင့်ကျောင်း သား/ကျောင်းသူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ခဲ့ကြ သည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုများအား တိုင်းဒေသကြီး၊ခရိုင်၊မြို့နယ်အဆင့်ဌာနဆိုင်ရာ တာဝန်ရှိသူများမှ သွားရောက်ကြည့်ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူ များ၊ ဌာနဆိုင်ရာဝန်ထမ်းများနှင့် ဆရာ/ဆရာမများအား စားသုံးဆီများ၊ ဟင်းသီးဟင်း ရွက်များ ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်း သန့်ရှင်းရေးလုပ်ငန်းများ ဆောင်ရွက်ခဲ့ကြသူများအား နံနက်စာဖြင့် ကျွေးမွေးဧည့်ခံခဲ့ကြကြောင်းသိရသည်။

မုံရွာ၊ ဇူလိုင် ၅

စစ်ကိုင်းတိုင်းဒေသကြီး၊ စစ်ကိုင်းမြို့ပေါ်ရှိ ငလျင်ဘေးသင့်ပြည်သူများအား ဆန်ရိက္ခာထောက်ပံ့ပေးအပ်ပွဲ အခမ်းအနားကို ဇူလိုင်လ ၅ ရက်၊ နံနက်ပိုင်းတွင် စစ်ကိုင်းမြို့၊ နှစ်(၇၀၀)ပြည့် ပြည်သူ့အားကစားကွင်းအတွင်းရှိ ဖူဆယ်အားကစားရုံ တွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် စစ်ကိုင်း မြို့ပေါ်ရှိ ငလျင်ဘေးသင့်ပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်နှင့် မိမိတို့တိုင်း ဒေသကြီးအစိုးရအဖွဲ့အနေဖြင့် ငလျင်လှုပ်ခတ်မှုဖြစ်ဖြစ်ချင်းတွင် ဘေးသင့်ပြည်သူ များ၊အဆောက်အဦ ပြိုပိတ်မိပြည်သူများအား ပြန်လည်ကယ်တင်ခြင်း လုပ်ငန်းများ၊ ပြိုပျက်အဆောက်အဦများအား ရှင်းလင်းခြင်းလုပ်ငန်းများအား ပြည်တွင်း/ပြည်ပမှ ရှာဖွေကယ်ဆယ်ရေးအဖွဲ့များ၊ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် လုမူရေးအဖွဲ့များဖြင့် လူ့အင်အား၊စက်ယာဉ် ယန္တရားများ အသုံးပြု၍ နေ့စဉ်ဆောင်ရွက်ပေးလျက်ရှိပါကြောင်း၊ မိမိတို့တိုင်းဒေသကြီး အစိုးရ အဖွဲ့အနေဖြင့် ငလျင်ဒဏ်ခံစားခဲ့ရသည့် စစ်ကိုင်းမြို့ပြန်လည်ထူထောင်ရေးလုပ်ငန်း များအား တာဝန်ရှိသူများနှင့်အတူ ဝိုင်းဝန်းပူးပေါင်း ဆောင်ရွက်ပေးသွားမည် ဖြစ် ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က စစ်ကိုင်းခရိုင် စီမံအုပ်ချုပ်ရေး အဖွဲ့ ဥက္ကဌထံ စစ်ကိုင်းမြို့နယ်အတွင်းရှိ ငလျင်ဘေးသင့်ပြည်သူ ၂၁၂၅၀ ဦးနှင့် ဝန်ထမ်း/မှီခို ၆၀၀၇ ဦးစုစုပေါင်း ၂၇၂၅၇ ဦးအတွက် ထောက်ပံ့ငွေကျပ် ၁,၄၉၀,၃၄၈,၁၀၀ (သိန်း
ပေါင်း တစ်သောင်းလေးထောင်ကိုးရာ သုံးသိန်းလေးသောင်း ရှစ်ထောင်တစ်ရာ)ကျပ် အား ထောက်ပံ့ပေးအပ်သည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များက အခမ်းအနားသို့ တက်ရောက်လာကြသည့် ငလျင်ဘေးသင့်ပြည်သူများအား ရင်းရင်း နှီးနှီးလိုက်လံနှုတ်ဆက် အားပေးစကားများ ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် အဆိုပါအားကစားရုံအတွင်း စစ်ကိုင်းမြို့၊ ဇေယျာရပ်ကွက်မှ အိမ်ထောင်စု ၄၈၄ စုမှ ငလျင်ဘေးသင့်် ပြည်သူ ၂၃၃၃ ဦးအား ဆန်ရိက္ခာများ ခွဲဝေပေးနေမှုများအား ကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ သည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် စစ်ကိုင်းမြို့၊ ပါရမီရပ်ကွက်ရှိ မဟာစည်းခုံကြီး စေတီတော်မြတ်ကြီးသို့ ရောက် ရှိရာ ငလျင်ဘေးသင့်ပြည်သူများအား ဆန်ရီက္ခာများ ဖြန့်ဝေပေးနေမှုများအား ကြည့်ရှု ခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ ကြောင်း သိရသည်။

