မုံရွာ၊ ဇူလိူင် ၄

၂၀၂၅-၂၀၂၆ ခုနှစ်၊ စိုက်ပျိုးရာသီ ဆီထွက်သီးနှံ(မြေပဲ၊ နှမ်းနှင့် နေကြာ) ပန်းတိုင် အထွက်နှုန်းရရှိရေးအတွက် ဒေါင်ဖန်းလက်တွန်းထွန်စက်ပေးအပ်ခြင်းနှင့် ယူရီးယား ဓာတ်မြေသြဇာနှင့် လယ်ယာသုံးစက်မောင်းဆီများအား ဈေးနှုန်းသက်သာစွာဖြင့် ရောင်း ချပေးခြင်း အခမ်းအနားကို ဇူလိူင်လ ၄ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့၊ နှစ်(၇၀၀)ပြည့် ပြည်သူ့အားကစားကွင်းအတွင်းရှိ ဖူဆယ်အား ကစားရုံတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းမြို့ နယ်အတွင်းရှိ ကျေးရွာ ၅ ရွာမှ ဒေသခံတောင်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးသည် စိုက်ပျိုးရေးအား အဓိကအားပြုလုပ်ကိုင်ဆောင်ရွက်နေသည့် တိုင်းဒေသကြီးတစ်ခု ဖြစ် သည်နှင့်အညီ တိုင်းဒေသကြီးအတွင်း စိုက်ပျိုးလျက်ရှိသည့် စပါး၊ ဆီထွက်သီးနှံ အပါ အဝင် သီးနှံမျိုးစုံ စိုက်ဧကလျာထားချက် ပြည့်မီရေးနှင့် ပန်းတိုင်အထွက်နှုန်းရရှိရေး ကြိုး ပမ်းဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီး၏ စိုက်ပျိုးစွမ်းအား မြှင့် တင်နိုင်ရေးအတွက် ဆောင်ရွက်ရာတွင် စိုက်ပျိုးမြေဧရိယာ အသုံးချမှုတိုးတက်ရေး၊ တစ်ဧကထုတ်လုပ်မှုစွမ်းအား တိုးတက်ရေးနှင့် တောင်သူများဝင်ငွေတိုးတက်ရရှိရေး အတွက် ရည်မှန်းဆောင်ရွက်သွားကြရန်နှင့် စိုက်ပျိုးနေသည့် သီးနှံအလိုက် ပန်းတိုင် အထွက်နှုန်းရရှိရေး တာဝန်ရှိသူများနှင့် ဒေသခံတောင်သူများမှ အလေးထားကြိုးပမ်း ဆောင်ရွက်သွားရန် လိုအပ်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူးက တိုင်း ဒေသကြီးအတွင်း ဆီထွက်သီးနှံ(မြေပဲ၊ နှမ်းနှင့် နေကြာ)ပန်းတိုင်အထွက်နှုန်းရရှိရေး