မုံရွာ၊ ဩဂုတ် ၁၁

စစ်ကိုင်းတိုင်းဒေသကြီးအတွင်း နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှု နှင့်အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး ညှိနှိုင်း အစည်းအဝေးကို ဩဂုတ်လ ၁၁ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရာခရိုင်/ယင်းမာပင်ခရိုင် စီမံခန့်ခွဲရေးနှင့်အုပ်ချုပ်မှုကော်မတီ ဥက္ကဌများ တက်ရောက် ကြပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာ ခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံခန့်ခွဲရေးနှင့်အုပ်ချုပ်မှုကော်မတီ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း စိုက်ပျိုးမွေးမြူရေးလုပ်ငန်းများ ဆောင်ရွက်ရန်အတွက် အခြေခံကောင်းများရှိပြီးဖြစ်ပါ၍ ယင်းအခြေခံကောင်းများအား မျိုး၊ မြေ၊ ရေ၊ နည်းတို့ကို အသုံးချကာ စိုက်ပျိုးရေးထုတ် ကုန်များအား တိုးတက်ထုတ်လုပ်နိုင်အောင် ကြိုးပမ်းဆောင်ရွက်သွားကြရန်နှင့် MSME လုပ်ငန်းများ ဆောင်ရွက်ရာတွင်လည်း ကုန်ကြမ်းများရရှိရေးသည် အရေးကြီးသဖြင့် ဒေသ မှထွက်ရှိသည့် ကုန်ကြမ်းပစ္စည်းများအားအခြေခံသည့် MSME လုပ်ငန်းများကို အောင်မြင် အောင် ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ MSME လုပ်ငန်းများ အား စဉ်ဆက်မပြတ် ဖွံ့ဖြိုးတိုးတက်စေရန်၊ ဒေသတွင်းစီးပွားရေး ခိုင်မာလာစေရန်နှင့် အလုပ်အကိုင်အခွင့်အလမ်းများ ဖန်တီးပေးရန်အတွက် အဓိကရည်ရွယ်ချက်များဖြင့် ယခု အစည်းအဝေးအား ကျင်းပရခြင်းဖြစ်ပါကြောင်း၊ အစည်းအဝေးသို့ တက်ရောက်လာသူများ အနေဖြင့်လည်း မိမိတို့အကောင်အထည်ဖော် ဆောင်ရွက်နေသည့် MSME လုပ်ငန်းများ အား အောင်မြင်အောင် ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက မိမိတို့ဌာနများအလိုက် တိုင်းဒေသကြီးအတွင်း ခရိုင်/မြို့နယ်များရှိ အသေးစား၊ အငယ်စားနှင့် အလတ်စား စီးပွား ရေးလုပ်ငန်းများ လုပ်ကိုင်ဆောင်ရွက်နေသည့် လုပ်ငန်းရှင်များအား နိုင်ငံ့စီးပွားမြှင့်တင် ရေးရန်ပုံငွေများ ထုတ်ချေးထားမှု အခြအနေများ၊ အတိုးငွေများပြန်လည်ရရှိမှု အခြေ အနေများနှင့် ချေးငွေများဖြင့် လုပ်ငန်းများလုပ်ကိုင်ဆောင်ရွက်နေမှု အခြေအနေများအား အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ကသာခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ် ဖြင့်လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက မိမိတို့ ခရိုင်များအလိုက် မြို့နယ်များအတွင်း နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှု အခြေအနေများနှင့် အသေးစား၊ အငယ်စားနှင့်အလတ်စား စီးပွားရေးလုပ်ငန်းများ ဆောင် ရွက်နေမှု အခြေအနေများအား အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း နိုင်ငံ့ စီးပွားမြှင့်တင်ရေးရန်ပုံငွေ ထုတ်ချေးထားမှုနှင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှုများအပေါ် လိုအပ် သည်များကို ဖြည့်စွက်ဆွေးနွေး ပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ ဩဂုတ် ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ ကလေးတပ်နယ်မှူးနှင့် တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် ဩဂုတ်လ ၉ ရက်၊ နံနက်ပိုင်းတွင် ကလေးမြို့၊ ကုတင် ၃၀၀ဆံ့၊ ပြည်သူ့ဆေးရုံကြီးဝန်းအတွင်းရှိ ဥပုသ်ချောင်းဝဲ/ယာအတွင်းရှိ ရေစီးရေလာကောင်းစေရန်အတွက် သစ်ပင် ခြုံနွယ်များ၊ ပေါင်းမြက်များ၊ ပလပ်စတစ်အမှိုက်များအား မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဌာနဆိုင်ရာဝန်ထမ်းများ၊ ရပ်ကွက်နေပြည်သူများ၊ ဆေးရုံဝန်ထမ်းများနှင့် လူမှုရေးအသင်းအဖွဲ့များမှ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူ များ နှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက်တိုင်းဒေသကြီးဝန်ကြီးချုပ်နှင့်တာဝန်ရှိသူ များက စုပေါင်းသန့်ရှင်းရေးလုပ်ငန်းများဆောင် ရွက်ခဲ့ကြသည့် ဝန်ထမ်းများနှင့ရပ်ကွက်နေပြည်သူ များအား နံနက်စာများဖြင့် ဧည့်ခံကျွေးမွေးနေမှုများအား ကြည့်ရှုအားပေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ဦး ကျော်ဖြင့် ပြည်သူ့ဆေးရုံများ၌ စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ကုတင် ၃၀၀ ဆံ့၊ ပြည်သူ့ဆေးရုံကြီးရှိအစည်းအဝေးခန်းမတွင် ခေတ္တ ဆေးရုံအုပ်ကြီး၊ ဆရာဝန်ကြီးများ၊ သူနာပြုများ၊ ဝန်ထမ်းများနှင့် တွေ့ဆုံပွဲအခမ်းအနားသို့ တက်ရောက်ကြသည်။

