မုံရွာ၊ ဩဂုတ် ၂၁

၂၀၂၅-ခုနှစ်၊ တိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အမျိုးသမီး ကိုယ်ကာ ယကြံ့ခိုင်မှုလေ့ကျင့်ခန်း(အေရိုးဗစ်)ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ဩဂုတ်လ ၂၁ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ပြည်သူ့အားကစား ကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်း ဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ မုံရွာမြို့ပေါ်ရှိတက္ကသိုလ်/ဒီဂရီကောလိပ်များမှ ကျောင်းသား၊ကျောင်းသူများ၊ ပြိုင်ပွဲဝင်အားကစားသမားများ၊ အသင်းအုပ်ချုပ်သူများနှင့် နည်းပြများတက် ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အမျိုးသမီး ကိုယ်ကာ ယကြံ့ခိုင်မှုလေ့ကျင့်ခန်း(အေရိုးဗစ်)ပြိုင်ပွဲ ၁ ဦးချင်းစိတ်ကြိုက်ပြိုင်ပွဲများ ယှဉ်ပြိုင်နေမှု များအား ကြည့်ရှုအားပေးကြပြီး ၃ ယောက်တွဲ၊ ၉ ယောက်တွဲ ပြိုင်ပွဲများတွင် ပထမ၊ ဒုတိ ယ၊ တတိယဆုရရှိခဲ့ကြသည့် အသင်းများနှင့် နည်းပြများ၏ ပြန်လည်ဖျော်ဖြေမှုများအား ကြည့်ရှုအားပေးကြသည်။

ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး လူမှုရေးရာဝန် ကြီး ဦးညွန့်ဝင်းအောင်က အမျိုးသမီး ကိုယ်ကာယကြံ့ခိုင်မှုလေ့ကျင့်ခန်း(အေရိုးဗစ်)ပြိုင်ပွဲ ၁ ဦးချင်းစိတ်ကြိုက်ပြိုင်ပွဲတွင် ပထမ၊ ဒုတိယ၊ တတိယဆုရရှိခဲ့ကြသည့် ပြိုင်ပွဲဝင်အား ကစားသမားများအား ဆုတံဆိပ်နှင့်ငွေသားဆုများအား လည်းကောင်း၊ တိုင်းဒေသကြီး

တရားသူကြီးချုပ် ဦးဇော်ထူးက အမျိုးသမီး ကိုယ်ကာယကြံ့ခိုင်မှုလေ့ကျင့်ခန်း (အေရိုးဗစ်)ပြိုင်ပွဲ ၃ ယောက်တွဲပြိုင်ပွဲတွင် ပထမ၊ ဒုတိယ၊ တတိယဆုရရှိခဲ့ကြသည့် ပြိုင် ပွဲဝင်အသင်းများအား တစ်ဦးချင်းဆုတံဆိပ်နှင့် ငွေသားဆုများအား လည်းကောင်း ပေး အပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်၏ဇနီးက အမျိုးသမီး ကိုယ်ကာယကြံ့ခိုင်မှု လေ့ကျင့်ခန်း(အေရိုးဗစ်)ပြိုင်ပွဲ ၉ ယောက်တွဲပြိုင်ပွဲတွင် တတိယဆုရရှိသည့် ရွှေဘိုခရိုင် အသင်း၊ ဒုတိယဆုရရှိခဲ့သည့် မော်လိုက်ခရိုင်အသင်းနှင့် ပထမဆုရရှိသည့် ကလေးခရိုင် အသင်းတို့အား တစ်ဦးချင်းဆုတံဆိပ်များနှင့် ငွေသားဆုများအား ပေးအပ်ချီးမြှင့်သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်က တံခွန်စိုက်ဒိုင်းဆုရရှိ သည့် ကလေးခရိုင်အသင်းအား ငွေသားဆုငွေကျပ် - ၅ သိန်းနှင့် တံခွန်စိုက်ဒိုင်းဆုအား ပေးအပ်ချီးမြှင့်ပြီး တာဝန်ရှိသူများနှင့်အတူ ဆုရအားကစားအသင်းများနှင့် စုပေါင်းမှတ် တမ်းတင်ဓါတ်ပုံရိုက်ကူးခဲ့ကြောင်း သိရသည်။