အတွက် သွင်းအားစုများ စနစ်တကျသုံးစွဲနိုင်ရေးနှင့် ပတ်သက်၍ အခြေအနေများအား လည်းကောင်း၊ ခရိုင်မြေစာရင်းဦးစီးဌာန၊ ဦးစီးမှူးက စစ်ကိုင်းခရိုင်အတွင်း လယ်ယာမြေ သုံးစွဲစိုက်ပျိုးနေမှု အခြေအနေများအား လည်းကောင်း၊ စစ်ကိုင်းခရိုင် စိုက်ပျိုးရေးဦးစီး ဌာန ခရိုင်ဦးစီးမှူးက ခရိုင်အတွင်း ဆီထွက်သီးနှံများ စိုက်ပျိုးထားရှိမှု အခြေအနေများ အား လည်းကောင်း၊ စစ်ကိုင်းခရိုင် ဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာန (ဆည်မြောင်း)မှ ခရိုင်ဦးစီးမှူးက ခရိုင်အတွင်း ဆည်တမံများမှ စိုက်ပျိုးရေးပေးဝေနေမှု အခြေအနေများအား လည်းကောင်း၊ စစ်ကိုင်းခရိုင် ဆည်မြောင်းနှင့်ရေအသုံးချမှု စီမံခန့် ခွဲရေးဦးစီးဌာန(ရေအရင်းအမြစ်)မှ ခရိုင်ဦးစီးမှူးက လျှပ်စစ်မြစ်ရေတင်လုပ်ငန်းများမှ စိုက်ပျိုးရေပေးဝေနေမှု အခြေအနေအား လည်းကောင်း၊ စစ်ကိုင်းခရိုင် မွေးမြူရေးနှင့်ကု သရေးဦးစီးဌာနမှ ခရိုင်ဦးစီးမှူးက အသား/ဉမွေးမြူထားရှိမှုများနှင့် ကုသရေးလုပ်ငန်း များဆောင်ရွက်နေမှု အခြေအနေများအား လည်းကောင်း၊ စစ်ကိုင်းခရိုင် ငါးလုပ်ငန်းဦးစီး ဌာနမှ ခရိုင်ဦးစီးမှူးက ခရိုင်အတွင်းရှိ ငါးမွေးကန်များတွင် ပြည်သူများငါးစားသုံးမှု ဖူလုံ ပြည့်ဝစေရအတွက် လုပ်ငန်းများဆောင်ရွက်နေမှု အခြေအနေများအား လည်းကောင်း၊ စစ်ကိုင်းခရိုင် စက်မှုလယ်ယာဦးစီးဌာနမှ ခရိုင်ဦးစီးမှူးက လယ်ယာသုံးစက်ကိရိယာများ သုံးစွဲနေမှုနှင့်ပေးအပ်ထားရှိမှု အခြေအနေများအား လည်းကောင်း၊ စစ်ကိုင်းခရိုင် စီမံအုပ် ချုပ်ရေးအဖွဲ့ ဉက္ကဌက စစ်ကိုင်းခရိုင်အတွင်း ဆီထွက်သီးနှံ(မြေပဲ၊ နှမ်းနှင့် နေကြာ) စိုက် ပျိုးထားရှိမှုအခြအနေများအား လည်းကောင်း အသီးသီး ရှင်းလင်းပြောကြားကြသည်။

