မုံရွာ၊ ဇူလိုင် ၁၆

၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက်(၂၅) နှစ်အောက် အမျိုးသားဖူဆယ်ပြိုင်ပွဲ ဖွင့်ပွဲအခမ်းအနားကို ဇူလိုင်လ ၁၆ ရက်၊ နံနက်ပိုင်းက မုံရွာမြို့၊ ပြည်သူ့အားကစားကွင်းအတွင်းရှိ ဖူဆယ်အားကစားရုံတွင် ကျင်းပပြုလုပ် ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အသင်းများမှ နည်းပြ/အုပ်ချုပ်များနှင့် အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယခုကျင်းပသည့် ခရိုင် ပေါင်းစုံ အမျိုးသား ဖူဆယ်ပြိုင်ပွဲကနေ အရည်အချင်းပြည့်ဝသည့် ရွတ်ပုန်းသီး အားက စားသမားများကို ရွေးချယ်ပြီး မိမိတို့တိုင်းဒေသကြီး၏ ဖူဆယ်အားကစားအဆင့်အား ပြန်လည်မြှင့်တင်ပေးသွားမည်ဖြစ်သည့်အပြင် မြန်မာ့လက်ရွေးစင်အသင်း၏ အရံအင် အားမျိုးဆက်သစ်များကိုလည်း မွေးထုတ်ပေးသွားမည် ဖြစ်ပါကြောင်း၊ ပြိုင်ပွဲဝင်အားက စားသမားများအနေဖြင့်လည်း ဒိုင်လူကြီးများ၏ဆုံးဖြတ်ချက်အား လေးစားလိုက်နာသွား ကြရန်နှင့် မိမိတို့ဘဝအတွက် ရည်မှန်းချက်ပန်းတိုင်များထားကာ မိမိ၏ ခြေစွမ်းခြေစ အရည်အချင်းအား ပေါ်လွင်အောင် အားကစားစိတ်ဓါတ်ပြည့်ဝစွာဖြင့် ကြိုးစားယှဉ်ပြိုင်ပြီး နိုင်ငံ့ဂုဏ်ဆောင် ထူးချွန်အားကစားသမားကောင်းများဖြစ်အောင် ယှဉ်ပြိုင်ကစားသွားကြ ရန်လိုအပ်ပါကြောင်း ပြောကြားခဲ့ပြီး ၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ် ဖလား ခရိုင်ပေါင်းစုံ အသက်(၂၅)နှစ်အောက် အမျိုးသားဖူဆယ်ပြိုင်ပွဲအား ဖွင့်လှစ်ပေးခဲ့ သည်။

ဆက်လက်၍ ပြိုင်ပွဲဝင်အားကစားအသင်းများမှ အားကစားသစ္စာအဓိဌာန် ရွတ် ဆိုကြပြီး တိုင်းဒေသကြီး ဝန်ကြီးချုပ်နှင့် တိုင်းဒေသကြီး တရားသူကြီး ချုပ်၊ တိုင်းဒေ သကြီး အစိုးရအဖွဲ့ဝင်များက ပြိုင်ပွဲဝင်အားကစားအသင်းများအား လေ့ကျင့်ရေး ဖူဆယ် ဘောလုံးများအား အသင်းအုပ်ချုပ်သူများထံ လိုက်လံပေးအပ်ကာ ပြိုင်ပွဲဝင်အားကစား အသင်းများမှ ကွင်းအတွင်းမှပြန်လည်ထွက်ခွာကြသည်။

ထို့နောက် တိုင်းဒေသကြီး ဝန်ကြီးချုပ်နှင့် အခမ်း အနားသို့ တက်ရောက်လာသူ များမှ အဖွင့်ပွဲစဉ်အဖြစ် ရွှေဘိုခရိုင်ဖူဆယ်ဘောလုံးအသင်းနှင့် နာဂကိုယ်ပိုင်အုပ်ချုပ်ခွင့်ရ ဒေသဖူဆယ်ဘောလုံးအသင်းတို့ ယှဉ်ပြိုင်ကစားနေမှုများအား ကြည့်ရှုအားပေးရာ ရွှေဘို ခရိုင်အသင်းမှ နာဂကိုယ်ပိုင်အုပ်ချုပ်ခွင့်ရဒေသအသင်းအား အနိုင်ရရှိသွားသည်။

