မုံရွာ၊ ဇူလိုင် ၃၁

စစ်ကိုင်းတိုင်းဒေသကြီး အစိုးရအဖွဲ့ရုံးရှိ အရာထမ်း/အမှုထမ်းဝန်ထမ်းများနှင့် လုံခြုံ ရေးတပ်ဖွဲ့ဝင်များအား အခြေခံစားသောက်ကုန်(ဆန်/ဆီ)များ ပေးအပ်ချီးမြှင့်ပွဲ အခမ်းအနားကို ဇူလိုင် ၃၁ ရက်၊ မွန်းလွဲပိုင်းက မုံရွာမြို့၊ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အစိုးရအဖွဲ့ရုံးရှိ အရာထမ်း/အမှုထမ်းဝန်ထမ်းများနှင့် လုံခြုံရေးတပ်ဖွဲ့ဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့အခမ်းအနားသည် ဝန်ထမ်းများနှင့် မိသားစုဝင်များအတွက် မိမိတို့တိုင်းဒေသကြီး အစိုးရအဖွဲ့အနေဖြင့် စေတနာထား၍ ထောက်ပံ့ပေးအပ်ခဲ့ခြင်းဖြစ်ပြီး တစ်ဖက်တစ်လမ်းမှ မိသားစုဝင်များအပေါ် ကူညီပံ့ပိုးဖြည့်ဆည်းဆောင်ရွက်ပေးခြင်းလည်း ဖြစ်ပါကြောင်း၊ ဆက်လက်၍လည်း မိမိ တို့တိုင်းဒေသကြီး အစိုးရအဖွဲ့မှ ဝန်ထမ်းမိသားစုဝင်များ၏ လိုအပ်ချက်များအား ဝိုင်းဝန်းပူးပေါင်းဆောင်ရွက်ပေးသွားမည် ဖြစ်ပါကြောင်း၊ ဝန်ထမ်းများအနေ ဖြင့်လည်း စောင့်ထိန်းရမည့် ကျင့်ဝတ်၊စည်းကမ်းများအား လေးစားလိုက်နာစောင့်ထိန်းလျက် နိုင်ငံတော်နှင့်ပြည်သူတစ်ရပ်လုံးမှ အားထားရသည့် ဝန်ထမ်းကောင်းများဖြစ်အောင် ကျင့်ကြံနေထိုင် ပြောဆိုဆက်ဆံကြပြီး တာဝန်ကိုကျေပွန်စွာ ထမ်းဆောင်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများက တိုင်းဒေသကြီး အစိုးရအဖွဲ့ရုံး၊ တိုင်းဒေသကြီး အထွေထွေအုပ်ချုပ်ရေး ဦးစီးဌာနရုံးတွင် တာဝန်ထမ်းဆောင်နေကြသည့် အရာထမ်း/အမှုထမ်းဝန်ထမ်းများနှင့် လုံခြုံရေးတပ်ဖွဲ့ဝင်များအား ဆန်နှင့်ဆီများအား အသီးသီး ပေးအပ်ကြသည်။

ထို့နောက် တိုင်းဒေသကြီး အထွေထွေအုပ်ချုပ်ရေး ဦးစီးဌာနရုံးတွင် တာဝန်ထမ်း ဆောင်နေကြသည့် အရာထမ်း/အမှုထမ်းဝန်ထမ်းများနှင့် လုံခြုံရေးတပ်ဖွဲ့ဝင်များ ကိုယ်စား ဝန်ထမ်းတစ်ဦးက ကျေးဇူးတင်စကား ပြန်လည်ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာကြသည့် အရာထမ်း/အမှုထမ်းဝန်ထမ်းများနှင့် လုံခြုံရေးတပ်ဖွဲ့ဝင်များ အားရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ စစ်ကိုင်းတိုင်းဒေသကြီး အစိုးရအဖွဲ့ရုံးရှိ အရာထမ်း/အမှုထမ်းဝန်ထမ်းများ နှင့်လုံခြုံရေးတပ်ဖွဲ့ဝင်များအား အခြေခံစားသောက်ကုန်(ဆန်/ဆီ)များ ပေးအပ်ချီးမြှင့်ပွဲ အခမ်းအနားတွင် ဝန်ထမ်းတစ်ဦးလျင် ဆန် ၄ ပြည်နှင့် စားသုံးဆီ ၅၀ ကျပ်သားနှုန်းဖြင့် စုစုပေါင်းဝန်ထမ်း ၄၃၀ ဦးအတွက် ဆန် ၇၂ အိတ်၊ စားသုံးဆီ ၂၁၅ ပိဿာ စုစုပေါင်းငွေ ကျပ် ၁၀,၃၆၀,၀၀၀ (တစ်ရာ့သုံးသိန်းခြောက်သောင်းကျပ်) ပေးအပ်ချီးမြှင့်ခဲ့ကြောင်း သိရသည်။