ဦးစွာ ကလေးမြို့၊ ကုတင် ၃၀၀ ဆံ့၊ ပြည်သူ့ဆေးရုံကြီး၊ ခေတ္တဆေးရုံအုပ်ကြီးက ပြည်သူများအား ကုသရေးလုပ်ငန်းများဆောင်ရွက်ပေးနေမှု အခြေအနေများနှင့် ပတ်သက်၍ ရှင်းလင်းတင်ပြပြီး ဆရာဝန်ကြီးများနှင့် သူနာပြုများက မိမိတို့လုပ်ကိုင်ဆောင်ရွက်နေသည့်လုပ်ငန်းများနှင့် ပတ် သက်၍ လိုအပ်သည်များ ဆွေးနွေးတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးကာ ခေတ္တဆေးရုံအုပ်ကြီးထံ ဆေးရုံဝန်ထမ်းများအတွက် ငွေကျပ် (၁၀) သိန်းအား ပေးအပ်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါဆေးရုံကြီးရှိ ခွဲစိတ်ခန်း၊ ဓါတ်ခွဲခန်းနှင့် သွေးလှူဘဏ်တို့အတွက် တပ်ဆင်ပြီးစီးခဲ့သည့် ဆိုလာခန်းနှင့် တိုင်းဒေသကြီး အစိုးရအဖွဲ့ ရန်ပုံငွေဖြင့် ပြန်လည်ပြုပြင်ပေးခဲ့သည့် ရေကန်တို့ အားကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးခရိုင် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ကျင်းပပြုလုပ်သည့် ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေး ညှိနှိုင်းအစည်း အဝေးသို့တက်ရောက်ရာ ဝန်ကြီးချုပ်က မိမိတို့တိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်းရှိ မြို့များအား မြို့အင်္ဂါရပ်နှင့်အညီ ဖွံ့ဖြိုးတိုးတက်စေရေးအတွက် မြို့မိမြို့ဖများ၊ ဌာနဆိုင် ရာများနှင့် ဝိုင်းဝန်းပူးပေါင်း ဆောင်ရွက်ပေးလျက် ရှိပါကြောင်း၊ ဌာနဆိုင်ရာများအနေဖြင့်လည်း ကလေးမြို့အား ခေတ်နှင့်အညီ သာယာလှပပြီးသန့်ရှင်းသပ်ရပ်သည့် မြို့တစ်မြို့ဖြစ်လာစေရေးအတွက် ဌာနများအချင်းချင်း ပူးပေါင်းကာ အလေး ထား ဆောင်ရွက်သွားကြရန် လိုအပ်ပါကြောင်း၊ မြို့နေပြည်သူများအနေဖြင့်လည်း နေ့စဉ်အသုံးပြုနေသည့် မီးဖိုချောင်သုံးအမှိုက်များနှင့် ပလပ်စတစ်အမှိုက်များအား စနစ်တကျစွန့်ပစ်သွားရေးတို့အား အသိပညာပေးလုပ်ငန်းများ ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ကလေးမြို့နယ်၊ စည်ပင်သာယာရေးအဖွဲ့မှ အမှုဆောင်အရာရှိက ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေးလုပ်ငန်းများ ဆောင်ရွက်နေမှု အခြေအနေများအားလည်း ကောင်း၊ ကလေးခရိုင် လမ်းဦးစီးဌာနမှ ခေတ္တဦးစီးမှူးက ကလေးခရိုင်အတွင်းလမ်းများအား ဘဏ္ဍာနှစ်အလိုက် ပြုပြင်ဆောင်ရွက်နေမှု အခြေအနေများအား လည်းကောင်း၊ရေအရင်းအမြစ်နှင့်မြစ်ချောင်း များဖွံ့ဖြိုးတိုးတက်ရေးဦးစီးဌာနမှ ကလေးမြို့၊ ဥပုသ်ချောင်း ကမ်းပြိုကာကွယ်ရေးလုပ်ငန်းများ ဆောင်ရွက်ထားရှိမှု အခြေအနေများအား လည်း ကောင်း၊ ခရိုင်/မြို့နယ် စီမံခန့်ခွဲရေးနှင့်အုပ်ချုပ်မှုကော်မတီ ဥက္ကဌများက ကလေးမြို့ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှု အခြေအနေများအား လည်းကောင်း ရှင်းလင်းတင်ပြကြသည်။