ဆက်လက်၍ တိုင်းဒေသကြီး ဝန်ကြီးချုပ်၊ တိုင်းဒေသကြီးအစိုးရအဖွဲ့ အတွင်းရေး မှူးနှင့် စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌတို့က စစ်ကိုင်းမြို့နယ်အတွင်းရှိကျေးရွာ ၅ ရွာမှ ဒေသခံတောင်သူ ၅၀၀ ဦးအတွက် သွင်းအားစုယူရီယားဓာတ်မြေသြဇာ ၅၀၀ အိတ်အား သက်သာသောစေျးနှုန်းဖြင့် ရောင်းချပေးခဲ့ပြီး စစ်ကိုင်းမြို့နယ် စိုက်ပျိုးရေးဦး စီးမှူးများထံ ဒေါင်ဖန်းလက်တွန်း ထွန်စက်အား အသီးသီး ပေးအပ်ကြသည်။

ထို့နောက် အခမ်းအနားသို့ တက်ရောက်လာကြသည့် စစ်ကိုင်းမြို့နယ်အတွင်းရှိ ဒေသခံတောင်သူများ ကိုယ်စား တောင်သူတစ်ဦးက ကျေးဇူးတင်စကားပြန်လည်ပြော ကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဒေသခံတောင်သူများအား ရင်းရင်း နှီးနှီး လိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါ အားကစား ကွင်းအတွင်း စစ်ကိုင်းမြို့နယ်အတွင်းရှိ ကျေးရွာ ၅ ရွာမှ ဒေသခံတောင်သူ ၅၀၀ ဦးအား နံနက်စာများ ဝေငှပေးနေမှုများနှင့် စစ်ကိုင်းခရိုင် စားသုံးသူရေးရာဦးစီးဌာနမှ စားသုံးဆီ များအား ဈေးနှုန်းသက်သာစွာဖြင့် ရောင်းချပေးနေမှုများ၊ လယ်ယာသုံးစက်မောင်းဆီများ ရောင်းချပေးနေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများ နှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇူလိူင် ၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အမျိုးသမီးရေးရာ အဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီး များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် ဇူလိုင်လ ၃ ရက် နေ့တွင် ငလျင်ကြောင့် ထိခိုက်ပျက်စီးခဲ့သည့် စစ်ကိုင်းမြို့၊ မျက်မမြင်ကျောင်းသို့ ရောက်ရှိရာ Modular House များဖြင့် အမျိုးသား/အမျိုးသမီးအိမ်ဆောင်များ တည်ဆောက်ထားရှိမှု၊ ဂျပန်-မြန်မာ အကြောပြင်ပညာ သင်ကြားပေးနေမှု၊ အခြေခံပညာသင်ကြားပေးနေမှုများနှင့် ကွန်ပျူတာပညာသင်ကြားပေးနေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာ ဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးနှင့် တာဝန်ရှိသူများသည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ လူမှုဝန်ထမ်းဦးစီးဌာန၊ မူလတန်းကြိုကျောင်း ပြန်လည်ပြု ပြင်ထားရှိမှု၊ ကျောင်းသား/ကျောင်းသူများ ပညာသင်ကြားပေးနေမှုများနှင့် Modular House ဖြင့် ယာယီရုံးဖွင့်လှစ်ထားရှိမှုများအား ကြည့်ရှုခဲ့ကြပြီး သင်ကြားရေးလုပ်ငန်းများနှင့် ပတ်သက် ၍လိုအပ်သည််များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ်ခတ်မှု ကြောင့် ထိခိုက်ပျက်စီးခဲ့သည့် စစ်ကိုင်းမြို့၊ မြို့မဈေးကြီး ပြန်လည်တည်ဆောက်ရေးလုပ်ငန်း ခွင်သို့ရောက်ရှိရာ မြို့နယ်၊ စည်ပင်သာယာရေးအဖွဲ့မှ အင်ဂျင်နီ ယာမှူးက မြို့မ ဈေးကြီးအတွင်း အသစ်ပြန်လည် တည်ဆောက်မည့် အလျား - ၁၆၀ ပေ၊ အနံ - ၆၀ ပေ၊ အမြင့် - ၁၄ ပေ စေျးရုံ D ၊ အလျား - ၆၀ ပေ၊ အနံ - ၄၈ ပေ၊ အမြင့် - ၁၄ ပေ၊ အသား/ငါး ဈေးရုံနှင့် မြို့မ ဈေး ၃ ထပ်ရုံ ပြုပြင်တည်ဆောက်မည့် လုပ်ငန်းအခြေအနေများအား ရှင်းလင်းတင်ပြ သည်။

ထို့နောက် တိုင်းဒေသကြီး ဝန်ကြီးချုပ်က ဈေးရုံအဆောက်အဦ တည်ဆောက်ရေး လုပ်ငန်းများ စံချိန်စံညွှန်းမီ အရည်အသွေးကောင်းမွန်စွာဖြင့် သတ်မှတ်ကာလတွင် တည်ဆောက်ပြီးစီးရေး၊ ဈေးကြီးပတ်ဝန်းကျင်နှင့် ဈေးကြီးအတွင်း သန့်ရှင်းသပ်ရပ်မှုရှိစေရေး တို့အား တာဝန်ရှိသူများအား မှာကြားကာ တည်ဆောက်လုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ် ခတ်မှုကြောင့် ထိခိုက်ပျက်စီးခဲ့သည့် မြို့မ ဈေးကြီးအတွင်းရှိ ၃ ထပ် ဈေးကြီးနှင့် အသား/ငါး ဈေးရုံအဆောက်အဦများ အသစ်ပြန်လည်တည်ဆောက်ရန်အတွက် ရှင်းလင်းဖယ်ရှားနေမှုများ ကို လိုက်လံကြည့်ရှုခဲ့ကြောင်း သိရသည်။