အဆိုပါ ၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက်(၂၅)နှစ်အောက် အမျိုးသားဖူဆယ်ပြိုင်ပွဲအား ဇူလိုင်လ ၁၆ ရက်နေ့မှ ၂၁ ရက်နေ့ အထိ ကျင်းပသွားမည်ဖြစ်ပြီး တိုင်းဒေသကြီးအတွင်းရှိ ခရိုင် ၁၂ ခရိုင်မှ ပြိုင်ပွဲဝင် အားက စားသမား ၁၄၄ ဦး ဝင်ရောက်ယဉ်ပြိုင် ကစားသွားမည်ဖြစ်ကြောင်း သိရသည်။

မုံရွာ၊ ဇူလိုင် ၁၆

အခြေခံငါးမွေးမြူရေးနှင့် ရေချိုငါးများ ဆေးထိုး သားဖောက်ခြင်းသင်တန်း ကောင်းမွန်သောရေသတ္တဝါ မွေးမြူရေးကျင့်စဉ် (GAqP)သင်တန်းဖွင့်ပွဲအခမ်းအနားကို ဇူလိုင်လ ၁၆ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အောင်ချမ်းသာရပ်ကွက်ရှိ တစ်ပိုင်တစ်နိုင်ငါးသားဖောက်စခန်းတွင် ကျင်းပရာ သင်တန်းဖွင့်ပွဲ အခမ်းအနားသို့ တိုင်း ဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ သင်တန်းနည်းပြများနှင့် သင်တန်းသား၊သင်တန်းသူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အတွင်း ငါးမွေးမြူရေးကန် (၇၈၁၉.၁၂)ဧက မွေးမြူထားရှိပြီး ရွှေဘိုခရိုင်တွင် အများဆုံး မွေးမြူကာ ၄င်းငါးမွေးမြူရေးကန်များမှ ငါးရိက္ခာဖူလုံစေရေးအတွက် ထုတ်လုပ်မှုသည် ပြည်တွင်းစားသုံးမှု ဖူလုံရုံသာမက ပြည်ပသို့လည်း မြန်မာနိုင်ငံမှ ရေထွက်ပို့ကုန်အဖြစ် ကမ္ဘာ့နိုင်ငံအသီးသီးသို့ နှစ်စဉ်တင်ပို့ရောင်းချလျက် ရှိပါကြောင်း၊ ငါးမွေးတောင်သူများ လိုအပ်သည့် ငါးသားပေါက်များအား ကိုယ်တိုင်သားဖောက်ထုတ်လုပ်နိုင်ရန်နှင့် ကျေး လက်နေပြည်သူများ ဝင်ငွေတိုးပွားစေမည့် တစ်ပိုင်တစ်နိုင်မွေးမြူရေးလုပ်များ ပေါ်ထွန်း လာစေရန်အတွက် ယခုလိုသင်တန်းအား ဖွင့်လှစ်ပေးရခြင်းဖြစ်ပါကြောင်းနှင့် တစ်ဘက် တစ်လမ်းမှလည်း မြစ်ချောင်းအင်းအိုင်များအတွင်းရှိ လုပ်သားပြည်သူများ ငါးစားသုံးမှုပေါ ကြွယ်ဝစေရန် ငါးမျိုးစိုက်ထည့်ခြင်းများအား တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီး ငါးလုပ်ငန်းဦးစီးဌာနမှ ညွှန်ကြားရေးမှူး ဒေါ်မိုးသူဇာအောင်က အခြေခံငါးမွေးမြူရေးနှင့် ရေချိုငါးများ ဆေးထိုးသားဖောက်ခြင်း သင်တန်း ကောင်းမွန်သောရေသတ္တဝါ မွေးမြူရေးကျင့်စဉ် (GAqP)သင်တန်းဖွင့်လှစ်ရ ခြင်း၏ ရည်ရွယ်ချက်အား ရှင်းလင်းပြောကြားပြီး သင်တန်းသူတစ်ဦးက မိတ်ဆက်စကား ပြောကြားသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက သင်တန်းဖွင့်လှစ်ရခြင်းနှင့် ပတ်သက်၍ ဖြည့်စွက်ဆွေးနွေး ပြောကြား သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါငါးသား ဖောက်စခန်းအတွင်း ခင်းကျင်းပြသထားသည့် သင်တန်းတွင်အသုံးပြုသွားမည့် ဆေးဝါး ပစ္စည်းများ၊ ငါးအဟာရအစာများနှင့် ငါးမြစ်ခြင်းငါးများအား ဟော်မုန်းဆေးထိုးကာ သား ဖောက်ခြင်းနှင့် သန္ဓေအောင်ဥများ မွေးမြူထားရှိမှုများအား လိုက်လံကြည့်ရှုခဲ့ကြပြီး ပြည် သူများငါးစားသုံးမှုဖူလုံစေရန်အတွက် မွေးမြူထားရှိသည့် ငါးများရှင်သန်ကြီးထွားစေရန် နှင့်ဈေးကွက်အတွင်း ဈေးနှုန်းချိုသာစွာရောင်းချသွားရေးတို့အား တာဝန်ရှိသူများအား မှာ ကြားကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ အခြေခံငါးမွေးမြူရေးနှင့် ရေချိုငါးများ ဆေးထိုးသားဖောက်ခြင်း သင်တန်း ကောင်းမွန် သောရေသတ္တဝါ မွေးမြူရေးကျင့်စဉ် (GAqP) သင်တန်းအား ဇူလိုင်လ ၁၆ ရက်နေ့မှ ၁၈ ရက်နေ့အထိ စာတွေ့လက်တွေ့ သင်ကြားပေးသွားမည်ဖြစ်ပြီး သင် တန်းသား/သင်တန်းသူ ၃၂ ဦး တက်ရောက်သွားမည်ဖြစ်ကြောင်း သိရသည်။