မုံရွာ၊ ဩဂုတ် ၂၀

စစ်ကိုင်းတိုင်းဒေသကြီး၊ မုံရွာမြို့ရှိ သမိုင်းဝင်ဆုတောင်းပြည့်စေတီတော်မြတ်ကြီး လုံးတော်ပြည့်ရွှေသင်္ကန်း ကပ်လှူပူဇော်နိုင်ရေး(ဒုတိယအကြိမ်) အလှူငွေပေးအပ်ပွဲ အခမ်းအနားကို ဩဂုတ်လ ၂၀ ရက်၊ နံနက်ပိုင်းတွင် အဆိုပါစေတီတော်ကြီးမြတ်ကြီးရှိ ဘောဂရံသီ ဓမ္မာရုံကြီး၌ ကျင်းပပြုလုပ်ရာ အလှူငွေပေးအပ်ပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီးအစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ အလှူရှင်များ၊ ဂေါပကဥက္ကဌနှင့်အဖွဲ့ဝင်များ တက်ရောက်ကြသည်။

ဦးစွာ“နမောတဿ”သုံးကြိမ်ရွတ်ဆိုဘုရားကန်တော့ ၍ အခမ်းအနားအား ဖွင့်လှစ် ကြပြီး မုံရွာမြို့၊ သာစံကျောင်းတိုက်ကြီး၏ ဦးစီးပဓာနနာယက၊ ဘဒ္ဒန္တတေဇဝန္တ သက်တော်ရှည် ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီလခံယူ ဆောက်တည်ကြသည်။

ယင်းနောက် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ က လှူဖွယ်ဝတ္ထုပစ္စည်းများအား အသီးသီးဆက်ကပ်လှူဒါန်းကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများ၊ အလှူရှင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများက ဆုတောင်းပြည့်စေတီတော်ကြီး ဂေါပကအဖွဲ့ ဥက္ကဌ၊ မုံရွာခရိုင် စီမံခန့်ခွဲရေးနှင့်အုပ်ချုပ် ရေးကော်မတီ ဥက္ကဌ၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးနှင့် စေတီတော်ကြီး ဘဏ္ဍာရေးမှူးတို့ထံ အလှူငွေများပေးအပ်လှူဒါန်းကြပြီး ဂုဏ်ပြုမှတ် တမ်းလွှာများ ပြန်လည်ပေးအပ်ကြသည်။

ထို့နောက် မုံရွာမြို့၊ မဟာဇောတိကာရာမကျောင်း တိုက်ကြီး၏ ဦးစီးပဓာနနာယက၊ ဆုတောင်းပြည့်စေတီတော်မြတ်ကြီး ဂေါပကအဖွဲ့ ဩဝါဒါစရိယ၊ အဂ္ဂမဟာပဏ္ဍိတ၊ ဘဒ္ဒန္တ ဝိဇ္ဇောဒယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်များက အနုမော ဒနာတရားနာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ “ဗုဒ္ဓ သာသနံ စိရံ တိဌတု” သုံးကြိမ်ရွတ်ဆိုဆုတောင်းပြီးအခမ်းအနားကို ရုပ်သိမ်းခဲ့ကြ သည်။

အဆိုပါ မုံရွာမြို့၊ သမိုင်းဝင်ဆုတောင်းပြည့်စေတီတော်ကြီး လုံးတော်ပြည့်ရွှေ သင်္ကန်းကပ်လှူပူဇော်နိုင်ရေး (ဒုတိယအကြိမ်) အလှူငွေပေးအပ်ပွဲ အခမ်း အနားတွင် အလှူရှင် ၂၇၅ ဦးမှ အလှူငွေကျပ် စုစုပေါင်း ၈၅၁၆,၁၁,၅၀၀ (သိန်းပေါင်း ရှစ်ထောင်ငါး ရာ တစ်ဆယ် ခြောက်သိန်း တစ်သောင်းတစ်ထောင့် ငါးရာ)ကျပ်အား ပေးအပ်လှူဒါန်းခဲ့ ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ သမိုင်းဝင်ဆုတောင်းပြည့်စေတီတော်ကြီးအား လုံးတော်ပြည့်ရွှေသင်္ကန်းကပ်လှူပူဇော် ရန်အတွက် စေတီတော်ကြီးတစ်ပတ် လိုက်လံဖူးမျှော်ကြည်ညိုခဲ့ကြပြီး စေတီတော်ကြီး အားလာရောက်ဖူးမျှော်ကြသည့် ဘုရားဖူးပြည်သူများ စိတ်အေးချမ်းသာစွာဖြင့် ဖူးမျှော်နိုင် ရေးအတွက် စေတီတော်ကြီးပတ်ဝန်းကျင်အား အမြဲသန့်ရှင်းသပ်ရပ်ရေးအတွက် ဂေါပက အဖွဲ့ဝင်များက အလေးထား ဆောင်ရွက်သွားရေးတို့အား မှာကြားခဲ့ကြောင်း သိရသည်။