မုံရွာ၊ ဇူလိူင် ၃

၂၀၂၅-ခုနှစ်၊ မြန်မာအမျိုးသမီးများနေ့ အခမ်း အနားကို ဇူလိူင်လ ၃ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့၊ နှစ် ၇၀၀ ပြည့်၊ ပြည်သူ့အားကစားကွင်းအတွင်းရှိ အားကစားရုံတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသ ကြီးအစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဝန်ထမ်းများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ဝင်များနှင့် ဖိတ်ကြားထား သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း နည်း အမျိုးမျိုးဖြင့် အကြမ်းဖက်ခြင်းခံခဲ့ရသည့် အမျိုးသမီးများအတွက် နှစ်သိမ့်ဆွေးနွေးခြင်း၊ သက် ဆိုင်ရာဌာနဆိုင်ရာများသို့ ညွှန်းပို့ဆောင်ရွက်ခြင်း၊ တရားရင်ဆိုင်စရိတ်၊ ပြန်လည်ထူ ထောင်စရိတ် ထောက်ပံ့ပေးခြင်းများ ဆောင်ရွက်ပေးလျက် ရှိပါကြောင်း၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ဝင်များအနေဖြင့် အမျိုးသမီးများအတွက် အသက်မွေးဝမ်းကျောင်းသင် တန်းများ ဖွင့်လှစ်သွားကြ၍ အလုပ်အကိုင်အခွင့်အလမ်းများ ရရှိအောင်ဆောင်ရွက်ပေးသွားကြ ရန်နှင့် အိမ်တစ်အိမ်တွင် မိဘများအလုပ်အကိုင်နှင့် ဝင်ငွေရရှိမှ သာယာပျော်ရွှင်ဖွယ်ကောင်း သည့် မိသားစုဖြစ်လာမည်ဖြစ်ပြီး သားသမီးများသည်လည်း ပညာသင်ကြားရေးအတွက် စာသင် ကျောင်းများသို့ ရောက်ရှိလာကာ ထူးချွန်ထက်မြက်သည့် နိုင်ငံတော်အတွက် အားထားရသည့် ပညာတတ်များ ပေါ်ထွန်းလာမည် ဖြစ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးတို့က မြန်မာအမျိုး သမီးများနေ့ ယဉ်ကျေးမှုစာတမ်းဖတ်ကြားသည့် မုံရွာတက္ကသိုလ်နှင့် ရွှေဘိုတက္ကသိုလ်တို့မှ စာရေးဆရာမများထံ ဂုဏ်ပြုချီး မြှင့်ငွေနှင့် ဂုဏ်ပြုမှတ်တမ်းလွှာအား ပေးအပ်ချီးမြှင့်ကြပြီး တိုင်းဒေသကြီး ဝန်ကြီးချုပ်က စစ်ကိုင်းမြို့နယ်အတွင်းရှိ ရွာထောင်ဘိုးဘွားရိပ်သာ၊ ရှင်ချမ်းဘိုးဘွားရိပ်သာ၊ ပရဟိတဂေဟာနှင့်မင်းကွန်းဘိုးဘွားရိပ်သာများအား အဟာရဖြည့်စွက်စာများအား တာဝန်ရှိသူများထံ ပေးအပ် ခဲ့သည်။

ဆက်လက်၍ တိုင်းဒေသကြီး အမျိုးသမီးရေးရာအဖွဲ့ ဉက္ကဌ၊ စစ်ကိုင်းမြို့ပေါ်ရှိ တက္ကသိုလ်/ဒီဂရီကောလိပ်များမှ ပါမောက္ခချုပ်များနှင့် တိုင်းဒေသကြီး အမျိုးသမီးရေးရာကော် မတီ အတွင်းရေးမှူးတို့က အဆင့်မြင့်ပညာနှင့် ခရိုင်/မြို့နယ်အဆင့် စာစီစာကုံး၊ ကဗျာ၊ ပန်းချီ နှင့်ကျပန်းစကား ပြောပြိုင်ပွဲများတွင် ပထမ၊ ဒုတိယ၊ တတိယဆုရရှိကြသူများနှင့် ယဉ်ကျေး မှုစာတမ်းဖတ်ကြားသူများအား ဂုဏ်ပြုချီးမြှင့်ငွေနှင့် ဂုဏ်ပြုမှတ်တမ်းလွှာအား လည်းကောင်း ပေးအပ်ချီးမြှင့်ကြသည်။

ဆက်လက်၍ တိုင်းဒေသကြီး ဝန်ကြီချုပ်နှင့် အခမ်းအနားသို့ တက်ရောက်လာသူများက ခရိုင်/မြို့နယ်အဆင့်ဌာနဆိုင်ရာ အမျိုးသမီးများနှင့် စစ်ကိုင်းမြို့၊ မူလတန်းကြိုကျောင်းမှ ကျောင်းသား/ကျောင်းသူများ၏ တေးသီချင်များဖြင့် ကပြဖျော်ဖြေမှုများအား ကြည့်ရှုအားပေး ကြသည်။

