မုံရွာ၊ အောက်တိုဘာ ၃

ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းတိုင်းဒေသကြီး၊ စစ်ကိုင်းမြို့၊ တကောင်းရပ်ကွက်၊ သစ္စာစေတီ ဘုရားပရဝုဏ်အတွင်းရှိ သံ၊ ဂုဏ်၊ ပ၊ မ ဆုတောင်းပြည့်စေတီတော်နှင့် အောင်ချမ်းသာ ဆုတောင်းပြည့်စေတီတော် ရွှေထီးတော်ဘုံအဆင့်ဆင့်နှင့် စိန်ဖူးတော်တင်လှူခြင်း အခမ်းအနားကို အောက်တိုဘာလ ၃ ရက်၊ နံနက်ပိုင်းက အဆိုပါစေတီတော်ရင်ပြင်တွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ရပ်ကွက်နေပြည်သူများ တက်ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဘုရားကန် တော့၍ အခမ်းအနားအား ဖွင့်လှစ်ကြပြီး စစ်ကိုင်း မြို့၊ တကောင်းရပ်ကွက်၊ တကောင်းကျောင်းသစ် သက်တော်ရှည်ဆရာတော် ဘဒ္ဒန္တသာသနဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက ငါးပါးသီလခံယူ ဆောက် တည်ကြသည်။

ယင်းနောက် ဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေ သကြီးအစိုးရအဖွဲ့ဝင်များနှင့်ဇနီးများက စိန်ဖူးတော်နှင့် လှူဖွယ်ဝတ္ထုပစ္စည်းများအား ဆက်ကပ်လှူဒါန်းကြသည်။

ဆက်လက်၍ စစ်ကိုင်းမြို့၊ မြို့နယ်သံဃနာယကအဖွဲ့ ဥက္ကဌ၊ ပြည်တော်အေးကျောင်းတိုက် ဘဒ္ဒန္တပညာဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဧည့်ပရိတ်သတ်များက အနုမောဒနာ တရားနာယူကြည့်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ “ဗုဒ္ဓ သာသနံ စိရံ တိဌတု”သုံးကြိမ်ရွတ်ဆိုဆုတောင်ပြီး အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက မင်္ဂလာအချိန်ကျရောက်သည့်နှင့်တစ်ပြိုင်နက် သံ၊ ဂုဏ်၊ ပ၊ မ ဆုတောင်းပြည့်စေတီတော်နှင့် အောင်ချမ်းသာ ဆုတောင်းပြည့်စေတီတော် ရွှေထီးတော်ဘုံအဆင့် ဆင့်နှင့် ငှက်မြတ်နားတော်၊ စိန်ဖူးတော်တို့အား တင်လှူပူဇော်ကြပြီး အမွှေးနံ့သာရေများပတ်ဖျန်းကာ ရွှေမိုးငွေမိုးများ ရွာသွန်းဖြိုးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာ ဝန်ရှိသူများသည် စစ်ကိုင်းမြို့၊ မြို့တော်ခန်းမတွင် ကျင်းပပြုလုပ်သည့် (၂၆)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲသို့သွားရောက်ယှဉ်ပြိုင်မည့် စစ်ကိုင်းတိုင်းဒေသကြီး ကိုယ်စားပြုပြိုင်ပွဲဝင်အသင်းထံ အောင်နိုင်ရေးအလံ ပေးအပ်ပွဲအခမ်းအနားသို့ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြိုင်ပွဲဝင်အနုပညာရှင်များအနေဖြင့် မိမိတို့ပါဝင်ယှဉ်ပြိုင်ရမည့် ဘာသာရပ်အား ဆရာကြီး/ဆရာမကြီးများ သင် ကြားပြသထားသည့်အတိုင်း ကျွမ်း ကျင်ပိုင်နိုင်စွာဖြင့် ယှဉ်ပြိုင်နိုင်အောင် ပြင်းပြင်း ထန်ထန်လေ့ကျင့်ယှဉ်ပြိုင်သွားကြရန် လိုအပ်ပါကြောင်း၊ ပြိုင်ပွဲဝင်များအား သင်ကြားပြသပေးသည့် အနုပညာရှင်ကြီးများ၊ မိဘအုပ်ထိန်းသူများ၏ ကျန်းမာရေး၊ နေထိုင်ရေး၊ စားသောက်ရေး၊ ဝတ်စုံများဝတ်ဆင်ရေးကအစ လုပ်ငန်းကိစ္စအရာအားလုံးအား မိမိတို့တိုင်းဒေသကြီးအစိုးရအဖွဲ့အနေဖြင့် အလေးအနက်ထား ကြိုတင်စီမံမှုများဖြင့် ပြည့်စုံအောင် လုပ်ဆောင်ပေးလျက်ရှိပါကြောင်း၊ အုပ်ချုပ်နည်းပြများနှင့် ပြိုင်ပွဲဝင်များအနေဖြင့် ယခုကာလရာသီဥတုသည် မိုးနှောင်းကာလဖြစ်သည့်အတွက် ရာသီဥတုက ပူလွယ်၊အေးလွယ် အပြောင်းအလဲ မြန်ဆန်လွန်းခြင်းကြောင့် ဖျားနာရောဂါ၊ တုတ်ကွေးရောဂါနှင့် နှာစေး ချောင်းဆိုး ရောဂါများ မဖြစ်ရလေအောင် တစ်ဦးချင်း၏ ကျန်းမာရေးအား အလးထား ဂရုစိုက်နေထိုင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က (၂၆) ကြိမ်မြောက် မြန်မာ့ရိုးရာယဉ် ကျေးမှု အဆို၊ အက၊ အရေး၊ အတီးပြိုင်ပွဲသို့ သွားရောက်ယှဉ်ပြိုင်မည့် စစ်ကိုင်းတိုင်းဒေသကြီးကိုယ်စားပြု ပြိုင်ပွဲဝင်အဖွဲ့အုပ်ချုပ်သူထံ အောင်နိုင်ရေးအလံအားပေးအပ်ပြီး ပြိုင်ပွဲ ဝင်အနုပညာရှင်၊ဝါသနာရှင်များက ပြိုင်ပွဲဝင်ရန် အသင့်ပြင်ဆင်လေ့ကျင့်ထားသည့် အဆို၊ အက၊ အတီးများဖြင့် ဧည့်ခံဖျော်ဖြေမှုများအား ကြည့်ရှုအားပေးခဲ့ကြပြီး အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွှေမင်းဝံရပ်ကွက်၊ လေ့ကျင့်ရေးအထက်တန်းကျောင်းရှိ “ပညာ့ရောင်ခြည်”ခန်းမတွင် ကျင်းပပြုလုပ်သည့် ကျောင်းပြင်ပပညာရေး(မူလတန်း NFPE/အလယ်တန်း NFME) ဖွင့်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က ယနေ့ဖွင့်လှစ်မည့် ကျောင်းပြင်ပပညာရေးမှ ဆရာ၊ဆရာမများအနေဖြင့် သင်တန်းမှပို့ချပေးလိုက်သည့် သင်ကြားနည်းစနစ်များအတိုင်း ပညာသင်ယူခွင့်ပြတ်တောက်နေသည့် လူငယ်များအား စိတ်ရှည်စွာပြုစုပျိုး ထောင်ရင်း ထိရောက်အောင်မြင်သည့် သင်ကြားမှုဖြစ်အောင် ကြိုးပမ်းသင်ကြားပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက ကျောင်းပြင်ပပညာရေး (မူလတန်း NFPE/အလယ်တန်း NFME)ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားပြီး ဗဟိုအဆင့်နည်းပြသင်တန်း တက်ရောက်ခဲ့သည့် နည်းပြဆရာမ၁ဦးက သင်တန်း ဆိုင်ရာ လုပ်ငန်းစဉ်များအား ရှင်းလင်းတင်ပြသည်။