ထို့နောက် အစည်းအဝေးသို့ တက်ရောက်လာကြသည့် မြို့မိမြို့ဖများက ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေးအတွက် လိုအပ်သည်များကို ဆွေးနွေးတင် ပြကြပြီး ဌာနဆိုင်ရာများနှင့် တိုင်းဒေသကြီး အစိုးရ အဖွဲ့ဝင်များက ကလေးမြို့ ဖွံ့ဖြိုးတိုးတက်ရေးနှင့် သန့်ရှင်းသာယာလှပရေး လုပ်ငန်းများ နှင့်ပတ်သက်၍ ဖြည့်စွက်ဆွေးနွေး ပြောကြားကြသည်။

ယင်းနောက် တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ ဆွေးနွေးတင် ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ်ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့ရှိ တာဟန်းဈေးနှင့် မြို့မဈေးများသို့ သွားရောက်၍ ဈေးဆိုင်ခန်းများ စနစ်တကျရောင်းချရေး၊ ဈေးများအတွင်း သန့်ရှင်းသပ်ရပ်မှုရှိစေရေးတို့အတွက် သွားရောက်ကြည့်ရှုစစ်ဆေးခဲ့ကြပြီး ဈေးရောင်းဈေးဝယ် လာရောက်ကြသူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ ဩဂုတ် ၈

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသ ကြီးအစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများသည် ဩဂုတ်လ ၈ ရက်၊ နံနက် ပိုင်းတွင် ကလေးမြို့၊ ကလေးခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထု အခြေပြုဗဟိုဌာန Community Centre ၌ ကျင်းပပြုလုပ်သည့် အခြေခံစာကြည့်တိုက်ပညာသင်တန်း(၂/၂၀၂၅)ဖွင့်ပွဲအခမ်းအနားသို့ တက်ရောက်ရာ ဦးစွာ တိုင်းဒေသကြီး ဝန်ကြီးချုပ်က စာကြည့်တိုက်မှူးများသည် စာဖတ်သူများအတွက် စာအုပ်စာစောင်များ အလွယ်တကူရှာဖွေနိုင်ရေးအတွက် စာကြည့် တိုက်ပညာအပြည့်ဖြင့် ဝန်ဆောင်မှုများပေးသွားကြရန် ဖြစ်ပါကြောင်း၊ သင်တန်းသား၊ သင်တန်းသူများအနေဖြင့် သင်တန်းမှရရှိလာမည့် စာကြည့်တိုက်ပညာရပ်များအား စိတ်ပါ ဝင်စားစွာဖြင့် ကြိုးစားသင်ယူသွားကြရန်နှင့် မိမိတို့နှင့်သက်ဆိုင်သည့် စာကြည့်တိုက်များ တွင်လက်တွေ့အသုံးချကာ ပြည်သူများအား စာဖတ်သည့်အလေ့အကျင့်များ ရရှိလာ အောင် တာဝန်ရှိသူများနှင့်ပူးပေါင်း၍ ဝိုင်းဝန်းပူးပေါင်းဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး လမ်းပန်းဆက်သွယ်ရေး ဝန်ကြီး ဦးခင်မောင်အေး အခြေခံစာကြည့်တိုက်ပညာသင်တန်း(၂/၂၀၂၅)အတွက် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ခရိုင်ဦးစီးမှူးထံ ငွေကျပ် ၃၇၅၀၀၀ (သုံးသိန်းခုနှစ်သောင်းငါးထောင်)ကျပ် အား ပေးအပ်ချီးမြှင့်သည်။