ယင်းနောက် တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးနှင့် တာဝန်ရှိသူများက ကပြဖျော်ဖြေသွားကြသည့် ခရိုင်/မြို့နယ်အဆင့် ဌာန ဆိုင်ရာ အမျိုးသမီးများအား ဂုဏ်ပြုချီးမြှင့်ငွေများအား လည်းကောင်း၊ တိုင်းဒေသကြီး အစိုးရ အဖွဲ့ အတွင်းရေးမှူးက စစ်ကိုင်းမြို့၊ မူလတန်းကြိုကျောင်းမှ ကျောင်းသား/ကျောင်းသူများအား ဂုဏ်ပြုချီးမြှင့်ငွေများအား လည်းကောင်း ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကြပြီး အမှတ်တရလက်ဆောင် ပစ္စည်းများအား လိုက်လံပေးအပ်ကာ ခန်းမအတွင်း ခင်းကျင်းပြသထားသည့် တိုင်းဒေသကြီး အတွင်းရှိ ခရိုင်/မြို့နယ်များ၏ အမျိုးသမီးရေးရာအဖွဲ့လှုပ်ရှားမှု မှတ်တမ်းဓါတ်ပုံများ၊ စာစီစာ ကုံး၊ ကဗျာ၊ ပန်းချီများအား ကြည့်ရှုခဲ့ကြောင်း သိရသည်။

မုံရွာ ဇူလိုင် ၃

စစ်ကိုင်းတိုင်းဒေသကြီးအစိုးရအဖွဲ့ကကြီးမှူးကျင်း ပသော မြန်မာအမျိုးသမီးများနေ့ အထိမ်း အမှတ် ဟောပြောပွဲ၊ ဆုချီးမြှင့်ပွဲ နှင့်တေးသီချင်းသီဆိုဖျော်ဖြေပွဲများ အခမ်းအနားကို ဇူလိုင် ၃ ရက်နေ့ နံနက် ၁၀ နာရီ အချိန်က စစ်ကိုင်းတိုင်းဒေသကြီးအစိုးရအဖွဲ့ရုံး ချင်းတွင်းခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီး တရားလွှတ်တော် ၊ တရားသူကြီးချုပ်နှင့် ဇနီး၊ စစ်ကိုင်း တိုင်းဒေသကြီးအစိုးရအဖွဲ့ ၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုး နှင့် ဇနီး၊ အစိုးရအဖွဲ့ဝင် ဝန်ကြီးများ၊ တိုင်းဒေသကြီး၊ ခရိုင် ၊ မြို့နယ်အဆင့် ဌာနဆိုင်ရာများမှ ဖိတ်ကြားထားသူများ၊ တိုင်းဒေသကြီး၊ ခရိုင် ၊ မြို့နယ် အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်ရေး ကြီးကြပ်မှု အဖွဲ့ဝင်များ နှင့် ဆုရ ကျောင်းသူလေးများ၊ ဖိတ်ကြားထားသူများ တက်ရောက် ခဲ့ကြပါသည် ။

အခမ်းအနားတွင် ဦးစွာ စစ်ကိုင်းတိုင်းဒေသကြီးအစိုးရအဖွဲ့ ၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးက အမှာစကားပြောကြားပြီးနောက် မြန်မာနိုင်ငံအမျိုးသမီးများနေ့ အထိမ်း အမှတ် video clip အားပြသခဲ့ကြသည်။

ထို့နောက် တိုင်းဒေသကြီးအမျိုးသမီးရေးရာ အဖွဲ့မှ အဖွဲ့ဝင်အမျိုးသမီးလေးများက "အားအင်သစ်များနှင့်အတူ" တေးသီချင်းဖြင့်ဂုဏ်ပြုသီဆိုဖျော်ဖြေ ခဲ့ကြပြီးနောက် သူနာပြုနှင့် သားဖွားသင်တန်းကျောင်း (မုံရွာ)မှ ကျောင်းသူလေးများအဖွဲ့က " ရွှေမြန်မာ' တေးသီချင်း ဖြင့် လည်းကောင်း၊ ရှမ်းကြီးအက တေးသီချင်း တို့ဖြင့်လည်းကောင်း သီဆို ကပြ ဖျော်ဖြေခဲ့ကြသည်။