ဆက်လက်၍ တိုင်းဒေသကြီး သယံဇာတရေးရာဝန်ကြီးက ကျောင်းပြင်ပပညာရေး (မူလတန်း NFPE/အလယ်တန်း NFME)သင်တန်းသား/သင်တန်းသူများထံ ငွေကျပ် - ၁၀ သိန်းအားပေးအပ်ချီးမြှင့်ပြီး တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါကျောင်းဝန်း အတွင်းရှိသက်မှတ် စာသင်ဆောင်များတွင် ကျောင်းပြင်ပပညာရေး (မူလတန်း NFPE/ အလယ်တန်း NFME) Level-1 to Level 2 သင်ကြားနေမှုများအား လိုက်လံကြည့်ရှုခဲ့ကြ ပြီး တာဝန်ရှိသူများနှင့်အတူ ကျောင်းသား/ကျောင်းသူများအား ကျောင်းသုံးဗလာစာအုပ် များနှင့်စာရေးကိရိယာများအား ပေးအပ်ချီးမြှင့်ခဲ့ကြောင်း သိရသည်။

မုံရွာ၊ အောက်တိုဘာ ၁

စစ်ကိုင်းတိုင်းဒေသကြီး၊ (၆၁)နှစ်မြောက် မြန်မာနိုင်ငံရဲတပ်ဖွဲ့နေ့ အခမ်းအနားကို အောက်တိုဘာလ ၁ ရက်နေ့၊ နံနက်ပိုင်းက မုံရွာမြို့ရှိ ချင်းတွင်းခန်းမတွင် ကျင်းပပြု လုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ အနောက်မြောက်တိုင်းစစ်ဌာန ချုပ်မှ တာဝန်ရှိသူများ၊ တိုင်းဓဒသကြီး/ခရိုင်/မြို့နယ်အဆင့် ဌာနဆိုင်ရာများ၊ မြန်မာနိုင်ငံ ရဲတပ်ဖွဲ့ဝင်များနှင့်ဇနီးများ၊ ထူးချွန်ဆုရရဲတပ်ဖွဲ့ဝင်များ၊ ရဲတပ်ဖွဲ့ဝင်အငြိမ်းစားများနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာနိုင်ငံရဲတပ်ဖွဲ့အနေနဲ့ (၆၁)နှစ်တာ ကာလတစ်လျှောက် ရင်ဆိုင်ကြုံတွေ့ခဲ့ရသည့် အခက်အခဲနှင့် စိန်ခေါ်မှုများ အပေါ် အောင်မြင်စွာ ကျော်လွှားဖြတ်သန်းရင်းရရှိခဲ့သည့် အတွေ့အကြုံများအား သင်ခန်း စာအဖြစ်ရယူပြီး မြန်မာနိုင်ငံရဲတပ်ဖွဲ့၏ ရည်မှန်းချက်တာဝန် ၄ ရပ်ဖြစ်သည့် “ပြည်တွင်း လုံခြုံရေးနှင့် ရပ်ရွာအေးချမ်းသာယာရေး၊ တရားဥပဒေစိုးမိုးရေး၊ မူးယစ်ဆေးဝါးအန္တရာယ် တားဆီးကာကွယ်ရေး၊ ပြည်သူ့အကျိုးပြုလုပ်ငန်းများ ဆောင်ရွက်ရေး”တို့ကို အောင်မြင် အောင် အကောင်အထည်ဖော် ဆောင်ရွက်သွားရမည် ဖြစ်ပါကြောင်း၊ ရဲတပ်ဖွဲ့ဝင် အဆင့် တိုင်းသည် မိမိရရှိထားသည့် ရာထူး၊လုပ်ပိုင်ခွင့်များအား တလွဲအသုံချခြင်းနှင့် အဂတိပြု လုပ်ခြင်းများကို ရှောင်ကြဉ်ပြီး လုပ်ထုံးလုပ်နည်းများနှင့်အညီ ဆင်ခြင်တုံတရားရှိရှိ ဆောင်ရွက်နိုင်သည့် တပ်ဖွဲ့ဝင်ကောင်းများဖြစ်အောင် ကျင့်ကြံဆောင်ရွက်သွားကြရန် မှာ ကြားလိုပါကြောင်း၊ ဒါမှသာရှေ့ဆက်မည့် လုပ်ငန်းတာဝန်များအား အကောင်အထည် ဖော်ဆောင်ရွက်သည့်အခါ အဂတိကင်းရှင်းပြီး ကိုယ်ရည်ကိုယ်သွေးပြည့်ဝသည့် တပ်ဖွဲ့ ဝင်များအဖြစ်နှင့် မြန်မာနိုင်ငံရဲတပ်ဖွဲ့ဂုဏ်အား ထိန်းသိမ်းမြှင့်တင်ပေးနိုင်မည် ဖြစ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီးရဲတပ်ဖွဲ့မှူး ရဲမှူးကြီး နိုင်လင်းက မြန်မာနိုင်ငံရဲတပ်ဖွဲ့ ရဲချုပ်၏ သဝဏ်လွှာအား ဖတ်ကြားသည်။