မုံရွာ၊ ဩဂုတ် ၁၉

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနက ဖွင့်လှစ်သည့် အခြေခံစာကြည့်တိုက်ပညာသင်တန်း (၂/၂၀၂၅) ဖွင့်ပွဲအခမ်းအနားကို ဩဂုတ်လ ၁၉ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန Community Centre ၌ ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသား/သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စာဖတ်ခြင်းသည် စိတ်ကိုတည် ငြိမ်မှုရှိပြီး အမှားနှင့်အမှန်အား ကျိုးကြောင်းဆီလျော်စွာ ခွဲခြားဆုံးဖြတ်နိုင်သည့် ဗဟုသုတ များစွာရရှိနိုင်ပြီး ကျောင်းသားလူငယ်များအတွက် စာကြည့်တိုက်များသည် မရှိမဖြစ်လို အပ်ပါကြောင်း၊ စာကြည့်တိုက်များဖွံ့ဖြိုးတိုးတက်ရန်အတွက် စာကြည့်တိုက်ဝန်ထမ်းများ တစ်နည်းအားဖြင့် စာကြည့်တိုက်မှူးများ၏အခန်းကဏ္ဍသည်လည်း အရေးကြီးပါကြောင်း၊ သင်တန်းသား/သင်တန်းသူများအနေဖြင့်လည်း ယခုစာကြည့်တိုက်ပညာသင်တန်းမှ ရရှိ လာမည့် စာကြည့်တိုက်ပညာရပ်များအား အလေးထားကာ သင်ယူလေ့လာသွားကြရန် နှင့် မိမိတို့နှင့်သက်ဆိုင်သည့် စာကြည့်တိုက်များတွင် ပြန်လည်အသုံးပြုသွားကြရန် လိုအပ် ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့်လည်း စာကြည့်တိုက်ပညာဖွံ့ဖြိုး ရေးလုပ်ငန်းများအား တာဝန်ရှိသူများနှင့် ပူးပေါင်းကာ ပံ့ပိုးကူညီဆောင်ရွက်ပေးသွားမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က မုံရွာခရိုင်ရုံးတွင်ဖွင့်လှစ်သည့် အခြေခံ စာကြည့်တိုက် ပညာသင်တန်း(၂/၂၀၂၅) အတွက် ကုန်ကျငွေကျပ် - ၈၀၀၀၀၀ (ရှစ်သိန်း)ကျပ်အား မုံရွာခရိုင် ပြန်ကြား ရေးနှင့်ပြည်သူ့ဆက်ဆံရေးဦးစီးဌာန၊ လက်ထောက်ညွှန်ကြားရေးမှူး ဦးမြင့်နိုင်စိုးထံ ပေး အပ်သည်။

ထို့နောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြား ရေးမှူး ဦးဆန်းဝင်းက အခြေခံစာ ကြည့်တိုက်ပညာသင်တန်း (၂/၂၀၂၅)ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/ သင်တန်းသူများနှင့်အတူ အမှတ်တရစုပေါင်း မှတ်တမ်းဓါတ်ပုံရိုက်ကူးကြသည်။

အဆိုပါ မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြု ဗဟိုဌာန ((Community Centre )၌ ဖွင့်လှစ်လျက်ရှိသည့် အခြေခံစာ ကြည့်တိုက်ပညာ သင်တန်း(၂/၂၀၂၅)သို့ သင်တန်းသား/သင်တန်းသူ ၂၁ ဦး တက်ရောက်သွားမည်ဖြစ်ပြီး သင်တန်းအား ဩဂုတ်လ ၁၉ ရက်နေ့မှ ဩဂုတ်လ ၂၃ အထိ စာတွေ့လက်တွေ့ သင်ကြား ပို့ချပေးသွားမည်ဖြစ်ကြောင်း သိရသည်။