စစ်ကိုင်း၊ ဇူလိုင် ၁၅

စစ်ကိုင်းမြို့တွင် ငလျင်ဘေးသင့် ဝန်ထမ်းများနှင့် မှီခိုမိသားစုဝင်များအား စားရေ ရိက္ခာ(၅)မျိုး ထောက်ပံ့ပေးအပ်ပွဲအခမ်းအနားကို ဇူလိုင်လ ၁၅ ရက် နံနက်ပိုင်းက စစ်ကိုင်းမြို့၊နှစ်(၇၀၀)အားကစားကွင်း၊ မိုးလုံလေလုံ အားကစားခန်းမ၌ ကျင်းပရာ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီးသက်ပုံ၊ စစ်ကိုင်းတိုင်းဒေသကြီး အစိုးရအဖွဲ့ဝင် ဝန်ကြီးများ၊ ခရိုင်/ မြို့နယ်အဆင့် ဌာနဆိုင်ရာများနှင့် မိသားစုဝင်များ တက်ရောက်ကြသည်။

ရှေးဦးစွာ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီးသက်ပုံက အဖွင့်အမှာစကားပြောကြားပြီး ငလျင်ဒဏ်ခံစားခဲ့ရသည့် အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မီးသတ်ဦးစီးဌာနမှ ဝန်ထမ်းနှင့် မှီခိုမိသားစုဝင် (၉၉၅)ဦးအတွက် ထောက်ပံ့ငွေ (၇၇,၉၀၈,၅၀၀)ကျပ်အား တာဝန်ရှိသူများထံပေးအပ်သည်။