ဆက်လက်၍ တိုင်းဒေသကြီး ဝန်ကြီးချုပ်က တစ်ဆင့်မြှင့်ရာထူးရရှိသူ ၂ ဦးနှင့် အမှုထမ်းကောင်းဆု ရရှိသူ ၁ ဦးတို့အား ဆုတံဆိပ်များအား လည်းကောင်း၊ တိုင်းဒေသ ကြီး တရားသူကြီးချုပ်က တစ်ဆင့်မြှင့်ရာထူးရရှိသူ ၁ ဦးနှင့် စွမ်းစွမ်းတမံဆောင်ရွက်ခဲ့မှု ဆုရရှိသူ ၁ ဦးတို့အား ဆုတံဆိပ်များအား လည်းကောင်း၊ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီးက တစ်ဆင့်မြှင့်ရာထူးရရှိသူ ၁ ဦးနှင့် ကျပ်သိန်းပေါင်း ၁၀၀၀၀ နှင့် အထက် မူးယစ်ဆေးဝါးဖမ်းရမိသူ ၁ ဦးတို့အား ဆုတံဆိပ်များအား လည်းကောင်း၊ တိုင်းဒေသကြီး လူမှုရေးရာဝန်ကြီးက မှုခင်းဖော်ထုတ်ဖမ်းဆီးမှု ဆုရရှိသူ ၁ ဦးနှင့် ကျပ် သိန်းပေါင်း ၁၀၀၀၀ နှင့်အထက် မူးယစ်ဆေးဝါးဖမ်းဆီးရရှိသူ ၁ ဦးတို့အား ဆုတံဆိပ် များအား လည်းကောင်း၊ အနောက်မြောက်တိုင်းစစ်ဌာနချုပ် ဦးစီး ဗိုလ်မှူးကြီး(စစ်ရေး)မှ မှုခင်းဖော်ထုတ်ဖမ်းဆီးမှု ဆုရရှိသူ ၁ ဦးနှင့် ကျပ်သိန်းပေါင်း ၂၀၀၀၀ နှင့်အထက် မူးယစ် ဆေးဝါး ဖမ်းဆီးရရှိသူ ၁ ဦးတို့အား ဆုတံဆိပ်များအား လည်းကောင်း ပေးအပ်ချီးမြှင့်ကြ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက (၆၁)နှစ်မြောက် မြန်မာနိုင်ငံရဲတပ်ဖွဲ့နေ့ အထိမ်းအမှတ် Video Click အားကြည့်ရှုအားပေးကြပြီး ဆုရရဲ တပ်ဖွဲ့ဝင်များနှင့်အတူ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ခန်းမအတွင်း ပြ သထားသည့် တိုင်းဒေသကြီး/ခရိုင်/မြိုု့နယ် ရဲတပ်ဖွဲ့ဝင်များ၏ ပြည်သူ့လုံခြုံရေးလုပ်ငန်း များဆောင်ရွက်မှုများနှင့် မူခင်းဖော်ထုတ်ဖမ်းဆီးရရှိမှု မှတ်တမ်းဓါတ်ပုံများအား လိုက် လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် မုံရွာမြို့၊ အမှတ်(၂)အခြေခံပညာအထက်တန်းကျောင်းဝန်းအတွင်းရှိ သလ္လာဝတီခန်းမ တွင်ကျင်းပပြုလုပ်သည့် ကျောင်းပြင်ပပညာရေး(မူလတန်း NFPE/အလယ်တန်း NFME) ဖွင့်ပွဲအခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က တိုင်းဒေသကြီးအတွင်းရှိ ကျောင်းနေအရွယ် ကလေးအားလုံးပညာသင်ကြားရေး အစီအစဉ်တစ်ခုခုတွင် ပညာဆက်လက်သင်ယူနိုင် ခွင့်ရရှိပြီး စဉ်ဆက်မပြတ် ပညာသင်ယူနိုင်မည့် အခွင့်အလမ်းများ ရရှိစေရန်ရည်ရွယ်ပြီး ကျောင်းပြင်ပပညာရေးအား အကျိုးရှိပြီး ထိရောက်ဆန်းသစ်သည့် စီမံခန့်ခွဲမှုများဖြင့် ကြိုးစားဆောင်ရွက်သွားကြရမည် ဖြစ်ပါကြောင်း၊ ယနေ့ဖွင့်လှစ်မည့် ကျောင်းပြင်ပပညာ ရေးမှ ဆရာ၊ဆရာမများအနေဖြင့် သင်တန်းမှပို့ချပေးလိုက်သည့် သင်ကြားနည်းစံနစ်များ အတိုင်း ပညာသင်ယူခွင့်ပြတ်တောက်နေသည့် လူငယ်များအား စိတ်ရှည်စွာပြုစုပျိုး ထောင်ရင်း ထိရောက်အောင်မြင်သည့် သင်ကြားမှုဖြစ်အောင် ကြိုးပမ်းသင်ကြားပေးသွား ကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက ကျောင်းပြင်ပပညာရေး (မူလတန်း NFPE/အလယ်တန်း NFME)ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားပြီး ဗဟို အဆင့်နည်းပြသင်တန်း တက်ရောက်ခဲ့သည့် နည်းပြဆရာမ ၁ ဦးက သင်တန်းဆိုင်ရာ လုပ်ငန်းစဉ်များအား ရှင်းလင်းတင်ပြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကျောင်းပြင်ပ ပညာရေး (မူလတန်း NFPE/အလယ်တန်း NFME)သင်ကြားရေး Video Clip အားကြည့်ရှု အားပေးကြပြီး တိုင်းဒေသကြီး လူမှုရေးရာဝန်ကြီးက ကျောင်းပြင်ပပညာရေး (မူလတန်း NFPE/အလယ်တန်း NFME)သင်တန်းသား/သင်တန်းသူများထံ ငွေကျပ် - ၁၀ သိန်းအား ပေးအပ်ချီးမြှင့်ကာ တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကြ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါကျောင်းဝန်း အတွင်းရှိသက်မှတ် စာသင်ဆောင်များတွင် ကျောင်းပြင်ပပညာရေး (မူလတန်း NFPE/ အလယ်တန်း NFME) Level-1 to Level 2 သင်ကြားနေမှုများအား လိုက်လံကြည့်ရှုခဲ့ကြ ပြီး တာဝန်ရှိသူများနှင့်အတူ ကျောင်းသား/ကျောင်းသူများအား ကျောင်းသုံးဗလာစာအုပ် များနှင့်စာရေးကိရိယာများအား ပေးအပ်ချီးမြှင့်ခဲ့သည်။