မုံရွာ၊ ဇူလိုင် ၃၀

စစ်ကိုင်းတိုင်းဒေသကြီး လူမှုဝန်ထမ်းဦးစီးဌာနမှ ကြီးမှူးဖွင့်လှစ်သည့် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ အခြေခံသင်တန်းဆင်းပွဲ အခမ်း အနားကို ဇူလိုင်လ ၃၀ ရက်၊ မွန်းလွဲပိုင်းက မုံရွာမြို့၊ ချင်းတွင်းခန်းမတွင် ကျင်းပပြုလုပ် ရာ သင်တန်းဆင်းပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ် မိခင်နှင့်ကလေးစောင့်ရှောက်မှုကြီးကြပ် ရေးအဖွဲ့ ဥက္ကဌနှင့်အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယခုသင်တန်းအား စနစ်တကျ နှင့်အချိန်ပြည့် တက်ရောက်ပေးခဲ့သည့် သင်တန်းသား၊သင်တန်းသူများအနေဖြင့် သင် တန်းမှရရှိခဲ့သည့် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်း များ ဆောင်ရွက်သည့်အခါ ထိရောက်သည့် နည်းလမ်းများဖြင့် စနစ်တကျပြုစုပျိုးထောင် ပြီးမိဘများနှင့် ရပ်ရွာလူထုများမှလည်း ဝိုင်းဝန်းပူးပေါင်းကာ ကလေးသူငယ်များအား ပြုစု စောင့်ရှောက်သွားကြရန် လိုအပ်ပါကြောင်း၊ သင်တန်းမှရရှိသည့် အတွေ့အကြုံ ဗဟုသုတ နည်းပညာများအား အသုံးချပြီး မိမိတို့နိုင်ငံ၏အနာဂတ် ကလေးငယ်များအကျိုးကို အကောင်းဆုံးဖြစ်အောင် ပြုစုပျိုးထောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးဝန်ကြီးချုပ်ကသင်တန်းတွင်ကြီးကြပ်သင်ပြပေးပါသော လူမှု ဝန်ထမ်းဦးစီးဌာနမှ ညွှန်ကြားရေးမှူး(ငြိမ်း) ဒေါ်ခင်နွဲ့အား ဂုဏ်ပြုချီးမြှင့်ငွေအား လည်းကောင်း၊ တိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက၊ တိုင်းဒေသကြီး ဝန်ကြီးချုပ်၏ ဇနီးက သင်တန်းသား/သင်တန်းသူများအား သင် တန်းဆင်းလက်မှတ်များအား လည်းကောင်း ပေးအပ်ခဲ့ကြသည်။

ဆက်လက်၍ တိုင်းဒေသကြီး လူမှုဝန်ထမ်းဦးစီး ဌာနမှ ညွှန်ကြားရေးမှူး ဒေါ်လိူင်မိုးမြတ်က သင်တန်းအစီရင်ခံစာအား Power Point ဖြင့် ဖတ်ကြားပြောကြား သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာကြသူများက သင်တန်းသူများအား၏ တေးသီချင်းများဖြင့် ကပြဖျော်ဖြေမှုများအား ကြည့်ရှု အားပေးကြပြီး ခန်းမအတွင်းခင်းကျင်းပပြုသထားသည့် သင်တန်းသူ များကိုယ်တိုင် ပြုလုပ်ထားသည့် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ သင် ထောက်ကူပစ္စည်းများအား လိုက်လံကြည့်ရှု အားပေးခဲ့ကြသည်။