ထို့နောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူး ဦးဆန်းဝင်းက အခြေခံစာကြည့်တိုက်သင်တန်း (၂/၂၀၂၅)ဖွင့်လှစ်ရခြင်း နှင့်ပတ်သက်၍ ရှင်းလင်းတင်ပြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/ သင်တန်းသူများနှင့်အတူ အမှတ်တရစုပေါင်း မှတ်တမ်းဓါတ်ပုံရိုက်ကူးကာ အဆိုပါရုံးရှိ ကွန်ပျူတာသင်တန်း သင်ကြားပေးနေမှုနှင့် စာကြည့်တိုက်အတွင်း ကလေးလူငယ်များ သုတ/ရသစာအုပ်စာစောင်များ ဖတ်ရှုလေ့လာနေမှုများ၊ ကလေးစာဖတ်ခန်းအတွင်းရှိ ကလေးများ ရုပ်ပုံဆက်နေမှုများအား လိုက်လံကြည့်ရှုခဲ့ကြပြီး တာဝန်ရှိသူများနင့်အတူ အမှတ်တရလက်ဆောင်ပစ္စည်းများ ပေးအပ်ခဲ့ကြပြီး ကလေးခရိုင်အတွင်းရှိ အထင်ကရနေ ရာများ၊ ဒေသခံတိုင်းရင်းသားများ၏ အသုံးဆောင်ပစ္စည်းများ ခင်းကျင်းပြသထားသည့် ပြတိုက်ငယ်အတွင်း လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက် ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးခရိုင် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် အခြေခံပညာကျောင်းများမှ ကျောင်းအုပ်ကြီးများနှင့် တွေ့ဆုံ ရာ အခြေခံပညာကျောင်းများမှ ကျောင်းအုပ်ကြီးများက ၂၀၂၅-၂၀၂၆ ပညာသင်နှစ်တွင် အခြေခံပညာကျောင်းများ ဖွင့်လှစ်သင်ကြားနေမှုနှင့် ပညာသင်နှစ်အလိုက် အောင်မြင်မှုရာခိုင်နှုန်းနှင့် ကျောင်းသား၊ကျောင်းသူများ ကျောင်းအပ်နှံမှု၊ သင် ကြားရေးလုပ်ငန်းများဆောင်ရွက်နေမှု အခြေအနေများနှင့် ကျောင်းဆောင်အဆောက် အဦများကြံ့ခိုင်မှု၊ ကျောင်းသုံးပရိဘောဂပစ္စည်းများအသုံးပြုမှု အခြေအနေများနှင့် ပြည့်စုံ လုံလောက်မှု၊ ကျောင်းပတ်ဝန်းကျင် သန့်ရှင်းသပ်ရပ်မှုရှိစေရေး လုပ်ငန်းများဆောင်ရွက် နေမှုအခြအနေများအား ရှင်းလင်းတင်ပြကြသည်။