အဆိုပါ ကျောင်းပြင်ပ ပညာရေး(မူလတန်း NFPEနှင့် အလယ်တန်း NFME)သင် တန်းအား တိုင်းဒေသကြီးအတွင်းရှိ ကလေးမြို့နယ်၊ ကသာမြို့နယ်၊ စစ်ကိုင်းမြို့နယ်၊ ချောင်းဦးမြို့နယ်၊ မုံရွာမြို့နယ်၊ ရွှေဘိုမြို့နယ်နှင့် အရာတော်မြို့နယ်များတွင် ကျောင်း သား/ကျောင်းသူ စုစုပေါင်း ၁၆၄၀ ဦးအား သင်ကြားပေးသွားမည် ဖြစ် ကြောင်းသိရ သည်။

မုံရွာ၊ အောက်တိုဘာ ၂

စစ်ကိုင်တိုင်းဒေသကြီးအတွင်း အကြောင်းအမျိုးမျိုးကြောင့် ဖွင့်လှစ်နိုင်ခြင်းမရှိ သည့် အခြေခံပညာကျောင်းများ ပြန်လည်ဖွင့်လှစ်နိုင်ရေး လုပ်ငန်းညှိနှိုင်း အစည်းအဝေး ကို အောက်တိုဘာလ ၂ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ တိုင်းဒေ သကြီးအစိုးရအဖွဲ့ရုံးရှိ အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေ သကြီး/ခရိုင်/မြို့နယ် ပညာရေးမှူးများနှင့် မုံရွာမြို့နယ်အတွင်းရှိ အခြေခံပညာကျောင်း များမှကျောင်းအုပ်ကြီးများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ အခြေ ခံပညာကျောင်းများအားလုံး ရာနှုန်းပြည့်ဖွင့်လှစ်နိုင်ရေးနှင့် ကျောင်းနေအရွယ်ကလေး များအားလုံး အခြေခံပညာကျောင်းများသို့ တက်ရောက်ကာ အေးချမ်းစွာဖြင့်ပညာသင် ကြားနိုင်ရေးအတွက် စီမံအုပ်ချုပ်ရေးအဖွဲ့များ၊ ဌာနဆိုင်ရာများ၊ ပညာရေးမှူးများနှင့် တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ ပညာ ရေးမှူးများနှင့် ကျောင်းအုပ်ကြီးများအနေဖြင့်လည်း မိမိခရိုင်/မြို့နယ်များအတွင်းရှိ အခြေ ခံပညာကျောင်းများအား ကျောင်းဥပတိရုပ်ကောင်းမွန်စေရေး၊ ကျောင်းများသန့်ရှင်းသပ် ရပ်စေရေး၊ ကျောင်းဆောင်အဆောက်အဦများ ကြံ့ခိုင်မှုရှိစေရေး၊ သင်ထောက်ကူနှင့် ကျောင်းပရိဘောဂပစ္စည်းများ ပြည့်စုံမှုရှိစေရေးတို့အား ရပ်ရွာပြည်သူများ နှင့်ပူးပေါင်း ကာအလေးထားဆောင်ရွက်သွားကြရန် လိုအပ်ပါကြောင်း၊ မိမိတို့တိုင်းဒေသ ကြီးအစိုးရ အဖွဲ့အနေဖြင့် လိုအပ်သည်များအား ဖြည့်ဆည်းပေါင်းစပ် ဆောင်ရွက်ပေးသွားမည် ဖြစ် ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက တိုင်းဒေသကြီးအတွင်းရှိ ခရိုင်/မြို့ နယ်များတွင် အခြေခံပညာကျောင်းများ ဖွင့်လှစ်သင်ကြားနေမှုနှင့် ကျောင်းသား/ကျောင်း သူများ စိတ်အေးချမ်းသာစွာဖြင့် ပညာသင်ကြားနေမှု အခြေအနေများအား လည်း ကောင်း၊ မုံရွာခရိုင်/မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများက မိမိတို့ ခရိုင်/မြို့နယ်များအတွင်းရှိ အခြေခံပညာကျောင်းများ ဖွင့်လှစ်သင်ကြားနေမှု အခြေအနေ များအား လည်းကောင်း ဆွေးနွေးတင်ပြကြသည်။