ဆက်လက်ပြီး မြန်မာအမျိုးသမီးများနေ့ အထိမ်း အမှတ် စာစီစာကုံးပြိုင်ပွဲများတွင် ဆုရရှိခဲ့ကြသည့် အခြေခံပညာကျောင်းများမှကျောင်းသား ကျောင်း သူလေးများအား ဆုချီးမြှင့်ရာ ရှေးဦးစွာ ပထမ နှင့် ဒုတိယ ဆုအား တိုင်းဒေသကြီး တရားလွှတ်တော် တရားသူကြီးချုပ်၏ဇနီးက လည်းကောင်း ၊ တတိယနှင့် အထူးဆုအား လုံခြုံရေးနှင့် နယ်စပ်ရေးရာဝန်ကြီး၏ဇနီးက လည်းကောင်း ဆုများအသီးသီး ပေးအပ်ချီးမြှင့်ရာ ဆုရ ကျောင်းသူလေးများက တက်ရောက် လက်ခံရယူခဲ့ကြသည် ။

ဆက်လက်ပြီး စာရေးဆရာမ သက်သက်နွယ် ( ရန်ကုန်တက္ကသိုလ်)က "မြန်မာအမျိုးသမီး ဂုဏ်ရည် " ခေါင်းစဉ်ဖြင့် ဆွေးနွေးဟောပြောခဲ့ပြီးနောက် ဆွေးနွေးဟောပြောပေးပါသော ဆရာမ သက်သက်နွယ် ( ရန်ကုန်တက္ကသိုလ်)အား စီးပွားရေးရာဝန်ကြီးက ဂုဏ်ပြုချီးမြှင့်ငွေ ကျပ် ၃ သိန်းကို လည်းကောင်း ၊ ရွှေမြန်မာ တေးသီချင်းဖြင့် ကပြဖျော်ဖြေပေးပါသော သူနာပြုနှင့် သားဖွားသင်တန်းကျောင်း (မုံရွာ)မှ သင်တန်းသူလေးများအား တိုင်းဒေသကြီး ဥပဒေချုပ်မှ ချီးမြင့်ငွေ ကျပ်တစ်သိန်းကို လည်းကောင်း ၊ ရှမ်းကြီးအက တေးသီချင်းဖြင့် တေးသရုပ် ဖော် ကပြ ဖျော်ဖြေပေးပါသော သူနာပြုနှင့် သားဖွားသင်တန်းကျောင်း (မုံရွာ)မှ သင်တန်းသူလေးများအား ချီးမြှင့်ငွေ ကျပ်တစ်သိန်းကို လည်းကောင်း အသီးသီးပေးအပ် ချီးမြှင့်ပြီး နောက် အမှတ်တရ စုပေါင်းမှတ်တမ်းတင် ဓါတ်ပုံရိုက်ကူးခဲ့ကြကြောင်း သိရှိရပါသည်။

မုံရွာ ဇူလိုင် ၂

စစ်ကိုင်းတိုင်းဒေသကြီးအစိုးရအဖွဲ့ က ကြီးမှူးကျင်းပသည့် ၂၀၂၅ ခုနှစ် ၊ (၂၂ )ကြိမ်မြောက် ဝါဆိုသင်္ကန်းဆက်ကပ် လှူဒါန်းပွဲ အခမ်းအနား အောင်မြင်စွာ ကျင်းပပြုလုပ်နိုင်ရေး လုပ်ငန်းညှိနှိုင်းအစည်း အဝေး ကို ဇူလိုင်လ ၂ ရက်နေ့ နံနက် ၁၀ နာရီ အချိန်က စစ်ကိုင်းတိုင်းဒေသကြီးအစိုးရအဖွဲ့ ရုံး အစည်အဝေးခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင် ၊ တိုင်းဒေသကြီးအဆင့် ဖိတ်ကြားထားသူများနှင့် တာဝန်ရှိသူများ တက်ရောက် ခဲ့ကြကြောင်းသိရှိရသည်။