မုံရွာ၊ ဇူလိုင် ၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် ဇူလိုင်လ ၅ ရက်၊ နံနက်ပိုင်းတွင် စစ်ကိုင်းမြို့၊ ဧရာဝတီတံတား(ရတနာပုံ)နှင့် ကံတလူဂိတ်တို့ရှိ တရားမဝင်ကုန်သွယ်မှုတိုက်ဖျက်ရေး ပူးပေါင်းစစ်ဆေးရေးအဖွဲ့များနှင့် တွေ့ဆုံပွဲသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ခရီးသွားပြည်သူများ လုံခြုံ အေးချမ်းစွာဖြင့် ခရီး သွားလာနိုင်ရေးနှင့် ကုန်စည်စည်းဆင်းမှု မြန်ဆန်ရေးတို့အတွက် စီမံအုပ်ချုပ်ရေးအဖွဲ့များနှင့် လုံခြုံ ရေးတပ်ဖွဲ့ဝင်များအနေဖြင့် မိမိတို့ဆောင်ရွက်နေ သည့်လုပ်ငန်းများအပေါ် တာဝန်ကျေပွန်လိုစိတ်ဖြင့် ဌာနများအချင်းချင်း ပူးပေါင်း ဆောင်ရွက်သွားကြရန် လိုအပ်ပါကြောင်း၊ မြို့ဝင်မြို့ထွက် လုံခြုံရေးဂိတ်များတွင် ခရီး သည်တင်မော်တော်ယာဉ်များနှင့် ကုန်တင်ယာဉ်များအား တရားမဝင်ငွေကြေး ကောက်ခံမှုများ မရှိစေရေး၊ တရားမဝင်ကုန်ပစ္စည်းများ တင်ဆောင်မှုများမရှိစေရေး နှင့်လုပ်ငန်းများဆောင်ရွက်ရာတွင် အဂတိတရားကင်းရှင်းစွာဖြင့် ဆောင်ရွက်သွားကြ ရန်လိုအပ်ပါကြောင်း၊ ပြည်သူများနှင့်ထိတွေ့ရသည့် လုပ်ငန်းများအပေါ်တွင် နွေးထွေး ပျုငှာစွာဖြင့် ဝန်ထမ်းကောင်းစိတ်ဓါတ်ဖြင့် ပြောဆိုဆက်ဆံသွားကြရန် လိုအပ်ပါ ကြောင်းလိုအပ်ပါကြောင်း ပြောကြားခဲ့သည်။

ယင်းနောက် ဧရာဝတီတံတား(ရတနာပုံ)နှင့် စစ်ကိုင်းမြို့အထွက် ကံတလူဂိတ် တို့ရှိ တရားမဝင်ကုန်သွယ်မှုတိုက်ချက်ရေး ပူးပေါင်းစစ်ဆေးရေးအဖွဲ့များမှ တာဝန် ရှိသူများက မိမိတို့လုပ်ကိုင်ဆောင် ရွက်နေသည့် လုပ်ငန်းများနှင့် ပတ်သက်၍ ဆွေး နွေးတင်ပြကြပြီး တိုင်းဒေသကြီး အစိုးရအဖွဲ့ဝင်များနှင့် ခရိုင်စီမံအုပ်ချုပ်ရေးအဖွဲ့မှ တာဝန်ရှိသူ များက လုပ်ငန်းများဆောင်ရွက်နေမှု အခြေအနေများအား ဖြည့်စွက်ဆွေး နွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာသူ များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်း စပ်ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်း မြို့ဝင် ဧရာဝတီတတား(ရတနာပုံ)ရှိ တရားမဝင်ကုန်သွယ်မှုတိုက်ချက်ရေး ပူးပေါင်း စစ်ဆေးရေးအဖွဲ့ဂိတ်များအား လိုက်လံကြည့်ရှုစစ်ဆေးခဲ့ပြီး လုံခြုံရေးကိစ္စရပ်ဆိုင်ရာ များနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တရားမဝင်ငွေကြေးကောက်ခံမှုများမရှိစေရေးနှင့် တရားမဝင် ပစ္စည်းများ ဝင်ရောက်မှုမရှိစေရေးတို့အား တာဝန်ရှိသူများအား မှာကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ သစ်ဆိပ်မြစ်ကမ်းမှ မန္တလေးမြို့၊ ရွှေကြက်ကျမြစ်ကမ်းသို့ တန် ၂၀ အထက် ကုန်တင် ကားကြီးများနှင့် တွဲကားကြီးများဖြတ်သန်းသွားလာမှု အဆင်ပြေစေရန်အတွက် ဇက် ကတို့များဖြင့် သယ်ယူပို့ဆောင်နေမှုများအား သွားရောက်ကြည့်ရှုစစ်ဆေးပြီး ကုန်စည်များ၊ စက်သုံးဆီများ၊ လူသုံးကုန် ပစ္စည်း များနှင့် သစ်သီးဝလံများ၊ ဟင်းသီးဟင်းရွက်များ ကုန်စည်စီးဆင်းမှုမြန်ဆန်စေရေး အတွက် ဇက်ကတို့ဖြင့် နေ့စဉ်မော်တော်ယာဉ်ကြီးများအား အစီးရေများစွာသည်ယူပို့ ဆောင်သွားရေးတို့အား တာဝန်ရှိသူများအား မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။