ဆက်လက်၍ မုံရွာမြို့နယ်အတွင်းရှိ အခြေခံပညာကျောင်းများမှ ကျောင်းအုပ်ကြီး များမှ မိမိတို့တာဝန်ယူထမ်းဆောင်နေသည့် ရပ်ကွက်/ကျေးရွာများအတွင်းရှိ အခြေခံ ပညာကျောင်းများ၏ စီမံအုပ်ချုပ်ရေးလုပ်ငန်းများ၊ သင်ကြားရေးလုပ်ငန်းများ၊ ကျောင်း ဆောင်အဆောက်အဦများ ကြံ့ခိုင်မှုအခြေအနေများနှင့် ကျောင်းပရိဘောဂပစ္စည်းများ ပြည့်စုံလုံလောက်မှု အခြေအနေများအား ရှင်းလင်းတင်ပြကြသည်။

ဆက်လက်ပြီး အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်း အကြောင်းအမျိုးမျိုးကြောင့် ဖွင့်လှစ်နိုင်ခြင်းမရှိသည့် အခြေခံပညာကျောင်းများ ပြန်လည် ဖွင့်လှစ်နိုင်ရေးအတွက် လိုအပ်သည်များကို ဖြည့်စွက်ဆွေးနွေး အကြံပြုတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူ များ၏ ရှင်းလင်းဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရ သည်။

မုံရွာ၊ စက်တင်ဘာ ၂၉

၂၀၂၅-၂၀၂၆ ဘဏ္ဍာရေးနှစ်၊ စစ်ကိုင်တိုင်းဒေသကြီး အသေးစားစက်မှုလက်မှု လုပ် ငန်းဦးစီးဌာနမှ ဖွင့်လှစ်လျှက်ရှိသည့် ပုံမှန်ကာလတိုအသက်မွေးဝမ်း ကျောင်း သင်တန်းများထဲမှ တန်ဖိုးမြှင့်စားသောက်ကုန် (Bakery)အမျိုးမျိုး ထုတ်လုပ်နည်းပညာသင်တန်းဆင်းပွဲ အခမ်းအနားကို စက်တင်ဘာ လ ၂၉ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ အသေးစားစက်မှုလက်မှုလုပ်ငန်းဦးစီးဌာနရုံးရှိ Incubation Centre တွင် ကျင်းပရာ သင် တန်းဆင်းပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်း ပြများနှင့် သင်တန်းသား/သူ များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယခုလိုသင်တန်းများ ဖွင့် လှစ်သင်ကြားပေးခြင်းအားဖြင့် လူစွမ်းအားအရင်းအမြစ်များ ဖွံ့ဖြိုးတိုးတက်လာမည် ဖြစ်သကဲ့သို့ အလုပ်အကိုင်အခွင့် အလမ်းများလည်း ပေါ်ပေါက်လာမည်ဖြစ်ပါကြောင်း၊ သင် တန်းသား/သင်တန်းသူများအနေဖြင့်လည်း မိမိတို့သင်ယူခဲ့သည့် ပညာရပ်များအား အသုံးချပြီးကိုယ်ပိုင်လုပ်ငန်းများထူထောင်လုပ်ကိုင်သွားပါက နိုင်ငံတော်၏ MSME လုပ်ငန်း များ ဖွံ့ဖြိုးတိုးတက်ရေးနှင့် သွင်းကုန်အစားထိုး ပို့ကုန်အမယ်များ မြှင့်တင်ခြင်းကိုလည်း အထောက် အကူပြုမည် ဖြစ်ပါကြောင်းနှင့် သင်တန်းမှပို့ချပေးလိုက်သည့် သင်တန်းစာများ အားလက်တွေ့ပြန်လည်အသုံးချပြီး အောင်မြင်သည့် လုပ်ငန်းရှင်များဖြစ်အောင် ကြိုးစား ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာ ဝန်ကြီးက တန်ဖိုးမြှင့်စားသောက်ကုန် (Bakery)အမျိုးမျိုး ထုတ်လုပ်နည်းပညာသင်တန်းသို့ တက်ရောက်ခဲ့ကြ သည့် သင်တန်းသား/သင်တန်းသူများကိုယ်စား သင်တန်းသူတစ်ဦးထံ သင်တန်းဆင်း လက်မှတ်များပေးအပ်ပြီး တိုင်းဒေသကြီး စီးပွားရေးရာ ဝန်ကြီးက သင်တန်းမှရရှိသည့် ထုတ်ကုန်ပစ္စည်းများအား သင်တန်းသူတစ်ဦးထံ ပေးအပ်ခဲ့သည်။