အဆိုပါ ရှေးဦးအရွယ်ကလေးသူငယ်ပြုစုပျိုး ထောင်ရေးနှင့် ဖွံ့ဖြိုးရေးဆိုင်ရာ အခြေခံသင်တန်းအား ဇူလိုင်လ ၇ ရက်နေ့မှ ၃၀ ရက်နေ့အထိ စာတွေ့လက်တွေ့ သင် ကြားပေးခဲ့ပြီး သင်တန်းသား၊သင်တန်းသူ ၄၅ ဦး တက်ရောက်ခဲ့ကြောင်း သိရသည်။

မုံရွာ၊ ဇူလိုင် ၂၉

အသေးစားကုန်ထုတ်လုပ်ငန်းများဖန်တီးပေးရေးနှင့် ကျေးလက်နေမိသားစုဝင်ငွေတိုးရေးစီမံကိန်းအတွက်ဖွင့်လှစ်သည့် စက်ချုပ်နည်းပညာသင်တန်း (အဆင့်မြင့်) ၂ ခု သင်တန်းဆင်းပွဲ အခမ်းအနားကို ဇူလိုင်လ ၂၉ ရက်‌နေ့ နံနက်ပိုင်းက တိုင်းဒေသကြီး၊ အသေးစားစက်မှုလက်မှုလုပ်ငန်းဦးစီးဌာနရုံးရှိ Incubation Centre တွင် ကျင်းပရာ သင်တန်းဆင်းပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသ ကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်း နည်းပြများနှင့် သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အဆင့်မြင့်စက်ချုပ်နည်း ပညာသင်တန်းတွင် ပွဲတက်ဝတ်စုံများပါ ချုပ်လုပ်နိုင်အောင် သင်ကြားပေးခဲ့သည့်အတွက် လုပ်ငန်းထူထောင်လုပ်ကိုင်ရာတွင် များစွာအထောက်အကူဖြစ်ပြီး ထိရောက်အကျိုးရှိသည့် စီမံကိန်းသင်တန်းများ ဖြစ်ပါကြောင်း၊ ယခုသင်တန်းတွင် စီမံကိန်းလုပ်ငန်း တစ်ခု စီမှထူးချွန်ပြီး လုပ်ငန်းထူထောင်လိုသည့် သင်တန်းသူ ၅ ဦးစီအား ရွေးချယ်ပြီး တစ်ဦးလျှင် ငွေကျပ် ၁၄ သိန်းဖိုးနှင့်ညီမျှသည့် လုပ်ငန်းသုံးပစ္စည်းများ ငှားရမ်းသုံး စွဲခွင့်ပြုသွား မည် ဖြစ်ပါကြောင်း၊ ယခုသင်တန်း သင်ကြားတတ်မြောက်မှုကြောင့် စက်ချုပ်လုပ်ငန်း ထူထောင်လိုသူများအနေဖြင့် မိသားစုဝင်ငွေတိုးပွားလာခြင်းကြောင့် လူမှုစီးပွားဘဝများ မြင့်မားလာပြီး သားသမီးများ ၏ ပညာရေး၊ ကျန်းမာရေး၊ လူမှုရေးအထောက်အပံ့နှင့် ပြုစုပျိုးထောင်ခြင်းများဆောင်ရွက်နိုင်မည်ဖြစ်ပါ၍ အနာဂတ်နိုင်ငံတော်အတွက် မျိုးဆက် သစ်များ မွေးထုတ်ပေးနိုင်မည်ဖြစ်သည့်အပြင် လူသားအရင်းအမြစ်နှင့် နည်းပညာအခြေခံ မိသားစုဝင်ငွေများ တိုးတက်လာမည်ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက အသေးစား၊ အငယ်စားစီးပွားရေးလုပ်ငန်းများ ပေါ်ထွန်းလာစေရေးစီမံကိန်း လုပ်ငန်းအတွက် ဖွင့်လှစ်သည့် စက်ချုပ်နည်းပညာသင်တန်း(အဆင့်မြင့်)အတွက် သင် တန်းသူတစ်ဦးထံ သင်တန်းဆင်းလက်မှတ်များအား လည်းကောင်း၊ တိုင်းဒေသကြီး စီမံ ကိန်းလုပ်ငန်းကြီးကြပ်မှုကော်မတီ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက အမျိုးသမီးများအတွက် ဝင်ငွေတိုးတက်စေရေး စီမံကိန်းလုပ်ငန်းအတွက် ဖွင့်လှစ်သည့် စက်ချုပ်နည်း ပညာသင်တန်း(အဆင့်မြင့်)အတွက် သင်တန်းသူတစ်ဦးထံ သင်တန်းဆင်းလက်မှတ်များအား လည်းကောင်း ပေးအပ်ကြသည်။