ထို့နောက် တိုင်းဒေသကြီးအစိုးရအဖွဲ့၊ လူမှုရေးရာဝန်ကြီး ဦးညွှန့်ဝင်းအောင်က ငလျင်ဒဏ်ခံစားခဲ့ရသည့် ပညာရေးဝန်ကြီးဌာန၊ ကျန်းမာရေးဝန်ကြီး ဌာန၊ သာသနာရေးမှူး ရုံးမှ ဝန်ထမ်းနှင့် မှီခိုမိသားစုဝင် (၅၈၂)ဦးအတွက် ထောက်ပံ့ငွေ (၄၅,၅၇၀,၆၀၀)ကျပ်အား လည်းကောင်း၊ တိုင်းဒေသကြီးအစိုးရအဖွဲ့၊ သယံဇာတရေးရာဝန်ကြီး ဦးတင်သန်းဝင်းက ငလျင်ဒဏ်ခံစားခဲ့ရသည့် မြေစာရင်းဦးစီးဌာန၊ စိုက်ပျိုးရေးဦးစီးဌာန၊ မွေးမြူရေးနှင့် ကုသရေးဦးစီးဌာနမှ ဝန်ထမ်းနှင့် မှီခိုမိသားစုဝင် (၂၀၈)ဦးအတွက် ထောက်ပံ့ငွေ (၁၆,၂၈၆,၄၀၀)ကျပ်အားလည်းကောင်း၊ တိုင်းဒေသကြီးအစိုးရအဖွဲ့၊ တိုင်းရင်းသားရေးရာ ဝန်ကြီး ဦးစိုင်းနိုင်နိုင်ကျော်က ငလျင်ဒဏ်ခံစားခဲ့ရသည့် စည်ပင်သာယာရေးအဖွဲ့၊ လမ်းဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဝန်ထမ်းနှင့် မှီခိုမိသားစုဝင် (၂၈၅)ဦးအတွက် ထောက်ပံ့ငွေ (၂၂,၃၁၅,၅၀၀)ကျပ်အားလည်းကောင်း၊ စစ်ကိုင်းခရိုင် သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့ဥက္ကဌ ဦးမျိုးအောင်က ကျန်ရှိသည့် ဝန်ထမ်း များနှင့် မှီခိုမိသားစုဝင် (၃၉၃၇)ဦးအတွက် ထောက်ပံ့ငွေ (၃၀၈,၂၆၇,၁၀၀)ကျပ်အား လည်းကောင်း အသီးသီး ထောက်ပံ့ပေးအပ်ခဲ့သည်။

ယနေ့ကျင်းပပြုလုပ်သော ငလျင်ဘေးသင့် ဝန်ထမ်းများနှင့် မှီခိုမိသားစုဝင်များအား စားရေ ရိက္ခာ(၅)မျိုး ထောက်ပံ့ပေးအပ်ပွဲအခမ်းအနားတွင် စစ်ကိုင်းမြို့ရှိ ဝန်ထမ်းနှင့် မှီခိုမိသားစုဝင် (၆၀၀၇)ဦးအတွက် ထောက်ပံငွေ (၄၇၀,၃၄၈,၁၀၀) ကျပ်အား ထောက်ပံ့ပေးအပ်ခဲ့ကြောင်း သိရသည်။