ဆက်လက်၍ တန်ဖိုးမြှင့်စားသောက်ကုန် (Bakery) အမျိုးမျိုး ထုတ်လုပ်နည်း ပညာသင်တန်းသို့ တက်ရောက်ခဲ့ကြသည့် သင်တန်းသား/သင်တန်းသူများကိုယ်စား သင် တန်းသူတစ်ဦးက ကျေးဇူးတင်စကား ပြန်လည်ပြောကြားပြီး တာဝန်ရှိသူများနှင့်အတူ စု ပေါင်းမှတ်တန်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများကသင်တန်းသား/သင်တန်းသူများကိုယ်တိုင် ပြုလုပ်ထားသည့် တန်ဖိုးမြှင့်စားသောက်ကုန် (Bakery) အမျိုး မျိုးတို့အားကြည့်ရှုခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများက တိုင်းဒေသ ကြီး၊ အသေးစားစက်မှုလက်မှုလုပ်ငန်းဦးစီးဌာနရုံးရှိ စားသောက်ကုန်အမျိုးမျိုးအား စား သုံးသူများဘေး အန္တရာယ်ကင်းရှင်းစေရေးအတွက် ဓါတ်ခွဲခန်းအတွင်း လိုက်လံကြည့်ရှုခဲ့ ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲ ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် ၁၃၈၇-ခုနှစ်၊ သီတင်းကျွတ်ပွဲတော် စည်ကားသိုက်မြိုက်စွာ ကျင်းပပြုလုပ်နိုင်ရေး လုပ်ငန်းညှိနှိုင်းအစည်းအဝေးသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၁၃၈၇-ခုနှစ်၊ သီတင်းကျွတ် ပွဲတော်အား စည်ကားသိုက်မြိုက်စွာဖြင့် အောင်မြင်စွာ ကျင်းပနိုင်ရေးအတွက် ဖွဲ့စည်းတာဝန်ပေးအပ်ထားသည့်ကော်မတီ များအနေဖြင့် ပေးအပ်ထားသည့်တာဝန် များအား ကျေပွန်စွာထမ်းဆောင်သွားကြရန်နှင့် ဌာနများအချင်းချင်း ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ အစည်းအဝေးသို့ တက်ရောက်လာကြသူများ အနေဖြင့်လည်း လိုအပ်သည်များ ဖြည့်စွက်အကြံပြုဆွေးနွေးသွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် ကျင်းပရေးဦးစီးကော်မတီ ဥက္ကဌ တိုင်းဒေသကြီး လူမှုရေးရာ ဝန်ကြီးက ၁၃၈၇-ခုနှစ်၊ သီတင်းကျွတ်ပွဲတော် စည်ကားသိုက်မြိုက်စွာ ကျင်းပပြုလုပ်နိုင် ရေးအတွက် ကော်မတီများဖွဲ့စည်းထားရှိမှုနှင့် လုပ်ငန်းများစီမံ ဆောင်ရွက်ထားရှိမှုများ အား Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများမှ မိမိတာဝန်ယူဆောင် ရွက်မည့်ကော်မတီများအလိုက် ၁၃၈၇-ခုနှစ်၊ သီတင်းကျွတ်ပွဲတော် စည်ကားသိုက်မြိုက် စွာကျင်းပပြုလုပ်နိုင်ရေးအတွက် အခမ်းအနားပြင်ဆင်ရေး၊ စတုဒီသာကျွေးမွေးရေး၊ မီးပုံး ပျံလွှတ်တင်ရေး၊ ဖိတ်ကြားရေးနှင့်ကြိုဆိုနေရာချထားရေး၊ သယ်ယူပို့ဆောင်ရေး၊ ပြန် ကြားရေးနှင့်သတင်းထုတ်ပြန်ရေး၊ ကျန်းမာရေး၊ လုံခြုံရေးနှင့် စည်းကမ်းထိန်းသိမ်ရေး လုပ်ငန်းများ ကြိုတင်ဆောင်ရွက်သွားမည့် အခြေ အနေများအား Power Point ဖြင့် အသီးသီးရှင်းလင်းတင်ပြကြသည်။

ဆက်လက်ပြီး အစည်းအဝေးသို့ တက်ရောက်လာကြသည့် တိုင်းဒေသကြီးအစိုး ရအဖွဲ့ဝင်များနှင့် မုံရွာမြို့ပေါ်ရှိ ဘုရားစေတီများမှ ဂေါပကအဖွဲ့များ၊ ကိုယ်ပိုင်ကျောင်း များ၊ ကိုယ်ပိုင်ဆေးရုံများ၊ လုပ်ငန်းရှင်များနှင့် ရပ်ကွက်အုပ်ချုပ်ရေးမှူးများက ၁၃၈၇-ခုနှစ်၊ သီတင်းကျွတ်ပွဲတော် စည်ကားသိုက်မြိုက်စွာ ကျင်းပပြုလုပ်နိုင်ရေး လုပ်ငန်းများ နှင့်ပတ်သက်၍ လိုအပ်သည်များ ဖြည့်ဆည်းဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူ များ၏ဆွေးနွေးတင်ပြချက်များအပေါ် လိုအပ်သည်များ တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ စက်တင်ဘာ ၂၆