ဆက်လက်၍ တိုင်းဒေသကြီး လမ်းပန်းဆက်သွယ် ရေးဝန်ကြီး ဦးခင်မောင်အေး က အသေးစား၊ အငယ်စားစီးပွားရေးများပေါ်ထွန်းလာစေရေး စီမံကိန်းလုပ်ငန်းအတွက် ဖွင့်လှစ်သည့် စက်ချုပ်နည်းပညာသင်တန်း (အဆင့်မြင့်)မှရရှိသည့် ထုတ်ကုန်ပစ္စည်းများအား သင်တန်းသူတစ်ဦးထံသို့ လည်းကောင်း၊ တိုင်းဒေသကြီး ဥပဒေချုပ် ဒေါ်လှလှဝင်းက အမျိုးသမီးများအတွက် ဝင်ငွေတိုးတက်စေရေးစီမံကိန်းလုပ်ငန်းအတွက် ဖွင့်လှစ်သည့် စက်ချုပ်နည်းပညာသင်တန်း(အဆင့်မြင့်)မှ ရရှိသည့် ထုတ်ကုန်ပစ္စည်းများအား သင်တန်းသူတစ်ဦးထံသို့ လည်းကောင်း အသီးသီး ပေးအပ်ကြသည်။

ထို့နောက် တိုင်းဒေသကြီး အသေးစားကုန်ထုတ်လုပ်ငန်းများ ဖန်တီးပေးရေးနှင့် ကျေးလက်နေမိသားစုဝင်ငွေတိုးရေးစီမံကိန်းအတွက် ဖွင့်လှစ်သည့် စက်ချုပ်နည်းပညာ သင်တန်း(အဆင့်မြင့်)၂ ခုမှ သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကားပြန်လည် ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ သင် တန်းသူများကိုယ်တိုင် ချုပ်လုပ်ထားသည့် အဝတ် အထည်များအား လိုက်လံကြည့်ရှုခဲ့ ကြပြီးလိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇူလိုင် ၂၉