မုံရွာ၊ ဇူလိုင် ၄

စစ်ကိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် ဇူလိုင်လ ၄ ရက်၊ နံနက် ပိုင်းတွင် စစ်ကိုင်းမြို့၊ ပန်းပဲတန်းရပ်ကွက်၊ ဆင်များရှင်စေတီတော်ကြီးရှိ သာသနာ့ဗိမ္မာန် တော်အတွင်း ကျင်းပပြုလုပ်သည့် စစ်ကိုင်းခရိုင်အဆင့် ဌာနဆိုင်ရာများနှင့် တွေ့ဆုံပွဲ အခမ်းအနားသို့ တက် ရောက်ကြသည်။

ဦးစွာ စစ်ကိုင်းခရိုင်အဆင့် ဌာနဆိုင်ရာများမှ ခရိုင်ဦးစီးမှူးများက စစ်ကိုင်းခရိုင် အတွင်း မိမိတို့ဌာနများအလိုက် လုပ်ငန်းများတာဝန်ယူဆောင်ရွက်နေသည့် လုံခြုံတည် ငြိမ်ရေးနှင့် တရားဉပဒေစိုးမိုးရေး၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်း ပန်းဆက်သွယ်ရေး၊ မြို့သန့်ရှင်းသာယာလှပရေး လုပ်ငန်းများနှင့် MSMEs လုပ်ငန်းများ ဆောင်ရွက်နေမှု အခြေအနေများနှင့် ဆက်လက်ဆောင်ရွက်သွားမည့် အခြေအနေများ အား ရှင်းလင်းတင်ပြကြသည်။

ယင်းနောက် တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရ အဖွဲ့ဝင်များက မိမိတို့ဌာနများအလိုက် စစ်ကိုင်းခရိုင်အတွင်း ဒေသဖွံ့ဖြိုးတိုးတက်ရေး လုပ်ငန်းများ ဆောင်ရွက်ပေးနေမှု အခြေအနေများအား ဖြည့်စွက်ဆွေးနွေး တင်ပြကြ သည်။

ထို့နောက်တိုင်းဒေသကြီး ဝန်ကြီးချုပ် ဦးမြတ်ကျော် က စစ်ကိုင်းခရိုင်အဆင့် ဌာန ဆိုင်ရာများအနေဖြင့် မိမိဒေသအတွင်း လုံခြုံတည်ငြိမ်ရေးနှင့် တရားဉပဒေစိုးမိုးရေး လုပ် ငန်းများအား အလေးထား ဆောင်ရွက်သွားကြရန်နှင့် ပြည်သူများ စားရေရိက္ခာဖူလုံပြည့် ဝစေရေအတွက် ဌာနများအချင်းချင်း ပူးပေါင်းကာ ကြိုးပမ်းဆောင်ရွက်သွားကြရန် လို အပ်ပါကြောင်း၊ ပြည်ထောင်စုဝန်ကြီးဌာနများနှင့် မိမိတို့တိုင်းဒေသကြီး အစိုးရအဖွဲ့မှ ပေးအပ်ထား သည့် လုပ်ငန်းတာဝန်များအား ကျေပွန်စွာထမ်းဆောင်သွားကြရန် လိုအပ်ပါ ကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် စစ်ကိုင်းခရိုင်အတွင်းရှိ မြို့များနှင့် ရပ်ကွက်/ကျေးရွာများ ဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေး၊ ပညာရေး၊ ကျန်းမာရေး၊ စိုက်ပျိုး/မွေးမြူရေးနှင့် MSMEs လုပ်ငန်းများအတွက် လိုအပ်သည်များကို တာဝန်ရှိသူများနှင့် ပူးပေါင်းဆောင်ရွက်ပေးသွားမည် ဖြစ်ပါကြောင်းနှင့် စစ်ကိုင်းမြို့အား ယခင်ငလျင်မလှုပ်ခင်ကာလထက် ပိုမိုဖွံ့ဖြိုးတိုးတက်အောင် ဝိုင်းဝန်းပူးပေါင်း ဆောင် ရွက်သွားကြရန် လိုအပ်ပါကြောင်း ပြောကြားခဲ့ပြီး တွေ့ဆုံပွဲသို့ တက်ရောက်လာကြသည့် ခရိုင်အဆင့်ဌာနဆိုင်ရာများ၏ ဆွေးနွေးတင်ပြချက်များအပေါ် လိုအပ်သည်များကို တာ ဝန်ရှိသူများနှင့် ပေါင်းစပ်ဖြည့်ဆည်း ဆောင်ရွက်ပေးခဲ့ကြောင်း သိရသည်။