၂၀၂၅-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက် (၂၅) နှစ်အောက် အမျိုးသမီးဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနားကို စက်တင် ဘာလ ၂၆ ရက်၊ ညနေပိုင်းက မုံရွာမြို့၊ ပြည်သူ့အားကစားကွင်းတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရား သူကြီးချုပ်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်များနှင့် အခြေခံ ပညာကျောင်းများမှ ကျောင်းသား/ကျောင်းသူများ၊ နည်းပြများနှင့် ပြိုင်ပွဲဝင်အားကစား သမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ အခမ်းအနားသို့ တက်ရောက်လာသူများက တိုင်းဒေသကြီး အားကစားနှင့် ကာယပညာဦးစီးဌာနမှ ဝန်ထမ်းများ၏ Fitness Dance အကဖြင့် ဖျော်ဖြေမှုအား ကြည့်ရှု အားပေးကြပြီး ဗိုလ်လုပွဲစဉ်အဖြစ် မုံရွာခရိုင် အမျိုးသမီးဘောလုံးအသင်းနှင့် ဟုမ္မလင်းခရိုင် အမျိုးသမီးဘောလုံးအသင်းတို့ ယှဉ်ပြိုင်ကစားနေမှုများအား ကြည့်ရှုအားပေးရာ မုံရွာခရိုင်အသင်းမှ ဟုမ္မလင်းခရိုင်အသင်းအား ၃ ဂိုး ၁ ဂိုးဖြင့် အနိုင်ရရှိသွားသည်။

ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး လမ်းပန်းဆက် သွယ်ရေးဝန်ကြီးက Fitness Dance အကအဖွဲ့အား ဂုတ်ပြုချီးမြှင့်ငွေများ လည်းကောင်း၊ တိုင်းဒေသကြီး လူမှုရေးရာဝန်ကြီးက ပွဲစဉ်တစ်လျှောက် အကောင်းဆုံးဂိုးသမား ဆုရရှိသူအားဂုဏ်ပြုချီးမြှင့်ငွေနှင့်ဆုတံဆိပ်အား လည်းကောင်း၊ တိုင်းဒေသကြီး စီးပွားရေးရာ ဝန်ကြီးက ပွဲစဉ်တစ်လျှောက်အကောင်းဆုံး အားကစားသမားဆုရရှိသူအား ဂုဏ်ပြုချီးမြှင့် ငွေနှင့်ဆုတံဆိပ်အား လည်းကောင်း ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက ပူးတွဲတတိယ ဆုရရှိသည့် ကသာခရိုင်အသင်းအား တစ်ဦးချင်းဆုတံဆိပ်များနှင့် ဂုဏ်ပြုချီးမြှင့်ငွေကျပ်-၃ သိန်းအား လည်းကောင်း၊ တိုင်းဒေသကြီး တရားသူကြီးချုပ်က ပူးတွဲတတိယဆုရရှိသည့် ကလေးခရိုင်အသင်းအား တစ်ဦးချင်းဆုတံဆိပ်များနှင့် ဂုဏ်ပြုချီးမြှင့်ငွေကျပ်- ၃ သိန်းအား လည်းကောင်း ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်၏ဇနီးက ဒုတိယဆုရရှိသည့် ဟုမ္မလင်းခရိုင် အသင်းအား တစ်ဦးချင်းဆုတံဆိပ်များနှင့် ဂုဏ်ပြုချီးမြှင့်ငွေကျပ် - ၅ သိန်းအား လည်း ကောင်း၊ တိုင်းဒေသကြီး ဝန်ကြီးချုပ်က ပထမဆုရရှိသည့် မုံရွာခရိုင်အသင်းအား တစ်ဦး ချင်းဆုတံဆိပ်၊ ဂုဏ်ပြုချီးမြှင့်ငွေကျပ် ၇ သိန်းနှင့် တံခွန်စိုက်ဆုဖလားအား လည်း ကောင်း ပေးအပ်ချီးမြှင့်ခဲ့ကြပြီး တာဝန်ရှိသူများနှင့်အတူ စုပေါင်းမှတ်တမ်းတင်ဓါတ်ပုံ ရိုက်ကူးခဲ့ကြောင်း သိရသည်။