စစ်ကိုင်းတိုင်းဒေသကြီးအတွင်း စားသုံးဆီရောင်းချမှု ကြီးကြပ်ရေးလုပ်ငန်း ညှိနှိုင်းအစည်းအဝေးကို ဇူလိုင်လ ၂၉ ရက်၊ မွန်းလွဲပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရာခရိုင် စီမံအုပ်ချုပ်ရေးအဖွဲ့ ဥက္ကဌ၊ စစ်ကိုင်း/မုံရွာ/ယင်းမာပင်ခရိုင်များမှ စားသုံးဆီ ထုတ်လုပ်ရောင်းချသူများ တက်ရောက်ကြပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စားသုံးဆီထုတ်လုပ် ရောင်းချကြသည့် လုပ်ငန်းရှင်များအနေဖြင့် ပြည်သူများလက်ဝယ်သို့ စားသုံးဆီများ ဈေးနှုန်းသက်သာစွာဖြင့် အလေးချိန်မှန်ကန်ရေးနှင့် လွယ်ကူချောမွေ့အောင် ဝယ်ယူရရှိနိုင်ရေး တာဝန် ရှိသူများနှင့် ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ စားသုံးဆီများအား ဈေးနှုန်းမြင့်တက် ရောင်းချခြင်းများနှင့် သိုလှောင်ထားရှိမှုများ မရှိအောင် တိုင်းဒေသကြီးအတွင်းရှိ ခရိုင်/မြို့နယ်များမှ စားသုံးဆီရောင်းချမှုကြီးကြပ်ရေးအဖွဲ့များမှ မြေပြင်အထိကွင်းဆင်း စီမံဆောင်ရွက်သွားကြရန် လိုအပ်ပါကြောင်း၊ လုပ်ငန်းရှင်များမှ မိမိတို့ လုပ်ကိုင်ဆောင်ရွက်နေကြသည့် လုပ်ငန်းများအပေါ် လိုအပ်သည်များကို ပွင့်လင်းမြင်သာ အောင် ဆွေးနွေးတင်ပြသွားကြရန်နှင့် မိမိတို့တိုင်းဒေသကြီးအစိုးရအဖွဲ့မှလည်း ဝိုင်းဝန်း ပူးပေါင်း ဆောင်ရွက်ပေးသွားမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စားသုံးသူရေးရာဦးစီးဌာနမှ ဒုတိယညွှန်ကြားရေးက တိုင်းဒေသကြီးအတွင်းရှိ ခရိုင်/မြို့နယ်များသို့ စားသုံးဆီများ ရောက်ရှိ/ခွဲဝေပေးထားမှု အခြေအနေများ၊ ပြည်သူများသို့ စားသုံးဆီများ ချိုသာသောဈေးနှုန်းဖြင့် ရောင်းချပေးနေမှု အခြေအနေများနှင့် ပတ်သက်၍ Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီးအတွင်းရှိ စစ်ကိုင်းခရိုင်/မုံရွာခရိုင်/ယင်းမာပင်ခရိုင် များမှ စားသုံးဆီလုပ်ငန်းရှင်များနှင့် ကိုယ်စားလှယ်များက မိမိတို့လုပ်ကိုင်ဆောင်ရွက်နေသည့် စားသုံးဆီများ ခွဲဝေရရှိမှု၊ ရောင်းချနေမှုများနှင့် တိုင်းဒေသကြီးအစိုးရ အဖွဲ့အနေဖြင့် ပံ့ပိုးကူညီဆောင်ရွက်ပေးသွားရမည့် လုပ်ငန်းအခြေအနေများအား အသီးသီး ရှင်းလင်း တင်ပြကြသည်။

ထို့နောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်း စားသုံးဆီများ ပြတ်လပ်မှုမရှိစေရေးနှင့် သတ်မှတ်ဈေးနှုန်းများအတိုင်း ရောင်းချသွားရေးတို့အတွက် မိမိတို့ဌာနများအလိုက် ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြားကြသည်။

ဆက်လက်၍ တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ် ဖြင့်လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက မိမိတို့ ခရိုင်များအလိုက် မြို့နယ်များအတွင်း စားသုံးဆီများ ရောက်ရှိမှု၊ ပြည်သူများနှင့်ဌာနဆိုင်ရာဝန်ထမ်းများအား သက်သာသောဈေးနှုန်းဖြင့် ရောင်းချပေးနေမှု အခြေအနေများအား အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း စားသုံးဆီရောင်းချနေမှု လုပ်ငန်းအခြေအနေများနှင့် ပတ်သက်၍ လိုအပ်သည်များကို ဖြည့် စွက်ဆွေးနွေးတင်ပြကြရာ ဝန်ကြီးချုပ်က ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ ဇူလိုင် ၂၈