ထို့နောက် မြို့နယ်/ခရိုင် ပညာရေးမှူးများနှင့် မြို့နယ်/ခရိုင် စီမံခန့်ခွဲရေးနှင့်အုပ် ချုပ်ရေးကော်မတီ ဥက္ကဌများက ကလေးခရိုင်အတွင်းရှိ အခြေခံပညာကျောင်းများ ဖွင့်လှစ် နိုင်မှုနှင့် မိမိတို့ဌာနများအလိုက် ပူးပေါင်းဆောင်ရွက်နေမှု လုပ်ငန်းအခြေအနေများအား ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး ပညာရေးမှူးနှင့် တိုင်းဒေသကြီး အစိုးရအဖွဲ့ဝင်များ က ကလေးမြို့ပေါ်ရှိ အခြေခံပညာကျောင်းများမှ ကျောင်းအုပ်ကြီးများ၏ တင်ပြချက်များ အပေါ်လိုအပ်သည်များ ဖြည့်စွက်ဆွေးနွေး တင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က ကလေးမြို့ခရိုင်/မြို့နယ် ပညာရေး မှူးများနှင့် ကျောင်းအုပ်ကြီးများအနေဖြင့် မိမိတို့တာဝန်ထမ်းဆောင်နေသည့် ကျေးရွာ/ ရပ်ကွက်/မြို့နေပြည်သူများ၏ ယုံကြည်အားကိုးမှုအားရယူကာ ကျောင်းသား/ကျောင်းသူ များအား ပညာတတ်များဖြစ်အောင် စေတနာထားကာ မိဘ၊ဆရာ လက်တွဲညီစွာဖြင့် သင် ကြားရေးလုပ်ငန်းများအား အောင်မြင်အောင် ပူးပေါင်းဆောင်ရွက်သွားကြရန် လိုအပ်ပါ ကြောင်း၊ မိမိကျောင်းအား ဥပတိရုပ်အမြဲကောင်းမွန်စေရေးနှင့် ကျောင်းပတ်ဝန်းကျင် သန့် ရှင်းသပ်ရပ်မှုရှိစေရေးတို့အတွက် တာဝန်ရှိသူများနှင့် ဝိုင်းဝန်းဆောင်ရွက်သွားကြရန် လို အပ်ပါကြောင်း၊ တာဝန်ရှိသူအားလုံးအနေဖြင့် ကျောင်းများရာနှုန်းပြည့်ဖွင့်လှစ်နိုင်ရေး၊ ကျောင်းသား၊ကျောင်းသူများ ကျောင်းအပ်နှုန်းတိုးတက်မြင့်မားလာစေရေးနှင့် အောင်ချက်ရာခိုင်နှုန်း မြင့်မားလာစေရေးတို့အတွက် ဆောင်ရွက်နေသည့် လုပ်ငန်းများအပေါ် အလေးထားကာ ဆောင်ရွက်သွားကြရန် တာဝန်ရှိသူများအား မှာကြားကာ တွေ့ဆုံပွဲ အခမ်းအနားသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည် များကို တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကလေးမြို့ပေါ်ရှိ အခြေခံပညာကျောင်းများမှ ကျောင်းအုပ်ကြီးများထံ ကျောင်းသုံးဗလာစာအုပ်များ၊ စာရေး ကိရိယာများ အသီးသီး ပေးအပ်ချီးမြှင့်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ မြို့တော်ခန်းမတွင် ကျင်းပပြုလုပ်သည့် ကလေးခရိုင်အတွင်း စိုက်ပျိုးထားသည့်သီးနှံများ ပန်းတိုင်အထွက်နှုန်းရရှိရေးအတွက် တောင်သူများအား သွင်းအားစု (ယူရီးယား ဓါတ်မြေဩဇာ)များပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးသည် စိုက်ပျိုးရေးအား အဓိက အားပြုလုပ်ကိုင်ဆောင်ရွက်နေသည့် တိုင်းဒေသကြီးတစ်ခုဖြစ် တာနှင့်အညီ တိုင်းဒေသကြီးအတွင်း စိုက်ပျိုးလျက်ရှိသည့် စပါး၊ ဆီထွက်သီးနှံနှင့် ဝါသီးနှံ အပါအဝင် သီးနှံမျိုးစုံ စိုက်ဧကလျာထားချက် ပြည့်မီရေးနှင့် ပန်းတိုင်အထွက်နှုန်းရရှိရေး ကြိုးပမ်းဆောင်ရွက်လျက် ရှိပါကြောင်း၊ နိုင်ငံတော်၏ ကူညီပံ့ပိုးပေးမှုများနှင့်အတူ သီးနှံ အလိုက် ပန်းတိုင်အထွက်နှုန်းရရှိရေး မျိုး၊ မြေ၊ ရေ နည်းစသည့် နည်းလမ်းများအား လိုက် နာဆောင်ရွက်ကြမည်ဆိုပါက စိုက်ပျိုးထားသည့်သီးနှံများ အထွက်တိုးပြီး တိုင်းဒေသကြီး ၏လယ်ယာစိုက်ပျိုးရေးကဏ္ဍ တိုးတက်ဖွံ့ဖြိုးလာမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူး ဦးစိန်မောင်မြင့်က စိုက်ပျိုးထားသည့်သီးနှံများ ပန်းတိုင်အထွက်နှုန်းရရှိရေးအတွက် ဓါတ်မြေဩဇာ ရောစပ်အသုံးပြုခြင်းဆိုင်ရာ သိကောင်းစရာများအား ရှင်းလင်းပြောကြား သည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တိုင်း ဒေသကြီးအဆင့် ဌာနဆိုင်ရာများက အခမ်းအနားသို့ တက်ရောက်လာကြသည့် ကျေးရွာ ၅ ရွာမှ ဒေသခံတောင်သူ ၃၀၀ ဦးကျော်အတွက် ကျေးရွာများမှ တာဝန်ရှိသူများထံ ယူရီးယား ဓါတ်မြေဩဇာများ ပေးအပ်ခဲ့ကြပြီး အခမ်းအနားသို့ တက်ရောက်လာသည့် ဒေသခံတောင်သူများအား ရင်းရင်းနှီးနှီးလိုက်လံနှုတ်ဆက်ခဲ့ ကြောင်း သိရသည်။

မုံရွာ၊ ဩဂုတ် ၇

မုံရွာမြို့၌ အိမ်ခြံဝန်းဥယျာဉ်ခြံ (Home Garden) စိုက်ပျိုးရမည့် နည်းစနစ်များနှင့်လိုက်နာဆောင်ရွက်သင့်သည့် အချက်များ ဆွေးနွေးပွဲကို ယနေ့ နံနက်ပိုင်းက မုံရွာခရိုင် စိုက်ပျိုးရေးဦးစီးဌာန၊ အောင်သလ္လာခန်းမတွင် ကျင်းပရာ မုံရွာခရိုင်စီမံခန့်ခွဲရေးနှင့် အုပ်ချုပ်ရေးကော်မတီ အဖွဲ့ဝင်များ၊ ဒုတိယခရိုင်အုပ်ချုပ်ရေးမှူးနှင့် ခရိုင်အဆင့် ဌာနဆိုင်ရာများ၊ ခရိုင်စိုက်ပျိlရေးဦးစီးဌာနမှ ခရိုင်ဦးစီးမှူး၊ ဒုတိယညွှန်ကြားရေးမှူးနှင့် စိုက်ပညာရှင်ဝန်ထမ်းများ တက်ရောက်ခဲ့သည်။