အစီအစဉ်အရ ဦးစွာ စစ်ကိုင်းတိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်က ၂၀၂၅ ခုနှစ် ၊ (၂၂ ) ကြိမ်မြောက် ဝါဆိုသင်္ကန်းဆက်ကပ် လှူဒါန်းပွဲအခမ်းအနားအောင်မြင်စွာကျင်းပပြုလုပ်နိုင်ရေးအတွက် ဦးစီးကော်မတီနှင့် လုပ်ငန်းကော်မတီများဖွဲ့စည်းထားရှိပြီးဖြစ်ပါကြောင်း ၊ အခမ်းအနား အား ယခင်နှစ်များကဲ့သို့ အောင်မြင်စွာ ဆောင်ရွက်နိုင်ရေး ကြိုတင်ပြင်ဆင် ဆောင်ရွက်စရာများလည်း ကြိုတင်ပြင်ဆင်ဆောင်ရွက် ထားရှိကြရန်နှင့် လုပ်ငန်းလိုအပ်ချက်များ ရှိပါကလည်း ကော်မတီအလိုက် ဆွေးနွေး ပေးကြစေလိုကြောင်း ၊ ဖိတ်ကြားပင့် ဆောင်ရမည့် ဆရာတော် သင်္ကန်း‌ တော်များနှင့် သီလရှင်များ အပါအဝင် ဝါဆိုတော်မူကြမည့် သံဃာတော်များအား အဆင်ပြေချောမွေ့စွာ လှူဖွယ်ပစ္စည်းများ ဆက်ကပ်လှူဒါန်းနိုင်ရေး ပူးပေါင်းပါဝင်ဆောင်ရွက်ကြရန် ဆွေးနွေးပြောကြားပါသည်။

ထို့နောက် တက်ရောက်လာကြသည့် လုပ်ငန်းကော်မတီ အသီးသီးမှ မိမိတို့ကော်မတီ အလိုက် ဆောင်ရွက်မည့်အစီအစဉ်များ ၊ ‌လုပ်ငန်းလိုအပ်ချက်များကို တင်ပြဆွေးနွေးခဲ့ကြပြီးနောက် တင်ပြဆွေးနွေးချက်များအပေါ် တိုင်းဒေသကြီးအစိုးရအဖွဲ့၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင်နှင့် တာဝန်ရှိသူများက ညှိနှိုင်း ဆွေးနွေးခဲ့ကြ ကြောင်းသိရှိရပါသည်။

စစ်ကိုင်းတိုင်းဒေသကြီးအစိုးရအဖွဲ့ ၏ ၂၀၂၅ ခုနှစ် ၊ (၂၂) ကြိမ်မြောက် ဝါဆိုသက်န်းဆက်ကပ်လှူဒါန်းပွဲ အခမ်းအနားကို ဇူလိုင်လ ၉ ရက်၊ ၁၃၈၇ ခုနှစ် ၊ ဝါဆိုလပြည့်နေ့ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး ချင်းတွင်းခန်းမတွင် ကျင်းပပြုလုပ်သွားမည် ဖြစ်ကြောင်း သိရှိရပြီး ယခုနှစ် ဝါဆိုကြမည့် သံဃာတော်၂၄၆၆ ပါး ၊ သီလရှင် ဆရာတော် ၁၁၁၇ ပါးတို့အား ဝါဆိုသင်္ကန်းများ ဆက်ကပ် လှူဒါန်းပေးသွားမည်ဖြစ်ကြောင်း သိရှိရသည်။