မုံရွာ၊ စက်တင်ဘာ ၂၅

၂၀၂၅-ခုနှစ်၊ ပါတီစုံဒီမိုကရေစီ အထွေထွေရွေး ကောက်ပွဲ အောင်မြင် စွာကျင်းပနိုင်ရေးအတွက် လုပ်ငန်းညှိနှိုင်းအစည်းအဝေး(၂/၂၀၂၅)ကို စက်တင်ဘာလ ၂၅ ရက်၊ နံနက်ပိုင်းတွင် စစ်ကိုင်း တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး ရွေးကောက်ပွဲကော်မရှင် အဖွဲ့ခွဲ ဥက္ကဌနှင့်အဖွဲ့ဝင်များ၊ မုံရွာခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌနှင့် ခရိုင်/မြို့နယ် ရွေးကောက်ပွဲကော်မရှင်အဖွဲ့ဝင်များ တက်ရောက်ကြပြီး တိုင်းဒေသကြီး အတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်း ခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများက Video Conferencing စနစ်ဖြင့် တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း ဖွဲ့စည်းတာဝန်ပေးအပ်ထားသည့် ကော်မရှင်အဖွဲ့ခွဲများအနေဖြင့် ယခုကျင်းပမည့်ရွေး ကောက်ပွဲကြီးအား ဥပဒေနှင့်အညီ ဝိုင်းဝန်းပူးပေါင်း ကြပ်မတ်ဆောင်ရွက်သွားကြရန် လို အပ်သကဲ့သို့ ရွေးကောက်ပွဲတွင်အဓိကကျသည့် မဲစာရင်းများမှန်ကန်ရန်အတွက်လည်း အုပ်ချုပ်ရေးအဖွဲ့များနှင့်ဌာနဆိုင်ရာများမှ တာဝန်ရှိသူအားလုံးက ရွေးကောက်ပွဲကြီး အောင်မြင်အောင် ဌာနများအချင်းချင်း ပူးပေါင်းဆောင်ရွက်သွားကြရန် လိုအပ်ပါကြောင်း၊ ရွေးကောက်ပွဲ ကျင်းပပြုလုပ်ရာတွင် ထားရှိရမည့်မဲရုံများအား သက်ဆိုင် ရာ ဒေသ/ခရိုင်/ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၊ ကော်မရှင်အဖွဲ့ခွဲများမှ ညှိနှုင်းပြီး စနစ်တ ကျ လျာထားဆောင်ရွက်သွားကြရန် လိုအပ်ပါကြောင်း၊ ယခုအစည်းအဝေးသို့ တက် ရောက်လာကြသည့် တိုင်းဒေသကြီးအစိုးရအဖွဲ့ဝင်များနှင့် ကော်မရှင်အဖွဲ့ခွဲဝင်များအနေ ဖြင့်လည်း ရွေးကောက်ပွဲနှင့်စပ်လျဉ်း၍ လုံခြုံရေး၊ ဘဏ္ဍာ ရေး၊ သယ်ယူပို့ဆောင်ရေးနှင့် မဲရုံမှူး၊ မဲရုံအဖွဲ့ဝင်များ ခန့်ထားရေးနှင့်ပတ်သက်ပြီး မိမိတို့သက်ဆိုင် ရာ ကဏ္ဍအလိုက် အကြံပြုဆွေးနွေးတင်ပြသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ရွေးကောက်ပွဲကော်မရှင်အဖွဲ့ခွဲ ဥက္ကဌနှင့် အတွင်းရေး မှူးတို့က တိုင်းဒေသကြီးအတွင်းရှိ ခရိုင်/မြို့နယ်များအတွင်း ၂၀၂၅-ခုနှစ်၊ ပါတီစုံဒီမိုကရေစီ အထွေ ထွေရွေးကောက်ပွဲ အောင်မြင်စွာကျင်းပနိုင်ရေးအတွက် ရွေးကောက်ပွဲဆိုင်ရာ အချက်အလက်များ၊ လွှတ်တော်ဖွဲ့စည်းဆည်းခြင်း၊ မဲဆန္ဒနယ်သတ်မှတ်ခြင်း၊ ကော်မရှင် အဖွဲ့ခွဲအဆင့်ဆင့် ဖွဲ့စည်းထားရှိမှု၊ MEVM စက်များ ဖြန့်ဖြူးပေးထားမှု အခြေအနေများနှင့် ရွေးကောက်ပွဲကျင်းပရန် ကြိုတင်ပြင်ဆင်ဆောင်ရွက်ထားရှိမှု အခြေအနေများအား ရှင်း လင်းတင်ပြကြသည်။

ဆက်လက်၍ တိုင်းဒေသကြီး လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန တိုင်းဒေသကြီးဦးစီးမှူးက မဲစာရင်းများအားအခြေခံသည့် လူဦးရေစာရင်းဆိုင်ရာကိစ္စရပ် များ ဆောင်ရွက်ထားရှိမှု အခြေအနေများအား ရှင်းလင်းဆွေးနွေးပြောကြားသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး ရဲတပ်ဖွဲ့မှူးတို့က တိုင်းဒေသကြီးအတွင်း ၂၀၂၅-ခုနှစ်၊ ပါတီစုံဒီမိုကရေစီ အထွေထွေ ရွေးကောက်ပွဲအောင် မြင်စွာကျင်းပနိုင်ရေးအတွက် လုံခြုံရေးကြီးကြပ်မှုဆိုင်ရာများ၊ MEVM မဲပေးစက်များ ဖြန့် ဝေထားရှိမှုများနှင့်နည်းပညာအထောက် အကူပြုဆိုင်ရာ သင်တန်းများဖွင့်လှစ်ပို့ချမှု အခြေ အနေများ ဆောင်ရွက်ထားရှိမှုများအား ဖြည့်စွက်ဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ် ချုပ်ခွင့်ရဒေသ၊ ကလေး ခရိုင်၊ ကသာခရိုင်၊ ကောလင်းခရိုင်၊ ကန့်ဘလူခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ များက Video Conferencing စနစ်ဖြင့် လည်းကောင်း၊ မုံရွာခရိုင် စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌတို့က မိမိခရိုင်များအတွင်းရှိ မြို့နယ်များအတွင်း ၂၀၂၅-ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရေးအတွက် လုပ်ငန်း များကြိုတင်ပြင်ဆင်ဆောင်ရွက်ထားရှိမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ဆက်လက်ပြီး အစည်းအဝေးသို့ တက်ရောက်လာသူများက ၂၀၂၅-ခုနှစ်၊ ပါတီစုံဒီမို ကရေစီအထွေထွေရွေးကောက်ပွဲ အောင်မြင်စွာကျင်းပနိုင်ရေးအတွက် လုပ်ငန်းများ ဆောင်ထားရှိမှု အခြေအနေများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့သည်။