ဦးစွာ အိမ်ခြံဝန်းဥယျာဉ်ခြံ (Home Garden) စိုက်ပျိုးရမည့် နည်းစနစ်များနှင့်လိုက်နာဆောင်ရွက်သင့်သည့် အချက်များ Video clip ပြသမှုအား ကြည့်ရှုအားပေးပြီး မုံရွာခရိုင်၊ စိုက်ပျိုးရေးဦးစီးဌာန၊ ခရိုင်ဦးစီးမှူး၊ ဒုတိယညွှန်ကြားရေးမှူးဒေါ်စန်းစန်းမြင့်က အိမ်ခြံဝန်းဥယျာဉ်ခြံ (Home Garden) စိုက်ပျိုးရမည့် နည်းစနစ်များနှင့် လိုက်နာဆောင် ရွက်သင့်သည့် အချက်များအား ပရိုဂျက်တာ အသေးစိတ်ရှင်းလင်း ပြောကြားသည်။

ထို့နောက် တက်ရောက်လာကြသော တာဝန်ရှိသူ များနှင့် ခရိုင်အဆင့်ဌာနဆိုင်ရာများက မုံရွာခရိုင်စိုက်ပျိုးရေးဦးစီးမှူးရုံး (Home Garden)နှင့် မုံရွာခရိုင်ဦးစီးမှူးရုံး၏ ဝန်ထမ်းအိမ်ရာများတွင်အိမ်ခြံဝန်းဥယျာဉ်ခြံ (Home Garden) စိုက်ပျိုးထားရှိမှုအား ကွင်းဆင်းလေ့လာကြည့်ရှုအားပေးခဲ့ကြောင်းသိရသည်။

မုံရွာ၊ ဩဂုတ် ၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများသည် ဩဂုတ် လ ၇ ရက်၊ မွန်းလွဲ ပိုင်းက ကလေးခရိုင်၊ ကလေးမြို့၊ ချမ်းမြအောင်စည်ရပ်ကွက်၊ တောင်သူ ဦးစောနိုင်၏ ၅.၆၂ ဧကအတွင်း စိုက်ပျိုးထားသည့် ဆင်းသုခစပါးခင်းအတွင်း မိုးစပါးပန်းတိုင်အထွက် နှုန်းရရှိရေးစံပြကွက် သဘာဝမြေဩဇာနှင့် ဓါတ်မြေ ဩဇာတွဲဘက်ထည့်သွင်းခြင်း ကွင်းသရုပ်ပြပွဲသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် အခမ်းအနားသို့ တက်ရောက် လာသူများနှင့် ဒေသခံတောင်သူများမှ မိုးစပါးပန်းတိုင်အထွက်နှုန်း ရရှိရေးစံပြကွက် သဘာဝမြေဩဇာနှင့် ဓါတ်မြေဩဇာတွဲဘက်ထည့်သွင်းခြင်း ကွင်းသရုပ် ပြသမှုအား ကြည့်ရှုခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက ဒေသခံတောင်သူများအား သွင်းအားစုဓါတ်မြေ ဩဇာများနှင့် ပိုးသက်ဆေးများအား ပေးအပ်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးခရိုင်၊ စိုက်ပျိုးရေးဦးစီးဌာနရုံး အစည်းအဝေးခန်းမတွင် ကျင်းပပြုလုပ်သည့် ကလေးခရိုင်အတွင်း၂၀၂၅-၂၀၂၆ ခုနှစ်၊ စိုက်ပျိုးထားသည့်သီးနှံများ ပန်းတိုင်အထွက်နှုန်း ရရှိရေးအတွက် ညှိနှိုင်းအစည်းအဝေးသို့ တက်ရောက်ကြသည်။

ဦးစွာ တိုင်းဒေသကြီး စိုက်ပျိုးရေးဦးစီးဌာန၊ ညွှန်ကြားရေးမှူး တိုင်းဒေသကြီး အတွင်း ၂၀၂၅-၂၀၂၆ ခုနှစ်၊ ပန်းတိုင်အထွက်နှုန်းရရှိရေးအတွက် လုပ်ငန်းများဆောင်ရွက် နေမှုအခြေအနေများအား ရှင်းလင်းပြောကြားသည်။