မုံရွာ၊ ဇူလိုင် ၁၅

အသေးစားကုန်ထုတ်လုပ်ငန်းများဖန်တီးပေးရေးနှင့် ကျေးလက်နေမိသား စုဝင်ငွေ တိုးရေးစီမံကိန်းအတွက် ဖွင့်လှစ်သည့် စက်ချုပ်နည်းပညာသင်တန်း(အဆင့်မြင့်) ၂ ခု ဖွင့်ပွဲ အခမ်းအနားကို ဇူလိုင်လ ၁၅ ရက်၊ နံနက်ပိုင်းတွင် စစ်ကိုင်တိုင်းဒေသကြီး၊ အသေးစား စက်မှုလက်မှုလုပ်ငန်းဦးစီးဌာနရုံးရှိ Incubation Centre တွင် ကျင်းပရာ သင်တန်းဖွင့်ပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတိုင်းဒေသကြီးအနေဖြင့် အသေးစားကုန်ထုတ်လုပ်ငန်းများဖန်တီးပေးရေးနှင့် ကျေးလက်နေမိသားစုဝင်ငွေ တိုးရေး စီမံကိန်း(၁၅)ခုအား ၂၀၂၅-၂၀၂၆ ဘဏ္ဍာရေးနှစ်အတွင်း မုံရွာခရိုင်၊ စစ်ကိုင်းခရိုင်၊ ရွှေဘို ခရိုင်၊ ကသာခရိုင်၊ ကလေးခရိုင်၊ မော်လိုက်ခရိုင်နှင့် နာဂကိုယ်ပိုင်အုပ်ချုပ်ခွင့်ရဒေသများ တွင် အကောင်အထည်ဖော်ဆောင်ရွက် လျက်ရှိပါကြောင်း၊ ယခုသင်တန်းတွင် စီမံကိန်း လုပ်ငန်းတစ်ခုစီမှ ထူးချွန်ပြီး လုပ်ငန်းထူထောင်လိုသည့် သင်တန်းသူ ၅ ဦးစီးအား ရွေး ချယ်ပြီး တစ်ဦးလျှင် ကျပ် ၁၄ သိန်းဖိုးနှင့် ညီမျှသည့် လုပ်ငန်းသုံးပစ္စည်းများ ငှားရမ်းသုံး စွဲခွင့်ပြုသွားမည် ဖြစ်ပါကြောင်း၊ ယခုသင်တန်း သင်ကြားတတ်မြောက်မှုကြောင့် စက်ချုပ်လုပ်ငန်းထူထောင်လို သူများအနေဖြင့် မိသားစုဝင်ငွေတိုးပွားလာခြင်းကြောင့် လူမှုစီးပွားဘဝများမြင့်မားလာပြီး သားသမီးများ၏ ပညာရေး၊ ကျန်းမာရေး၊ လူမှုရေးအထောက်အပံ့နှင့် ပြုစုပျိုးထောင်ခြင်း များဆောင်ရွက်နိုင်မည်ဖြစ်ပါ၍ အနာဂတ်နိုင်ငံတော်အတွက် မျိုးဆက်သစ်များ မွေးထုတ်ပေးနိုင်မည် ဖြစ်သည့်အပြင် လူသားအရင်းအမြစ်နှင့် နည်းပညာအခြေခံ မိသားစုဝင်ငွေ များ တိုးတက်လာမည်ဖြစ်ပါကြောင်း၊ အသေးစားကုန်ထုတ်လုပ်ငန်းများ ဖန်တီးပေးနိုင် ရေးနှင့် ကျေးလက်နေမိသားစုဝင်ငွေတိုးရေးစီမံကိန်း အောင်မြင်အောင် အကောင် အထည်ဖော်ဆောင်ရွက်ရာတွင် သင်တန်သား/သင်တန်းသူများ၊ စီမံကိန်းလုပ်ငန်း အကောင် အထည်ဖော်ရေး ကော်မတီဝင်များအားလုံးမှ တက်ညီလက်ညီ ပူးပေါင်းဆောင် ရွက်မှသာလျှင် စီမံကိန်းလုပ်ငန်းများ အောင်မြင်မည်ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက အငယ်စားစီးပွားရေးများပေါ်ထွန်းလာစေရေးစီမံကိန်းလုပ်ငန်းအတွက် ဖွင့် လှစ်သည့် စက်ချုပ်နည်းပညာသင်တန်း(အဆင့်မြင့်)အတွက် သင်တန်းသူတစ်ဦးထံ သင် တန်းသုံးပစ္စည်းများအား လည်းကောင်း၊ တိုင်းဒေသကြီး စီမံကိန်းလုပ်ငန်းကြီးကြပ်မှု ကော်မတီ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက အမျိုးသမီးများ အတွက် ဝင်ငွေတိုးတက်စေရေး စီမံကိန်းလုပ်ငန်းအတွက် ဖွင့်လှစ်သည့် စက်ချုပ်နည်း ပညာသင်တန်း(အဆင့်မြင့်)အတွက် သင်တန်းသူတစ်ဦးထံ သင်တန်းသုံးပစ္စည်းများအား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီး ဦးခင်မောင်အေးက အငယ်စားစီးပွားရေးများပေါ်ထွန်းလာစေရေးစီမံကိန်းလုပ်ငန်းအတွက် ဖွင့်လှစ်သည့် စက် ချုပ်နည်းပညာသင်တန်း(အဆင့်မြင့်)အတွက် သင်တန်းသူတစ်ဦးထံ ကုန်ကြမ်းပစ္စည်းများအား လည်းကောင်း၊ တိုင်းဒေသကြီး ဥပဒေချုပ် ဒေါ်လှလှဝင်းက အမျိုးသမီးများ အတွက် ဝင်ငွေတိုးတက်စေရေးစီမံကိန်းလုပ်ငန်းအတွက် ဖွင့်လှစ်သည့် စက်ချုပ်နည်း ပညာသင်တန်း(အဆင့်မြင့်)အတွက် သင်တန်းသူတစ်ဦးထံ ကုန်ကြမ်းပစ္စည်းများအား လည်းကောင်း အသီးသီး ပေးအပ်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသူများနှင့် အတူ စုပေါင်းမှတ်တမ်းတင် ဓါတ်ပုံရိုက်ကူးကာ ခင်းကျင်းပြသထားသည့် သင်တန်းတွင် အသုံးပြုမည့် သင်ထောင်ကူပစ္စည်းများနှင့် ကုန်ကြမ်းပစ္စည်းများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ ကြောင်း သိရသည်။