ချင်းတွင်းမြစ်အတွင်း ငါးသယံဇာတပေါများစေရေးနှင့် ပြည်သူများ ငါးစားသုံးမှုဖူလုံစေရန်အတွက် ငါးမျိုးစိုက် ထည့်ခြင်းအခမ်းအနားကို ဇူလိုင်လ ၂၈ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ ဟုမ္မလင်းမြို့ ၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖ များက ချင်းတွင်းမြစ်အတွင်း၂ လက်မအရွယ်ရှိငါးမြစ်ချင်း၊ ထိုင်းငါးခုံးမကြီး ငါးသားပေါက် ကောင်ရေ ၅၀၀၀၀ အား ငါးမျိုးစိုက်ထည့်ပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့ နယ်၊ နားနုန်းကျေးရွာ၊ တောင်သူ ဦးအောင်စိုးလွင်၏ မိုးစပါးပန်းတိုင်အထွက်နှုန်းရရှိရေး အောင်နိုင်တိုး အထွက်ကောင်းစပါးမျိုး သိပ္ပံနည်းကျ စိုက်ပျိုးနည်းစနစ် ကွင်းသရုပ်ပြနေမှု များအား သွားရောက်ကြည့်ရှုအားပေးခဲ့ကြပြီး တစ်ဧကပန်းတိုင်အထွက်နှုန်းရရှိရေး အတွက် တာဝန်ရှိသူများနှင့် ဒေသခံတောင်သူများမှ ဝိုင်းဝန်းပူးပေါင်း ဆောင်ရွက်သွား ကြရန်နှင့် မိမိတို့တိုင်းဒေသကြီး အစိုးရအဖွဲ့ကလည်း လိုအပ်သည်များကို ပံ့ပိုးကူညီ ဆောင်ရွက်ပေးသွားမည် ဖြစ်ပါကြောင်း မှာကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွား မြှင့်တင်ရေးရန်ပုံငွေဖြင့် ဟုမ္မလင်းမြို့၊ “စာရာမေရိ” မွေးမြူရေးနှင့် အထွေထွေလုပ်ငန်း သမဝါယမအသင်းလီမိတက် ဦးချိန်းပေါ့ အသားတိုးကြက် ကောင်ရေ ၅၀၀ မွေးမြူထားရှိ မှုနှင့် “နောင်ဖွတ်မာ” မွေးမြူရေးနှင့် အထွေထွေလုပ်ငန်း သမဝါယမအသင်းလီမိတက် ဦးဆားနွမ်း အသားတိုးကြက် ကောင်ရေ ၃၅၀ မွေးမြူထားရှိမှုများအား လိုက်လံကြည့်ရှုခဲ့ ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့နယ်၊ နားနုန်းကျေးရွာ ချင်းတွင်းမြစ်ရေတိုက်စားမှုမှ ကာကွယ်နိုင်ရန်အတွက် ကမ်းပြိုကာကွယ်ရေး သံခြင်းအခြေပြုကျောက်စီ မြေထိန်းတမံ တည်ဆောက်မည့်နေရာသို့ သွား ရောက်ကြည့်ရှုခဲ့ကြပြီး မြစ်ကမ်းဘေးနေ ပြည်သူများအနေဖြင့် သဘာဝဘေးအားကြိုတင် မျှော်တွေးကာ လိုအပ်သည်များကို ကြိုတင်ပြင်ဆင်ထားရေးနှင့် မြစ်ချောင်းများအတွင်း ပလပ်စတစ်အမှိုက်များ စည်းကမ်းမဲ့စွာ မစွန့်ပစ်ကြရန် တာဝန်ရှိသူများနှင့် ဒေသခံပြည်သူများအား မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ အမှတ်(၁) အခြေခံပညာအထက်တန်းကျောင်းဝင်းအတွင်းရှိ တိုင်းဒေသကြီး အစိုးရအဖွဲ့ ရန်ပုံငွေဖြင့် ဆောင်ရွက်ပြီးစီးခဲ့သည့် အလျား - ၁၅၀ ပေ၊ အကျယ် - ၂၀ ပေ၊ ၆ လက်မထု နှင့် အကျယ်- ၈၀ ပေ၊ အကျယ် - ၆ ပေ၊ ၄ လက်မထု ကွန်ကရစ်လမ်း ခင်းကျင်းပြီးစီး မှုများအား လိုက်လံကြည့်ရှု စစ်ဆေးခဲ့ကြောင်း သိရသည်။