ယင်းနောက် ခရိုင်စိုက်ပျိုးရေးဦးစီးဌာနမှ ခေတ္တခရိုင်ဦးစီးမှူးက ကလေးခရိုင် အတွင်း သီးနှံများစိုက်ပျိုးထားရှိမှုအခြေအနေများအား လည်းကောင်း၊ ခရိုင်ဆည်မြောင်း နှင့်ရေအသုံးချ မှုစီမံခန့်ခွဲရေးဦးစီးဌာန(ဆည်မြောင်း) ခရိုင်ဦးစီးမှူးက ဆည်/တမံများမှ စိုက်ပျိုးရေပေးဝေနေမှု အခြေ အနေများအား လည်းကောင်း၊ ခရိုင်မြေစာရင်းဦးစီးဌာန၊ ခရိုင်ဦးစီးမှူးက ကလေးခရိုင်အတွင်း မြေယာကိစ္စလုပ်ငန်းများ ဆောင်ရွက်နေမှု အခြေ အနေများအား လည်းကောင်း၊ ခရိုင်စက်မှုလယ်ယာဦးစီးဌာနမှ ခရိုင်ဦးစီးမှူးက လယ်ယာသုံးစက်ကိရိယာများ ဖြန့်ဝေပေးထားမှု အခြေအနေများအား အသီးသီး ရှင်းလင်းတင်ပြ ကြသည်။

ယင်းနောက် အစည်းအဝေးသို့ တက်ရောက်လာကြသည့် ဒေသခံတောင်သူများက မိမိတို့စိုက်ပျိုးလုပ်ကိုင် ဆောင်ရွက်နေသည့် လုပ်ငန်းများနှင့် ပတ်သက်၍ ရှင်းလင်းတင်ပြ ကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက ကလေးခရိုင်အတွင်း ၂၀၂၅-၂၀၂၆ ခုနှစ်၊ စိုက်ပျိုးထားသည့်သီးနှံများ ပန်းတိုင်အထွက်နှုန်းရရှိရေးအတွက် လိုအပ် သည်များကို ဖြည့်စွက်ဆွေးနွေး ပြောကြားကြသည်။

ထို့နောက် တိုင်းဒေသကြီး ဝန်ကြီးချုပ်က ကလေးခရိုင်အတွင်းရှိ ပြည်သူများ စားရေရိက္ခာဖူလုံပြည့်ဝစေရေးအတွက် စိုက်ပျိုးထားသည့်သီးနှံများ ပန်းတိုင်အထွက်နှုန်း ရရှိရေးအတွက် စိုက်ပျိုးရေးကြီးကြပ်မှုကော်မတီ အဖွဲ့ဝင်များမှ အလေးထား ဆောင်ရွက် သွားကြရန် လိုအပ်ပါကြောင်း၊ တောင်သူများအနေဖြင့် သီးထပ်စိုက်ဧကများအား ရနိုင်သ၍ တိုးချဲ့စိုက်ပျိုးသွားကြရန်နှင့် စိုက်ပျိုးထားသည့် သီးနှံများ ပန်းတိုင်အထွက်နှုန်း ရရှိရေးအတွက် လိုအပ်မှုများကို တိုင်းဒေသကြီးအစိုးရအဖွဲ့နှင့် ဌာနဆိုင်ရာများမှ ပံ့ပိုးဖြည့် ဆည်းဆောင်ရွက်ပေးနေမှု အခြေအနေများကို ရှင်းလင်းပြောကြားကာ အစည်းအဝေးသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိ သူများနှင့် ညှိနှိုင်းပေါင်းစပ် ဆောင် ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ချမ်းမြအောင်စည်ပရိယတ္တိစာသင်တိုက်ကြီးတွင် ကျင်းပပြလုပ်သည့် ဆွမ်းဆန်၊ ဆီနှင့်လှူ ဖွယ်ဝတ္ထုပစ္စည်းများ ဆက်ကပ်လှူဒါန်းပွဲသို့ တက်ရောက်ကြသည်။

ဦးစွာ ကလေးမြို့၊ ချမ်းမြအောင်စည်ပရိယတ္တိစာသင်တိုက်ကြီး၏ ဦးစီးပဓါန နာယက၊ ဘဒ္ဒန္တ ဥတ္တရသာရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိသတ်များက ငါးပါးသီလခံ ယူဆောက်တည်ခဲ့ကြပြီး ဆရာတော်ကြီးနှင့် ပင့်သံ ဃာဆရာတော်များထံ ဆွမ်းဆန်၊ဆီနှင့် လှူဖွယ်ဝတ္ထုပစ္စည်းများအား ဆက်ကပ်လှူဒါန်း ကာ တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြောင်း သိရသည်။