မုံရွာ၊ ဇူလိုင် ၁၄

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် တိုင်းဒေသကြီး ပြန်ကြား ရေးနှင့်ပြည်သူ့ဆက်ဆံရေးဦးစီးဌာနမှ ဖွင့်လှစ်သည့် ကွန်ပျူတာသင်တန်း အမှတ်စဉ် (၄/၂၀၂၅)နှင့် အခြေခံတရုတ်၊ အခြေခံဂျပန်စကားပြောသင်တန်းများ ဖွင့်ပွဲအခမ်းအနားကို ဇူလိုင် လ ၁၄ ရက်၊ နံနက်ပိုင်းတွင် မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာန Community Centre ခန်းမတွင်ကျင်းပရာ သင်တန်းဖွင့်ပွဲအခမ်း အနားသို့တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်း သား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့အနေဖြင့် လူငယ်မောင်မယ်များ နည်းပညာနှင့် နီးစပ်မှုရှိအောင်၊ တတ်ကျွမ်း နားလည်မှုရှိအောင် ယခုလိုကွန်ပျူတာသင်တန်းများအား တိုင်းဒေသကြီးအတွင်းရှိ စစ်ကိုင်း၊ မုံရွာ၊ ရွှေဘို၊ ကန့်ဘလူ၊ ကလေးမြို့များတွင် စဉ်ဆက်မပြတ် ဖွင့်လှစ်သင်ကြား ပေးလျက်ရှိပါကြောင်း၊ တိုင်းဒေသကြီးအတွင်း ၂၀၂၃ ခုနှစ်မှစတင်၍ ယနေ့အချိန်အထိ သင်တန်းပေါင်း ၇၀ ကြိမ်တွင် သင်တန်းသားပေါင်း ၉၇၀ ဦးအား ကျွန်ပျူတာပညာရပ် များလေ့ကျင့်သင်ကြား ပေးနိုင်ခဲ့ပါကြောင်း၊ မိမိတို့တိုင်းဒေသကြီးသည် လည်ပတ်စရာ များ၊ လေ့လာစရာများ ပြည့်ဝနေသည့် တိုင်းဒေသကြီးဖြစ်သည့်အတွက် ပြည်တွင်း၊ပြည် ပခရီးသွားများ လာရောက်လေ့လာပါက ပြောဆိုနိုင်ရန်၊ ဝမ်းစာပြည့်ဝရန် ကမ္ဘာသုံးဘာ သာစကားများ တတ်မြောက်ရန်လိုအပ်သကဲ့သို့ ပြည်ပသို့ ပညာသင်ကြားရန်၊ လေ့လာရန် အလုပ်အကိုင်ဆောင်ရွက်နိုင်ရန်အတွက် ကမ္ဘာပေါ်တွင်အသုံးများသည့် ဘာသာစကား များတတ်မြောက်ထားကြရန် လိုအပ်ပါကြောင်း၊ သင်တန်းသား၊သင်တန်းသူများအနေဖြင့် လည်း သင်တန်းအားစည်ကမ်းတကျနှင့် ပြီးဆုံးသည်အထိ တက်ရောက်သွားကြရန်နှင့် အခြေခံမှသည် အဆင့်မြင့်တက်မြောက်စည်အထိ ကြိုးစားသင်ယူသွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက ကွန်ပျူတာသင်တန်းအမှတ်စဉ် (၄/၂၀၂၅)နှင့် အခြေခံတရုတ်/ဂျပန် စကား ပြောသင်တန်းများအတွက် ငွေကျပ် ၁၆၃၀၀၀၀ (တစ်ဆယ်ခြောက်သိန်း သုံးသောင်း) ကျပ်အား တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြားရေး မှူး ဦးဆန်းဝင်းထံ ပေးအပ်ချီးမြှင့်သည်။