မုံရွာ၊ ဇူလိုင် ၂၇

သဲဖြူတောရဓမ္မရိပ်သာ ဆရာတော်ကြီး ဦးဆောင် ၍ ဟုမ္မလင်းမြို့နှင့်အနီးဝန်း ကျင်ရှိကျေးရွာများမှ မျက်စိဝေဒနာရှင်များအား စက္ခုဒါနအလှူတော် ဒုတိယနေ့အဖြစ် ဇူလိုင်လ ၂၇ ရက်၊ နံနက်ပိုင်းတွင် ဟုမ္မလင်းမြို့၊ ကုတင် ၁၀၀ ဆံ့၊ ပြည်သူ့ဆေးရုံကြီးတွင် စမ်းသပ်ခွဲစိတ် ကုသပေးလျက်ရှိကြောင်း သိရသည်။

အဆိုပါ စက္ခုဒါနအလှူတော် ဒုတိယနေ့အဖြစ် စမ်းသပ်ခွဲစိတ်ကုသပေးနေမှုများအား စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ ဟုမ္မလင်းတပ်နယ်မှူး၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ဟုမ္မ လင်းခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် တာဝန်ရှိသူများက လိုက်လံကြည့် ရှုခဲ့ကြပြီး မျက်စိအထူးကု ဆရာဝန်ကြီးများအား ရင်းရင်းနှီးနှီး လုက်လံနှုတ်ဆက်စကား များပြောကြားကာ အကြီးစားခွဲစိတ်နေမှုများအား လိုက်လံကြည့်ရှုပြီး တာဝန်သူများနှင့် အတူ ခွဲစိတ်ပြီးလူနာများအား နေကာမျက်မှန်နှင့် ဆေးများပေးအပ်ခဲ့ကြပြီး လာရောက် ပြသကြသည့် မျက်စိဝေဒနာရှင်များနှင့် လူနာစောင့်များအား နေ့လည်စာ ထမင်း/ဟင်း များနှင့်သောက်ရေများ အသီးသီး ဝေငှပေးခဲ့ကြသည်။