မုံရွာ၊ ဇူလိူင် ၂

ပြည်သူများအနေဖြင့် သစ်တောသစ်ပင်များ၏ တန်ဖိုးကို နားလည်မြတ်နိုးသည့် စိတ် ဓါတ်ဖြစ်ပေါ်စေရေးနှင့် သဘာဝပတ်ဝန်းကျင် စိမ်းလန်းစိုပြည်ရေး၊ ဂေဟစနစ်ညီညွှတ်မျှ တစေရေး၊ ရာသီဥတုကောင်းမွန်ရေး၊ အရိပ်အာဝါသနှင့် မျက်စိပသာဒအကျိုးများရရှိစေရေး အတွက် ရည်ရွယ်၍ ဇူလိူင် ၂ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းပညာ ရေးတက္ကသိုလ်၌ မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် ၂၀၂၅-ခုနှစ်၊ မိုးရာ သီစုပေါင်းသစ်ပင်စိုက်ပျိုးပွဲ အခမ်းအနားကို ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများနှင့်ဝန်ထမ်းများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ ဝင်များ၊ စစ်ကိုင်းပညာရေးတက္ကသိုလ် ပါမောက္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများ၊ ကျောင်း သား/ကျောင်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြည်သူများအနေဖြင့် သစ်တောဖုံး လွှမ်းမှုပြန်လည် တိုးတက် ကောင်းမွန်လာစေရေး၊ မိမိတို့ဒေသ၊ မိမိတို့ပတ်ဝန်းကျင်အား စိမ်း လန်းစိုပြေလှပရေးတို့အတွက် ယခုလိုမိုးရာသီ မြေဆီစိုခိုက်တွင် သစ်ပင်များစိုက်ပျိုးသွားကြရန် နှင့် စိုက်ပျိုးပြီဂပါကလည်း စိုက်ပျိုးသည့်သစ်ပင်များ ရာနှုန်းပြည့်ရှင်သန်စေရေးအတွက် သေပင် များထိုး ဖာထေးစိုက်ပျိုးခြင်း၊ ရေလောင်းပြုစုပေးခြင်း၊ ပေါင်းရှင်းမြေတောင် မြှောက်ပေးခြင်း၊ မြေဩဇာကျွေးခြင်း၊ မီးကာကွယ်ခြင်းစသည့် ပြစုထိန်းသိမ််းရေးလုပ်ငန်းများအား ဆက်လက် ဆောင်ရွက်သွားကြရန် လိုအပ်ပါကြောင်း၊ သစ်ပင်သစ်တောများသည် ရာသီပြောင်းလဲမှုလျော့ ကျစေခြင်း၊ ဂေဟစနစ်ညီညွတ်မျှတစေခြင်း၊ လူမှုစီးပွားဘဝဖွံ့ဖြိုးတိုးတက်စေခြင်းနှင့် ဒေသ စိမ်းလန်းစိုပြေသာယာစေရေးစသည့် အကျိုးကျေးဇူးများ ရရှိစေသည့်အတွက် သစ်တောသစ်ပင် များ၏အရေးပါပုံအား သိမြင်နားလည်လက်ခံပြီး သစ်ပင်စိုက်ပျိုးခြင်းများအား စိတ်အားထက် သန်စွာ ပူးပေါင်းပါဝင် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက်တိုင်းဒေသကြီးဝန်ကြီးချုပ်က စစ်ကိုင်း ပညာရေးတက္ကသိုလ် ပါမောက္ခချုပ် ထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးမှ တိုင်းဒေသကြီး အမျိုးသမီးရေးရာအဖွဲ့ ဉက္ကဌထံ စိုက်ပျိုး မည့်ပျိုးပင်အား လည်းကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက ကြက်ခြေနီတပ် ဖွဲ့ထံ စိုက်ပျိုးမည့်ပျိုးပင်အား လည်းကောင်း၊ တိုင်းဒေသကြီး ပညာရေးမှူးက မီးသတ်တပ်ဖွဲ့ထံ စိုက်ပျိုးမည့်ပျိုးပင်များအား လည်းကောင်း အသီးသီး ပေးအပ်ကြသည်။

ယင်းနောက် တိုင်းဒေသကြီး ဝန်ကြီးချုပ်က ပိတောက်ပျိုးပင်အား လည်းကောင်း၊ တိုင်း ဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးက မဟော်ဂနီ ပျိုးပင်အား လည်းကောင်း၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ ခရိုင်/မြို့နယ်ဌာနဆိုင်ရာ ဝန်ထမ်းများ၊ တိုင်းဒေသကြီး/ခရိုင်/မြို့နယ် အမျိုးသမီးရေးရာအဖွဲ့ ဝင်များ၊ ပါမောက္ခချုပ်၊ ပါမောက္ခ/ဌာနမှူးများ၊ ဆရာ/ဆရာမများနှင့် ကျောင်းသား၊ကျောင်းသူ များမှ သက်မှတ်နေရာများတွင် ပျိုးပင်များအား တပျော်တပါးစိုက်ပျိုးပေးကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများ ကစုပေါင်းသစ်ပင်စိုက်ပျိုးပေးနေမှုများအား လိုက်လံကြည့်ရှု အားပေးကာ တာဝန်ရှိသူများနှင့် စုပေါင်းမှတ်တမ်းတင် ဓါတ်ပုံရိုက်ကူးကြသည်။

အဆိုပါ မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် ၂၀၂၅-ခုနှစ်၊ မိုးရာသီ စုပေါင်းသစ်ပင်စိုက်ပျိုးပွဲ စစ်ကိုင်းပညာရေးတက္ကသိုလ်အတွင်း ၂ ပေနှင့်အထက် ၂ နှစ်သား အရွယ်ရှိ သစ်မျိုး ၈ မျိုး၊ စုစုပေါင်းပျိုးပင် ၇၅၀ ပင်အား စိုက်ပျိုးပေးခဲ့ကြောင်း သိရသည်။