မုံရွာ၊ ဩဂုတ် ၁၈

စစ်ကိုင်းတိုင်းဒေသကြီး ပတ်ဝန်းကျင်ထိန်းသိမ်းရေးကဏ္ဍနှင့် ဝန်ထမ်းများစွမ်း ဆောင်ရည်မြှင့်တင်ခြင်း သင်တန်းအမှတ်စဉ်(၁/၂၀၂၅)သင်တန်းဖွင့်ပွဲ အခမ်းအနားကို ဩဂုတ်လ ၁၈ ရက်၊ နံနက်ပိုင်းတွင် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီး ဌာန ရုံးရှိ အစည်းအဝေးခန်းမတွင် ကျင်းပပြုလုပ်ရာ သင်တန်းဖွင့်ပွဲအခမ်းအနားသို့ တိုင်းဒေသကြီး ဝန်ကြီချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသ ကြီးအဆင့် ဌာနဆိုင်ရာများနှင့် သင်တန်းသား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီချုပ် ဦးမြတ်ကျော်က ပတ်ဝန်းကျင်ထိန်းသိမ်းရေးနှင့် စီမံခန့်ခွဲမှုဆိုင်ရာလုပ်ငန်းများအား ကောင်းမွန်စွာသိရှိနားလည်ပြီး လုပ်ငန်းစွမ်းဆောင် ရည်တိုးတက်မြင့်မားလာစေရန်နှင့် လက်တွေ့နယ်ပယ်တွင် အသုံးချနိုင်စေရန် ရည်ရွယ် ပြီး ဌာနတွင်းအခြေခံသင်တန်းများအား ဖွင့်လှစ်ပို့ချပေးလျက်ရှိပါကြောင်း၊ ယခုလိုလုပ် ငန်းခွင် အခြေခံသင်တန်းအား ဝန်ထမ်းများအတွက် ပုံမှန်ဖွင့်လှစ်ရန်လိုအပ်သကဲ့သို့ လုပ်ငန်းခွင်တွင် အဓိကအရေးကြီးသည့် အသိပညာပေးလုပ်ငန်းများအား ညွှန်ကြားရေး မှူးရုံးမှဦးစီးပြီး ဆောင်ရွက်သွားကြရန်နှင့် မီးခိုးမြူငွေ့ညစ်ညမ်းမှု ထိန်းချုပ်ရေးဆိုင်ရာ အသိပညာပေးခြင်း၊ အမျိုးသမီးနှင့်ပတ်ဝန်းကျင်၊ လူငယ်နှင့်ပတ်ဝန်းကျင် ထိန်းသိမ်းရေး ကဏ္ဍ အသိပညာပေးနိုင်ရေး၊ ပတ်ဝန်းကျင်လေထုနှင့် မြေပေါ်ရေအရည်အသွေး စောင့် ကြည့်တိုင်းတာရေး စက်ကိရိယာကိုင်တွယ်ခြင်း သင်တန်းများကိုလည်း ဖွင့်လှစ်ပို့ချပေး ခြင်းဖြင့် တိုင်းဒေသကြီးအတွင်း ပတ်ဝန်းကျင်၊ ရေ၊ မြေ၊ လေ သန့်ရှင်းသာယာရေးအတွက် အထောက်အကူပြုနိုင်မည် ဖြစ်ပါကြောင်း၊ သင်တန်းသူ/သင်တန်းသား နိုင်ငံ့ဝန်ထမ်းများ အနေဖြင့် မိမိတာဝန်ယူဆောင်ရွက်သည့် လုပ်ငန်းများအပေါ် စေတနာထားပြီး အဂတိ ကင်းရှင်းစွာ လုပ်ထုံးလုပ်နည်းများအတိုင်း အဆင့် ဆင့်လမ်းညွှန်မှုခံယူပြီး ဒေသခံ ပြည်သူ များ၏ ယုံကြည်ကိုးစားမှုအားရယူ၍ လုပ်ငန်းအောင်မြင်အောင် လုပ်ဆောင်ကြခြင်းဖြင့် မိမိတို့၏တိုင်းဒေသကြီး၊ မိခင်ဌာနနှင့် ဝန်ကြီးဌာနတို့၏ ဂုဏ်သတင်းအား မြှင့်တင်ပေး သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနမှ ညွှန်ကြားရေး မှူးက ပတ်ဝန်းကျင်ထိန်းသိမ်းရေးကဏ္ဍနှင့် ဝန်ထမ်းများစွမ်းဆောင်ရည်မြှင့်တင်ခြင်း သင် တန်းဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/ သင်တန်းသူများအတူ စုပေါင်းမှတ်တမ်းတင် ဓါတ်ပုံရိုက်ကူးကြသည်။