အဆိုပါ သဲဖြူတောရဓမ္မရိပ်သာ ဆရာတော်ကြီး ဦးဆောင်၍ ဟုမ္မလင်းမြို့နယ် အတွင်းရှိ မျက်စိဝေဒနာရှင်များအား ဟုမ္မလင်းမြို့၊ ကုတင် ၁၀၀ ဆံ့၊ ပြည်သူ့ဆေးရုံကြီး တွင် ဇူလိုင်လ ၂၆ ရက်နေ့မှ ဇူလိုင်လ ၃၀ ရက်နေ့ထိ ၅ ရက်ကြာ စမ်းသပ်ခွဲစိတ်ကုသပေးလျက်ရှိရာ ပထမနေ့နှင့် ဒုတိယနေ့၌ စမ်းသပ်လူနာပေါင်း ၈၂၄ ဦး၊ အကြီးစား ခွဲစိတ်လူနာ ၁၀၂ ဦး၊ အသေးစား ခွဲစိတ်မှု ၉ ဦးအား စမ်းသပ်ခွဲစိတ် ကုသပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့နယ်၊ ခေါင်ခမ်းကျေးရွာ၊ ချင်းတွင်းမြစ်ကမ်းပြိုကာကွယ်ရေး သံခြင်းအခြေပြုကျောက်စီ မြေ ထိန်းတမံ အလျား - ၃၀၀ ပေ ဆောင်ရွက်ပြီးစီးမှုအား သွားရောက်ကြည့်ရှုစ်ဆေးပြီး မြစ် ကမ်းဘေးနေပြည်သူများအနေဖြင့် သဘာဝဘေးအားကြိုတင်မျှော်တွေးကာအသင့်ပြင် ဆင်ထားရှိရန်၊ ရေထိန်းတာပေါင်များအား ရေရှည်အသုံးပြုနိုင်ရေးအတွက် ဝိုင်းဝန်းထိန်းသိမ်းဆောင်ရွက်ပေးကြရန်နှင့် ပလပ်စတစ်အမှိုက်များ စည်းကမ်းမဲ့မစွန့်ပစ်ကြရန် တာဝန်ရှိသူများနှင့်ဒေသခံပြည်သူများအား မှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့နယ်၊ ကက်သာကျေးရွာ၊ ချင်းတွင်းမြစ် ကမ်းပြိုကာကွယ်ရေးလုပ်ငန်း ကျောက်စီဖြည့် မျောတိုင် တန်းအခြေပြု မျောဂရစ်ကွက် အလျား - ၂၀၀၀ ပေ၊ ဆောင် ရွက်ပြီးစီးမှုအား လိုက်လံ ကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့ နယ်၊ ကက်သာကျေးရွာ၊ အခြေခံပညာအထက်တန်းကျောင်းဝန်း အတွင်း တိုင်းဒေသကြီး အစိုးရ အဖွဲ့ ရန်ပုံငွေဖြင့် ဆောင်ရွက်ပြီးစီးခဲ့သည့် အလျား - ၇၀၀ ပေ၊ အကျယ် - ၆ ပေ၊ ၄ လက်မထု ကွန်ကရစ်လမ်း ခင်းကျင်းပြီးစီးမှုအား လိုက်လံကြည့်ရှု စစ်ဆေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့်တင်ရေး ရန်ပုံငွေဖြင့် MSMEs လုပ်ငန်းများဆောင်ရွက်နေသည့် ဟုမ္မလင်းရပ်ကွက်ရှိ “ဆု” ပရိဘောဂလုပ်ငန်းနှင့် ခိုပဲဝရပ်ကွက်ရှိ “ရွှေကြယ်စင်” ကိတ်မုန့်အမျိုးမျိုး ထုပ်လုပ်ရေး လုပ်ငန်းခွင်သို့ ရောက်ရှိရာ လုပ်ငန်းရှင်များမှ မိမိတို့လုပ်ကိုင်ဆောင်ရွက်နေသည့် လုပ်ငန်းများနှင့် လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်း လင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွားမြှင့် တင်ရေး ရန်ပုံငွေဖြင့် MSMEs လုပ်ငန်းများဆောင်ရွက်နေသည့် နောင်ဖွတ်မော်ရပ်ကွက်ရှိ “UMA” သောက်ရေသန့်စက်ရုံသို့ရောက်ရှိရာ လုပ်ငန်းရှင်က လုပ်ငန်းများလုပ်ကိုင် ဆောင်ရွက်နေမှုများအား လိုက်လံရှင်းလင်းပြကြရာ တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့ နယ်အတွင်း တည်ဆောက်လျက်ရှိသည့် “နမ့်ပင” အသေးစားရေအားလျှပ်စစ် တည်ဆောက်ပြီးစီးပါက ဟုမ္မလင်းမြို့နှင့် အနီးဝန်းကျင်ရှိကျေးရွာများသို့ လျှပ်စစ်ဓါတ်အားဖြန့် ဖြူးပေးနိုင်ရန်အတွက် “ခေါင်ခမ်း”ကျေးရွာအနီး တက်ဆောက်လျက်ရှိသည့် ဓါတ်အား ပေးခွဲရုံအဆောက်အဦသစ် တည်ဆောက်နေမှုအား သွားရောက်ကြည့်ရှုစစ်ဆေးခဲ့ကြပြီး တည်ဆောက်ရေးလုပ်ငန်းများ စံချိန်စံညွှန်းမီ အရည်အသွေးကောင်းမွန်စွာဖြင့် သတ်မှတ် ကာလတွင်တည်ဆောက်ပြီးစီးရေးတို့အား တာဝန်ရှိသူများအား မှာကြားခဲ့ကြောင်း သိရ သည်။