မုံရွာ၊ ဩဂုတ် ၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများသည် ဩဂုတ်လ ၆ ရက်၊ မွန်းလွဲပိုင်းတွင် စစ်ကိုင်းမြို့၊ စစ်ကိုင်းစက်မှုဇုန်ရုံး အစည်းအဝေးခန်းမတွင် ကျင်းပပြု လုပ်သည့် စစ်ကိုင်းစက်မှုဇုန်အတွင်း လုပ်ကိုင်ဆောင်ရွက်နေသည့် လုပ်ငန်းရှင်များနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် မိမိတို့တိုင်းဒေသကြီး အစိုးရအဖွဲ့အနေဖြင့် စစ်ကိုင်းစက်မှုဇုန် ဖွံ့ဖြိုးတိုးတက်ရေးအတွက် လုပ်ငန်းများပူးပေါင်းဆောင်ရွက်ပေးနေမှု အခြေအနေများအား ရှင်းလင်းပြောကြားသည်။

ယင်းနောက် စစ်ကိုင်းစက်မှုဇုန် ဥက္ကဌ ဦးကိုကိုမြင့်က စစ်ကိုင်းစက်မှုဇုန်အတွင်း လုပ်ကိုင်ဆောင်ရွက်နေသည့် လုပ်ငန်းအခြေအနေများနှင့် တိုင်းဒေသ ကြီးအစိုးရအဖွဲ့ အနေဖြင့် ပံ့ပိုးကူညီဆောင်ရွက်ပေးရန်လိုအပ်မှု လုပ်ငန်းအခြေအနေများအား ရှင်းလင်း တင်ပြသည်။

ဆက်လက်၍ စစ်ကိုင်းစက်မှုဇုန်အတွင်း လုပ်ကိုင်ဆောင်ရွက်နေသည့် လုပ်ငန်းရှင် များက မိမိတို့လုပ်ကိုင်ဆောင်ရွက်နေသည့် လုပ်ငန်းအခြေအနေများအား အသီးသီး ရှင်း လင်းတင်ပြကြသည်။

ထို့နောက် တိုင်းဒေသကြီး အစိုးရအဖွဲ့ဝင်များက စက်မှုဇုန်အတွင်း လုပ်ကိုင်ဆောင် ရွက်နေသည့် လုပ်ငန်းများနှင့်ပတ်သက်၍ ဖြည့်စွက်ဆွေးနွေး တင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ညှိနှိုင်းပေါင်းစပ် ဆောင်ရွက်ပေးကာ နိဂုံးချုပ်အမှာစကား ပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှု ဇုန်ရှိ တစ်ရက်လျင် ၅၀ ကီလိုဂရမ်အိတ် ၁၀၀၀ ထုတ်လုပ်နေသည့် “သုတသုခ” ကွန်ပေါင်း မြေဩဇာထုတ်လုပ်ရေး စက်ရုံသို့ရောက်ရှိရာ စက်ရုံတာဝန်ခံမှ ကွန်ပေါင်း၊ ယူရီးယား၊ ဂျစ်ပ်ဆန်၊ နိုက်ထရိုဂျင် “ဇာမဏီ”နှင့် “ဗလ”တံဆိပ်တို့ဖြင့် ဓါတ်မြေဩဇာအမျိုးမျိုး ထုတ် လုပ်နေမှုလုပ်ငန်း အခြေအနေများနှင့် ပတ်သက်၍ Power Point ဖြင့် ရှင်းလင်းတင်ပြ သည်။

ယင်းနောက် တိုင်းဒေသကြီး ဝန်ကြီးချုပ် ဓါတ်မြေဩဇာအမျိုးမျိုးထုတ်လုပ်နေမှု များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကုန်ကြမ်းပစ္စည်း များသိုလှောင်ထားရှိမှု၊ ဓါတ်မြေဩဇာ အဆင့်ဆင့်ထုတ်လုပ်နေမှုများနှင့် ထုတ်ပိုးနေမှုများ နှင့် ဓါတ်ခွဲခန်းအတွင်း ဓါတ်ခွဲစမ်းသပ်မှုတို့အား လိုက်လံကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းစက်မှုဇုန် အတွင်းရှိ “ချယ်ရီပွင့်” ပရိဘောဂပစ္စည်းထုတ်လုပ်နေမှုလုပ်ငန်းခွင်သို့ ရောက်ရှိရာ စက်ရုံတာဝန်ခံမှ စားပွဲ၊ ထိုင်ခုံ၊ ကုတင်၊ ဗီရို အမျိုးမျိုးထုတ်လုပ်နေမှု လုပ်ငန်းများအား လိုက်လံ ရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရ သည်။