အဆိုပါ ပတ်ဝန်းကျင်ထိန်းသိမ်းရေးကဏ္ဍနှင့် ဝန်ထမ်းများစွမ်းဆောင်ရည်မြှင့်တင် ခြင်း သင်တန်းအမှတ်စဉ်(၁/၂၀၂၅)သင်တန်း၌ သင်တန်းသား/သင်တန်းသူ ၂၆ ဦးအား ဩဂုတ်လ ၁၈ ရက်နေ့မှ ၂၅ ရက်နေ့အထိ စာတွေ့လက်တွေ့ ဖွင့်လှစ်သင်ကြားပေးသွား မည်ဖြစ်သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်းရှိ ရေ၊ မြေ၊ လေ တိုင်းတာစစ်ဆေးရေး စက်ကိရိယာများအား လိုက်လံကြည့်ရှုစစ် ဆေးခဲ့ပြီး တိုင်းတာစစ်ဆေးရေးကိရိယာများအား အသုံးပြုကာ သဘာဝပတ်ဝန်းကျင်ကို ထိခိုက်ပျက်စီးမှုမရှိစေရေးအတွက် တာဝန်ရှိသူများမှ အလေးထား ဆောင်ရွက်သွားကြရန် မှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါရုံးဝန်းအတွင်း ရှိ ဝန်ထမ်းအိမ်ရာ ၄ ခန်းတွဲ ၂ ထပ် RC အဆောက်အဦသစ် ဆောက် လုပ်ပြီးစီးမှု၊ ဝန် ထမ်းများသက်သာချောင်ချီရေးအတွက် စားဖိုဆောင်သီးနှံများနှင့် စိန်တလုံးသရက်ပင်များ စိုက်ပျိုးထားရှိမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဩဂုတ် ၁၆

မုံရွာတက္ကသိုလ် ၂၀၂၄-၂၀၂၅ ပညာသင်နှစ်နှင့် ၂၀၂၅-၂၀၂၆ ပညာသင်နှစ် အခြေခံ ရှေးဦးပြုစုခြင်း သင်တန်းဆင်းပွဲနှင့် ဆုချီးမြှင့်ပွဲ အခမ်းအနားကို ဩဂုတ်လ ၁၆ ရက်၊ နံနက်ပိုင်းတွင် အဆိုပါတက္ကသိုလ်ရှိ ဘွဲ့နှင်းသဘင်ခန်းမတွင် ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ မုံရွာတက္ကသိုလ် ပါမောက္ခချုပ်နှင့် ပါမောက္ခ/ဌာနမှူးများ၊ သင် တန်းသား/သင်တန်းသူများ တက်ရောက်ကြသည်။

အခမ်းအနားတွင် တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာနိုင်ငံကြက်ခြေနီ အသင်းသည် လူသားချင်းစာနာစိတ်၊ ကြင်နာသနားစိတ်၊ ရိုင်းပင်းကူညီလိုစိတ်၊ ထောက်ပံ့ ပေးကမ်းလိုစိတ်နှင့် ပြည့်စုံသည့် အသင်းတစ်သင်း ဖြစ်ပါကြောင်း၊ ယခုအသင်းကြီး၏ ဆောင်ရွက်ချက်များအား နိုင်ငံတော်အနေဖြင့် အစဉ်တစိုက် အသိအမှတ်ပြု အားပေးနေ သကဲ့သို့ မိမိတို့တိုင်းဒေသကြီး အစိုးရအဖွဲ့မှလည်း အသိအမှတ်ပြုအားပေးလျက် ရှိပါ ကြောင်း၊ မုံရွာတက္ကသိုလ် ကြက်ခြေနီအသင်းခွဲမှ သင်တန်းဆင်းမည့် သင်တန်းသား တပ်ဖွဲ့ဝင်များအနေဖြင့် အသင်း၏အခြေခံမူများ၊ ရည်ရွယ်ချက်များနှင့် အသင်း၏ လုပ်ငန်း စဉ်များအား စိတ်ပါလက်ပါ ဆောင်ရွက်ကြရမည့် မျိုးဆက်သစ်ကြက်ခြေနီများ ဖြစ်ပါ ကြောင်း၊ ရှေးဦးပြုစုခြင်း အတတ်ပညာများအား အကျိုးကျိုးရှိရှိအသုံးချပြီး စံပြကြက်ခြေနီများအဖြစ် ကြိုးစားထမ်းဆောင်သွားကြရန် လိုအပ်ပါ ကြောင်း ပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်က သင်တန်းတွင်ထူးချွန်ဆုရရှိကြသည့် သင်တန်းသား၊သင်တန်းသူများအား ဂုဏ်ပြုဆုတံဆိပ်နှင့် ဂုဏ်ပြုချီးမြှင့်ငွေများ ပေးအပ် ချီးမြှင့်ခဲ့ပြီး တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က မုံရွာတက္ကသိုလ် အတွက် ဂုဏ်ပြုချီးမြှင့်ငွေကျပ် ၁၀ သိန်းအား ပါမောက္ခချုပ်ထံ ပေးအပ်ချီးမြှင့်သည်။