ထို့နောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူးက ကွန်ပျူတာသင်တန်းအမှတ်စဉ် (၄/၂၀၂၅)နှင့် အခြေခံတရုတ် ၊ အခြေခံဂျပန် စကားပြောသင်တန်းများ ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/ သူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ သင်တန်းသား/သူများအား ရင်း ရင်းနှီးနှီးလိုက်လံ နှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးရှိ ကွန်ပျူတာသင်တန်းခန်းမအတွင်း ကွန်ပျူတာသင်တန်းအမှတ်စဉ်(၄/၂၀၂၅) သင်ကြား နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် သူနာပြုသား ဖွားသင်တန်းကျောင်း(မုံရွာ)၌ ကျင်းပပြုလုပ်သည့် အထူးနေ့လည်စာစားပွဲသို့ တက် ရောက်ရာ သူနာပြုသားဖွားသင်တန်းကျောင်း(မုံရွာ) ကျောင်းအုပ်ဆရာမကြီးနှင့် ဆရာမ များ၊ သင်တန်းသား၊သင်တန်းသူများနှင့်အတူ အထူးနေ့လည်စာ အတူတကွ သုံးဆောင် ခဲ့ကြပြီး တိုင်းဒေသကြီး လမ်းပန်းဆက်သွယ်ရေးဝန်ကြီး ဦးခင်မောင်အေးက တိုင်းဒေသကြီးအစိုးရအဖွဲ့မှလှူဒါန်းသည့် သောက်ရေသန့်စက်အတွက် ငွေကျပ်- ၁၄၅ သိန်းကျပ် အား ကျောင်းအုပ်ဆရာမကြီးထံသို့ လည်းကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက သူနာပြုသားဖွားသင်တန်းကျောင်း(မုံရွာ)အတွက် ငွေကျပ်- ၁၀ သိန်းအား ဒုတိယကျောင်းအုပ်ဆရာမကြီးထံသို့ လည်းကောင်း ပေးအပ်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းရှိသင်တန်း သား/သင်တန်းသူများ သောက်သုံးရေအဆင်ပြေစေရန်အတွက် တိုင်းဒေသကြီးအစိုးရ အဖွဲ့မှ လှူဒါန်းထားသည့် တစ်နာရီလျှင် လီတာ ၂၅၀ ထွက်ရှိသည့် ရေသန့် စက်တပ်ဆင်ပြီးစီးမှုအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇူလိုင် ၁၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများသည် ဇူလိုင်လ ၁၂ ရက်၊ နံနက်ပိုင်းတွင် ၂၀၂၅-၂၀၂၆ ပညာ သင်နှစ်၌ မုံရွာမြို့နှင့်အနီးဝန်းကျင်ရှိ ကျေးရွာများမှ ကျောင်းသား၊ကျောင်းသူများ ကျန်း မာသန်စွမ်းစွာဖြင့် ပညာသင်ကြားနိုင်ရေးတွက် မုံရွာမြို့၊ အောင်ချမ်းသာရပ်ကွက်ရှိ အမှတ်(၅)အခြေခံပညာအထက်တန်း ကျောင်းဝန်းအတွင်း မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဆရာ/ဆရာမ များနှင့် ကျောင်းသား/ကျောင်းသူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေ မှုများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်း ရေးလုပ်ငန်းများ ဆောင်ရွက်ခဲ့ကြသည့် ဝန်ထမ်းများနှင့် ဆရာ/ဆရာမများများအား တိုင်းဒေသကြီး စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာနနှင့် စည်ပင် သာယာရေးအဖွဲ့တို့မှ စားသုံးဆီများ၊ ဆန်များနှင့် ဟင်းသီးဟင်းရွက်များအား ဈေးနှုန်း သက်စွာဖြင့်ရောင်းချပေးနေမှုများအား ကြည့်ရှုအားပေးခဲ့ကြပြီး သန့်ရှင်းရေးလုပ်ငန်းများ ဆောင်ရွက်ခဲ့ကြသူများအား အအေးနှင့်မုန့်များဖြင့် ဧည့်ခံကျွေးမွေးခဲ့ကြပြီး အဆိုပါ ကျောင်းဝန်းအတွင်းရှိ ကျောင်းစာကြည့်တိုက်အတွင်း သုတရသစာအုပ်/စာစောင်များ စနစ်တကျထားရှိမှုများအား လိုက်လံကြည့်ရှုကာ ကျောင်းအုပ်ဆရာမကြီးထံ စာအုပ်/စာ စောင်များ ဝယ်ယူရန်အတွက် ငွေကျပ် ၁၀ သိန်းအား ပေးအပ်ခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ဦး ကျော်ဖြင့် အခြေခံပညာကျောင်းများ၌ စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ မြို့ သစ်ရပ်ကွက်ရှိ ဗန္ဓုလစေျးသစ် တည်ဆောက်ရေးလုပ်ငန်းခွင်သို့ ရောက်ရှိရာ တိုင်းဒေသ ကြီးစည်ပင်သာယာ ရေးအဖွဲ့မှ ညွှန်ကြားရေးမှူး ဦးသစ်ထူးမြင့်က အလျား - ၂၇၉ ပေ၊ အနံ - ၂၄ ပေ၊ RC ၂ ထပ် ဈေးဆိုင်ခန်းပေါင်း ၄၄ ခန်းပါဝင်သည့် ဈေးအဆောက်အဦ သစ်တည်ဆောက်နေမှု လုပ်ငန်းများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က ဈေးအဆောက်အဦသစ် တည် ဆောက်ရေးလုပ်ငန်းများ စံချိန်စံညွှန်းမီ အရည်အသွေးကောင်းမွန်စွာဖြင့် တည်ဆောက် ပြီးစီးရေးနှင့် ဈေးရောင်းချသူများအတွက် သောက်သုံးရေ၊ လျှပ်စစ်သွယ်တန်းခြင်းလုပ် ငန်းများစနစ်တကျရှိစေရေး၊ ဈေးပတ်ဝန်း ကျင်အား အမြဲသန့်ရှင်း သပ်ရပ်အောင်ထား ရှိရေးနှင့် ရေစီးရေလာကောင်းမွန်အောင် ရေနုတ်မြောင်းများထည့်သွင်း ဆောင်ရွက်ရေး တို့အား တာဝန်ရှိသူများကို မှာကြားကာ တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ‌ဈေးအဆောက်အဦသစ် တည်ဆောက်ပြီးစီးမှု လုပ်ငန်းအခြေအနေများအား လိုက်လံကြည့်ရှု စစ်ဆေးပြီး ဈေးရောင်းချနေသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြောင်း သိရ သည်။