ထို့နောက် မုံရွာတက္ကသိုလ်ပါမောက္ခချုပ်က ကြက်ခြေနီသင်တန်း ဆရာ/ဆရာမ များအား ဂုဏ်ပြုလက်ဆောင်များ ပေးအပ်ချီးမြှင့်ပြီး တိုင်းဒေသကြီး ကြက်ခြေနီအဖွဲ့ ဥက္ကဌက သင်တန်းဆင်း ဆရာ/ဆရာမများ၊ ကျောင်းသား/ကျောင်းသူများအား သင်တန်း ဆင်းလက်မှတ်များ ပေးအပ်ကာ မုံရွာတက္ကသိုလ် ကြက်ခြေနီအသင်းခွဲအတွက် ဆေးဘူး များပေးအပ်ခဲ့သည်။
ဆက်လက်၍ အခြေခံရှေးဦးပြုစုခြင်းသင်တန်း သင်တန်းသား/သင်တန်းသူများ ကိုယ်စား သင်တန်းသားတစ်ဦးက ကျေးဇူးတင်စကား ပြန်လည်ပြောကြား တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီး နှီးလိုက်လံနှုတ်ဆက်ခဲ့ကြသည်။

မုံရွာ ဩဂုတ် ၁၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ယနေ့နံနက်ပိုင်းက မုံရွာမြို့ပေါ်ရှိ ဘုန်းတော်ကြီးကျောင်းတိုက်များမှ ဝါဆိုဝါကပ်တော်မူကြသည့် သက်တော်ရှည်ဆရာ တော်ကြီးများနှင့် ဆရာတော်/သံဃာတော်များ ဝါတွင်းကာလအတွင်း ဆွမ်းကွမ်းအခက် အခဲမရှိ စေရေးတို့အတွက် တိုင်းဒေသကြီးအစိုးရအဖွဲ့မှ ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်း ခဲ့ကြကြောင်းသိရသည်။

ဦးစွာ မုံရွာမြို့၊ မြဝတီရပ်ကွက်ရှိ ရွှေဥဒေါင်း ကျောင်းတိုက်ကြီးတွင် ကျင်းပရာ ဝန်ကြီးချုပ်နှင့်တက်ရောက်လာကြသည့် ဧည့်ပရိသတ်များက “နမောတဿ”သုံးကြိမ်ရွတ်ဆို ဘုရားကန့်တော့၍ အခမ်းအနား အားဖွင့်လှစ်ကြပြီး မုံရွာမြို့၊ ရွှေဥဒေါင်းကျောင်းတိုက်၊ ဦးစီးပဓာနနာယက ဘဒ္ဒန္တမာဃဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သက်များ က ငါးပါးသီလခံ ယူဆောက်တည်ကြသည်။

ယင်းနောက် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသ ကြီးအစိုးရအဖွဲ့ ဝင်များနှင့်ဇနီးများက ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ် လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ဘုန်းစိုးရပ်ကွက်ရှိ မဟာဇောတိကာရာမကျောင်းတိုက်ကြီးသို့ ရောက်ရှိရာ ဦးစီးပဓာန နာယက ဘဒ္ဒန္တဝိဇ္ဇောဒယ ဆရာတော်ကြီးထံမှ ငါးပါးသီလခံယူ ဆောက်တည်ကြသည်။
ယင်းနောက် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများက ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ရန်ကင်း ရပ်ကွက်ရှိ ရန်ကင်းကျောင်းတိုက်ကြီးသို့ ရောက်ရှိရာ ဦးစီးပဓာနနာယက၊ ဘဒ္ဒန္တ တေဇနိယ ဆရာတော်ကြီးထံမှ ငါးပါးသီလခံယူ ဆောက်တည်ကြသည်။

ဆက်လက်၍ ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်း ဒေသကြီးအစိုးရ အဖွဲ့ ညွှန်ကြားရေးမှူးများက ဆွမ်းဆန်၊ ဆီ၊ ဆား၊ ပဲ၊ ဆေးနှင့် လှူဖွယ်ဝထ္တုပစ္စည်းများ ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြောင်း သိရသည်။